LUNGNU LEH PUVOM
By ~ Gou Lian Lun @Lyian Tonsing
Nidanglai pek in lawmta kithuah thei mahmah nih, Lungnu leh Puvom kichi a om uhi. Amau hunlai in ganhingte bang le pauthei uh hihtuak hi. Ganhingte pauthei ngei taktak u hiam chihbel gintak hahsim mah leh a tangthu uh ensuk himhim uh awle.
Puvom ahihleh milian leh hat mahmah mi hi a, kuamah kihtak neilou. Sahang natawm mai a tailou a, maituah ngam mihangsan leh thahat ana hihi. Lungnu pen ahihleh mi neu mahmah khat hi leuleu zel hi.
Amau asun azan kithuah in, a hohna peuh uah kiton leh nasep bangkim semkhawm gige uhi.
Nikhat tuh tuiching in buai mahmah ua, achinzoh tak un Puvom in Lungnu kiang ah "Lawm Lungnu aw, kei ka va vakkhe ding a, i tui chin nang na na veng inla kuamah na zap (leuh) sak hetlouh ding ahi" chi in vakkhiak hi.
A pawtkhiak nung sawtlou in Sakhi khat hong vak lutkha in Lungnu kiang ah " Hiai tui kua chin a hi hiam?" chia adot leh Lungnu in " Puvom chin, kei chin" chi in a dawng hi. Sakhi in " Zapsuk dengdeng, zap tou dengdeng thaw taang aw" hon chih leh Lungnu in " Puvom na ngam leh" hon chih san hi. Sakhi in zong zap ngam samlou in a paisanta hi.
Huai zoh in Sazuk hong vak lutnawn a Lungnu kiang ah " Hiai tui kua chin hiam?" chi in dong nawn hi. Lungnu in " Puvom chin leh kei chin" chi in dawng a. Sazuk in " Zapsuk dengdeng, zaptou dengdeng thaw taang aw" achih nawn leh Lungnu in " Puvom na ngam leh" hon chih tak in Sazuk leng zapngam samlou in paikhe nawn hi.
Tua nung sawtlou in Sakei hong diang lutkha leuleu hi. "Hiai tui kua chin hiam?" chi in Sakei in Lungnu adot leh " Puvom chin, kei chin" chi in dawng hi. Sakei in leng " Zapsuk dengdeng zaptou dengdeng thaw taang aw" a chih nawn leh, Lungnu in " Puvom na ngam leh" chi in dawng nawn leuleu hi. Sakei in leng " Puvom chil bang chiah a lian a, a zang bangtan a sau hiam" chi in lehdot nawn hi. Lungnu in " Puvom chil beta chiah, a zang mautawn tan" chi in dawng a, huaitak in " Ngamtham e" chih toh Sakei tuh tuisung ah tawmlut in hon zapta hi.
Puvom hong pai a, Lungnu kiang hong tuntak in Lungnu in " Puvom ei, i tuichin ah Sakei kibual/kizap ei" chi a ahilhleh Puvom in leng Sakei lui a kizap lai va naih pheipah thulthul a hong kisualta uhi. Lungnu in a gei ua en in " Ka muan leh ka muan, a zou zawzaw tuinaak ah si dia, a lel zawzaw luitaw ah si ding hong chih tak in amau leng hong hahpan saan mahmah ua. Agei akim leh kiang khong uh a zaan nengnung mai hi. Huchia sawtlou a hong kisual nung un Puvom Luinaak ah si in, Sakei luitaw ah a si hi. Puvom a hong sihphet in Lungnu in a zang at khiaksak a tamngai ding in a bawl hi. A bawlzoh a hon mut leh ngaih mahmah a, aging le hoih mahmah mai hi. Huaitak in Keltachilpol in hon zakha hi.
Keltachilpol leng mikhem dan siamtak ahihman in Lungnu tamngai laksak theih dingdan hon ngaihtuah ta hi. Nikhat Lungnu kiang ah va hoh a " Lungnu na Nu'n tui na tawi heh" chi'n Keltachilpol in Lungnu pawtkhiak theihna ding kia ngaihtuah hi. Lungnu in " Tuitawi zouta ing e" chi in na dawng hi. " Sing na pua hen chi" chi zel a, " Ka pawzou ta" chi in dawng zel hi. A tawp in " Na nu'n ana ihmu hen hon chi" a va chi zel hi. Huaitak in Lungnu in "Eh!, ngut aw, ka ihmu nai kei a, ka hong ihmu ding" chi in hong ihmu ta hi.
Huaitak in Keltachilpol leng Lungnu tamngai va laksak in, paikhe vengveng ta hi. Lungnu hong khanloh tak in a tamngai omlouh lam hon thei a itlua in a kapkap hi. A kah laitak Va-ak nupa in vatuak kha ua, " Lungnu bang achia na kah ngeungeu" achih u leh Lungnu in " Keltachilpol in ka tammngai hon guuk sak a itlua a kapkap mai ka hi" chi in adawng hi. Huaitak in Va-ak te nupa in leng " Ahihleh na nau zuha hon suah zek inla kou ka hon suhsak ding uh" chi in kun uhi.
Lungnu leng kipaklua in va suahpah a, a nekzoh tak un " Awle, tu'n nang ana tawngheh inla, huchia hon delh chiah kou ka laksak mai ding uh" a chita uhi. Lungnu leng taipah tingteng in Keltachilpol kiang ah " Keltachil-chilpol lenlun, guam a mual a chiltat dongdong" chi in a va tawngta hi. Keltachilpol hehlua in Lungnu neenu, hong vua in na chi hia? A chih leh " Hong vua in kon lau kei" chih leh innlam taikik a thuah hi. Keltachilpol in leng a delh zuipah ngal a, Lungnu te innkong hong tun tak in Va-ak nupate tuh lau in "Ak, Ak" chi in ana leng mang hiau ua, Keltachilpol in Lungnu a matkhak tak in a vaw zialzial ta hi.
Lungnu tuh khasia kisa in, a tamngai itna toh a kap nawn ngutngut hi. Akah laitakin Aisa nupa hong pai kha geih ua "Lungnu aw, bang a na kah ngeungeu?" chi in a dong uhi. "Keltachilpol in ka tamngai hon laksak a khasia-a kap ka hi" chi in dawng hi.
Aisa nupate'n leng panpih theihdan ngaihtuahta uhi. " A hehpih huai, Lungnu aw, na nau zuha no'n lup a leh kou ka hon laksak thei ding uh" hon chinawn ta uhi. Lungnu in " Nou leng Va-ak nupate bang in hon khem kha ni uteh" chi in utlou hi. Himahleh Aisa nupate'n " Eh! Lawm, kou lah leenmang na'ng kha neilou ung a, mi bang a paihat leng hilou lai, koilam ah kon taisan un ko'n khem himhim ding ua" a chih tak chiang un. " Ahihleh" chi in zuha suah a vahtak in a nesak ta hi.
Aisa nupate'n " Nang Keltachilpol na vatawng heh dia na kongkhak bul uah ka na pang ding ua, nang vo dia a ahong kuan chiang in a chilpol ka na tepsak ding uh" chi in thu hon leelta ua, hong kisa nawn leuleu uhi.
A gen bang un Lungnu tuh hong kuan nawn a, " Keltachilpol leenluun, guam a, mual a chiltat dongdong" chi in hon tawng pahta hi. Keltachilpol leng hehlua in " Lungnu, neenu hong vaw nawn leng chi na hiam?" a chih leh " Nang bang ko'n lau kei" chih leh innlam a tai a thuah nawn hi. Keltachilpol in leng a tamngai toh hon delh nawnta hi.
Innkong khak a hon kaan tak in Aisa nupate'n achil a napehsak/ana tep ua, naa salua in kikou lualua zawzen hi. Tepnak semsem ua, a tawp in a tamngai tawilai khahsuah khongkhong ta hi. Huaitak in Lungnu in leng a tamngai hon lapah a, Keltachilpol leng Aisate'n a khah tak un naa salua in a taikik nulnul hi.
Lungnu leng Tamngai tangkha ta ahihman in Aisa nupate kiang ah kiphathu gen in hong kikhenta ua, huai nung Lungnu in nuamtak in a hinkhua a zangta hi.
Hiai tangthu apan in - Tulai khovel ah Va-akte bang a mikhemhat a tamluat ziak in mi diktat khenkhatte maban hubingtu hi nuam mahmah uhi. Hithei kisa leh kamzol tengteng le midik hituanlou, Aisa nupate bang in thutak chiat leng, chih hon sinsak hi.
Nidanglai pek in lawmta kithuah thei mahmah nih, Lungnu leh Puvom kichi a om uhi. Amau hunlai in ganhingte bang le pauthei uh hihtuak hi. Ganhingte pauthei ngei taktak u hiam chihbel gintak hahsim mah leh a tangthu uh ensuk himhim uh awle.
Puvom ahihleh milian leh hat mahmah mi hi a, kuamah kihtak neilou. Sahang natawm mai a tailou a, maituah ngam mihangsan leh thahat ana hihi. Lungnu pen ahihleh mi neu mahmah khat hi leuleu zel hi.
Amau asun azan kithuah in, a hohna peuh uah kiton leh nasep bangkim semkhawm gige uhi.
Nikhat tuh tuiching in buai mahmah ua, achinzoh tak un Puvom in Lungnu kiang ah "Lawm Lungnu aw, kei ka va vakkhe ding a, i tui chin nang na na veng inla kuamah na zap (leuh) sak hetlouh ding ahi" chi in vakkhiak hi.
A pawtkhiak nung sawtlou in Sakhi khat hong vak lutkha in Lungnu kiang ah " Hiai tui kua chin a hi hiam?" chia adot leh Lungnu in " Puvom chin, kei chin" chi in a dawng hi. Sakhi in " Zapsuk dengdeng, zap tou dengdeng thaw taang aw" hon chih leh Lungnu in " Puvom na ngam leh" hon chih san hi. Sakhi in zong zap ngam samlou in a paisanta hi.
Huai zoh in Sazuk hong vak lutnawn a Lungnu kiang ah " Hiai tui kua chin hiam?" chi in dong nawn hi. Lungnu in " Puvom chin leh kei chin" chi in dawng a. Sazuk in " Zapsuk dengdeng, zaptou dengdeng thaw taang aw" achih nawn leh Lungnu in " Puvom na ngam leh" hon chih tak in Sazuk leng zapngam samlou in paikhe nawn hi.
Tua nung sawtlou in Sakei hong diang lutkha leuleu hi. "Hiai tui kua chin hiam?" chi in Sakei in Lungnu adot leh " Puvom chin, kei chin" chi in dawng hi. Sakei in leng " Zapsuk dengdeng zaptou dengdeng thaw taang aw" a chih nawn leh, Lungnu in " Puvom na ngam leh" chi in dawng nawn leuleu hi. Sakei in leng " Puvom chil bang chiah a lian a, a zang bangtan a sau hiam" chi in lehdot nawn hi. Lungnu in " Puvom chil beta chiah, a zang mautawn tan" chi in dawng a, huaitak in " Ngamtham e" chih toh Sakei tuh tuisung ah tawmlut in hon zapta hi.
Puvom hong pai a, Lungnu kiang hong tuntak in Lungnu in " Puvom ei, i tuichin ah Sakei kibual/kizap ei" chi a ahilhleh Puvom in leng Sakei lui a kizap lai va naih pheipah thulthul a hong kisualta uhi. Lungnu in a gei ua en in " Ka muan leh ka muan, a zou zawzaw tuinaak ah si dia, a lel zawzaw luitaw ah si ding hong chih tak in amau leng hong hahpan saan mahmah ua. Agei akim leh kiang khong uh a zaan nengnung mai hi. Huchia sawtlou a hong kisual nung un Puvom Luinaak ah si in, Sakei luitaw ah a si hi. Puvom a hong sihphet in Lungnu in a zang at khiaksak a tamngai ding in a bawl hi. A bawlzoh a hon mut leh ngaih mahmah a, aging le hoih mahmah mai hi. Huaitak in Keltachilpol in hon zakha hi.
Keltachilpol leng mikhem dan siamtak ahihman in Lungnu tamngai laksak theih dingdan hon ngaihtuah ta hi. Nikhat Lungnu kiang ah va hoh a " Lungnu na Nu'n tui na tawi heh" chi'n Keltachilpol in Lungnu pawtkhiak theihna ding kia ngaihtuah hi. Lungnu in " Tuitawi zouta ing e" chi in na dawng hi. " Sing na pua hen chi" chi zel a, " Ka pawzou ta" chi in dawng zel hi. A tawp in " Na nu'n ana ihmu hen hon chi" a va chi zel hi. Huaitak in Lungnu in "Eh!, ngut aw, ka ihmu nai kei a, ka hong ihmu ding" chi in hong ihmu ta hi.
Huaitak in Keltachilpol leng Lungnu tamngai va laksak in, paikhe vengveng ta hi. Lungnu hong khanloh tak in a tamngai omlouh lam hon thei a itlua in a kapkap hi. A kah laitak Va-ak nupa in vatuak kha ua, " Lungnu bang achia na kah ngeungeu" achih u leh Lungnu in " Keltachilpol in ka tammngai hon guuk sak a itlua a kapkap mai ka hi" chi in adawng hi. Huaitak in Va-ak te nupa in leng " Ahihleh na nau zuha hon suah zek inla kou ka hon suhsak ding uh" chi in kun uhi.
Lungnu leng kipaklua in va suahpah a, a nekzoh tak un " Awle, tu'n nang ana tawngheh inla, huchia hon delh chiah kou ka laksak mai ding uh" a chita uhi. Lungnu leng taipah tingteng in Keltachilpol kiang ah " Keltachil-chilpol lenlun, guam a mual a chiltat dongdong" chi in a va tawngta hi. Keltachilpol hehlua in Lungnu neenu, hong vua in na chi hia? A chih leh " Hong vua in kon lau kei" chih leh innlam taikik a thuah hi. Keltachilpol in leng a delh zuipah ngal a, Lungnu te innkong hong tun tak in Va-ak nupate tuh lau in "Ak, Ak" chi in ana leng mang hiau ua, Keltachilpol in Lungnu a matkhak tak in a vaw zialzial ta hi.
Lungnu tuh khasia kisa in, a tamngai itna toh a kap nawn ngutngut hi. Akah laitakin Aisa nupa hong pai kha geih ua "Lungnu aw, bang a na kah ngeungeu?" chi in a dong uhi. "Keltachilpol in ka tamngai hon laksak a khasia-a kap ka hi" chi in dawng hi.
Aisa nupate'n leng panpih theihdan ngaihtuahta uhi. " A hehpih huai, Lungnu aw, na nau zuha no'n lup a leh kou ka hon laksak thei ding uh" hon chinawn ta uhi. Lungnu in " Nou leng Va-ak nupate bang in hon khem kha ni uteh" chi in utlou hi. Himahleh Aisa nupate'n " Eh! Lawm, kou lah leenmang na'ng kha neilou ung a, mi bang a paihat leng hilou lai, koilam ah kon taisan un ko'n khem himhim ding ua" a chih tak chiang un. " Ahihleh" chi in zuha suah a vahtak in a nesak ta hi.
Aisa nupate'n " Nang Keltachilpol na vatawng heh dia na kongkhak bul uah ka na pang ding ua, nang vo dia a ahong kuan chiang in a chilpol ka na tepsak ding uh" chi in thu hon leelta ua, hong kisa nawn leuleu uhi.
A gen bang un Lungnu tuh hong kuan nawn a, " Keltachilpol leenluun, guam a, mual a chiltat dongdong" chi in hon tawng pahta hi. Keltachilpol leng hehlua in " Lungnu, neenu hong vaw nawn leng chi na hiam?" a chih leh " Nang bang ko'n lau kei" chih leh innlam a tai a thuah nawn hi. Keltachilpol in leng a tamngai toh hon delh nawnta hi.
Innkong khak a hon kaan tak in Aisa nupate'n achil a napehsak/ana tep ua, naa salua in kikou lualua zawzen hi. Tepnak semsem ua, a tawp in a tamngai tawilai khahsuah khongkhong ta hi. Huaitak in Lungnu in leng a tamngai hon lapah a, Keltachilpol leng Aisate'n a khah tak un naa salua in a taikik nulnul hi.
Lungnu leng Tamngai tangkha ta ahihman in Aisa nupate kiang ah kiphathu gen in hong kikhenta ua, huai nung Lungnu in nuamtak in a hinkhua a zangta hi.
Hiai tangthu apan in - Tulai khovel ah Va-akte bang a mikhemhat a tamluat ziak in mi diktat khenkhatte maban hubingtu hi nuam mahmah uhi. Hithei kisa leh kamzol tengteng le midik hituanlou, Aisa nupate bang in thutak chiat leng, chih hon sinsak hi.
©Siamsinna leh Vakiangbu
Comments
Post a Comment