PHAVANG HUIHKHI
By ~ Pau Lian
Kum tampi paisa a ka hinkhua a ka lamet mahmah louh kana tuah khak te ngaihtuah in ka giahna room polam ua tutphah sau kidawh tung ah votsa pipi in keivuak in kava tu a kaki ngaih tuah den hi. Hiai chialpina a bang dia va tel zenpeuh ka diam aw, ka bil a lah bangmah lutlou,phalbi huih nung ten ka hunlui hon phawk suah sak peuhset na e, khalam vai geel lou zen a kei mahni thuakgimna kia ngaihtuah a ka om sang in tellou hi mai leng ut na maizen ing e ka chi vungvung a lah hihtheih tuan leng ka nei kei, ka lungsim ah bangmah a lutkei a,bangmah leng a pawt tuankei. Hiai khamtheih hih camp a tel in suah taakna hon pe ding inleng ka um kei a, ittu neilou bang a ka ki koih na leng cxamp a ka lutma sang in a uang hi,chialpi na lah pai zom zel,zingchiang nitaak lam a khak ding hita, bangmah ngaihtuah khiakna leh ki phawk suahna omlou a pawt viuviau ding hi mai ka chi a, ahi in lah inn a ka nu leh ka pate kei a dia annngawl a thum uh ahi chih ka zak utlouh lai a leng pastor pa'n hon hilhhilh ahih man in ka ngaihtuah chiang in ka buai a, kinem tak a kanu leh ka pan inn a hon ngak uh hilim di hia, a tapa tang neihsun uh kholak a vaakthap pa hiai camp zawh chiang a mithak hita dia lamen lotel ding uh hi a aw bang ka chi vungvung zel a, kei vuak in ka buai in ka buai maimah hi.Lawmte dan a kilat khiak na maitam a theisiam lou hitawk lengle mi et amihing ka hih na dia vaki latkhiak tei ding a diam aw ka chi a lah kaki awi kei, pastor pa thugen telah a dik a, himah leh hunlui ka nutsiat theih louh ding leh ka nutsiat ngamlouh thil tampi ten hon sam a, ka kawng ah hon mantaang om bang in ka thei a,ka bil te kihu bing a bang a, theih siamlouh semna toh hiai camp pawtsan ding keive maw chi in sawtpi ka om hi.
Lum ding chi lenglah ka ihmu theikei, ka lawmte lak ah keivuak detox a piak uh kahi ta, sunhun kikhop a pastor pan lamdang satak a hon guuk etet te ka ngaihtuah laitak in ka pamlam a room sung ah mei hong ki mekvak a, ka etphei leh pastor pa ana hi hi.kei leng huai hun in ka buai a, paikhe ding chi lenglah hon muding ahih tak man in kana tu a, kapam lam a camper te kikhopna lam manoh in a hong paiphei zomah hi. Pastor pan bel hon mupah lou ahi ding a, hon khuh phei thauhthauh hi. Thakhat in keilam hon entou a, aki guih zezen hi, lamdang sa tak in hon naihtou a, eh Lianpu,bang hih na hia, votsa lou na maw hon chi hi, ken leng Pastor, votsa khang,hichi dankho khat veivei i tut nuam kasa ka chi hi, Pastor pa'n leng thou baih tak nahi hon chi a,ki houlim a utlam leng hon gen hi, kei leng ut khollou himah leng ka kiang a hong tupah mawk a hih man in utlou va chih ding nuam kasak louh man in poilou eive ka chi hi.
Pastor pa'n leng tutung i camp uh haksa na sa hia,nang ahi kon lamet pen hon chi guih mawk hi, ken leng pastor pa kiang ah,bang chi dan a e Pastor non lamet mawk ka chih leh pastor pa'n leng tutung i camp uah mi tamtak khovel vai a ki bual te ki muhsuah in a ki pak mahmah uh,ka thugen chaing in na tutna mun ah kon guuk et zel a, lasak chiang in leng kon sim etet a, maigum tak leh kipah na nei hetlou bang in kon mu a, zan nitak a i houlim di ka chih lah a dawnna non piak louh ziak in awlmoh huai kon sa a lah a guuk tak in kinep huai leh lamet huai konsa,hun kichi gentheihlouh ahi, kikhel thei thil na tuahkhak leh huai a pan sinlai la in,hunlui ah na kik thei kei ding, himahleh huai hunlui inzaw na damsung in hon ching den ding, ki ngaihtuah in hon chi hi. Kenleng pastor pa kiang ah,ka teirawl tung a pan in mi ki ngaihtuah mi kana hi, ka ngaihtuah a,ngaihtuah tam lua in hinkhua nuampen ding chi in khamtheih ah kana ki bual ta, a tung in nuam mah leh tu in zaw haksa ka sa lo mahmah, tawp nuam mah leng ka tawp thei nawnkei, kuamah hon panpih thei ding leng omkei. Ka mangbat hun in pathian ka sam zel sam a,a dawnna koi a om ahia? chik in hon dawng a chih leng ka thei kei, dawn nak sang in haksa zaw sem in hon omsak,ka teirawl tung a khami tak a nu lah pa thu mang a bible te tawi a biakna inn lam ka zawt lai zaw kenle ngaithou keive,himah leh ka hinkhua ah ngaihdam lou ka hau gawp a, ngaihdam louh in keitoh ka si khawm zaw mai ding ka chi hi.
Pastor pa leng hon ki ngaihtuah dedu in, si lou e, hing ding na hi Lian, lungkham ken, huai ngaihdam theihlou na chih bang na genna ahia leh, Pathian in na thumna hon dawn louh ziak a a tung a lungkim theilou maw, ahih kei leh mihing tung a lungkim lou maw hon chi hi, kenleng Pastor gensau dah ni,i ngaihdan a ki kokalh thouthou ding ka chi hi. Pastor pa'n leng, kokalh chih omlou e, na haksat na te ngaikhe dia kei leh pathian om ka hi,gen in, lungkham teh lungkham hehnem a, dah te dahpih ding mah a ki pekhia kei ve hon chi a, gen dia hon sawl ngutngut ziak in kenleng ka genta hi. Pastor nang zaw ka neulai thu na theikha kei ding, himah leh hiai camp a ka lut pih mi tamtak ta ka lawm ngen ahi, ka hinkhua a thei lumlet vek ding uh, kei leng nang bangbang a sahkho mitak innkuan a khangkhia ka hi, tapa tang neihsun leh duat khelh chi in tu in miten hon nuihsan ua,van hoih silh chiang natawm a ki zumpih in kholak ah vaakthap in mit leng dieidiai in ka om gige, himah leh nidang a zaw mi kipak thei mi, naupang thumang ka hi,a ziak om in khamtheih kana hih a huai paipih in tuni tan in suakta zoulou in ka omta,suakta zou ding in leng kaki gingta kei,suahtaak leng ka sawm zou nawn kei, nu leh pa lamet na a hih khak leh chi a aminpu a hiai chialpi na a hong tel ka hi ka chih leh Pastor pa hong nui a, a minpu in na hong lut a himah leh suakta taktak sa a kik ding na hi, huai a ziak om a khamtheih ana hih ka hi na chih pen bang a a ziak, hon gendih hon chi hi.
Hiai a ziak om a khamtheih ka hih ka chih pen,mimal a din thupi mah leh noukhwng mi nuamsa te a ding a haksa louhial leh haihuai leng hi maithei a hi, kum guk paita a pan in hiai haina in niteng in hon taisan theikei, innkuan sungthu leng a hi kei,tangval toupi khat a ding in chauh huai leng a hi maithei,himah leh mihing gam a teng, mihing khat a din zaw thuak hak kasa,hiai ziak inleng paithian kana gamlaat ta,itna khat ka chaan ziak a itna dang pen nelhsiah kha leng ka hi maithei,pawl 12 ka zawh in siamsin na sangzaw lunggulh in mundang ah college ka kai khia a, it leh ngaih tetoh mun khat a omkhawm lou in ki gamla tak in ka om uhi.ki iit mahmah leh ki ngai mahmah in a chang in laiton te ki khak zel in nuamsa tak in hinkhua ka zang ua, kum thum bang ana ki ngaisa ka hih man un sunkhat zankhat lel kimuh louh haksa ka sak lai un a kha a sim bang kimu theilou in ka omta uhi.
Kei leng ka mun a ginom tak a om in, amah leng a mun a ginom tak in ana om a, taksap dang leng nei nawn ka diam aw bang ka chi mun mahmah a, ka lungsim ah bel hiai bang itna ka phulouh ahi chi kawm in ka pantheih dandan in ka pang a,laisiam a mi khat hisam ding ing a,huai ni chiang a khosak nuam leh kipah huai a khosak pih ding chi tinten kawm in ka pang hi. Mel kimuh tuah lou a kum khat kum nih bang ka om hang un, ki muanmawh na ding a tatdan sia a leng omlou ka hih man un pathian kiang bang ah kipah thu kana genzel sam hi. Tulai dan a ki hou na phone te omlou ahih man in ka ngaihnou mel muh na omsun chi in ka puak, amah toh kaki lakkhop uh limlak bang a ka taak bang ka laisim,ka thoh leh ka lupdek hun in ka en mangilh ngeikei, innlam ka pai hun inleng itna siangthou tak toh kem in, ki ngaina leh kikhelah tak in hinkhua ka zang ua, thu tamtak bang leng kana chiam hialta uhi. BAthird year ka simkum a hong hita, keileng kumnawn a zou a, innlam a sepna gelh kawm a ka iit ka ngaih te kiang a omta ding chi in phur tak in ka om a, laisim bang thanop huai sa in ka pang kinken hi.
Ka laisim kumkim khat zouta chi a christmas suty pai ding ki thalawp tak a kal nih ka ngak lai in thu hoih lou, a taktak hi ding a leng ka ngaihtuah phak louh kaza ta hi. Kanchiang nuam himah leng lah ka kanna ding a om kei,hon gen tupan lah a chiangzaw a gen dingdan a theikei a, zuau hinte chi peuh in hon heh nem hi, tua thu kazak bel, sawt pek a kana ki ngaihpih Kikim in december 16 a pasal nei ding chi ahi hi. Gingta nuamlou in ka om a himah leh ka dip kua in ka om a nuam theikei, lai ka sim a lah ka lungsim ah bangmah a lut kei, zuau hi mahmah mai leh chi vungvung kawm in bang a limlak kitak te ka en a, kikawi tiitteet a kaki lakkhop uh leh nuihmai tak a Kikim om kamuh chiang in huai hunlai bang ka ngai petmah mai hi, ka lup ding chiang in limlak ka en a, sawt a kitak luat ziak a mual gawp sim a om maimai bang in leng hon lungkham sak ta mawk hi. Thumna bang ka nei a, Pathian kiang ah Kikim ka kiang a pan lamang ken chi in ka ngen ngutngut sek a, a dawnna ding kangak hi.
December ni 8 ahi ta, lawmte mi nih toh train a innlam zuan in ka hong paita uhi. Lawmte bel a langtang in innlum tung ding chi a kipak tak a a omlai un kei bel lau in ka om a, pau khiak lel leng ka ngap kei hi,ka thuzak leh ka ngaihtuah na ten hon khem hai ban ah inn ka tun hun a veng leh pam mite'n kingai a hon theih veksa uh hi a, bang thu kaza diam aw ka chi, pailou hizaw maileng ka chi a, a khen chiang bang in ka kha va pai a thuchian va kankhe masa thei hileh ut na ing e peuh ka chi hi. December phalbi huihkhi vottak nuai ah ni nga lam ka pai nung un lamka ka tungta uhi, kumkhat val lamka ka muh louh na a hih man in changkang sot bang kasa a, huai hun in bel nop kasa thak zezen hi, station a pan innlam manoh in ka pai vengveng a, sawtlou nung in inn ka tung hi, ka nu leh pa'n leng maitai tak in hon vaidawn ua, tuilum te hon suansak in tuilum in kaki sil hethet hi. KA kisil zawh in room lam a vanpuak te chiing ban a khaikhia a ka om lai in kanu hong lut a, Lian nang Kikim toh kingai nawn lou maw hon chi hi, chikmah a ka nu toh huchi lam ki hou lou ka hih man un lamdang kasa a, amah ka en a, kingai e, bangziak eita ka chi hi, kanu'n leng a dah mel hon suah khia a, aman zaw pasal tukha a neidek hivem maw,lai bang ki tak hialta a, kikhen houh na hi di uam ah ka chih man hi chi in a pawt khia hi.
Huai hun ah gen ding theilou in ka ding nilouh a,hih ding lah theilou, hihlouh ding leng theilou ka hih man in ka lupna ah ka tusuk a, Kikim a dia zinpak ka puak ka lakhia a ka en a,bang teng hileh kava ki houpih dia, zinpak ka pe himhim di chi in ki thunun tak in annek zawh in Kikim te innlam ka zuan ta hi. Kikim te leng innkuan kim dipdip in meiphu ana awi uaana kamsiam mahmah uhi, kenleng ka vanpuak te ka lakhia a, a naute nektheih ding tamlou toh ka pia a,huai nektheih ne a ka omlai un kong hong ging a, Kikim in a va hon leh ka meltheih luat,mi nunnem leh mi piching tak, vengsung a ding a leng mi suanhuai,khami leh pil,UPaupi hon lut hi. Mei awi na a tu diamdiam in ka omna vaigam lam thu khawng ka ki houlim ua nuam kasa mahmah uhi.himah leh Kikim bel upaupi hong lut a ki pan a maitai nawn kei, ken leng zetheih sim ka hih man in nuam sa nawnlou in innteek te kiang ah''kong paina a gimhiuai sim a kana paiphot di''mangpha chi in ka pawt ta hi. Innkong ka tun in Kikim in hon delh pawt in.Ulian, ka hai lua maw chi in ka ban ah hon len in hon kap ta hi.kenleng bang ziak in e Kim, na hai het kei, a pil na hi zaw ka chi a himah leh Kikim in Ulian, nang huai maw non chih ding, kei ut thu a hichi bang thil ki tuak hilou eive, kon zui mai di aw heh pih tak in hon chih hi. Kei leng kidek zou dia kuan himah leng kaki dek theihna in zou nawnlou ahi dia, ka biang ah khitui nul senglouh luang zungzung kawm toh Kikim liang a ka khut baat in,Kim,khase ken,itlouh ziak hi lou eive maw, hi lele nang hon suangtu na leitung pathian na nu leh pa deihtel na a vai kisai zaw ken ka bawlse ngam kei ka chi hi,himah leh Kikim in ulian, hiai lel maw nang tua na gen di?? kum tampi ki ngaih zawh nung a a khitna kampau hiai lel maw, nang le non iit zou nawnkei a hinte maw hon chita hi.
Kim, hon en in, ka maitang en in,nang a dia ka hih theih sun zaw ka damsung a kon iit ding a hi tamai, ki it in kingai mah le hang kei sang a ana masa zaw om ahi ta, tu khonung in ken nang kon taipih theikei ding, iki ngaihtung a pan a itna tak toh kon it,ki tenhun ding bang leng kana lemgel gige, dansiangthou a kon neih theih louh ding ziak in nang leng non zui theikei ding,hon itlou ka hih leh leng ka hi zaw mai ding, damtak in mangpha mai ni, kap kenla ki mangilh ngeikei ni maw chi in pai din kaki sata hi. Himah leh kikim in hon paiphal kei, ka dah toh ka heh tha suak in ka khut ka satkhia a ka pai teitei ta hi. Kikim in leng hon nungdelh teitei in ka gennop hon gensak inla huai chiah pai mai in,khua le vot sim lele tunitak na hinkhua a dia na manghilh ni a omtuan kei di, kon it louh ziak hilou ahi aw ulian,haksat na gentheih na leh lungliap na na tuah chiang in ka min in non sam dia.na lunggim hun in i hun nuam te na ngaihtuah inla hon mangilh mahmah ken aw. keileng ka omna peuh a khattaang leh lungliap tak a om gige ding ka hi chi thei le chin aw, ka dah ka kah hun in hon nem ding a om louh chiang in ken leng kon sam zel ding, huihnung bang a itna bangmah lou a beimawk zaw ka theisiam theikei, ka theisiam ngeikei ding, Pathian vaihawm hinteh chini maw hon chih phet in ka hehtha hong suak a, kua pathian a na gen, Pathian in eikal ah bangmah vai a hawmkei, nang leh na pasal ding kal ah vai hawm chauh hilel veh. Khami kisa mahmah a hih leh mi kingai kal khen teitei dah leh ei vele, na pasal ding le pathian in a awi kasa, ka damsung in ka ngaidam kei ding, gennawn koh, muh leng kimu nawn keini chi in ka paisan ta hi.
Phalbi huih vottak nuai ah khase tak in ka pai,ka mit te ah nan zawh vuallouh in mittui a pawt a, hiai phavaang huih vottak leh hiai hun zaw kon mangilh nawn kei ding ka chi a, zankhovak in vengkhung lam ah singkung nuai ah kava tu zanhak hi. Khua hong vak phet in inn ah ka pai a,ka nute lung himawh kisa in innsung ah ana buai petmah uhi,keileng ka lut a. zinkik ding ka hi, hon theisiam mai un aw chi in sum tampi ngen in ka zin a, Kikim te kiten na uaplou in kum 4 bang ka ommang a, vaigam ah noptal in, ka hinkhua ka suse ta ka chi a pastor pa ka en gemgam hi.
Pastor,n ang hinkhua din bulh dih, haksa nasa diam ka chi hi, Pastor pan leng Lian, itna taktak zaw a si theikei, beini leng a nei ngeikei, itna tak a bei ngeikei, hiai thute na gen a pan kana muh dan in mihing tung a na lungkim louh na Pathian na ngoh kha a na hinkhua buai ahi,hinko nuam leh lampi hoih na tot nop leh na mi ngaihdam theihlouh ngaidam inla, na khelh kisik leteh pathian inzaw hon ngaidam eive, na hinkhua tomkha chik zangpan na hi,a ki khel naikei,himahleh ki khel guihthei ahih man in ngaihdam na kongkhak a lut in, na puakgik teng lamang ding ahi hon chi a kenleng Pastor ka ki lankhe thei, himah leh pathian min zang a thupi na leitung a delh te ziak in ka puk kha nawn thou ding ka chi hi, Pastor pa'n leng,mihing gam a om na hi,mihing lam en lou in khalam mit in en inla leitung toh ki zomlou in vanlam thil toh ki zom leteh na puakgik a zang ding, puakgik a pan suakta utlou na hiam,na ut leh kamai ah hon khukdin inla kon thumsak ding hon chi a kei leng ka khukdin sukpah a thumna a neihzawh in kipak tak in kaki khen ua, chialpina camp leng lohching tak a nusia in tuni tan khatvei chang in haksa sasim mah leng ngaikhawk nawnlou in ko omthei ta hi. Himah leh hiai phalbi huihkhi a a laang chiang in hnlui ngaihna zaw ka taisan theikei,ka bilbuk ah ka min a hon kisam bang mai in ka zaza lai hi.
BEITA
©Siamsinna leh Vakiangbu
Kum tampi paisa a ka hinkhua a ka lamet mahmah louh kana tuah khak te ngaihtuah in ka giahna room polam ua tutphah sau kidawh tung ah votsa pipi in keivuak in kava tu a kaki ngaih tuah den hi. Hiai chialpina a bang dia va tel zenpeuh ka diam aw, ka bil a lah bangmah lutlou,phalbi huih nung ten ka hunlui hon phawk suah sak peuhset na e, khalam vai geel lou zen a kei mahni thuakgimna kia ngaihtuah a ka om sang in tellou hi mai leng ut na maizen ing e ka chi vungvung a lah hihtheih tuan leng ka nei kei, ka lungsim ah bangmah a lutkei a,bangmah leng a pawt tuankei. Hiai khamtheih hih camp a tel in suah taakna hon pe ding inleng ka um kei a, ittu neilou bang a ka ki koih na leng cxamp a ka lutma sang in a uang hi,chialpi na lah pai zom zel,zingchiang nitaak lam a khak ding hita, bangmah ngaihtuah khiakna leh ki phawk suahna omlou a pawt viuviau ding hi mai ka chi a, ahi in lah inn a ka nu leh ka pate kei a dia annngawl a thum uh ahi chih ka zak utlouh lai a leng pastor pa'n hon hilhhilh ahih man in ka ngaihtuah chiang in ka buai a, kinem tak a kanu leh ka pan inn a hon ngak uh hilim di hia, a tapa tang neihsun uh kholak a vaakthap pa hiai camp zawh chiang a mithak hita dia lamen lotel ding uh hi a aw bang ka chi vungvung zel a, kei vuak in ka buai in ka buai maimah hi.Lawmte dan a kilat khiak na maitam a theisiam lou hitawk lengle mi et amihing ka hih na dia vaki latkhiak tei ding a diam aw ka chi a lah kaki awi kei, pastor pa thugen telah a dik a, himah leh hunlui ka nutsiat theih louh ding leh ka nutsiat ngamlouh thil tampi ten hon sam a, ka kawng ah hon mantaang om bang in ka thei a,ka bil te kihu bing a bang a, theih siamlouh semna toh hiai camp pawtsan ding keive maw chi in sawtpi ka om hi.
Lum ding chi lenglah ka ihmu theikei, ka lawmte lak ah keivuak detox a piak uh kahi ta, sunhun kikhop a pastor pan lamdang satak a hon guuk etet te ka ngaihtuah laitak in ka pamlam a room sung ah mei hong ki mekvak a, ka etphei leh pastor pa ana hi hi.kei leng huai hun in ka buai a, paikhe ding chi lenglah hon muding ahih tak man in kana tu a, kapam lam a camper te kikhopna lam manoh in a hong paiphei zomah hi. Pastor pan bel hon mupah lou ahi ding a, hon khuh phei thauhthauh hi. Thakhat in keilam hon entou a, aki guih zezen hi, lamdang sa tak in hon naihtou a, eh Lianpu,bang hih na hia, votsa lou na maw hon chi hi, ken leng Pastor, votsa khang,hichi dankho khat veivei i tut nuam kasa ka chi hi, Pastor pa'n leng thou baih tak nahi hon chi a,ki houlim a utlam leng hon gen hi, kei leng ut khollou himah leng ka kiang a hong tupah mawk a hih man in utlou va chih ding nuam kasak louh man in poilou eive ka chi hi.
Pastor pa'n leng tutung i camp uh haksa na sa hia,nang ahi kon lamet pen hon chi guih mawk hi, ken leng pastor pa kiang ah,bang chi dan a e Pastor non lamet mawk ka chih leh pastor pa'n leng tutung i camp uah mi tamtak khovel vai a ki bual te ki muhsuah in a ki pak mahmah uh,ka thugen chaing in na tutna mun ah kon guuk et zel a, lasak chiang in leng kon sim etet a, maigum tak leh kipah na nei hetlou bang in kon mu a, zan nitak a i houlim di ka chih lah a dawnna non piak louh ziak in awlmoh huai kon sa a lah a guuk tak in kinep huai leh lamet huai konsa,hun kichi gentheihlouh ahi, kikhel thei thil na tuahkhak leh huai a pan sinlai la in,hunlui ah na kik thei kei ding, himahleh huai hunlui inzaw na damsung in hon ching den ding, ki ngaihtuah in hon chi hi. Kenleng pastor pa kiang ah,ka teirawl tung a pan in mi ki ngaihtuah mi kana hi, ka ngaihtuah a,ngaihtuah tam lua in hinkhua nuampen ding chi in khamtheih ah kana ki bual ta, a tung in nuam mah leh tu in zaw haksa ka sa lo mahmah, tawp nuam mah leng ka tawp thei nawnkei, kuamah hon panpih thei ding leng omkei. Ka mangbat hun in pathian ka sam zel sam a,a dawnna koi a om ahia? chik in hon dawng a chih leng ka thei kei, dawn nak sang in haksa zaw sem in hon omsak,ka teirawl tung a khami tak a nu lah pa thu mang a bible te tawi a biakna inn lam ka zawt lai zaw kenle ngaithou keive,himah leh ka hinkhua ah ngaihdam lou ka hau gawp a, ngaihdam louh in keitoh ka si khawm zaw mai ding ka chi hi.
Pastor pa leng hon ki ngaihtuah dedu in, si lou e, hing ding na hi Lian, lungkham ken, huai ngaihdam theihlou na chih bang na genna ahia leh, Pathian in na thumna hon dawn louh ziak a a tung a lungkim theilou maw, ahih kei leh mihing tung a lungkim lou maw hon chi hi, kenleng Pastor gensau dah ni,i ngaihdan a ki kokalh thouthou ding ka chi hi. Pastor pa'n leng, kokalh chih omlou e, na haksat na te ngaikhe dia kei leh pathian om ka hi,gen in, lungkham teh lungkham hehnem a, dah te dahpih ding mah a ki pekhia kei ve hon chi a, gen dia hon sawl ngutngut ziak in kenleng ka genta hi. Pastor nang zaw ka neulai thu na theikha kei ding, himah leh hiai camp a ka lut pih mi tamtak ta ka lawm ngen ahi, ka hinkhua a thei lumlet vek ding uh, kei leng nang bangbang a sahkho mitak innkuan a khangkhia ka hi, tapa tang neihsun leh duat khelh chi in tu in miten hon nuihsan ua,van hoih silh chiang natawm a ki zumpih in kholak ah vaakthap in mit leng dieidiai in ka om gige, himah leh nidang a zaw mi kipak thei mi, naupang thumang ka hi,a ziak om in khamtheih kana hih a huai paipih in tuni tan in suakta zoulou in ka omta,suakta zou ding in leng kaki gingta kei,suahtaak leng ka sawm zou nawn kei, nu leh pa lamet na a hih khak leh chi a aminpu a hiai chialpi na a hong tel ka hi ka chih leh Pastor pa hong nui a, a minpu in na hong lut a himah leh suakta taktak sa a kik ding na hi, huai a ziak om a khamtheih ana hih ka hi na chih pen bang a a ziak, hon gendih hon chi hi.
Hiai a ziak om a khamtheih ka hih ka chih pen,mimal a din thupi mah leh noukhwng mi nuamsa te a ding a haksa louhial leh haihuai leng hi maithei a hi, kum guk paita a pan in hiai haina in niteng in hon taisan theikei, innkuan sungthu leng a hi kei,tangval toupi khat a ding in chauh huai leng a hi maithei,himah leh mihing gam a teng, mihing khat a din zaw thuak hak kasa,hiai ziak inleng paithian kana gamlaat ta,itna khat ka chaan ziak a itna dang pen nelhsiah kha leng ka hi maithei,pawl 12 ka zawh in siamsin na sangzaw lunggulh in mundang ah college ka kai khia a, it leh ngaih tetoh mun khat a omkhawm lou in ki gamla tak in ka om uhi.ki iit mahmah leh ki ngai mahmah in a chang in laiton te ki khak zel in nuamsa tak in hinkhua ka zang ua, kum thum bang ana ki ngaisa ka hih man un sunkhat zankhat lel kimuh louh haksa ka sak lai un a kha a sim bang kimu theilou in ka omta uhi.
Kei leng ka mun a ginom tak a om in, amah leng a mun a ginom tak in ana om a, taksap dang leng nei nawn ka diam aw bang ka chi mun mahmah a, ka lungsim ah bel hiai bang itna ka phulouh ahi chi kawm in ka pantheih dandan in ka pang a,laisiam a mi khat hisam ding ing a,huai ni chiang a khosak nuam leh kipah huai a khosak pih ding chi tinten kawm in ka pang hi. Mel kimuh tuah lou a kum khat kum nih bang ka om hang un, ki muanmawh na ding a tatdan sia a leng omlou ka hih man un pathian kiang bang ah kipah thu kana genzel sam hi. Tulai dan a ki hou na phone te omlou ahih man in ka ngaihnou mel muh na omsun chi in ka puak, amah toh kaki lakkhop uh limlak bang a ka taak bang ka laisim,ka thoh leh ka lupdek hun in ka en mangilh ngeikei, innlam ka pai hun inleng itna siangthou tak toh kem in, ki ngaina leh kikhelah tak in hinkhua ka zang ua, thu tamtak bang leng kana chiam hialta uhi. BAthird year ka simkum a hong hita, keileng kumnawn a zou a, innlam a sepna gelh kawm a ka iit ka ngaih te kiang a omta ding chi in phur tak in ka om a, laisim bang thanop huai sa in ka pang kinken hi.
Ka laisim kumkim khat zouta chi a christmas suty pai ding ki thalawp tak a kal nih ka ngak lai in thu hoih lou, a taktak hi ding a leng ka ngaihtuah phak louh kaza ta hi. Kanchiang nuam himah leng lah ka kanna ding a om kei,hon gen tupan lah a chiangzaw a gen dingdan a theikei a, zuau hinte chi peuh in hon heh nem hi, tua thu kazak bel, sawt pek a kana ki ngaihpih Kikim in december 16 a pasal nei ding chi ahi hi. Gingta nuamlou in ka om a himah leh ka dip kua in ka om a nuam theikei, lai ka sim a lah ka lungsim ah bangmah a lut kei, zuau hi mahmah mai leh chi vungvung kawm in bang a limlak kitak te ka en a, kikawi tiitteet a kaki lakkhop uh leh nuihmai tak a Kikim om kamuh chiang in huai hunlai bang ka ngai petmah mai hi, ka lup ding chiang in limlak ka en a, sawt a kitak luat ziak a mual gawp sim a om maimai bang in leng hon lungkham sak ta mawk hi. Thumna bang ka nei a, Pathian kiang ah Kikim ka kiang a pan lamang ken chi in ka ngen ngutngut sek a, a dawnna ding kangak hi.
December ni 8 ahi ta, lawmte mi nih toh train a innlam zuan in ka hong paita uhi. Lawmte bel a langtang in innlum tung ding chi a kipak tak a a omlai un kei bel lau in ka om a, pau khiak lel leng ka ngap kei hi,ka thuzak leh ka ngaihtuah na ten hon khem hai ban ah inn ka tun hun a veng leh pam mite'n kingai a hon theih veksa uh hi a, bang thu kaza diam aw ka chi, pailou hizaw maileng ka chi a, a khen chiang bang in ka kha va pai a thuchian va kankhe masa thei hileh ut na ing e peuh ka chi hi. December phalbi huihkhi vottak nuai ah ni nga lam ka pai nung un lamka ka tungta uhi, kumkhat val lamka ka muh louh na a hih man in changkang sot bang kasa a, huai hun in bel nop kasa thak zezen hi, station a pan innlam manoh in ka pai vengveng a, sawtlou nung in inn ka tung hi, ka nu leh pa'n leng maitai tak in hon vaidawn ua, tuilum te hon suansak in tuilum in kaki sil hethet hi. KA kisil zawh in room lam a vanpuak te chiing ban a khaikhia a ka om lai in kanu hong lut a, Lian nang Kikim toh kingai nawn lou maw hon chi hi, chikmah a ka nu toh huchi lam ki hou lou ka hih man un lamdang kasa a, amah ka en a, kingai e, bangziak eita ka chi hi, kanu'n leng a dah mel hon suah khia a, aman zaw pasal tukha a neidek hivem maw,lai bang ki tak hialta a, kikhen houh na hi di uam ah ka chih man hi chi in a pawt khia hi.
Huai hun ah gen ding theilou in ka ding nilouh a,hih ding lah theilou, hihlouh ding leng theilou ka hih man in ka lupna ah ka tusuk a, Kikim a dia zinpak ka puak ka lakhia a ka en a,bang teng hileh kava ki houpih dia, zinpak ka pe himhim di chi in ki thunun tak in annek zawh in Kikim te innlam ka zuan ta hi. Kikim te leng innkuan kim dipdip in meiphu ana awi uaana kamsiam mahmah uhi, kenleng ka vanpuak te ka lakhia a, a naute nektheih ding tamlou toh ka pia a,huai nektheih ne a ka omlai un kong hong ging a, Kikim in a va hon leh ka meltheih luat,mi nunnem leh mi piching tak, vengsung a ding a leng mi suanhuai,khami leh pil,UPaupi hon lut hi. Mei awi na a tu diamdiam in ka omna vaigam lam thu khawng ka ki houlim ua nuam kasa mahmah uhi.himah leh Kikim bel upaupi hong lut a ki pan a maitai nawn kei, ken leng zetheih sim ka hih man in nuam sa nawnlou in innteek te kiang ah''kong paina a gimhiuai sim a kana paiphot di''mangpha chi in ka pawt ta hi. Innkong ka tun in Kikim in hon delh pawt in.Ulian, ka hai lua maw chi in ka ban ah hon len in hon kap ta hi.kenleng bang ziak in e Kim, na hai het kei, a pil na hi zaw ka chi a himah leh Kikim in Ulian, nang huai maw non chih ding, kei ut thu a hichi bang thil ki tuak hilou eive, kon zui mai di aw heh pih tak in hon chih hi. Kei leng kidek zou dia kuan himah leng kaki dek theihna in zou nawnlou ahi dia, ka biang ah khitui nul senglouh luang zungzung kawm toh Kikim liang a ka khut baat in,Kim,khase ken,itlouh ziak hi lou eive maw, hi lele nang hon suangtu na leitung pathian na nu leh pa deihtel na a vai kisai zaw ken ka bawlse ngam kei ka chi hi,himah leh Kikim in ulian, hiai lel maw nang tua na gen di?? kum tampi ki ngaih zawh nung a a khitna kampau hiai lel maw, nang le non iit zou nawnkei a hinte maw hon chita hi.
Kim, hon en in, ka maitang en in,nang a dia ka hih theih sun zaw ka damsung a kon iit ding a hi tamai, ki it in kingai mah le hang kei sang a ana masa zaw om ahi ta, tu khonung in ken nang kon taipih theikei ding, iki ngaihtung a pan a itna tak toh kon it,ki tenhun ding bang leng kana lemgel gige, dansiangthou a kon neih theih louh ding ziak in nang leng non zui theikei ding,hon itlou ka hih leh leng ka hi zaw mai ding, damtak in mangpha mai ni, kap kenla ki mangilh ngeikei ni maw chi in pai din kaki sata hi. Himah leh kikim in hon paiphal kei, ka dah toh ka heh tha suak in ka khut ka satkhia a ka pai teitei ta hi. Kikim in leng hon nungdelh teitei in ka gennop hon gensak inla huai chiah pai mai in,khua le vot sim lele tunitak na hinkhua a dia na manghilh ni a omtuan kei di, kon it louh ziak hilou ahi aw ulian,haksat na gentheih na leh lungliap na na tuah chiang in ka min in non sam dia.na lunggim hun in i hun nuam te na ngaihtuah inla hon mangilh mahmah ken aw. keileng ka omna peuh a khattaang leh lungliap tak a om gige ding ka hi chi thei le chin aw, ka dah ka kah hun in hon nem ding a om louh chiang in ken leng kon sam zel ding, huihnung bang a itna bangmah lou a beimawk zaw ka theisiam theikei, ka theisiam ngeikei ding, Pathian vaihawm hinteh chini maw hon chih phet in ka hehtha hong suak a, kua pathian a na gen, Pathian in eikal ah bangmah vai a hawmkei, nang leh na pasal ding kal ah vai hawm chauh hilel veh. Khami kisa mahmah a hih leh mi kingai kal khen teitei dah leh ei vele, na pasal ding le pathian in a awi kasa, ka damsung in ka ngaidam kei ding, gennawn koh, muh leng kimu nawn keini chi in ka paisan ta hi.
Phalbi huih vottak nuai ah khase tak in ka pai,ka mit te ah nan zawh vuallouh in mittui a pawt a, hiai phavaang huih vottak leh hiai hun zaw kon mangilh nawn kei ding ka chi a, zankhovak in vengkhung lam ah singkung nuai ah kava tu zanhak hi. Khua hong vak phet in inn ah ka pai a,ka nute lung himawh kisa in innsung ah ana buai petmah uhi,keileng ka lut a. zinkik ding ka hi, hon theisiam mai un aw chi in sum tampi ngen in ka zin a, Kikim te kiten na uaplou in kum 4 bang ka ommang a, vaigam ah noptal in, ka hinkhua ka suse ta ka chi a pastor pa ka en gemgam hi.
Pastor,n ang hinkhua din bulh dih, haksa nasa diam ka chi hi, Pastor pan leng Lian, itna taktak zaw a si theikei, beini leng a nei ngeikei, itna tak a bei ngeikei, hiai thute na gen a pan kana muh dan in mihing tung a na lungkim louh na Pathian na ngoh kha a na hinkhua buai ahi,hinko nuam leh lampi hoih na tot nop leh na mi ngaihdam theihlouh ngaidam inla, na khelh kisik leteh pathian inzaw hon ngaidam eive, na hinkhua tomkha chik zangpan na hi,a ki khel naikei,himahleh ki khel guihthei ahih man in ngaihdam na kongkhak a lut in, na puakgik teng lamang ding ahi hon chi a kenleng Pastor ka ki lankhe thei, himah leh pathian min zang a thupi na leitung a delh te ziak in ka puk kha nawn thou ding ka chi hi, Pastor pa'n leng,mihing gam a om na hi,mihing lam en lou in khalam mit in en inla leitung toh ki zomlou in vanlam thil toh ki zom leteh na puakgik a zang ding, puakgik a pan suakta utlou na hiam,na ut leh kamai ah hon khukdin inla kon thumsak ding hon chi a kei leng ka khukdin sukpah a thumna a neihzawh in kipak tak in kaki khen ua, chialpina camp leng lohching tak a nusia in tuni tan khatvei chang in haksa sasim mah leng ngaikhawk nawnlou in ko omthei ta hi. Himah leh hiai phalbi huihkhi a a laang chiang in hnlui ngaihna zaw ka taisan theikei,ka bilbuk ah ka min a hon kisam bang mai in ka zaza lai hi.
BEITA
©Siamsinna leh Vakiangbu
Comments
Post a Comment