DAMTAK IN MANGPHA__NUNLUI NGAI LOU AW

By: Alex Guite

(Requested by Ngaihvung Guite)

#simtute adia theihtuak: hiai story phuahtawm vilvel,min kibang kha hiam ahihkeileh tangthu kibang kha ana omtak le zong coincidental , tup mawng ahi kei .

....Banghang mimbang a piang ka hiam?Lungzuan ngaihtam sial lel ding a simleitung a ka hong pian .....Bangteng gen mah leng lia keimah selung maw man hi, hon ngaidam in, na itna neucik lel leng kei adia mun awm ta lou ding maw.. ci in Chingboi tuh khasetak in a lupna tung ah a ki ngaihtuah vungvung mai. A lawm leh vual te lah nun nuam solbang hei in a nuamthei bang pen a hun zatsawm uh hileh kilawm in a swm vengvung ua, huai zan zaw Chingboi adin a haksa ngei ngai, a lawmte lah Christmas carol a pai in a ciau vengvung mai ua, amah adin bel zalkhuntung ah maimit singlou in liamsa noplai nite geel in a hun a zangbeita mai a,..!!

Huciin zingkhua hongvak in Chingboi leng ahong thou khe narhnarh a, a zan a a ihmutloh ziak toh amit bang na asa a, a awmdan nuamlo pi toh, nungak khat ahih ziak a zingkar va lup niloh lah ahitheikei ngal a, hucia bathroom a maikhawng phiat a kihahsiang a awmlai in a mounu uh (a upa zi) in "Ching na lawmnu Merry hong hoh "..cih hon hilh leh amah leng common room lam a hong pai phei le a lawm nu Merry ana tu a, Merry in Ching bangci e na mit la bok a bang threithruai a.. zannitak carol ah na hong pai ut kei na a, anopdan..! Hon cihleh amanle "bangmah cikeng zanitak ka ihmu hak ahi, ahoihvoi ei hong tel theikei leng le noubek in nop nasak ua leh hon ci leh merry in apaulai tuh in" ..E.. Ching thuthak khat na thei hia.? bangkhat U MUAN toh ESTHER newyear zoh date 7 hiam a daan a kiteng di ci uh eive..! hon cih phut leh Chingboi le alungsim thakhat a hon phawng lua ahihman in.. a gen di pen leng a thei zok kei a, anuailam nga in.. kua gen eita lawm??.. a honcih kawm in a aw hong liing piansim ahihman in Merry in zong a lawmnu a hehpih thak mahmah a, E zanitak mi genkhat kaza zual ahi .. ci in adangtam a genpih ut nawnkei hi.. Merry hong pau in .." Ching tuni tuailai ten biakinn a social work, biakinn sung khawng cheina awm di ahi, advance christmas a di, nong hoh teitei d ahi, annek khamciah kon tawn di o".. kana pai phot di, neklim..!

Huciin peihlou sim himahleh alawmnu'n hah zot lua ahihman in Chingboi leng social work din biakinn lam ah hong kuanta uhi. Alawm leh vual te lah kithaloptak in biakinn sung khawng chei in a buai mahmah mai ua, amah adi'n zaw a sep peuh thanopna himhim a lungsim ah om thei kei. Hucia biakinn sung a thiltuamtuam sem a a omlai un kong lam apat pasal pau gingkhat hon zata a, aman zong hon et pheileh a UMUAN nungak bangzah hiam toh hong kitonlut tuh hon mu a, khovel a lamdang ta ngei mai. Nidang a zaw biakinn hoh, pawt koimun peuh a hoh uale a Umuan toh kitawn gige, tua lah amah thakhengtu dia numei huaizah ..!! Bangmah a lungsim a a ngaihtuah theita himhim kei, etna ding zong theilou in a omdan ding le a theimahmah lou a nuailam ah a kun mai hi. MUANPU te le hong lut in nuam honsa zuazua hial uhi.. Chingboi inlah a mel a et ngam mahmah kei a, nidang a ana itpen inlah kam khat inle a houpih kei, houpih le zong dawng ngam takpi ding adiam. Huciin Chingboi leng omna peuh ningkitel leh thabei a om ahihman in a lawmnu kiang ale bangmah genlou in innlam ah ana pai hi. Inn hong tung room ah lut ngal in lupna tung hong tung ngal hi. Sen gual te nun nuam a leng mahle amah adin zaw zalkhun tung a ngaihtam sialna lel in a hun hon zang ta mai. Houlung tuak a ngabang i leenlai nite sial sial leng lah ka sial za in tam, lia ka lungzuan heh nem mai ve maw UMUAN..cihloh ngal amah adia kihehnepna ding himhim lah omta ngal kei hi.

Hun-le-nite pailiam zungzung ahihman in Hondamtu pian ni christmas bang tuang hong tung petmah ding lah ahi ngal a, kuapeuh kithaloptak in hun nuam cu zang ding in a kisa bemten uhi. Chingboi adi'n zaw mite' hun nuam pen amah adin haksatni, nunlui ngaihni leh gentheih ni ding mah a bang. Amel hoihna tengteng lah paak vul ningniang mah a bang ta mai.!!Lailung zuan hehnem ding simleitung munpeuh ah amah adin om nawn ding hiam? Kumsawt adia chibang kong tel ngaih nangmah hilou na hiam umuan?? ..huciin mi khempeuh kithalop in christmas lawm in a buai vengvung uhi. Chingboi bel kikhawm din le kuaman lah a zon zou ta kei ua. Christmas ann ne ding na ngawn inleng Chingboi tuh a sungkuante'n a tonpih zoukei uhi.

Nitak hong hita. Dak 9 hon gin in muncih mualcih a lenkhawm gin hong ging tilril mai zaw, Chingboi a din kipahna na sang in lungzuan zatam sial a laikhuntung a luankhi nul na lel ahi ta mai. Kumdang a zaw leenkhawm a kuan masapen leh a kithalop pen hi gige. Lupna tung a lum ngaihtam sial a awm kawm a photo album te hon phen le kum masa a advance christmas, christmas leh new year leh zan lenkhawm na a a lawmte leh a na itpen UMUAN toh kikawi a alimlak te hon pholh khe kha zaw, thuak hak asa ngei, khamzoh vual in a biang nou tak apan khitui hong luang zungzung mai zaw, a mah le amah akihehpih ngei. A limte a banban a en in khamtoh vualloh mittui a mai ah hong luang zungzung mai zaw, genthei leh lel liang a kisa mahmah mai, a lungzuan behlaptu ding in biakinn a lenkhawm gingte leh kholak a mite christmas laa kilawmtaktak a ngaih te uh lah a ngaihmahmah ngal a, hucia khat tang a kingaise tawp a awm, akhenciah sihmai ut zaw hial in hong awm mai zaw.. lung gim na, aw lunggim na zankhua, nopna ni suak lou ding hita hiam, ka hinkhua, aw genthei ka hinkhua, sang gah kei din hin thaman omkei cia kap kawm a lupna tung ah hong lum mai zaw.. ahaksa asa ngei mai.!! amah adin zaw silent night , holy night ahi ngeimai..!!hunle nite amah thu a mualliam sakthei hileh a liamsak ut ngeimai..!

Hucia lupna tung a kingaihtuah vungvung a awmlai in innkawng lam apat 'Ching, Chingboi"..ci a kikou ging hon zata a, amah leng hong thoukhia in, a puanza khat hon silh a, a hong dingtouh leh a lawmnu Merry common room ah ana pau a, Merry in zong alawmnu hong pawtkhe hak sa ahihman in a room a honglut leh a lawm ngaihtak Chingboi lupna tung a na tu amu a, lawm bangci e? na mit a kawt ngei.. bangci e Ching?? hong o pawt di, kou inn a Umuan te'n sang hong kang dek uh ahi. Nang nong tel alou theilou ci uh ahi.. ci a kithaloptak a hong zawn ta hi.. Amanlah gen ding atheimahmah kei. Ahong pau dek ciang in a aw asuak khe zok theikei. Chingboi a aw hongsuak khe thei khawngkhawng in "lawm ka peih mahmah kei nou ana kang mai un aw" honcih le Merry inle zawnkhe zou dia aki gintaklohman in a paisan ta mai hi. Merry te leh alawmte banah MUANPU, ESTHER le mitampi in sang kang in a buaimahmah ua, Chingboi bel belhding neilou giakmoh va pengpelep bang mai in zalkhuntung ah khattang in hun a zang hi.. Merry in a guk a Muanpu houpih a ut tinten ah lah a lawmte awmvek ahihman un hun remchang muh ahaksa mahmah mai.. hucia omlai un Muanpu konglam a zuntha dia pawt hon muhtak in Merry inle delhzui in innkong ah "UMUANPU, Chingboi bangci lawmlawm a a mel lah a daang deuhdeuh mai, kava muh khak teng alah akap khinphet bang gige eive, mak kasa lotel, ka hehpihlua"..honci a MUANPU in bel bangmah in a dawngkei , atawptawp in theizou ta khang maw Mer khovel paidan".. honcih le Merry in zong "UMUANPU, Chingboi in hon text a a inn uh hongpha pheizual inci a, bang gen ut nei adiam ah"a cihle Muanpu inle kenle kon zui ding, i nih in iva pha di ci in a nih un Chingboi te innlam ah hon paiphei ta ua, innkong uh hon tun in Chingboi pen inn compound ah puanvom khat khu in ana tu tuh hon galmuh ua, MUANPU inleng Mer hiah gate mai ah kana ngakding ci in amahcauh hon lut ta a, Chingboi amah kia a tu hon muhtak in va naihpah a akiang ah va tu in "Ching bangci e votsa lou maw innkong ah nang kia in na na tu'a acihleh aman zong "Mer kon subuai hia, kisuanlah huai e zan nungnung inle nong pai a'.. hilele ka kipak lua non poimoh ngaih a, Merry inle" poizenzen lou Ching, subuai mahmah lou, nang lah hong tellou cin a nuam kasa tuan hetkei" hon cihleh Merry in le a puankawm apat thilkhat hon la khia in "Mer hehphtak in hiai lemlak te UMUAN kiang ah hon na piak kik sak teitei mai ve maw. Hiai limlak te kei kiang a awmsung teng kei hon gentheisak leh hon kap saktu a pang zaw di ahi"ci a aw liing derder kawm a hon gen le Merry in le 'i maw Ching, UMUANPU le gate pua a awm eive amahkiah na piak utleh "hon cita a, Chingboi inle a lungsim hon hangsan sak in" awle "ci in gate mai ah hon pai a...... 

Muanpu kiang hong tuntak in Chingboi tuh kihangsan sak tak pau tum in ' Umuan hiai lemlak te keibang leltak kemtak ka hi kei'hon cih patpat le a aw hong liing gai ahihman a sunzom thei nawnkei a.. a mittui khamzohvual loh a biang a hong luang ahihman in akua zaw sam pau awm lou in a dai zikzik mai a,...."..kei zaw nang adia mi huat huai pen, puansia bangbang a zatna bei mi kih dak huai ..cihle pauthei nawn a ki diik hiphip kawm a a lemlakte MUANPU khut ah piak hon thuah mai zaw.! MUANPU pasal kisatak ngial leng a diip a hong hawm mahmah mai a .." Ching kei ka hi zaw mi huat huai tawp, mi kihdak huai, mi vangsia pen tun nawn itna siangtak leh nawn itna ataktak mah ahi cih kathei khia "a hon cih patpat le Chingboi in leng "kei it huai mahmah lou, kuamah it tak le ka hi kei, zatna bei ... keizaw ka hinkhua hicia beimai ding ahi. Nangcu nuamtak in non zangdia, nop nasakni pen hi in na dahni khua ah le hon thei gige sam in aw.. MANGPHA DAMTAK IN _nangzaw NUNLUI NGAI IN LUANKHI NULLOU AW..kipaktak in!best of luck"ci kawm in amittui apuan a nul kawm in innsunglam ah atailut ta hi.. Merry lah akiang a tu kawm in a lawmnu thugente a zak in amit tui ana nulnul mai.. MUANPU lah gen ding theilou in a ding dildel mai. Merry hong dingtou in 'UMUANPU..paimai ni'ci in hon paiphei ua. Kuamah pau zaw sam omlou in Merry te inn hng tung ta uhi..

MERRY te inn ah Esther leh alawmte ana chiau vengvung ua, kong hong lut ualeh 'lawmlawm nou te gel koi a va vakmang uh la?" ana ci souhsouh mai uh.. alakah Esther in hehcimel deuh in koi a va hoh uh e taktak a, na hoh na ding ulah genlou'a cihle Merry in 'ka fon kava recharge zual hi, keicauh ka utkei a UMUANPU ka zot' ci in hon dawng le hong daipah vanglak hi. MUANPU lah alungsim khat a kipah di hia, lungkham d hia, dah di hia, nuih ding hia cih na tawm a theizou kei a, Chingboi thugente in alungsim koihiam khat sukha mahmah ahi ding.. hucia kipaktak a ciamnuih bawl tawh, anui toh dur zen a ahong om zuazua lai un innkong lam ah gari a hong ging a, Merry te innkong ah a kham ging hon zata ua, kuate hipeuh mah ding uhiam ci a bildohtak a ahong omlai un kong hong kikiu a, innteknu MERRY in ava hong le R0BERT leh a lawmte mi 3 zu nam philphel ngen ahi ua, Merry inle "hong lut uou" cihle amau le honglut pah uhi.

Merry in U R0BERT bangcik a hong tung e? a cihle amanle ESTHER en kawm in tuni dak 2 vel in cihle din hon thuah in "lawmte kuapeuhmah ngaihsiam zual, hiaitak a ka honglut phut na ziak ahihle ESTHER ka houpih nop na khat omzual a ahi, anyway u guys carry on" ci kawm a Esther kiang a kong a pawt dia amit a sign a bawl le Esther utlo ahihman in R0BERT inle tomkha cauh na lut nawn pah di acihle Esther leng tua sang a aw ngaihzaw in 'UTLOU KA CIH LE HON GEN TEITEI DAH MAI IN ROBERT' hon cihle a lawmte nui zuazua lai bang hong dai zot hial uhi. MUANPU inbel thil bangteng theilou bang in a lawmte toh kihoulim in ana buai zawta a, himahleh pilvangtak in bel ana en khe ton tung hi. R0BERT leh ESTHER kihouna hong sangsim ta in thakhat thu in Robert in ESTHER fon laksak in "HIAI F0N PICK UP LOH DI BANG DI LA.? HA.? TUNI BANGZAH VEI MAWNGMAWNG KA MISS CALL NA MU? HIAI MUN A ATUAM A PROG NA NEIHZIAK EIVE MAW, 0 KATHEISIAM" cia gen leh Esther fon cu tuanglai ah paih hon thuahta, a fon pen kitheh darh mai hi. Miteng in Robert leh Esther te lam hon mitsuan zawta uh. ESTHER inbel kamkhat inle a dawng ngamkei, anuailam nga in a kuun dedu a, MUANPU adi'n bel zakthadah huai mahmah ding hi. Amah mai a a nungaknu hicia hong kibawl, ahihhang in a bul apat pilvangtak a ana en khe giugiau ahihna ah hehna a zong la lou in, lamdangsak in dim hi. ESTHER leh Robert kihouna apat in amau nih kar ah thu kiselgu liantak om ahi cih a cian ban ah a fon a paikhap sak hial le zong Esther dai dide thei a om maw. MUANPU adin thilzum huai leh mualphou huai top ahi mai. A itpen, a ngaihzawng ci a kisuang tak a a awmlai ua midang in hucia kineisaktak a hong bawl pen Muanpu adin kivelthakna ding thil om ahihdan hon theisak hi.

Ahimhim thu in bel MUANPU leh ESTHER a ki theihtuah na uh sawt law nailou hi.. ESTHER pen Delhi ah awm a, MUANPU ahihleh muntuam om hi. Huaileng fon a kithei masa, tutung christmas suty a ataktak a kitheihtuahna hon nei pan hilel uhi. MUANPU in bel adiktak in kum 3 paisa apan CHINGBOI toh ki it ki ngai, kiteng ding natan hial a thuciam ana bawlpih kha ngei uhi. Ahih hang in Chingboi toh kitheihsiamlohna khenkhat ziak a ESTHER ana ngaihbawl ahi hi. ESTHER bangci bang mi hi a, Muan huai ding hia, lungkhamna, buaina hon tun tu in hong pang kha ding hiam cihte himhim ana sui khalou takpi mah hi..a heh ziak hiam? Ahihkeileh Chingboi a engbawl utziak a Esther ana ngaih hiam cih aman zong theizou lou hi. A ngaihtaktak hilou pi inlah kiten na di thu natan ana sawm pih ding in gintak huailou hi..Huciin ROBERT in le esther kiang ah "kei diklou ka hia, nangjok hia ana kingaihtuah o" ci in a potkhe ta uhi.. ESTHER in lah gen ding bangmah a thei nawntuan kei a, MUANPU inle gending bangmah a theituan kei. Ahi a MUANPU adin bel ki ngaihtuahna tham pi khat ahi .. hucin a sangkang ten lah ngeina bang in nuam asa thei nawn taktak kei uh. Gending, houlim ding pen tak ngial leng a thei nawnkei ua, innlam a pai ut deuh pen uh hileh kilawm hi.. hucia hong awmlai un innteknu Merry hong paukhia in "AMAK E U R0BERT LE ZU KHAWNG HONG NAM THEI TA MAWK" a cihle adang tenle eimah voi maw honci thei lel uhi. ESTHER adin bel zumna leh zahlakna a dim ahihman in thil tampi genseloh in SELGUK THUGIL PUAKZAK toh bangbang ahita mai.

Muanpu bel mi chingkamtak ahihman in thu tam leng dong ut sese lou. Huci'n sang kang te'n zong amau innlamciah ah pai hon sawm in mangpha kikhak tuah in mahni innlamciat hon zuan ta uhi. MUANPU in ahihleh ESTHER a inn uah va khak tum in lampi ah hong kitawn uhi. Hucia a kua zawsam pau omlou a hong pai lai un ESTHER hong pau in "UMUAN den a pen na heh law di maw, keile ka heh lotel, huai R0BERT in Delhi a ka awmlai uapat hon ngaihbawl niloh ka ngaihsak hetkei leh heh hi d ahi" hon cihle Muanpu inle"bang heh na di zong omtuan kei," ci in dawng lel hi. Adiktak a gen in ESTHER leh R0BERT bel kumkhat phial paita a Delhi a awmkhawm, ana kingai leh thilbang kim kikop a ana om uh ahi hi. MUANPU toh bel fon a kithei, tu tung a kitheihna taktak na bawl pan ahi uh.

MUANPU toh fon a hon kitheih uapat ESTHER in Robert cu nin bawl in hepkhiak di dan ana zong ana hileltak hi. ESTHER fon a paih siatsak zong Robert in ana leisak ahi. Ahih hang in Muanpu in Esther hunlui ana suikhak loh pen a buaina hong kipan ding in hong kilang panta hi. ESTHER in bel ROBERT hong tun ma a MUANPU toh hun a zat utziak a bangmah genlou a Robert pen innlam a na paisan dan ana hi. ROBERT pen a sepna a buaiden leh suty mu theipah lou ahihman a, amuh phetphet a innlam a hong lengsuk ngal ahi hi. ESTHER in bel Robert taisan ngam taktak ding in zong up huailou hi. Ahihhang in Muanpu toh bel kitatsat lou a itna thu ana gen uh hizel hi. Diklel a gen in bel MI ZULHZAU cih ding h lel hi. MUANPU takpi zong Chingboi engbawl utziak maimai a ESTHER ana ngaih mah bang hi.

Alehlam ah Chingboi bel ihmu thei mahmah lou, laikhuntung a lungzuan zatam toh, lupna apan hon thou khia in a dak a va et leh zinglam dak 1:30 ana gingta, zuntha dia kawng ava pawt leh van a aksi leh solkha tang silsial te amah adia lungzuan behlaptu ahi mai hi. Hucia innsung lam a lutdia akisakleh a agate mai ua numei leh pasal pau kawm leh nuikawm a hong pai hon gal muhta a, aman zong a etleh MUANPU leh ESTHER kikawi kawm a hong pai ana hi uh. Street light vak lua ahihman in tua mi te kimuciang mahmah lel hi. Chingboi in zong a et khak sese a kisik mahmah hi. A mai hei in innsung ah kintak in a lut pah hi... zingkar hong hihtak in Chingboi leng hong thoukhia kihahsiang a awmlaitak a a fon hong ging a va etleh Guwahati a u nu apasal leh atate toh awm, call ana hi a, a lak le a unu'n newyear amau inn a hong zang teitei din zon a, flight ticket leng booking sa a ana koihsak dan khawng hon gen hi.

Chingboi bel a koi mun hilezong kilopna neilou hi. himahle lungsim neukha hong zang tuan deuh na ahihkhak leh ci in 'aw' ana ci ta hi. A zingciang Dec 28 in Chingboi zong a lawmte kuamah hilh sese lou in Guwahati lam ah lengsuk ta hi. .khovel zaw a kilamdang ta ngei mai. Nidang a christmas leh kumthak hun te a ngaklah pen leh nuamsa pen hi a, tua lah mite'n hiai hun nuam zang dia gamlampi apan hon naih liailiai lai ua amahbel inn gamlat deuhdeuh, mundang zuan a zinkhe mai.. ESTHER toh Muanpu kiten ni ding ci a alawmnu MERRY in a gen jan 7 ni lah hong nai deuhdeuh dia, huaini ding zaw a ngaingam mahmah kei, inn a awmloh mah hoihzaw in hon ngaihtuah zel hi.. ahi a Merry in zong ana theihkhelh ana hi, ESTHER in MUANPU te'n jan 7 khawng a singpi hong khai di cia a kihoulim na uh MERRY in kiteng di cidan a ana za in huaipen CHINGBOI kiang ah ana gen kha zomah hi..

Hucia nite khollou a pai liam zungzung ahihman in Jan 31, kumlui khak ni bang hong tungta. Nungak tangval te kithalopna bel sun a biakinn kai sang in zong zan hun prog. midnite services, lenkhawm, akhente lawmte toh sangkang, kholai a awm cih te hi zaw hi. Sun hun hong beita, nitak hong hita a, MUANPU inbel ESTHER toh tunitak a nuamthei bang pen a zang di ci in nektheih tampi lei in MERRY te inn ah ready sa diam in va koih a, nitak midnite prog pen biakinn a ESTHER toh va tel a, huaizoh MERRY te innlam a hun a nuamthei bang pen a zat dia lungsim ah prog neisa diam in ana koih hi. Hucia kikhop bang topta, nitak dak 9 bang gingta in, muncih mualcih ah lengkhawm ging kisa duamduam hi.

MUANPU bel a nalh thei pen a hng kichei in tua zoh ESTHER call a lenkhawm na lam hoh sawm ahi. Nalh a kisak bang pen a hong kichei zou, hong pawt khia, ESTHER no.hon dial leh 'SWITCH 0FF' kici mawk. Lamdang salua.!! A dial thakthak lele switch off ngen kici ahihman in aman zong a battery bei hin teh ci a Esther te inn lam kindeuh in hon zuan ta hi. Innsung a hong lut, ESTHER mulou ahihciah a sungte kiah 'ESTHER la omlou hia??' a cihle amau ' denlam a a lawmte toh lengkhawm dia pawt khia eive' ci uh ahihman in Robert in "kua te toh e? 'a cih "kana enkha kholsam ua, alawmte'n innkong a hong ngak ua hucia ka leng di ci a pot ahi' hon cih uh. Amahle lungdong simta, lah prog bangkim a bawlsa ahihciah biakinn a lenkhwm na munlam ah om inteh ci in huailam hon manohta. Ahi a bangmah genlou a na pawtsan pen MUANPU adin lungdon huai mahmah.

A fon la bangziak a switch off mawk?? cih khawng bangteng hon ngaihtuah in a lung hong kham panta hi. Lenkhopna buk hongtung ta, mi ana tamsim ta uh. MUANPU zong a sung ale lutlou in kongkhat apan mite hon etbawl ciah ESTHER a tel kha hetkei maimah hi. A fon switch off zen a koi a pawt hi ta ding?? hucia kilehkik in MERRY te innlam hon manoh phei a, Merry leh a tangvalpa Khualpu ban ah alawmte mi bangzah hiam toh lampi a hong kituak kha ua, esther omkha hiam ci a adot le MERRY in"tunitak hong kodok hetlou eive, kenlah nangtoh kizui hi di kon ci a' ana cilai zomah. A bang a banghleh MUANPU inle thaduaipi in Merry te loi lenkhopna lam ah ava zui narhnarh ta hi. Himahle va tuam lua mah a bang hi. Merry te bel a ngaihzawngte ciat utoh kizui in, puankhawng kikop in lenkhopna ah tu in nuam asa mahmah ua, MUANPU bel amah cauh in ava tu a, puankop pih ding lah omlou, a ngaihzawng nu ESTHER lah muhphak in omta kei a, akhenciah a guk in CHINGBOI hong lut kha diam aw peuh ci in mi hong lut teng bang ana ban et niloh hi. Ahihhang in amah kilam et bang in kuamah amu ta kei. CHINGBOI hong lut henla amah toh kitukhawm leh cih peuh khawng a ngaihtuah maimah phing hi. Mahleh Chingboi lah mun gamlampi a om ahi cih lah a thei ngal kei.

Om hi hial le zong Chingboi in Sul kik simthu lel ding hiam?? lel ding in zong gintak huai lou hi.. huci'n MUANPU in zong nuamsa lou ahihman in lenkhopna apat pawt in innlam a pai hon sawm zawta hi. ESTHER no.a call ciang alah switch off den ahihman in, hucia thadah pi leh thomhau tak a lampi a hong pai leh numei leh pasal puankhat kikop citcit leh nuamsatak a kikawi, nuikawm a hon pai phei toh hong kituak phut ua, kha vak philphial ahihman in kuate hi peuhmah ding hiam ci a hon et leh a ESTHER leh ROBERT nuamsatak a kikawi phei kawm a hong pai ana hi leltak uhi. MUANPU kiguih zot hial in lamdangsakna toh a diip in "KUM GUK KUM GUK' ci phial din gintak huai hi.. Muanpu lungsim ah bangmah omthei himhim ta kei.. akhenciah khasia mah hong bang nelnal hi. Ahi a amah it tu diktak CHINGBOI lah lungkhamna leh khittui tampi toh a omsak maimah a, CHINGBOI in zaw a damsung in Itna ziak a gentheihna a thuak teng manghilh ngei din gintak huailou hi.

MUANPU le inn hongtung, lungkham kisa lupna a hong lup le a fon ging in MERRY in sang kang dia asapna ana hi hi. Amanleng awle ci in hong thoukhe thak a, MERRY te inn hong tungta, ana awmte'n ESTHER la?? ci a ana dong sauhsauh uh ahihman in gen ding theilou. Huci in MERRY kiang ah MUANPU in awl in "MER hehpihtak in CHINGBOI kanak muh ut e, a lampi hon ngaihtuah sak mai ve" a cihle MERRY in zong awle ci in CHINGBOI te innlam a a nih ua va pai in CHINGBOI te inn ah mi inn lengla ana om vengvung ua Merry in kong va kiu in "CHINGB0I OM HIA "ava cihle anu'n "Guwahati a zin eive" ana cihle amanle a no. la in hong paikik maimah uhi..

MUANPU in chingboi no.la in hon dial leh CHINGBOI in ana pick up pah in nang kua e?? ..acihle MUANPU kisuanglah in gen ngamlou ahihman in MERRY afon toisak in nang gen mai o "a cih leh MERRY inle" ching na inn uh kon etleh nana omkei a, na zin lam lah ana kitheikhalou, na no.la ung a kon kol uhi. Hiah UMUANPU toh kihou o" cihleh fon piak a thua phut a, MUANPU le gen di theizoklou, kisuanlahna toh nervous sim ahihman in "CHING..nang bangcik a ana zin e? maw Ching.? Chingboi pau lou ahihman in MERRY in a fon la thak in, Muanpu leh Esther kiten ding cih pen a theihkhelh dan, banah amau te gel leng tuzan apat kikhenta ahihdan, MUANPU in a kisikdan, amah toh atak a mel a kimuh utdan thilteng Chingboi kiang a agen zoh in fon MUANPU a toisak nawn a.. CHING hehpihtak in kamkhat bek hong pau ve, na hon itdan & ngaihdan katheiciang semsem, ahi a kei diklohna teng nawn ngaihdam kana kinem gige lai. Hon ngailua ka hi. Keimah bol khelh ngen ahi, na ngaihdamna ka tang theilai diam..?? maw honcih leh Chingboi inle kimuan ngamna toh hoihtak a hong paukhe thei in "UMUANPU hun paisa zaw paisa ahita ci in kei ah na lungsim omtengteng tuzan apat ana lakhia ta mai in. Ka thuaksa teng le kei adia huntawk kasa ta. Hehpihtak in nang kon it vang agentheihna ka thuak te tu a bei na hon hisakta mai in.. thilteng sian lemgel louh ci in lungkimdan kisinta mai ni.. a tawp pen in..DAMTAK IN MANGPHA UMUAN_NUNLUI NGAI IN LUANKHI NUL HET KEN AW..MANGPHA.."cihleh fon koih a thuahta. MUANPU adin gen di a vang ngeimai.. Chingboi inlah damsung adia mangpha khak ta mai. ESTHER lah midangtoh nuamsa ngial uh hven.. Muanpu bel deihkop sengvang pua bang in lungkhamna, maizumna leh lungzuan na toh a hinkhua a zangta.. hun sawtpailou new year zoh in Esther leh Robert bel hng ki gu taktak mah in ana kikhenzou kei mah uhi. Chingboi zong nidangpek Muanpu toh akingaihlai uapat a ana ngaimah LALBOI, banking officer, mìhoih mahmah, Delhi a sem in ngaimahmah, anule pa deihsak toh kha nawn february a kiteng ding thu khosung a mite houlimna ahong hita..

#M0RAL:..(Simtu te'n hon ban gelh ua rem)

#BEITA# 

©Siamsinna leh Vakiangbu