MUH CHIIL TONG SAAN LIANU
~LiaLian Naulak Abadte
THUMAPI-hiai
tangthu ahih leh true story toh ki thuah ahi..leh kei mahmimal a le kon
a tuah khak sa le hel ahi a.kuapeuh in siam in siam kei mah leng nn a
sim suak sak uh kon ngen ahi..
Unau
4 ka pha ua pasal ngen ka hi uhi. Ka unau un naupang neuchik kahih ua
kipan in innsung nuam leh Pathian thei mi innsung ah k'on khang khia
uhi. Kapa bangle saptuam lam a kizang khat ahi a, Pathian niteng in ann
kuang kikhopna / innkuan kikhopna aban ban in ka nei jel uhi. Ka neulai un ka khua uah school ka kai chiat uhi, ka school kai na min uh ahih
leh GREEN HILLS ACADEMY school ahi. Kei bel ka unau ua neupen
kahi a, ken pawl 7 ka sim hi. Innkuan sung ah nulehpa te thu leh school
kai na ah sir te thu ka mang ua mite hon pakta thei mahmah mai uhi. Hunte hong pai tou jel in kumtwp exam di dinmun in k'on omta ua, ka pa'n le
ka laisim dek chiang un, lungtang hatna di bang, lai theithei na ding bang
in thumna in hon thum sak gige a, huchiin exam pan ding in kon kisa ta
uhi. Pathian venna leh kepnate ziakin exam a bula kon pat uh ani
tawp ni ding tan pha hong kem tou a huchiin in exam kon zou tou ta
ua, Sunday in result puang khiatna progrmme te nei ding chih thu
omhi. Kei bel ka hih fuh sim ziak in lungmuang mahmah in ka omhi. Sunday
chu hong tung a school lam mah noh a ka paiphei leh school ka tung dek
in nidang a ka muh ngei het louh ka khua ua farewell prgramme zang dia hon
hoh chu ahi ngei ding a, ka muh phet in hoihtak in ka en hoih hi. Amel ahoih a mit hon la mahmah mai hi. Kenle ka etet laitak in ka
lawmpa Biakmuan hong pai a.. thakhat in hon beng zauh a kei leng ka kiguih zot zezen a, amah le kisuang lah simthak in, "sorry bang chi e" hon
chih thuk pah a ken le ka lawmpa ahih chiang in huchiin ka gen thuk pah
ngal hi.
Biak huai nu koilakte a, amin na thei kha
hiai? chia ka dot leh aman le Chiangpite ahi i khua ua hiai hun mang dia
hon kuan ahi. Headmaster pa tanu a upen ahi hon chi hi. Kenle amin na
thei hia? ka cileh amanle thei e amin Muankim ahi himahle amau Jenny chi
a asap uh ahi. Kihou a ka omom lai tak un Jenny penle ka omna gei uh
hon tung a, ka kilamet het louh leh ka ngaihtuah bat louh pi in chibai pe din a khut a hon khak a kenle ka chibai phei a, amanle
na pass diam leh tutung hon chi a?" Apate bel a sung ah a lut ua kou
gel ka kihou ua "kenle pass sam na lou di ka hia, ka chi namnam hi. Himahleh
a aw ging te ahoih mahmah mai a akhut te a nel mahmah mai hi. A aw suakging kei a ding in rose pak gimnam abang a..a khut nel thiamthiamte kei
a ding in thil nuam pen khoih ka bang a, nuam ka sa mah mai hi. Kenle
kamsiam pen in ka houpih a aminte theisa himah leng ka kan thak
a, nang na min bang a? ka chi hi. Aman le ka lawm pa hon gen dan in hon
gen non a, huchia ka kihou laitak un hall meeting pat hong hun a ka
teacher pa un hon sam a kei leng lut dia ka kisak leh ka gintak louhpi
in hon houpih non a, nitak chiah school ka non lou na hih chiang un i
vak kei dia maw?..ahon chi a keile kin lua ka hih man in ole hi thamtham e
ka chi a ka lut san phot hi.
Programme te zousiang vek in
innlam a ann ne ding in ka pai ua, ka lungsim 1 a hon kam tuntun huai
numei ka muh nu pen in ka lungsim hon kam tuntun maimah a, ka thil hih bang a
nuam lam in paikha a nuih maitak in ka om a nidang sang bang inle fel
zaw in ka kithei hi. Adiak in nitak pawt khom di..chih ka ngaihtuah
chiang in ka phur penmah a nitak di bang ngaklah huai ka sa mahmah mai
hi. Atawp in chu nitak hong tung khong a kei le kisa a in a nuihtheih
teng kinuh in kichei in ka buai mahmah lai tak in amah hon man masa
ahi a hon tawn phei a keile ka man chet a ka nu kia nu sawtlou kava
vak zual di uh o..chiin ka pawt ta hi...gen di bang chu a vang mahmah mai
a, lungsim kipahna ngen in a dim a, ka gen masak di pen bang theilou
khop hial in ka lungsim a kipah na a dim hi..a tawp in kenle ka gen masak
na ding in huchi bang in ka panta hi. Chik chia pai di uh e? ka chi aman
le kal non khong hinteh hon chi a..ass na pai baih tuak lua uh nou pai
le uh chin na ngaih huai mah di uh kei bang ka thom hau tuan di dan kaci
a, aman le nui kom in ah..ami ngai lua/phok lua omom in na kamsiam chau a
mi hou hi niteh, hon chi a, kenle hi zenzen lou e, ka chih toh nang ngaih
neita maw, ka ci ngal hi. Amanle i neilou, nangla hon chi ngal a? Kenle
neinailou ka hi, ka ci a, amanle hoih e nungak/tangval buai hun nailou aka
maw hon chi a, huai hon chih in bel kei ka lungke sim a bei leng zou
tuanlou ding kahi cihh ngaih tuah in..akilom dan in bel..eivoi maw..ka chi
khemkhem hi. Field nawl a ka nih un ka tu ua, kenle tua dan
hun (chance) kimu nanlou ding ahih chiang in gen ngamkei mah leng den chia
beimai di ahihchiang in chi'n gensuk mai ding in ka lungsim in
kei chau khong in kaki houhou mai hi. A tawp in chu..
Sih
leh sih dam leh dam gen di himai ka ci a, kipasal sak mahmah in chu kon pan
ta hi "Jenny na mel kon muh akipan in tu dong ka lunglai a vai bang tham
den, gelchim theihlouh na sakmel hoihte, zakchim theih louh na o
suakte kei ding in tang bang ka dam na hi. Hinlah nang a dia
pulou/ching zoh louh na bel nei ding mah ka hi, hin lah iitna leh ngaihna
lung tang ka hon nei pah a..Melmuh chil a pan in ka lung lai a vai bag
na tham den hi ...huchii bang iit na ka neih pen sianlai tan hi e..ka
tong naubang hon sang sak mai ve maw"chi'n ka gen tahi...ka gen khit in a
tal hon son jejen a sawt lou hong kingaihtuah in, huchi'n hon dawng
thuk hi. "huchii bang a na iit na ka tan kei ding in vualjolna a hi na
tung a kipah na lianpi tak ka nei hi, kumkhua a lou bang tuul ding a
deih chi bang na hon teel ahihleh, kei zong na siang ah lou bang tuul
nuam veng..hin lah kumkhua lou ding a iitna khemkham te bel kei ding in gentheih na ahi. Kum khua a ding ahih leh na tong naubang kon sang
ahi" chi'n a hon dawng a, kenle huchi'n ka dawng thuk non hi..
Kenle
huchi in ka dawng thuk non hi "Tuni a kipan in nang a ding in sisan
phal ngam a pang ding ka hita nang toh lou bang tul khom ding in siang
in lumbang hon sung dia nihgeel houlungtuak in mabang sat khom
ni" chiin ka dawng hi.. ka dawng khit in ka ang ah hon kingai suk a kenle
ka iitna etsak na in a tal tawp in ka koi bit thilthei hi..nigel hou
lungtuak in nuamsa tak in om ka hi ua ka nih un ka kipak mahmah uh chih le
ka thei hi..himah leh dak in hon ngak lou ahih chiang in zan hon sawt
simta a innlam a pai phot ding in ka gen hi. Aman le himah e hiai a nuamsa
tak in omom mawk lele sungkuan te'n hon a lung hi moh kha ding uh ahi pai
phot ni mah in, hon chi pah a..kenle innlam ka paipih a inntan kava kha a
ka kiiklam bel kei kia ka hi. Ka lungsim a nuam mahmah mai hi in ka thei hi. Inn ka tung in ka sungkuante ana imu khin
vek ua kei leng thom nei het lou in innsung ka lut a lupna
pindan (bedroom) lam ka naihpah ngal a ka lum pah ngal hi.
Zing
khuate hon vak jel a kei leng ka thou khia a kihah siang in laisim
dilah omlou phot ahih chiang in..Bible khong ka sim hi..ka nu leng annnek ding hon thuk a ann ka nek zoh un ka sungte loutul hoh ding in
hon kuan san ua kei toh ka u kei tung a pen kou geel chau ka om ua..ann
nek kuangte ka sil zoh in innkong a nisa lum oii in kava tu a..huai
laitak in chu ka ngaihtuahna a chu hiai bang thil hon pawt hi "numei hi zah
nak lai a numei mi tampi te lawm bawl in ka houpih na a Jenny kam dam dandan
ka za ngei het kei hi. A aw nemte khong ka bilkha a vaibang a tham
denta a.. amah kia ka ngaihtuah gige hi. Kimuh tung a pat hon
houpih dante khong ka ngaihtuah a lamdang kasa khonung phing jel
hi..sian in kei tan dia hon piak ahih ziak a huchi bang a hon hou a de o
chih khong ngaihtuah jel...a tuamtuam ngaihtuah jel mah leng, ka lungsim
tawng a amah kia om hi. Khenkhat chiang bang in, khokhat hilou hi
ung a amau khua kho tangval dang nei di hive o, kamsiam lua..amah iit-tu
ngaitu ding tam di ahi, chih khong peuh ka ngaihtuah khe thethup jel
hi. Huchia a tawmtuam ngaihtuah aka omlai tak in.
Jenny
leng ka gingtak louh pi in hong hoh pheiphut mawk a, peuh ka gen di bang
thei zezen lou kisuanglah/banghiam hih khelh nei mah ka bang a, ka gen
masak di pen bang theilou in tutna bang pia in ka kiang ah ka tu sak
a..bang chi sim e? Ka chi aman le..zingchia pai som kahi uh chih thu hon
hilh hi...o ka lungsim chu manglam a bang maimah ta a, ka lung a buai
mahmah mai hi. Ka iit leh ngaih tawh leng khua khat hilo ka hih ua
himah leh ka iit leh ngaih luat ziak in puak dan ka siam kei a ka
lungtang a ah..nitak ka pawt ua ka tut khom lai te uh bang ka phok mahmah
mai hi...gen di thei het lou hina pi amah lungkham luat ding lau na in
hi chi'n chu ka dawng sam hi...
Nang tawh om khom den le
leitung a ka ut pen pen ahi. Himahleh vangkhua kikhat louh ziak in sam
gibang kikhen ni hong om jel di mah ahi..damtak in na va pai ding
a..himah leh a nuam ahaksa na phut/tuah ni chiang in lailung a hon ngilh
ken o..tongchiam ang kawi ngilh ken o...simlei tung ah zoutang bang ka
damna leh ka lunglai hehnem tu nang kia lou sing dang omlou hi. Melmuh
lou i om khom louh hang tongdam kisang ni maw..gual in tongsia/thusiate hon leel/ gen zong in..tak in naubang sang kei ni..na heina peuh a
kei di'n khuambang na kip in o ngaih, liapaal zatam zong nang
bek na hi tang lungmawl sinlai luahtu, nang bek na hi tang lelliang
lung kinepna..chi'n ka gen hi. Aman le hon iit mahmah leh hon ngai mahmah
ahi chih thei kahi a, himah leh hiai bang a pai hon sawm phut chiang
un amah leng alung na ahi chi te ka thei a..kam khat leel leng a gen di
theilou in ka ang ah hon belh suk a kenle ka iitna latsakna in
ka koi suk a, atal ka top sak hi, atal ka top lai tak in chu..ka lingsim a
mitkha ah hiai bang hon om ngal hi.
Ka kimuh nitak ua
lungmuang tak mai mawngbang kawi a iitna simthu ka sut khom lai te uh
khong ka mit kha ah a lang dundun mai hi. Hun mualiamsate sap kiiktheih
hi leh sam kiik nuam veng maw..ngaih singdang englou in houlung tuak in
nihgeel iitna simthute sut khom leng ut mah si ing e maw chih khong
ngaih tuah in a ka om leh ka mai a miitui hong pawt mawk hi. Kei leng hon
muh khak lau in kin tak a nuul dia kakisak leh..hon muman a..U hehpih
tak in kap ken kei le nang a dia khuambang kip ding ka..simlei tung zaw
gibang kikhen jel a, om khom jel mah ahi..siam mang in nihgel kal lumbang hong sung henla..tong chiam ni te tuang hong tung sak ding a pham
dong in sam gibang khenlou ding in, na mai a kichiam ngam kahi u..keile
hon ngai lou a na hon geel hiam? kei leng nang teel lou a hinkhua zat
ding zo lung in geel thei kei veng, hinla sinlai naupang ihih ziakin
deih dan teng in om khom thei lou ihi..i siamsin nate a sian in hon huai
dia laite hoih tak in i sim tou ding a ni khat tei nang toh innsung
khat a om khom ding in maban a thum nate in ngilh kei ni o..tang bang
ka damsung in nanglou ngal tangpa dang ngaih sun non lou ding
kahi..nang bek na hi ka kinepna..ahon ci a kenle hiai thu ka zak tak in
chu neu chik ka lungsim hong nuam deuh hi..
Huchia kikhelah tak leh ki-iit kingaitak in om mah le ung hun in
hon ngak lou ahih chiang in nitak lam bang hong hita hi. Amah leng inn a
hih ding neih a hih ziak in paiphei hon sawm hi..kei bel ni tum thei
ngei kei leh chih khong ka lungsim ah om den hi. Ka lungtang hon khoih natna pi pen bel ka muh tung a a aw
nem ngei/a tongdam nem ngei bel ka bil kha a amang thei mahmah kei
hi..huchia ki khe lah hi tawk mahle ung hih ding a neih ziak in..nitak
chia pawt manlou di ka hi..iki muh non ma teng Pathian kiang ah kithumpih tuah ni..ni 1 tei nang toh kum sawt lou bang tuul ding in sian in
hong siam hen, ikimuh non mateng mangpha damtak in..chi'n mangpha ka kikhak ta uhi.
Apai khit in a bang mah leng ngaih tuah
theilou in ka lungsim a leng bang mah a omkei a..amah chau ka lungsim a
om hi. Ka maite a mual a, et mai inleng ka kithei mai hi. Bangziak tak a dia o ka lungsim a hon hichi luahdim chih le ka thei zou kei
hi. Huchia ka om lai in, hun hon pai jel in nitak lam ann huan bang
hong hun man hi ka u in ann huan a, a hon huan khit nung sawllou
in ka sungkuante leng hon tung ua, himah leh kei bel dahmel tak
mai in kana om a, lamdang hon sa mahmah mai uhi. Nidang in bel vai hon
tung phet chiang in...a thil puakte uh khong ka va sang/en pah a..huai
ni bel bang mah le hih peih lou paule ka pau peih zezen kei hi. Ka nu'n
bel hon lunghimawh mahmah mai a..damlou maw? bang nuam lou maw? Chi in hon
dong a ken bel nu bang mah ka ci kei chi'n kana dawng khempeuh hi. Ann ne din k'ong kisa ua, ka u kava thuk pih hi. Kenbel ann le ka nek
peih tha le suak lou in ka ne kei a..lup na tung kava kiden na
hi...huchia lupna tung a ka om lai in ka lungsim ah hiai hong om
hi...zingkar baih deuh a thoh a a pai khiat ma bek ua 1 vei va kimuhpih
himhim ding chi'n lunggeelna 1 ka hon nei hi...himah leh leh lampang a
school teacher pa tanu va huchi tel a a muh bang a huchi dan kho va om
chih khong ka ngaih tuah chia ut huai kasa het kei jel a..himah leh ka
iit luat ziak in poi kasa het kei hi "Iit na huchi tel ahi maw chih khong
ka phok khe thak hi..Bible ah mipil pen kumpi Solomon inle hon a suibutlouh iitna thupi dante..Pathian in leitung khial leh moh a dim..eit
hon IIT luat ziak in a tapa neih sun hon pia hi" chih khong ka ngaih tuah
a..iit na in poisak na a neikei a..huai teacher pa mai a le zum na di
omkei kaci a kei leh kei kaki hou/sel hi..ka sungte leng ann hon ne khin
ta uhi...ka nu ka kiang ah hong pai a damdoi ne di hon tawi a kon a nek
sak khemkhem hi. Huacia ka om lai un zanle sawt simta ahi dia ka sung
kuante leng lum kim vek ta uhi.
Kei bel ka imu thei
mahmah kei a ka lungsim tengteng hon luah dim vek ahihman in thuak haksa ka
sa mahmah mai hi huchia ka om lai in zan hon a sawt gawp a 2:00am bang hi man ahihmanin, den chia kava khak nang thou zou kei kha leng chih ka lau a ka
imudt sawm leh imu thei khong chu ka hi dia...chih leh tha 1 in ka
khanglou guih a kei le kintak a ka thoh zat leh zing sang dak 8 ana pel
maimah hi...oo..poi kasa petmah a lah bang mah ka hih theih lah om tuan
sam lou a hih man in. Ka omom in ka om mai a..thazoi tak leh deldep tak
in ka joi nengnuang hi, huchia ka om kal in...hun hong pai a ka tha
teng a chau/bah gawp a hi ding a damlouh na nasa tak ka hon tuak tou
hi..ann le ne thei lou in hong omta...ann ka nek zek chiang in ka lo khe
ngal a ..ka nek peuhpeuh ka lokhe mawk hi..zan chiang inlah amah chau ka
ngaihtuah a ka imu thei tuankei hi.
Huchia ka omom sung
in hun bang tan hiam ana pai man hi. Ka damlouhna lah dam thei tuankei a
angei in ka om hi. A tawp in ki-ensak ding in ka sungkuante'n Lamka
lam ah hoh ding thu gen khom ua..huchiin zing chiah kei lah pai zoulou
ding ka hihchia kho mipite'n puak di'n kho tang hauspa kiang a va gen ua
huchiin amanle lem ana sa a..mi hilh ding in tangngau pa sol hi...zan
khua hon mial a ka hun zat dan ngei in lupna tung ah ka om mai
hi khua hong vaktak in ka nulehpate kisa ua huchiin hon mantak un kho
mipi te'n kakipuak na ding a bawl tung uah hon lumsak ua gari tung na
chiang tan hon po uhi. Lampi a ka pai lai un..ka lawmnu te khua
gari tung ahih chia huailam ah hon paipih ua..kei le amah muh khak kinem penmah in ka omhi. Amah ka muh ut ziak in khua bang tung hak kasa
penmah hi...a tawp in chu khua ka hong tung khong ta uhi..huai a ka
tanaute uh 1 kiang ah hon koih ua ka nu bel gari ngak in om a..keileng
amah muh khak leh chiin nu keile inn kong a kon tu di chiin ka gen
leh Ka nun'n le hon pai phei in hon thuai pawt di'n kisa hi. Inn konbul
kakan dek toh kiton in ka dak khia leh..gamla lolou lah gamla sim
akipan numei 1 leh pasal 1 hon tontou ka na mu hi..anumei pen Jenny toh
kibang kasa a ka tut na di a ka tu a hoih tak in ka na en a...amaubel
kipak tak leh nui kawm in hon pai tou ua kou beel hon mukei hi..ka kiang
uh hon naih deuh tak in kenle ka et khol tuan kei a minu pen chu ka
ngaihnou ana hi maimah hi...o ka ging tak louh pi in leh kei lungsim a
omlou pentak ka hon muh beh chu ka lungsim teipi a sut a bang ta mai
hi.. ka nu ka kiang ah tu kei le ki dek teitei in tu ka kisak leh ka mittui
hong luan khe maimah ta hi. Minu leh mipa leng a hon naih deuh tak unJ enny inle kei ka tut lam lungkham mel tak a ka omlam hon muta hi. Pau
non hetlou in hoih tak in hong pai in hon en a kei bel a enlou lem
kana ki neih hi.
Huchia ka kiang hon tung dek un
mipan leng Jenny in hon et lam hon thei a..nuamsa lou sim bang tak in omhi. Kakiang lam hon naih hi in ka thei tak in kenle ka nu kia nu
innsung ah ka lut ut ka ci a ka nu'nle ka liang ah hon kawi tou in hon
paipih ding a akisak laitak in Jenny inle hon delh tou a ka liang
lang khat lam ah hon man in hon thuai lut di'n kisa a kenle ka na en
gemgam a. Himah leh ka mit a bel mitui a dai mahmah a om ahi chih ka thei
hi..ka pa ahih leh bel hon na paikiik san khin a ka nu toh kia ka hi
uhi...innsung a lup na ding mun a hon koih ua ka nu leng inn kon lam
ah ana omhi..mipa penle nuamsa het lou in paikhia a kei tawh Jenny vuak
innsung ah ka omhi...amel le ka en het kei a aleh lam nga in ka om a
leh lam ah ka mitui a luang zungzung mai hi..amanle ka huchih lam hon thei
tak in..ka lu a hon kawi phei a apheitung ah ka lu nga in ka mittui a
siak kawm in amah leng miitui pawt in..Umuan bang chi e tua non huchih mwk
chiin hon dong a kenle kam 1 le ka dong thei kei hi. Huchiin ngaihdam hon
ngen ngutngut mai a..a hihkhelna teng hon kipuang khia in hon kigen
hi..thuak haksa ka sa mahmah mai..hinlah gen di kam 1 leel leng ka thei
kei hi..ka mai ah hong kun suk in ka muk a hon top a..kenbel amah hon
top in ka top sak a ken chu ka om ngeingei in ka omhi..ka kingaih tunglai
ua ka iitna et sak na a atal ka tawp pen lungsim ah hong om a ka
lungtang ah laigil ana kasa a lah ka ngaih luat ziak in kam khat
leel leng ka gen ngam tuankei hi..huchia ka om lai un gari 1 hon tung a
ka nu leng ana kham in va gen hi.
A va gen in gari pupan
le hon a aw pah ngal a kakiang ah hon pai tou non hi. Ka IIT leh ngaih
penlah kipak tak neuchik lungsim nuam tak a mu dia ka gingtak lah
lungtang na tak a ka muh chiang in a kiang ah manpha chih ding le ka ut
kei a, ka heh mahmah mai hi. Hinlah kamkhat leel leng pau lou in ka
pawt ua aman leng ka nung ah hon jui a..damtak a na hon tun kiiknawn ka
lamen chi'n hon gen a kei leng gari pute'n gari sung a hon domtou ua kei
leng ka lut hi. Ka lungkham mangbatna pen a bei tuankei a ka
ngaihno ka muh dan pen hoih lou ahihman in a khen chiang bang miitui
pawt jel a, akhen ching bang in keileh kei khong kaki hou jel hi. Khending simthu leel ding zo lung in geel thei kei ve...MELMUH CHIL TONG
SAAN LIANU ka sinlai lunguk a tham den e tangpa kei tang leel liang zuannemtu ding nang lah singdang toh nunnuam nga bang a na leng san maimah
chin a maw, na tangpa lah thianmang siang a khauh bang hon a chiah san
dek ing a..chih khong ka ngaihtuah chia..ka mittui hon luang zungzung mai
hi.
Huchi'n lungngaitak leh lungkhamtak in lampi a ka pai
suk ua lehlam bang a nidang a gamla kasak leh tungpah vanglak
uhi. Auto laa in ka zintun na ding uah ka pai pah ngal uhi...ki
hah khia inn ka omlai tak un ka zintun nate uh ka ni te'n hon phone ua
kenle ka nu kia gen ka nu ka la(pickup)sak hi..amau le kei ka huchih lam
hon thei tak un damdoi nek ding a mau phermacy ah honla in hon pe tou
ngal ua..kenle nepah in lupna tung ah kava lum ngal hi..hinlah
lungmuanna bangmah ka nei thei kei hi..iitna ngaihna ziak bang mai in
ka thei hi..
Huchi'n zan khau hong mial a..zan hun
lungzuan tak leh lungkham tak a hon zang tou non in, zing khua hong
vak di kal ngak in ka om2 mai hi. Ka phone a dak bang ka en-en mai a ka
ngaklah mahmah mai hi. A tawp in chu hong vak a, ka nule hon thou a, ka
imut theilouh pen hon theih ding lau in imulem ka kineih a...huchiin a mah
a va kihahsiang khit in hon phong a.. Kei le ka thou a ka kihahsiang
a..Doctor innlam naih ding in ka pai ua auto ah ka tuang suk
uhi....doctor inn ka tung un ka ki-ensak a sisan(blood)test ding a hon
chi a kouleng sisan(blood)kava test ua a result hon suak pah vanglak a
sisan bel siang a hon chi huchiin damdoi nek ding tam khop a hon pia a
huaite netouh komleh Pathian mah taisan lou in thumnate nei in ah kong
kikol tou ua huchi'n damlam ka hon not hiai hiai ta hi.
Damlam
ka hon mah noh tak in ka nu bang le a mel ah kipah mel deuhta a kei
bang le ann khong bang nek in ka nei thei a ka zintunnate ka ni bang
in ann tam pipi a huan a...gaih val te bang sun chia ka nek ding bang a
hon huan sak a ka thau hial a ka mel bang le hong hoih hial hi in ka
thei a. . Ka gang leh a nau sangam te bang le amel uh kipah mel
thei ta mahmah mai hi. Ka hong dam siang tak in ka nu'n leng ka ni te
kiang ah inn lam pai touphot di ka hi uh a chi a, himah leh ka ni in kei
pen a hon phal kei a nang pai tou in la amah hiai a om di a hon chi mawk
a..himah leh kei bel ka ut khol kei hi...a ziak bel ka ngaihnou kia ka
gen ut masak ziak ahi a..kenle ni ka va paitou himhim ding a..kon kiik
non pah di o..ka chi aman le lem hon sakpih vanglak hi.
Zingkhua
te hon vak non in ka thou baih mahmah mai ua ka nu toh kuamah phong sese
lou in a mau imut lim lolai ahihchiang un chi'n ka pai khe ta
ua, station ka tung un khote bangle ana tam mahmah mai ua..nuam tuam mahmah
hi. Gari bangle ana lem a, kei damlou sim deuh chi'n amai lam deuh a
hon tuang sak ua nuam tuam mahmah hi. Kong paitouhna uah Pathian hehpih
na zal in gari pai na(ka ngaihnoute khua ahi..he3 )ka hong tung ua huai
a kou kho teng ka kum vek uhi..chih leh mou lawm in ana buai mahmah mai
ua..nuam sak chih mahmah ua..kou le khua kinaih mahmah ka hih man un a sa
huan uh(bawngsa ahi)uh ne ding in hon chial ua leh ann ne khin in pai un
chi'n hon khou ua kou leng a pai teng chu ka vante uh mun 1 a koih khom
in kava hoh tou uhi...biak inn sung ka lut uh toh kiton in ka ngaihnou Jenny leh Siampu kici 1 kiteng uh ana hi maimah hi. Ka lung bang a vai
zut zezen a, ka manglam abang zezen, kei om kahi chih hon thei nang in
bang hiam 1 va piak ka tum hi. Lah ka thei zou kei a, bang teng hi leh
chi'n ka nu kia sum sang thum(3000)ka ngen a nu kava pe di ka lawm
ahi, ka ci a amanle a hon pepah a, kenle hun ngen in ah. Amau le hon aw ua keile kava ding hi. Huchi'n thu kava gen hi "tuni a damlou gim sia a
ka omlai tak a hiai a ka kho kiang a ua ka suan mahmah uh nou Chiangpi
te'n non na et kol dan te uh kakipak petmah a na kiang uah kipahthu
kon gen ahi...awle hiai lam teng hiai tan a i hun sak ding ua..moulom
ihih chiang un thu mapi a kon gen zual ahi.....akipah huai mahmah mai a
koule ka kilamet hetlouh uh leh ka gingtak hetlouh uh hiai mou lop na a
kong teel theih uh ka kipak petmah hi. Jenny pen ka lawm hoih mahmah ahihman in..kipahpih et sakna in hiai ka hih thei sun ka kipahpih etsakna in..dangka sum tamlou chik 3000 hon lak sak ding in ka ngen ahi" chi'n
ka gen a amanle hon lak sak ding hong pai touh in bel nuam asa het tuan
kei hi. Himah leh kei pen ka kidek teitei ka nui seusau khempeuh
hi, himah leh ka lungsim khat a na mahmah mai hi.
Huchi'n
kiteng na hunte zang khin inn kou mikhual teng ann hon ne masasak ua
innlam ka paita uh...inn ka tung in ka sung te kipak thei mahmah mai
uhi.. Kei bang le Pathian in ka lunggimnate hon thuakpih in puak dan
siamtak leh Pathian iit kom in hinkhua te ka zang tou ta hi.
Beita...beita....beita
Simtute tengteng tung ah kipah thu ka gen ahi...
©Siamsinna leh Vakiangbu
Comments
Post a Comment