THEY WON'T LET ME IN

By ~ M Kamminthang Guite

Pathianni zingkal ahong hia, khua a vot mahmah mai hi. Zingkal ann nek khit in Biakinn dak ahong ging a mipite a kilawm leh hoihthei pen a kichei in Biakinn lam manoh in kal hon suan zungzung uhi.

Tutna vual nanung ah putek khat amah kia a tu in kun geuhgauh khat hi. A puante baal in namsia mahmah a, amai le hoih tak a muhchet theihlouh khop in a mukmul leh biangmul sau in tam mahmah hi. Huchiin, a kiangah Usher khat ahong paitak in aman le zahna etsakna in kun in a lukhu ana lakhia hi. Kare, a sam bang sau in baal in ki kai-awk lemlum maimah hi. Khedap lah bun lou in mawza baal mahmah khat bun hi. Usher-pan le, “Pu aw, apawi mahmah mai, nang hiai biakinn sungah nong tel asiang in a kilawm kei hi. Mipite hon etdan adik kei dia, kua man program a sukbaui ding ki deihlou ahi. Huaiziakin, pua lam ah ana potkhia mai in aw.” Achi hi.

Huchiin, lamdang sakna toh putek le kunsuk in amah leh amah ki enen in atop in lukhu khunawn in pot din kisa hi. Pathian la kisate ngaihkhiak nuamsa in thugentupa thugen di ngaikhia ut mahmah ahihman in dah mahmah a, himahleh amah adia mun awnglou ahihman in midang sukbuai utlou in awl in potkhia hi.

Innlam a paisuak lah utlo ahihman in, ki ngaisia tak kawm in biakinn pualam a tawlet apat ngalmuh theihna di mun ah tu in kikhawpna program hon uap teitei hi.

Huchia bangtan hiam aom nung in, a nunglam apat tangval noukhat hong pai in a kiangah hong tu in, “Pu aw, bang hih na hiam” chin dong hi. Putek in zong, “Tuni ki khop ka sawm a hihmahleh kei pen ka puansilhte baal in luithei lua a, a sung ah tu leng amaute subuai ding ahon chiziak un a sungah ka tut ding ahon phal kei ua, pualam a tu mai ka hi” chiin dawng hi.

Huchiin, Tangval inle chibai buk kawm in, “Lungkham ken, kei leng kumkhat val mahmah hiai Biakinn sungah kata zou kei hi, kei Jesu ka hi” achih toh kitawn in mangngal hi.

"Remember to welcome strangers in your homes. There were some who did that and welcomed angels without knowing it." - Hebrews 13:2
"I tell you, on the Day of Judgment people will give account for every careless word they speak" - Matthew 12:36

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more