LUAILEENG PAAK
By ~ Rian Quptoong
Vansiin nuai a sakmel hoihpen mizatamte maimit suanna baat nuam mah le uh a naa pulh nangawn louban lou uhi.
Zolianu dawhdaan hong kilak hun in mipi tampite amah munuam in, kiphu noinoi maidan uh. Khenkhat lah kipak in awng zua-zua uhi. A ningkhat a Derek leng Zoliannu a galmuh ziak in na tu maimai theisam lou in daak laek-laek maisam hi.
Bangziak pentak hiam mite'n huchi tel lawmlawm a angaihsang uh, nungak dang tampi om napi in a hoihna thuguuk zaw om mah hi'nte mo? Zatamlai ah kuamah theihpih louh in, Derek leng ana lungkuai zoumawk hi.
Zoliannu amel lah hoih, huai mai hilou a sam, a mit-hah natawm etlawm mahmah hi. Numei lamdang tak zaw ahi.
Amah nung a nungak dang hong pai dingte adi'n lithuai, haksapi guan bangsim hi. Gentamai leng, miss zouvakhu khuksak louh theih louh dinmun a bang hi. Ahangbel Zolianu zatamte mitsuan chimlouh leh lungkuai himawk ven. Hiai minu'n zaw cituamna neimah hi.
Endiktute'n leng hoihsa chiat uh hileh kilawm lallukhu khuksak maisawm le uh kilawm hi. Melhoih lahna tuh hong zou petmah ta uhi.
Thupuang tu in kin leh buang in khatna hong puangpah inMiss Zolianu in khatna la.... Mipite bang husa'n vangpi thawn hial hi. Derek leng a na kipaak lawsam hi'n teh lawplua kha zawzen hi. Zoliannu ana sihpih dikhop a gukngaih mikhat na hisam hi.
Miss Zolianu thumah khotang houlimna hong suak ta hi. Mite'n ngaisang in genmang moh uh. A pasal hihsawm in Tangpaal zatamtakte kitaiteh uhi. Khenkhat lah a lungtunna ding zong pawl lah beilou; hiai bangteng ziak in Tangpaal zatamte di'n Zolianu simlei a mimbang na pianglou himai leh a cih hun bang uh tam hi.
Hun hong paizel a Zolianu leng hong piching simta, pasal hong deih simta hi. Tangpaal zatam lai a tel ding theisam lou in khosung vaihawmte samkhom in tangval amah ngaina teng toh nikhat tuh hong tukhom uhi.
Huchi in tangvalte hong ding souhsouh in akhen in kei laisiam, khenkhat in lah kei khothang-siampu, khat taget in nuihchiam bawsiam ka hi ci leuleu.
Lamkhat ah Zolianu a melhoih mahmah hang in kingaineu in tung-hah mina hilou vanglak hi. Hiaite ziak mah a diam, a pasal ding mi tampi lak a zong ngai? !
Tangpaal zatamte'n pan naktak in la mah le uh, Zolianu lungsim a kuaizou samkei uhi. Derek in leng bang teng hileh amah leng tangpaal kisa in hong chiah in hong kipankhehta hi. Lianu mai a ahihtheih teng hong suahta hi. Kei Derek in kum zatam mualliam hunte ah nang Zolianu maimit ka suan chimlouh leh khovel a ka lungkuai pen na hi.
Micih lai a pilna, siamna neih leh lam in, bangmah nei kei mah leng bangdang hon pethei kei ing. Itna lou ngal azu-ahaam thuakngap in nang di'n hong kipenuam lua ing. Naubang na sangsak aw! Tualniam tanglungmawl vabang pillou hong chihguih leh Zolianu lungsim teibang a sut in naa zouhial hi.
Zolianu in nang bang mipil vang mahmah e ka sinlai gulingbang dou nalua, ka lungsung na luahkhin tangpaal zatampi om mah leh nang bang mi ka damsung a ka muh patna ahi. Mi tampite'n a siamna uh a theihnate uh, hong lak ua, akhen in lah Gou leh gam a neihte uh leh a thupinate bang un hong zawl mah le uh huaite sang in ken na Itna mah thupi ka sa hi.
Nang Derek chikmah a ka hong meltheih hikei mah le chin, hiai Itna ka tanvuallouh ding kei a dia, Na hong luikhiak ngam pen thupi kon salua, kon ngaisang top mai ka cih ,a dangte'n zaw, Itna thu hong genpih kei ua, a thupinate uh, a thilhih theihnate uh hong lak lel uhi.
Zolianu tu'n Itna diktak nang apa'n ka muta khovel a nang bang mi na pianglou hileh kei lia khat selung zuang a tuul mai ding ka geel chiah, kipahna'n ka dimzouta hi. Lungsim damna leh na hoihnate zarzou nuam ing naubang ka hong sang hi.
Lehlam pang a mihing ngaihtuahna dan in suangtuah taleng, Zolianu deihtelna tulai mite'n pomhaksa sim ding hi. Ahangbel, khovel kitaitehna lak a haksatna teel toh kibang sim hi. It leh ngaih toh sihzou pok meh khawm ding teel zaw hi.
Nang leh ken Sum leh pai mah ci hang a ? Huchi mah bang in Zolianu pen khovel thupina leh nopsaknate ah na taikhin hi. Lallukhu hial khu mah leh Itna na mulou mah a diam? Ahìhkeh, Gou-leh-gam thupinate, nopsaknate, chiimtak mah adiam! Lawm nang tuni in bang na tel dia? Hehpih leh khongaih in Luaileeng pak hong lak theina om uh leh? munuam sam ing apaak mulou na pi in hiai paak etlawm a chih uh ka mu utlua.
BEITA
©Siamsinna leh Vakiangbu
Vansiin nuai a sakmel hoihpen mizatamte maimit suanna baat nuam mah le uh a naa pulh nangawn louban lou uhi.
Zolianu dawhdaan hong kilak hun in mipi tampite amah munuam in, kiphu noinoi maidan uh. Khenkhat lah kipak in awng zua-zua uhi. A ningkhat a Derek leng Zoliannu a galmuh ziak in na tu maimai theisam lou in daak laek-laek maisam hi.
Bangziak pentak hiam mite'n huchi tel lawmlawm a angaihsang uh, nungak dang tampi om napi in a hoihna thuguuk zaw om mah hi'nte mo? Zatamlai ah kuamah theihpih louh in, Derek leng ana lungkuai zoumawk hi.
Zoliannu amel lah hoih, huai mai hilou a sam, a mit-hah natawm etlawm mahmah hi. Numei lamdang tak zaw ahi.
Amah nung a nungak dang hong pai dingte adi'n lithuai, haksapi guan bangsim hi. Gentamai leng, miss zouvakhu khuksak louh theih louh dinmun a bang hi. Ahangbel Zolianu zatamte mitsuan chimlouh leh lungkuai himawk ven. Hiai minu'n zaw cituamna neimah hi.
Endiktute'n leng hoihsa chiat uh hileh kilawm lallukhu khuksak maisawm le uh kilawm hi. Melhoih lahna tuh hong zou petmah ta uhi.
Thupuang tu in kin leh buang in khatna hong puangpah inMiss Zolianu in khatna la.... Mipite bang husa'n vangpi thawn hial hi. Derek leng a na kipaak lawsam hi'n teh lawplua kha zawzen hi. Zoliannu ana sihpih dikhop a gukngaih mikhat na hisam hi.
Miss Zolianu thumah khotang houlimna hong suak ta hi. Mite'n ngaisang in genmang moh uh. A pasal hihsawm in Tangpaal zatamtakte kitaiteh uhi. Khenkhat lah a lungtunna ding zong pawl lah beilou; hiai bangteng ziak in Tangpaal zatamte di'n Zolianu simlei a mimbang na pianglou himai leh a cih hun bang uh tam hi.
Hun hong paizel a Zolianu leng hong piching simta, pasal hong deih simta hi. Tangpaal zatam lai a tel ding theisam lou in khosung vaihawmte samkhom in tangval amah ngaina teng toh nikhat tuh hong tukhom uhi.
Huchi in tangvalte hong ding souhsouh in akhen in kei laisiam, khenkhat in lah kei khothang-siampu, khat taget in nuihchiam bawsiam ka hi ci leuleu.
Lamkhat ah Zolianu a melhoih mahmah hang in kingaineu in tung-hah mina hilou vanglak hi. Hiaite ziak mah a diam, a pasal ding mi tampi lak a zong ngai? !
Tangpaal zatamte'n pan naktak in la mah le uh, Zolianu lungsim a kuaizou samkei uhi. Derek in leng bang teng hileh amah leng tangpaal kisa in hong chiah in hong kipankhehta hi. Lianu mai a ahihtheih teng hong suahta hi. Kei Derek in kum zatam mualliam hunte ah nang Zolianu maimit ka suan chimlouh leh khovel a ka lungkuai pen na hi.
Micih lai a pilna, siamna neih leh lam in, bangmah nei kei mah leng bangdang hon pethei kei ing. Itna lou ngal azu-ahaam thuakngap in nang di'n hong kipenuam lua ing. Naubang na sangsak aw! Tualniam tanglungmawl vabang pillou hong chihguih leh Zolianu lungsim teibang a sut in naa zouhial hi.
Zolianu in nang bang mipil vang mahmah e ka sinlai gulingbang dou nalua, ka lungsung na luahkhin tangpaal zatampi om mah leh nang bang mi ka damsung a ka muh patna ahi. Mi tampite'n a siamna uh a theihnate uh, hong lak ua, akhen in lah Gou leh gam a neihte uh leh a thupinate bang un hong zawl mah le uh huaite sang in ken na Itna mah thupi ka sa hi.
Nang Derek chikmah a ka hong meltheih hikei mah le chin, hiai Itna ka tanvuallouh ding kei a dia, Na hong luikhiak ngam pen thupi kon salua, kon ngaisang top mai ka cih ,a dangte'n zaw, Itna thu hong genpih kei ua, a thupinate uh, a thilhih theihnate uh hong lak lel uhi.
Zolianu tu'n Itna diktak nang apa'n ka muta khovel a nang bang mi na pianglou hileh kei lia khat selung zuang a tuul mai ding ka geel chiah, kipahna'n ka dimzouta hi. Lungsim damna leh na hoihnate zarzou nuam ing naubang ka hong sang hi.
Lehlam pang a mihing ngaihtuahna dan in suangtuah taleng, Zolianu deihtelna tulai mite'n pomhaksa sim ding hi. Ahangbel, khovel kitaitehna lak a haksatna teel toh kibang sim hi. It leh ngaih toh sihzou pok meh khawm ding teel zaw hi.
Nang leh ken Sum leh pai mah ci hang a ? Huchi mah bang in Zolianu pen khovel thupina leh nopsaknate ah na taikhin hi. Lallukhu hial khu mah leh Itna na mulou mah a diam? Ahìhkeh, Gou-leh-gam thupinate, nopsaknate, chiimtak mah adiam! Lawm nang tuni in bang na tel dia? Hehpih leh khongaih in Luaileeng pak hong lak theina om uh leh? munuam sam ing apaak mulou na pi in hiai paak etlawm a chih uh ka mu utlua.
BEITA
©Siamsinna leh Vakiangbu
Comments
Post a Comment