NEINO TANGTHU
By ~ Giakmawh Sumbawi
Thupatna: Hiai tangthu ahihleh "Neino leh Tawpi,,"tawpi"chih cu "keimi" namte ahi. Huai zoh ah,"Phucil leh Nantal,te unau toh "LEINUAITE leh LUSUANGTE Toh' a tangthu abanban in hon kigelh ding ahi.
NEINO LEH TAWPI
Nidanglai in Zokhua khat ah Nungak @NeiNo kichi khat om a, nikhat Neino leh a lawmte singpua ding in a kuan uh hi. Himahleh, a lawmte in "Hei"a keng kei uh hi. Neino lawmte in kou zong na hei hon zangsak ve a chih chiang un "Neino in phallou a, ei i nu in Limsing nono, gelsing nono hong pua in hong chi hive a chih chiang in, a lawmte in zong singkangkeu peuh singbul sumpeuh khawm mengmeng ua, a khop uh a ngah chiang un a lawmnu "NeiNo ngaklou in a chiahsan uh hi.
NeiNo in zong sing hoih nono a puakkhop ding a ngah chiang in a kisuat leh a kisuan zoukei hi. A khodak leh a gal a Tawpi singtawn pua a pailai amu hi. Neino,in "ka gal a singtawn pua aw ong suan in," a chih leh, tawpi in "ong suan leng hong lau niteh,"a chih hi. Tua chiang in Neino in, "U sapsap, nau sapsap, bang di'n kong lau di'a" a chih chiang in; Tawpi in zong Neino va suan in a suatkawm in a samzang khat botsak a, khomual suangpi nuai ah a koih hi. Tua chiang in NeiNo a chi hong naa a, a thoihthoih uh hang in a dam theikei hi.
Neino nu a lungkham lua hihman in tulaitak in Neino damsak a omleh "Numei ahihleh kizawl dia, pasal a hihleh kitengsak ning" chi'n a chiam hi. Tua laitak in TawPi in a innkun ah va ngaisim a, a denchiang in va lut a, Neino nu kiang ah "Pi..den in bang na gen a e"? chi a dot leh Neino nu in, "bangmah ka gen hetkei" a chi hi. Tua chiang in Tawpi in," genmah teh genkhat na neimah ve" a chih teitei chiang in, "bangmah chi keng e, Tulaitak in ka tanu "NeiNo damsak a omleh Nu ahihleh kizawl dia, Pa ahihleh kiteng ding, chih bekh ing, " a chi hi. Tua chiang in Tawpi in, "kei ma'n thoihdam ning" chi-in suangnuai a Neino samzang va la a, Neino lutung ah a koih leh Neino a chi hong dampah hi.
Tua chiang in Neino nu in a chiamsa mah bang in "Neino leh tawpi" a kitengsak hi. A nu in, "a sa puak ding in innnuai a vokpi gou unla pia un" achi hi. Tawpi in vok an pia a, "Pi aw, hiai ahi hiam ?" a chihleh, 'hikei' a chi hi. Tua chiang in Tawpi in, "vokpi kunngak hoih heh, voktal kunngak hoih heh," a chi hi. Tua chiang in vok tuk guk khat va pai a, Tawpi in "Pi aw, hiai ahi hiam?" a chih chiang in 'hi nai kei' a chi leuleu hi. Tua khit chiang in vok tuk giat khat va pai leuleu a, Tawpi in "Pi aw, hiai ahi hiam?" a chih leh 'himah' a chi hi. Tua chiang in Tawpi inn nuai ah va tuaksuk a vok dek si a dawn hi.
Vok gil bawlbawl uh a, a tawpi in vok gilzang teng inn-nuai ah kikiat suah khembawl in, "Naupangte kiang ah ka temta kesak kha ing, va tawm un" a chih chiang in naupangte'n a tawm nuam kei uh hi. A pi in va topsak un a chih hang in Tawpi in, "kei man va tawm ning" chi in inn-nuai ah tuaksuk a, voksa gil a khiatsukte ane hi. Naupangte in en sim uh a, "Hua'h tawpi in sagil teng a ne ve" chi a akou chiang un Tawpi in "Naupang phialphual sa phialphual, Veihnamkhau a ka i-uai," a chi hi.
Tua chiang in a pi in a sa uh huan a, tawmvei huan khit chiang in tawpi in "pi aw, sa a minta hiam?" chi a adotleh 'min nai kei, Inntungte tuibuk vasim tadih in' a chi hi. Tawpi va potkhai a, hun sawtlou in va tungkikpah a,"Pi aw, sa a minta hiam?" a chih leuleu leh 'Minnai kei e, innnuaite tuibuk va sim tadih in' a chi leuleu hi. Tawpi hun sawtlou in tungkikpah a, "Pi..sa a minta hiam?" chi'n a dong thithe hi. A pi in, 'min naikei innkongte tuibuk va sim tadih in' a chih chiang in Tawpi va potkhe leuleu a, hun sawllou chik sung in tungkikpah a, a pi kiang ah "Pi aw..sa a minta hiam?" chi a adot thithe chiang in a pi in, "a zak mahmah zong chimtak ing, min in min kei leh thuk mai un" a chi hi.
Tua chiang in Tawpi in annthuk a, a ne ta uh hi. Tawpi in Neino kiang ah "Neino, nang bak bangzah na gaita a?" chi a dot leh, 'bak khat zong gai naikeng' a chi hi. Neino in Tawpi kiang ah "U aw, nang bak bangzah na geita a ?" a chileh, 'Bak 3-bak- bak-4 gaita ing' a chi hi.Tawpi in dong leuleu a, "Neino..bak bangzah na gaita a?" a chih leh 'bak khat ka gaita' achih kawm in "U..nang bak bangzah na gaita?" a chihleh 'bak 6-bak-bak-7 gaita ing' a chi hi.
Ann a nekkhit chiang un, Neino leh Tawpi leng a innlam uah pai ua, khuanawl a tun chiang un Tawpi'n Neino kiang ah "Neino aw, mi liampai in ? (khe a pai di maw, a chihna ahi) 'Miliam pai-in pai leng na ut zaw hiam?' Vazuang len in leng leng na ut zaw hiam?" chia a dot chiang in Neino in, "ei utthu ahihleh chu Vazuanglen in leng di ka ut zaw," a chih chiang in Tawpi in a mei tawh Neino zialzial a a zialkhit chiang in a lenpih vingveng hi. Tua chiang in a mouliah nu in, "Takha nu, takha nu...na ta mi in lenpihta ei," chi in kap ngutngutsa in a chiahkik hi.
Tuakhit chinag in Neino nu in taksih ngan sagih huan a, "Neino lazou dingte in hiai ka taksih ngan huan gai ding a, hiai taksih teng lomlom ding a khepi chia phasak ding hi," chi in tha a chial hi. A khuapih tangvalte in taksih ngan sagih nene uh a, a gaizou a omtuan kei hi. A taksih huan lomlom uh a, khepi chia aphasak zou a om kei hi.
Tua chiang in a khodak ua leh a gal ah "PhuCil leh NanTal" te unau ai-sawk amu uh hi. Neino nu in hua tak a "Phucil le Nantal" sam dih un?" a chih chiang in a khuapihte'n, "ei hih zawhloh hihzou mahmah kei un teh" a chisan uh hi. Neino nu in, "chi kei un hih zou kha thei ding uh hi" a chih chiang in Phucil leh Nantal sam uh a; Phucil in ne a, a gaizou kei hi. Ahizong in Nantal in anek leh gai zou a, taksih ngan sagih a lomlom leh zabel chia, khepi chia a phasak zou hi.
Tua khit chiang in amau unau Neino la ding in kuanpah vingveng ua, lampi ah a paipai ua leh munkhat ah Tawpi khekhap mu uh a, Phucil in "Nantal,Nantal, hiai a bang khe tot a?" a chih chiang in; Nantal in, "zu khetot, va khetot" a chih hi. Mailam zuan in hong pai nonta ua, munkhat ah Tawpi khekhap a na om leuleu hi. Phucil in "Nantal, Nantal, hiai a khekhap bang khekhap?" a chih chiang in; Nantal in "Mu khetot, Tawpi khetot" a chih chiang in Phucil in, "Nantal, ken ka lau" a chih chiang in; Nantal in giahbuk khat bawlsak a, a zawngno mat toh Phucil a nusia hi.
NanTal amah chauh pai vingveng a, Tawpi te omna khua a tun chiang in dainawl a nupi khat kiang ah zintung hi. Nantal in a zinnu kiang ah, "hiai a ka temta Neino hon va piaksak in" a chih chiang in a zinnu in Neino temta a va pia hi. Tua chiang in Neino in nupi nu kiang ah, "hiai banglak temta a hiam?" chi a adot chiang in Nupi nu in, "ka zinpa hon piaksak hi" a chih chiang in Neino in temta nam a, tang a tuan a Nantal gim lah a nam a; ahihleh "na zinpa hong hawh hen?" chi in Neino in Nantal a inn a hawh ding in a vaikhak hi. Huchi in Neino te kiang ah Nantal a va hawh hi.
Neino te inn hong tun chiang in, "bang hong chi tun hiam?" chi a adot leh, "Sakhi khebuh in hon nei in chin, sazuk liangdap in hong zang ding a, Ngal khaat pua in a bungbu lehlam in innka khum ah hong kah ding hi" a chi hi. Tua khit chiang in Neino in Nantal phekhual toh zialkhum a, khintung ah akoih hi. A nung sawtlou in Tawpi inn tung takpi a, Neino gen bang in, Sakhi khebuh in zang a, sazuk liangdap in nei a, ngal khaat pua in a bungbu lehlam in innka khuam ah a kahtou hi.
Tua chiang in sa ne uh a, Neino in "Momai, sa paih ni ee," Nantal sa limchi tata a paih hi. Tawpi in sa guhbawk khat la a, "khaulau sa paih ni ee," chi in sa guhbawk a paihleh Nantal taltang kha a, Nantal si apot hi. Tawpi in Neino kiang ah "Neino, i inn miliam gim a namlua" a chih chaing in Neino in, "banglak miliam gim mahmah kenteh, khintung a ka sasi koih kibua hi'n teh" a chih leh, Tawpi in "ka va en ding" a chih chiang in Neino in, "keiman va en ning" chi in Neino in va en a, Nantal sisan luang khempeuh a va nulsiangsak hi. Tua chiang in Neino in a zu neih khempeuh a pasal Tawpi dawnsak a, Tawpi zukham in a ihmu hi. Tawpi ihmut kal in Neino in a bil sikzum sa toh vuhsak a, Tawpi in "Neino, Neino, hong suam na hi di," a chih leh, banglak a suamna gen a eita," a chi hi. Tawpi a ihmut kik chiang in Neino in a bil ah gatang abatsak hi.
Tua Nantal in a suktai sagih paltan a, a inn dung a innvai kan in, a inn vengnu kiang ah, "Tawpi in hon delh sawm zenzen leh hiai ka kan teng a kan zawh bek leh hon delh hen la; kei hih bangbang ahihzoh kei leh hong delh vet kei hen" chi in a vaikhak zoh chiang in Nantal in Neino a chiahpih vingveng hi.
Tua khit sawtlou in Tawpi khanglou a, a inn vengnu kiang ah "Neino koi a hawh hiam?" chi a adot leh, a inn vengnu'n, den zek mahmah in pasal khat toh chiahta uh ei. Tawpi in delh a hon sawm leh "a suktai sagih vei hong paltan henla, a inn dung a innvai hong kan hen, hiai teng ahihzoh kei leh hon delh vet kei hen, chi in hon vaikhak" a chih chaing in, "Tawpi in a suktai pal a, a palzou kei hi. A inndung a innvai kan a akan zoutuan kei hi. Himahleh Tawpi in a delhkik veve hi.
Nantal leh Neino in tungtun pang khat ah sun ann a nek laitak un Tawpi in a va pha hi. Tawpi in va bawhpah ngam samlou in khuaivah in a va leng hiaihiai hi. Tua chiang in Pasian leh Lungzai, kihou uh a, "Miliam i gum zaw diam, saliam i gum zaw ding hiam?" a chi uh hi. Saliam in zu le sa ne leh ne loplop, miliam in zu le sa a nek chiang in pasian ana tai in, Lungzai ana tai kha in hong chi uh hi. Miliam gum zaw ni achi uh hi. Tua khit chiang in pasiante in "Nantal, Nantal, na tung a khuai lenglai vat in?" a chih chiang un Nantal in a namsau tem toh a vat leh tumnih a kisuah hi.
Nantal in Neino kiang ah, "na pasal koi ah hawh hiam?" chi a adot leh sa beng hi, ci'n dawng hi.
Tua khit chiang in Neino leh Nantal pai uh a, a upa 'Phucil' a nusiatna giahphual a tungkikta uh hi. A zawng mat pen in "I mote hong tungta ee, a na chih vial leh "Nantal in kua u kua nau thei khang chi in a zawng khekop in man a, sangkil a den leh a ta bang a tolh zuahzuah hi. A zawngsa huan uh a, a nek uh chiang in Phucil in a khe bom teng a tang kha hi. Ne ding a a kisak chiang in a zawng kheme te in Phucil tal ana sun zuazua a, a ne thei kei hi. "Ne ning chi leng hon sun zuazua" a chih chiang in Nantal in, "hon la aw, hiai nasan ne theilou" chi in suhsak a, a kuaihtan sak khit chiang in Phucil in a ne theita hi. Phucil in "Nantal, lim mahmah e, " a chi zomah lai hi.
Tua khit chiang in a thum un pai uh a, Leinuaite in Neino a deihgawh uh hi. Leinuaite in "Mual ah mual ah kua teng ana ki nil uh?" a chi uh hi. "Nantal in Phucil toh, Nantal toh, Neino toh kinil ung e, kawl khuang a salang ka kaih, ka sai tonpih na ngai un, PUNG " a chih chiang in Leinuaite a kikhin hakhak uhi.
Nantal in ka ihmut suak lua mahmah in tomchik khat kong mengme pak ding a, Leinuaite in "Mual ah mual ah kua teng na kinil uh?" ong chih chiang un "Phucil toh, Neino toh, kinil ung e" kawl khuang a salang ka kai, ka sai tonpih na ngai un, PUNG . . na chi un" ch'n a vaikhak khit chiang in Nantal a ihmu ta hi. Tua khit chiang in Leinuaite in "Mual ah, mual ah, kua teng na kinil uh?" a chih chiang un "Phucil in, Phucil toh, Nantal toh, kinil ung ee,"Kawl khuang a salang ka kaih, ka sai tonpih na ngai un 'PHENG' a chih leh Leinuaite in a nehpah huthut uh hi. Leinuaite in "Neino laksak uh a, Phucil lei, attan sak in Leinuai ah a paipih uh hi.
Tua zoh a sawtlou in Nantal khanglou a, "Neino koi ah om hiam?" chi a adot leh Phucil lei attansak uh ahihman in Phucil pautheilo in, a kiang a phaipheng phung khat a kawkkawk hi. Nantal in, "hiai ah bang om hiam?" chi a, phaipheng phung a bohkhiat leh, kuavang khat om a, kuavang sung ah Nantal a va lutsuk pah hi. Nantal Leinuaite khua a tun chiang in, "ka u lei leh Neino hong pia meng un" a chih chiang in Leinuaite in a nuihsan lel uh hi. Nantal in, "nong piakkhiat meng kei ua leh ka veih ka pek ding a, na khua uh phel langkhat leng mang ding hi. Vai ka mut ding a, na mit langkhat chiat uh a taw ding hi," a chih chiang in, Leinuaite in, "nang veihpek hang in kuamah khua phel langkhat leng ken teh. Nang vai muut hang in kuamah mit langkhat lah taw zenzen ken teh," a chihsan uh hi. Tua chiang in Nantal in a veih a pek leh Leinuaite khua phel langkhat lengmang vengveng a, vai a muut leh Leinuaite mit langkhat tek a taw pah hi. Tua chiang in Leinuaite in a u lei leh Neino a pia uhi.
Tua chiang in Nantal in Neino leh a u lei leitung ah kahtouhpih ding in "Phucil..phucil..! Khau na zun oh"? a chih chiang in Phucil in khau na zunzun a, Neino leh Phucil leii, leitung ah a tungto pah hi. Tua khit chiang in Nantal kahtoh sawm leuleu a,"Phucil..phucil..! khau na zun oh"?a chih chiang in Phucil-in Neino deihgawh ahihman in kizak khembawl in sattat in na chi a hia"? a chi hi. Tua chiang in Nantal in "Phucil..Phucil..! Khauna zun oh?" a chih kik leuleu chiang in, Phucil in a dawn ngei in dawng nawn a, "Sattat in na chi hia?" chi in a dawng leuleu hi. Tua chiang in Nantal ahehsuak a, "na luang na ban sattat aw" a chih leh Phucil in sattat takpi a, Nantal leinua ah a kesuk kik leuleu hi.
Hun sawt kuamtak Nantal leinuai ah a om chiang in zi khat a nei hi. Tua chiang in Nantal in linggui suan a, "Neino muzou ding in non siam leh ka linggui suan in zan khat thu in van na kawi in", a chi hi. Tua chiang in Nantal zi in a tate kiang ah, "na pa linggui suan na bawh khiatsak pahpah kei ua leh na pa in leitung ah hong taisan mang ding hi" a chih chiang in a tate in Nantal linggui suan a bawh khiatsak pahpah uh hi. Tua chiang in Nantal in a tate kiang ah, hih ka linggui suan nong bawh khiatsak lai ua leh a botkhia masa penpen kong thatlum ding hi a chi hi. Tua khit chiang in Nantal in linggui khat suankik leuleu a,"Neino muzou ding in nong siam leh hih ka linggui suan in zan khat thu in van na kawi in" a chi hi. A zan chiang in a linggui suan in van ana kawi takpi a, Nantal leitung ah akahtoh leh a tate in papa ngai in akah nainai uh hi. Tua chiang in Nantal in a tate hehpihhuai sa ahihman in a vei le tak ah a pua kawm in lei ah akahtouhpih hang in a tate kesukkik veve uh ahihman in, Nantal bek kahtou vingveng a, leitung a tungkik hi.
Leitung a tun chiang in Phucil toh Nantal a paikhawm leuleu uh hi. "Lusuangte in Neino deihgawh leuleu uh ahihman in Neino in Lusuangte a ding in "Ai-lem a Nantal a ding in Sing' a lem hi. Ann a nek uh chiang in Nantal ang-ah sing koih a, lusuangte a ding in ai-a koih hi. Tua chiang in Neino in Nantal kiang ah thu a hilh sim hi. "Lusuangte in mual le mual hong kituahsak ding uh a, ahi zong in na en mahmah kei in, na etleh Lusuangte in, Singkuang amau ang-ah koih ding uh a, Ai-kuang pen nang ang lam ah hong heisak ding uh a, nang na si ding hi," a chih himahleh, Lusuangte in Mual le mual guam le guam, a kituahsak chiang in Nantal in lamdang sa in, bangchi bang dan hiam? chi in a en hi. A et kal in Lusuangte in singkuang amau ang-ah hei uh a, ai-kuang Nantal ang-ah a koih uh chiang in Nantal in Ai-kuang nekha ahihman in a si pah hi.
Nantal a sihkhit chiang in Neino in,"Sing ka lem..sing ka lem..Nantal a ding in sing ka lem. Ai ka lem ai ka lem Lusuangte a ding in ai ka lem," chi-in a kapkap hi. Lusuangte in Nantal a vuina mun uh Neino theisaklou uh ahihman in Neino in a zon kawikawi leh munkhat ah sial ching naupangte in la na sasa uh a, "Nantal..Nantal..! na hanmual zang ah sial ching naupangte lam liailiai uh e," a chi uh hi. Sial ching naupangte lasak Neino in a zak chiang in "Naute aw..Nantal han hong hilh un, na thih uh leh hiai a khipi tang kon pia ding hi.!" chi in a zol bawl chiang in naupangte in, hilh pah uh a, hiai mun ahi a chi uh hi. Tua chiang in Neino in "Nantal..Nantal.! na han mel lah ka theihlouh, na han mual ah sial ching naupangte lam liailiai," chi in a kah kawmkawm in, a han khuatsuk a, Nantal dip ah temta a bul lam ngat in, ama ang ah temta mukzum lam ngat in, Neino in Nantal kawisuk a,a nih un a sikhawm uh hi.
Tua khit chiang in Lusuangte thangpai heh mahmah uh a, Neino luang leh Nantal luang lakhia uh a, Gunpi gal langkhat tuak ah apai uh hi. A paihna mun uah "Neino leh Nantal" luang Tei-sing leh Zuang-sing in pou uh a ,a dawntuak ah a kikawi lai uh hi. Tei-sing leh Zuang-sing a dawntuak a kikawi leuleu chiang un, Lusuangte thangpai leuleu uh ahihman in, a khua zangbup un kuan uh a, a phuk uh hi. Lusuangte in Tei kung leh Zuang kung phukphuk uh a, tan dektak himahleh a puk nuam tuan kei hi. Lusuangte khuapih numei naupangte sing phukte sun-ann puak hong tung uh a, tua chiang in, "i sing phuk lah puknuam kei in, i gil zong kial mahmah ta, i sun-ann ne phot ni uh?" a chih khit chiang in, a sing liim nuai ah sun-ann a nek laitak un a sing phuk uh kipuk ahihman in Lusuangte sing in a delhlum khinta hi. Khosung a omlai numei naupangte heh mahmah uh a, tua singkung hal uh hi.
A halhal hang un tumkhin zoulou ahihman in, a kangtum zoulou teng tui sung ah pai uh a, tui sung a apaihte uh "Ngami" a suak hi. Tua ahihman in tuni chiang dong in lui i vak chiang in "Ngami" i mat khak leh kituahsia himhim chi in kuamah in "Ngami" aman nuam kei hi. I kitaksap luatman in lui i vak chiang in Ngami mu le hang tuahpha i kisakha hi. Ahi zong in hiai tangthu toh ngaihtuah vengveng leng, tui sung a "NGAMI" kichite pen "NEINO leh NANTAL" kha hituak mawk hi. Huai ziak in Ngami a theikha kuapeuh in man nuamlou zaw uh hi,
KAKIPAK.
Note: Gelhpah di kon chih himahleh buailuatna khat ka neih ziak in hon sunzompah manlou ka hi. Laimal gelhkhelh, gawhkhelh khak a om leh hon na zep siamsak mai un..! Ngainatu leh hon simsaktu tengteng na tung uah thumna leh kipahthu kong NGEN/GEN hi...Lungdam.
@Zomi Sumbawi
©Siamsinna leh Vakiangbu
Thupatna: Hiai tangthu ahihleh "Neino leh Tawpi,,"tawpi"chih cu "keimi" namte ahi. Huai zoh ah,"Phucil leh Nantal,te unau toh "LEINUAITE leh LUSUANGTE Toh' a tangthu abanban in hon kigelh ding ahi.
NEINO LEH TAWPI
Nidanglai in Zokhua khat ah Nungak @NeiNo kichi khat om a, nikhat Neino leh a lawmte singpua ding in a kuan uh hi. Himahleh, a lawmte in "Hei"a keng kei uh hi. Neino lawmte in kou zong na hei hon zangsak ve a chih chiang un "Neino in phallou a, ei i nu in Limsing nono, gelsing nono hong pua in hong chi hive a chih chiang in, a lawmte in zong singkangkeu peuh singbul sumpeuh khawm mengmeng ua, a khop uh a ngah chiang un a lawmnu "NeiNo ngaklou in a chiahsan uh hi.
NeiNo in zong sing hoih nono a puakkhop ding a ngah chiang in a kisuat leh a kisuan zoukei hi. A khodak leh a gal a Tawpi singtawn pua a pailai amu hi. Neino,in "ka gal a singtawn pua aw ong suan in," a chih leh, tawpi in "ong suan leng hong lau niteh,"a chih hi. Tua chiang in Neino in, "U sapsap, nau sapsap, bang di'n kong lau di'a" a chih chiang in; Tawpi in zong Neino va suan in a suatkawm in a samzang khat botsak a, khomual suangpi nuai ah a koih hi. Tua chiang in NeiNo a chi hong naa a, a thoihthoih uh hang in a dam theikei hi.
Neino nu a lungkham lua hihman in tulaitak in Neino damsak a omleh "Numei ahihleh kizawl dia, pasal a hihleh kitengsak ning" chi'n a chiam hi. Tua laitak in TawPi in a innkun ah va ngaisim a, a denchiang in va lut a, Neino nu kiang ah "Pi..den in bang na gen a e"? chi a dot leh Neino nu in, "bangmah ka gen hetkei" a chi hi. Tua chiang in Tawpi in," genmah teh genkhat na neimah ve" a chih teitei chiang in, "bangmah chi keng e, Tulaitak in ka tanu "NeiNo damsak a omleh Nu ahihleh kizawl dia, Pa ahihleh kiteng ding, chih bekh ing, " a chi hi. Tua chiang in Tawpi in, "kei ma'n thoihdam ning" chi-in suangnuai a Neino samzang va la a, Neino lutung ah a koih leh Neino a chi hong dampah hi.
Tua chiang in Neino nu in a chiamsa mah bang in "Neino leh tawpi" a kitengsak hi. A nu in, "a sa puak ding in innnuai a vokpi gou unla pia un" achi hi. Tawpi in vok an pia a, "Pi aw, hiai ahi hiam ?" a chihleh, 'hikei' a chi hi. Tua chiang in Tawpi in, "vokpi kunngak hoih heh, voktal kunngak hoih heh," a chi hi. Tua chiang in vok tuk guk khat va pai a, Tawpi in "Pi aw, hiai ahi hiam?" a chih chiang in 'hi nai kei' a chi leuleu hi. Tua khit chiang in vok tuk giat khat va pai leuleu a, Tawpi in "Pi aw, hiai ahi hiam?" a chih leh 'himah' a chi hi. Tua chiang in Tawpi inn nuai ah va tuaksuk a vok dek si a dawn hi.
Vok gil bawlbawl uh a, a tawpi in vok gilzang teng inn-nuai ah kikiat suah khembawl in, "Naupangte kiang ah ka temta kesak kha ing, va tawm un" a chih chiang in naupangte'n a tawm nuam kei uh hi. A pi in va topsak un a chih hang in Tawpi in, "kei man va tawm ning" chi in inn-nuai ah tuaksuk a, voksa gil a khiatsukte ane hi. Naupangte in en sim uh a, "Hua'h tawpi in sagil teng a ne ve" chi a akou chiang un Tawpi in "Naupang phialphual sa phialphual, Veihnamkhau a ka i-uai," a chi hi.
Tua chiang in a pi in a sa uh huan a, tawmvei huan khit chiang in tawpi in "pi aw, sa a minta hiam?" chi a adotleh 'min nai kei, Inntungte tuibuk vasim tadih in' a chi hi. Tawpi va potkhai a, hun sawtlou in va tungkikpah a,"Pi aw, sa a minta hiam?" a chih leuleu leh 'Minnai kei e, innnuaite tuibuk va sim tadih in' a chi leuleu hi. Tawpi hun sawtlou in tungkikpah a, "Pi..sa a minta hiam?" chi'n a dong thithe hi. A pi in, 'min naikei innkongte tuibuk va sim tadih in' a chih chiang in Tawpi va potkhe leuleu a, hun sawllou chik sung in tungkikpah a, a pi kiang ah "Pi aw..sa a minta hiam?" chi a adot thithe chiang in a pi in, "a zak mahmah zong chimtak ing, min in min kei leh thuk mai un" a chi hi.
Tua chiang in Tawpi in annthuk a, a ne ta uh hi. Tawpi in Neino kiang ah "Neino, nang bak bangzah na gaita a?" chi a dot leh, 'bak khat zong gai naikeng' a chi hi. Neino in Tawpi kiang ah "U aw, nang bak bangzah na geita a ?" a chileh, 'Bak 3-bak- bak-4 gaita ing' a chi hi.Tawpi in dong leuleu a, "Neino..bak bangzah na gaita a?" a chih leh 'bak khat ka gaita' achih kawm in "U..nang bak bangzah na gaita?" a chihleh 'bak 6-bak-bak-7 gaita ing' a chi hi.
Ann a nekkhit chiang un, Neino leh Tawpi leng a innlam uah pai ua, khuanawl a tun chiang un Tawpi'n Neino kiang ah "Neino aw, mi liampai in ? (khe a pai di maw, a chihna ahi) 'Miliam pai-in pai leng na ut zaw hiam?' Vazuang len in leng leng na ut zaw hiam?" chia a dot chiang in Neino in, "ei utthu ahihleh chu Vazuanglen in leng di ka ut zaw," a chih chiang in Tawpi in a mei tawh Neino zialzial a a zialkhit chiang in a lenpih vingveng hi. Tua chiang in a mouliah nu in, "Takha nu, takha nu...na ta mi in lenpihta ei," chi in kap ngutngutsa in a chiahkik hi.
Tuakhit chinag in Neino nu in taksih ngan sagih huan a, "Neino lazou dingte in hiai ka taksih ngan huan gai ding a, hiai taksih teng lomlom ding a khepi chia phasak ding hi," chi in tha a chial hi. A khuapih tangvalte in taksih ngan sagih nene uh a, a gaizou a omtuan kei hi. A taksih huan lomlom uh a, khepi chia aphasak zou a om kei hi.
Tua chiang in a khodak ua leh a gal ah "PhuCil leh NanTal" te unau ai-sawk amu uh hi. Neino nu in hua tak a "Phucil le Nantal" sam dih un?" a chih chiang in a khuapihte'n, "ei hih zawhloh hihzou mahmah kei un teh" a chisan uh hi. Neino nu in, "chi kei un hih zou kha thei ding uh hi" a chih chiang in Phucil leh Nantal sam uh a; Phucil in ne a, a gaizou kei hi. Ahizong in Nantal in anek leh gai zou a, taksih ngan sagih a lomlom leh zabel chia, khepi chia a phasak zou hi.
Tua khit chiang in amau unau Neino la ding in kuanpah vingveng ua, lampi ah a paipai ua leh munkhat ah Tawpi khekhap mu uh a, Phucil in "Nantal,Nantal, hiai a bang khe tot a?" a chih chiang in; Nantal in, "zu khetot, va khetot" a chih hi. Mailam zuan in hong pai nonta ua, munkhat ah Tawpi khekhap a na om leuleu hi. Phucil in "Nantal, Nantal, hiai a khekhap bang khekhap?" a chih chiang in; Nantal in "Mu khetot, Tawpi khetot" a chih chiang in Phucil in, "Nantal, ken ka lau" a chih chiang in; Nantal in giahbuk khat bawlsak a, a zawngno mat toh Phucil a nusia hi.
NanTal amah chauh pai vingveng a, Tawpi te omna khua a tun chiang in dainawl a nupi khat kiang ah zintung hi. Nantal in a zinnu kiang ah, "hiai a ka temta Neino hon va piaksak in" a chih chiang in a zinnu in Neino temta a va pia hi. Tua chiang in Neino in nupi nu kiang ah, "hiai banglak temta a hiam?" chi a adot chiang in Nupi nu in, "ka zinpa hon piaksak hi" a chih chiang in Neino in temta nam a, tang a tuan a Nantal gim lah a nam a; ahihleh "na zinpa hong hawh hen?" chi in Neino in Nantal a inn a hawh ding in a vaikhak hi. Huchi in Neino te kiang ah Nantal a va hawh hi.
Neino te inn hong tun chiang in, "bang hong chi tun hiam?" chi a adot leh, "Sakhi khebuh in hon nei in chin, sazuk liangdap in hong zang ding a, Ngal khaat pua in a bungbu lehlam in innka khum ah hong kah ding hi" a chi hi. Tua khit chiang in Neino in Nantal phekhual toh zialkhum a, khintung ah akoih hi. A nung sawtlou in Tawpi inn tung takpi a, Neino gen bang in, Sakhi khebuh in zang a, sazuk liangdap in nei a, ngal khaat pua in a bungbu lehlam in innka khuam ah a kahtou hi.
Tua chiang in sa ne uh a, Neino in "Momai, sa paih ni ee," Nantal sa limchi tata a paih hi. Tawpi in sa guhbawk khat la a, "khaulau sa paih ni ee," chi in sa guhbawk a paihleh Nantal taltang kha a, Nantal si apot hi. Tawpi in Neino kiang ah "Neino, i inn miliam gim a namlua" a chih chaing in Neino in, "banglak miliam gim mahmah kenteh, khintung a ka sasi koih kibua hi'n teh" a chih leh, Tawpi in "ka va en ding" a chih chiang in Neino in, "keiman va en ning" chi in Neino in va en a, Nantal sisan luang khempeuh a va nulsiangsak hi. Tua chiang in Neino in a zu neih khempeuh a pasal Tawpi dawnsak a, Tawpi zukham in a ihmu hi. Tawpi ihmut kal in Neino in a bil sikzum sa toh vuhsak a, Tawpi in "Neino, Neino, hong suam na hi di," a chih leh, banglak a suamna gen a eita," a chi hi. Tawpi a ihmut kik chiang in Neino in a bil ah gatang abatsak hi.
Tua Nantal in a suktai sagih paltan a, a inn dung a innvai kan in, a inn vengnu kiang ah, "Tawpi in hon delh sawm zenzen leh hiai ka kan teng a kan zawh bek leh hon delh hen la; kei hih bangbang ahihzoh kei leh hong delh vet kei hen" chi in a vaikhak zoh chiang in Nantal in Neino a chiahpih vingveng hi.
Tua khit sawtlou in Tawpi khanglou a, a inn vengnu kiang ah "Neino koi a hawh hiam?" chi a adot leh, a inn vengnu'n, den zek mahmah in pasal khat toh chiahta uh ei. Tawpi in delh a hon sawm leh "a suktai sagih vei hong paltan henla, a inn dung a innvai hong kan hen, hiai teng ahihzoh kei leh hon delh vet kei hen, chi in hon vaikhak" a chih chaing in, "Tawpi in a suktai pal a, a palzou kei hi. A inndung a innvai kan a akan zoutuan kei hi. Himahleh Tawpi in a delhkik veve hi.
Nantal leh Neino in tungtun pang khat ah sun ann a nek laitak un Tawpi in a va pha hi. Tawpi in va bawhpah ngam samlou in khuaivah in a va leng hiaihiai hi. Tua chiang in Pasian leh Lungzai, kihou uh a, "Miliam i gum zaw diam, saliam i gum zaw ding hiam?" a chi uh hi. Saliam in zu le sa ne leh ne loplop, miliam in zu le sa a nek chiang in pasian ana tai in, Lungzai ana tai kha in hong chi uh hi. Miliam gum zaw ni achi uh hi. Tua khit chiang in pasiante in "Nantal, Nantal, na tung a khuai lenglai vat in?" a chih chiang un Nantal in a namsau tem toh a vat leh tumnih a kisuah hi.
Nantal in Neino kiang ah, "na pasal koi ah hawh hiam?" chi a adot leh sa beng hi, ci'n dawng hi.
Tua khit chiang in Neino leh Nantal pai uh a, a upa 'Phucil' a nusiatna giahphual a tungkikta uh hi. A zawng mat pen in "I mote hong tungta ee, a na chih vial leh "Nantal in kua u kua nau thei khang chi in a zawng khekop in man a, sangkil a den leh a ta bang a tolh zuahzuah hi. A zawngsa huan uh a, a nek uh chiang in Phucil in a khe bom teng a tang kha hi. Ne ding a a kisak chiang in a zawng kheme te in Phucil tal ana sun zuazua a, a ne thei kei hi. "Ne ning chi leng hon sun zuazua" a chih chiang in Nantal in, "hon la aw, hiai nasan ne theilou" chi in suhsak a, a kuaihtan sak khit chiang in Phucil in a ne theita hi. Phucil in "Nantal, lim mahmah e, " a chi zomah lai hi.
Tua khit chiang in a thum un pai uh a, Leinuaite in Neino a deihgawh uh hi. Leinuaite in "Mual ah mual ah kua teng ana ki nil uh?" a chi uh hi. "Nantal in Phucil toh, Nantal toh, Neino toh kinil ung e, kawl khuang a salang ka kaih, ka sai tonpih na ngai un, PUNG " a chih chiang in Leinuaite a kikhin hakhak uhi.
Nantal in ka ihmut suak lua mahmah in tomchik khat kong mengme pak ding a, Leinuaite in "Mual ah mual ah kua teng na kinil uh?" ong chih chiang un "Phucil toh, Neino toh, kinil ung e" kawl khuang a salang ka kai, ka sai tonpih na ngai un, PUNG . . na chi un" ch'n a vaikhak khit chiang in Nantal a ihmu ta hi. Tua khit chiang in Leinuaite in "Mual ah, mual ah, kua teng na kinil uh?" a chih chiang un "Phucil in, Phucil toh, Nantal toh, kinil ung ee,"Kawl khuang a salang ka kaih, ka sai tonpih na ngai un 'PHENG' a chih leh Leinuaite in a nehpah huthut uh hi. Leinuaite in "Neino laksak uh a, Phucil lei, attan sak in Leinuai ah a paipih uh hi.
Tua zoh a sawtlou in Nantal khanglou a, "Neino koi ah om hiam?" chi a adot leh Phucil lei attansak uh ahihman in Phucil pautheilo in, a kiang a phaipheng phung khat a kawkkawk hi. Nantal in, "hiai ah bang om hiam?" chi a, phaipheng phung a bohkhiat leh, kuavang khat om a, kuavang sung ah Nantal a va lutsuk pah hi. Nantal Leinuaite khua a tun chiang in, "ka u lei leh Neino hong pia meng un" a chih chiang in Leinuaite in a nuihsan lel uh hi. Nantal in, "nong piakkhiat meng kei ua leh ka veih ka pek ding a, na khua uh phel langkhat leng mang ding hi. Vai ka mut ding a, na mit langkhat chiat uh a taw ding hi," a chih chiang in, Leinuaite in, "nang veihpek hang in kuamah khua phel langkhat leng ken teh. Nang vai muut hang in kuamah mit langkhat lah taw zenzen ken teh," a chihsan uh hi. Tua chiang in Nantal in a veih a pek leh Leinuaite khua phel langkhat lengmang vengveng a, vai a muut leh Leinuaite mit langkhat tek a taw pah hi. Tua chiang in Leinuaite in a u lei leh Neino a pia uhi.
Tua chiang in Nantal in Neino leh a u lei leitung ah kahtouhpih ding in "Phucil..phucil..! Khau na zun oh"? a chih chiang in Phucil in khau na zunzun a, Neino leh Phucil leii, leitung ah a tungto pah hi. Tua khit chiang in Nantal kahtoh sawm leuleu a,"Phucil..phucil..! khau na zun oh"?a chih chiang in Phucil-in Neino deihgawh ahihman in kizak khembawl in sattat in na chi a hia"? a chi hi. Tua chiang in Nantal in "Phucil..Phucil..! Khauna zun oh?" a chih kik leuleu chiang in, Phucil in a dawn ngei in dawng nawn a, "Sattat in na chi hia?" chi in a dawng leuleu hi. Tua chiang in Nantal ahehsuak a, "na luang na ban sattat aw" a chih leh Phucil in sattat takpi a, Nantal leinua ah a kesuk kik leuleu hi.
Hun sawt kuamtak Nantal leinuai ah a om chiang in zi khat a nei hi. Tua chiang in Nantal in linggui suan a, "Neino muzou ding in non siam leh ka linggui suan in zan khat thu in van na kawi in", a chi hi. Tua chiang in Nantal zi in a tate kiang ah, "na pa linggui suan na bawh khiatsak pahpah kei ua leh na pa in leitung ah hong taisan mang ding hi" a chih chiang in a tate in Nantal linggui suan a bawh khiatsak pahpah uh hi. Tua chiang in Nantal in a tate kiang ah, hih ka linggui suan nong bawh khiatsak lai ua leh a botkhia masa penpen kong thatlum ding hi a chi hi. Tua khit chiang in Nantal in linggui khat suankik leuleu a,"Neino muzou ding in nong siam leh hih ka linggui suan in zan khat thu in van na kawi in" a chi hi. A zan chiang in a linggui suan in van ana kawi takpi a, Nantal leitung ah akahtoh leh a tate in papa ngai in akah nainai uh hi. Tua chiang in Nantal in a tate hehpihhuai sa ahihman in a vei le tak ah a pua kawm in lei ah akahtouhpih hang in a tate kesukkik veve uh ahihman in, Nantal bek kahtou vingveng a, leitung a tungkik hi.
Leitung a tun chiang in Phucil toh Nantal a paikhawm leuleu uh hi. "Lusuangte in Neino deihgawh leuleu uh ahihman in Neino in Lusuangte a ding in "Ai-lem a Nantal a ding in Sing' a lem hi. Ann a nek uh chiang in Nantal ang-ah sing koih a, lusuangte a ding in ai-a koih hi. Tua chiang in Neino in Nantal kiang ah thu a hilh sim hi. "Lusuangte in mual le mual hong kituahsak ding uh a, ahi zong in na en mahmah kei in, na etleh Lusuangte in, Singkuang amau ang-ah koih ding uh a, Ai-kuang pen nang ang lam ah hong heisak ding uh a, nang na si ding hi," a chih himahleh, Lusuangte in Mual le mual guam le guam, a kituahsak chiang in Nantal in lamdang sa in, bangchi bang dan hiam? chi in a en hi. A et kal in Lusuangte in singkuang amau ang-ah hei uh a, ai-kuang Nantal ang-ah a koih uh chiang in Nantal in Ai-kuang nekha ahihman in a si pah hi.
Nantal a sihkhit chiang in Neino in,"Sing ka lem..sing ka lem..Nantal a ding in sing ka lem. Ai ka lem ai ka lem Lusuangte a ding in ai ka lem," chi-in a kapkap hi. Lusuangte in Nantal a vuina mun uh Neino theisaklou uh ahihman in Neino in a zon kawikawi leh munkhat ah sial ching naupangte in la na sasa uh a, "Nantal..Nantal..! na hanmual zang ah sial ching naupangte lam liailiai uh e," a chi uh hi. Sial ching naupangte lasak Neino in a zak chiang in "Naute aw..Nantal han hong hilh un, na thih uh leh hiai a khipi tang kon pia ding hi.!" chi in a zol bawl chiang in naupangte in, hilh pah uh a, hiai mun ahi a chi uh hi. Tua chiang in Neino in "Nantal..Nantal.! na han mel lah ka theihlouh, na han mual ah sial ching naupangte lam liailiai," chi in a kah kawmkawm in, a han khuatsuk a, Nantal dip ah temta a bul lam ngat in, ama ang ah temta mukzum lam ngat in, Neino in Nantal kawisuk a,a nih un a sikhawm uh hi.
Tua khit chiang in Lusuangte thangpai heh mahmah uh a, Neino luang leh Nantal luang lakhia uh a, Gunpi gal langkhat tuak ah apai uh hi. A paihna mun uah "Neino leh Nantal" luang Tei-sing leh Zuang-sing in pou uh a ,a dawntuak ah a kikawi lai uh hi. Tei-sing leh Zuang-sing a dawntuak a kikawi leuleu chiang un, Lusuangte thangpai leuleu uh ahihman in, a khua zangbup un kuan uh a, a phuk uh hi. Lusuangte in Tei kung leh Zuang kung phukphuk uh a, tan dektak himahleh a puk nuam tuan kei hi. Lusuangte khuapih numei naupangte sing phukte sun-ann puak hong tung uh a, tua chiang in, "i sing phuk lah puknuam kei in, i gil zong kial mahmah ta, i sun-ann ne phot ni uh?" a chih khit chiang in, a sing liim nuai ah sun-ann a nek laitak un a sing phuk uh kipuk ahihman in Lusuangte sing in a delhlum khinta hi. Khosung a omlai numei naupangte heh mahmah uh a, tua singkung hal uh hi.
A halhal hang un tumkhin zoulou ahihman in, a kangtum zoulou teng tui sung ah pai uh a, tui sung a apaihte uh "Ngami" a suak hi. Tua ahihman in tuni chiang dong in lui i vak chiang in "Ngami" i mat khak leh kituahsia himhim chi in kuamah in "Ngami" aman nuam kei hi. I kitaksap luatman in lui i vak chiang in Ngami mu le hang tuahpha i kisakha hi. Ahi zong in hiai tangthu toh ngaihtuah vengveng leng, tui sung a "NGAMI" kichite pen "NEINO leh NANTAL" kha hituak mawk hi. Huai ziak in Ngami a theikha kuapeuh in man nuamlou zaw uh hi,
KAKIPAK.
Note: Gelhpah di kon chih himahleh buailuatna khat ka neih ziak in hon sunzompah manlou ka hi. Laimal gelhkhelh, gawhkhelh khak a om leh hon na zep siamsak mai un..! Ngainatu leh hon simsaktu tengteng na tung uah thumna leh kipahthu kong NGEN/GEN hi...Lungdam.
@Zomi Sumbawi
©Siamsinna leh Vakiangbu
Comments
Post a Comment