KA TUUNNU LUNGMAWL VANG HIAM KA ZUAPA??
By ~ Muanlian Naulak
(Thumasa: Tulai love story lam ka lunglut luat louh ziak in innsung paidan tangpi lam awlmawh huai ka sakna ziak toh kiton in innsung paidan tangpi leh tulai khosakna tangpi a phat tuampih i om khak leh cih ziak in hih tangthu leh tulel a pailai hong gelh tum ka hi.)
UNau mi nga (5) ka pha uh a pasal li (4) leh numei khat (1) ka hi uh a, kei pen a numei pen ka hi a, bektham ou in nautum ka hi zomah hi. Ka min ahihleh Kimnu ahi a, tulel in ka nu kiang ah ka om lai tak ahi. Ta ni (2) neikhin ka hi ta hi.
Kei pen ka tun leh zua vuaikuan a piang ka hi pan a, ka sanggam teng ka pian in na tangval vekkhinta uhi. Nautum hih ban ah tanu neisun ka hihziak ding in ka ging ta, ka nu, ka pa'n hong na deihthoh bawl petmah mai uh a, kei zong ka na kiphasak kha val sim a, sanggamte mitmei et gige khat chu ka hi peuh mah hi.
Ka nu leh pa pen mibang a na pil lualou ahihman un siamsinna lam na pibawl het kei uh a, ka unau teng un mingelh theihna ding tan sang ka na kah lel uhi.
Ka pate'n zong laisiangthou i et thei nak leh hun ana sa mawk uh a, ka unau teng un tun mi eng in ka om vek uhi. Khua ka phok tunglai cileng kum giat (8)/kua(9) d vel khong ka phak tung in ka ute lak ah a nihna pa'n hong na mualliam santa hi. Ka naupang lai uh bel kimawl petmah mai a, tulai naupangte toh i teh leh a zum huai liang hi. Ka u sih tung in misi gaal dia hong kuante'n nektheih man ding khong hong pia uh ahihman in kua u sih lam phok lou in kholak ah lawm leh gualte mai ah kiphatna'n ka leh zat zomah lai hi. Lawmte'n bang hong eng petmah uh a, kou u le si leh ci toh ka kitek neinai maimah uhi.
Ka u hong mualliam san zoh sawtlo in ka innsung uh buai hong kipan simta hi. Ka papen missionary khat ahi a, ka ute'n ka pa hihna phokpih hetlo in zu ne, sa ne in vakthap gop uh a, nitak ciang bang in inn khong ah kisual lailai uh a, ka pa zong Pasian nasem khat ahih tei sam hang nidang a azu lungtangpi toh kikham zou mahmah lou a, a tate phokbul vel in vel ek-ek zel hi. Hua cia ka nu pen mawl lua petmah ahihman in doílok khat toh thuah a a tate a thuhilh siam louh ziak a ka innsung uh ah buai na hi zah ta piang ahi ka cinuam hi. Ka sang zek khat a om cia ka lau hong pai ou tai ni cin a tai masa pen in pang zel zomah a, kham dan na thei hi mai leng zaw maw, hitan na tung samlou d hia, cih bang lunggeel tu'n ka nei thak pan hi.
Ka nungak matham in ka u tak pen in zi hong nei a, aphatuam deuh de o cih leh phattuam ma laklak a buai na double in hong punbeh zosop hi. Kei pen nu leh pate'n hong duat petmah ahihman un ka sanggamte, ka pa phin ut-ut a dia thang anntah khat in ka na pang deuh a, athuak masa pen chu kei a hi deuh tangpi hi.
Kei hong vuak ciang un ka pa'n zadah thei petmah a kinakna hong piang pahpah mai hi. Hi toh bang a innsung haksapi a ka khankhiat touh laitak un ka ute nih (2) in zi hong neita uh a, aneu penpan in chu a nei naisam kei hi. Ta leh nau bang hong nei touta uh a, kei zong nungak ding in ka kisakhiata sam hi. Ka u te zong inntuan ut in kiphinphinta uh a, ka pa tongtong uh ahihman un a tawp in, ka innsung uh ah kingakna liantak hong om a hua laitak in ka ute zineite geel zong inntuam ah om hong panta uhi.
Kei toh ka u pa ka omta ua, ka pa'n hong it mahmah ahihman in, a bialvehna lam peuh ah hong tonpih a, ken zong kiloptak in ka zui koikoi sam hi. Ka u pa zong ka pa'n ompih tamlou ahihman in khamtheih, guihtheih lam ah kou theihlouh kal in na zalen lua man ahihman in na sang tung petmahta a, khaam zoh gual ana hi non ta kei a, ka pa'n a theihkhiat tung in thangpai lua ahihman in kinak siatsim mahmah uh a, damsung a kimukha lou din potmang in, tua ahihkeh hon that ding ka hi ci'n vau a, ka u pa zong pawtmang vingveng a, alawmpa toh vaigam ah va zin uh a, sum lah mu uh, a van lah kimanlai hong hahbawl mahmah maita a, vaigam a si ding ka hi ka luang kuaman hong phong kei un, ci'n a sungkuante vaikhak hi. Tua bang komkal ah nungak ciah nai kei mah leng za khua pamte tangval khat in hong hah gen peuhmah ahihman in, kingaidan in ka na om uh a, hihmahleh ken bel nungak lungsim ka na pua nai hetkei a, mawl petmah a mawl lai chu ka hi peuhmah lai a, ka tangval ngaih pa'n hong ngai petmah ahihman in ka inn uah a teen in hong ten thoh mawk a, ka nu toh lou khong bang kuankhom zelzel uh a, ka nu maipha bel a ngah petmah mai hi.
Ka nu'n chu hon deihsak thei petmah a, ei bang zong lawm ngai dan kihi tei sam a, himahleh maban ah bang ci ding cih natawm thei hetlo in ka omlai sam hi. Pasal nei hita leng nek leh tak a lunggim ding hi ci di cih himhim lunggel ah a om ngei kei a abaihsa om dingdan khong in ka koih ek hi. Ahi tak in gen leng ka lawm ngaih tung lai in numeite period a cihte uh bang zong ka nei nai kei a, naupang petmah lai zaw ka hi sam ding.
Hun hong paitou zel a ka kingaih sung uh kha guk (6 month) bang na phata a, hua lai tak in ka pa'n minsiatna lianpi hong nei in, numei dang toh kingai dan in asak-akhang ah thu kithang vengvung maimah ta hi. Zong a kithangpen thutak na hi petmah a, ka pa zong saptuam in dan polam ah na koih uh a, hua laitak in ka tangvalpa lah paisawm mahmah lou, ka inn uah a tolteen den mok ta hi. Nikhat ka pa pawtkal in ka nu'n naupang cik hilai mah leng pasal nei di'n hong sawl a, utlou in ka kap a, himahleh ka nu'n, "na pa thuteng na theivekta a, ken hong paisan in na pa'n zidang hong nei leh genthei lua ding na hi" ci'n ka van teng bag sung khat ah hen in, ka lawmpa pia a, nong kik ngeingei leh na pa'n kei hong dawmlou ding hi. Paita un ci'n noh cih tak in hong noh a, khat pa'n lah hong ngak kelkulta, ut leh ut louh omlo in ka zuita mai hi.
Ka pasal dingte khua ka tun kuan un khua hong mial sim philphel a, khua phakma in hanmual om ahihman in ka lawmpa'n hua hanmual ah nidang apan sikha laandan na kigen gen a, zan in mikhat kia in kuamah a paingam ngei kei a, kou zong hua san ka tuntak un ka lawmpa'n ka mawl sim philphel lam hong na thei lua a, mi a kiguk ciang a apasal masa zel ahi ci'n höng khem a, ka mai ah kintak in pai zanzan a, "kei zong ka lau vele, hong na ngak ve, kiton ni," ka cih cia, "upate'n hoihlou ci uh ahi ka nung-nung ah hong pai in" ci'n kin deuhdeuh in pai a, a tawp in a khua uh ka tungkhong uh a, pasal nei ding cih ka kigeel ciah hi ka sa thei mahmah kei a, a gate bul uh ka tun un nidanglai a ka pa toh ka bialfanna uh ahihman in "theih ngei nei ka hi, kitengdah mai ni. Kei amau inn ah tuzan ka giak dia, zingkal cia ka pate'n hong la na ding hi." cia ka gen leh, a ut het kei a, "van teng hong pia in tomkhah na om zual in, ken ka va gen masa ding" ci'n hong lutsan a, ken zong ka na ngak maita hi.
Sawtlou cik in hong pawtphei a, ka va gen zouta hong pai in ci'n ka zuilu ta a, kongbul ka tun chet in thakhat in ka dip hong kisaivat a, pasal nei taktak ka hihlam ka phokkhia panta hi. Sawtlo in a paneute khong hong pawt uh a, ka nuih za mawk, kua pasal neih theilo in ka nui lualua maimah a, apaneu zong ciamnui hat mahmah khat ahihman in hong ciamnui a, kei zong kisuanlah cihte om se lou sidek zen in ka nui mok hi. Zan hong sawt pian simta ahihman in, ka lumta uh a, zingkhua vak in vengsung a naupangte mou en ding cia hong tai laulau uh leh ka pasal in na tai in, na delhkhia a kei pen in, "hong pai un mounu kei ka hi" ci'n ka na kikou ek mawk hi.
Kum nih hiam a khua ua ka om nung un naupa ahihman in alou theilo belta buh nek hong ngaita a, haksatna chu tuak kong kipantou hiaihiai ta hi. Nek ding bang lungkham kong kipanta uh a, kou ut bang a zalen thei non ta lou, ta lah khat kinei ngal ta. Khuapi sung lam ah kilohna a tamzok deuh khak leh ci'n Phai khuapi lam zuan in kong om ta uh a, Phaipi sung ah ka pasal in rickshaw tawl in, ken meh vel khong zuak in kong khosatou ta uh a, nau zong hong tei mahmah ta cih leh theiloh kal in, khat bang a nei non dek lam ka hi ta uh a, ka nupa un sum zong theita lou, ka lawmpa kia in hong zong ta a tomlou kal in Pasian in gil a gah goutan pasal khat hong guan a, numei khat leh pasal khat kia ka neita uhi. Kei lah lawmpa na sep huh thei hi non ta lou, naupangte buai in ka buai vengvung ta a, alianzaw pen lah a khel laitak buai petmah in ka buaita a, ka pasal nasem gimtak a hong tung ciang in zong kamsiam tak in ka na vaidawn thei non ta kei a, nupa kal bang kong kisesim hiaihiai ta uhi.
Nidang a ka nupa ua ka septheih lai un zaw sum zat ka kisam khol kei uh a, lawmpa nganza tep toh hong thuah zaw mah leh sum zat kisap toh ka kinakna uh nisim in hong pung deuhdeuh a a tawp in kikhen in hong om khong ta a, naupangte ken ka kem a, nunglam ah zong kilehlou in inn ka tuanpih a, sep theih, bawl theihtheih bawl in ka tate ka na enkol tou a, a neupen bang kum nih khong hong cingta a, tei thei petmah ta uhi. A lianpen ka pate'n a kem uh a, aneupen sak leh khang ka omna peuh ah ka kuah koikoi hi. Hih bang a ka omlai in ka pasal lui toh kiphok tuah nonlo in ka om a, pasal dang khat toh kong kingai piansim mawk ta uhi.
Aman zong hong gengen mok a, kei zong nuthoi cih khong ka kingaihtuah cia ka zum petmah thou sam a, hong genna chu nial hetlo in ka na dongsak a kingai dandeuh in hun tomkha ka mangta uhi. Kingaikia hi nonlo in pumkhat kong hita uh a, nupa dan in kong om teita uh a, amau inn a om ka hihman un amah zong a sungkuante mai ah kisuanglah tei sam ahi dia, "Kim, na tapa innlam ah hun tomkha sung va koih phot ni. Kei tangval khat ka hihsam man in sungkuante theih din zumhuai ahi" hong chi a, ka ngai thei petmah kei a, ka heh tha suaksim beubau a, "ka munphiah tan a kong ken ei samve, ka ta nong itpih kei leh i kikhenkul ding hi. Ken ka innluahna mah ka va luahkik ding" ci'n ka dong a bangmah hong gentam nonta kei a, hua ci'n ka tapa toh mouthak khom kong hipeuhmah ta uh a, innkuan khat siamkhiat thei thak kha hiam cia pan nasatak a ka la a, kum khat zoh vel in nau ka neita uh a, ka ta masapen ka pate kianglam ah hong va koihsak a, ka hehtha chu a suak petmah mai a, himahleh ta leh nau kinei mok nutsiat lah hi thei sam khinlou ci'n heh kawmkawm in ka dou tentan mai a, ka ta neihzoh kha khat vel in ka pa in hih leitung lunggimna teng nusia in tangtawn a kholmun hong na zot san ahih dan thu ka zata a, ka sanggam teng zong kim ahihman un naungek toh ka pa gal din ka va kuanta a, ka sanggampa khamtheih a kibual ka cih pa zong Vai gam a om himahleh inn lam hong zuan kik a, ka unau teng un ka kikum uh a, ka upa toh ka tapa toh ka nu toh ka tanu upa pen innsuang khom a apan pih theithei in panpih ding in ka thukimta uhi.
Hunte hong paizel a ka tate ka nute it mah leng hunte'n hong khen zel ahihman in pasal toh ka innlam uh ka zuan nonta uh a, ka nau uh tei panpan ding a akisak laitak in vangtah huai tak in hong na mualliam san leleu a, ka pa toh ka ta toh sun in kong om ta a, hunte na kivei zel a, ta dang bang nei zok nonlo ka hihman un ka pasal in hong nolkhin pianta a, hong hua ahihlam a kam in gen kei mah leh, a gamtat ah kilang lua ahihman in kei zong ka nunglam a kik ding zumhuai pha diak ahihman in ka nung ah lah kiklou, ka ma ah lah tonlou in ka pasal toh kikhen in kong vakvai gopta a, kingaih siatna ngen in ka pumdim a, nu leh pa hilhloh tanu ka hìhna toh ka neu tung apan ka ut bangbang a om thei ka hihziak mah in zu leh sa ah kibual in pasal hon toh ka kipawl gige ta mai hi. A khenciang bang in taksa utna ka hihbucin hun uh a tam petmah mai ta hi.
Tua bang dan in chavaitak in ka hun teng kong mangta a, ka tate lah va la ngam sam nonlou lu tholthol na ah ka vakthap a hinkhua nuam theipen in ka zangta hi. Bawlthei bang ka kisasim maimah a, tangval hau deuhdeuh bang in hong ngai hileh kilawm in ka kithei mai a, ken zong zu leh sa ka duh man in tangval cinteng toh zu don, sa ne in ka om ta mai a, sum leh pai lam bang kisap cihte om vet se lou hong pia ut kituh uh hileh kilawm liang in ka thei a, ka kingaisang petmah mai hi. Kei ka kingaihsang laitak in a lang ah hong gensia ut phulun phul bang in na kitek nengnung veve sam hi. Ka vanglaitak zaw hi din ka ki-um mai hi. Hong gensia lah tam hong ngai lah a tam petmah mai hi.
Tua dan bang a zu ne, sa ne a ka om-om laitak in ka zu nekpih pasal khat in zaw hong ngai petmah, bang citeng in sia mah leng, hong sit ngei buanglou ding dan in hong kem petmah a lawm dangte'n zukham, ankham a ka om cia hong taisan mahleh, aman hong na khual petmah a, ken zong hong kepdante thei ka hihman in lawmte lak ah zong amah ka ngaina diak a, amah adin ka pum ka tang in ka phal ngam liang hi. Hong it taktak hi na in teh ci'n ken zong amah gente ka nial ngam het kei a, nupa hinkhua chu ka zang mun mahmah mai uh a, muanglua ka himan in k akiphal luatna lam ah a ut hong lohkhit in hong nusiata a, kei kia ka tang suak piansim ta hi. Lawm dangte'n amah toh kiteng dan in hong koih mok ahihman un hong khol ut zong a tawm mahmah ta a, kei zong poisakna bei in ka zu nekte topsan tuanlo in ka pibawl petmah mai a, siatna lam ah zaw lawmte pawlkhat in hong taisan mah leh uh, lawm ding na nana a haksa hetkei . Lawm kihau deuhdeuh mai siatpih ding mi a dim in na om lai veve sam a, lawm ding thak niteng in hong kibehlap hi.
Nikhat tua bang a zu ne, sa ne a ka om laitak un tangvalno khat in ka hinkhua hong na mukha a aguktak in hong na kansui a, ka om na tan ah hong enzui a kei hong kitheisaklo in a guktak in na pang zaw ahi dia, a zing ni khuavak tung in ka inn ah hong lut gelgel a ka na lau gusim hi. Ka omdan hoihlo lua a pawlpite'n ka tung ah thukhenna nei ut a de aw ! cih bang lunggelna paisuak man a, himahleh kei gintak dan na bang het kei a, zu leh sa hong puak in ka zing dawn pat ngal uh a, sun nitum dong zu dawn ,sa ne in amah toh ka kikhol uhi.
Ni hong tum in khua hong mialta a kei zong ka kham petmahta a, dotna neih chu hong pan ahi sam dia ka dn toh don louh toh kithuah in ka om a, ka dawnnate zong bangmah thei vual ka hi non hetkei mok a, amah bel kham sam na ven, kei sang in na pil zaw lai sam a, ka hinkhua hong thei piansim ta a, hong kha siatpih sam a, ka nih (2) un ka kap mok uh a, kei bel a bang thuthei zong hi non tuanlo in amah kah ziak a kap maimai ka hi lel hi.
Kei gintak bang lou tak in ka lawmpa bel nalung pi cing mahmah mai a Nupa lou buanglup pih hon na som het kei a hi mahleh ka khosak dan ka om teng hong thei khin zo vek ta a lungngaih nalianpi hong nei a nidang in ki mukha kithei kha lou hi mahle ung itna khat zo hong nanei tinten a hong muh cil dan leh hong heh pih dan teng hong gen ta a ei zongzu kham toh bangteng genka cihna san thei zolo in lung ngaih tinten toh amah toh om khom dia hinkhua thak khat bol a innkuan khat tungding ding a hong zotna pom sak kana hi sam dia ka innluah nusia inn kazui ta a amau singtanglamte ahih man in apute lamka sung a om khat a om a hua lak ah hong tungpih masa a mou khat dan in hong natuat uh a chibai hong bol sasauh uh a ken zong kana chibai zel sam hi.aman bel ka hihna bangbang a hong sangngam ahi dan leh kisik lou ding ahi dan vel hong gengen mai hi. A sungkuante bangna siampet mah uh a kei zongkham sim thirther toh kamsiamsim zo ka hi tei sam hi. Zankhua hongsot deuhdeuh ta a khambang hong theng pan hiaihiai mai a mou thak ka hi dan lam ka ki thei sim thak a amahpa ka tong a phu zel in nahaihai toh ka cih cia aman kenpoi salo ka hi kisik lou dingka hi cin hong dong thuk kik zel a zanbang sotsimta a kou bel common room a lum ding dan in hong koih uh a hong na lup san ta uh a kalompa kia tuzan lumlo a tv en a khua vak ding ihi ki koi lou ding na haihai toh bang dia hi teng a nong ton pih mongmong ahi hiam ka cih cia agen sa tengmah gen zel a zan khua in ka hou limlim uh a vangphat huai tak ici diam ah hua zan bangkhua vak tan light hong vak suak vanglak a kou zong Tv vel en kakhua vak ta uh a khua vak tak in lomte zong hong thou siausiau ta uhi.
Ken zong ka lawmpa kiang ah hong kha din ka zonzon a, amah zong utlo pipi in kisa nolnol a, singpi ka va dawn ding uh ci'n hong gen in kei gen din a zum huai ding cin ka sawl a, amah zong utlo pipi in va gen a, singpi dawn ding dandeuh in chu ka potkhia ta uhi. Bazar tan ka kikhasak a, bazar apat in kikhen in ka kinung muh non kei uh a, kei zong ka inn lam zuan in ka pai a, ka hinkhua ngeina khahsuah thei nonlo in ka hinkhua nuam tak in ka zang non ta a, lu leh taw phoklo in zu leh sa ah ka kidiah zel a, nuam tak a ka khuasak lai in, pasal khat toh ka kimai kha leuleu uh a, aman zong a neih dandan in hong khilaih ziahziah a, ken zong hong hah bangkhat luat tak ciang in, itna tak khat chu ka neita mai a, aman zong hong it dan thu hong gen a, ken zong ka sansak a, sawtlo cik in ka kitengpah ngal uh hi. Nupa khat chu kong suak non ta uh a, abul lam bel kong kituak zozen sim uh. Himahleh zu leh sa ne thei tuak ka hihman un, kinak hun hong tam pianpian ta mai a, a khut ka thuak hun bang a tam petmah a, neu apat thuak ngeilo nu cu vuak leh sat i hong thuak ciang in bel thuak a haksa sim mai a, sawt zaw ka kidaih mahmah sam kei uh a, kikhen in hong om non ta mai hi. Kikhen mah le ung zong aman zaw a kham ciah hong vua kha nak a, himahleh a khamlouh cia bel hong it petmah thou sam hi. Ka pai cia hong zong koikoi a kap zen a hong zol zel a, ka zuih a kul zel sam a, ka va zui a kham cia kinak leh thuak hi gige ahihman in, sawt chu ka om pih man kei a, ka kinung lehkik zel sam hi.
Ka om na peuh ah hong zong ahihman in a tawp in kei zong thuak ngap non mahmah sam lou ka hihman in ka sanggamte a zah deuh khak leh cihna kawm toh ka pate inn lam ka va tung khong a, hou thei hou moh a hong kihou zoh nung in ka omna hong theikhia zel a, ka nute ka sanggamte mai ah kap zen in hong thum ciang in thusitna tampi a neih zoh nung un, ut leh ut louh omlou in zuihkik a ngai non maimah a, ka va zuikik non sam hi. Pasal nei sam mah leng zu duhna bei thei mahmah lou ahihman in zu ka va dawn kha nak uh a, aman zong a tung cia hong phal hi na zen pi a kham sim ciang a, a ut atheih a vuak mah ka thuak kholoh zel a, thuak zohlouh cia a damdoi hoihpen paikhiatsan ahihman in ka paisan zel a, ka nute inn bang ah níh (2) vei thum (3) bang ka tai ciah, ka sanggam pa'n hong na ninggopta a, hong na vuak behlap lai leh ka thangpaih tha a suak petmah a, amau inn pan in zong ka pawt a, vuak leh sat ka thuak ngap non loh man in kei zong a tawp in thu ka vaikhak a, "hong zongzong tangvalte zepsak ding ka hi" ci'n mi ka kam vaikhakta hi. Khovel ah ka ut bang tak in gamta in hun a nuam thei pen ka zang a, nu leh pa kipolhna lam zong ka pibawl petmah ta a, kizuak ciah hi kei mah leng huate tuk in hinkhua ka zang ta hi.
Ka khovel nuntakna ka kizatsiat luat gop ziak in nuam tak a ka zat laiteng nuam ka sa mahmah mai a, nuamtak a ka hinkhua ka na zat gop tak man in, tu in gentheihna a kipanta mai hi. Khovel a natna lau huai pen a kigen HIV a cihte uh kei tung ah zong tua natna hikpi hong lutta a, kha pham ding ngak in zaalkhun tung ah ka kizata mai a, ka hinkhua luite gelgel in kisik luatnate leh selung gel in luankhi nul in ka omta hi.
Khapham ding ka hi petmahta a ka tate muh utna leh ka iit mahmah ka pasal masa pen melmuh ka ut petmah a, damlou veh cia mi hong pai teng kiang ah ka ngen a ka sihma pet khatvei bek ka mel muh ding in hong tonpita peuh un, ci'n ka ngen koikoi ta a, ka hun paisate kisikkik petmah hi leng zong lakkik theih ahita kei a, ka gen ding leh bawl ding theihlouh man in ka kapkap mai hi.
Nikhat si di petmah ka kisak laitak in lamet hetlouh in ka pasal leh ka tate ka kiang ah hong ding dimdiam ka muh in khasiatna in hong tuum dedeuh mai a kah louh tum himah leng ka mittuite kham vual loh in hong pot zutzut mai hi.
Ka pasal leh ka tate kiang ah ngaihdam ka ngen a, ka kahkah leh ka tapa in, "nu o, kap non ken, topta in nang na kah cia na tate leh na pasal a ding in nuamlou ahi. Topta in silou ding na hi. Ka pa toh i vek un nuamtak a nungta kik ding i hí ta uh, Pasian muang in nu" cin hong zolzol a, Ka tapa kah ka muh in ka mittui a phur nak deuhdeuh mai ta hi. Ka tate gel toh ka pasal toh damdoi inn ah ka giak uh a zankhua in lung ka gelgel leh tun leh zua zong ka na mohsa a, hoih tak in thu hong na hilh hi mai le uh zaw kei hitan a na noptal mailou a, ka pasal leh ka tate toh nuamtak a hinkhua mang ding in ka kilamen hi. Hua ziak in a topic ding in KA TUNNU LUNG MAWL VANG HIAM KA ZUAPA cih hong kizang ahi.
Zing khua hong vak a ka lawmte hong thou siausiauta uh a, kei bel zankhua in lunggelna leh khitui naptui nulna in ka hun ka zang hi. Ka lawmte ka sam a, ka tate kiang ah genthei ka hihdan leh a thuak hak dan teng ka gen vek a, kei bang a hinkhua zang mai lou din ka vaikhakta hi. Hua ban ah ka pasal zong sam in naupangte hoihtak a na thunun a, khangno lai a kei bang a khapham ding ngak a hinkhua a manlouhna ding un na thuhilh ding in zong ka vaikhak sawnsawn ta hi.
Moral: Hih tangthu phuahtawm himahleh a taktak a hi bang hinkhua na zang mi tampi om tham ding in ka lamet man in hong tak lang ka hi. Nu leh pate'n zong i mohpuak uh zou ciat a, tate deihthoh bawl lua a amau ut bang tak a zalensak lou ding deihna in hong kisun ahi a. Hua ban ah, ka len gualpih khangnote o, tun leh zua in lamen tak leh lungmawl luat ziak a hong thuhilh theihlouh ziak in eimah ut dandan in i khangno lai hun zang mailou a, maban ah hia i tangthu suut nu mah bang a si ding khangno lai a ngak mailou a, tu a hun laipet a kikhel thakna neih theihna hi ding deihna ziak in siamlou pumpum in hihbang thu hong kisun a, tuhun in tek si i muh tawm hang un, pan thak la a khangsawn apan bek in pitek-putek i gam ah tam deuh muh theihna ding in panla ciat ding in ka hong cial hi. Deihsak luat ziak a genkhial gen val a om leh moh mai sakna i kingen uhi.
Lungdam.
Beita.
©Siamsinna leh Vakiangbu
(Thumasa: Tulai love story lam ka lunglut luat louh ziak in innsung paidan tangpi lam awlmawh huai ka sakna ziak toh kiton in innsung paidan tangpi leh tulai khosakna tangpi a phat tuampih i om khak leh cih ziak in hih tangthu leh tulel a pailai hong gelh tum ka hi.)
UNau mi nga (5) ka pha uh a pasal li (4) leh numei khat (1) ka hi uh a, kei pen a numei pen ka hi a, bektham ou in nautum ka hi zomah hi. Ka min ahihleh Kimnu ahi a, tulel in ka nu kiang ah ka om lai tak ahi. Ta ni (2) neikhin ka hi ta hi.
Kei pen ka tun leh zua vuaikuan a piang ka hi pan a, ka sanggam teng ka pian in na tangval vekkhinta uhi. Nautum hih ban ah tanu neisun ka hihziak ding in ka ging ta, ka nu, ka pa'n hong na deihthoh bawl petmah mai uh a, kei zong ka na kiphasak kha val sim a, sanggamte mitmei et gige khat chu ka hi peuh mah hi.
Ka nu leh pa pen mibang a na pil lualou ahihman un siamsinna lam na pibawl het kei uh a, ka unau teng un mingelh theihna ding tan sang ka na kah lel uhi.
Ka pate'n zong laisiangthou i et thei nak leh hun ana sa mawk uh a, ka unau teng un tun mi eng in ka om vek uhi. Khua ka phok tunglai cileng kum giat (8)/kua(9) d vel khong ka phak tung in ka ute lak ah a nihna pa'n hong na mualliam santa hi. Ka naupang lai uh bel kimawl petmah mai a, tulai naupangte toh i teh leh a zum huai liang hi. Ka u sih tung in misi gaal dia hong kuante'n nektheih man ding khong hong pia uh ahihman in kua u sih lam phok lou in kholak ah lawm leh gualte mai ah kiphatna'n ka leh zat zomah lai hi. Lawmte'n bang hong eng petmah uh a, kou u le si leh ci toh ka kitek neinai maimah uhi.
Ka u hong mualliam san zoh sawtlo in ka innsung uh buai hong kipan simta hi. Ka papen missionary khat ahi a, ka ute'n ka pa hihna phokpih hetlo in zu ne, sa ne in vakthap gop uh a, nitak ciang bang in inn khong ah kisual lailai uh a, ka pa zong Pasian nasem khat ahih tei sam hang nidang a azu lungtangpi toh kikham zou mahmah lou a, a tate phokbul vel in vel ek-ek zel hi. Hua cia ka nu pen mawl lua petmah ahihman in doílok khat toh thuah a a tate a thuhilh siam louh ziak a ka innsung uh ah buai na hi zah ta piang ahi ka cinuam hi. Ka sang zek khat a om cia ka lau hong pai ou tai ni cin a tai masa pen in pang zel zomah a, kham dan na thei hi mai leng zaw maw, hitan na tung samlou d hia, cih bang lunggeel tu'n ka nei thak pan hi.
Ka nungak matham in ka u tak pen in zi hong nei a, aphatuam deuh de o cih leh phattuam ma laklak a buai na double in hong punbeh zosop hi. Kei pen nu leh pate'n hong duat petmah ahihman un ka sanggamte, ka pa phin ut-ut a dia thang anntah khat in ka na pang deuh a, athuak masa pen chu kei a hi deuh tangpi hi.
Kei hong vuak ciang un ka pa'n zadah thei petmah a kinakna hong piang pahpah mai hi. Hi toh bang a innsung haksapi a ka khankhiat touh laitak un ka ute nih (2) in zi hong neita uh a, aneu penpan in chu a nei naisam kei hi. Ta leh nau bang hong nei touta uh a, kei zong nungak ding in ka kisakhiata sam hi. Ka u te zong inntuan ut in kiphinphinta uh a, ka pa tongtong uh ahihman un a tawp in, ka innsung uh ah kingakna liantak hong om a hua laitak in ka ute zineite geel zong inntuam ah om hong panta uhi.
Kei toh ka u pa ka omta ua, ka pa'n hong it mahmah ahihman in, a bialvehna lam peuh ah hong tonpih a, ken zong kiloptak in ka zui koikoi sam hi. Ka u pa zong ka pa'n ompih tamlou ahihman in khamtheih, guihtheih lam ah kou theihlouh kal in na zalen lua man ahihman in na sang tung petmahta a, khaam zoh gual ana hi non ta kei a, ka pa'n a theihkhiat tung in thangpai lua ahihman in kinak siatsim mahmah uh a, damsung a kimukha lou din potmang in, tua ahihkeh hon that ding ka hi ci'n vau a, ka u pa zong pawtmang vingveng a, alawmpa toh vaigam ah va zin uh a, sum lah mu uh, a van lah kimanlai hong hahbawl mahmah maita a, vaigam a si ding ka hi ka luang kuaman hong phong kei un, ci'n a sungkuante vaikhak hi. Tua bang komkal ah nungak ciah nai kei mah leng za khua pamte tangval khat in hong hah gen peuhmah ahihman in, kingaidan in ka na om uh a, hihmahleh ken bel nungak lungsim ka na pua nai hetkei a, mawl petmah a mawl lai chu ka hi peuhmah lai a, ka tangval ngaih pa'n hong ngai petmah ahihman in ka inn uah a teen in hong ten thoh mawk a, ka nu toh lou khong bang kuankhom zelzel uh a, ka nu maipha bel a ngah petmah mai hi.
Ka nu'n chu hon deihsak thei petmah a, ei bang zong lawm ngai dan kihi tei sam a, himahleh maban ah bang ci ding cih natawm thei hetlo in ka omlai sam hi. Pasal nei hita leng nek leh tak a lunggim ding hi ci di cih himhim lunggel ah a om ngei kei a abaihsa om dingdan khong in ka koih ek hi. Ahi tak in gen leng ka lawm ngaih tung lai in numeite period a cihte uh bang zong ka nei nai kei a, naupang petmah lai zaw ka hi sam ding.
Hun hong paitou zel a ka kingaih sung uh kha guk (6 month) bang na phata a, hua lai tak in ka pa'n minsiatna lianpi hong nei in, numei dang toh kingai dan in asak-akhang ah thu kithang vengvung maimah ta hi. Zong a kithangpen thutak na hi petmah a, ka pa zong saptuam in dan polam ah na koih uh a, hua laitak in ka tangvalpa lah paisawm mahmah lou, ka inn uah a tolteen den mok ta hi. Nikhat ka pa pawtkal in ka nu'n naupang cik hilai mah leng pasal nei di'n hong sawl a, utlou in ka kap a, himahleh ka nu'n, "na pa thuteng na theivekta a, ken hong paisan in na pa'n zidang hong nei leh genthei lua ding na hi" ci'n ka van teng bag sung khat ah hen in, ka lawmpa pia a, nong kik ngeingei leh na pa'n kei hong dawmlou ding hi. Paita un ci'n noh cih tak in hong noh a, khat pa'n lah hong ngak kelkulta, ut leh ut louh omlo in ka zuita mai hi.
Ka pasal dingte khua ka tun kuan un khua hong mial sim philphel a, khua phakma in hanmual om ahihman in ka lawmpa'n hua hanmual ah nidang apan sikha laandan na kigen gen a, zan in mikhat kia in kuamah a paingam ngei kei a, kou zong hua san ka tuntak un ka lawmpa'n ka mawl sim philphel lam hong na thei lua a, mi a kiguk ciang a apasal masa zel ahi ci'n höng khem a, ka mai ah kintak in pai zanzan a, "kei zong ka lau vele, hong na ngak ve, kiton ni," ka cih cia, "upate'n hoihlou ci uh ahi ka nung-nung ah hong pai in" ci'n kin deuhdeuh in pai a, a tawp in a khua uh ka tungkhong uh a, pasal nei ding cih ka kigeel ciah hi ka sa thei mahmah kei a, a gate bul uh ka tun un nidanglai a ka pa toh ka bialfanna uh ahihman in "theih ngei nei ka hi, kitengdah mai ni. Kei amau inn ah tuzan ka giak dia, zingkal cia ka pate'n hong la na ding hi." cia ka gen leh, a ut het kei a, "van teng hong pia in tomkhah na om zual in, ken ka va gen masa ding" ci'n hong lutsan a, ken zong ka na ngak maita hi.
Sawtlou cik in hong pawtphei a, ka va gen zouta hong pai in ci'n ka zuilu ta a, kongbul ka tun chet in thakhat in ka dip hong kisaivat a, pasal nei taktak ka hihlam ka phokkhia panta hi. Sawtlo in a paneute khong hong pawt uh a, ka nuih za mawk, kua pasal neih theilo in ka nui lualua maimah a, apaneu zong ciamnui hat mahmah khat ahihman in hong ciamnui a, kei zong kisuanlah cihte om se lou sidek zen in ka nui mok hi. Zan hong sawt pian simta ahihman in, ka lumta uh a, zingkhua vak in vengsung a naupangte mou en ding cia hong tai laulau uh leh ka pasal in na tai in, na delhkhia a kei pen in, "hong pai un mounu kei ka hi" ci'n ka na kikou ek mawk hi.
Kum nih hiam a khua ua ka om nung un naupa ahihman in alou theilo belta buh nek hong ngaita a, haksatna chu tuak kong kipantou hiaihiai ta hi. Nek ding bang lungkham kong kipanta uh a, kou ut bang a zalen thei non ta lou, ta lah khat kinei ngal ta. Khuapi sung lam ah kilohna a tamzok deuh khak leh ci'n Phai khuapi lam zuan in kong om ta uh a, Phaipi sung ah ka pasal in rickshaw tawl in, ken meh vel khong zuak in kong khosatou ta uh a, nau zong hong tei mahmah ta cih leh theiloh kal in, khat bang a nei non dek lam ka hi ta uh a, ka nupa un sum zong theita lou, ka lawmpa kia in hong zong ta a tomlou kal in Pasian in gil a gah goutan pasal khat hong guan a, numei khat leh pasal khat kia ka neita uhi. Kei lah lawmpa na sep huh thei hi non ta lou, naupangte buai in ka buai vengvung ta a, alianzaw pen lah a khel laitak buai petmah in ka buaita a, ka pasal nasem gimtak a hong tung ciang in zong kamsiam tak in ka na vaidawn thei non ta kei a, nupa kal bang kong kisesim hiaihiai ta uhi.
Nidang a ka nupa ua ka septheih lai un zaw sum zat ka kisam khol kei uh a, lawmpa nganza tep toh hong thuah zaw mah leh sum zat kisap toh ka kinakna uh nisim in hong pung deuhdeuh a a tawp in kikhen in hong om khong ta a, naupangte ken ka kem a, nunglam ah zong kilehlou in inn ka tuanpih a, sep theih, bawl theihtheih bawl in ka tate ka na enkol tou a, a neupen bang kum nih khong hong cingta a, tei thei petmah ta uhi. A lianpen ka pate'n a kem uh a, aneupen sak leh khang ka omna peuh ah ka kuah koikoi hi. Hih bang a ka omlai in ka pasal lui toh kiphok tuah nonlo in ka om a, pasal dang khat toh kong kingai piansim mawk ta uhi.
Aman zong hong gengen mok a, kei zong nuthoi cih khong ka kingaihtuah cia ka zum petmah thou sam a, hong genna chu nial hetlo in ka na dongsak a kingai dandeuh in hun tomkha ka mangta uhi. Kingaikia hi nonlo in pumkhat kong hita uh a, nupa dan in kong om teita uh a, amau inn a om ka hihman un amah zong a sungkuante mai ah kisuanglah tei sam ahi dia, "Kim, na tapa innlam ah hun tomkha sung va koih phot ni. Kei tangval khat ka hihsam man in sungkuante theih din zumhuai ahi" hong chi a, ka ngai thei petmah kei a, ka heh tha suaksim beubau a, "ka munphiah tan a kong ken ei samve, ka ta nong itpih kei leh i kikhenkul ding hi. Ken ka innluahna mah ka va luahkik ding" ci'n ka dong a bangmah hong gentam nonta kei a, hua ci'n ka tapa toh mouthak khom kong hipeuhmah ta uh a, innkuan khat siamkhiat thei thak kha hiam cia pan nasatak a ka la a, kum khat zoh vel in nau ka neita uh a, ka ta masapen ka pate kianglam ah hong va koihsak a, ka hehtha chu a suak petmah mai a, himahleh ta leh nau kinei mok nutsiat lah hi thei sam khinlou ci'n heh kawmkawm in ka dou tentan mai a, ka ta neihzoh kha khat vel in ka pa in hih leitung lunggimna teng nusia in tangtawn a kholmun hong na zot san ahih dan thu ka zata a, ka sanggam teng zong kim ahihman un naungek toh ka pa gal din ka va kuanta a, ka sanggampa khamtheih a kibual ka cih pa zong Vai gam a om himahleh inn lam hong zuan kik a, ka unau teng un ka kikum uh a, ka upa toh ka tapa toh ka nu toh ka tanu upa pen innsuang khom a apan pih theithei in panpih ding in ka thukimta uhi.
Hunte hong paizel a ka tate ka nute it mah leng hunte'n hong khen zel ahihman in pasal toh ka innlam uh ka zuan nonta uh a, ka nau uh tei panpan ding a akisak laitak in vangtah huai tak in hong na mualliam san leleu a, ka pa toh ka ta toh sun in kong om ta a, hunte na kivei zel a, ta dang bang nei zok nonlo ka hihman un ka pasal in hong nolkhin pianta a, hong hua ahihlam a kam in gen kei mah leh, a gamtat ah kilang lua ahihman in kei zong ka nunglam a kik ding zumhuai pha diak ahihman in ka nung ah lah kiklou, ka ma ah lah tonlou in ka pasal toh kikhen in kong vakvai gopta a, kingaih siatna ngen in ka pumdim a, nu leh pa hilhloh tanu ka hìhna toh ka neu tung apan ka ut bangbang a om thei ka hihziak mah in zu leh sa ah kibual in pasal hon toh ka kipawl gige ta mai hi. A khenciang bang in taksa utna ka hihbucin hun uh a tam petmah mai ta hi.
Tua bang dan in chavaitak in ka hun teng kong mangta a, ka tate lah va la ngam sam nonlou lu tholthol na ah ka vakthap a hinkhua nuam theipen in ka zangta hi. Bawlthei bang ka kisasim maimah a, tangval hau deuhdeuh bang in hong ngai hileh kilawm in ka kithei mai a, ken zong zu leh sa ka duh man in tangval cinteng toh zu don, sa ne in ka om ta mai a, sum leh pai lam bang kisap cihte om vet se lou hong pia ut kituh uh hileh kilawm liang in ka thei a, ka kingaisang petmah mai hi. Kei ka kingaihsang laitak in a lang ah hong gensia ut phulun phul bang in na kitek nengnung veve sam hi. Ka vanglaitak zaw hi din ka ki-um mai hi. Hong gensia lah tam hong ngai lah a tam petmah mai hi.
Tua dan bang a zu ne, sa ne a ka om-om laitak in ka zu nekpih pasal khat in zaw hong ngai petmah, bang citeng in sia mah leng, hong sit ngei buanglou ding dan in hong kem petmah a lawm dangte'n zukham, ankham a ka om cia hong taisan mahleh, aman hong na khual petmah a, ken zong hong kepdante thei ka hihman in lawmte lak ah zong amah ka ngaina diak a, amah adin ka pum ka tang in ka phal ngam liang hi. Hong it taktak hi na in teh ci'n ken zong amah gente ka nial ngam het kei a, nupa hinkhua chu ka zang mun mahmah mai uh a, muanglua ka himan in k akiphal luatna lam ah a ut hong lohkhit in hong nusiata a, kei kia ka tang suak piansim ta hi. Lawm dangte'n amah toh kiteng dan in hong koih mok ahihman un hong khol ut zong a tawm mahmah ta a, kei zong poisakna bei in ka zu nekte topsan tuanlo in ka pibawl petmah mai a, siatna lam ah zaw lawmte pawlkhat in hong taisan mah leh uh, lawm ding na nana a haksa hetkei . Lawm kihau deuhdeuh mai siatpih ding mi a dim in na om lai veve sam a, lawm ding thak niteng in hong kibehlap hi.
Nikhat tua bang a zu ne, sa ne a ka om laitak un tangvalno khat in ka hinkhua hong na mukha a aguktak in hong na kansui a, ka om na tan ah hong enzui a kei hong kitheisaklo in a guktak in na pang zaw ahi dia, a zing ni khuavak tung in ka inn ah hong lut gelgel a ka na lau gusim hi. Ka omdan hoihlo lua a pawlpite'n ka tung ah thukhenna nei ut a de aw ! cih bang lunggelna paisuak man a, himahleh kei gintak dan na bang het kei a, zu leh sa hong puak in ka zing dawn pat ngal uh a, sun nitum dong zu dawn ,sa ne in amah toh ka kikhol uhi.
Ni hong tum in khua hong mialta a kei zong ka kham petmahta a, dotna neih chu hong pan ahi sam dia ka dn toh don louh toh kithuah in ka om a, ka dawnnate zong bangmah thei vual ka hi non hetkei mok a, amah bel kham sam na ven, kei sang in na pil zaw lai sam a, ka hinkhua hong thei piansim ta a, hong kha siatpih sam a, ka nih (2) un ka kap mok uh a, kei bel a bang thuthei zong hi non tuanlo in amah kah ziak a kap maimai ka hi lel hi.
Kei gintak bang lou tak in ka lawmpa bel nalung pi cing mahmah mai a Nupa lou buanglup pih hon na som het kei a hi mahleh ka khosak dan ka om teng hong thei khin zo vek ta a lungngaih nalianpi hong nei a nidang in ki mukha kithei kha lou hi mahle ung itna khat zo hong nanei tinten a hong muh cil dan leh hong heh pih dan teng hong gen ta a ei zongzu kham toh bangteng genka cihna san thei zolo in lung ngaih tinten toh amah toh om khom dia hinkhua thak khat bol a innkuan khat tungding ding a hong zotna pom sak kana hi sam dia ka innluah nusia inn kazui ta a amau singtanglamte ahih man in apute lamka sung a om khat a om a hua lak ah hong tungpih masa a mou khat dan in hong natuat uh a chibai hong bol sasauh uh a ken zong kana chibai zel sam hi.aman bel ka hihna bangbang a hong sangngam ahi dan leh kisik lou ding ahi dan vel hong gengen mai hi. A sungkuante bangna siampet mah uh a kei zongkham sim thirther toh kamsiamsim zo ka hi tei sam hi. Zankhua hongsot deuhdeuh ta a khambang hong theng pan hiaihiai mai a mou thak ka hi dan lam ka ki thei sim thak a amahpa ka tong a phu zel in nahaihai toh ka cih cia aman kenpoi salo ka hi kisik lou dingka hi cin hong dong thuk kik zel a zanbang sotsimta a kou bel common room a lum ding dan in hong koih uh a hong na lup san ta uh a kalompa kia tuzan lumlo a tv en a khua vak ding ihi ki koi lou ding na haihai toh bang dia hi teng a nong ton pih mongmong ahi hiam ka cih cia agen sa tengmah gen zel a zan khua in ka hou limlim uh a vangphat huai tak ici diam ah hua zan bangkhua vak tan light hong vak suak vanglak a kou zong Tv vel en kakhua vak ta uh a khua vak tak in lomte zong hong thou siausiau ta uhi.
Ken zong ka lawmpa kiang ah hong kha din ka zonzon a, amah zong utlo pipi in kisa nolnol a, singpi ka va dawn ding uh ci'n hong gen in kei gen din a zum huai ding cin ka sawl a, amah zong utlo pipi in va gen a, singpi dawn ding dandeuh in chu ka potkhia ta uhi. Bazar tan ka kikhasak a, bazar apat in kikhen in ka kinung muh non kei uh a, kei zong ka inn lam zuan in ka pai a, ka hinkhua ngeina khahsuah thei nonlo in ka hinkhua nuam tak in ka zang non ta a, lu leh taw phoklo in zu leh sa ah ka kidiah zel a, nuam tak a ka khuasak lai in, pasal khat toh ka kimai kha leuleu uh a, aman zong a neih dandan in hong khilaih ziahziah a, ken zong hong hah bangkhat luat tak ciang in, itna tak khat chu ka neita mai a, aman zong hong it dan thu hong gen a, ken zong ka sansak a, sawtlo cik in ka kitengpah ngal uh hi. Nupa khat chu kong suak non ta uh a, abul lam bel kong kituak zozen sim uh. Himahleh zu leh sa ne thei tuak ka hihman un, kinak hun hong tam pianpian ta mai a, a khut ka thuak hun bang a tam petmah a, neu apat thuak ngeilo nu cu vuak leh sat i hong thuak ciang in bel thuak a haksa sim mai a, sawt zaw ka kidaih mahmah sam kei uh a, kikhen in hong om non ta mai hi. Kikhen mah le ung zong aman zaw a kham ciah hong vua kha nak a, himahleh a khamlouh cia bel hong it petmah thou sam hi. Ka pai cia hong zong koikoi a kap zen a hong zol zel a, ka zuih a kul zel sam a, ka va zui a kham cia kinak leh thuak hi gige ahihman in, sawt chu ka om pih man kei a, ka kinung lehkik zel sam hi.
Ka om na peuh ah hong zong ahihman in a tawp in kei zong thuak ngap non mahmah sam lou ka hihman in ka sanggamte a zah deuh khak leh cihna kawm toh ka pate inn lam ka va tung khong a, hou thei hou moh a hong kihou zoh nung in ka omna hong theikhia zel a, ka nute ka sanggamte mai ah kap zen in hong thum ciang in thusitna tampi a neih zoh nung un, ut leh ut louh omlou in zuihkik a ngai non maimah a, ka va zuikik non sam hi. Pasal nei sam mah leng zu duhna bei thei mahmah lou ahihman in zu ka va dawn kha nak uh a, aman zong a tung cia hong phal hi na zen pi a kham sim ciang a, a ut atheih a vuak mah ka thuak kholoh zel a, thuak zohlouh cia a damdoi hoihpen paikhiatsan ahihman in ka paisan zel a, ka nute inn bang ah níh (2) vei thum (3) bang ka tai ciah, ka sanggam pa'n hong na ninggopta a, hong na vuak behlap lai leh ka thangpaih tha a suak petmah a, amau inn pan in zong ka pawt a, vuak leh sat ka thuak ngap non loh man in kei zong a tawp in thu ka vaikhak a, "hong zongzong tangvalte zepsak ding ka hi" ci'n mi ka kam vaikhakta hi. Khovel ah ka ut bang tak in gamta in hun a nuam thei pen ka zang a, nu leh pa kipolhna lam zong ka pibawl petmah ta a, kizuak ciah hi kei mah leng huate tuk in hinkhua ka zang ta hi.
Ka khovel nuntakna ka kizatsiat luat gop ziak in nuam tak a ka zat laiteng nuam ka sa mahmah mai a, nuamtak a ka hinkhua ka na zat gop tak man in, tu in gentheihna a kipanta mai hi. Khovel a natna lau huai pen a kigen HIV a cihte uh kei tung ah zong tua natna hikpi hong lutta a, kha pham ding ngak in zaalkhun tung ah ka kizata mai a, ka hinkhua luite gelgel in kisik luatnate leh selung gel in luankhi nul in ka omta hi.
Khapham ding ka hi petmahta a ka tate muh utna leh ka iit mahmah ka pasal masa pen melmuh ka ut petmah a, damlou veh cia mi hong pai teng kiang ah ka ngen a ka sihma pet khatvei bek ka mel muh ding in hong tonpita peuh un, ci'n ka ngen koikoi ta a, ka hun paisate kisikkik petmah hi leng zong lakkik theih ahita kei a, ka gen ding leh bawl ding theihlouh man in ka kapkap mai hi.
Nikhat si di petmah ka kisak laitak in lamet hetlouh in ka pasal leh ka tate ka kiang ah hong ding dimdiam ka muh in khasiatna in hong tuum dedeuh mai a kah louh tum himah leng ka mittuite kham vual loh in hong pot zutzut mai hi.
Ka pasal leh ka tate kiang ah ngaihdam ka ngen a, ka kahkah leh ka tapa in, "nu o, kap non ken, topta in nang na kah cia na tate leh na pasal a ding in nuamlou ahi. Topta in silou ding na hi. Ka pa toh i vek un nuamtak a nungta kik ding i hí ta uh, Pasian muang in nu" cin hong zolzol a, Ka tapa kah ka muh in ka mittui a phur nak deuhdeuh mai ta hi. Ka tate gel toh ka pasal toh damdoi inn ah ka giak uh a zankhua in lung ka gelgel leh tun leh zua zong ka na mohsa a, hoih tak in thu hong na hilh hi mai le uh zaw kei hitan a na noptal mailou a, ka pasal leh ka tate toh nuamtak a hinkhua mang ding in ka kilamen hi. Hua ziak in a topic ding in KA TUNNU LUNG MAWL VANG HIAM KA ZUAPA cih hong kizang ahi.
Zing khua hong vak a ka lawmte hong thou siausiauta uh a, kei bel zankhua in lunggelna leh khitui naptui nulna in ka hun ka zang hi. Ka lawmte ka sam a, ka tate kiang ah genthei ka hihdan leh a thuak hak dan teng ka gen vek a, kei bang a hinkhua zang mai lou din ka vaikhakta hi. Hua ban ah ka pasal zong sam in naupangte hoihtak a na thunun a, khangno lai a kei bang a khapham ding ngak a hinkhua a manlouhna ding un na thuhilh ding in zong ka vaikhak sawnsawn ta hi.
Moral: Hih tangthu phuahtawm himahleh a taktak a hi bang hinkhua na zang mi tampi om tham ding in ka lamet man in hong tak lang ka hi. Nu leh pate'n zong i mohpuak uh zou ciat a, tate deihthoh bawl lua a amau ut bang tak a zalensak lou ding deihna in hong kisun ahi a. Hua ban ah, ka len gualpih khangnote o, tun leh zua in lamen tak leh lungmawl luat ziak a hong thuhilh theihlouh ziak in eimah ut dandan in i khangno lai hun zang mailou a, maban ah hia i tangthu suut nu mah bang a si ding khangno lai a ngak mailou a, tu a hun laipet a kikhel thakna neih theihna hi ding deihna ziak in siamlou pumpum in hihbang thu hong kisun a, tuhun in tek si i muh tawm hang un, pan thak la a khangsawn apan bek in pitek-putek i gam ah tam deuh muh theihna ding in panla ciat ding in ka hong cial hi. Deihsak luat ziak a genkhial gen val a om leh moh mai sakna i kingen uhi.
Lungdam.
Beita.
©Siamsinna leh Vakiangbu
Comments
Post a Comment