BUALNA ZOLEI

By ~ Vz Vualnam

 Mim bang bualna zolei gamzaang
Pupa’n sang leh lal tam akaihna
Khangsawn zata’ haam bang huai ding
Sian’ huai a kumsawt khuam bang kip na’ng
Khuakiim in laam bang eng na e
Laam bang eng galsial bang dondon hi e

Khuakiim galsial bang dotna pan
Tang in zolei ka va dot leh aw
Niim diildial e paak siilsial e
Singta’ mim bang bualna hileh poh
Laam bang eng na’n lawmlua sa’ng e
Muhchin sinlai ling bang dou ding hi e

Singta’ bualna hilou a aw
Zolei vontawi’ bualna hi e
Etlawm zolei vontawi’ bualna
Laam bang veel di’n simlei gamchin pa’n
Nichin ngoumei tuang hong tung e
Zolei sung diidiai zata’ ngaih hi e

Huihkhi’n ngoumei sul ah hon zui
Gamchin thang bang veh khau bang pal
Chiaukuam leh kuivum lou bang kawm
Mazap tuanglam ah dawn bang hon tuak
Aseem singchih kawlva bang laam
Zata’ leel chimlouh zohuihkhi hi e

Tungchiang thangvan ngoumei limsun
Zohuihkhi siang alaan hialhialna
Ngaih toh laukha ka hualna hi e
Bualna zolei lah nun in nuam e
Tongsan ngaihnou lah mu bang ngai ing e
Lungdeih lii bang chinna zolei aw chi’ng
—————————————————
Khosakna zolei gam, pi-le-pute’n sa leh gal tampi ana thahna mun uh, khangsawnte’n a keptouhzel ding uh, Pathian’ kepna a i luahtouhzel ding uh, kiim-le-kiang in a hon eng mahmah ua, a hon gal et-et uhi.
Kiim-le-kiangte’n a hon gal-etna ua pan zogam ka va gal-et leh a liap diildial a, mite’ tenna hileh een theihluat dingdan ahimah hi. I va muh teng a lungsim hon kam dingdan in a om hi.

Mite’ tenna hilou in, Zomite’ tenna ahi a, zomite’ tenna zogam kilawm en ding in gam kilchih apan meipite ahong kuanzel uhi. Tua meipite’n zogam a liah diidiai a, tua niliap dildial tuh tampite’ nopsak ahi.

Huih in meipi a hon zui a, Zogam kilchih a phang a, luikuam leh mualvum a kawm a, nasepna lampi ah a hon na tuak/muut hi. A muut singkungte a laam liailiai ua,tampite’ genchimlouh zohuihkhi ahi.

Van a meipite’n a liah diildial, zohuihkhisiang a nung hiauhiauna, ka ngaih toh lungtuak a ka omkhawmna uh ahi. Tenna zogam lah nuam, ken lah ka ngaih ngai, Zogam mahmah deihteng a kimna ka chi hi!

©Siamsinna leh Vakiangbu

Comments

Post a Comment

Popular posts from this blog

PATHAWI HIMAHLENG!!

~Kattie Mawite Ka ngaihnou ka ngaisang top. Ka dinmun uh kikheng hileh ama lungsim bang ka put zoh ka gingta kei. Iitna tak toh hon iit hi in kathei a, kenleng ka it petmah. Keilam apan ngiat a hon neikei a, apasal ka hihtheihna din CONDITION bangmah hon bawlsak kei. Tulai in hihna kibang(homosexual) kingai tampi om mahleh, kei ngaihnou bel NUMEI ahi. A hon itna thupi kasa. Ka phulouh iitna tang hi in ka kithei a, ka kipak petmah. Himahleh alangkhat ah ka kisuanglah zel. Ka kingaihsiat theihna di leh ka lungsim hon kam gegu di kampau chikmah in hon zatkhum ngeikei a, milak ah leng a hon zahpih kei. Kei ziaka nuam asaklouhni leng atam din ka gingta. Himahleh kei kianga a om chiangin maitai tak in hon houpih a, huai in a ngaihhuaina nakpi in a behlap hi. Ka ngaihnoute bel innkuan nuamsa ahi uh. Apa Evangelist teacher pension ahi a, a upa'n leng apa sulnung zui in Evangelist teacher mah a sem hi. Amah tuh college kailai ahi a, anau pasal nihte bel high school kailai ahi
Read more

PALLAI NITE

~Lian Khuptong Alamdang Pathian Itna' 'khovel nopsakna leh gentheihna tepanin Tuun sungkhatpan mimbang ka hong khangkhia hi. Deihthoh takmai leh iitakmai'n keple huihmut dingnah tomphallou in ka omhi. Kep leh etkolna nuaia kasenchiil panin kapiching dong in, duattak leh deihthoh takin kep kana hi. Sianhuaina toh hucihin ka hongkhang lianzela khovel tak palding in kongkisa ta hi. Mite kitaiteh nalak ah ka taisam hi. Hinkhua gintaksa anaa nuamchiam kei alai hawlpawl in lakloh takin ka omhi. Pallai amm'n nuamleen tuh ka hinkhua aka nopsak ahih hi. Maban etna'n kalsuan touzelin ahak-anuam phutkhak dandan in kahong phuh hi. Huaihang in hinkhua zatdan ka etchiang in lungkhamna leh mangbatna ten nisim'n hongtuam tawntung hi. Ahakdan pengen siamvual ahih keihial hi.  Huchitazong in taikhua tuh hongvak zelsam a lametna thak honguan zel hi. Naa khatpeuh zoh kuhkalna leh thuakhaatna lou toh pangtakpi mah ngai hi. Khovel zoh omvengvung kitaiteh nalah
Read more

NATNA LAUHUAI COVID APAN PIANTHAKNA

 By  ~ Paumuanlal Guite BaBs Chikmah a zak ngeilouh, lungsim tawng a leng gelphak ngeilouh COVID 19 in khovel pumpi hong sawiliing ta hi. It leh ngaihte toh tui leh nga bang bualkhawmna, a sakminthang Lamka khopi leng natna in hong hawi tuankei. Niteng in a vei a pung hulhul chih kuapeuh in thei, himahleh gamsung vaihawm solkalte’n hiai natna apan i suahtak theihna ding ua hon thupiak uh Policete mat utlouhna ziak lel in i zui hamham chiat uhi. Huai bangle Policete galmuh chiang khawng a zui hamhamte i hilai uhi. A tamzawte bang in a omna mun uh i pel chetchet zomah uh, lamka chihmah a ka tuamtuam tam i theitel ua. Siamsinna innte, nasepna buuk tuamtuamte kikhak zungzung a, i biakna munte tan leng kikhak hial in inn a kuapeuh kikhum chiat ding i chih lai un kholai a hih ding poimoh nei a pungdiak a bang maimah hi. I natna minthang ziak ua mual honna liamsan niteng in zak ahigige mai. It tak in a luangbul ah kap zoizoi ut mahlehang mangmat phak ahinawnkei, silhpuan piandang toh kithua
Read more