THILHOIH HIH CHIM TAK KEI NI:

By ~ Muana Guite 

Singtang khua khat apat Nuta (Siamboi leh a nu) Lamka ah hon pem uh hi.

Siamboi hi a pa'n kum khat paisa in ana mualliam san ta, Siamboi hi Pitek leh Putek hehpih siam mahmah, nasep tai ma mahmah, lehkha siam thei mahmah ahi. Huchin Lamka hong pem un Govt College apat cl-XII hon zou khia a, a Nu' Pa ten a nekzonna ding in Diesel Auto (Paupu Auto) te a lei sak ua, amah le Govt College ah ki admit kawm in Auto hon service hi.

Hun te hong pai zel in, a khosak na uh bang hong nuam tuan mahmah hi. A Nu le inn naa chauh sem in a koih hi. Auto a service chiah Putek toh Pitek te bahara a la ngei kei a, a piak chiang un le 'Na muam khum man ding in zang in' chiin a lehkik zel hi.

Hunte pai zel ahih man in, amah le hon graduate tei a, apply theihtheih hon apply hi. Himahleh lohchin pen amah di ahih nai louh ziak a diam ah, a lohching thei kei hi.

A lungkhamna din a Nu'n damlouhna hon tuak phut a, aman le Auto lam ah hoihtak in a service thei keia, a Nu lupna ngak a om tuh a om pih den hi. Sum leh pai lam ah haksatna hon tuak uh a, Siamboi inle a Nu kiah 'Nu, tuni Auto ka va service dia, Pitek leh Putek te le a bahara uh ka la vek ta di' a chih leh a Nu'n 'Bawi, THILHOIH HIH CHIM TAK KEN' a chi a, huchin aman le sum haksa mah le uh a Nu gen thei kawm in Pitek leh Putek te bahara chu a la ta kei.

A Nu natna chu hoihlam a nawt thei kei a, sum a khol sa teng uh le a zang bei hi. Himahleh a Nu hinna chu a humbit zou kei a, himah leh a Nu thugen 'THILHOIH HIH CHIMTAK KEN' pen a humbit zou a, Auto a service chiang in Pitek leh Putek te bahara chu a la ngei kei a, Pitek leh Putek ten a vualzawl zel uh hi. A Nu sih nung kum 2 na ah Centre Govt ah Graduate level sepna chu a mu ta hi. A loh lak masak ni pen in a thum a "Nu aw, Pa aw... THILHOIH HIH CHIM TAK KEN non chih uh, tu'n ah a zal hon zou pih man kei mah le u te, thangvan ah hon na theih pih un aw" .

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more