HINKHUA A HAKSATNATE
By ~ Lun Khuptong
Nidanglai in ah nungaknou melhoihtak khat
leh apa khopi pang ah khosa a om ua. A Pa’n ahihleh hotel ah Chef a sem
in a nek ding uh a hihtheih dandan in a sutuah zel hi. Nungaknou
melhoihtak leng school kai in a laisim a tha-it mahmah mai hi. Himahleh,
a lawm hausa taktak te amuh chiang in ennate hon nei in, a hinkhua a
hong kining panta hi. Amah a Pa toh kia khosa ahihman un leh apa’n tam
lohkhe zoulou ahihman in mi neihneih leh neknek leng nezoute hilou
ahihman un. A pa kiang ah niteng in, Pa ka hinkhua ka ninglua, I lawmte
nekte, i lawmte silh leh tente ne a silh in leh hinkhua nuamtak a hin ka
utsam vele chi’n a kiselpih gige tamai hi.
A pa’n leng nikhat tuh a sepna mun ah a pii a, huai ah a tusak hi. A
pa’n leng pau tamlou in thuk thum a toh a, a thum in tui a suang chiat
hi. A bel khatna ah allu akha suk a. A nihna pen ah aktui a khasuk a. A
thuman pen ah coffee powder akha suk hi. Minutes 20 ding khong khit in a
belte hon suankhia a, allute leh aktui pen khehsa in leh coffee pen nou
a dawm in a tanu kiang ah a hon koih hi.
A Pa’n a tanu kia’h “bawi bang na mu a leh?” chi’n a dong a. A
tanu’n, Allu leh aktui minsa leh coffee nou a om achi a. Hoihtak in
velchian thakve achi a. A tanu’n leng allu minsapen a khoih a aw allute
min ua I khoih leh nel thiamthiam uh hi achi a, aban ah aktuipen a koih
non a aw aktui pen a khauh gegap vele a chi a, aban ah pai in coffee pen
a chiam a, aw coffee pen tutan a ka dawn khakte lak a limpen ding ahi
chi’n a tanu’n a apa a dawng hi.
A pa’n leng a tanu kia’h bawi hoihtak in ka gen ding ana ngaikhia in
aw achi a.Hiai allu pen tuisou vutvut lak a khak ahihma in a khauh a
himahleh tun a I koih leh nem thiamthiam thei a, Aktuite pen a minma in
atui himahleh tun ah tuisou lak a khiak ahihnung in a khauh gegap ua,
coffee te pen tuilak ah I helkhop ahihma in avui mai himahle uh tuilak a
ahong kihelkhoptak in a tui color pen khek in tuipen limtak a suahsak
thieh hi, achi hi.
A tanu’n ah Pa kiang ah hiaite apa’n na gen nuam om ahi hiam? chi’n a dong a. A pa’n a dawng a, hi om mah ei.
Hiaite gennop ana ngaikhia in aw chi’n hichin a hon genta hi.
“Leitung ah leng mihing I hihlai man in, I hinkhua a haksatna, enna
hazatna leh thil dangdangte hong tung sek mah ahi. Himahleh, en bangchin
huaite I sang hiam? Chihpen ahi a thupi pen.
Allu, aktui leh coffee te’n tui sa vutvut sung minutes 20 bang suan a
om ahihziak un. Amau leh amau bang a hong kikhek lamdang ua, khenkhatte
a amasah takzaw in khenkhatte amasah nem zaw in leh khenkhatte’n a kiim
leh kiang ua te khek lamdang in thil limtak leh mihingte nektheih ding
leh kipahna a hon tun uhi. Ei leng I hinkhua a I thiltuahte apan a I
ngaihdan a nemzaw bang a takzaw bang I khek lamdang ding kuul leh phamoh
ahi. Huai ban ah I kiim leh kiangte bang a hoih zaw lam ngimna toh i
khek lamdan a ngaih ton om ahi, a chi hi.”
©Siamsinna leh Vakiangbu
Comments
Post a Comment