IT VANG IN (BUNG - 1)
By ~ Minato Søn-NgaihTe Ffetg
Part - I
"Usuan, nang hon ngai nonlou maw leh?" chi kawm in Parie in a sakmel etlawm tak mai toh a uSuan mel entou hi. A dawng didan theituanlou ahihman in Suan leng pau lou in om hi. Huchi in Parie mit apat in khitui hong luangkhia a, Suan le kidek zou nawnlou lam ahihman in paisan mai hi. Parie in khitui toh a Usuan nung et mah leh, khat in lah nung et lou in paitum san ta mai hi.
Ahi a, Parie leh Suan ahihleh kum thum paisa apat kithei kha ahi uhi. A kitheih khakna dan uh ahihleh, hihkhelh khak ziak maimai ahi hi. Sap' pau in gen le accidentally a chihte uh! Suan in lawm khat nei a, amin ahihleh Muan ahi. Kipawl zekzukte hi kei mah le uh, a chang a kipawlte ahi uhi. Muan in sanggam numei khat nei hi. Mipa'n a 'sim' (a mobile number) khek dek hi. A sia hilou ahihman in, a sanggam' nu lawm (Parie) in phone thak nei ahi a, mobile number thak a neihma zang sak hi. Muan in a number thak Suan hilh a, Suan inle a luipen nuulmang (delete) hi. Nikhat Suan le, Muan Gudnite msg a khak te enkik lai, mek louh di khat va mek kha a, msg kha zenzen hi. Zingkal lam a ahih khak himahleh Parie in nitak lam, anhuan khit lak in thuk kik (reply) hi.
Parie in "Nang kua e?" a chih leh Suan inle "nang kua na ngut a" chi gega kik hi."Tuzingkal lam in nawn na msg kha a, huai ziak hi" chi in Parie in thuk kik hi. Suan le zingkal ahihkhak lam kithei khe guih in, "E, huai maw! kon hihkhelh hi, ngaihsiam aw" chi in thukik hi."Ole, hitham e""A himhim a, nang kua e?""Kei maw Parie, nangla na min bang a?""ka min maw Suan. Koi veng te maw?""Vengnuam te, nang la?""Hebron veng te......"
Huchi dan in awl-awl in hong kihoutou ua, hon kithei beh zaw semsem uhi. Suan in a lawmpa Muan tungtawn in theichian pah hi. Himahleh Parie in bel kha khat a pai zoh nung in, Muan tungtawn mah in theikhe pan hi. A theih ni'n Parie in, "na lawmpa ahih lam hon hilh hak na chia" Muan kiang a a chih leh, "hon dong ngei kha lah hilou chin a" chi'n dawng geih hi. A zingchiang in Parie in Suan kiang ah,"ken hon theita. Nang Muan lawmpa neivoi maw.." a chih leh Suan in, "Hi mah ing ei, nawn thei khe hak ngei.." chih san hi. Parie inle gen di tuan theilou zaw a hi ngei dia, "Hehe....." chih a khakkik leh Suan in,"Na nuih dan a nalh mah di.." chi zaw mah hi.
Huchi'n hun hong pai zel a, Suan leh Parie kithuzak tuah tou zel in hun hon zang tou uhi. Kithei thuk zaw semsem ua, a mihinzia uh khawng leh a dangdang hong kitheih beh semsem uhi. A school kaina uh tuak bang le kithei tuah in hong om uh hi. Suan pen class X simlel, Ebenezar a kai hi a, Parie ahihleh Rayburn a class VIII simlel ahi. Zing leh nitak in kithuzak ua, 'Goodnight msg' leh 'Morning msg' bang kikhak khial ngeilou uhi.
Nitaak khat, thu tuamtuam khawng genkhawm in ki msg (kithuzak/message pen msg chi dan in gelh mai ni, tulai dan ahih toh maw..) uhi. Tawmchik ki msg pan a kisak ua leh zan hon na sawt law man hi. Dak 11:30 bang hon na ging vengvong mawk hi. Chih leh Suan in"I hutsak phot diam leh, zan le sawt gawp ta ahihman in..""ole, poilou. Chih leh lah mangpha man in o..""Mangpha e! Damsung a di'n maw..?""hehe..himawk lou e..Zezen teh..""hehe..kon engbawlna hi. Ihmut lim in o leh..""Ole o, nang le ihmut lim.." Parie in khak kik in nuamtak in zalkhun tung ah hong tawldam ta uh hi.
--------------------------
Part - II
Hun zaw paipai ahi ngei dia, August kha bang hong tungta hi. Zingchiang August 15 Independence Day ahihman in, Suan leng khawl di chi in lungsim thoveng tak leh kipak mahmah in om hi. Huchia omlai, annek khit lak in Parie in,"Tunitak ka lawmte' inn ah nawn va hohpih man diam?" chih hong lut hi. Suan le bangmah hihlou a, zingchiang kailou ding ahih toh, lem sak pih hi. "Na manchiang in hong tawn tou le teh.." chih khakkik hi. "ole, kon tawntou di o.." chi in Parie in thuk nawn hi.
Ahia, huai nitak ahihleh kha'liik (fullmoon) nitak ahi zomah hi. A inn uh leng kigamla khawllou lai hi. Suan te inn Hebron dia le hon na tualsuk deuhte ahihman in, kigamlalou hi. Huchi in Parie in tawntou a, a lawmte' inn Gouchinkhup veng ah hohpih hi. A pawt khawm masa nitak uh ahih toh, gen di le thei ngellou uh hi. A khenchiang in ki-entuah kha zel ua, nui cheuchau tuak maimah uhi. Kha lah hoih vak lua ahihman in, kimu chiang mahmah uhi. Zan huihkhi lah nung hiauhiau mai..! Huai nitak chuh mangngilh theih vual ahi kei tel mai. Sawt pawtlou in, innlam kik nawn pah uhi. Suan inle Parie te' inntan va kha suk a, Hoihtak a mangpha kikhak in kikhen phot uhi.
Hun hong paizel a, kithuzak toutou zel uh ahihman in, a kingaihnatna uh lian semsem hi. A niteng hunzatna ua kingaihna hong lian semsem in, itna chi a lungtang uah hong kituhta hi. Oh! Hiai ahi Lawmta bang a kithuahna in itna a piangsak a chihchih uh ! Suan in a lungsim in amah-leh-amah kidong hi. "Nungak-tangval bang in kingai ni, chi leng bang hon chi de aw..? A ngaihdanlou lam ahi kha diam?" chi in a buai mahmah hi. A itna lah lian deuhdeuh mai, a lungsim ah Parie chauh om bang in a thei zozen hi. "Abang-abang hi leh ka gen himhim di" chi in Parie dawng dandan pom di'n kisa hi.
Huchi kawmkal ah, Zingchiang tarik 25 Dec, Christmas hong tung hi. Christmas in kikhawm chiat ua, kikhawp tawp in nu-le-pate lengkhawm uhi. Suan inle nitak lam in ki msg nawn ua, huai ah a lungsim a om bangbang genkhe suk hi. Huchi'n Suan in"Nang kon theikhak hampha ka kisa lua, lawm hoih tak na hi. Ka kipak lua""Kei le kipak petmah ka hi. Hampha ka kisa lua.." chi in Parie in thuk hi."Lawm bang in, hiai tan I kithuah tou a, I kilawm taakna a thuk zaw sem na ding in, nungak-tangval kingaih bang in I kingai diam..?"
Parie in thuk kik lou in om a, minit 5 zoh in Suan in hiai khak nawn hi, "na ngaihdanlou ahihleh ngaihsiam lua o.."Huai a chih leh Parie in, "Ngaihdanlou chih le om tuankei. Hilehle, tu-le-tun in zaw kon dawng thei nai kei. Zing khawng chiah kon hilh thak di aw" chih khakkik hi."Ole o, nang chih dandan..""Chih leh neklim phot in o" chi in Parie in khak kik hi.
----------------------------
Part - III
"Lungdeih zouzam, tullel dawn a heisa awMubang kong ngaihna tehpih ding dang nei keng,ka neih lian bel ka iitna ka hauhsakna,nang ka lametna ka simthu e ka zaila.Itna tan bang kim simlei haksat nopna sung nunkhawm leng khawm di'n simthu hong lel ing e"
A zingchiang hong hih in, a ngeina mah bang un "Jingpha" chih te hong kikhak nawn uhi. Suan te'n Christmas khekleh ahihman un, sun kikhopna neilai uhi. Ahihhang in Parie te'n bel khekleh lou uhi. Kikhawp tawp in ah, Suan in msg hi. Huchi in, Parie in le thukkik pah hi. Bangbang hiam khawng a gen zoh nung un Suan in "Zan a kon thil gen pen nawn dawng theita diam?" chi hi. Parie inle "Huai pen maw, kon lemsakpih" chih in khak kik hi. Ahi a, Parie in zan a Suan in itna thu akup pen, a ngak lah gige khat ahi. Suan in hon gen pen kipaklua a, a gen di pen bang thei pahlou a, thuk hak kha zozen lampang ahi hi. A lungsim teng Suan in luahdim gige a, a guk a hon na it gige ahi. Himahleh numei ahihziak na bek a, bangmah gen ngamlou a dai dide lampang ahi zaw hi. Huchi in, Suan leng kipaklua ahihman in kipahthu gen hi. A phone en kawm in nui heuhau a omlai tak in, a sanggamnu Thian in va mukha hi. Hucia om a sanggampa a muhtak in, "Bang thu a ta mai a? Phone en in na nuinui mawk a" va chi hi. "E, thupi kei. Ka lawmte khat in ciamnuih hon khak ahi" chi in Suan in adang gen khum daih hi. Bang mah gen nawn tuanlou in Thian in paikhiaksan hi. Suan leh Parie in ginom tak a om ding leh kikop chi khawng chiinglou ding leh lungmuang tak a om di'n kithukim uhi.
Huchi a huaite khawng hong kikup zoh un, Suan in a thupi uh hon khek a, Nitak lam ann hong ne di'n chial hi. Parie in chiamnuih tak in dawng hi, "chipah e, ut zezen khang..hehe" chi hi. Ahi a, amaute gel ahihleh kiciamnuih tuah gige ahi uhi. Tua a mihinzia hon na zuihtouh pen uh paihkhiak pah chih pen haksa hi. Lawmbang a kipawl tou, himahle uh athuk zawk zaw sem na dia huai dan a om zaw ahi uhi. Huchi'n, dak 3:30 bang hong ging nawn man ahihman in, Suan in, "Ken nang a di toh ka va ne di oleh.." chi in an nek lim kichi tuah uhi.
Nitak lam annek khit in, kikhopna omtuak ahihman in, a biakin tuak uah kikhawm uhi. Kikhop tawp in Suan in lengkhawm ding in Parie zawn hi. Himahleh, Parie in a mantheihlou didan hilh hi. Huai chiang inle a nu-le-pate'n, huchi dan di phal di in kigingtalou hi. A ziakbel a nu-le-pate'n enkai zou mahmah lai uhi. Aleh lampang ah, Suan leng kum nawn chiang a class X exam ding ahi. Christmas a sawngpi deuhlai chi in kihih awngthawl hamham ahi. Huchi in Suan leng a lawmte toh va lengkhawm ua, sawt omlou in, dak 8 peel zek in pai uhi. Huchi bang khawng in hun hon zangtou ua, Christmas hong beita hi.
Kumthak matan sep le bawl piluat neilou in a kuakua om uhi. Sunkhat, bangmah hihluat neituaklou ahihman un ki msg uhi. Huchi a omlai un, Suan in Parie kiang ah, "kong hoh di uam?" chi hi. A lungsim ah Parie buai mahmah hi. A ziak bel, a nute'n bang thu ngaihdan a nei di ua chih ngaihsun hi. Alehlampang ah, 'I' a chih mawk di pen hi salou zel hi. A uSuan in khatvei a ngetna leh A' inn ua a hoh patna di hi zomah hi. Bangteng hileh hong hoh mai uh heh chi in lem a sakthu hilh hi."Hileh, kua toh di eleh?" Parie in chi nawn hi.Huchi in, Suan in Muan toh di ahihlam hilh in, huchi in Muan tawnsuk di'n kuanta hi.
-------------------------------
Part - IV
Muan te' inn Suan a tunsuk in, Muan leng hon na manta hi. Inn a lut phet leh Nunem ( Muan' nu) in, "hong tu ou, Suan" hon na chi hi. Nunem ahihleh mi paunuam mahmah, mi kamsiam ahi. Huai ban ah, aneu-alian toh kipawl thei, taaina di mun a mi taithei, thuhilhna di mun a mi thuhilh dan siam mi khat ahi. Huchi in, Suan inle tu manlou a Muan toh pawt suak di ahihlam a gen leh Nunem in, "Nungak hel dek uh maw?" nuihmai kawmtak in chi hi. "Hel dek khawlkhang" chi a, nui kawm a Suan in a dawng leh, "Sun nungak hel khawng ching di hilou eive" chi in Nunem in dawng non hi. Kongkhak a pawt kawm in, "hel dek thah khang ei..." chi in pawtsan uhi.
Parie te' inn tungsuk dekta ahihman un, Suan bang a diip kisai hat deuhdeuh hi. Huchih laitak in, lamkawina tak a Parie' pa (Pa Siam) toh kituak phut uhi. Houpih louh dia lah, kimeltheih law ngal uh, houpih dia lah chi a saikaak a omlai un, Suan in, " Parie inn ah om hia?" hon chikhe guih mawk hi. Pa Siam inle "Om mah e.." chi in dawng hi. Thudang le gen zom tuanlou in kipaikhengh uhi. Huchi in, Parie te inn hong tung khong ua, Muan in lamkaih in lut uhi. Parie le bench tung ah hon na tu a, "hong tu ua.." hon na chi in, hong tu lemthak hi. Parie te sungkuan ahih uh leh mi 6 ahi uhi. Unau mi 4 ahi ua, numei 2 leh pasal 2, a naupang te gel pasal leh Parie ahihleh numeite gel lak a neupang zaw ahi. Parie' nu (Nu Hau) in ahihleh siam khawng gan zel a, tu'n le khau hon na zial hi. Pa Siam in ahihleh Govt. ah sepna nei hi.
Huchi in Suan in," Bangmah hihlou maw, Parie" hon chi hi. Parie inle bangmah hihlou ahihdan dawng kik hi. Muan leh Parie bel hoihtak a kimaingal ahi ua, bangbang hiam khawng gen uhi. Suan pen in nuih di a om chiang khawng in hon na nui zel hi. "Nang le hong pau zel ve" chi in Parie in a uSuan kiang ah chi hi. "Ke'n hon na ngai khe di keivoi, a ngaikhetu le poimoh ahih cia.." chi in Suan in dawng in, nui cheuchau hi. Alehlam ah, Suan pen a zumzak lam hon na hi hi. Suan ahihleh mi zumhat tak ahi hi. A mai khawng hong san sim a, kho-ul in buak zomah hi. A kho-ulte khawng nul mun sim mahmah hi. Muan leh Parie inle zetheih sim uhi. Dak kal khat phial a tut nung un, "I paitou phot diam" Muan in hon chi a, Suan inle lemsa in pai uhi. Huchi in, Parie in a gate tan uh va kha hi. Parie in, "neklim un o" chi a, Suan inle, "ole, noule neklim un o" chi kawm in anih un paitou ua, Parie leng gate ah lut nawn hi. Lampi a paikawm un Muan in, " kare! Nang pautawm lua ngal, zum sim na maw?" a chih leh, Suan in, "zum ka mah voi, huchi dan a I hoh patna ahih chiang a maw.." chi kawm in a lu khuat vuaivuai hi. Muan te' inn hong tung tou ua, neklim kichi in a inn tuak uah pai uhi.
A nitak in, a ki msg ngeina dan uh hon sunzom nawn uhi. Bangbang hiam khawng hon gen zoh un Parie, in" Tuni'n nong hoh a, ka kipaklua. Hilele nang a di'n a nuamkei sim di maw? Ngaihsiam o" chi hi. Suan inle, "keile ka kipak. Nuamlou chih le om tuan kei, na mel muh a nuampen" chih khakkik hi. Huai amuh tak in Parie kipak ahihman in nui heuhau hi. A ki-itna uh maban hong sawn tou zel in, pichin lam hon manoh hiaihiai hi. Suan in," tuni apat in, kon itna ka lakna di'n, 'NGAIHNOU' chi in kon samta di o" chi hi. "ole o, Nang hoih na sak dan in hon sam in, kei kipahna ahi" chi Parie in thukkik hi. Tomchik ki msg pan a kisak ua leh, dak hon na upa manzel in "ihmut lim in o" kichi tuah in lungmuangtak in ihmu hiithiit uhi.
-----------------------------
Part - V
Hun hong pai zel in kumlui khak hut hong tungta hi. Parie in ahihleh a paneute toh sangkhawng kangkhawm ding in, hun zatna di a na neih khawlsa nei hi. Parie in huai a gen lamtak Suan in thei lai a, Parie toh hun zatkhawm didan inle ngaihtuahna neilou hi. A lehlam ah, Parie inle zatkhawm didan lungsim ah neilou in, a paneute toh sangkang di'n thukim hi. Huai kum 2008, tuh zangkhawm khalou in a tuam tuak in zang uhi. Suan in a lawmte toh mid-night service a Biakinn ua om ahihman in, huai ah Kumthak 2009 masa zang galkai hi. A lehlam ah Parie in a Paneute toh zang in nuamsa mahmah uhi. Huai nitak tuh kithuzak tuahlou in om uhi. A sia in zangkei na in teh chi in kimuantuahna hoihtak nei ua, huai ban ah, msg leng free lou zomah hi. Kumthak hong hih in, Suan in call a, Kumthak chibai khawng kichi tuah in, huaizoh in mangpha kikhak tuah in ihmu uhi.
Kumthak zatna khawng hong beita ahihman in, Suan leng laisimna lam hong pibawl nawn hi. BSEM nuai a exam di ahih na ah, Routine te khawng hong suak in, February apat March kha tawplam tan exam di ahihlam theiciangta hi. Ki msg pen kidaam deuh ua, himahleh laisim dek leh lup hun dek teng in bel ki msg khiallou uhi. Alehlam pang ah, Parie leng Class-VIII pass in Class-IX a ngei mah ah ki-admit nawn hi.
Hun hong pai zel in, Parie leng school hong lut a, Suan leng exam di in kiman siangta hi. Exam center di'n Rayburn zang dek ahihman un, Parie te bel exam sung khawl uhi. Parie in thumna toh a uSuan a na phawk gige hi. Suan leng a laisim dek teng leh exam dia a kuan mateng in Pathian kiang ah thungetna nei gige hi. Huchi in, Pathian hehpihna leh ompihna ziak in hoihtak in exam tou thei ua, a tawpni hong tungta uhi. Huai ni ahihleh Suan te'n sun nung tangkha uhi. Parie inle huai haihlou ahihman in, amah pawt kawm di toh tontou di'n gen hi. Suan in leng lemsa in, kitontou uhi. School kong tan mahmah Parie in va kha hi. School' kong a tung un Parie in, "Usuan exam nuam in o, hoihtak in va exam in o" chi hi. Suan in leng, "ole, hi tham e. Nang le pawt nuam in o" chi kik hi. Huai ni chiah tuh, Suan lungsim a nuam tel mai! Nidang a phone khawng ah a chih zel himahleh, tuni in bel amit muh leh a bil mahmah a zak a khak ahihman in. Kipahna toh, a ngaihnou Parie a di mahmah in tampi va gelh a, a vek in va dawng hi. Hanthawnna hoih mahmah pia hi.
Huchi in, Suan in a exam hon zou kheta hi. Nitak ann nekkhit in Suan in a ngaihnou msg hi. Nidang banglou tak in Parie in thukkik haksim hi. Dak kimkhat nung khawng in thukkik hi. "ka naute lai ka hilh leh, hon thukkik hak kha ngaihsiam o uSuan" chih Parie in a thukkik masa pen ah gelh tel hi. Huai amuh in Suan inle ngaisiam mahmah hi. Huchi in, hong ki msg in bangbang hiam khawng hong gen khawm uhi. Parie in a uSuan kiang ah 'a exam hih hoih hiam' chih te khawng dong hi. Suan inle hih hoih ahih lamthu khawng hilh a, "Nang school kong tan na hong khak ni mahmah ka hih hoih pen" chi a, kipahthu khawng gen hi. Parie inle 'amah a dia bangmah sitlou ahihdan' khawng gen a, a uSuan kipahna pen amah adia kipah semna ahihdan khawng hilh thakthak hi. Suan in bel thukkik pahpah a himahleh Parie in bel minit thum phialphial khawng a uSuan kingak sak zel hi. Suan in ngaklah thei sim mah leh, bangmah gen nuam lou a, amah leh amah khawng kihehnem hi. "A buai a hinteh" chih ngaihdan nei hi. Huchi bang a omlai un, dak 9 hong ging hi. Suan inle, " I hutsak phot diam ngaihnou, tuni hoihdeuh a ihmut ka sawm hi veh o..hehe.." chi in khak hi. Anih un lemsa ua, 'ihmut lim' chihte kikhak in khawl uhi. Zalkhun apat in Suan in ngaihtuah veng a, a ngaihnou a ngaihna lian deuhdeuh mai hi.
Ahi a, den mahmah a ngaihnou omdan a ngaihsut khak chiang in lungkimlou zel hi. A tawptawp in, "a buai a ahi di" chi in kihehnem in, ihmu thei khawngkhawng hi. A mang ah, a ngaihnou mangmat hi. Hichi dan in mang nei hi. 'A ngaihnou toh khut kilen helhel in lampi ah paikhawm uhi. Huchi bang a omlai un, Parie in a khut kiletna uh khahsawm in om hi. Suan in khah utlou in pang a, hahpan tak a omlai in, a lenkhat om hileh kilawm sa hi'. Chih leh khanglou in, ni' zung in a mai salkha hon na hi a, lupna khawng leen kha tenton hi. A mang a ngaihtuah thak chiang in, lamdang sa a, a lungsim ah omden hi. Ngeina bang in hunte hon zang tou nawn uhi. Zing' ann khawng hon nezou uhi. A nasep di khat, a nu'n Suan hilh hi. Sun nitum phialphial in Suan in sem a, lungsim nuamloupi khat toh hun zangbei hi. Parie leng sun in nna tuamtuam khawng sem hi. Sun bel ki msg na in a zang khol kei uhi.
------------------------------
Part - VI
Huchi in, nitak lam ann a nekkhit un Suan in a ngaihnou Parie msg nawn pah hi. Zan nitak bangmah in thuk hak nawn hi. Dak kal khat phial a ngak zoh in Parie in thuk khong hi. Suan inle, "Nanau lai hilh zel di maw nitak teng a?" chih dong hi. Parie inle hilh zel di ahihdan hilh hi. Huchi in, Suan in "dak bangzah tan di maw?" chih a kan nawn pen Parie in dak 5:30 tan hilh ahihdan hilh nawn hi. Suan le lungbuai sim hi. A ziakbel, Parie in a hilh zoh phet a thuk lou ahihlam thei hi. Parie kiang ah, "na hilh zoh a bang hih maw?" chi a dot kik nawn leh Parie in, " E, ka buai ahi.." chi in dawng kik lelauh hi. Parie dawnna pen Suan in lungkim huai sa hetlou hi. Lungbuai mahmah hi. Huai bang kaal ah, thuk hak zaw mah hi. Huchi in, Suan in kimuhpih sawm in gen hi. Himahleh, Parie in paulam nei a, "kei ka pate'n hon pawt phallou di" chih san hi. Suan leng thangpai sim mahmah hi. Himahleh kidek teitei a, 'Pau (kam) sia' zat sawmlou teitei hi. "Tulai na omdan a tuam ngei.. Kei ziak ahihleh leh hehpihtak in hon ngaidam in o" chi hi. Parie in,"tuam hia, bang chi dan in maw..?" chi hi. Huchi in Suan in a lungsim a om teng gen hi. Huchi in, Parie in,"Ngaihsiam lua o.." chih a khakkik chiang in, Suan leng lungnuam deuh hi. Huchi bang a ki msg lai un, zan a na sawt man ta a, hutsak uhi.
Ahi a, Parie bel pasal khat toh ki msg ahi uhi. Huai pasal pen ahihleh a pawlpih (classmate) te hi a, tukum a kaithakte ahi hi. Mi melhoih mahmah khat ahi a, Parie leng melhoih mahmah khat ahihman in, Parie' phone number A lawmte khat kia ngen a, ki msg ahi uhi. Sawt kuamtak ki msg ta ua, itna thu bang ah le lutmanta ahi uhi. Huai pasal pen in Parie kiang ah A' itna thu gen a, himahleh Parie in bel dawng nailou ahi hi. A kihou dan ua, Parie in zingchiang nitak a hilh didan a kithukim ahi uhi.
A lehlam pang ah, Suan pen a ngaihnou Parie ngai a duangvul zen a zalkhun a zaal ahi maimah hi. Muanmohna khat nei hi, Parie omdan a ngaihsut chiang in ah. Kingaih tuahtuah a omlai in, Muan in thiltheih a nei hiam chih kan di a hon ngaihtuah khekha hi. Suan in msg a, himahleh Muan in thukkik lou hi. Zan le sawtta ahihman in, ihmukhin hi ngei di'n gingta in msg zom tuanlou hi. Huchi in, a ngaihnou Parie tungthu mah hon ngaihtuah nawn hi. A khenchiang in a hoihlou pipi khawng kipia a, amit apat in khitui khawng hong luangkhe zen hi. Huchia kidiik kawmkawm a omlai in, a lupna baang tumtou khamawk hi. A nute' lupna toh Suan' lupna kigamla lou ahihman in, A nu'n, "Suan, Suan, bang chi e?" chi tou hi. Suan in leng dawng pahlou a, ihmudan in om hi. Chih leh a nu'n,"Bawi, bang chi e?" a chih thak nawn tak in, "Bang a nu?" chi in a theiloudan in Suan in dawng hi. "na lupna na tum a bang a..bang chi e chih hon kan hi'ng" chi a Nu'n gen nawn hi. "ka manglam kho ka tup khak hinteh, Nu" chi in Suan kilepkhia hi. Huchi in, a nu'n ihmutsan nawn hi. Suan leng kingaih tuahtuah lai hi. A tawp in, " Zingchiah ka dong chian di.." chi in zingkal lam in ihmu thei khongkhong hi.
A zingkal in Muan in msg mupan a, "Suan, zan nitak bang di a? Kei lumbaih kha ing a, ihmu pan keivoi. Na hon msg a bang khangkhat kilou nuam phial ta di.." chi hi. Suan inle, bang di ahihlouh dan leh a ihmuta hia chih khawng kan nuam ahihdan leh chihdaih hi. Huchi in, zingpha chih te kikhak tuah in 'annek lim' khawng kichi uhi. Suun hunte ah lungnuamlou tak in Suan omtou den hi. A lehlampang ah, Parie le lungsim saikak in hun zang hi. Bang chì di a diam maw? Chih kia ngaihsun hi. Mel a et in bel a uSuan hoihlou zaw deuh hi. Sun hunte bel, nasem nuam di chi in kithuzak tuah khawllou uhi. Huchi bang a hun a hon zattouh lai un nii hong nem a, mualdawn a tum di'n hong kisata hi. A ngeina bang un "annek lim" chihte kikhak nawn uhi. Annek khit in, Suan in msg nawn pah hi. Tunitak bel zaan banglou tak Parie in thukkik pah vanglak hi. A nau laihilh di le omlou hi. Suan inle tunitak a kimuhpih sawm teitei ahihman in, kan pah hi. Kinepna banglou tak in Parie in mantheilou di ahihdan gen a, zingchiang a school lut nawn di ahihdan khawng paulam in nei hi. Himahleh, Suan in nget chih tak in ngen hi. A ziak bel, Parie maitang mahmah a thudot ding ut ahihman in. A uSuan in a hahnget luat tak in nuam salou a, a kikhen zen le kihi nailou ahihchiah chih ngaihsutna nei kawm in, tomchik hong kisu-awngthawl sak thei di ahihdan hilh khong hi. Kipaklua ahihman in, Suan in leng a kimuhna di mun uh gen a, huai a kimu di chi in hilh hi. Huchi in, Parie in a nute kiang ah, "ka lawmteh ka va hoh zual di o" chi in pawt hi. A lehlam pang ah, huai pasal pa'n le Parie msg ta hi. Buai huai di chi in Parie in thuk nailou a, a uSuan toh kimu di'n pawtkhia hi.
-------------------------------
Pary -VII
Huchi in, a kimuhna di mun uh a chih na mun uah Suan in a na ngak hi. A ngaklah ziak a diam ah, hong paihak bang a na sa man a, 'hong pai taktak diam' chih bang ngaihsun man hi. Ngaklah tak a omlai in, a ngaihnou Parie hong dawk khongkhong hi. A gal a Parie' sakmel mawi tak a muh mai in zong, lungmuanna khat a lungtang ah hong kilaamtou mah bang in a thei zou hial hi. Huchi in, Parie hong tungtak in gen pat di pen le theilou in "hiai lam ah paiphei zual ni o" chi in Suan in lampi zuihpih hi. Kihou khawllou in paipai ua, chih leh munkhat ah, tutna di mun hoihtak hong tung ua, 'hiai ah tuni o' chi in a nih un tu uhi.
Suan in thu hon dong panta hi. A dotna peuh thulim dawng khollou in Parie om hi. Bang thu hiam chih lah dongkhe bun zoulou ahihman in, Suan pen khasia kisa in amit apat in khitui hong luang a, Parie lam en ngam nawnlou in a lehlam pang en hi.
Ahi a, Suan ahihleh mi nehnou baih mahmah khat ahi. A naute peuh a hoihlouhna ua taitai in, a kidek zohlouh ciang in a naute tung ah khutkha a, huchia a kap chiang un Suan bang in leh kahpih daih theizel mikhat ahi. Himahleh tutung hiai thu hilou in thudang khat ahi. Suan huchia om Parie in a muhchiang in, khongaih hi. A ziak bel kihah polh sim mahmah ta ahihman un a innkuan sungthu leng kihoih theih mahmah uhi.
Huchia a omlai un, Parie in "Bang thu a hiam?" chih dong thak hi. Bangmah a dawnglou in Suan om hi. Huchia Suan ompen a muhchiang in, Parie in hi salou in dong thakthak hi. "Na kiang a om kei ve uSuan. Hong gen ve, hon ngaihkhiak sak di ka hi" Parie in a a uSuan kiang ah chi hi. A tawp in Suan leng a mittuite hon nuul in hichi in hon gen hi. "Kei ka hih leh, non theihsa mahbang in, mi tagah ka hi a, neuchik ka hih lai in ka pa'n hon na sihsan hi. Huchi in, pa bei in hinkhua ka na zangtou a, tuni'n hiai chiang tan ka nu'n hon na tungpih man in ka nu tung ah kipahthu ka gen hi. Thum kawm in Pathian ka phawk zel a, huchi bang a ka omlai in nang toh i kimaikha hi. Nang na hih leh melhoih tak na hi hi. Lawm bang a hun I zang tou a, himahleh na mizia ka hon etchiang in, ka pa mel ka mu a bang hi. Itna ka lungtang ah hong kituh in, nang lemsakna ngen in itna I kop hi. Na mel kon etchiang in, sawtpi a hon na paisanta himahleh ka pa mel ka muh ziak in, neih-le-lam neilou ka hihman in, itna ka neih sunsun chi in kon pia hi. Kon itluat man in ka lungsim teng na luahdim hi. Himahleh, tua na omdan ka etchiang in, kisuanlahna ngen in ka dim hi. Bangmah gen di le ka theikei. Suan di lah bangmah ka nei tuankei a, ka' ang apat singdang ang hon zotsan di bang tuk in ka hon ngaihtuahta hi... Nang hon paisan leteh kei bang suak di maw Par... .?" chi in kap kawmkawm in Suan in hon gen hi. Huai teng Parie in a zak tak in, "Usuan, hon ngaidam in o hehpihtak in. Kei ziak ngen ahi. Hon taisan lou di ka hi o.. Lungmuangtak in om in o.." kap kawm in Parie in hon chikhia hi. Suan leng gen di theituan lou ahihman in, Parie angkawi a, a nih uh kap uhi. "Kon ngaidam, nang le lungmuangtak in om in o..", Suan in chi hi. Huchia sawtlou a om nung un, a nih un a mit khituite uh nuul in hong kihihhalh thak uhi.
Huchi in, Parie in a uSuan thu omdan bangkim hilh hi. A omdan teng uh hilh a, tunitak a hilhchian di ahihlam leng hilh hi. Himahleh, lungkhamna di omlou ahihdan toh gen ngal hi. Suan in zanhal a mang pen theithak in, a hilh chetna chiangta mahmah ta a, huai ngaihtuah dedu a omlai in, "Lungkham ken o uSuan, nang lungnop louhna di leh nang khasiatna di bangmah hih nawnlou di ka hi" chi in Parie in a uSuan kiang a gen hi. Huai a zaktak in, Suan leng kipaklua in, pahna khitui in tuam dim hi. Huchi dan a om Parie in a muhtak in, a anglum ah a uSuan kawi phei hi. "Nang a dia ginom gige di ka hi, lungmuangtak in om in o uSuan" Parie in chi hi. Suan inle,"kei le ginom di ka hi" chi kik hi. Suan bel lungmuang tak leh kipak tak in om theita hi. Ki-itna thuk sem, kihual hoihsem leh kipsem di bawl thak uhi.
Huchibang a omlai un, Parie a pate'n hon call uhi. Hong pai meng di in chi uhi. Dak a et ua leh dak 9:00 bang a na ging vengvong man hi. Huchi in, kinul siang in paita uhi. A kipai kawm in kihanthawn tuah ua, ginom tak a omdi'n kichi tuahtuah lai uhi. Suan in a innkong tan uh va kha hi. Zalmangpha hoihtak kikhak in Parie a gate uah lut hi. Huchi in Suan leng a innlam uh manoh in paitou hi. Parie te' inn leng kimu lai chih di in a nu'n call hi. Suan inle,"kong paita, hong tung pah di ka hi nu, hon na lunghimoh ken" chi in paitou hi.
-------------------------
Part -VIII
Minit 5 khawng a paizoh in Suan len. a inn uh tung hi. Innsung a lut leh, A sungkuante kuamah lum nailou a, a na tu dipdep lai amuh in, Suan leng a paihak kisuanglah law phiing hi. Kisuanglah law zenpi bang, "hon na lumhak na uh chia.." Suan in a chih leh anaunu (Kim) in, "nang hon na ngak I voi" chihsan zomah hi. A kisuanlahna pungsem a, a omdan nasan ah 'kisuanglah ahi' chih kilang mahmah hi. Huchia Suan ompen a Nu'n a muh in, "koi a hoh e, Suan" aw nemtak mai inc hon kan hi. Suan inle, "ka lawmte khat kia hoh hi veng aw. Ka paupau ua leh hong paihak lokha ka vele.." chi hi. Huchi in, "Na pawt chiang in hong pai pahpah sawmta in o.. Na hong paihak di ahih aleh le, hon hilh pahpah thei lechin maw. Inn a omlou a Na pawt chiang ua, hon kilung himmoh pahpah ahi." hon chi hi. Suan inle, "ole o, nu" chi in dawng kikpah hi. Huai teng a gen zoh un, lum di'n kisa ua, lum pah uhi. Ahi a, Suan ahih leh tapa tang neihsun ahih zawkmah toh, a nu'n hawmthoh mahmah hi. Suan' pa'n a neuchik apat a sihsan pah himahleh, Suan' nu in ittak leh ginom tak in kemtou a, a kinepna pen ahi maimah hi. A sanggam numei dangte itlou chihna hilou in, maban a Amah vaktu dia Suan' nu'n a suang mahmah ahia, it leng it diak hi. Himahleh, neih-le-lam in chinlou ahihman in, kam kia a gen pen a duattheihna sun ahi hi.
Alehlam pang ah, Parie gate a lutphet in a Unu zuntha dek toh kituak ua, 'a pa'n hehsan lua ahihlam' hilh hi. Huchi in, kongkhak a lut leh, A pa maigum tak in hon na tu phephu hi. Huai a muhchiang in, Parie leng kisuanglah lua a, room a lutsuak dia a pai khaankhaan leh A pa'n, "hiai bench ah hong tu dih" chi hi. Seltheih vual hilou ahihman in, Liin pipi in va tu hi. A ziakbel, a tuah di pen mukhawl mahmah hi. Bench a tutphet in apa'n taihilh pah ngal hi. Hangsan gawp a, maban a asutzop ngeingei leh duamlou di ahihdan hilh hi. Himahleh tutung bel, tai maimai in hutsak hi. Apa'n a tai sung in Parie in a uSuan ngaihtuah den a, a itna pung semsem hi. A itna jiak leh apa taina azak chiang in, Parie' mit apat in khitui hong luangkhia hi. Hang phawphaw a Parie' pa om amuh in, Parie' nu in va khou a, a tawp in hong daithei dek khawngkhawng hi. A daihdek in Parie' pa'n,"Tuni apat in phone leng tawi nawnkei niteh. Tu inle hong pia oh!" Parie kiang ah chi hi. Parie inle a phone pia in, a lupna lam uah tailut san hi. Parie' nu'n a phone kepsak hi. Huchi bang a omlai un, Suan in leng a paihak uh haih hetlou ahih man in, "Bang a chih mah di ua aw.. A hehsan lo di uam?" chih ngaih tuahtuah in halh kelkul maimah hi. A tawp in Parie msg hi. Himahleh thukkik na mulou in om a, a lungsim nuamlou deuhdeuh hi. Aleh lampang ah, Parie bel khasia kisa in kidik huthut in om hi. A' u in va hehnem hi. "tawp in, denciah I pa na sukheh beh kha di. Hon it ziak uhleh hon deihsak ziak ua hon tai ahi zaw" va chi hi. Himahleh Parie in bangmah in dawnglou in hon na ngaihsak lou hi. Ngaihsak kei mahleh A' u gen bel za ahihman in, ngaihsutna thak guan in, a tawptawp in hong tawp khong hi. A kahna gimsim ahi ngei dia, hong dai vengveng pan I sak leh hong ihmu pah hiau hi. Suan inbel huaitan theilou ahihman in lungsim buaitak in om hi. A tawp in a lungsim ah, "Bangteng Toupa kiang thumna'n" chih la hong suak khe guih hi. Huchi in, Toupa kiang ah Thumna nei hi. A thumzoh in, a lungsim puak gik zangtuan mahmah in thei hi. Toupa kiang ah kipahthu gen nawn in, 'lungsim nuamtak toh' a tawp in ihmuthei khong hi.
Zingkhua hong vak nawn a, Suan inleng phawkpah hi. Huchi in, lupna tung apat in Parie kiang ah 'Jingpha..' chih khak a, huai zoh in thoukhia in kihahsiang hi. Aman siangtak in, zingkal devotion va hoh hi. Aleh lampang ah, Parie bel khangma kha hi. A sungte kuamah inle phawnglou uhi. Himahleh dak 7 bang a hong ging chiang in, a nu'n hi sa nawnlou in, va phawng khong hi. "Thou ta ou Parie, school lut ta di hilou na hi uh maw?", a nu'n a va chih chiang in, Parie le kiguih zezen in hongthou khe khia hi. Mit haksa sa sim in om leiluai a, limlang a va ki-et leh a mit a na bawk threithuai hi. Huchi in, a mit nuai thakthak in va kihahkhia hi. A kihahkhiat zoh in, school kai di ahihleh chi in routine hon teng hi. A tenglai tak in hong kingaihtuah dedu hi. School kai ding ahihleh liin gusim mahmah hi. A hangbel, huai a lawmpa muh kik nawn di pen kisuanlahna khat nei hi.
"Usuan, nang hon ngai nonlou maw leh?" chi kawm in Parie in a sakmel etlawm tak mai toh a uSuan mel entou hi. A dawng didan theituanlou ahihman in Suan leng pau lou in om hi. Huchi in Parie mit apat in khitui hong luangkhia a, Suan le kidek zou nawnlou lam ahihman in paisan mai hi. Parie in khitui toh a Usuan nung et mah leh, khat in lah nung et lou in paitum san ta mai hi.
Ahi a, Parie leh Suan ahihleh kum thum paisa apat kithei kha ahi uhi. A kitheih khakna dan uh ahihleh, hihkhelh khak ziak maimai ahi hi. Sap' pau in gen le accidentally a chihte uh! Suan in lawm khat nei a, amin ahihleh Muan ahi. Kipawl zekzukte hi kei mah le uh, a chang a kipawlte ahi uhi. Muan in sanggam numei khat nei hi. Mipa'n a 'sim' (a mobile number) khek dek hi. A sia hilou ahihman in, a sanggam' nu lawm (Parie) in phone thak nei ahi a, mobile number thak a neihma zang sak hi. Muan in a number thak Suan hilh a, Suan inle a luipen nuulmang (delete) hi. Nikhat Suan le, Muan Gudnite msg a khak te enkik lai, mek louh di khat va mek kha a, msg kha zenzen hi. Zingkal lam a ahih khak himahleh Parie in nitak lam, anhuan khit lak in thuk kik (reply) hi.
Parie in "Nang kua e?" a chih leh Suan inle "nang kua na ngut a" chi gega kik hi."Tuzingkal lam in nawn na msg kha a, huai ziak hi" chi in Parie in thuk kik hi. Suan le zingkal ahihkhak lam kithei khe guih in, "E, huai maw! kon hihkhelh hi, ngaihsiam aw" chi in thukik hi."Ole, hitham e""A himhim a, nang kua e?""Kei maw Parie, nangla na min bang a?""ka min maw Suan. Koi veng te maw?""Vengnuam te, nang la?""Hebron veng te......"
Huchi dan in awl-awl in hong kihoutou ua, hon kithei beh zaw semsem uhi. Suan in a lawmpa Muan tungtawn in theichian pah hi. Himahleh Parie in bel kha khat a pai zoh nung in, Muan tungtawn mah in theikhe pan hi. A theih ni'n Parie in, "na lawmpa ahih lam hon hilh hak na chia" Muan kiang a a chih leh, "hon dong ngei kha lah hilou chin a" chi'n dawng geih hi. A zingchiang in Parie in Suan kiang ah,"ken hon theita. Nang Muan lawmpa neivoi maw.." a chih leh Suan in, "Hi mah ing ei, nawn thei khe hak ngei.." chih san hi. Parie inle gen di tuan theilou zaw a hi ngei dia, "Hehe....." chih a khakkik leh Suan in,"Na nuih dan a nalh mah di.." chi zaw mah hi.
Huchi'n hun hong pai zel a, Suan leh Parie kithuzak tuah tou zel in hun hon zang tou uhi. Kithei thuk zaw semsem ua, a mihinzia uh khawng leh a dangdang hong kitheih beh semsem uhi. A school kaina uh tuak bang le kithei tuah in hong om uh hi. Suan pen class X simlel, Ebenezar a kai hi a, Parie ahihleh Rayburn a class VIII simlel ahi. Zing leh nitak in kithuzak ua, 'Goodnight msg' leh 'Morning msg' bang kikhak khial ngeilou uhi.
Nitaak khat, thu tuamtuam khawng genkhawm in ki msg (kithuzak/message pen msg chi dan in gelh mai ni, tulai dan ahih toh maw..) uhi. Tawmchik ki msg pan a kisak ua leh zan hon na sawt law man hi. Dak 11:30 bang hon na ging vengvong mawk hi. Chih leh Suan in"I hutsak phot diam leh, zan le sawt gawp ta ahihman in..""ole, poilou. Chih leh lah mangpha man in o..""Mangpha e! Damsung a di'n maw..?""hehe..himawk lou e..Zezen teh..""hehe..kon engbawlna hi. Ihmut lim in o leh..""Ole o, nang le ihmut lim.." Parie in khak kik in nuamtak in zalkhun tung ah hong tawldam ta uh hi.
--------------------------
Part - II
Hun zaw paipai ahi ngei dia, August kha bang hong tungta hi. Zingchiang August 15 Independence Day ahihman in, Suan leng khawl di chi in lungsim thoveng tak leh kipak mahmah in om hi. Huchia omlai, annek khit lak in Parie in,"Tunitak ka lawmte' inn ah nawn va hohpih man diam?" chih hong lut hi. Suan le bangmah hihlou a, zingchiang kailou ding ahih toh, lem sak pih hi. "Na manchiang in hong tawn tou le teh.." chih khakkik hi. "ole, kon tawntou di o.." chi in Parie in thuk nawn hi.
Ahia, huai nitak ahihleh kha'liik (fullmoon) nitak ahi zomah hi. A inn uh leng kigamla khawllou lai hi. Suan te inn Hebron dia le hon na tualsuk deuhte ahihman in, kigamlalou hi. Huchi in Parie in tawntou a, a lawmte' inn Gouchinkhup veng ah hohpih hi. A pawt khawm masa nitak uh ahih toh, gen di le thei ngellou uh hi. A khenchiang in ki-entuah kha zel ua, nui cheuchau tuak maimah uhi. Kha lah hoih vak lua ahihman in, kimu chiang mahmah uhi. Zan huihkhi lah nung hiauhiau mai..! Huai nitak chuh mangngilh theih vual ahi kei tel mai. Sawt pawtlou in, innlam kik nawn pah uhi. Suan inle Parie te' inntan va kha suk a, Hoihtak a mangpha kikhak in kikhen phot uhi.
Hun hong paizel a, kithuzak toutou zel uh ahihman in, a kingaihnatna uh lian semsem hi. A niteng hunzatna ua kingaihna hong lian semsem in, itna chi a lungtang uah hong kituhta hi. Oh! Hiai ahi Lawmta bang a kithuahna in itna a piangsak a chihchih uh ! Suan in a lungsim in amah-leh-amah kidong hi. "Nungak-tangval bang in kingai ni, chi leng bang hon chi de aw..? A ngaihdanlou lam ahi kha diam?" chi in a buai mahmah hi. A itna lah lian deuhdeuh mai, a lungsim ah Parie chauh om bang in a thei zozen hi. "Abang-abang hi leh ka gen himhim di" chi in Parie dawng dandan pom di'n kisa hi.
Huchi kawmkal ah, Zingchiang tarik 25 Dec, Christmas hong tung hi. Christmas in kikhawm chiat ua, kikhawp tawp in nu-le-pate lengkhawm uhi. Suan inle nitak lam in ki msg nawn ua, huai ah a lungsim a om bangbang genkhe suk hi. Huchi'n Suan in"Nang kon theikhak hampha ka kisa lua, lawm hoih tak na hi. Ka kipak lua""Kei le kipak petmah ka hi. Hampha ka kisa lua.." chi in Parie in thuk hi."Lawm bang in, hiai tan I kithuah tou a, I kilawm taakna a thuk zaw sem na ding in, nungak-tangval kingaih bang in I kingai diam..?"
Parie in thuk kik lou in om a, minit 5 zoh in Suan in hiai khak nawn hi, "na ngaihdanlou ahihleh ngaihsiam lua o.."Huai a chih leh Parie in, "Ngaihdanlou chih le om tuankei. Hilehle, tu-le-tun in zaw kon dawng thei nai kei. Zing khawng chiah kon hilh thak di aw" chih khakkik hi."Ole o, nang chih dandan..""Chih leh neklim phot in o" chi in Parie in khak kik hi.
----------------------------
Part - III
"Lungdeih zouzam, tullel dawn a heisa awMubang kong ngaihna tehpih ding dang nei keng,ka neih lian bel ka iitna ka hauhsakna,nang ka lametna ka simthu e ka zaila.Itna tan bang kim simlei haksat nopna sung nunkhawm leng khawm di'n simthu hong lel ing e"
A zingchiang hong hih in, a ngeina mah bang un "Jingpha" chih te hong kikhak nawn uhi. Suan te'n Christmas khekleh ahihman un, sun kikhopna neilai uhi. Ahihhang in Parie te'n bel khekleh lou uhi. Kikhawp tawp in ah, Suan in msg hi. Huchi in, Parie in le thukkik pah hi. Bangbang hiam khawng a gen zoh nung un Suan in "Zan a kon thil gen pen nawn dawng theita diam?" chi hi. Parie inle "Huai pen maw, kon lemsakpih" chih in khak kik hi. Ahi a, Parie in zan a Suan in itna thu akup pen, a ngak lah gige khat ahi. Suan in hon gen pen kipaklua a, a gen di pen bang thei pahlou a, thuk hak kha zozen lampang ahi hi. A lungsim teng Suan in luahdim gige a, a guk a hon na it gige ahi. Himahleh numei ahihziak na bek a, bangmah gen ngamlou a dai dide lampang ahi zaw hi. Huchi in, Suan leng kipaklua ahihman in kipahthu gen hi. A phone en kawm in nui heuhau a omlai tak in, a sanggamnu Thian in va mukha hi. Hucia om a sanggampa a muhtak in, "Bang thu a ta mai a? Phone en in na nuinui mawk a" va chi hi. "E, thupi kei. Ka lawmte khat in ciamnuih hon khak ahi" chi in Suan in adang gen khum daih hi. Bang mah gen nawn tuanlou in Thian in paikhiaksan hi. Suan leh Parie in ginom tak a om ding leh kikop chi khawng chiinglou ding leh lungmuang tak a om di'n kithukim uhi.
Huchi a huaite khawng hong kikup zoh un, Suan in a thupi uh hon khek a, Nitak lam ann hong ne di'n chial hi. Parie in chiamnuih tak in dawng hi, "chipah e, ut zezen khang..hehe" chi hi. Ahi a, amaute gel ahihleh kiciamnuih tuah gige ahi uhi. Tua a mihinzia hon na zuihtouh pen uh paihkhiak pah chih pen haksa hi. Lawmbang a kipawl tou, himahle uh athuk zawk zaw sem na dia huai dan a om zaw ahi uhi. Huchi'n, dak 3:30 bang hong ging nawn man ahihman in, Suan in, "Ken nang a di toh ka va ne di oleh.." chi in an nek lim kichi tuah uhi.
Nitak lam annek khit in, kikhopna omtuak ahihman in, a biakin tuak uah kikhawm uhi. Kikhop tawp in Suan in lengkhawm ding in Parie zawn hi. Himahleh, Parie in a mantheihlou didan hilh hi. Huai chiang inle a nu-le-pate'n, huchi dan di phal di in kigingtalou hi. A ziakbel a nu-le-pate'n enkai zou mahmah lai uhi. Aleh lampang ah, Suan leng kum nawn chiang a class X exam ding ahi. Christmas a sawngpi deuhlai chi in kihih awngthawl hamham ahi. Huchi in Suan leng a lawmte toh va lengkhawm ua, sawt omlou in, dak 8 peel zek in pai uhi. Huchi bang khawng in hun hon zangtou ua, Christmas hong beita hi.
Kumthak matan sep le bawl piluat neilou in a kuakua om uhi. Sunkhat, bangmah hihluat neituaklou ahihman un ki msg uhi. Huchi a omlai un, Suan in Parie kiang ah, "kong hoh di uam?" chi hi. A lungsim ah Parie buai mahmah hi. A ziak bel, a nute'n bang thu ngaihdan a nei di ua chih ngaihsun hi. Alehlampang ah, 'I' a chih mawk di pen hi salou zel hi. A uSuan in khatvei a ngetna leh A' inn ua a hoh patna di hi zomah hi. Bangteng hileh hong hoh mai uh heh chi in lem a sakthu hilh hi."Hileh, kua toh di eleh?" Parie in chi nawn hi.Huchi in, Suan in Muan toh di ahihlam hilh in, huchi in Muan tawnsuk di'n kuanta hi.
-------------------------------
Part - IV
Muan te' inn Suan a tunsuk in, Muan leng hon na manta hi. Inn a lut phet leh Nunem ( Muan' nu) in, "hong tu ou, Suan" hon na chi hi. Nunem ahihleh mi paunuam mahmah, mi kamsiam ahi. Huai ban ah, aneu-alian toh kipawl thei, taaina di mun a mi taithei, thuhilhna di mun a mi thuhilh dan siam mi khat ahi. Huchi in, Suan inle tu manlou a Muan toh pawt suak di ahihlam a gen leh Nunem in, "Nungak hel dek uh maw?" nuihmai kawmtak in chi hi. "Hel dek khawlkhang" chi a, nui kawm a Suan in a dawng leh, "Sun nungak hel khawng ching di hilou eive" chi in Nunem in dawng non hi. Kongkhak a pawt kawm in, "hel dek thah khang ei..." chi in pawtsan uhi.
Parie te' inn tungsuk dekta ahihman un, Suan bang a diip kisai hat deuhdeuh hi. Huchih laitak in, lamkawina tak a Parie' pa (Pa Siam) toh kituak phut uhi. Houpih louh dia lah, kimeltheih law ngal uh, houpih dia lah chi a saikaak a omlai un, Suan in, " Parie inn ah om hia?" hon chikhe guih mawk hi. Pa Siam inle "Om mah e.." chi in dawng hi. Thudang le gen zom tuanlou in kipaikhengh uhi. Huchi in, Parie te inn hong tung khong ua, Muan in lamkaih in lut uhi. Parie le bench tung ah hon na tu a, "hong tu ua.." hon na chi in, hong tu lemthak hi. Parie te sungkuan ahih uh leh mi 6 ahi uhi. Unau mi 4 ahi ua, numei 2 leh pasal 2, a naupang te gel pasal leh Parie ahihleh numeite gel lak a neupang zaw ahi. Parie' nu (Nu Hau) in ahihleh siam khawng gan zel a, tu'n le khau hon na zial hi. Pa Siam in ahihleh Govt. ah sepna nei hi.
Huchi in Suan in," Bangmah hihlou maw, Parie" hon chi hi. Parie inle bangmah hihlou ahihdan dawng kik hi. Muan leh Parie bel hoihtak a kimaingal ahi ua, bangbang hiam khawng gen uhi. Suan pen in nuih di a om chiang khawng in hon na nui zel hi. "Nang le hong pau zel ve" chi in Parie in a uSuan kiang ah chi hi. "Ke'n hon na ngai khe di keivoi, a ngaikhetu le poimoh ahih cia.." chi in Suan in dawng in, nui cheuchau hi. Alehlam ah, Suan pen a zumzak lam hon na hi hi. Suan ahihleh mi zumhat tak ahi hi. A mai khawng hong san sim a, kho-ul in buak zomah hi. A kho-ulte khawng nul mun sim mahmah hi. Muan leh Parie inle zetheih sim uhi. Dak kal khat phial a tut nung un, "I paitou phot diam" Muan in hon chi a, Suan inle lemsa in pai uhi. Huchi in, Parie in a gate tan uh va kha hi. Parie in, "neklim un o" chi a, Suan inle, "ole, noule neklim un o" chi kawm in anih un paitou ua, Parie leng gate ah lut nawn hi. Lampi a paikawm un Muan in, " kare! Nang pautawm lua ngal, zum sim na maw?" a chih leh, Suan in, "zum ka mah voi, huchi dan a I hoh patna ahih chiang a maw.." chi kawm in a lu khuat vuaivuai hi. Muan te' inn hong tung tou ua, neklim kichi in a inn tuak uah pai uhi.
A nitak in, a ki msg ngeina dan uh hon sunzom nawn uhi. Bangbang hiam khawng hon gen zoh un Parie, in" Tuni'n nong hoh a, ka kipaklua. Hilele nang a di'n a nuamkei sim di maw? Ngaihsiam o" chi hi. Suan inle, "keile ka kipak. Nuamlou chih le om tuan kei, na mel muh a nuampen" chih khakkik hi. Huai amuh tak in Parie kipak ahihman in nui heuhau hi. A ki-itna uh maban hong sawn tou zel in, pichin lam hon manoh hiaihiai hi. Suan in," tuni apat in, kon itna ka lakna di'n, 'NGAIHNOU' chi in kon samta di o" chi hi. "ole o, Nang hoih na sak dan in hon sam in, kei kipahna ahi" chi Parie in thukkik hi. Tomchik ki msg pan a kisak ua leh, dak hon na upa manzel in "ihmut lim in o" kichi tuah in lungmuangtak in ihmu hiithiit uhi.
-----------------------------
Part - V
Hun hong pai zel in kumlui khak hut hong tungta hi. Parie in ahihleh a paneute toh sangkhawng kangkhawm ding in, hun zatna di a na neih khawlsa nei hi. Parie in huai a gen lamtak Suan in thei lai a, Parie toh hun zatkhawm didan inle ngaihtuahna neilou hi. A lehlam ah, Parie inle zatkhawm didan lungsim ah neilou in, a paneute toh sangkang di'n thukim hi. Huai kum 2008, tuh zangkhawm khalou in a tuam tuak in zang uhi. Suan in a lawmte toh mid-night service a Biakinn ua om ahihman in, huai ah Kumthak 2009 masa zang galkai hi. A lehlam ah Parie in a Paneute toh zang in nuamsa mahmah uhi. Huai nitak tuh kithuzak tuahlou in om uhi. A sia in zangkei na in teh chi in kimuantuahna hoihtak nei ua, huai ban ah, msg leng free lou zomah hi. Kumthak hong hih in, Suan in call a, Kumthak chibai khawng kichi tuah in, huaizoh in mangpha kikhak tuah in ihmu uhi.
Kumthak zatna khawng hong beita ahihman in, Suan leng laisimna lam hong pibawl nawn hi. BSEM nuai a exam di ahih na ah, Routine te khawng hong suak in, February apat March kha tawplam tan exam di ahihlam theiciangta hi. Ki msg pen kidaam deuh ua, himahleh laisim dek leh lup hun dek teng in bel ki msg khiallou uhi. Alehlam pang ah, Parie leng Class-VIII pass in Class-IX a ngei mah ah ki-admit nawn hi.
Hun hong pai zel in, Parie leng school hong lut a, Suan leng exam di in kiman siangta hi. Exam center di'n Rayburn zang dek ahihman un, Parie te bel exam sung khawl uhi. Parie in thumna toh a uSuan a na phawk gige hi. Suan leng a laisim dek teng leh exam dia a kuan mateng in Pathian kiang ah thungetna nei gige hi. Huchi in, Pathian hehpihna leh ompihna ziak in hoihtak in exam tou thei ua, a tawpni hong tungta uhi. Huai ni ahihleh Suan te'n sun nung tangkha uhi. Parie inle huai haihlou ahihman in, amah pawt kawm di toh tontou di'n gen hi. Suan in leng lemsa in, kitontou uhi. School kong tan mahmah Parie in va kha hi. School' kong a tung un Parie in, "Usuan exam nuam in o, hoihtak in va exam in o" chi hi. Suan in leng, "ole, hi tham e. Nang le pawt nuam in o" chi kik hi. Huai ni chiah tuh, Suan lungsim a nuam tel mai! Nidang a phone khawng ah a chih zel himahleh, tuni in bel amit muh leh a bil mahmah a zak a khak ahihman in. Kipahna toh, a ngaihnou Parie a di mahmah in tampi va gelh a, a vek in va dawng hi. Hanthawnna hoih mahmah pia hi.
Huchi in, Suan in a exam hon zou kheta hi. Nitak ann nekkhit in Suan in a ngaihnou msg hi. Nidang banglou tak in Parie in thukkik haksim hi. Dak kimkhat nung khawng in thukkik hi. "ka naute lai ka hilh leh, hon thukkik hak kha ngaihsiam o uSuan" chih Parie in a thukkik masa pen ah gelh tel hi. Huai amuh in Suan inle ngaisiam mahmah hi. Huchi in, hong ki msg in bangbang hiam khawng hong gen khawm uhi. Parie in a uSuan kiang ah 'a exam hih hoih hiam' chih te khawng dong hi. Suan inle hih hoih ahih lamthu khawng hilh a, "Nang school kong tan na hong khak ni mahmah ka hih hoih pen" chi a, kipahthu khawng gen hi. Parie inle 'amah a dia bangmah sitlou ahihdan' khawng gen a, a uSuan kipahna pen amah adia kipah semna ahihdan khawng hilh thakthak hi. Suan in bel thukkik pahpah a himahleh Parie in bel minit thum phialphial khawng a uSuan kingak sak zel hi. Suan in ngaklah thei sim mah leh, bangmah gen nuam lou a, amah leh amah khawng kihehnem hi. "A buai a hinteh" chih ngaihdan nei hi. Huchi bang a omlai un, dak 9 hong ging hi. Suan inle, " I hutsak phot diam ngaihnou, tuni hoihdeuh a ihmut ka sawm hi veh o..hehe.." chi in khak hi. Anih un lemsa ua, 'ihmut lim' chihte kikhak in khawl uhi. Zalkhun apat in Suan in ngaihtuah veng a, a ngaihnou a ngaihna lian deuhdeuh mai hi.
Ahi a, den mahmah a ngaihnou omdan a ngaihsut khak chiang in lungkimlou zel hi. A tawptawp in, "a buai a ahi di" chi in kihehnem in, ihmu thei khawngkhawng hi. A mang ah, a ngaihnou mangmat hi. Hichi dan in mang nei hi. 'A ngaihnou toh khut kilen helhel in lampi ah paikhawm uhi. Huchi bang a omlai un, Parie in a khut kiletna uh khahsawm in om hi. Suan in khah utlou in pang a, hahpan tak a omlai in, a lenkhat om hileh kilawm sa hi'. Chih leh khanglou in, ni' zung in a mai salkha hon na hi a, lupna khawng leen kha tenton hi. A mang a ngaihtuah thak chiang in, lamdang sa a, a lungsim ah omden hi. Ngeina bang in hunte hon zang tou nawn uhi. Zing' ann khawng hon nezou uhi. A nasep di khat, a nu'n Suan hilh hi. Sun nitum phialphial in Suan in sem a, lungsim nuamloupi khat toh hun zangbei hi. Parie leng sun in nna tuamtuam khawng sem hi. Sun bel ki msg na in a zang khol kei uhi.
------------------------------
Part - VI
Huchi in, nitak lam ann a nekkhit un Suan in a ngaihnou Parie msg nawn pah hi. Zan nitak bangmah in thuk hak nawn hi. Dak kal khat phial a ngak zoh in Parie in thuk khong hi. Suan inle, "Nanau lai hilh zel di maw nitak teng a?" chih dong hi. Parie inle hilh zel di ahihdan hilh hi. Huchi in, Suan in "dak bangzah tan di maw?" chih a kan nawn pen Parie in dak 5:30 tan hilh ahihdan hilh nawn hi. Suan le lungbuai sim hi. A ziakbel, Parie in a hilh zoh phet a thuk lou ahihlam thei hi. Parie kiang ah, "na hilh zoh a bang hih maw?" chi a dot kik nawn leh Parie in, " E, ka buai ahi.." chi in dawng kik lelauh hi. Parie dawnna pen Suan in lungkim huai sa hetlou hi. Lungbuai mahmah hi. Huai bang kaal ah, thuk hak zaw mah hi. Huchi in, Suan in kimuhpih sawm in gen hi. Himahleh, Parie in paulam nei a, "kei ka pate'n hon pawt phallou di" chih san hi. Suan leng thangpai sim mahmah hi. Himahleh kidek teitei a, 'Pau (kam) sia' zat sawmlou teitei hi. "Tulai na omdan a tuam ngei.. Kei ziak ahihleh leh hehpihtak in hon ngaidam in o" chi hi. Parie in,"tuam hia, bang chi dan in maw..?" chi hi. Huchi in Suan in a lungsim a om teng gen hi. Huchi in, Parie in,"Ngaihsiam lua o.." chih a khakkik chiang in, Suan leng lungnuam deuh hi. Huchi bang a ki msg lai un, zan a na sawt man ta a, hutsak uhi.
Ahi a, Parie bel pasal khat toh ki msg ahi uhi. Huai pasal pen ahihleh a pawlpih (classmate) te hi a, tukum a kaithakte ahi hi. Mi melhoih mahmah khat ahi a, Parie leng melhoih mahmah khat ahihman in, Parie' phone number A lawmte khat kia ngen a, ki msg ahi uhi. Sawt kuamtak ki msg ta ua, itna thu bang ah le lutmanta ahi uhi. Huai pasal pen in Parie kiang ah A' itna thu gen a, himahleh Parie in bel dawng nailou ahi hi. A kihou dan ua, Parie in zingchiang nitak a hilh didan a kithukim ahi uhi.
A lehlam pang ah, Suan pen a ngaihnou Parie ngai a duangvul zen a zalkhun a zaal ahi maimah hi. Muanmohna khat nei hi, Parie omdan a ngaihsut chiang in ah. Kingaih tuahtuah a omlai in, Muan in thiltheih a nei hiam chih kan di a hon ngaihtuah khekha hi. Suan in msg a, himahleh Muan in thukkik lou hi. Zan le sawtta ahihman in, ihmukhin hi ngei di'n gingta in msg zom tuanlou hi. Huchi in, a ngaihnou Parie tungthu mah hon ngaihtuah nawn hi. A khenchiang in a hoihlou pipi khawng kipia a, amit apat in khitui khawng hong luangkhe zen hi. Huchia kidiik kawmkawm a omlai in, a lupna baang tumtou khamawk hi. A nute' lupna toh Suan' lupna kigamla lou ahihman in, A nu'n, "Suan, Suan, bang chi e?" chi tou hi. Suan in leng dawng pahlou a, ihmudan in om hi. Chih leh a nu'n,"Bawi, bang chi e?" a chih thak nawn tak in, "Bang a nu?" chi in a theiloudan in Suan in dawng hi. "na lupna na tum a bang a..bang chi e chih hon kan hi'ng" chi a Nu'n gen nawn hi. "ka manglam kho ka tup khak hinteh, Nu" chi in Suan kilepkhia hi. Huchi in, a nu'n ihmutsan nawn hi. Suan leng kingaih tuahtuah lai hi. A tawp in, " Zingchiah ka dong chian di.." chi in zingkal lam in ihmu thei khongkhong hi.
A zingkal in Muan in msg mupan a, "Suan, zan nitak bang di a? Kei lumbaih kha ing a, ihmu pan keivoi. Na hon msg a bang khangkhat kilou nuam phial ta di.." chi hi. Suan inle, bang di ahihlouh dan leh a ihmuta hia chih khawng kan nuam ahihdan leh chihdaih hi. Huchi in, zingpha chih te kikhak tuah in 'annek lim' khawng kichi uhi. Suun hunte ah lungnuamlou tak in Suan omtou den hi. A lehlampang ah, Parie le lungsim saikak in hun zang hi. Bang chì di a diam maw? Chih kia ngaihsun hi. Mel a et in bel a uSuan hoihlou zaw deuh hi. Sun hunte bel, nasem nuam di chi in kithuzak tuah khawllou uhi. Huchi bang a hun a hon zattouh lai un nii hong nem a, mualdawn a tum di'n hong kisata hi. A ngeina bang un "annek lim" chihte kikhak nawn uhi. Annek khit in, Suan in msg nawn pah hi. Tunitak bel zaan banglou tak Parie in thukkik pah vanglak hi. A nau laihilh di le omlou hi. Suan inle tunitak a kimuhpih sawm teitei ahihman in, kan pah hi. Kinepna banglou tak in Parie in mantheilou di ahihdan gen a, zingchiang a school lut nawn di ahihdan khawng paulam in nei hi. Himahleh, Suan in nget chih tak in ngen hi. A ziak bel, Parie maitang mahmah a thudot ding ut ahihman in. A uSuan in a hahnget luat tak in nuam salou a, a kikhen zen le kihi nailou ahihchiah chih ngaihsutna nei kawm in, tomchik hong kisu-awngthawl sak thei di ahihdan hilh khong hi. Kipaklua ahihman in, Suan in leng a kimuhna di mun uh gen a, huai a kimu di chi in hilh hi. Huchi in, Parie in a nute kiang ah, "ka lawmteh ka va hoh zual di o" chi in pawt hi. A lehlam pang ah, huai pasal pa'n le Parie msg ta hi. Buai huai di chi in Parie in thuk nailou a, a uSuan toh kimu di'n pawtkhia hi.
-------------------------------
Pary -VII
Huchi in, a kimuhna di mun uh a chih na mun uah Suan in a na ngak hi. A ngaklah ziak a diam ah, hong paihak bang a na sa man a, 'hong pai taktak diam' chih bang ngaihsun man hi. Ngaklah tak a omlai in, a ngaihnou Parie hong dawk khongkhong hi. A gal a Parie' sakmel mawi tak a muh mai in zong, lungmuanna khat a lungtang ah hong kilaamtou mah bang in a thei zou hial hi. Huchi in, Parie hong tungtak in gen pat di pen le theilou in "hiai lam ah paiphei zual ni o" chi in Suan in lampi zuihpih hi. Kihou khawllou in paipai ua, chih leh munkhat ah, tutna di mun hoihtak hong tung ua, 'hiai ah tuni o' chi in a nih un tu uhi.
Suan in thu hon dong panta hi. A dotna peuh thulim dawng khollou in Parie om hi. Bang thu hiam chih lah dongkhe bun zoulou ahihman in, Suan pen khasia kisa in amit apat in khitui hong luang a, Parie lam en ngam nawnlou in a lehlam pang en hi.
Ahi a, Suan ahihleh mi nehnou baih mahmah khat ahi. A naute peuh a hoihlouhna ua taitai in, a kidek zohlouh ciang in a naute tung ah khutkha a, huchia a kap chiang un Suan bang in leh kahpih daih theizel mikhat ahi. Himahleh tutung hiai thu hilou in thudang khat ahi. Suan huchia om Parie in a muhchiang in, khongaih hi. A ziak bel kihah polh sim mahmah ta ahihman un a innkuan sungthu leng kihoih theih mahmah uhi.
Huchia a omlai un, Parie in "Bang thu a hiam?" chih dong thak hi. Bangmah a dawnglou in Suan om hi. Huchia Suan ompen a muhchiang in, Parie in hi salou in dong thakthak hi. "Na kiang a om kei ve uSuan. Hong gen ve, hon ngaihkhiak sak di ka hi" Parie in a a uSuan kiang ah chi hi. A tawp in Suan leng a mittuite hon nuul in hichi in hon gen hi. "Kei ka hih leh, non theihsa mahbang in, mi tagah ka hi a, neuchik ka hih lai in ka pa'n hon na sihsan hi. Huchi in, pa bei in hinkhua ka na zangtou a, tuni'n hiai chiang tan ka nu'n hon na tungpih man in ka nu tung ah kipahthu ka gen hi. Thum kawm in Pathian ka phawk zel a, huchi bang a ka omlai in nang toh i kimaikha hi. Nang na hih leh melhoih tak na hi hi. Lawm bang a hun I zang tou a, himahleh na mizia ka hon etchiang in, ka pa mel ka mu a bang hi. Itna ka lungtang ah hong kituh in, nang lemsakna ngen in itna I kop hi. Na mel kon etchiang in, sawtpi a hon na paisanta himahleh ka pa mel ka muh ziak in, neih-le-lam neilou ka hihman in, itna ka neih sunsun chi in kon pia hi. Kon itluat man in ka lungsim teng na luahdim hi. Himahleh, tua na omdan ka etchiang in, kisuanlahna ngen in ka dim hi. Bangmah gen di le ka theikei. Suan di lah bangmah ka nei tuankei a, ka' ang apat singdang ang hon zotsan di bang tuk in ka hon ngaihtuahta hi... Nang hon paisan leteh kei bang suak di maw Par... .?" chi in kap kawmkawm in Suan in hon gen hi. Huai teng Parie in a zak tak in, "Usuan, hon ngaidam in o hehpihtak in. Kei ziak ngen ahi. Hon taisan lou di ka hi o.. Lungmuangtak in om in o.." kap kawm in Parie in hon chikhia hi. Suan leng gen di theituan lou ahihman in, Parie angkawi a, a nih uh kap uhi. "Kon ngaidam, nang le lungmuangtak in om in o..", Suan in chi hi. Huchia sawtlou a om nung un, a nih un a mit khituite uh nuul in hong kihihhalh thak uhi.
Huchi in, Parie in a uSuan thu omdan bangkim hilh hi. A omdan teng uh hilh a, tunitak a hilhchian di ahihlam leng hilh hi. Himahleh, lungkhamna di omlou ahihdan toh gen ngal hi. Suan in zanhal a mang pen theithak in, a hilh chetna chiangta mahmah ta a, huai ngaihtuah dedu a omlai in, "Lungkham ken o uSuan, nang lungnop louhna di leh nang khasiatna di bangmah hih nawnlou di ka hi" chi in Parie in a uSuan kiang a gen hi. Huai a zaktak in, Suan leng kipaklua in, pahna khitui in tuam dim hi. Huchi dan a om Parie in a muhtak in, a anglum ah a uSuan kawi phei hi. "Nang a dia ginom gige di ka hi, lungmuangtak in om in o uSuan" Parie in chi hi. Suan inle,"kei le ginom di ka hi" chi kik hi. Suan bel lungmuang tak leh kipak tak in om theita hi. Ki-itna thuk sem, kihual hoihsem leh kipsem di bawl thak uhi.
Huchibang a omlai un, Parie a pate'n hon call uhi. Hong pai meng di in chi uhi. Dak a et ua leh dak 9:00 bang a na ging vengvong man hi. Huchi in, kinul siang in paita uhi. A kipai kawm in kihanthawn tuah ua, ginom tak a omdi'n kichi tuahtuah lai uhi. Suan in a innkong tan uh va kha hi. Zalmangpha hoihtak kikhak in Parie a gate uah lut hi. Huchi in Suan leng a innlam uh manoh in paitou hi. Parie te' inn leng kimu lai chih di in a nu'n call hi. Suan inle,"kong paita, hong tung pah di ka hi nu, hon na lunghimoh ken" chi in paitou hi.
-------------------------
Part -VIII
Minit 5 khawng a paizoh in Suan len. a inn uh tung hi. Innsung a lut leh, A sungkuante kuamah lum nailou a, a na tu dipdep lai amuh in, Suan leng a paihak kisuanglah law phiing hi. Kisuanglah law zenpi bang, "hon na lumhak na uh chia.." Suan in a chih leh anaunu (Kim) in, "nang hon na ngak I voi" chihsan zomah hi. A kisuanlahna pungsem a, a omdan nasan ah 'kisuanglah ahi' chih kilang mahmah hi. Huchia Suan ompen a Nu'n a muh in, "koi a hoh e, Suan" aw nemtak mai inc hon kan hi. Suan inle, "ka lawmte khat kia hoh hi veng aw. Ka paupau ua leh hong paihak lokha ka vele.." chi hi. Huchi in, "Na pawt chiang in hong pai pahpah sawmta in o.. Na hong paihak di ahih aleh le, hon hilh pahpah thei lechin maw. Inn a omlou a Na pawt chiang ua, hon kilung himmoh pahpah ahi." hon chi hi. Suan inle, "ole o, nu" chi in dawng kikpah hi. Huai teng a gen zoh un, lum di'n kisa ua, lum pah uhi. Ahi a, Suan ahih leh tapa tang neihsun ahih zawkmah toh, a nu'n hawmthoh mahmah hi. Suan' pa'n a neuchik apat a sihsan pah himahleh, Suan' nu in ittak leh ginom tak in kemtou a, a kinepna pen ahi maimah hi. A sanggam numei dangte itlou chihna hilou in, maban a Amah vaktu dia Suan' nu'n a suang mahmah ahia, it leng it diak hi. Himahleh, neih-le-lam in chinlou ahihman in, kam kia a gen pen a duattheihna sun ahi hi.
Alehlam pang ah, Parie gate a lutphet in a Unu zuntha dek toh kituak ua, 'a pa'n hehsan lua ahihlam' hilh hi. Huchi in, kongkhak a lut leh, A pa maigum tak in hon na tu phephu hi. Huai a muhchiang in, Parie leng kisuanglah lua a, room a lutsuak dia a pai khaankhaan leh A pa'n, "hiai bench ah hong tu dih" chi hi. Seltheih vual hilou ahihman in, Liin pipi in va tu hi. A ziakbel, a tuah di pen mukhawl mahmah hi. Bench a tutphet in apa'n taihilh pah ngal hi. Hangsan gawp a, maban a asutzop ngeingei leh duamlou di ahihdan hilh hi. Himahleh tutung bel, tai maimai in hutsak hi. Apa'n a tai sung in Parie in a uSuan ngaihtuah den a, a itna pung semsem hi. A itna jiak leh apa taina azak chiang in, Parie' mit apat in khitui hong luangkhia hi. Hang phawphaw a Parie' pa om amuh in, Parie' nu in va khou a, a tawp in hong daithei dek khawngkhawng hi. A daihdek in Parie' pa'n,"Tuni apat in phone leng tawi nawnkei niteh. Tu inle hong pia oh!" Parie kiang ah chi hi. Parie inle a phone pia in, a lupna lam uah tailut san hi. Parie' nu'n a phone kepsak hi. Huchi bang a omlai un, Suan in leng a paihak uh haih hetlou ahih man in, "Bang a chih mah di ua aw.. A hehsan lo di uam?" chih ngaih tuahtuah in halh kelkul maimah hi. A tawp in Parie msg hi. Himahleh thukkik na mulou in om a, a lungsim nuamlou deuhdeuh hi. Aleh lampang ah, Parie bel khasia kisa in kidik huthut in om hi. A' u in va hehnem hi. "tawp in, denciah I pa na sukheh beh kha di. Hon it ziak uhleh hon deihsak ziak ua hon tai ahi zaw" va chi hi. Himahleh Parie in bangmah in dawnglou in hon na ngaihsak lou hi. Ngaihsak kei mahleh A' u gen bel za ahihman in, ngaihsutna thak guan in, a tawptawp in hong tawp khong hi. A kahna gimsim ahi ngei dia, hong dai vengveng pan I sak leh hong ihmu pah hiau hi. Suan inbel huaitan theilou ahihman in lungsim buaitak in om hi. A tawp in a lungsim ah, "Bangteng Toupa kiang thumna'n" chih la hong suak khe guih hi. Huchi in, Toupa kiang ah Thumna nei hi. A thumzoh in, a lungsim puak gik zangtuan mahmah in thei hi. Toupa kiang ah kipahthu gen nawn in, 'lungsim nuamtak toh' a tawp in ihmuthei khong hi.
Zingkhua hong vak nawn a, Suan inleng phawkpah hi. Huchi in, lupna tung apat in Parie kiang ah 'Jingpha..' chih khak a, huai zoh in thoukhia in kihahsiang hi. Aman siangtak in, zingkal devotion va hoh hi. Aleh lampang ah, Parie bel khangma kha hi. A sungte kuamah inle phawnglou uhi. Himahleh dak 7 bang a hong ging chiang in, a nu'n hi sa nawnlou in, va phawng khong hi. "Thou ta ou Parie, school lut ta di hilou na hi uh maw?", a nu'n a va chih chiang in, Parie le kiguih zezen in hongthou khe khia hi. Mit haksa sa sim in om leiluai a, limlang a va ki-et leh a mit a na bawk threithuai hi. Huchi in, a mit nuai thakthak in va kihahkhia hi. A kihahkhiat zoh in, school kai di ahihleh chi in routine hon teng hi. A tenglai tak in hong kingaihtuah dedu hi. School kai ding ahihleh liin gusim mahmah hi. A hangbel, huai a lawmpa muh kik nawn di pen kisuanlahna khat nei hi.
Bang ka chi de o?' chi a ngaihtuah lai in, a uSuan toh zan nitak a omdan te uh a mitkha ah hong kilangthak hi. Huai in thathak guan in, kai di'n thupukna la hi. Huchih laitak in, a nu'n anne hong sam hi. Ann khawng ne mengmeng in, a nekzoh in, kisa in school kai di'n kuan hi. School a tung in mi ana tam nailou ua, himahleh a tutpihte ana tungkhin om hi. Hun bangtan hiam zoh in, huai a lawmpa leng hong kuan a kinuihsan tuah uhi. Dakte hong ging in period hon la uhi.
----------------------
Part - IX
Period bang zah hiam a bei zoh in, suun' khawl (break) a hon nei ua, Parie leng zun khawng a thak zoh in amah chauh in a tutna uah tu hi. Huchi a om a lawmpa'n a muhchiang in, a tungthu uh dongchian ding in Parie kiang ah va pai hi. A lawmpa min ahihleh 'Mung' ahi. Mung in, "Bang chi e, zan nitak na hon thuk hetka?" chih Parie kiang ah va dong hi. Parie inle, "Ka pa'n School lutdek ziak a phone hon tawi phal nawnlou a, huai ziak hi" chih paulap in zang a, huai zoh phet in Mung in leng, "Aw.. A chih leh huai ka hon dotpen hong dawng lou di maw?" chih kan zui ngal hi. Parie in huai dotna a zaak in, zan nitak a a uSuan toh a omkhawm lai uh, amit kha ah, hong kilang dundun mai hi. 'Nang a di'n ka ginom gige di' a chih mangngilh hetlou ahihman in, hichi in dawnna pia hi. "Huai pen maw, ka hi theikei di. Hon ngaisiam mai in o.." chi a dawngleh Mung in, "Na taktak maw Parie? Bang ziak maw?" lamdang sak chi tak in kan kik hi. "Midang ngaih ka neikhin ta a ahi" chi in Parie in dawng kik hi. Huai a genleh Min in, "Huchi dan a leh tuh, ngaisiam tham e. Kei leng mikaal subuai khawng ka utlouh lampangtak ahi. Hoihtak in hong kingai un o" chih teng gen in paikhiak san hi. Parie in a lungsim a om bangbang genkhe phekphek ahi a, huai in a lungsim tawldamna leh midang theihsiam theihna pia hi. A uSuan a ngaihtuah chiang in, a itna pung semsem a, Huai in hatna thak guan in, hangsan tak a genkhe ngam ahi hi.
----------------------
Part - IX
Period bang zah hiam a bei zoh in, suun' khawl (break) a hon nei ua, Parie leng zun khawng a thak zoh in amah chauh in a tutna uah tu hi. Huchi a om a lawmpa'n a muhchiang in, a tungthu uh dongchian ding in Parie kiang ah va pai hi. A lawmpa min ahihleh 'Mung' ahi. Mung in, "Bang chi e, zan nitak na hon thuk hetka?" chih Parie kiang ah va dong hi. Parie inle, "Ka pa'n School lutdek ziak a phone hon tawi phal nawnlou a, huai ziak hi" chih paulap in zang a, huai zoh phet in Mung in leng, "Aw.. A chih leh huai ka hon dotpen hong dawng lou di maw?" chih kan zui ngal hi. Parie in huai dotna a zaak in, zan nitak a a uSuan toh a omkhawm lai uh, amit kha ah, hong kilang dundun mai hi. 'Nang a di'n ka ginom gige di' a chih mangngilh hetlou ahihman in, hichi in dawnna pia hi. "Huai pen maw, ka hi theikei di. Hon ngaisiam mai in o.." chi a dawngleh Mung in, "Na taktak maw Parie? Bang ziak maw?" lamdang sak chi tak in kan kik hi. "Midang ngaih ka neikhin ta a ahi" chi in Parie in dawng kik hi. Huai a genleh Min in, "Huchi dan a leh tuh, ngaisiam tham e. Kei leng mikaal subuai khawng ka utlouh lampangtak ahi. Hoihtak in hong kingai un o" chih teng gen in paikhiak san hi. Parie in a lungsim a om bangbang genkhe phekphek ahi a, huai in a lungsim tawldamna leh midang theihsiam theihna pia hi. A uSuan a ngaihtuah chiang in, a itna pung semsem a, Huai in hatna thak guan in, hangsan tak a genkhe ngam ahi hi.
A lehlamg pang ah, Suan pen ahihleh ngui zen in sunkhua in om maimah hi. Lungsim buaitak in sun nileng teng zang a, a khenchiang bang in a selam khawng kipia hi. A ziakbel, bangthu bangla om ahia chih leng theilou in om a, a lungsim suangtuahna alah a selam hong suak zomah hi. Hih di pen bangle theilou, thil a hihpeuh lah amah hehna di ngen bang maimah hi. A tawp in a lawmpa Muan msg khawng hi. Parie thu a dot leh, school kai ahihlam Muan in hilh kik hi. Huai in lungsim noplouhna pe semsem zomah hi. Hihtheih bangmah neituanlou ahihman in, atawp in, Toupa kiang ah thumna nei hi. "Aw Toupa, lungsim thawmhaute leh lungkhamte khamuanpa na hih man in, na kiang ah kipahthu ka hon gen hi. Ka ngaihnou ka ngaihluat man in lungkhamna kei-le-kei ka kiguan kha hi. Toupa aw hon ngaidam in. Huai puaksiamdan hon hilh in O Toupa! Jesu' min in ka hong thum hi. Amen" Huai a neihzoh in, a lungsim zaangtuan mahmah in thei hi. Dak zaw paipai ahi ngei dia, nitaklam hong tung khawngkhawng hi. Huchi in, School kaite hong tawp siausiau ua, Suan bel Parie in a msg kaal kinemtak in ngak hi. A kinepna banglou tak in, Parie in msglou hi. A tawp in Suan in, "Annek lim in o.." chih khak in, ann duhlou leh annkam limlou pipi in ne hi.
Ann nekkhit dak 5:30 lak in, mobile number a theih ngeilouh khat a msg hong lut hi. Hichi in kigelh hi. "Ann nekhinta maw uSuan? Tuzingkal bangmah hon theisak khalou, ka pa'n phone hon tawiphal nawnlou phot a maw.. Parie ka hi. Ka ubiak a kon zat zual" chih amuh tak in Suan leng a lungsim nuamtuan mahmah hi. A puakgik a ngakh khiat thoh mahbang hi. Huchi hi napi in, kisuanglah huai sa hi. A ziakbel, a tawiphal nawnlouhna haihvual hilou ahihman in. Suan inle nekhinta ahihlam hilh hi. Huai ban ah poi asakthu leng gen in, ngaihdam ngen hi. Himahleh Parie in, "Nang mohna vuak hilou pi a. Kei ziak le eivoi.. Maban ah I pilvang ta dia himai maw" chih a khak kik Suan in amuh chiang in kipak mahmah a, a lungsim nuam semsem hi. Huailou leng Parie in, "tusun na lungsim a nuam kei law di maw, uSuan?" a chih zawk mah chiang in Suan a ding in, a lungkhamna teng kipahna suak maimah hi. Lungkham sim mahleh 'ka hi' chih Suan in chi ngamlou zel hi. A ziak bel, Suan in Parie it mahmah ahihman in, Parie lungnoplouh khak di khual mahmah hi. Huchi a bangtan hiam a hong kimsg zoh un Parie in, "I hutsak phot o uSuan. Ka ubiak in phone zangnuam ta a maw.. " chih khak hi. Aam huai mahleh 'I' chihthei mawk a hihlouh man in, "ole, om nuam in o Ngaihnou. Hoihtak in om ni o.." chih Suan in khak kik hi. "Ole hi tham e. Kon ngailua uSuan" chih Parie in khak kik nawn a, huai amuh tak in Suan leng kipak kisa in nuikhe heuhau hi. A nau in a na mukha geet a, "Bang chi na heuhau a, kipak na cia Uu.." Gen di tuan theilou ahihman in, Suan in a nauleng ana nuihsan hi. Suun a lungkhamna tengteng a kipahna in khel zou ta mahmah hi. Khovel ah zaw lungkhamna leh kipahna kizui helhel ahih dan uh Suan in thei thakthak hi. Aman leng, "kenle kon ngailua Ngaihnou.." chih khak kik nawn in hutsak uhi.
Hun hong pai zel a, Parie in phone a tawilouhna zong kaalkhat bang hong ching hi. Kaal khat a ching ni zingchiang in, Parie kiang ah a pa in phone pekik nawn a,"siamtak in zang in o. Maban a hun na theihtak di ahi" chih kam mal Parie kiang ah gen kawm hi. Parie inle kipahthu a pa kiang ah gen hi. A nitak in a uSuan msg pah tingteng hi. Deihbang a kimsg thei nawn ding chih a ngaihtuah thak chiang un a kipahna uh lian mahmah hi.
-----------------------
Part - X
-----------------------
Part - X
Huchi in, hong kithuzaktou zelzel ua, Nidang sang in a kaal simthu uh kip zaw chih haih vuallouh in kitheichian mahmah uhi. Niteng in a ki-itna uh pung semsem a, kisuk lungkham tuah khak di leh kilung noplouhsak tuah khak di lau in koimun peuh hi in, niteng a hunzatna khempeuh uah, angmasial loutak in a itpente a di mawngmawng a hing hileh kilawm khop mai in leh, pil siamtak in hun hong zangtou uhi. Parie in a school kaina lam ah hoihtak leh ginomtak in hong kaitou a, aleh lampang ah Suan leng ahih theihtheih hih in, a nu tha dawn theih dandan in ana dawn hi. Sun hun in kithuzak lou in om ua, huai sung bang a leng kingai law man naak uhi. Kha a vaak chiang bang in, a kingaihna uh uang semsem hi. A ziakbel, a pawtkhawm khak nitak pen uh le kha' liik (fullmoon) ni hi a, mitampite kimelmuhna mah bang in, amau leng a kimelmuhna uh hong suak maimah hi.
Huchi bang a hun a hon zat touh lai un, hun zaw hong paipai ahi ngei dia, Suan te' result suah ding simthu hong kileelta hi. Zingchiang a suak di chih Suan in a hon theih chiang in, a diip bang kisai maimah hi. Ahi a, Suan ahihleh laisiam theih khat ahi. A class ua leng laisiam pen ahi a, a mihoih gentaak louh in. Himahleh, mitampite'n a lauh mah bang un, aman le lauhtei di sa in lauthawng ahi zaw hi. A zingchiang hong hih in, Suan te' result hong suak peetmah ta hi. A kigingtakna mah bang in Suan sangpi in pass a, a school ua dia a hih hoihpen ahi hi. A tanau-lainate'n a pass na theinuam leh kipahpih kawm in call vengvung uhi. Huchi bang kal lak ah Parie inle a uSuan sangpi a pass lam thei ahihman in, msg tungtawn in a kipahpihna thu khak hi. Ahi a, Parie bel a na kipak petmah a, amah pass khia mah bang khop in kingaizou top hi. Parie in a msg. zoh dakkal khat nung in, Suan in Parie thukkik theipan a, a thukkik theih hak ziak kichiantak in hilhchian ahihman in Parie in ngaisiam mahmah hi. Huai a gen zoh un, Parie in amah kipahdan leh amah pass bang a kingai ahihlam a uSuan kiang a a gen leh, Suan a ding in bil a zaaknop huaitak hi a, huai in Suan' kipahna behlap semsem hi. Suan inle a kipahna thu Parie kiang ah phoulaak nawn in, Parie leng laisim hahkat ding in hasuan hi. "Nang leng laisiam thei na hihman in, hoihtak in hon sim in o ngaihnou.. Ka hon sukbuai khak leh hon hilh in o", chih a uSuan in a khak Parie in amuh in, thathak guan mahmah hi.
Huchi bang a thu tuamtuam khawng a genkkhawm lai un, dak zaw anai paipai ahi ngei dia, a na upa manzel ahihman in hunsak nawn phot uhi. Huchi hinapi in, Parie pen ihmu pahlou a, a uSuan kia ngaihtuah in om hi. A uSuan amuh khak kipak petmah in hampha kisatuan thakthak hi. Kipaktak a omlai in, kisuanlahna in a lungsim hong tuam hi. A ziakbel, malam deuh a a uSuan' khitui a luangkhaksak pen a ngaihtuah kik chiang in, amah ziak lieuliau a luang ahihlam haihvual lou a, huai in kisuanglahna guan ahi zaw hi. Ihmu hak chih mahtak, a zun khawng va nawn hi. A zun nawn kawm in kha bang va en in, kha bang leng ana lian mahmah ta hi. A uSuan ngai deuhdeuh ahihman in, zingchiang nitak a kimuhpih ut huai a sak thu bang leng a lunggelna ah hong kilang hi. Huai teng pi a ngaihtuahna ah omden in, ihmut hak khawloh a, a tawp in zaw ihmu theikhong hi.
Huchi in, Zingkhua hong vak nawn in, a kikhak ngeina dan un hong ki msg. ua, 'Jingpha' leh 'hun zatnuam' chihte khawng kikhak uhi. Lungnuam tak leh kipaktak in Parie leng School va kaai a, ahih peuh bang lamzang huaitak in hih thei in kipahna in pum tuam den hi. Alehlam pang ah, Suan leng inn ah om a, a omdan peuh bang nuam hileh kilawm in thei hi. A tanaute bang leng hong hoh un, chibai gentak louh kipahpihna thil tamkhop leng mu hi. Huchi in, hun hong pai in nitaklam an hon nekhin nawnta uhi. Ann a nekkhit phet un, Parie in msg. pah in, a lawmte' inn khat a pawt ding in zawn hi. Ahi a, Parie in ahihleh a uSuan mu nuam tinten hi. Himahleh 'kimu di' va chih mawk di pen, a zakta in a dang paulap a nei ahi zaw a, note book khelh di omlou hinazenpi, khelhpih sawm in zawn ahi zaw hi. Suan leng a Ngaihnou toh kimuh di chih a lunggulh pen ahihman in, lemsa pah hi. Huchi in, a innkal uh lamkim di khawng in kimutuah in pawtkhawm uhi. Hohna di Parie in a chih masa pen ah hoh masa ua, tomchik om in paipah uhi. Lampi a hong pailai un, kha leng leenmual dawn pa'n hong suak a, nalh mahmah hi.
Mi khenkhatte a dia lungzuang guantu hi a, khase pawl bang om mahleh, Suan leh Parie a ding in bel solkha taang nuai a pawtkhawm tuh bukimna khat in koih uhi. A kimuhlouh chiang un kingaitak in om mah le uh a kimuh hial chiang un, a ki-itna uh kizahtak tuah in pautam khukkhak omlou zel uhi. Himahleh, tunitak zaw Suan leng kisuanglah pipi in a ngaihnou' khut neel thiamthiam len di in a khut hong zankhia hi. Parie khut a let khaktak in kipak lua a, kipak selua bang Parie lam enlou in a lehlam pang ah dak zaw hi. Parie inle a uSuan' khut kiptak in ana leen thuk hi.
BUNG - 2 ( Coming soon )
©Siamsinna leh Vakiangbu
Comments
Post a Comment