AW NANG KHEMHAT FACEBOOK

By ~ XB Naulak 

AW NANG KHEMHAT FACEBOOKA tung in zaw hi chi din le ka gingta kei. Ka utziak leh tup ziak hi lou in ka lungsim a mun awng teng a luah dimta. Itna tuipi a tum aihkeh buaina khukpi a kia ka hong hi ta hi. Khakhat val bang fb ah hun ol neih chiang in ka kihou den sek ua ; a online manlouh chiang bang in bukim lou kisakna in ka dim hi. Itna ziak a omlai vei in zalkhun tung pan chik leh a siang ah itna simthu ka lel ding ni hong suak ding hiam chih khong ngaihtuah a thazawii ngoihngoih leh itna ziak a bah leh beidong tak a ka om lai in. Ka melmuh lou tongsan hong ging a ka etleh ka gingta kei a , ka mitbang ka hak puam zezen hi. Ka kinep louhpi in a hon call mawk a ka nervous bang suak in ling poppop zen in ka pick-up pah theikei zezen hi. hehehe..  Hello...Xb Naulak hia ? Hi, himah e . uSang chi in hon sam lechin chi in ka ciamnuih suk pah hi. Zan a tuailaite'n ka blanket sawpna uah ka fone tuilak ah ka sukekha a online theilou ka hi, lwmte fone a kon hilh maimai hon chi a. Ken le ka lawmpa'n le sukia kha eive ka chithuk a. Ka koihphot d leh kimu nawn pahni a hoih chiah chi in hon koihsan hi.

A Profile picture hoihziak leh ka ki contact tam ziak ua ana ngaigop mah ka hihman in a aw zak lel leng kei din sisa hong hing thak bang hial in kipahna a suak hi. Damlou a lupna tung a lumden ka hih ziak in ka ngaihtuahna a saupai mahmah mai. Nitamlou nung in ka ki inbox pan nawn ua mungei nailou hi mah leng ana vei lua khin ka hih man in ka itna thu gensuk mai ka swm a; bang a chi ngaih dia o, fb chauh a kithei a kimu ngeiloupi, hai hon salua dia o ! chikhong ngaihtuah in ka gelhsa tam veipi mahmah ka delete thak zel hi. A tawptawp in a online theihlou bang hon hilh a hih chia hope om thou chi in hicin kon gen panta hi.....

"atak a mel kimu ngeilou himahleng i kihou zelnate leh na aw nemtakte ziak in ka ut thu hilou in im zohvuallou in kon na ngaita,chitlouhna leh zumnate ziak a kon itna simthu hon lel lou din hatna himhim ka neinawn kei, a tung in hichi tan tung din ka kigingta kei . Himahleh tun aw ka lungtang mun awng teng na luah dimta,nang toh lou a hinkhua zat ding ngaihtuah ngam nawn keng !! Hon theisiam inla kei dia mun a awn laileh ka itna thu mawl chik a kon gen hon sansak in aw, kon na it gige a ka hon ittou zel lai theih na din, " chi in hiai teng ka khak hi. Ka kho ul bang in hon pum tuam zezen a a, hon thuk nawn ngak in lung nuamlou tak in ka om liailuai hi. Hon thuk hak na e, imu man ahi d chi a kei le kei kikhamuan in zingchia hong thuk ding kinem in kei leng lungmuangtak in ka imu sukta mai ding, Mangpha uais lawmte..hehehe.

A zing nawn baihtak a ka online leh hon dawnna ana om a hicin hon gen hi. ....

" uSang, na taktak hia ? Tua bang kamkhum ka zak nopna hun sawtpi eita ve, tun zaw sileng le lungkimtak in ka sitheita d. Non itlai teng nang a ka hi den ding."

S i zenzen lou e, ka hinna leh ka hon san na hi chi kon gen khin hilou maw ! kon itden ding ka chi thuk hi.. Kei it bang a hon it thuk sam ahi chih ka theih in hon kipaksak mahmah a ka damlouhna apan damkhiak meng a , amah toh khen nawnlou a tangtawn a hinkhawm det utna bang hon pehial hi. Ka kiang a om hi ngeingei leh ka ang a kiptak a pom in ka itna muk a top tenten din ka kigngta hi. Lungnuamtak leh kipaktak a ka omlai in ka lawmhoih mahmah khat hong pawt a; eh ! kipah melna chia na melbang a vaktuan in ka thei hon chi a, ken leng nungak thak leh ka itpen kei a ahihtak dan ka hilh hi. Fb ah hiai bang a kimulou a kingaihpih theih di numei bel om tham mah inteh, ahih ziak in, na damsung a na tulpih ding in tua bang numeite na deih taktak dia hia ? Na muh ngei nai le hilou mibang chi ahia chih le na theih chiang louhte itna taktak toh na tate nu din na damsung na pom ngam taktak na diam ?Nikhat tei navang hong kihei dia, na hihna hong mangthang hen la, khudoh a vak ding hita lechin, tua bang mite'n na nung hon thuap ding un na gingta hia? Itna kici zaw thil lamdang petmah, anuam leh haksa a zong ginom tawntung ei ngalve. Zum le zah khuallou in, tua na itpen a ginom kei d ka ch na hilou in; hon chi a . Thu tuamtuam ka houlim zoh un hon paisan ta hi..

A pai nung in a thugente ka lungsim ah chiang taktak in a ging fokfok den hi. Himahleh itna tengteng ka piaksa lakik thei nawn vual ka hihlouh manin ka itpen kon message pan nawnta hi. Beidng tak leh khovel a hinkhua zang ut nawnlou khop a ka omlai in thathak nawn guan a ka kipak lua kong dam meng dia hun nuam zang in khatvei i pawtkhawm dia, alem leh kon pisuak ngal di, ka chih leh hi thamtham e, Nong dam kal eivoi i ngak lah hon chithuk hi.

Swtlou nung in kei leng hatdeuhta in nasepna sunzawm zou in kong omta hi. Pathianni sun khat kimuh ka sawm leh lem hon sakpih a, kimuhna di mun hon gen a , huai mun a vapai din kong kisata hi. Numeite thoupi bang mai a a uihna mun boh lutlut uh chih dan deuh in pasal hausa leh anei zouzou aboh nuam uh chi in kei le nuh theih tuamtuam kinuh in itpen toh kimuh di ka hih chiah smart deuh leh neizou tak bang in a gift di khong tawi in CBR bike in amun lam ka zuan vengveng ta hi. Dakkal khat bang dohzou tak a ka ngak nung inle a hong tung kei a, kei le lungkia kisa in ka gift tawi amun a nusia in inlam ka zuan kik nawn hi. Aw.... Nang numei na propic innocent in a hoihhoih maizen toh, zuau gen thei kei lechin kilawm ka chi vungvung hi.

Ka tun a fb ka lut leh ana online a ken le ka houpih pah a hong pailouh ziak ka dot leh, a inn ua programe khat neih guih ua hong pai manlou ahih dan hon gen a. Ka heh mahmah a lah ka hehsan ngam taktak kei zel hi. Mi dang in na lim khong hon comment ua, na fuhlua, na hoihlua, kon STAR lua, khong a hon chih maimai ua lungkim na hi hiam ? Ken zaw gen mai a le genbei zoh louh dia hon it ing a comment kon piak chia le ka lungsim tawng apat eive ka chi i. Ngaihdam hon ngen a lung nuamlou a omlou ding leh zing nitaklam 4pm a Agape Children Park a kimu din hon gen a, ken le lem ka sakpih nawn zel hi. Denzek chiang in khovel huih nung hong kikheng dia, a lungsim hong kikheng guih kei ding chih kuan a gen thei a ? Mihng zaw om khawm tam peuh leng kingaih mah ana hi lel ve aw. Numeite diakkhol houh tuni a athugen uh zingciang a vailak zunthak bang sak maitheite hi ua; huchih hun a lah kisuanglahna himhim neilou, khelhna nei hetlou bang mai a khovel vak en ngamte hizel si ua. Khovel a khelhna hong lutna ding in numei kichi lungsim kichianlou leh kiplou ngei tuh setan in zong ana telfuh khelkhel ngei mai !! chih khong ka ngaih tuahtuah lai in ka theilouh kal in ka na imu kha hi. Ka khanloh in zing dak 8am ana gingta a. Tuni a kimu di a chih a taktak mah adia o !! chi in ka lungbuai lua phing hi. 

Sun a nna teng ka sepzoh in munuam ka hih chiah bang teng hileh ka vapai nawn himhim di, chi in ka chiamna munlam zuan in ka tai vengveng a, amun ka tun in, naupang kimawl khong ana om mahle uh " ka melmuhlouh vangngaih a tongdam naubang ka san chimlouh " didan himhim kua mah ka mu kei hi. Sawttak ka ngak nung inle hong kilang kei zel a lungkia leh thazoitak in inlam zuan in ka kik nawn hi.Anan leng ka nezou kei, bang doh-ai toi hipeuh mah ding hiam ? Hichi lawmlawm a itna ziak a ka chauh ngoihngoih. A tak a le hon kimuh pih nuam lou leh hon khemkhem in kiteng leng le khapham kulsin ka tan dong in ittak leh duat tak in hon Kem ngap tuan kei d. Melmuh lou vangngai a vuldet mai ding ka ngaingam nawn kei. Ka taksa damta mahleh ka lunggel chu dam theilou a hipen mai. A Tawptawp in haksa sa pipi in khen mai ding in thupukna kon la a, hichi in ka laikhak nanung d kon gelhpanta hi.....

Na kiang a thugen dia chitna nei nawn lou, hon sit a na ut-le-dah a nawn khem sa himahleng non piaksa itna diktak suang in hiai hon na simsuak sak lai din kon ngen hi. Nang kon it ziak a ka gentheihna teng nang adin aleh tampi in vualzawlna hong hi hen la. Itna ziak a ka thuak bang thuak lou ding in hong pilvang in aw. Hiai kon laikhak ziak in na mittui mal khatlel le tak kei leh ka deih, ahihziakin kon na piak itna tuh itna taktak ka sihnung tanpha a zong ka pellouh ding itna thuciam ahi chih na theih thakthak ka deih hi. Himahleh kimu ngeilou a itna mualsuah theilou ding i hi chih nang leh ken haih vual ahi kei. Na deihpen, lung a natup sihsial bang zuan a na phamdong a ittak a hon kem thei ding na hon muh kon deihsak hi. Tu-le-ta tampi toh na lungtup pen toh phamdong tulkhawm ding in ka deihsakna sangpen kon khak thakthak hi.

Nang hon it gige kinepna thawn..

Xb Naulak..

chi in ka khak hi. A hon thuk kik nawn kei a, nguaitak a ka om laitak in.....

Ka lunggim hon thuak pah hileh kilawm in khua hong mial dundun a, vanpi khong ging zoi in vuahtampi hong zu a, aw, tulvuah luangte'n ka lunggimna silsiang thei maileh ka chi vungvung hi. Singdang na bel zong vanpi ging dailou lai chih la bang ka lungsim a hong suak a siamlou pi in lunglen puul dou nopna ahih khak leh chi in ka sa napnap hi...

Vuah theu in kawtsim niuniau in ka lwmpa hong lut a, Tumalam a ka kimuh dek ua thilpiak piak dia ka tawi pen hon tawi mawk hi. Lamdang satak in ka en a, nui kawm in bang chi e ? Na zoimel ngei damlou thak maw ? Damlou thak keng , ka puak a gik a, ka lungsim a nuamkei a hi, ka chi hi. .awlawl a ka houlim lai un, nawn hehsan louh din thilkhat kon gen d o. Gen ve. Zanlam a fb a na it mahmah leh na ngaih mahmah pen kei keive, ahon chi a , lamdang sakna in ka dim a. Bang chidan in eita ?ka chih leh. Ka fake id pen a kon khem eivoi ka propic dia nungak melhoih deuh ka zat ahi. Hon chi a. Ka heh petmah a akam toh anak a hum a humlup suk mai bang ka ut hial hi. Hilele, bangmah dang genlou in, na zei ngei e ! Nang fake id ziak a, ka itna teng mansuah keitave ka itna teng hon din kik o . Ka chi ek mawk hi.. Aman le hon theih siamsak ut nei hileh kilawm tak in hon na pau tuh a. Huchia kon khem ziak na thei hia ? Kon hilh d o. Ka lawm hoihpen na hi a, Kon care luat ziak ahi.Hon chi a, ki care ziak a hichituk a kikhem chih om thei hia ? Ka chih leh, aman aw nem tak in i maw...

" Damlou a khakhat phial bang in, lupna ngak a om chin a , ken lah na gei a hong tutpih gige manlou ka hih chia ka sepna ofis apan na chimluat d ka lauh ziak a hong online zel ka hi. I damlouh chiang hiam, ahih kei leh maban mialtak a i om chiah, i lim nangawn inle hon taisan a kholh pih ding lawm-le-vual le kinei lou. Huai ziak a na thawmhau luat d ka lauh ziak a nungak bang a kon khem mai ahi. Hon hehsan ken o. Hon chi a. Kei lah heh kisa in ngoh di pen theilou in , AW NANG KHEMHAT FACEBOOK ka chi mai mah hi.

A hon gen zawm zel a , khovel a thil tengteng itna ziak ngen ahi. Nungak leh tangval kikhente le midang a it zawk ziak uh ahi . Galkapte le a khente'n gam-le-nam it ziakin hinna taan zen in apang ua ; himahleh a khente'n gam-le-nam sang a amau hinna a it zawk ziak un bitna delh in a taise zel uh. Heutu tampite'n le sum-le-pai itziak in mizawng daikilkal a mite nek d teng ane gai zel ua; a khente'n saptuam itziak in tam pipi negu in saptuam a phungvuh ua , minhoih a tang zel uh. Khovel ah zaw itna tam ve o. I it uh a kibang kei lel a hi. A khenkhatte'n khovel pallutnate a it ua , khovel nopsak sal ah tang in manthatna lampi a zui lellel uhi. Eite'n zaw, 'numei in a ta nawine lai mangngilh in a taisan thei a, hmahleh ken zaw, kon taisan ngeikei ding' , hon chi pa hon zuausan ngeiloupa mah itzaw ding in i kichial thakthak ahi. "

Bible in itna loungal kuamah bang mah ba kei un, a chih mah bang in ka lwmpa itna tampi hon ba a suak hi. Daih mai .

Author's note : Damlou a om ing a chimluat ziak a kon phuahtawm pumlum ahi . Nuamsa lou te'n sim teitei louh theih. Ka lawmpa'n hon khem ahih ziak a anungak d omlou mah ahi. A tangval chu kei hi ing a , anungak d nawn zonsak uh ngai inte. hehehehe

©Siamsinna leh Vakiangbu