KA SIKUL KAILAI HINKHUA
By : Leon Guite
On 18-11-2012, Sunday at 12:29am
Kum 3 vel ding khawng ka phak in sikul kai ka na pan hi. Ka khua ua saptuam JB Sikul ah Nursery a khum in ka om hi. Tu hunlai toh sikul kai dan, klas lakdan natawm kibang lou petmah, Oja khat in pawl 2/3 bang kopkhawm ahih man in kei bang a laisim dan theilou leh a lunglut loute a ding in sikul kai haksa mahmah hi.
Lai kasim utlouh man in kum 3 mawngmawng Nursery ka sual hi. A kum 3na natawm in A AW B natawm ka gelh thei naikei hi. Tuakia hilou in SAW-LE-AW, SAW-LE-AA natawm sintou pah ka hihman un kei ading in sikha laimal sim mah ka bang hi. Ka Oja un laipek sutvang ah laimal khat dawksak in tua laimal hong dawk pen a hon gensak zel hi. Ka lawmte'n thei pahpah uh ahihman un, bubble gum khat lawh zel ua, keipen in bangmah theih nei ngeilou ka hihman in gawtna dan in niteng in Oja samkang bawt in ka pang kha gige hi.
Nursery kum thumna ka hih kum in ka taksa mahleng lian thouta ahi ding a, ka heutunu uh phamta Miss Kaizaching in kum tawp kuan september kha lakvel in kei leh ka lawmte mi 2 toh Paite pau sinna bu a thuvual thum enton kawm in ahon gelh sak a, hoihtak a gelh suak theite klas A ah hon suantou ding ahihdan ahon hilh hi. Ka lawmte nih in gelh khin pah uhi. Kei bel laisim ngeilou ka hih man in etton ding ka ang ah kiphah mah leh gelh ding dan theilou in vasa lem peuh, gari lem peuh ka na gelh zenhouh leh ka Oja uh heh lua in ka lawmte gel klas A ah suantou in kei bel angei mah ah ahon koih hi. Himahleh ka lawmte ngailua ka hih man in, amau kiang ah ka vatu teitei hi. Ka Oja un hong kaih khiak sawm mah leh utlou in ka pang teitei a, ahon kaikhe zoukei hi. Huchi'n tuakum pen ka taksa klas A ah om in, ka min pen Nursery ah om den hi. Lai hoihtak a ana sim pah hileng lawmte bang a deihsakna toh pawl suansak a om ding hi inga, himahleh ka thadah man in deihsaktheih ka hihlouh man in ka Oja uh maipha ka mu ngeikei hi. Himahleh vangphat huaitak in tuahun lai pawlniam lamte ading a LAIVUAN omlou ahiman in klas B ah kisuantou ding a telkhiak a omte lak ah ka telkha zenzen a, huchi'n akum nawn in klas A Sim manlou in A AW B natawm theilou in klas B ah ka tu hi.
Klas B ka hon simtak in gelh ding leh sim ding hong tam mahmah tamawk ahihman in ut leh utlouh thu hita lou in laisim leh gelhdan ka hon zilpan a, a bul apan a zil pahlou ka hihman in haksa kasa mahmah hi. Thil himhim abul ah apat dingdan diktak a i pat louh chiang in haksa mahmah hi. Tua hang in bang peuh hitaleh ahunlai om ahihman in tua ahun pen i bohsiam a, ahunlai mah a i zil a, ihih kisam mahmah hi.
Ka hong kisin taktak tuh, akikhel nungsim a alom a sin ahaksa mahmah hi. Veilong ka hih ziak in taklam a laigelhdan sinsak in ka om a, haksa ka sa petmah hi. Himahleh, ka nu hon hanthawnnate ziakin kilawptak in ka hong kisintou a, tomlou kal in ka hong siampahta hi. Na khatpeuh haksa samah lehang kilawptak leh lungluttak a lungkelou hial a i pan leh kizou teitei hi.
Huchi'n kei leng lunglut tou semsem in ka pawl uah asiamlou pen taikan in ma ka hon sawntou thei zel hi. Nikhat ka Ojanu un numei khat tukhial ahon mukha laizang a, huchi'n sunkhawl suty neupen in pasal teng munkhat ah, numei teng munkhat ah, chi'n a hon koih khawm ua, khekol sungten teng leh tenglou ahon ban et uhi. Tua hunlai in bel khopi a naupang te'n tengkha sam na ve uh. Himahleh kou khua banga khota a tengte a ding in khekol sungten chih phetlouh khekol tawn natawm naupangte'n mang a le kiman phalou ahihman in kuamah a tengkha omlou a, ka vek un gawtna ka tuak uhi. Khekol sungten ten khaklouh ziak a gawt a om masapen leh a omsun kou sikulte hiding in ka um bilbel hi. Gawt a ka omziak un sunkhawlpi in Ojate mi inn ah singpi dawn a a vapai kal un ka u heu in ka lawmte toh ka na guk pai uhi. Tuani pen Ningani hi a, azing Sintawpni pen khekol sungten neihlouh paulam a zang in NUAKNA pan in sikul ka kaikei uhi. Manipur ah bel thil houchik aknou gari in agawi lup khak natawm a NUAKNA pat theih hiven. Kou nuakna pen houlua chih theituan louh ding in um ing. Adangte Nuakna pen lohching hiam theikeng. Ahihhang in kou nuakna pen lohching mahmah in Khekol singten(underwear ) khukchiang pha leisak in ka om pah uhi.
Klas B ka sim lai in, ka Headmaster pa uh a fel mahmah hi. Akhua uh Tangnuam a kipan in kou studentte night visit a hong bawl zou gige hi. Keibel laisim thadah ka hihman in sim utlou a ka kah laitak hong tuakkha veu sek ahihman in bilhek ka tuak gige hi. Laisim utlou a ka kiphin chiang in, ka nute'n headmasterpa hong di ahi nasim keileh na bil hon heksak zel ding ahi chi'n a hon khem zel ua, phatuam mahmah in ka thei hi. Zuaugen pen hoihkei mah leh ahoihlam a i zat leh ei ading in phatuam mahmah thei mawk hi. Bible ah le Diktat lozen ken chih omsam hilou hia... Mataw?
Ka headmster uh sianthouna ngaina mahmah mi ahihman in, sikul kim ah nin a omzek leh ahon hahsiangsak pahpah sek hi. Nikhat laizial sum khat mukha ahihman in naupangte atepgu om ding a muangmawh in pawlsang lam pasal teng sikul kiim a laizial sumbang omteng tomkhawm sak a, atomzoh un a khut uh nam in laizial gimnam kha teng ban zep hi. Laizial sumbang akhut ua tawi uh ahihman un akhut uh laizial gim namvek ahih man in athuak uh kuul hi. Tua hunlai in Ojate zahtakna lian mahmah hi. Tuhun a thiltung hileh buaina lianpi sikul in tuak thei ding in um ing. Ahihhang in, Ojate zahna lianlua ahihman in kuamah in kamkhat inleng sel ngamlou uhi. Ka ngaihtuahkik chiang in tua hunlai a Ojate zahdan in tulai te'n a Ojate uh zahna pia hile uh, mithupi tampi kipiangkheta ding in um ing. Ojate zahtak louhna i kiakniamna uh khat hi in ka mu hi.
Klas I pen ka pa Khup in English Medium sikul a hon honthak ziak in ama nuai ah ka sim hi. Chikmah a theih ngeilouh sim a kihihman in haksa petmah a, abik in SAW-LE-AW mah ah buaina ka tuak nawn hi. Ka theihlouh man in zakhatvei ka gelh ding in a hon pia a, ka gelh zohlouh man in ka khutte gel zakhatvei ahon zep sak hi. Naupang khah ading in gawtna sangtak ahi. Na salua ka hihman in ka kah sawm leh ahon tai beh zomah a, amah ka lauh ziak in kapkhe ngamlou in naa lah sapetmah kawm in ka om liailuai hi. Ka khut tegel vung(bawk) gawp ahihman in ann natawm kei mah in ka kinek thei kei a, anih in khau in ka kuah thoh hi. Nute kiang ah lah kigen ngam lou, aziak thei le uh lah hon taibeh ding uh, hon vuakbeh ut zomah ding uh ahihman in sel theih selmoh in ka sel hi. Himahleh aguh natawm hek ahihman in hong vung gawp a, sel na vual a omkei. Ahon theihtak un, hon hehpih uh ahi ding a, ahon taithoh lel uhi. Tulai in naupang khat tuadan in gawtna pekha tale hang nu-le-pa natawm in Ojate hehsan in a nau uh mudah chi a case bawl sawm tampi om ding hihang. Himahleh, ka ngaihtuah sau chiang in, tuabang a ka Ojate'n gawtna hon na pelou hile uh, tua ka laisim tan sim zou ding in ka kigingta kei. Amau hon hua uh ka sak leh ka tunung hun ding bangtan hiam muhkholhna nei a deihsaktak a gawtna hon pia uh hizaw in ka mu hi.
Gawtna ka tuahte hang leh heutute kipiakzoh nate hang in ma ka sawn mahmah a, kaitung a bangmah theih neilou pa, ka damsung a ding a exam ka piak masakna pen klas I First Division in ka zou khe velvol a, ka klas pumpi uah a nihna in ka pangpha hi. Kei din deihsaktak a gawtna pen ana manpha hina e chi'n tunung a ka ngaihtuah kik chiang in gawt a ka om ka kipak zaw hi.
Klas II in saptuam sikul mah ah ka kai nawn hi. Kou pawl ah numei khat chauh ka nei uhi. Nikhat ka Oja un nih mun khat nihte muhlouh in a hon gelhsak hi. Ka numei neihsun un simkha lou ahihman in gelh theilou in Oja omlouh kal in na en gu hi. Oja a hong paitak in ka na gen pah ua, himahleh lamdang tak in Oja in amah zaw numei amah kia ahi a i ngaidam ding uh chi'n kou a gen teng in gawtna ka muh loh uhi.
Ka Ojate uh khat in kou pawlte let nung a bang hih na ut ua? Chih a hon dot leh ka lawmte uh khat hong dingtou in kintak in SHAKTIMAN DRIVER a hon chi khe kuau mawk hi. Tupna asang leh kiakna leng ana sang mahmah chih tunung in kamu chian mahmah hi.
Pawl III ka sim kum un Ojate khem dan ka hong siam mahmah uhi. Khuga canal ding ka khosung ua hongpai pen a bawlzoh tunglai uh hiven, ka Oja uh upa sim mahmah khat ka thuzoh mahmah ua, kou pawl pasal ngen ka hihman un kithutuak tak in amah hong lut teng in daileng ding in ka kingen gige uhi. Ahon phal gige a, tua chiang in kou pawl teng canal lam ah paisuk in canal sung ah ka lut nainai zel uhi. Canal pen a tung saupi kikhuh om a, asung hawm ah lut in a tawpna lam tan ka va pai zel ua, pawt khiakna ding a mun awng a bawl na te uah kaltouh theih na ding sik kivuahte ah sawt pipi ka va kiluai thei zel uhi.
Teacherte kilau in kizahtak thei mahmah hi. Sim dia a hon piakte uh leh hih ding a hon piakte uh sim louh leh bawllou a om khak chiang in kidop chih a omkei. Tawsaa leh nungzaang dulh zen a sat in aki om gige hi. Kigawt ding lauh man bek in lai kisim a, eimah ah deihna om tak2 kei mah leh Ojate lauhna hang in lai sim kitaima mahmah ahihman in kei a ding in lawk veve hi.
Tulai bang a siamsinna hoih tak ah ana khangkhia hile ung. Kou pawlte na sa mahmah ding hi ung. Aniam pen in Gazetted Officer tanbek tung ding in ka kigingta mawk hi. Aziakbel Ojate thumang in lai hoihtak in na kisimtou a, himahleh ka bulpatna hun ah, apoimawh hun laitak a deihbang a kisin touhna ding ana neilou, vanzat hi in, a tuamtuam hitaleh tasam ka hihman un, abul pankhial mahmah ka suak hi. Nursery ah hoihtak leh chitaktak a ana pantou kha hileng zaw ka chih vungvung ni tampeuh mah hi. Ka na ngeingaih louhna hang in bangmah thupi semsuah zou ding in chitna ka nei zou kei maimah hi.
Pawl IV ka simkum in laisim sang in kimawl ka lunglut zaw hi. Ojate'n gelh ding leh sim ding a hon piakte uh nitak chiah hihmai ning chi in kimawlna mah ka na pibawl zawkha sek hi. Nitak hong hih chiang in gelh ding toh sim ding toh hong kiphunon khawmvek ahihman in, koipen gelh masa ding. Koipen sim masa ding chih ngaihtuahna in hun tampi beiman zel a, kipat pat toh lup hun kituak zel ahih man in bangmah hihman lou in kilum zel mai a, a zingchiang in gawtna toh kimaituah ngai zel in, tua in sikul kai ding hon thadah sak mahmah sek hi.
Khatvei English subject theiloupi in sikul ah ka kuan hi. Sunkhawlpi pen ah lawmte toh suihlum kimawl in nuam ka sa mahmah uhi. Sunkhawl zoh in Miss Grace Kim a hong lut a, homework a hon piakte a hon dong hi. Pasalte athei kuamah omlou ka hihman un khedap suah a tutna tung ah ding ding in a hon sawl hi. Kou leng thumangtak in ka khedap uh suah in ka ding toupah uhi. Himahleh, ka khe uh uih thei lotel mahmah ahihman in sawt hon dingsak theilou in, agim nam zoulou in ahon tusak pah hi.
Kimawlna toh laisim khawm pen ahoih mahmah hi. Himahleh, laisim ding kikhel zen a kimawl pen hoih lawlou hi. Tua hang in kimawl hun theih a, laisim hun theih poimawh mahmah hi.
Ka Ojate uh sunkhawlpi chiang in mi inn ah singpi dawn ding in paikhe thei zel uhi. Huchih hun chiang in kou naupangte ka khua lui uah kibual ding in ka paisuk zel ua, deihkhop a kibual khit chiang in inn ah sun ann kine zel hi. Tuateng ka zoh chiang un sikul kimanawh pan zel a, Ojate hong pai di ana kingak manlai hi. Ka sunkhawlpi sung uh dakkal bangzah a chingzou dia? Theihzawh hilou hi.
Ojate a hong paitak chiang un, amu masasa in Oja la ! Oja la ! Chi'n dak khen ding kituh in dak omna lam ka kidelh huan zel uhi. Dak khetna tawikha masa pen ahampha pen ahimai, ama'n dak khenkha chih kipahman atangzel a, kingaisang mahmah mawk hi. Dak khentu a pankhak bang nak noplua hi'n maw.....
Nikhat ka gang sikulpu a, apanlai hiven. Ka Oja dangte uh hong zekai kha uh ahihman in aman a inn uapan hong au phei in, "Tuni ka damlouh toh sikul suty kapuang hi." hon chiphei bang tuh.... Nung-le-ma etman nang hun a om nawn rengreng kei. Kintak a room lam manoh in ka kikou zak uhi. Sakhau lakhia in kintak leh kipaktak in innlam manawh in ka tai phei uhi. Keileng vasa kap a kuanthei ding chia kipaktak a ka taiphei leh lamkawina mun ah, ka Ojate uh sikul kaidia hong kuante toh thakhat in ka kituak kha uhi. Kei leng suangphom lak ah kisui kha in ka Headmaster pa' uh angtak ah akhup in kapuk suk hi.
Ka Oja un ka bil ah hon man in a hon kaitou a, nou bangziak a ka theihlouh ua sikul apan pai na hi ua? Chi'n heh mahmah kawm in a hon en lelaw maimah hi. Bangmah lah kigen ngamlou ahihman in vasa kap a kuansawmte kha awl a kik in lungkimlou tak in klas ka la nuainuai nawn uhi.
Ka sikul kailai hinkhua ka ngaihsut kik chiang in ka hun zatdante haihuaisim batna om mahleh, kei ding in ana manpha petmah hi. Oja siam taktak, kipezou taktakte nuai ah ana khangkhekha ka hihman in hampha petmah ka suak hi. Ka Ojate lak ah etkolna hoih ka poimawh hun laitak a lampi dik hon kawkmuhtu ka Ojate lak ah ka mangngilh theih louh tamloute Phamsa Sir Khamkhanlun, Phamsa Sir Lalthantluang, Sir Samu (H. Pausonlian), Miss Grace Kim (Kim Vaiphei) te ahi uhi. Amaute'n pawl nih apan pawl nga ka hih tan dong lai hon hilh kha ua, amaute apan in zilkhiak tampi ka nei hi. Itna leh deihsaknate ziak in a hon Sawi ua, amaute ziak a kuamah sawk lou a. Keimah khe a ding thei ka hihman in amaute tung ah kipak mahmah in zahtakna kapia hi.
Pawl sagih apan sawmtan Ebenezer Academy ah 1996-1999/2000 sung ka maban kasun zom leuleu hi. English medium diktak a ka kai patna ahihman in atung in haksa ka sa mahmah hi. Sappau ka theihlouh ziakin klas kisinsaknate ah bangmah ka theithei kei hi. Ka zahkaina mahmah in haksatna tampi a hon guan behlap hi.
Ebenezer ah ka kaitung kum in sikul bag natawm ka neizou pah kei a, polythene a ka laibute tuun in sikul ka kuan zel hi. Klas ah laibu lak khiak ding khawng chiang in ahong ging suatsuat ut se a, ka zum thei mahmah hi. Bak ah, ka lampaina ding Townbus om mahleh, ka zahkai luat ziak in khaam ngam lou a keivuak a khe a ka pai hun a tam mahmah hi.
Ka mangngilh theihlouh khat kon zeptel himhim ding aw. Pawl sawm ka hih kum in. Nikhat ka lawmpa'n Phamsa Thangboi Mangte lasak khat "Eigel Itna" kichi hoih a sak mahmah ziak in lai a gelh khiaksak ding in a hon ngen hi. Ken leng thumangtak in ka gelh pah hi. Himahleh vangsiat huaitak in ka teacherte uh khat in hon mukha zenzen a, last assembly ah ZAWLLA phuak chi'n a hon gawt uhi. Ka sirte uh lak a khat Sir OK (meiteite ahi) in bang honna iplah lomahmah ahi ding a, ka kiangah hong pai in kha pet zen in chiang in a hon ngim gelgawl den hi. Ka phuah hikei mahleh, kei phuah dan a ngoh in ka om a, ka thuak zeek hi. Principal in a thu hon kan a, ka gentak in bangmah tam genlou in "PAI OH" a hon chi a, hampha mahmah khat ka suak hi.
Ka hunluite ka etkik chiang in, haksatna tampi tuak mahleng, ka Ojate apan deihsakna ka ngahtou den a, ka hampha mahmah hi. Athu uh ka mannate ziakin hon panpih in deihsakna toh honna thuhilh touden ua, tua keimah ngei leng Teacher nna ka hon sep tak in amaute kipiakzawh dan ka theikhe semsem a, ka ngaisang deuhdeuh hi. Teacher nna pen ana nuam liailou hiveh aw chih ka musuah a, amaute ka zahtakna niteng in a pung deuhdeuh hi.
Kei bang a siam hon sintoute aw, Haksa mahleh, hehpihtak in bangkim ah na heutute uh simmawh lou in a thu uh hong mang un. Amaute na tunung hinkhua a ding a na suangphum ding hon leppihte lak a mipoimawh penpente lak a khat ahi uh chih hon mangngilh kei un aw.... Heutute aw na tung uah kipak lua ing... Atawpna pen ding in, ka sikul kailai hinkhua sungteng a (Nursery-TDC tan) ah ngaihzawng ka na neih khak louh mahmah hampha ka kisa petmah... Hee3
~BEITA~
20-11-2012 ( Tuesday )
© Siamsinna leh Vakiangbu
On 18-11-2012, Sunday at 12:29am
Kum 3 vel ding khawng ka phak in sikul kai ka na pan hi. Ka khua ua saptuam JB Sikul ah Nursery a khum in ka om hi. Tu hunlai toh sikul kai dan, klas lakdan natawm kibang lou petmah, Oja khat in pawl 2/3 bang kopkhawm ahih man in kei bang a laisim dan theilou leh a lunglut loute a ding in sikul kai haksa mahmah hi.
Lai kasim utlouh man in kum 3 mawngmawng Nursery ka sual hi. A kum 3na natawm in A AW B natawm ka gelh thei naikei hi. Tuakia hilou in SAW-LE-AW, SAW-LE-AA natawm sintou pah ka hihman un kei ading in sikha laimal sim mah ka bang hi. Ka Oja un laipek sutvang ah laimal khat dawksak in tua laimal hong dawk pen a hon gensak zel hi. Ka lawmte'n thei pahpah uh ahihman un, bubble gum khat lawh zel ua, keipen in bangmah theih nei ngeilou ka hihman in gawtna dan in niteng in Oja samkang bawt in ka pang kha gige hi.
Nursery kum thumna ka hih kum in ka taksa mahleng lian thouta ahi ding a, ka heutunu uh phamta Miss Kaizaching in kum tawp kuan september kha lakvel in kei leh ka lawmte mi 2 toh Paite pau sinna bu a thuvual thum enton kawm in ahon gelh sak a, hoihtak a gelh suak theite klas A ah hon suantou ding ahihdan ahon hilh hi. Ka lawmte nih in gelh khin pah uhi. Kei bel laisim ngeilou ka hih man in etton ding ka ang ah kiphah mah leh gelh ding dan theilou in vasa lem peuh, gari lem peuh ka na gelh zenhouh leh ka Oja uh heh lua in ka lawmte gel klas A ah suantou in kei bel angei mah ah ahon koih hi. Himahleh ka lawmte ngailua ka hih man in, amau kiang ah ka vatu teitei hi. Ka Oja un hong kaih khiak sawm mah leh utlou in ka pang teitei a, ahon kaikhe zoukei hi. Huchi'n tuakum pen ka taksa klas A ah om in, ka min pen Nursery ah om den hi. Lai hoihtak a ana sim pah hileng lawmte bang a deihsakna toh pawl suansak a om ding hi inga, himahleh ka thadah man in deihsaktheih ka hihlouh man in ka Oja uh maipha ka mu ngeikei hi. Himahleh vangphat huaitak in tuahun lai pawlniam lamte ading a LAIVUAN omlou ahiman in klas B ah kisuantou ding a telkhiak a omte lak ah ka telkha zenzen a, huchi'n akum nawn in klas A Sim manlou in A AW B natawm theilou in klas B ah ka tu hi.
Klas B ka hon simtak in gelh ding leh sim ding hong tam mahmah tamawk ahihman in ut leh utlouh thu hita lou in laisim leh gelhdan ka hon zilpan a, a bul apan a zil pahlou ka hihman in haksa kasa mahmah hi. Thil himhim abul ah apat dingdan diktak a i pat louh chiang in haksa mahmah hi. Tua hang in bang peuh hitaleh ahunlai om ahihman in tua ahun pen i bohsiam a, ahunlai mah a i zil a, ihih kisam mahmah hi.
Ka hong kisin taktak tuh, akikhel nungsim a alom a sin ahaksa mahmah hi. Veilong ka hih ziak in taklam a laigelhdan sinsak in ka om a, haksa ka sa petmah hi. Himahleh, ka nu hon hanthawnnate ziakin kilawptak in ka hong kisintou a, tomlou kal in ka hong siampahta hi. Na khatpeuh haksa samah lehang kilawptak leh lungluttak a lungkelou hial a i pan leh kizou teitei hi.
Huchi'n kei leng lunglut tou semsem in ka pawl uah asiamlou pen taikan in ma ka hon sawntou thei zel hi. Nikhat ka Ojanu un numei khat tukhial ahon mukha laizang a, huchi'n sunkhawl suty neupen in pasal teng munkhat ah, numei teng munkhat ah, chi'n a hon koih khawm ua, khekol sungten teng leh tenglou ahon ban et uhi. Tua hunlai in bel khopi a naupang te'n tengkha sam na ve uh. Himahleh kou khua banga khota a tengte a ding in khekol sungten chih phetlouh khekol tawn natawm naupangte'n mang a le kiman phalou ahihman in kuamah a tengkha omlou a, ka vek un gawtna ka tuak uhi. Khekol sungten ten khaklouh ziak a gawt a om masapen leh a omsun kou sikulte hiding in ka um bilbel hi. Gawt a ka omziak un sunkhawlpi in Ojate mi inn ah singpi dawn a a vapai kal un ka u heu in ka lawmte toh ka na guk pai uhi. Tuani pen Ningani hi a, azing Sintawpni pen khekol sungten neihlouh paulam a zang in NUAKNA pan in sikul ka kaikei uhi. Manipur ah bel thil houchik aknou gari in agawi lup khak natawm a NUAKNA pat theih hiven. Kou nuakna pen houlua chih theituan louh ding in um ing. Adangte Nuakna pen lohching hiam theikeng. Ahihhang in kou nuakna pen lohching mahmah in Khekol singten(underwear ) khukchiang pha leisak in ka om pah uhi.
Klas B ka sim lai in, ka Headmaster pa uh a fel mahmah hi. Akhua uh Tangnuam a kipan in kou studentte night visit a hong bawl zou gige hi. Keibel laisim thadah ka hihman in sim utlou a ka kah laitak hong tuakkha veu sek ahihman in bilhek ka tuak gige hi. Laisim utlou a ka kiphin chiang in, ka nute'n headmasterpa hong di ahi nasim keileh na bil hon heksak zel ding ahi chi'n a hon khem zel ua, phatuam mahmah in ka thei hi. Zuaugen pen hoihkei mah leh ahoihlam a i zat leh ei ading in phatuam mahmah thei mawk hi. Bible ah le Diktat lozen ken chih omsam hilou hia... Mataw?
Ka headmster uh sianthouna ngaina mahmah mi ahihman in, sikul kim ah nin a omzek leh ahon hahsiangsak pahpah sek hi. Nikhat laizial sum khat mukha ahihman in naupangte atepgu om ding a muangmawh in pawlsang lam pasal teng sikul kiim a laizial sumbang omteng tomkhawm sak a, atomzoh un a khut uh nam in laizial gimnam kha teng ban zep hi. Laizial sumbang akhut ua tawi uh ahihman un akhut uh laizial gim namvek ahih man in athuak uh kuul hi. Tua hunlai in Ojate zahtakna lian mahmah hi. Tuhun a thiltung hileh buaina lianpi sikul in tuak thei ding in um ing. Ahihhang in, Ojate zahna lianlua ahihman in kuamah in kamkhat inleng sel ngamlou uhi. Ka ngaihtuahkik chiang in tua hunlai a Ojate zahdan in tulai te'n a Ojate uh zahna pia hile uh, mithupi tampi kipiangkheta ding in um ing. Ojate zahtak louhna i kiakniamna uh khat hi in ka mu hi.
Klas I pen ka pa Khup in English Medium sikul a hon honthak ziak in ama nuai ah ka sim hi. Chikmah a theih ngeilouh sim a kihihman in haksa petmah a, abik in SAW-LE-AW mah ah buaina ka tuak nawn hi. Ka theihlouh man in zakhatvei ka gelh ding in a hon pia a, ka gelh zohlouh man in ka khutte gel zakhatvei ahon zep sak hi. Naupang khah ading in gawtna sangtak ahi. Na salua ka hihman in ka kah sawm leh ahon tai beh zomah a, amah ka lauh ziak in kapkhe ngamlou in naa lah sapetmah kawm in ka om liailuai hi. Ka khut tegel vung(bawk) gawp ahihman in ann natawm kei mah in ka kinek thei kei a, anih in khau in ka kuah thoh hi. Nute kiang ah lah kigen ngam lou, aziak thei le uh lah hon taibeh ding uh, hon vuakbeh ut zomah ding uh ahihman in sel theih selmoh in ka sel hi. Himahleh aguh natawm hek ahihman in hong vung gawp a, sel na vual a omkei. Ahon theihtak un, hon hehpih uh ahi ding a, ahon taithoh lel uhi. Tulai in naupang khat tuadan in gawtna pekha tale hang nu-le-pa natawm in Ojate hehsan in a nau uh mudah chi a case bawl sawm tampi om ding hihang. Himahleh, ka ngaihtuah sau chiang in, tuabang a ka Ojate'n gawtna hon na pelou hile uh, tua ka laisim tan sim zou ding in ka kigingta kei. Amau hon hua uh ka sak leh ka tunung hun ding bangtan hiam muhkholhna nei a deihsaktak a gawtna hon pia uh hizaw in ka mu hi.
Gawtna ka tuahte hang leh heutute kipiakzoh nate hang in ma ka sawn mahmah a, kaitung a bangmah theih neilou pa, ka damsung a ding a exam ka piak masakna pen klas I First Division in ka zou khe velvol a, ka klas pumpi uah a nihna in ka pangpha hi. Kei din deihsaktak a gawtna pen ana manpha hina e chi'n tunung a ka ngaihtuah kik chiang in gawt a ka om ka kipak zaw hi.
Klas II in saptuam sikul mah ah ka kai nawn hi. Kou pawl ah numei khat chauh ka nei uhi. Nikhat ka Oja un nih mun khat nihte muhlouh in a hon gelhsak hi. Ka numei neihsun un simkha lou ahihman in gelh theilou in Oja omlouh kal in na en gu hi. Oja a hong paitak in ka na gen pah ua, himahleh lamdang tak in Oja in amah zaw numei amah kia ahi a i ngaidam ding uh chi'n kou a gen teng in gawtna ka muh loh uhi.
Ka Ojate uh khat in kou pawlte let nung a bang hih na ut ua? Chih a hon dot leh ka lawmte uh khat hong dingtou in kintak in SHAKTIMAN DRIVER a hon chi khe kuau mawk hi. Tupna asang leh kiakna leng ana sang mahmah chih tunung in kamu chian mahmah hi.
Pawl III ka sim kum un Ojate khem dan ka hong siam mahmah uhi. Khuga canal ding ka khosung ua hongpai pen a bawlzoh tunglai uh hiven, ka Oja uh upa sim mahmah khat ka thuzoh mahmah ua, kou pawl pasal ngen ka hihman un kithutuak tak in amah hong lut teng in daileng ding in ka kingen gige uhi. Ahon phal gige a, tua chiang in kou pawl teng canal lam ah paisuk in canal sung ah ka lut nainai zel uhi. Canal pen a tung saupi kikhuh om a, asung hawm ah lut in a tawpna lam tan ka va pai zel ua, pawt khiakna ding a mun awng a bawl na te uah kaltouh theih na ding sik kivuahte ah sawt pipi ka va kiluai thei zel uhi.
Teacherte kilau in kizahtak thei mahmah hi. Sim dia a hon piakte uh leh hih ding a hon piakte uh sim louh leh bawllou a om khak chiang in kidop chih a omkei. Tawsaa leh nungzaang dulh zen a sat in aki om gige hi. Kigawt ding lauh man bek in lai kisim a, eimah ah deihna om tak2 kei mah leh Ojate lauhna hang in lai sim kitaima mahmah ahihman in kei a ding in lawk veve hi.
Tulai bang a siamsinna hoih tak ah ana khangkhia hile ung. Kou pawlte na sa mahmah ding hi ung. Aniam pen in Gazetted Officer tanbek tung ding in ka kigingta mawk hi. Aziakbel Ojate thumang in lai hoihtak in na kisimtou a, himahleh ka bulpatna hun ah, apoimawh hun laitak a deihbang a kisin touhna ding ana neilou, vanzat hi in, a tuamtuam hitaleh tasam ka hihman un, abul pankhial mahmah ka suak hi. Nursery ah hoihtak leh chitaktak a ana pantou kha hileng zaw ka chih vungvung ni tampeuh mah hi. Ka na ngeingaih louhna hang in bangmah thupi semsuah zou ding in chitna ka nei zou kei maimah hi.
Pawl IV ka simkum in laisim sang in kimawl ka lunglut zaw hi. Ojate'n gelh ding leh sim ding a hon piakte uh nitak chiah hihmai ning chi in kimawlna mah ka na pibawl zawkha sek hi. Nitak hong hih chiang in gelh ding toh sim ding toh hong kiphunon khawmvek ahihman in, koipen gelh masa ding. Koipen sim masa ding chih ngaihtuahna in hun tampi beiman zel a, kipat pat toh lup hun kituak zel ahih man in bangmah hihman lou in kilum zel mai a, a zingchiang in gawtna toh kimaituah ngai zel in, tua in sikul kai ding hon thadah sak mahmah sek hi.
Khatvei English subject theiloupi in sikul ah ka kuan hi. Sunkhawlpi pen ah lawmte toh suihlum kimawl in nuam ka sa mahmah uhi. Sunkhawl zoh in Miss Grace Kim a hong lut a, homework a hon piakte a hon dong hi. Pasalte athei kuamah omlou ka hihman un khedap suah a tutna tung ah ding ding in a hon sawl hi. Kou leng thumangtak in ka khedap uh suah in ka ding toupah uhi. Himahleh, ka khe uh uih thei lotel mahmah ahihman in sawt hon dingsak theilou in, agim nam zoulou in ahon tusak pah hi.
Kimawlna toh laisim khawm pen ahoih mahmah hi. Himahleh, laisim ding kikhel zen a kimawl pen hoih lawlou hi. Tua hang in kimawl hun theih a, laisim hun theih poimawh mahmah hi.
Ka Ojate uh sunkhawlpi chiang in mi inn ah singpi dawn ding in paikhe thei zel uhi. Huchih hun chiang in kou naupangte ka khua lui uah kibual ding in ka paisuk zel ua, deihkhop a kibual khit chiang in inn ah sun ann kine zel hi. Tuateng ka zoh chiang un sikul kimanawh pan zel a, Ojate hong pai di ana kingak manlai hi. Ka sunkhawlpi sung uh dakkal bangzah a chingzou dia? Theihzawh hilou hi.
Ojate a hong paitak chiang un, amu masasa in Oja la ! Oja la ! Chi'n dak khen ding kituh in dak omna lam ka kidelh huan zel uhi. Dak khetna tawikha masa pen ahampha pen ahimai, ama'n dak khenkha chih kipahman atangzel a, kingaisang mahmah mawk hi. Dak khentu a pankhak bang nak noplua hi'n maw.....
Nikhat ka gang sikulpu a, apanlai hiven. Ka Oja dangte uh hong zekai kha uh ahihman in aman a inn uapan hong au phei in, "Tuni ka damlouh toh sikul suty kapuang hi." hon chiphei bang tuh.... Nung-le-ma etman nang hun a om nawn rengreng kei. Kintak a room lam manoh in ka kikou zak uhi. Sakhau lakhia in kintak leh kipaktak in innlam manawh in ka tai phei uhi. Keileng vasa kap a kuanthei ding chia kipaktak a ka taiphei leh lamkawina mun ah, ka Ojate uh sikul kaidia hong kuante toh thakhat in ka kituak kha uhi. Kei leng suangphom lak ah kisui kha in ka Headmaster pa' uh angtak ah akhup in kapuk suk hi.
Ka Oja un ka bil ah hon man in a hon kaitou a, nou bangziak a ka theihlouh ua sikul apan pai na hi ua? Chi'n heh mahmah kawm in a hon en lelaw maimah hi. Bangmah lah kigen ngamlou ahihman in vasa kap a kuansawmte kha awl a kik in lungkimlou tak in klas ka la nuainuai nawn uhi.
Ka sikul kailai hinkhua ka ngaihsut kik chiang in ka hun zatdante haihuaisim batna om mahleh, kei ding in ana manpha petmah hi. Oja siam taktak, kipezou taktakte nuai ah ana khangkhekha ka hihman in hampha petmah ka suak hi. Ka Ojate lak ah etkolna hoih ka poimawh hun laitak a lampi dik hon kawkmuhtu ka Ojate lak ah ka mangngilh theih louh tamloute Phamsa Sir Khamkhanlun, Phamsa Sir Lalthantluang, Sir Samu (H. Pausonlian), Miss Grace Kim (Kim Vaiphei) te ahi uhi. Amaute'n pawl nih apan pawl nga ka hih tan dong lai hon hilh kha ua, amaute apan in zilkhiak tampi ka nei hi. Itna leh deihsaknate ziak in a hon Sawi ua, amaute ziak a kuamah sawk lou a. Keimah khe a ding thei ka hihman in amaute tung ah kipak mahmah in zahtakna kapia hi.
Pawl sagih apan sawmtan Ebenezer Academy ah 1996-1999/2000 sung ka maban kasun zom leuleu hi. English medium diktak a ka kai patna ahihman in atung in haksa ka sa mahmah hi. Sappau ka theihlouh ziakin klas kisinsaknate ah bangmah ka theithei kei hi. Ka zahkaina mahmah in haksatna tampi a hon guan behlap hi.
Ebenezer ah ka kaitung kum in sikul bag natawm ka neizou pah kei a, polythene a ka laibute tuun in sikul ka kuan zel hi. Klas ah laibu lak khiak ding khawng chiang in ahong ging suatsuat ut se a, ka zum thei mahmah hi. Bak ah, ka lampaina ding Townbus om mahleh, ka zahkai luat ziak in khaam ngam lou a keivuak a khe a ka pai hun a tam mahmah hi.
Ka mangngilh theihlouh khat kon zeptel himhim ding aw. Pawl sawm ka hih kum in. Nikhat ka lawmpa'n Phamsa Thangboi Mangte lasak khat "Eigel Itna" kichi hoih a sak mahmah ziak in lai a gelh khiaksak ding in a hon ngen hi. Ken leng thumangtak in ka gelh pah hi. Himahleh vangsiat huaitak in ka teacherte uh khat in hon mukha zenzen a, last assembly ah ZAWLLA phuak chi'n a hon gawt uhi. Ka sirte uh lak a khat Sir OK (meiteite ahi) in bang honna iplah lomahmah ahi ding a, ka kiangah hong pai in kha pet zen in chiang in a hon ngim gelgawl den hi. Ka phuah hikei mahleh, kei phuah dan a ngoh in ka om a, ka thuak zeek hi. Principal in a thu hon kan a, ka gentak in bangmah tam genlou in "PAI OH" a hon chi a, hampha mahmah khat ka suak hi.
Ka hunluite ka etkik chiang in, haksatna tampi tuak mahleng, ka Ojate apan deihsakna ka ngahtou den a, ka hampha mahmah hi. Athu uh ka mannate ziakin hon panpih in deihsakna toh honna thuhilh touden ua, tua keimah ngei leng Teacher nna ka hon sep tak in amaute kipiakzawh dan ka theikhe semsem a, ka ngaisang deuhdeuh hi. Teacher nna pen ana nuam liailou hiveh aw chih ka musuah a, amaute ka zahtakna niteng in a pung deuhdeuh hi.
Kei bang a siam hon sintoute aw, Haksa mahleh, hehpihtak in bangkim ah na heutute uh simmawh lou in a thu uh hong mang un. Amaute na tunung hinkhua a ding a na suangphum ding hon leppihte lak a mipoimawh penpente lak a khat ahi uh chih hon mangngilh kei un aw.... Heutute aw na tung uah kipak lua ing... Atawpna pen ding in, ka sikul kailai hinkhua sungteng a (Nursery-TDC tan) ah ngaihzawng ka na neih khak louh mahmah hampha ka kisa petmah... Hee3
~BEITA~
20-11-2012 ( Tuesday )
© Siamsinna leh Vakiangbu
Comments
Post a Comment