LIANPU LEH VUNGNO
By ~ Alex Guite
Mualpi khua ahihle khonuamtak ahi. Huai ah nungak melhoih, duangcing
leh mam hiuhiau Vungno a om hi. Vungno te ahihle khosa theitak ahi ua,
nuamsatak in a om uhi. Huai khua mah ah tangval Lianpu kici le a teng
hi. Lianpu te ahihle khosakna lam ah a tuantual in mite neih bang
neijoulou in, puansilh leng mi a bang silh joulou in a om hi. Lianpu
toh Vungno ahihle aneu uapat school khat a kai khawm ahihman un akithei
tuah mahmah uhi. Lianpu in Vungno pen aneu apat hoih ana sak le aguk a
ana ngaih gige khat ahi. Hucin nungak tangval hong hi hial ta mah le uh
Lianpu in a it a ngaihna thu nikhat lel leng Vungno kiang ah a gen ngam
ngeikei hi, a mahlam a ki etciang in Vungno adin phu akisa mahmah kei
hi. A neih le lam te a ki-etciang in a jum tuntun hi. Huci in phuloh
vang ngai in a hinkhua haksa tak mai in a hon jang jel hi.
Nikhat Lianpu ki dek jou nawn mahmah lou in sih leh sih, dam le dam
in Vungno kiang ah aneu pat a ngaihdan, a itdan khat lel leng sitlo in
hon gen maita hi. Vungno in athugente hoihtak a ana ngaikhia ahihman in
atawptawp in 'U lian, na gin omtaktak ding le nang aa ka hi mai' hon
cihleh Lianpu le a lam et hetloh le a kinepna tunglam pek dawn na hon
jakciang in kipak petmah in Vungno khut len in 'Vung ka hon itna cikmah
ciang in a bei ngeikei ding, ka hinna na ngawn leng nang adin ka it kei,
sihtan pha adin ka hon it ahi' ci in kipahna mit tui toh hon gen ta hi.
Huciin nuamsatak in Lianpu leh Vungno itna khau khat a khihkhawm in hun
hon xang xel ua, akhenciang in a neihzoh loh ziak un kisuanlahna leh
jum na tampi hon tuak zel mah le Vungno itpet mah ahihman in 'itna lou
ngal masuan ding bangmah ka neikei, aw kon itna lou ngal vung aw' a ci
hiathiat jel hi.
Hunle nite khol lou a hong paizel in khovot hun, kumbei kuan bang
hong hita a, Dec kha bang hong hita ahihman in Lianpu le Vungno te ki
itna hong kibehlap zel hi. Alehlam ah muntuamtuam a siamsinte, sepna
neite innlam hongpai souhsouh ta ua, innkuan a xmas zang din. Huaite lak
a amau khua mi mah tangval Lalboi kici leng doctor zil khin, innlam ah
hong paisamta hi. Lalboi in Vungno a hon muhciang in nidangsang a
melhoih jaw hon sa ta a.
Lalboi in Vungno hon ngaihbawlta in niteng in a inn uah hong lengla
ta hi. Vungnou bel mi polhnuam ahihman in a lenglate akua kua le
khentuam neilo in ana kithuahph zel hi. Hucia Lalboi, doctor zet in
Vungno ahong heel gge ciang in a nu le pa'n Lalboi pen Vungno adia ana
deihsak bawl in, hoihtaktak in ana houph ua, niteng in Vungno cu hon
thuhilhta uhi" huai Lianpu te khawng bangmah neilou, huaite sang in
Lalboi bang kitenph lecin na damsung a mi nuamsa hi di na hi 'ci a hon
thuhilh ciang un Vungno inleng a lungsim hon kheng in Lalboi hon guuk
ngaih maimahta hi. Hucia Vungno in Lalboi hon ngaihbawl ciang in Lalboi
inleng thu mu kisa in nikhat a itna thu hon genle Vungno in leng ana
sang pah in a guuk in hong kingaita uhi.
Alehlam ah LIANPU bangsuak ta ding? a itpenpen a kinepna Vungno inlah
hepkhiak bawl, hoihbawl lo cih hon theihtak in a lungtang sik zum a sut
hong bang in na hon sa petmah hi.. a jawn angau, aneihzohlohlam hong
kiphawk khia in genthei innsung a ana piankhiak puaksiam haksa asa
mahmah mai.. leitung ah itna taktak ka zonzon hang muzou keng, itna
hauhna sum le pai cih khawng bangteng hon ngaihtuahciah hong kingaise
gawp petmah, a itpen inlah gamlatsan hiaihiai mai, kampha maitai ale
houpih ngeilou.
Nikhat Lianpu kingaisia sa in alawmte tawh zu hon dawn khamta hi. A
hon dawn zoh un a lawmte a innlamciat uah pai ua, LIANPU bel innlam a
pailou in a itpen VUNGNO te innlam ah hong pai hi. Zansawt simta
ahihman in Vungno te innle daimahmah ta. Kongkhak hon kiu leh Vungno in
kong hon hong, hong lut leh Meikiang a Lalboi tu hon mu ta.. LAlboi in
le eh! Lianpu nangle hong sialpi lut na mahmah nomnom cia a cehleh
lianpu in SIALPI CIZAW Lou in SIALTAL cizaw ve cihle tutna a tut hon
thuahta. Vungno in bel kamkhat inle houpih lou. Tomcik kuamah paulou a
om. LALBOI hong pau in Lianpu hong khanglui pawtna taktak cia koi a hong
kipan e dak 11 bang gingta a acihle Lianpu in "tu a hong kilut panpan a
kikhanglui manhial ahihle nang bangcu nana khanglui ta awm" ci a hon
dawn leh Lalboi le hehsim "lawm Lian, hehkenla tu zan nungnung a nungak
tangval kia om na va pawt khantohloh vai khanglui huai mahmah ahi cih
na thei hya ?" hon cihleh LIANPU le hehsa, a lungsim sou tak mai hon
sukha zekta ahihman in" ka ut leh khanglui in khangthak ning, ka itpen
VUNGN0U kiang a hong hoh ka lel ka, nang gen di bangmah omkei' ci a aw
ngaihpi a hong pau le Vungno hong kiguih xot hial in, ULIANPU zansawt
ta ahihlam na thei hia awl pau in "cia Lianpu hon tai hi.
Lalboi in le simmoh citak in ' nou khawng daikil kal a mi, khopi le
sik kha ngeilou in simmohtak a hucia nawn dawn di vual hilo ka hi Lianpu
aw"..hon cih le Lianpu le hong heh petmah, hong dingtou, LALBOI maikawk
eh" eh kei daikil kal ami, nangcu daisung a mi kici ut dan na hi
maw??? Cia hong hangleh Vungno le hong pau in 'ULIAN Awl pau in ka ci
hilo maw, hon ngai a hong pawt konsak le hon sumualphou ut a hong pawt
neive maw"..hon cita.. LALBOI le hong pau nawn in "daisung mi ka kici
lotel hiai innsung na nana ah zaw.. hon cih lai leh Lianpu le hong heh
petmah in Vungnou kawk in "EHE Lalboi nang, hiai minu na sumle pai neih
enlah, a neinei te maiboh a, gentheite simmoh ziak a maw kei nawn huci
simmoh bawl, hiai nu tawh sawtpi kana kingai ua tua nang han ngainawn,
zulhzau nu ziak a maw nawn simmoh, genthei in jawng lengle nawn vaksa
hilo ka hi aw Lalboi, tunitak ngeingei a thilteng sufel dia hong pai ka
hi. Ka hinna le ka itkei, khovel ah kei adin hin a kan natna awmkei"
cihle Lalboi maisuk hon thuahta. Hong kibuan uh. Lalboi inle lianpu
ngawng a mek, Lianpu akiang nai hong kimaimai le temta khat meh atna hon
maikha in Lalboi gil ah hon dot tum ta. Sisan a pumdimta.. Vungnou lah
loh ngaihna theilou, kap ek-ek mai, hai hina lawmlawm ing e maw ci a
khitui toh dim denta...
"BEITA"
©Siamsinna leh Vakiangbu
Comments
Post a Comment