VUAL NGAIH LUANKHI
By ~MàSåñg LèìVåñg
{Vangngaih Special }
A hamhaih ka hia, ahihke'h lungphu haat ziak ahia ka theizoukei hi. Thakhat thu in ka chihuum hong suak phut a, Ka chibang liing in a kiliing petmah hi. Bangthu omleh bang thiltung om mahmah ahia ! chih ka ngaihtuah khethei kei. Bang lam himhim ngaihsunkha ka hitel a....!! Kisil diing a kisa Lunglenlaa ngaikhe liahliah pum a hiai bang a ka chi hong kiliing mawk ! A dawilawk luala hisam lou ing a, ka chi lungsim hi. Ka chihmoh sim man leh banghiam ahoihlou lam thiltung om ngei diing a ka gintaat man in ka dialte'n ka vetthak a, Bath-Room lam manoh nawn tuanlou in ka Room lam ka zuan daihta hi. Second tamlou tumuang zou in ka Phone ka melh zual leh Message ana omlam ka phawk guih a, bangthu a mahmah a chihna lungsim toh ka Open a..... "Usang... Zngcia naman le ka in uah na h0ng man le hongve o....."chi'h SMS tungtawn a Ka lawm ngaihnat mahmah Sialching ana hihi. Kaalkhat vaal bang SMS hon thon nawnlou leh ka call na tawm a ki switch off gige ahihman in lamdang bang ka sa hial a, ken le bangma dang gentam tuanlou in "awle kong hawh d o" chi'n ka dawng thuk a, ka msg. a ki deliver ngei a, hilele huai banteng a ki switch off nawn vengveng hi. Ka lung a buai chu a buai khop maive, bangthu ahitel ale.... Ching...ka chi lungsim hi. Nitaklam ann nek bang uut-huaisimta ahihman in kisil nawn tuanlou in ka kihahsiang zawta a, huchi'n nitak ann ka neta hi. Annkham khin Wills Flake tepzou in chi noplouh suanlam in ka lumpah a. Ahi'n ka ihmu hak khop mai. Kumkhat bang Sialching tawh SMS tungtawn a ana kimeltheih himah le ung khatvei mah leng a inn ua hawh dia hon chial louh phetlouh a Ka kimuhpih diing na tawm ka genpih sek hang a a uutlouh dante ka geel thakthak a, ka kha a muangtheita himhim kei.
Huai nitak ahi nitaak Paangai himahleh kei dia ka hinkhua bangchi zawng hiam a hon khektu. Bangchih mah a ka na kithuzak ngeilouh phetlou a theih le ka theih khak louh Sialching in lametna neitak leh amah ngei hinkhua sulimtu/kipaksaktu hidiing a hon teelna. Thil lamdang lua bel hikei mahleh kei dia leng ka tot ngeilouh lampi a hon heina ni. Office kai tawp inn ka tun in kihahsiang khi'n ka Phone ka etleh SMS ana om a, ka ngaihsak kei hi. A himhim in Office lam a nasepna toh mahni tantawk a gimna diing nichin a kimai dohsam ahihman leh ka lungluutna chi ahihlouh ziak in SMS chih khawng ka gelh ngeikei hi. Huchi'n etbel ka en a. Himahleh ka reply kei. Minute 5veel zoh in Message khat hong om nawn a '' Na Dammaw ! kon bezual thei diam ?'' chi'h ama a bang mah leh No. kibang mah in hon sent nawn a, ka ngaihsak tuankei. Nitaak ann nezou in Website tuamtuam ah News ki update om hiam chih ka veel maimai a, huchi'n gim ka kisak sim ziak in ka lum pah hi.
{Vangngaih Special }
A hamhaih ka hia, ahihke'h lungphu haat ziak ahia ka theizoukei hi. Thakhat thu in ka chihuum hong suak phut a, Ka chibang liing in a kiliing petmah hi. Bangthu omleh bang thiltung om mahmah ahia ! chih ka ngaihtuah khethei kei. Bang lam himhim ngaihsunkha ka hitel a....!! Kisil diing a kisa Lunglenlaa ngaikhe liahliah pum a hiai bang a ka chi hong kiliing mawk ! A dawilawk luala hisam lou ing a, ka chi lungsim hi. Ka chihmoh sim man leh banghiam ahoihlou lam thiltung om ngei diing a ka gintaat man in ka dialte'n ka vetthak a, Bath-Room lam manoh nawn tuanlou in ka Room lam ka zuan daihta hi. Second tamlou tumuang zou in ka Phone ka melh zual leh Message ana omlam ka phawk guih a, bangthu a mahmah a chihna lungsim toh ka Open a..... "Usang... Zngcia naman le ka in uah na h0ng man le hongve o....."chi'h SMS tungtawn a Ka lawm ngaihnat mahmah Sialching ana hihi. Kaalkhat vaal bang SMS hon thon nawnlou leh ka call na tawm a ki switch off gige ahihman in lamdang bang ka sa hial a, ken le bangma dang gentam tuanlou in "awle kong hawh d o" chi'n ka dawng thuk a, ka msg. a ki deliver ngei a, hilele huai banteng a ki switch off nawn vengveng hi. Ka lung a buai chu a buai khop maive, bangthu ahitel ale.... Ching...ka chi lungsim hi. Nitaklam ann nek bang uut-huaisimta ahihman in kisil nawn tuanlou in ka kihahsiang zawta a, huchi'n nitak ann ka neta hi. Annkham khin Wills Flake tepzou in chi noplouh suanlam in ka lumpah a. Ahi'n ka ihmu hak khop mai. Kumkhat bang Sialching tawh SMS tungtawn a ana kimeltheih himah le ung khatvei mah leng a inn ua hawh dia hon chial louh phetlouh a Ka kimuhpih diing na tawm ka genpih sek hang a a uutlouh dante ka geel thakthak a, ka kha a muangtheita himhim kei.
Huai nitak ahi nitaak Paangai himahleh kei dia ka hinkhua bangchi zawng hiam a hon khektu. Bangchih mah a ka na kithuzak ngeilouh phetlou a theih le ka theih khak louh Sialching in lametna neitak leh amah ngei hinkhua sulimtu/kipaksaktu hidiing a hon teelna. Thil lamdang lua bel hikei mahleh kei dia leng ka tot ngeilouh lampi a hon heina ni. Office kai tawp inn ka tun in kihahsiang khi'n ka Phone ka etleh SMS ana om a, ka ngaihsak kei hi. A himhim in Office lam a nasepna toh mahni tantawk a gimna diing nichin a kimai dohsam ahihman leh ka lungluutna chi ahihlouh ziak in SMS chih khawng ka gelh ngeikei hi. Huchi'n etbel ka en a. Himahleh ka reply kei. Minute 5veel zoh in Message khat hong om nawn a '' Na Dammaw ! kon bezual thei diam ?'' chi'h ama a bang mah leh No. kibang mah in hon sent nawn a, ka ngaihsak tuankei. Nitaak ann nezou in Website tuamtuam ah News ki update om hiam chih ka veel maimai a, huchi'n gim ka kisak sim ziak in ka lum pah hi.
.............Truuuuut2.....Truuuut...........
Ihmu dek ka hihman in ka kiguih hial, Msg hong luutnawn chu ahi ngeive.
Ka heh bang a suak sim a, Call mai diing ka diam ka chih hang in ka
lungsim ka khek thak a , Msg hong luut nawn tuh ka en a, '' Kon subuai
lua a, ngaihdam aw! ! Ka lawm hoih hih na ut hia ??'' ka en a, lamdang
ka sasim zawzen a. Reply bel ka sawm kei. A ziak tuh SMS khawng a
kisuhbuai ka uutlouh ban ah ka nasep toh kituaklou leh Msg gelhna dia
hun nei ka kisak louhziak ahi pen hi. A himhim in hiai chia Msg khawng a
mikhem nuam a tam a, huaiziak tak in Msg chih ka Tuina lam a hikei. Ka
kingaihtuah thak a, Ka Msg dong omzia neitak houh adiam o ?? ka chih
ziak in '' Ng kua e?'' chi'n ka reply khemkhemta hi. Huai nung sawt
kihallou in hon reply nawn a..... '' kei Sialching ka hi, tutak a Jeribam a
om. Msg. a na lawm hoih ka hithei diam...?'' ken leng ka reply nawn
a...'' aw..... Ka No. Koi a na neih khak e K Kei nawnthei a maw?'' chi'n
ka thuk nawn a, huan a hon dawnna tuh ''theilou. Ka No. a last digit
tegel 6,5 a ka khek le nang a hong hikha mai ahi. Poi kei maw ?'' A hon
thil hihdante nalh in ka guk nuih huau sim a, huchin hiaizan chu
sawtkuamtak ka ki Msg uhi. A tanchin ka dong a, aman leng a theidan
tawktawk in a hon hilh a. A hon Msg dante ka et-in a hinkhua ah kipakna
neitawm mahmah ahihdan ka musuah hi. Huchi'n hiaizan sawtkuamtak ka ki
Msg. nung un '' Kithuzaktuah zel ni maw'' chi kawm in Mangpha ka
kikhakta uhi.
Zing khua hong vaak in lenmui bang a kaaidaan lunglen ahuaisim a bang hi. Bang chihmah a message buaipih ngeilou pa kha himah leng, zingkar thouphet in zannitak a Jiribam a om Sialching in a hon message nate ka enthak nilouh a, ka sim-nuih huau hi. Hilele bang ngaihtuah khekha ka hia chihbel kenle katheikei. Keileng zingthou room a kikhumkhum dan omlou chi in kava kihahsiang a, huan singpi khawng ka dawn hi.
Trrrruuuuuut2......... Ka phone message ringtone koihlou a vibrate kia koih ka hihlam ka phawk kheguih thahah a, kakiguih hial. ''Usag, thota mw, bng hh e?'' Sialching mah ana hingei hi. Kenle ka reply vetei a, hilele nihvei-thumvei kaki msg nung un, zannitak lah msg pack cut lou ka hihziak in main balance apan ki-cut charchar ahih man in Balance pammaih kasah sim manin '' awlin kihouthak zel ni o ching'' chikawm in omnuam ka chi hi. ''wle hile2 hehpihtak in Voice call chu honbawl dah ham2 in o, Usang??'' chi'n hon reply phut mawk a, khatvei thukhakna bawlphot himah le ung khatvei bek Send nawn angai tlats!
Ahimhim thu in pasalte kha banghiam chia Numei in thil iim nei bangpian a a omchiang un huaitak kha bang ahia chih kithei uut chiitchiat sese hi. ''Bangziak in e, Ching, na aw le i hon zak ut ni ahong om mwh di hia, lawm hoih di nachih ngal inchu......'' chi'n ka thuk nawnpah a, ''a remchang hun ah ken kon call zaw na di o, ymateng message in kithuzak zel le o....pliz dnt mind!'' . Kenleng ka kanchian tuan2 nawnkei hi.
Hun-le-kumte hong pailiam zeel Message buaipih ngeiloupa tuh Sialching toh nichin-zanchin ki Message na in hun ka zangliam gigeta mai a. Hiai bang a hinkhua chileng a vangkim a message a ka kithuzaak nate ziak un kei leng ka tha anuam a, huai bang bok in Sialching leng ahi.
Zing khua hong vaak in lenmui bang a kaaidaan lunglen ahuaisim a bang hi. Bang chihmah a message buaipih ngeilou pa kha himah leng, zingkar thouphet in zannitak a Jiribam a om Sialching in a hon message nate ka enthak nilouh a, ka sim-nuih huau hi. Hilele bang ngaihtuah khekha ka hia chihbel kenle katheikei. Keileng zingthou room a kikhumkhum dan omlou chi in kava kihahsiang a, huan singpi khawng ka dawn hi.
Trrrruuuuuut2......... Ka phone message ringtone koihlou a vibrate kia koih ka hihlam ka phawk kheguih thahah a, kakiguih hial. ''Usag, thota mw, bng hh e?'' Sialching mah ana hingei hi. Kenle ka reply vetei a, hilele nihvei-thumvei kaki msg nung un, zannitak lah msg pack cut lou ka hihziak in main balance apan ki-cut charchar ahih man in Balance pammaih kasah sim manin '' awlin kihouthak zel ni o ching'' chikawm in omnuam ka chi hi. ''wle hile2 hehpihtak in Voice call chu honbawl dah ham2 in o, Usang??'' chi'n hon reply phut mawk a, khatvei thukhakna bawlphot himah le ung khatvei bek Send nawn angai tlats!
Ahimhim thu in pasalte kha banghiam chia Numei in thil iim nei bangpian a a omchiang un huaitak kha bang ahia chih kithei uut chiitchiat sese hi. ''Bangziak in e, Ching, na aw le i hon zak ut ni ahong om mwh di hia, lawm hoih di nachih ngal inchu......'' chi'n ka thuk nawnpah a, ''a remchang hun ah ken kon call zaw na di o, ymateng message in kithuzak zel le o....pliz dnt mind!'' . Kenleng ka kanchian tuan2 nawnkei hi.
Hun-le-kumte hong pailiam zeel Message buaipih ngeiloupa tuh Sialching toh nichin-zanchin ki Message na in hun ka zangliam gigeta mai a. Hiai bang a hinkhua chileng a vangkim a message a ka kithuzaak nate ziak un kei leng ka tha anuam a, huai bang bok in Sialching leng ahi.
Hun
sawtkuamtak numei toh kithuzak gige tuh banghiam lampang ah iitna in chi
atuh ngei diing chihtuh haihvuallouh thudik ahi. Ahingei mai, Sialching
zuun a ana buai chu ka hi peuhmahta !! Zaanchin leh Hun awl ka neihchin
in message lou in ka umtheita himhim kei hi.
Khatvei tuh kideekzou nawn mahmah lou in ''Ching...... Khovel a deihtel a deihthusam bang a pai diing hileh Iitna huang ah Mibang chibang na lunggulh a....??'' chin ka Msg a, '' Deihtelna nei hileng nang bangbang mi ka zawng diing....'' a hon chi a, kei leng a Msg ka muh le muhlouh chin in ka dawngpah a, '' Ching kei leng deihtel a nei hilng, nang bang a polhnuam,ka zong diing...... Ahimhim in Ching, i ki msg na apan in na nuihmai suah diing mitkha ah mu ing...... Na zuun a buailwa lam hita ka hi...ching.... Hon hehpih inla maw......!!''
Tutan a leng khatvei mah ki call khalou himahle ung Sialching in ka lungsim aluah in aluahdimta mawk hi. A lamdang mahmah bel a kiang a hoh diing ka sawm chiang in a phal hetkei a, Ken kuamah mai mu ngamlou ka hi peuh a chi hi. A vangkim in iitna thu kia in ka houpih denta. Kei lawm ngaithei diing vual hilou ka hi Usang, hon theisiam mahmah mai in ahon chi zel a, himahleh hiai ahon chih chiang in, Amah ka Iitna a lian deuhdeuh bang in ka he hi.
Ka hahphuut luattak manle ahidiam ah khatvei tuh ka Call diing hon phalsakta khong a, Kha guuk bang ka ki Msg det nung ua ka ki houpatna uh ahi. A aw ka zaak in ka chi huum asuak hial a, a aw a neem in a nou ngiingei in ka thei a, a lei a khuaiva zu taakkhia bang hial in a kamsuah khum in azaak anuam mahmah mai......... Minute 20 bang ka kihou khit nung un ''awl in kihouthak zeel ni aw.... Usang, chi'n aw heusimpian hileh kilawm in leh a awsuah dan ah a kam in tui nengchik tasam deuh hileh kilawm in a pau lak simpian hi. Ken leng bangma dang a dawnglou in leh Amah a lam-etna liantak neipum in awle chi'n Mangpha ka khakta hi.
Sialching ka Call nitak ngei hi in ka thei a, SMS ka ki chat ngatngat ua, a chaang in amah a ka iitna ka hahpiak luattak man in ka chi-huum a hong suak hulhul theizel a, KON NGAILUA chih kammal tuh tamtak thonkhia in ka kithei. Aman le atawp in chu, ken le kon itlua, Usang, nanglou Muangdang ka nei himhim kei, kha ka pham dong in kon Iitden diing 'Ahihziak in keilou Paaldang muantak leh belhtak na muh zenzen leh kei hon chi tuuntuun tuan ken aw . Ken sawt hon ompih theilou diing ka hi., Usang'' bangmah lunggimna nei ken aw..... A hamhaih sim ka bangtop hi. Huaizan le ka call nawn a, lam-et louhpi in hon pick-up zenzen a, Bangbang ziak hiam in leh Sialching ka duatluatdan thute ka genpih chiang in Khitui bang a daangthei mahmah hi.
Khatvei tuh kideekzou nawn mahmah lou in ''Ching...... Khovel a deihtel a deihthusam bang a pai diing hileh Iitna huang ah Mibang chibang na lunggulh a....??'' chin ka Msg a, '' Deihtelna nei hileng nang bangbang mi ka zawng diing....'' a hon chi a, kei leng a Msg ka muh le muhlouh chin in ka dawngpah a, '' Ching kei leng deihtel a nei hilng, nang bang a polhnuam,ka zong diing...... Ahimhim in Ching, i ki msg na apan in na nuihmai suah diing mitkha ah mu ing...... Na zuun a buailwa lam hita ka hi...ching.... Hon hehpih inla maw......!!''
Tutan a leng khatvei mah ki call khalou himahle ung Sialching in ka lungsim aluah in aluahdimta mawk hi. A lamdang mahmah bel a kiang a hoh diing ka sawm chiang in a phal hetkei a, Ken kuamah mai mu ngamlou ka hi peuh a chi hi. A vangkim in iitna thu kia in ka houpih denta. Kei lawm ngaithei diing vual hilou ka hi Usang, hon theisiam mahmah mai in ahon chi zel a, himahleh hiai ahon chih chiang in, Amah ka Iitna a lian deuhdeuh bang in ka he hi.
Ka hahphuut luattak manle ahidiam ah khatvei tuh ka Call diing hon phalsakta khong a, Kha guuk bang ka ki Msg det nung ua ka ki houpatna uh ahi. A aw ka zaak in ka chi huum asuak hial a, a aw a neem in a nou ngiingei in ka thei a, a lei a khuaiva zu taakkhia bang hial in a kamsuah khum in azaak anuam mahmah mai......... Minute 20 bang ka kihou khit nung un ''awl in kihouthak zeel ni aw.... Usang, chi'n aw heusimpian hileh kilawm in leh a awsuah dan ah a kam in tui nengchik tasam deuh hileh kilawm in a pau lak simpian hi. Ken leng bangma dang a dawnglou in leh Amah a lam-etna liantak neipum in awle chi'n Mangpha ka khakta hi.
Sialching ka Call nitak ngei hi in ka thei a, SMS ka ki chat ngatngat ua, a chaang in amah a ka iitna ka hahpiak luattak man in ka chi-huum a hong suak hulhul theizel a, KON NGAILUA chih kammal tuh tamtak thonkhia in ka kithei. Aman le atawp in chu, ken le kon itlua, Usang, nanglou Muangdang ka nei himhim kei, kha ka pham dong in kon Iitden diing 'Ahihziak in keilou Paaldang muantak leh belhtak na muh zenzen leh kei hon chi tuuntuun tuan ken aw . Ken sawt hon ompih theilou diing ka hi., Usang'' bangmah lunggimna nei ken aw..... A hamhaih sim ka bangtop hi. Huaizan le ka call nawn a, lam-et louhpi in hon pick-up zenzen a, Bangbang ziak hiam in leh Sialching ka duatluatdan thute ka genpih chiang in Khitui bang a daangthei mahmah hi.
Hiai hun in tuh
Sialching le a banglam lam ngaihsun ahiam ka thei zoukei, a aw suahdan
in ka kihousung un khitui tamtak anul khe diing chih haihvual ahikei.
Hiai Sialching toh ka kihouna nunung uh ahita !! Khoilam hon zotsan ahia, Pasal nei hia ahihke'h Khualgam dang a zinkhia?? Ka thei zoukei. Ka sakmel tonlouh Vangngaih Sialching ahi a, ahihziak in amahtuk a ka lungsim hon luah ka tuak ngeikei; tuak le ka kinem kei a, ban ah tuak leng ka sawm nawnta himhim kei hi.
''Melmuhlouh ka vangngaih Sialnu aw, na heina ding tangpa lung mawl siang a lel lou a koi kuam sawlbang hon heisan na hiam? Na vang mubang ngailua hiveng maw.....na tongsuah dam nem zak nawn diing haibang hon na ngak lailai ing.......'' chi'h Voice Msg khak in a ki deliver diing ngak in ka omden nilouh ta hi.
Zingkhua a ngeina bang a hong vaak nawn tuh ahi ngei diing. A ihmulou ka kisak le Zingkar lam ana imu a khovak phawklou ka hilim hi. Ka inn kiang ua Ui hawn hong kisual un a hon khanglousak a, ka dak/Sana ka etleh Zinglam dak 8 bang ana pelta hi. Ka phone awl a khoih la in a Screen ka muhtak in Zanni nitak lam a Sialching No. ngeingei a SMS ka don tuh ka ngaihtuah doh phut a, thakhat a thou in ka kihahsiang a, ann nekhin phet in Sialching omna lam zuan in ka chiahta......
Amah houpihna diing neikei mah leng a Omna address kimtak khakhat vaal paita a a hon Message tuh ka na kem den a, lampai diing leh a inn mahmah uh tun theihna diing bangma ka lin kei hi. Huaichi'n Lamphelpat, Imphal tuh zingkar lam dak 11:00 vel in ka Alto Car ah Jiribam lam zuan in ka pawtkhiaksanta hi.
Nitaaklam dak 1:30 veel ahong ging hial chiang in Kei ngaih Sialching heina Jiribam lenmual gim tuh a muui peetmahta hi. A khuapi phakkuan mahmah lamlian kiang munkhat tuh niliap munnuam in khawl tawldamna dia etlah thamzet ahi a, huaimun ngei ah kei leng ka Cold drink puak lakhia in ka vakhawl muang tei hi. Om awl kawm in Sialching a diing a ka lungsim tawngtak le ka mit lapen a ka theih ROSE paak san nalh le etlawm mahmah tuh a siatkhakna om hiam chi'n ka veelthak thak hi. Huailou pakbawm Sarang ( plastic) a kituun nalh leh etlawm mahmah paak bawng khat leng ka potel tei hi.
Huan niliap na mun a ka tu a, Koilam a hong kipan hihiam ka thei kei; ban ah amah kua hi a bang mi ahia chih ka thei kei. Nungak khat tuh ka kiang nai ah a hong pai a, a meel et in bel soiseelna diing a om hauh kei. A sam vom ngiingei tuh a hahkhia a, a mit-hah ka etchiang in leh amah hon melh dan ka etchia'n Sialching hi awmtak in ka mu hi. Khekor vom gaak lolou a teng a, puan-ak a hing rong silh hi. A aang bawktuh a lian lawmlawm kei a, hileleng a neulua leng ahisam kei.
A mel a vaak a Van Angel bang hial in ka mu hi. A duang leng ka deih huntawk chet leh ka mit la mahmah mi hi'n ka mu hi. '' hiai tuh Sialching a diam aw.....chi'a ka lungsim ka ngaituahtuah lai in ka kiang ah a hong khawl mawk hi.
''Koi a hong kipan na hia....??'' nuih mai meltak in leh Ei Paite pau mahmah a ahong houpih masat mawk chiang in, ka lunggel sau pai mahmah tuh ahi ngei diing; ka dawng zok theikei hi.
Ka dang bang hong keu pian in ka chil(saliva) bang ka valh thakthak a. ''Imphal a hong kipan ka hi...'' chi'n ka dawng thuk a, '' Aw..... Silchar lam paisuak di maw, koitan pha di e,....'' ahon chi a, ken leng hon dotna na tuh kidawmlou hial in ka dawng thuk vetei hi. '' Oh, dak 2 bang ging a konna chiahsan phot mai di aw....'' chikawm in ka Gari tuh ka Start a ''Mangpha ole'' a hon chi a, ken leng Mangpha chi'n ka paikhiaksanta hi. Tuachin dak 2 peelzek in Jiri tuh ka luut petmahta hi.
Jiribam tuh ka phak ngeisa ahih man in Sialching in khakhat vaal paita a a hon kawkmuhdaan theihsiam hak ka sa kei a, zong buai luatna ka nei kei hi. A inn kong tan uh gari a luutdan diing kiremchiahlou a bat ziak in mun lemchang ah ka gari tuh ka koih a, ka iitpen a diing paaktte kilawm mahmah nih ka puakte tuh ka tawi khe pah kei a, amah toh pawtkhawm a valak diing chi lungsim in, huchi'n kipahna tak nei in a inn lam uh zuan in ka chiah hauhhauhta mai hi. Himahleh ka diip a hawm hiaihuai na dan khat a om mawk hi.
Hiai bel tangval in iitpen melmuh masak na diing a thil hithei mawng ahi chi'n kei le kei ka kilungsim hou a, huchi'n ka chil bang valhthak zawzen in, himahleh a phatuam kei. Ka chi bang hong kiliing thei thepthup ve. Ahi'n ka kisuhangsan thakthak a, a tawp a tawp in chu a gate u ka hongta !
Huang liansimtak a nei ua, huan inn kong leng liansimtak ahi. Himahleh ka ngaihtuah phaklouh lam daih in a inn kong uah Silpauline leh Parachute nih ana kizaak a, inn kongtual ah nupi leh papi tamlou ana tu ua, huan nungak tamlou in a kem lam uah Singpi nou sil in a buai ua, himahleh ken bang siltung leh bang programme zang ahi ua chih ka thei nai kei, zong ka dong sam kei hi.
Ka kiang nai ah mitsan gialgual in leh naak san pian mahmah in Nupi khat a hong pai a, ''Sangboi na hihia'' a hon chi a, ken leng '' hi Sangboi ka hi...... Sialching mu diing a hong hoh hing a, amah a om hia....'' chi'n dawng kawm in ka dong thuk a, ama'n leng bang madang gensau lou in ''hong pai in, inn sung ah hong luut phot inla Singpi leng hong dawn phot in'' a hon chi a, kei leng thumang tak in ka zuiluut tei hi.
Huan singpi a hon sung ua, ken leng ka dawn a, huchihlai in tua nupi nu tuh pindan sung lam ah a valuut a, laithon bawm khat hon tawi in '' hiai Sialching in Kaalkhat vaal paita a nang a dia a gelh ahi...'' a hon chi a, ken leng lamdang sa sim ka hih man in, '' Amah koi a om eita, Nu..?'' chin ka dong a, hon dawng tamlou in pindan sunglam zui luut di'n a hon chial a, ken leng ka zui luut teita hi.
''Kei Sialching nu ka hi. Hiai Laithon Sialching in zanni a pai diing kuan a kei kiang a, Imphal apa'n Sangboi kei mu di'n zingchia hong hoh diing ahi. Hiai ana pia'n a hon chih ahi'' achi'n ka kiang a Khitui luang peppep in a hon gen a, ken leng ''Sialching koi a pai eita, Pasal nei mo, Nu....'' chi'n ka dawng thuk pah a, ''Pasal neithei in hong dam khosuak leh i uut luat hi a maw, Bawi....... A natna a gimthuak thuak zou nawnlou a HON BEISANTA eive bawi....!!''
Anu ngeingei in a hon ang kawi a, Pau khiak didan himhim ka thei zoukei !! Ka biang a Khitui dan vuallouh in a Luang a, ka kap gingthei himhim kei !! Ka khut nih in Sialching nu Luu tuh ka dom a, '' Kei amah mel mu diing a hong hoh hing a maw.... Nu....;( ;( '' ka kah tamloh a bei theikei !! ''A damlai meel mu uut ngel hiveng..... Nu ken amah itlua zaw hi veng maw, tun amah din bang ka hihsak thei ta dia....!! Ka kisuum zouta himhim kei a, kah chihtak a kap chu ka hi maive........!
Hiai bang a hun nuam lou hial leh lungsim tamzaan tak a ka omlai in , Sialching Laukha in honna lamtuak ahih lam ka phawk khe guih a..... ''Ken nang diing honsa lou ing a, Pammaihna mai zeen e, maw Ching.....'' chikawm in Pindan sung a huai munliap a ka khawllai a Nungak duangzen etlawm takmai honna lamtuak toh kikhiatna om hetlou Lemlak kitaak tuh lakhia in ka angkawi a, Ka kap nawn hi.
'' Melmuhlouh vang ka ngaih Lia Sialnu aw.
Sakmel na tul mai theih diing lung in geel ngei kei veng.
Omlai na vei vang in maw Kha nawn phamsan;
Tang selung mawl in gelsiam haksa sa'ng.....
Laigil ana'n laidip adap e,
Tuun nu tongsuah pa'n Kha na pham Simthu ka zaak chia'n
Lung in awi mawng e, Tuunnu mawngbang kawi in Kahtam ka awi e, tang lung mawl in.
Na duangzen sak mel et lawm muh kaal hai bang ngak lah a ka omlai in.
Na tongdam nem ka san na ka tawi pan,
Melmuhna diing chinthu thuangbang hungtung.
Hizong ngaihsak mel damsa lapzou lang e, Kei ngaih in kulsin sambang honna zaalsanta.
Na siang zuan a mabang pan a lambang ka hon zotlai in,
Na heina khomual a Na Laukha in lambang eituak e,
Hizong tang selung mawl in theilou hing.
Duangbang ka vul Kahtam ka loh hang Tang selung a muangthei lou. Sinlai ah na e... Ngaih aw......
Hiai bang a kahtam ka loh nung in ka khitui tuh ka nulsiang a, bang louteng ngaihsun in etna ngal en den charchar in ka tu heethuut hi.
''Sang, Sialching zaw ahinkhua gentheitak ahi. Kum 18 achi'n kum in Cancer vei ahihdan Doctor in hon musuah ua. Koi a hong kipan hiam ka thei kei uh, zong kou innsung hon nawk kha diing in leng ka koih sam kei uh. Lamdang bang kasa a, Sialching ka hehpihna khitui a kang ngeikei......
A kumnawn in a sam bang hong pulh in chin, Sialching bang le houpih haksa lotel, amah kingaiselua in chin, kuamah muh dile utlou, aman le kuama mungamlou khophial a Hiai Room mahmah a kikhum den eive.
A damhoih lai chileng a damlouh ale lawm pawltam lou in chin, inn a keitoh kipawl den ung a, a pawt dichiang bang a, a hohna ding le a hong tung hun diing genkhial ngeilou aka.
Apa bang inle deihsak lua, a deih lamlam chu hih pichingsak lou a chu ut ngei hetlou....
A hong damlouh hialchiang a, kingaisetheilua, kipiaksiatna lam ngen ngaihtuah kha nak theilua a, Phone khong a na lawmte, houpih zelzel in o, Ching.... Chihbang ale kithuhilh zeel ung a, huai ziaktak le ahi di maw nang toh nana kitheih khakna....
Zanni sunnung lam a pau ngaplou sasa a a Aw hon suah doh bangdang hilou ahi...Sang... Nang hong hoh dithu toh 'Inn ah zankhat beek ana giaksak un aw' Chia hon vaikhak zaw hia... Naman diamle...?'' ''Sialching kam a pawt kei hihtheih diing ahihnak leh ka piching vek diing ahi...Nu..amah adia bangma hihman leh panpih manna lah neilou ing a...''chi'n ka dawng a.....''Nei zenzen e...adamlouh gimsiat ma khawng a a omdan leh a lungsim bangtan hiamtak hih khamuangtu neive...''chi'n Anu'n hon dawng thuk pah hi.
Hiaibang a sawtkuamtak ka kihou nung un giak di'n ka thupukta a, huan tomkhat zou in Ka Car a Sialching a diing a ka lungsim tawngtak leh a deihthoktak a ka puak Rose paak leh paak bawngte ka nawtsiat lam ka phawk guih a, ''Nu Sialching haan ah hong hohpihman om diam'' chi'n ka dong a, aman le Nungak 2 leh naupang tleirawl gual khat hon kawkmuh in hon ngaihtuahsak a, ken le amaute zui in, Car a Rose paaksan pen tawi in paak ka vakoihtei ta hi.
Paakbawng pen tuh Sialching room ngei a a lemlak kitaakna nuaigeih a koihtheih din a remchang chet ziak in ka koihta hi.
Tuachi'n Hiaizan tuh Sialching zaalna pindan leh zaalkhun ngei a Sambang zaal in, taikhua vaak dong mitsi lou hial in Nunlui gelna'n ka zaan hun ka zangbei a, Huan zingkar ann nezou in Jiribam tuh ka paisanta hi. Sialching laithon ka puak tuh tutan in honglou hial in kum 5 paita mahleh inn ah ka kem tinten lai hi.
...............beita.....................
msleivang/2013
©Siamsinna leh Vakiangbu
Hiai Sialching toh ka kihouna nunung uh ahita !! Khoilam hon zotsan ahia, Pasal nei hia ahihke'h Khualgam dang a zinkhia?? Ka thei zoukei. Ka sakmel tonlouh Vangngaih Sialching ahi a, ahihziak in amahtuk a ka lungsim hon luah ka tuak ngeikei; tuak le ka kinem kei a, ban ah tuak leng ka sawm nawnta himhim kei hi.
''Melmuhlouh ka vangngaih Sialnu aw, na heina ding tangpa lung mawl siang a lel lou a koi kuam sawlbang hon heisan na hiam? Na vang mubang ngailua hiveng maw.....na tongsuah dam nem zak nawn diing haibang hon na ngak lailai ing.......'' chi'h Voice Msg khak in a ki deliver diing ngak in ka omden nilouh ta hi.
Zingkhua a ngeina bang a hong vaak nawn tuh ahi ngei diing. A ihmulou ka kisak le Zingkar lam ana imu a khovak phawklou ka hilim hi. Ka inn kiang ua Ui hawn hong kisual un a hon khanglousak a, ka dak/Sana ka etleh Zinglam dak 8 bang ana pelta hi. Ka phone awl a khoih la in a Screen ka muhtak in Zanni nitak lam a Sialching No. ngeingei a SMS ka don tuh ka ngaihtuah doh phut a, thakhat a thou in ka kihahsiang a, ann nekhin phet in Sialching omna lam zuan in ka chiahta......
Amah houpihna diing neikei mah leng a Omna address kimtak khakhat vaal paita a a hon Message tuh ka na kem den a, lampai diing leh a inn mahmah uh tun theihna diing bangma ka lin kei hi. Huaichi'n Lamphelpat, Imphal tuh zingkar lam dak 11:00 vel in ka Alto Car ah Jiribam lam zuan in ka pawtkhiaksanta hi.
Nitaaklam dak 1:30 veel ahong ging hial chiang in Kei ngaih Sialching heina Jiribam lenmual gim tuh a muui peetmahta hi. A khuapi phakkuan mahmah lamlian kiang munkhat tuh niliap munnuam in khawl tawldamna dia etlah thamzet ahi a, huaimun ngei ah kei leng ka Cold drink puak lakhia in ka vakhawl muang tei hi. Om awl kawm in Sialching a diing a ka lungsim tawngtak le ka mit lapen a ka theih ROSE paak san nalh le etlawm mahmah tuh a siatkhakna om hiam chi'n ka veelthak thak hi. Huailou pakbawm Sarang ( plastic) a kituun nalh leh etlawm mahmah paak bawng khat leng ka potel tei hi.
Huan niliap na mun a ka tu a, Koilam a hong kipan hihiam ka thei kei; ban ah amah kua hi a bang mi ahia chih ka thei kei. Nungak khat tuh ka kiang nai ah a hong pai a, a meel et in bel soiseelna diing a om hauh kei. A sam vom ngiingei tuh a hahkhia a, a mit-hah ka etchiang in leh amah hon melh dan ka etchia'n Sialching hi awmtak in ka mu hi. Khekor vom gaak lolou a teng a, puan-ak a hing rong silh hi. A aang bawktuh a lian lawmlawm kei a, hileleng a neulua leng ahisam kei.
A mel a vaak a Van Angel bang hial in ka mu hi. A duang leng ka deih huntawk chet leh ka mit la mahmah mi hi'n ka mu hi. '' hiai tuh Sialching a diam aw.....chi'a ka lungsim ka ngaituahtuah lai in ka kiang ah a hong khawl mawk hi.
''Koi a hong kipan na hia....??'' nuih mai meltak in leh Ei Paite pau mahmah a ahong houpih masat mawk chiang in, ka lunggel sau pai mahmah tuh ahi ngei diing; ka dawng zok theikei hi.
Ka dang bang hong keu pian in ka chil(saliva) bang ka valh thakthak a. ''Imphal a hong kipan ka hi...'' chi'n ka dawng thuk a, '' Aw..... Silchar lam paisuak di maw, koitan pha di e,....'' ahon chi a, ken leng hon dotna na tuh kidawmlou hial in ka dawng thuk vetei hi. '' Oh, dak 2 bang ging a konna chiahsan phot mai di aw....'' chikawm in ka Gari tuh ka Start a ''Mangpha ole'' a hon chi a, ken leng Mangpha chi'n ka paikhiaksanta hi. Tuachin dak 2 peelzek in Jiri tuh ka luut petmahta hi.
Jiribam tuh ka phak ngeisa ahih man in Sialching in khakhat vaal paita a a hon kawkmuhdaan theihsiam hak ka sa kei a, zong buai luatna ka nei kei hi. A inn kong tan uh gari a luutdan diing kiremchiahlou a bat ziak in mun lemchang ah ka gari tuh ka koih a, ka iitpen a diing paaktte kilawm mahmah nih ka puakte tuh ka tawi khe pah kei a, amah toh pawtkhawm a valak diing chi lungsim in, huchi'n kipahna tak nei in a inn lam uh zuan in ka chiah hauhhauhta mai hi. Himahleh ka diip a hawm hiaihuai na dan khat a om mawk hi.
Hiai bel tangval in iitpen melmuh masak na diing a thil hithei mawng ahi chi'n kei le kei ka kilungsim hou a, huchi'n ka chil bang valhthak zawzen in, himahleh a phatuam kei. Ka chi bang hong kiliing thei thepthup ve. Ahi'n ka kisuhangsan thakthak a, a tawp a tawp in chu a gate u ka hongta !
Huang liansimtak a nei ua, huan inn kong leng liansimtak ahi. Himahleh ka ngaihtuah phaklouh lam daih in a inn kong uah Silpauline leh Parachute nih ana kizaak a, inn kongtual ah nupi leh papi tamlou ana tu ua, huan nungak tamlou in a kem lam uah Singpi nou sil in a buai ua, himahleh ken bang siltung leh bang programme zang ahi ua chih ka thei nai kei, zong ka dong sam kei hi.
Ka kiang nai ah mitsan gialgual in leh naak san pian mahmah in Nupi khat a hong pai a, ''Sangboi na hihia'' a hon chi a, ken leng '' hi Sangboi ka hi...... Sialching mu diing a hong hoh hing a, amah a om hia....'' chi'n dawng kawm in ka dong thuk a, ama'n leng bang madang gensau lou in ''hong pai in, inn sung ah hong luut phot inla Singpi leng hong dawn phot in'' a hon chi a, kei leng thumang tak in ka zuiluut tei hi.
Huan singpi a hon sung ua, ken leng ka dawn a, huchihlai in tua nupi nu tuh pindan sung lam ah a valuut a, laithon bawm khat hon tawi in '' hiai Sialching in Kaalkhat vaal paita a nang a dia a gelh ahi...'' a hon chi a, ken leng lamdang sa sim ka hih man in, '' Amah koi a om eita, Nu..?'' chin ka dong a, hon dawng tamlou in pindan sunglam zui luut di'n a hon chial a, ken leng ka zui luut teita hi.
''Kei Sialching nu ka hi. Hiai Laithon Sialching in zanni a pai diing kuan a kei kiang a, Imphal apa'n Sangboi kei mu di'n zingchia hong hoh diing ahi. Hiai ana pia'n a hon chih ahi'' achi'n ka kiang a Khitui luang peppep in a hon gen a, ken leng ''Sialching koi a pai eita, Pasal nei mo, Nu....'' chi'n ka dawng thuk pah a, ''Pasal neithei in hong dam khosuak leh i uut luat hi a maw, Bawi....... A natna a gimthuak thuak zou nawnlou a HON BEISANTA eive bawi....!!''
Anu ngeingei in a hon ang kawi a, Pau khiak didan himhim ka thei zoukei !! Ka biang a Khitui dan vuallouh in a Luang a, ka kap gingthei himhim kei !! Ka khut nih in Sialching nu Luu tuh ka dom a, '' Kei amah mel mu diing a hong hoh hing a maw.... Nu....;( ;( '' ka kah tamloh a bei theikei !! ''A damlai meel mu uut ngel hiveng..... Nu ken amah itlua zaw hi veng maw, tun amah din bang ka hihsak thei ta dia....!! Ka kisuum zouta himhim kei a, kah chihtak a kap chu ka hi maive........!
Hiai bang a hun nuam lou hial leh lungsim tamzaan tak a ka omlai in , Sialching Laukha in honna lamtuak ahih lam ka phawk khe guih a..... ''Ken nang diing honsa lou ing a, Pammaihna mai zeen e, maw Ching.....'' chikawm in Pindan sung a huai munliap a ka khawllai a Nungak duangzen etlawm takmai honna lamtuak toh kikhiatna om hetlou Lemlak kitaak tuh lakhia in ka angkawi a, Ka kap nawn hi.
'' Melmuhlouh vang ka ngaih Lia Sialnu aw.
Sakmel na tul mai theih diing lung in geel ngei kei veng.
Omlai na vei vang in maw Kha nawn phamsan;
Tang selung mawl in gelsiam haksa sa'ng.....
Laigil ana'n laidip adap e,
Tuun nu tongsuah pa'n Kha na pham Simthu ka zaak chia'n
Lung in awi mawng e, Tuunnu mawngbang kawi in Kahtam ka awi e, tang lung mawl in.
Na duangzen sak mel et lawm muh kaal hai bang ngak lah a ka omlai in.
Na tongdam nem ka san na ka tawi pan,
Melmuhna diing chinthu thuangbang hungtung.
Hizong ngaihsak mel damsa lapzou lang e, Kei ngaih in kulsin sambang honna zaalsanta.
Na siang zuan a mabang pan a lambang ka hon zotlai in,
Na heina khomual a Na Laukha in lambang eituak e,
Hizong tang selung mawl in theilou hing.
Duangbang ka vul Kahtam ka loh hang Tang selung a muangthei lou. Sinlai ah na e... Ngaih aw......
Hiai bang a kahtam ka loh nung in ka khitui tuh ka nulsiang a, bang louteng ngaihsun in etna ngal en den charchar in ka tu heethuut hi.
''Sang, Sialching zaw ahinkhua gentheitak ahi. Kum 18 achi'n kum in Cancer vei ahihdan Doctor in hon musuah ua. Koi a hong kipan hiam ka thei kei uh, zong kou innsung hon nawk kha diing in leng ka koih sam kei uh. Lamdang bang kasa a, Sialching ka hehpihna khitui a kang ngeikei......
A kumnawn in a sam bang hong pulh in chin, Sialching bang le houpih haksa lotel, amah kingaiselua in chin, kuamah muh dile utlou, aman le kuama mungamlou khophial a Hiai Room mahmah a kikhum den eive.
A damhoih lai chileng a damlouh ale lawm pawltam lou in chin, inn a keitoh kipawl den ung a, a pawt dichiang bang a, a hohna ding le a hong tung hun diing genkhial ngeilou aka.
Apa bang inle deihsak lua, a deih lamlam chu hih pichingsak lou a chu ut ngei hetlou....
A hong damlouh hialchiang a, kingaisetheilua, kipiaksiatna lam ngen ngaihtuah kha nak theilua a, Phone khong a na lawmte, houpih zelzel in o, Ching.... Chihbang ale kithuhilh zeel ung a, huai ziaktak le ahi di maw nang toh nana kitheih khakna....
Zanni sunnung lam a pau ngaplou sasa a a Aw hon suah doh bangdang hilou ahi...Sang... Nang hong hoh dithu toh 'Inn ah zankhat beek ana giaksak un aw' Chia hon vaikhak zaw hia... Naman diamle...?'' ''Sialching kam a pawt kei hihtheih diing ahihnak leh ka piching vek diing ahi...Nu..amah adia bangma hihman leh panpih manna lah neilou ing a...''chi'n ka dawng a.....''Nei zenzen e...adamlouh gimsiat ma khawng a a omdan leh a lungsim bangtan hiamtak hih khamuangtu neive...''chi'n Anu'n hon dawng thuk pah hi.
Hiaibang a sawtkuamtak ka kihou nung un giak di'n ka thupukta a, huan tomkhat zou in Ka Car a Sialching a diing a ka lungsim tawngtak leh a deihthoktak a ka puak Rose paak leh paak bawngte ka nawtsiat lam ka phawk guih a, ''Nu Sialching haan ah hong hohpihman om diam'' chi'n ka dong a, aman le Nungak 2 leh naupang tleirawl gual khat hon kawkmuh in hon ngaihtuahsak a, ken le amaute zui in, Car a Rose paaksan pen tawi in paak ka vakoihtei ta hi.
Paakbawng pen tuh Sialching room ngei a a lemlak kitaakna nuaigeih a koihtheih din a remchang chet ziak in ka koihta hi.
Tuachi'n Hiaizan tuh Sialching zaalna pindan leh zaalkhun ngei a Sambang zaal in, taikhua vaak dong mitsi lou hial in Nunlui gelna'n ka zaan hun ka zangbei a, Huan zingkar ann nezou in Jiribam tuh ka paisanta hi. Sialching laithon ka puak tuh tutan in honglou hial in kum 5 paita mahleh inn ah ka kem tinten lai hi.
...............beita.....................
msleivang/2013
©Siamsinna leh Vakiangbu
Comments
Post a Comment