SIAMSINNA LEH VAKIANGBU
By ~ Rian Quptoong
Lehkha toh kisai bek siamsinna ana hikhin lou hi. Ahangbel leitung mihingte leitung a i hong piankhiat chiil apat in muhtheih, zaaknop, theihnopna lungsim toh kidim ngal i hi uhi.
Gam vangla pan in vahuii gilkial simtak leh busep nuam kisa in dak vialvial kawm in thangvan laizawl a lungleeng tak in hong leeng diahdiah tamai. Van ninuai et in kilawmna mai e. . Thangvan Sianmang hawmsiam lua hi. Sing leh louhing dipdip, tungsi-al, solkha leh vasate muh in lungzuan thelbang thousak lua hi. Vai siamsil nam chih paaksil bangzeem e. Huchi in tua gam vahui in singdang khat hong muta hi.
Akiim apaam hong dak kimveel masa hi. A lungsim in hiai mun ah buu vasep hileng tenna mun taak aching diam? Gal lauhuai om thei diam? Tua bangte a etkhit nung in a tawp in, tui mun toh a kinaih ziak mah hi'n teh tenna mun ding in bawlsawm in, pan hong la in singkaang, akeu tamlou lou in kaikhom in buu ding in hong phankhawm petmah ta hi.
Tenna tak hong suah in abuu sepna pan in niteng nektawm ding zong in kawi leen pen Vahuii ading in a napipen ahi. Mihingte toh tehkhin theihna chiang om hi. Gamsate'n leng azuu-ahaam thuak in vuahzu, daikiai nuai ah, ka gim ka tawl cih omlou in pang tantan sam uhi. Lehlam a tuh tate khualna bang in pang mahmah sam uhi.
Mihingte pen lehkha va sim kei tazong in nasep thilbawl i lampaina khat mah kizui ngiat in, tuate mah in nek ding kimu hi. Huaimah bang in gamsa vasate'n zong amau hihtheihna tan ah, a noute uh a khualna ziak un ann zong in vialdian uhi. Gam vahui leng nikhat ann zong a a lenmang kal in gintak louhpi'n Musi in a noute haam kiak-kiak zaa in anou nga (5) lak ah, thumna tuahmang sak hi. A sawtlou nung in Gam vahui hong lut in a noute ann ding lungnou aman leng gilkialna zenpi'n a neek ngamlouh hong puak leh a noute nìh (2) chauh na pha in haam kiak-kiak a hong muh chiah nan vuallouh in a mit nuai manphatak luankhitui taak kekeuh maisam hi.A nou nihte geel bang leng lau a panpihtu mu kisa in . . . .pi-ak pi-ak peuh cih kha zezen uhi.
Gam vahuii khase mahmah sam lah a lawh theih om sam lou amau tung a Kumpi Musi' lah zahtak ngal thuk nuam napi'n a lohthei lah om sam lou liangvai kisa lua hi.
Gam vahuii apa ulah Musi' neeklup gamdai ah, a thuneipen tel mai panpihtu bei ahihdan bang kimu suah in a khasiat thabang suak semsem hi. Gil a gah goutan tamlou kinei sunsun Musi'n hon bawldan lungkim ni nei kei ning ci hial hi.
Gam vahuii a dahna pan in hong tawp in kei pen dahden lungkham den mawk Leeng ka noute adia hehneem leh vaaktu ding bei ci in, peih leh peih louh thugen lou in ann zong ding in lungzuang tak in hong lengkhe hiah-hiah nawn hi. Tel taang nisa nuai a lou nasemte'n hong muh leh ahehpih tha bang hong suak mawk! Kei lungkham tak a neek ding zong ka kichi a, Mihingte leh namai sam kei ve uh aw! Amau leng tate khualna bang in neektawm zong a nisa, vuahzu, chi mailou in na a sem ve ua le; tazen! Mihingte le a sih chiang ua ki-itlaw sam uhia! Hiai bangte ngaihsun kawm a alenna lam in, niliapman sim in A noute lungsim a hong ngaihtuah khe guih in lungneu tam khop Zawngtah kung apan va la zawk in siang lam zuan nawn hi.
A bu hong tuntak in a noute kipaak in na awng lalaa uhi. Gilvah tak a anoute nek amuh chiah Gam vahuii kipahna in dim hi. A chang in lah tu'n ken ka noute damlou in sihsan ta leng kua'n enkol ding kua'n kem ding cih peuh in lungkham zel hi. A pa' bang a ngaihna peuh lian sak zel hi. Hinna nei sapsap mihingte bek kihileh a cih tawn bangtam mahmah hi. Ahi alah mihingte nasep amuhte'n gentheisa law sam zel lehlam ah, gam vasa hih bang hampha kisa zel hi.
Khapi bang leng vanlaizawl a hong taang tak in zansawt simta, ka ngaihtuahna lunggel sausalua hi. A damlai na pi'n thiltung nailou lunggel chi in imut simthu gel thei vanglak nawn hi.
Zingdaitui kiate hong tak kekeuh in Gam vahuii a zaalna singkung buu ah, dai tui'n hong taak leh hong khanglou guih in nibang na sang simta a, anoute gilkial ding lau in lengkhe pah ngal hi.
Gam vahuii thangvan laizawl a hong leeng nawn in vicks kung khat hong bawh hi. Tua mun ah tangngol tamlou na om in aman leng a kam in keipah hi. Kilehkik in abutsepna lam manoh in hong leng nawn hi. Nidang bang zenlou in abuusepna mun a tun tak in, akhaih! Anoute toh busepna na kiphiil zaak gawp hi. Dah leh lungzing mahmah in, akim apaam hong daak veel chiah muh ding
A nöute haam ging kiak-kiak za in, a nuailam hong etsuk leh a noute singphung a musuk ta hi. Gam vahuii lengsuk vengveng in va tusuk hi. Musi mah hizel ven mo? Ka dah lua boite na damna uh mo? Chi in opkhum ngal hi. Ann a puakte pia'n haam bang huai liklik hi. Nidang tuahsia sang in tutung in, puakdansiam kisin mai ning chi in dahlua hinap'n a mittui pawt kei mah leh a lungsim mitkhitui luang veve hi.
Gam vahui in hici bang haksatna paal mah leng ka thuak ding hong siampa'n a phal chih toh laavui in kihehnem mai ding chi hi. Lamkhat a akipahna bel a noute geel piching huntawk ta ann leng kizong theita uh ka lungngai nawn kei ding hi chi hi. Amau in ka zalensak ding a ahaksa, anop a tuah bangbang uh, Sian hawm simthu hi mai heh aw!
Buu leng ka sep nawnta kei dia singdawn munkhat peuh ah ka giah nopna mun ah giakta ning chi in a noute zaleen tak in khahkhe ta hi.
Gam vahuii leeng amah neek ding zong in hong leengkhe non ta hi. A hong leenna lam in gintak louhpi'n singphung ah, singgah a neklai tak in theihkholh louhpi'n Siampu vasa beng in galmuh in geem khen-khen in a sialphei in phecks! Zu-leh-vaa te'n le a gawl sihpih hihven Gam vahuii a deek ah thautang lut in singgah a neek lakloh sim mahleh mìhing in sihna pelhtheih louh chih mahtak leitung haaksatna leh gim gentheihnate nusia'n a kha a khahta hi. Siampu lah kipak kisa in vasa man chi in lei a tukma natawm in, delhpah in a khut na zaak pahngal tel in kithahlawp ding zong Ka pu' damdoi ding a thungkuah ah, puah in paipih pah vengveng mai hi.
Van Ninuai ah khovel haksatnate pan in na suaktat nang in na hinna phamdong in bang zahta in haksa mah leh tuate palbang nang zel mai in, Khaa na pham dawng.
Beita
©Siamsinna leh Vakiangbu
Lehkha toh kisai bek siamsinna ana hikhin lou hi. Ahangbel leitung mihingte leitung a i hong piankhiat chiil apat in muhtheih, zaaknop, theihnopna lungsim toh kidim ngal i hi uhi.
Gam vangla pan in vahuii gilkial simtak leh busep nuam kisa in dak vialvial kawm in thangvan laizawl a lungleeng tak in hong leeng diahdiah tamai. Van ninuai et in kilawmna mai e. . Thangvan Sianmang hawmsiam lua hi. Sing leh louhing dipdip, tungsi-al, solkha leh vasate muh in lungzuan thelbang thousak lua hi. Vai siamsil nam chih paaksil bangzeem e. Huchi in tua gam vahui in singdang khat hong muta hi.
Akiim apaam hong dak kimveel masa hi. A lungsim in hiai mun ah buu vasep hileng tenna mun taak aching diam? Gal lauhuai om thei diam? Tua bangte a etkhit nung in a tawp in, tui mun toh a kinaih ziak mah hi'n teh tenna mun ding in bawlsawm in, pan hong la in singkaang, akeu tamlou lou in kaikhom in buu ding in hong phankhawm petmah ta hi.
Tenna tak hong suah in abuu sepna pan in niteng nektawm ding zong in kawi leen pen Vahuii ading in a napipen ahi. Mihingte toh tehkhin theihna chiang om hi. Gamsate'n leng azuu-ahaam thuak in vuahzu, daikiai nuai ah, ka gim ka tawl cih omlou in pang tantan sam uhi. Lehlam a tuh tate khualna bang in pang mahmah sam uhi.
Mihingte pen lehkha va sim kei tazong in nasep thilbawl i lampaina khat mah kizui ngiat in, tuate mah in nek ding kimu hi. Huaimah bang in gamsa vasate'n zong amau hihtheihna tan ah, a noute uh a khualna ziak un ann zong in vialdian uhi. Gam vahui leng nikhat ann zong a a lenmang kal in gintak louhpi'n Musi in a noute haam kiak-kiak zaa in anou nga (5) lak ah, thumna tuahmang sak hi. A sawtlou nung in Gam vahui hong lut in a noute ann ding lungnou aman leng gilkialna zenpi'n a neek ngamlouh hong puak leh a noute nìh (2) chauh na pha in haam kiak-kiak a hong muh chiah nan vuallouh in a mit nuai manphatak luankhitui taak kekeuh maisam hi.A nou nihte geel bang leng lau a panpihtu mu kisa in . . . .pi-ak pi-ak peuh cih kha zezen uhi.
Gam vahuii khase mahmah sam lah a lawh theih om sam lou amau tung a Kumpi Musi' lah zahtak ngal thuk nuam napi'n a lohthei lah om sam lou liangvai kisa lua hi.
Gam vahuii apa ulah Musi' neeklup gamdai ah, a thuneipen tel mai panpihtu bei ahihdan bang kimu suah in a khasiat thabang suak semsem hi. Gil a gah goutan tamlou kinei sunsun Musi'n hon bawldan lungkim ni nei kei ning ci hial hi.
Gam vahuii a dahna pan in hong tawp in kei pen dahden lungkham den mawk Leeng ka noute adia hehneem leh vaaktu ding bei ci in, peih leh peih louh thugen lou in ann zong ding in lungzuang tak in hong lengkhe hiah-hiah nawn hi. Tel taang nisa nuai a lou nasemte'n hong muh leh ahehpih tha bang hong suak mawk! Kei lungkham tak a neek ding zong ka kichi a, Mihingte leh namai sam kei ve uh aw! Amau leng tate khualna bang in neektawm zong a nisa, vuahzu, chi mailou in na a sem ve ua le; tazen! Mihingte le a sih chiang ua ki-itlaw sam uhia! Hiai bangte ngaihsun kawm a alenna lam in, niliapman sim in A noute lungsim a hong ngaihtuah khe guih in lungneu tam khop Zawngtah kung apan va la zawk in siang lam zuan nawn hi.
A bu hong tuntak in a noute kipaak in na awng lalaa uhi. Gilvah tak a anoute nek amuh chiah Gam vahuii kipahna in dim hi. A chang in lah tu'n ken ka noute damlou in sihsan ta leng kua'n enkol ding kua'n kem ding cih peuh in lungkham zel hi. A pa' bang a ngaihna peuh lian sak zel hi. Hinna nei sapsap mihingte bek kihileh a cih tawn bangtam mahmah hi. Ahi alah mihingte nasep amuhte'n gentheisa law sam zel lehlam ah, gam vasa hih bang hampha kisa zel hi.
Khapi bang leng vanlaizawl a hong taang tak in zansawt simta, ka ngaihtuahna lunggel sausalua hi. A damlai na pi'n thiltung nailou lunggel chi in imut simthu gel thei vanglak nawn hi.
Zingdaitui kiate hong tak kekeuh in Gam vahuii a zaalna singkung buu ah, dai tui'n hong taak leh hong khanglou guih in nibang na sang simta a, anoute gilkial ding lau in lengkhe pah ngal hi.
Gam vahuii thangvan laizawl a hong leeng nawn in vicks kung khat hong bawh hi. Tua mun ah tangngol tamlou na om in aman leng a kam in keipah hi. Kilehkik in abutsepna lam manoh in hong leng nawn hi. Nidang bang zenlou in abuusepna mun a tun tak in, akhaih! Anoute toh busepna na kiphiil zaak gawp hi. Dah leh lungzing mahmah in, akim apaam hong daak veel chiah muh ding
A nöute haam ging kiak-kiak za in, a nuailam hong etsuk leh a noute singphung a musuk ta hi. Gam vahuii lengsuk vengveng in va tusuk hi. Musi mah hizel ven mo? Ka dah lua boite na damna uh mo? Chi in opkhum ngal hi. Ann a puakte pia'n haam bang huai liklik hi. Nidang tuahsia sang in tutung in, puakdansiam kisin mai ning chi in dahlua hinap'n a mittui pawt kei mah leh a lungsim mitkhitui luang veve hi.
Gam vahui in hici bang haksatna paal mah leng ka thuak ding hong siampa'n a phal chih toh laavui in kihehnem mai ding chi hi. Lamkhat a akipahna bel a noute geel piching huntawk ta ann leng kizong theita uh ka lungngai nawn kei ding hi chi hi. Amau in ka zalensak ding a ahaksa, anop a tuah bangbang uh, Sian hawm simthu hi mai heh aw!
Buu leng ka sep nawnta kei dia singdawn munkhat peuh ah ka giah nopna mun ah giakta ning chi in a noute zaleen tak in khahkhe ta hi.
Gam vahuii leeng amah neek ding zong in hong leengkhe non ta hi. A hong leenna lam in gintak louhpi'n singphung ah, singgah a neklai tak in theihkholh louhpi'n Siampu vasa beng in galmuh in geem khen-khen in a sialphei in phecks! Zu-leh-vaa te'n le a gawl sihpih hihven Gam vahuii a deek ah thautang lut in singgah a neek lakloh sim mahleh mìhing in sihna pelhtheih louh chih mahtak leitung haaksatna leh gim gentheihnate nusia'n a kha a khahta hi. Siampu lah kipak kisa in vasa man chi in lei a tukma natawm in, delhpah in a khut na zaak pahngal tel in kithahlawp ding zong Ka pu' damdoi ding a thungkuah ah, puah in paipih pah vengveng mai hi.
Van Ninuai ah khovel haksatnate pan in na suaktat nang in na hinna phamdong in bang zahta in haksa mah leh tuate palbang nang zel mai in, Khaa na pham dawng.
Beita
©Siamsinna leh Vakiangbu
Comments
Post a Comment