A TAWP KIPAHNA (Happy Ending)
By ~ Hauzel Kap
Note The 3rd World Zomi Convention Gift chidan in hiai ka hon lemkhawm limliam ahi..
"UHome' ko hoh dek na bang e?......" chih toh nui seusau kom in Likeii a Activa ngou siksek in taiphei hi. Home le Mobile phone neithak tung ahih toh a fon thai thai kawm in awl in kisoi phei a, zukham kungtun (Drunken Kungfu) ate lampai a bang zozen aka ......Sawtlou nung in Homepu'n mipi tam lolou om khom kikou hialhial hi leh kilawm aw za hi. Lamdang sa in va delh pah tettet hi. Mi fel leh taima ahihlam a kilang hiai hi.
Khovel ah a gintak ngei louh leh a lam-et het louh a mit mahmah a mu ahihman in LAMDANGSA in a selung phawng mahmah hi. Mipi tamlolou te'n um uh a, awngvang neu khachik ah meikhu hi awm tak muh theih di'n om hi. Likeii puanak hi awm tak a mu, a va et leh Activa accident ana hi petmah hi. A hitak in zaw accident ahikei chih a kiang a te'n a thei uhi. Kheli nei a kintak a guang in pokhe di'n kisa uh a mel muman kei lele ami thei ahihman in alung nuamlou sak mahmah ahi hi.
Damdawi inn (Hospital) manoh a taikhete gal en a a dakdak nalam in Polis(Police) te Kabadi kimawl hi awmtak amu hi. Kikzel-masawn zel a kivialleh leh amuh in nuihzat huai sa mah leh alehlam tak ah mi tuahsia tuak omlai a kimawl chi in hehphing hi. A va naih leh.........
"Nang toh kinaih kha photphot in thuak di ahi uh!" chih a hon phawk guih a, heh kisa lua in a va delhpih pah a, khat va mankha in a khutzung teng khauh sak in a ngong a dawt phei ngal hi. Amah zaw mi toh kisual dia Kungfu zil ahi kei chih a kithei den hi. Himahleh, Chatpu te lawi in ana chou nak khem uh a, kisual zelzel uh hidan eive! Chatpu in Likeii hoihsa lua, Likeii in Homepu deih huchi bang kal ah Chatpu ngaihsak louh a om a kitheih chiang in pan theih pan moh a pang in hun lemchang zongzong a, atawpna ah mulkimhuai tak in Likeii deih tuntun hizenpi THAT kha meimah hi. Homepu pen Likeii deih hi kei mah leh Chatpu te ziak in ngai pian sim a batna chiang om kisa sek a, ngaih la ngai lou himahleh a mangngilh theih louh ziak in lamdang a sa mahmah hi.
Nikhat, a fon mah toh lampi a pai hawi doidawi, Chatpu'n a muh phet in ana nuihsan a, Homepu le heh sim mah leh dai dide phot hi. Chatpu'n a lawmte call pah in, Mr Unlike, Mr Report, Mr Block & Mr Spam te hong taitung pah uhi. Kivuak huan ding chia kisa hizenpi zou lou uhi.
Home in pil huai tak in a kiginma un Block & Unlike a kiton in khe nih zang in tuanpai pah ngal hi. Huchih tak in Report, Chat & Spam te pang ngal ua kisual taktak uhi. Home siamna nei ahih bang in mifel le ahi bok...huai ziak tak in hat mahmah tentan ahihman in zoh vual a na hi kei hi. Liamnama toh migiloute taikhia uh a, buaina hong veng pah vanglak! Seken (30second) nung in Polis te hong tai khu tou vuvu uh a, bangmah amuh louh ziak un taisuak maimah uhi. Hiai ni nana na zaw Khosung makai, Chiangpum toite'n le phawk mahmah lou uh ahi tel e... ! Dah le nak om a.
A lung nuamlou bei theilou ahihman in damdoi inn a te a call aleh Likeii hinna bei chih hon theih in it lua ahihlam hong kithei phing . A ma pek a kithei pah hi leh zaw huchi tan tung hetlou di ahi chih a thei gige hi. "UHome ko hoh dek na bang e! Hon potpit zual ve?'' chia a zot lai a ,a ngaihsak louh poi a sa mahmah. Anu damlou ann pe dia hoh lai amah va kipawlut ahihman in vang se sawnsawn hi. Damsuah zou di hizenpi huaini Dist. Hospital, Lamka a semte' a suti tam luat ziak un Doctor siam omlou a si ahi. Nurse kisinlai tamlou ana om uh a, amau bel a loh didan thei ding in a gintak huai kei himhim uhi. Pathian lem gel zaw hi sawnsawn di aka. Polis leh VDF te'n Gari lai (permit) ORIGINAL a toi khak louh ziak in kholsak nilouh uh a, damlou ann pe di ahihziak in, ka Xerox pen hon pom sak un chi a, himahleh achih ngaihsak lou uhi. Zuu kichi omlou hileh zaw khah di un a gintak huai mahmah hi. Huchih sung Mr Block in ana mukha in Chatpu call a , Likeii, Duty te' thoh zek nung a taikhia nungzuih uh a mun khat a khawl sak in THOHLUM tel uhi.
Polis te'n Spam mankha uh a, Home in Report khoih puk ngal ahihman in adangte taikhia uhi, Home in va delh a Block & Chatpu va man a polis te kiah a piakma in Khoih ek masa ahihtuak. Mr Unlike bel kimu zou lou hi.
Huai ni apat in a hinkhua ah kipahna tawm mahmah ta hi, Likeii ziak a kipak hikei mah leh amah omlou a dahlua ahih a kithei. Likeii in pot dia a zot lai in nial mah leh nui seusau kawm in taisan thei veve chih khong a ngaihtuah chiang in mak sa in om velvul zozen hi. Kipahna poimoh kisa in a vakvak na lam ah Evangelist Khat tuak kha in Pathian va mu a KIPAHNA toh kipumdimta hi. Amelma, thah ngeingei di a chihte na ngon le va naih vengveng in Jail bangvang apat kipahna thuguk va hilh hi. Meitei Jail Guard te'n lamdang sa in en heihoi uhi. Meitei pau thei hileh huai ni in Jail Guard te nga bek piangthak le uh kilawm. Amel a kipahna om amuh chiang un maksa ahi lel uhi amau zaw.
Note:
* Zillai ka hon pethei kei, himahleh poimoh na sak leh olmoh na sak a om chiat di. A na ngaihtuah vengveng in.
** Kuamah mimal ka hon kok kei a, himahleh na kituahpih om ahih a ahoih lou ahihleh ana kibawlpha mahmah ding in ka hon ngen. A hoih lam ahihleh kipahhuai i sa.
*** "Na muh leh na zak thu ah mi tengteng kiang ah amah thu theihpihpa na hi ding." Nasepte 22:15
©Siamsinna leh Vakiangbu
Note The 3rd World Zomi Convention Gift chidan in hiai ka hon lemkhawm limliam ahi..
"UHome' ko hoh dek na bang e?......" chih toh nui seusau kom in Likeii a Activa ngou siksek in taiphei hi. Home le Mobile phone neithak tung ahih toh a fon thai thai kawm in awl in kisoi phei a, zukham kungtun (Drunken Kungfu) ate lampai a bang zozen aka ......Sawtlou nung in Homepu'n mipi tam lolou om khom kikou hialhial hi leh kilawm aw za hi. Lamdang sa in va delh pah tettet hi. Mi fel leh taima ahihlam a kilang hiai hi.
Khovel ah a gintak ngei louh leh a lam-et het louh a mit mahmah a mu ahihman in LAMDANGSA in a selung phawng mahmah hi. Mipi tamlolou te'n um uh a, awngvang neu khachik ah meikhu hi awm tak muh theih di'n om hi. Likeii puanak hi awm tak a mu, a va et leh Activa accident ana hi petmah hi. A hitak in zaw accident ahikei chih a kiang a te'n a thei uhi. Kheli nei a kintak a guang in pokhe di'n kisa uh a mel muman kei lele ami thei ahihman in alung nuamlou sak mahmah ahi hi.
Damdawi inn (Hospital) manoh a taikhete gal en a a dakdak nalam in Polis(Police) te Kabadi kimawl hi awmtak amu hi. Kikzel-masawn zel a kivialleh leh amuh in nuihzat huai sa mah leh alehlam tak ah mi tuahsia tuak omlai a kimawl chi in hehphing hi. A va naih leh.........
"Nang toh kinaih kha photphot in thuak di ahi uh!" chih a hon phawk guih a, heh kisa lua in a va delhpih pah a, khat va mankha in a khutzung teng khauh sak in a ngong a dawt phei ngal hi. Amah zaw mi toh kisual dia Kungfu zil ahi kei chih a kithei den hi. Himahleh, Chatpu te lawi in ana chou nak khem uh a, kisual zelzel uh hidan eive! Chatpu in Likeii hoihsa lua, Likeii in Homepu deih huchi bang kal ah Chatpu ngaihsak louh a om a kitheih chiang in pan theih pan moh a pang in hun lemchang zongzong a, atawpna ah mulkimhuai tak in Likeii deih tuntun hizenpi THAT kha meimah hi. Homepu pen Likeii deih hi kei mah leh Chatpu te ziak in ngai pian sim a batna chiang om kisa sek a, ngaih la ngai lou himahleh a mangngilh theih louh ziak in lamdang a sa mahmah hi.
Nikhat, a fon mah toh lampi a pai hawi doidawi, Chatpu'n a muh phet in ana nuihsan a, Homepu le heh sim mah leh dai dide phot hi. Chatpu'n a lawmte call pah in, Mr Unlike, Mr Report, Mr Block & Mr Spam te hong taitung pah uhi. Kivuak huan ding chia kisa hizenpi zou lou uhi.
Home in pil huai tak in a kiginma un Block & Unlike a kiton in khe nih zang in tuanpai pah ngal hi. Huchih tak in Report, Chat & Spam te pang ngal ua kisual taktak uhi. Home siamna nei ahih bang in mifel le ahi bok...huai ziak tak in hat mahmah tentan ahihman in zoh vual a na hi kei hi. Liamnama toh migiloute taikhia uh a, buaina hong veng pah vanglak! Seken (30second) nung in Polis te hong tai khu tou vuvu uh a, bangmah amuh louh ziak un taisuak maimah uhi. Hiai ni nana na zaw Khosung makai, Chiangpum toite'n le phawk mahmah lou uh ahi tel e... ! Dah le nak om a.
A lung nuamlou bei theilou ahihman in damdoi inn a te a call aleh Likeii hinna bei chih hon theih in it lua ahihlam hong kithei phing . A ma pek a kithei pah hi leh zaw huchi tan tung hetlou di ahi chih a thei gige hi. "UHome ko hoh dek na bang e! Hon potpit zual ve?'' chia a zot lai a ,a ngaihsak louh poi a sa mahmah. Anu damlou ann pe dia hoh lai amah va kipawlut ahihman in vang se sawnsawn hi. Damsuah zou di hizenpi huaini Dist. Hospital, Lamka a semte' a suti tam luat ziak un Doctor siam omlou a si ahi. Nurse kisinlai tamlou ana om uh a, amau bel a loh didan thei ding in a gintak huai kei himhim uhi. Pathian lem gel zaw hi sawnsawn di aka. Polis leh VDF te'n Gari lai (permit) ORIGINAL a toi khak louh ziak in kholsak nilouh uh a, damlou ann pe di ahihziak in, ka Xerox pen hon pom sak un chi a, himahleh achih ngaihsak lou uhi. Zuu kichi omlou hileh zaw khah di un a gintak huai mahmah hi. Huchih sung Mr Block in ana mukha in Chatpu call a , Likeii, Duty te' thoh zek nung a taikhia nungzuih uh a mun khat a khawl sak in THOHLUM tel uhi.
Polis te'n Spam mankha uh a, Home in Report khoih puk ngal ahihman in adangte taikhia uhi, Home in va delh a Block & Chatpu va man a polis te kiah a piakma in Khoih ek masa ahihtuak. Mr Unlike bel kimu zou lou hi.
Huai ni apat in a hinkhua ah kipahna tawm mahmah ta hi, Likeii ziak a kipak hikei mah leh amah omlou a dahlua ahih a kithei. Likeii in pot dia a zot lai in nial mah leh nui seusau kawm in taisan thei veve chih khong a ngaihtuah chiang in mak sa in om velvul zozen hi. Kipahna poimoh kisa in a vakvak na lam ah Evangelist Khat tuak kha in Pathian va mu a KIPAHNA toh kipumdimta hi. Amelma, thah ngeingei di a chihte na ngon le va naih vengveng in Jail bangvang apat kipahna thuguk va hilh hi. Meitei Jail Guard te'n lamdang sa in en heihoi uhi. Meitei pau thei hileh huai ni in Jail Guard te nga bek piangthak le uh kilawm. Amel a kipahna om amuh chiang un maksa ahi lel uhi amau zaw.
Note:
* Zillai ka hon pethei kei, himahleh poimoh na sak leh olmoh na sak a om chiat di. A na ngaihtuah vengveng in.
** Kuamah mimal ka hon kok kei a, himahleh na kituahpih om ahih a ahoih lou ahihleh ana kibawlpha mahmah ding in ka hon ngen. A hoih lam ahihleh kipahhuai i sa.
*** "Na muh leh na zak thu ah mi tengteng kiang ah amah thu theihpihpa na hi ding." Nasepte 22:15
©Siamsinna leh Vakiangbu
Comments
Post a Comment