TANGLAI TUMGING SIAM SENHAI
By ~ Lian Khuptong
Tangpa’n guiter a sai chiang in tangte,
mualte kisawi diamdiam uh. Lianu in tangpa guiter siampa a chih leh
tangpa zumlua kisa guiter bang pek(sai) khial zozen hi.
Tumging kilawmtak ngaihnuam in mite
kipaksak in lungtaisak hi. Himahleh a kilawmna ding loupi a zat ahih
chiang in, aaphuai in zak ninghuai leh bengseng suak thei hi. Lawm aw!
Nang in bangchi in zang na hiam ana kivel mah sin awle..
Damsung hinkhua lohsap takpi mo? Sam mahle chi in lametna nang a dia
gin-om leh chik lai peuh a hon na en gige, na hong kik ding lamenpa’ a
kiang zuan mai ve? Sapna aw lah hong ging nilouh kei dia sanggam
khangthei bang lou aw. . . !
Pekging tumsiam vannuai a mitampi om mahleh a siamdan uh kibang
kimlou a ngaihnop dan zong kibang sam kei hi. Bang teng hita zong in
tumging in lamdanna nei mah hive aw mo?
Tanglai in tingtang pekging siam tang Senhai tangvalnou khat na om
hi. Amah pen a siam man bek in mite’n ngaina leh thupisa in paakta thei
sam mah uhi.Guiter a siamziak mah in mite mou lawpnate nopbawlnate khong
ah. Chialsek in laa peuh va sa hi. Hiaite khong mah inn Tang Senhai in
mite hoihnate ziak in sumtam lawlou amuhte’n nekzonna in zang thei hi.
Nikhat mah mite nawpbolna khat ah chial a a om bang in aman leng
kithalawp tak in a tanmun va subuching hi. Hun zangkhin innlam pai ding
in, hong kisak laitak in, kua hiam Nungaknou khat in kimu zual ding in
samgusim pian hi. Senhai in leng bang ding cih toh linsim kawm in minu
lam va manoh phei hi.
U Senhai aw! Kei pen Chingno ka hi. Nang hong ngaina mikhat na hi
mawk ing. Höng gen mai ning. Na tong naubang sang din lailung lawplua
cih toh va genkhe miahmiah maisam hi. Senhai leng a lunglam tak na hisam
in tawlkhat en vangvang in, kei din mun awnglai diam? Cikawm in kuun
ngait hi. Nihgel hong kineel ngal in, kikhehlah tak in leh kipaktak in
kimu zel ding in tong kichiam uhi. Kuate hiam gen ding hileh ”chiangkot
leh mankhong kituak mah a bang”, tua mah bang in Senhai leh Chingno hun a
neihsun teng un a paina khempeuh uah kizui in, mite theihphak in hong
omta uhi. Nihgel kholkhawm phot lah tuh Itna simthu hita mai.
Chingno in, “U Senhai aw,Tumging na hong tum chia ka lung hong
kuailua ngaihnop salua ka hi. Nang toh tulkhawm mah nuampen sa ing.” ong
cih leh, Senhai in Chingno phatnate a zak chia lungsung mitkhitui bang
luangkha zawzen a, kipahluatna lam in, “Ching, nang bang sakmel hoih leh
lungkuai vannuai ah musam keng e,”ci’n Senhai kipahna tuibang in
luanglet phial di khop in hon gen chia ci hi. Chingno kipaklua kisa in
nui lah-lah kei hi. Sawtlou zawlsim houlim lakloh simpi’n ann huan leng
hun pian ta himah’n teh ni-bang a tumdek sim toh nihgel in pai ding
simthu lel thei vanglak uhi.
Hun höng pai zel in lenkawl ah, Tang ninou hong suak nawn hi. Nidang
bang in mite zong vailou kuan bang amau nna chiat sem ding in, kithawi
non leuleu uhi. Senhai zing thoukhe khong in a guiter la pah in hong tum
sal-sal nawn pat leh, laithon hawmpa’ hong lut guih in lehkha va pia
hi. Senhai in leng lamdangsa sim in, a tumging koihkhe zen in ana enpah
hi. A lametlouh a gintak louhpi’n sapna lai na hilaizang. Ceelong tualpi
apat in tumging siampen kidemna om dek huai ding a Tang Senhai aw, Nang
zong hong tel ngeingei dia lamet na hi.Chialtu Dalpi cih’n kigelh ngiat
hi.
Senhai lungsim nih in kamta mawk? A hang bel a nungaknu Chingno toh
lah kimeltheih pan lah kidemna lah nawlkhin ut samlou hi. Himahleh
khosung mite leh Chingno hanthawn nate’ hang mah in kikhelahtak mai in,
kal hong suankhe thei khong hi. Mite deihsakna leh a Iit ngaihnou ziak
mah in lametna a neihte uh toh lohching a hong kik Senhai leng kineem
thou hi. Khomual a nihgel kikhelahtak in Chingno in U Senhai na hong kik
chiang in tawlnou höng puak in, cikawm in a khutvan in kikhen mualliam
thei uhi.
Ceelong pen gintak sa’ng na vot zaw in meikai in, Senhai in gam
leitang hong sikkhong ta hi. Votsa in Tedim toh na kilamdang mahmah hi.
Sawtlou nung in kidemna phual mun hong tung in Senhai zekiai sim mahleh
na kipankhin man hi. Gintak sang in mitam in, siamthei mahmah ua,
theihtawpsuah in mite kinakdem peuhmah uhi. A tawp lamkuan in Senhai min
leng sap ahi ta. A hihtheih bang in Senhai in guiter a siamna teng toh
peek mahleh a kilak ni mah in, ke ngal mawk hi! Tua bang a kiatpah
chiang in, dah leh beidong kisa’n lungke mahmah sam hi.
Senhai hong kingaihtuah ta a, khutvuak a innlam kik mai ding ngaingam
samlou hi. Innlam a mite leh a ngaìhnote kinepna tan bek tunglouh
kingaisia petmah in. Kuuli peuh a kiloh a, innlam kik ding ut zou
nawnlou phial hi. A hang bel Senhai in a khosung ua nidang in hiaibang
dinmun lohsapnate na chiamkha ngeilou leh a senchiil pan hiaibang
haksatna ana palkhak patna ahihman in, haksa leh zum leh zakta mahmah
sam hi.
A kikhen ding kuan ua Chingno vaikhak Itna simthute a bilkha ah hong
lang zel hi. A tawp in bangteng ahihta zong ci in paivai sawmkhe thei
khong a, avan teng toh thabeitak in hong kipankhe petmah ta hi. Khomual
hong tung ding kuan in Chingno in na galmuh in a na delh in, na koi
tawn-tawn in mittui naptui toh It tak in ana pom hi.
Senhai lungkia mangbang lohsam kisa lai It tu bei khop a kingaih
hizen na pi in, a nungaknu ngaihdante amuh chiah nan vuallouh in kipahna
huzaak tuh vanpi thawn zua-zua zou hial hi. Senhai lamet louh dan tak a
Chingnou in ana dawn ziak hipeuh mah hi. Itna koimun koi a omta zong a
dang ngei kei hial hi.
Akoi-abang hileh a diktak gen ding hileh Senhai pen a hong kik lampet
a hong zekiai luat ziak in, khomipite leh Chingno in lamdang leh si
hiam sa in, Lunghimoh lawtel ana hi zaw uhi. Amau lametna pen lohching
leh chinglouh thu hilou zaw in, hingdam a kimuh lam-lam ana kinem
nawnlou uh ana hizaw daih.
OVAL beita
©Siamsinna leh Vakiangbu
Comments
Post a Comment