LAIKHAK NANUNG
By ~ Sang Hilsia
A mel ah kipahna leh beidotna, lungmuanna leh litna kipolhte et a haksa ngei mai! Ka en lou ngam kei a, a sakmel ka en cim thei sam kei!! A lu ka phei tung ah nga in ka pom a, sihna khut vot in ka iit, ka etcimlouh, ka ngaih mahmah a baan a len a paipih lellel ahi si a. Manbet thei hileng ka ut ngei mai!!
Bang ci tuk a haksa tuak hiam, ka kiang a pat a paikhiat di lin mahmah kawm a a thuak zoh louh khop a a hinna laksawm tu natna cu ka hua ahi. Ka ho lua petmah!!
Ahihtheih bang tawk in hon en tou a, ka biang a mittui luang zungzung te hon nulhul sak sawm mah leh a hatna in a ci'n nawn ngal kei a.A taksa, sigui zaam leh thaguite'n a paisan taak uh ka en a, a vun hoih leh nou nalhtakte'n hoihna leh deihhuaina himhim a nei nawn ta kei. Pang hih lum di takngial nei nawn lou cu ka pom vongvong a. "Hinkhua leh a vullaite a tom ngei maw." Ka genzom nawn ma in a mit a kipat mittui a hong luangkhia a, ka genzom thei nawn kei.
Duat tak in a mittui ka nulsak a, hon entou a, peihlou pi pi in a hong nui a. A nuihmai in ka lungkhamna a kaithou ngei mai.Lupna kiang a midang omte a enkual denden a, midangte'n hehpihna leh lainatna ziak in nuailam a etsan zaw ua...A ling a, gim mahmah kawm in a naak a, a hon paisan hak kei di cih cu haih vual ahi kei. Ka mangbang ngei mai!!"Hon paisan ken aw.. Hon paisan mahmah ken aw.." Ka ci molhmolh a.
Awl in a hong hak a, a hong naak kuaikuai a, a hong halh deuh a ka theih ziak in ka kipak petmah hi. Awl in a muk a hong phun sepsep a, a muk kiang ah ka kuun niam a, "Ka gim lua, kon paisanta mai di aw.." A hon ci a."Hon paisan mahmah ken, kon ngai lo voi. Nang tellou in ka om thei kei di. Hon paisan ken aw, kon ngai, kon ngai lua.." Ka ci a. Ka mittui cu dan vual ahi nawn ta kei.
"Ken le kon ngai. Kon ngai lua, himahleh ka pai hunta ahi. Ka na pai masa dia, van kongkhak ah kon na dawn di aw..""Hi lou, ka duat aw. Gen nawn ken, na gimlua. Ka ut kei, kon paisak tuan kei di.. Hon paisan ken." Ka pom kip deuhdeuh a.
"Ka iit aw, kei le na kiang a om det ka ut lua. Himahleh a hi thei kei a. Sih ka lau kei, himahleh na kiang a ka om theih nawn louh di haksa ka sa lua."Ka kap khe zoihzoih a, " Ka iit aw, kon phal thei kei, a hun nai kei, i kiteng dia, ta i nei dia, i tute a hong let ciang un i kipaisan theita di i cih hilou mo.. Ten le i kiteng nai sam a.."
"Ka hihkhial, hon ngaidam in aw.. Na kiang a omden thei dia ka kigintak ziak ahi.. Ka duat hon ngaidam in aw..""Kon ngaidam kei di, kon ngaidam thei kei di. Non paisan in zaw bangcik mah ciang in kon ngaidam ngei kei di.." Ka aw suak di le ka nei zou nawn kei, kap kawm in ka pau a. Pau kawm in ka kap zoihzoih a."Kon iitlua, hon pom in. Non pom vangta awm si a, kiptak in hon pom in. Ka gim gawp.."
Kap kawm in ka pom a, " Hon paisan mahmah ken aw.. Hon paisan mahmah ken.." Cih kan gen di ka thei kei..."I ki iitna thu i tate kiang a hilh zel di na cih na thei den lai mo?" Ka lu ka su ngauhngauh a. Ka mittui ziak in hak le ka hak hoih thei nawn kei a."I ki iitna thu nang beek in i tate kiang ah ana hilh in aw, i deih louh dan tak in a tawp dekta ngal a, nana hilh na di mo?" Ka dawng thei kei. Ka hi thei himhim kei.
"Zi-le-ta na neih ciang in, na zi-le-ta ka iit cih hon na hilh sak in aw. Na zi in hon haza ken teh mo?" Ka lungtang puakkham di ahi ta. Ka kiang a om tengteng le a kisuum zou a om sam kei ua..
A pau awl hiaihiai a, "Ka iit aw, hon tawp in. Kon ngailua, kon iitlua." A hon ci a. A muk ah deihthoh tak in ka tawp a..A mit a kipat mittui hong luangkhia leh ka mittui a biang ah kituak khawm in, ka baan ah a luang suk ngiaingiai a..
A taksa zoi mahmah leh lumna himhim nei nawnlou, vot mahmah mai cu ka zuut hiauhiau a. Ka tung a lungmuang tak a a om kawm in, omlai (natna) in a pi ta. Hinna nei nawn lou cu ka tawp tenten a. Bangcik hun ciang in dawnbang tuak diing hiam?
©Siamsinna leh Vakiangbu
A mel ah kipahna leh beidotna, lungmuanna leh litna kipolhte et a haksa ngei mai! Ka en lou ngam kei a, a sakmel ka en cim thei sam kei!! A lu ka phei tung ah nga in ka pom a, sihna khut vot in ka iit, ka etcimlouh, ka ngaih mahmah a baan a len a paipih lellel ahi si a. Manbet thei hileng ka ut ngei mai!!
Bang ci tuk a haksa tuak hiam, ka kiang a pat a paikhiat di lin mahmah kawm a a thuak zoh louh khop a a hinna laksawm tu natna cu ka hua ahi. Ka ho lua petmah!!
Ahihtheih bang tawk in hon en tou a, ka biang a mittui luang zungzung te hon nulhul sak sawm mah leh a hatna in a ci'n nawn ngal kei a.A taksa, sigui zaam leh thaguite'n a paisan taak uh ka en a, a vun hoih leh nou nalhtakte'n hoihna leh deihhuaina himhim a nei nawn ta kei. Pang hih lum di takngial nei nawn lou cu ka pom vongvong a. "Hinkhua leh a vullaite a tom ngei maw." Ka genzom nawn ma in a mit a kipat mittui a hong luangkhia a, ka genzom thei nawn kei.
Duat tak in a mittui ka nulsak a, hon entou a, peihlou pi pi in a hong nui a. A nuihmai in ka lungkhamna a kaithou ngei mai.Lupna kiang a midang omte a enkual denden a, midangte'n hehpihna leh lainatna ziak in nuailam a etsan zaw ua...A ling a, gim mahmah kawm in a naak a, a hon paisan hak kei di cih cu haih vual ahi kei. Ka mangbang ngei mai!!"Hon paisan ken aw.. Hon paisan mahmah ken aw.." Ka ci molhmolh a.
Awl in a hong hak a, a hong naak kuaikuai a, a hong halh deuh a ka theih ziak in ka kipak petmah hi. Awl in a muk a hong phun sepsep a, a muk kiang ah ka kuun niam a, "Ka gim lua, kon paisanta mai di aw.." A hon ci a."Hon paisan mahmah ken, kon ngai lo voi. Nang tellou in ka om thei kei di. Hon paisan ken aw, kon ngai, kon ngai lua.." Ka ci a. Ka mittui cu dan vual ahi nawn ta kei.
"Ken le kon ngai. Kon ngai lua, himahleh ka pai hunta ahi. Ka na pai masa dia, van kongkhak ah kon na dawn di aw..""Hi lou, ka duat aw. Gen nawn ken, na gimlua. Ka ut kei, kon paisak tuan kei di.. Hon paisan ken." Ka pom kip deuhdeuh a.
"Ka iit aw, kei le na kiang a om det ka ut lua. Himahleh a hi thei kei a. Sih ka lau kei, himahleh na kiang a ka om theih nawn louh di haksa ka sa lua."Ka kap khe zoihzoih a, " Ka iit aw, kon phal thei kei, a hun nai kei, i kiteng dia, ta i nei dia, i tute a hong let ciang un i kipaisan theita di i cih hilou mo.. Ten le i kiteng nai sam a.."
"Ka hihkhial, hon ngaidam in aw.. Na kiang a omden thei dia ka kigintak ziak ahi.. Ka duat hon ngaidam in aw..""Kon ngaidam kei di, kon ngaidam thei kei di. Non paisan in zaw bangcik mah ciang in kon ngaidam ngei kei di.." Ka aw suak di le ka nei zou nawn kei, kap kawm in ka pau a. Pau kawm in ka kap zoihzoih a."Kon iitlua, hon pom in. Non pom vangta awm si a, kiptak in hon pom in. Ka gim gawp.."
Kap kawm in ka pom a, " Hon paisan mahmah ken aw.. Hon paisan mahmah ken.." Cih kan gen di ka thei kei..."I ki iitna thu i tate kiang a hilh zel di na cih na thei den lai mo?" Ka lu ka su ngauhngauh a. Ka mittui ziak in hak le ka hak hoih thei nawn kei a."I ki iitna thu nang beek in i tate kiang ah ana hilh in aw, i deih louh dan tak in a tawp dekta ngal a, nana hilh na di mo?" Ka dawng thei kei. Ka hi thei himhim kei.
"Zi-le-ta na neih ciang in, na zi-le-ta ka iit cih hon na hilh sak in aw. Na zi in hon haza ken teh mo?" Ka lungtang puakkham di ahi ta. Ka kiang a om tengteng le a kisuum zou a om sam kei ua..
A pau awl hiaihiai a, "Ka iit aw, hon tawp in. Kon ngailua, kon iitlua." A hon ci a. A muk ah deihthoh tak in ka tawp a..A mit a kipat mittui hong luangkhia leh ka mittui a biang ah kituak khawm in, ka baan ah a luang suk ngiaingiai a..
A taksa zoi mahmah leh lumna himhim nei nawnlou, vot mahmah mai cu ka zuut hiauhiau a. Ka tung a lungmuang tak a a om kawm in, omlai (natna) in a pi ta. Hinna nei nawn lou cu ka tawp tenten a. Bangcik hun ciang in dawnbang tuak diing hiam?
©Siamsinna leh Vakiangbu
Comments
Post a Comment