By ~ Nasri Jona Tawmbing TxNa
Tuk
vuahtui kiak hunlai ahih man in kei le zan tung a pat in lupna tung ah
bang bang hiam ngaihtuah in ka awm hi. Zan dak 9:30 khawng ging ta, ka
lukham nuai a ka cellphone hong ging a, ka No theih ngeilouh ahih man in
ken leng ka picup nuam kei hi. A nihvei nang in hong ging nawna, thu
poimoh gendi nei hi'n teh chi'n ken leng ka picup hi, aw ngaihnoubei tak
mai, a aw vuak zak a le, chimul teng teng thou thei ding khop a aw nem
in, "lumta maw"? Awnem takmai in hon chi hi. Ken le, kua a na hih, bang
gen nop nei a na hih, ka lumta chi teng in ka dawng hi. A man leng
bangmah gen nawn tuanlou in, "hun remchang danga ki hou thak di chi'n a
koih hi.
Ka lupna tung ah ka ngaihtuah den a, a aw chu ka zak
zak sa ahi chih bel ka thei a, hi mahleh kua pen tak ahi a, chih ka thei
zou mah mah kei hi. Ka ihmut theih louh ziak in ka va text thak nawn a,
vuaitam ka dot nung in amah leng a hong ki gen khong hi. Ka Birthday
lopzan a, ka lawmnu'n, ama lawmte ahon hohpih, a guk tak a kana star mah
mah khat ahi, chih ka theih in, lamdang bang kasa a, bang ziaka hon
call mok mok ai dia aw?? kipah huai kasak mah mah lai in lehlam ah, ka
kizumpih in, ka kisit mah mah mai hi, huai ka B'day nitak a ka lawmnu
laka, thu tamlou ka gen, ana gensawn ahi chih leng, ka khutzung zah ka
theih chiang bang in ka theichiang pah ngal a. Ka lawmnu bang ka mawhsa
ut hial hi.
A inkuan khosakna uh ka ngaihtuah chiang in ka
dinmun uh lei leh van banga ki khia lah ahi ngal a, tham lou in amah
bang melhoih leh pian nalh mah mah, tanu mal hi zawmah lai, "kei lou
tangval dang changkang tak tak ngaitu le tam law mah mah di'n ka ging a,
a deih deih telthei ding khop hial a ka ngaih hia a, bang lungsim neia
kei hon call kha mok ai dia aw, a msg te lah a guh langin gen kei mah
leh hondeih chih mihai nileng lou adia haih vual lah hilo" chia ka ki
ngaihtuah lai in kana ihmu hi.
Hun tuibang liam zel in, ka ki
zuih na uh leng kum khat bang ching di ahi ta a, thu tampi leng ka gen
khom ua, ki hih heh chang bang om mah leh ka ki lemthei zel ua, ki ten
ding tanpha bang ka na gen man hial uh hi. Himah leh amah lamah remlouh
na khat anei a, kum khat ana ngak lai ham ham ding in ka kiang ah nget
petmah a hon ngen in, keilou, midang kuamah a ngaih lou ding thu leh,
pasal dang ngaithei a hih louhdan te ka kiang ah gen den hi.
Kenleng a haksatna theisiam in, "Nang kiman hun hun himai, kenle nanglou
itdang neilou ka hi. Ka zi dia hon deih petmah ka hi", chi'n ka gen zel
hi. Hostel a om ahih man in, vengkhat a omkhom ka hih hang un, ka ut
hun hun un ka kimu thei kei ua, phone a ki biak leh ki text khong lou ki
nepnang dang a om tuan kei hi.
Kum 2008 November ... Ni in hiai thu ka kiang ah hon gen hi.
Amah : Uu thil khat dot ut kawn nei a,
Kei: Bang thu e Nau?
A: Facebook na khoih ngei hia?
K: Account chu ka neia, hi le le ka khoih ngei kei.
A: Bangziak e U?
K: ka nna ah ka buai thei lua ahi, bakah, ka lawm te khat in, a nupa
kar uh fb ziak a ki sia a, ki khen lawh hial uh ahihdan a hon gen apat
zaw, lunglut huai le sa khol lou ka hi. Nang khoih zel maw nau?
A:
ken maw, khoih zel inga, ka friend le 500 valta eive. Hi leh le maw,
nang hoih nasak kei leh chu, ka khoih nawn kei di, ka account le ka
deactive di aw!
K: E..... Huai chu nang thu thu himai aka, ken chu khoih in ka hon chi keia, khoih lou ding in leng kon chi tei tei kei.
A: Ka hih top maidi aw, nang hoih salou na hih chia, denchiah khoih tei tei leng, a hoih kei kha di.
Huai ni apat in ka lungsim ah, tulai mite, nungak tangval, nupi papi te
haichilh, a gen gen uh, fb belhchiang ka utna in hon zou mah mah mai a,
fb hong kithang tunga, ka lawmpa hon hongsak ka account ah ka lut ngal
hi. Ni 2/3 sung chu, a awmzia ka theih vaklouh ziak in, lunglutna him
him ka nei thei kei a, himah leh, hun hongpai zel in, ka hong lunglut
hiai hiai hi. (Hiai ka Account pen chu hilou ahi ka gen)
Huchi'n ka Nanau account khong lut utna lungsim ka hon nei a, a email
leh pasword kava dong hi, aman le, lamdang sa in, "hihtopdi ka chih
eivoi, bangdi na chih e," chikawm in ka thil dot a hon hilh a, a gen
bang ngei ngei in, ana khelari mah mah chih kenleng ka muthei mai hi.
A account a ka lut teng in status update a om mai bak ah, inbox lam ah
leng gamlum sek mah mah hi. Kum khat beiding hita, a Birthday hong tunin
sms in kava wish sam hi, huai ni mah in a account ah ka lut nawna, a
wall dim in mite b'day wish na ana ki remsuk dendan a, kenleng ka
kipahpih mah mah mai hi. Himah leh ka lungsim khat in, ka account ka
deactive di a chih ka theisuah guiha, akiang a ka gen leh, aman leng, ka
b'day ahih ziak a ka hih toplouh ahi, zingchiang in ka deactive tak tak
ta di aw U, chi'n, kamsiam tak in a hon khem khe nawn hi.
A
zing chiang in a pasword a change a, keileng bangmah hon hilh nuam nawn
kei hi. Himah leh a min gelhdan leh a pp thei chiang lua ka hih man in, a
ac chu ka check thei ve ve thou hi. Topsan ding a chihna kum khat beidi
hita, amah lah uang sem sem, ka lungsim a nna mah mah mai hi, fb a
khoih ziak a lungsim nna ka hi zen zen kei, bangdia khoih ut lai pi pi
in, ka khoih nawn kei di chi se se ai dia aw, ken ka lungsim teng teng
pia inga, ka zi dia leh ka deih mah mah hi a, aman chu, ngaihzawng di
chauh a hon en hi di eive, chih khong ngaihtuah in, ka ki ngaise sim mah
mah mai hi.
Bangteng hi leh amah kiang ah gen leng a dik pen
di, thil omdan ka theih khelh ziak le hi maithei hi a, chi'n, a kiang ah
ka dong hi. Aman ahih leh, khoih ngei nawnlou ahihdan leh, a deactive
thu in hon dawng a, lamdang kasa mah mah a, "hiai khong khem khem, ki
it, ki ngai te ki khen nang tham ching lou ahi," chi'n, a theilou bang
in ka om a, a gukin chu ka check reng thou hi.
Niteng hunteng a
uang sem sem, a kiang a ka gen chia lah, a khoih nawnlouh thu ngen gen,
ka tung bang a heh maimah zel a hih man in, kenleng bangmah ka gen ut
nawn kei a. Ka lungsim ah fb khoih tei mai utna ka hon nei a, ka collage
kailai a ka lawmte khong fb a khoih u leh khoih louh ka dong zela, hun
sawtlou nung in, ka lawm luite khong toh ka hong ki rfiend tei uhi. Hun
sotlou karin friend bangleng tampi ka hon nei pah a, ka friend list a
te, ka meltheih tamzawtham ahih man un, status update leh photo khong ka
upload chiang in, amah keisanga lawm hauzaw hinapi in, Like leh Comment
tu leng amah sangin ka hauzaw thei zel hi. Huai chiang in ama lungsim
natna khop ana phazel hi daidan ahi, a khonung a ka theih thak dan in.
Nikhat ka online leh friend request khat ana om a, kenle, enchiang masa
lou in ka confirm ngal hi, ka Nanau in a min ana kheng in, kei leng
theih ngeilouh te sa a, friend request hon khak ana hi dan hi. Hun
sawtlou nung in ka hong ki theikhia ua, huai ni a pat in ka kal uah
buaina khukpi tung ahita mai hi. Kei wall leng a online teng in a check
gige chih kenleng ka thei a, himah leh poisakna bangmah ka nei nawn kei,
a ziak bel, aman zuau a gen masak ziak ahi. Aman leng thu omzia nei,
lungsim hihna thei ding zong in thu tamtak a hon gen khum a, himah leh
ken bel, fb ziak a ki it, ki ngai tak tak te ki khen lawh nang in chu
nep kasa petmah a, "aman leng a ut dan dan in khoih henla, kenleng ka ut
dan dan in ka khoih di," chih ngaihdan ka hon nei ta hi.
Kha
khat leng liam lou in, ka lawmte apat in a pasal aneih thu ka theia,
lamdang ka sa in, ka lungsim leng anna mah mah mai hi. Himah leh a ma
paukam ngei a ka zak ma chu gingta theilou ka hih man in, lungsim nna
tak a om pen hithei nailou ahi, a him him in tua exam nei lel ua, kei
kiang ale, exam aneih di ziak a, exam sung ki contact lou dia a hon gen
hia, exam khong hon zou phot u henla, huai chiah thudik, amah gen ngei
ka thei mai di, chi'n, ka lungsim ka pasal sak ham ham hi.
A
exam zohni uh, nitaklam in kava fon hi. Pasal khat in ana picup a, ken
le ka******fon hilou maw, nang kua e, amah koia om a? Chi'n, ka gen hi,
"a pasal ka hia, tua chu mehdi khong lei a, bazar ahoh" chi'n hon dawng
hi. "Ahih leh amah om chiah kon fon thak zaw mai di," chi'n fon ka koih
hi. A mah fon nawn nawn le a ngai tuan ahia, "apasal ka hi" chia hon gen
hia, pasal nei tak tak lou hi leh, hiaibang paukam kaza mok mok dia
hia, ngaihtuahna mumal takle nei lou in, ka om mai mah hi.
Amah
omlai ngei in ka fon thak hi. Pasal nei tak tak maw, bangziak a pasal
neidi in, kei bangmah hon hilh lou e, keisang a it le ngaih zok nei in
bangdia hiai tan lungsim buai tak a ana koih na hia? Chi'n ka hang gop
zial zial hi. Amah hong paukhia a, "nang ei voi hon khem tu, fb ka khoih
ngeikei nachia, keisang in le na khoih nasa zaw a, nanglou it ka neikei
nawn chi a, huai dt 20 ni a na photo uplaod na a, na ki comment na uh
en thak lechin. Huai ni apat in ka lungsim teng teng ki lamdang vek a,
hon gingta zou nonlou ka hi." chi'n hon dawng hi.
"Bangkim
kikhel hita mah leh thil khat kon gen lai di, fb ziak a i kikhen i hih
in chu, iki it tak tak kei chihna himai, ahim him in, nangle zuau tampi
na gen a, himah leh ken kon it ziak in bangmah ka gen ut keia, huchia
pasal neidi in chu hon hilh lechin hoih di hia," chihtoh fon koih ka
thuah ngal hi.
Kum nih nung in, kei le amah lam him him ka
ngaihtuah kha nawnkei a, kei hon it tu diktak, toh a karnawn mai a kinei
di chi'n kana ki gen rem ta ua. Ka kisak kholh na leng kanei vek ta
uhi. Huchih lai in ka cellfon hong ging a, ka No theih ngei louh a hih
ziak in ka hih ngeina dan bangin ka la nuam kei hi. A nihvei hong gin
tak in ka la a, numei khat in kah aw sim in, @@@@ na hi maw? Thil khat
na kianga genut ka neia,fon a gen chi ahih louh man in, tuni dak 12 in
restaurant ah kimu zual ni, chihtoh a fon koih thuah ngal hi, ken leng
kua ahia, bang genut nei ahia chih bangmah ka dot manlouh ziak in, ka om
bang a nuam kei zozen hi.
Ka gintak louh tak in, kumnih liamta
a, ka Nanau restaurant ah ana tu hi, keileng akiang ah kava tupah ngal
a, "nangmaw hon sam, bangthu e na gen ut"? ka chipah hi. Amah hong
paukhia a, a lungsim a gim mah mah chih amel a langthei hial hi. Gong
mah mah ahih man in, lamdang kasa petmah hi. "Uu" chia hon sam in, (uu
chia honsap kumnih veng veng zalou ka hih man in ka kiguih hial hi)
keilam hon en a, "na ngaihdamna ngendia honsam ka hi, hehpih tak a ka
thugen hon ngaihkhiak sak di'n kon ngen hi"
"Fb ziak in nang
lak ah ka lungkim kei mah mah chih narhei a, bangmah leng ngaihtuah
chiang masa lou in, na tunga phuba ka laktheih nang leh, na lungsim ka
hihnat theih nang chi'n ka it leh ka ngaih le hilou, huaikia le hilou,
nidanga ka theihngei le hilou, ka khatvei kimuh na a ka theih, pasal
di'n kana nei a, kal khat leng pailou in, a lungsim diktak/mizia hong
suak khia in, khamtheih tel loa hing theilou mi pasal a nei ka hih lam
ka kithei hi. A nu leh apa te chu a fel ua, ka tung ah leng a hoih mah
mah ua, sungkuan hausa takleng ahi uh,"
"Ka pasal tunga ka heh
ziak in kar nih nung in ka inn lam ua paikik ka som hi, himah leh, ka
pasal nu leh pan hon dang nak lua uh ahih man in, ka pai ngam hial kei
hi, ana pai hi leng le ka nu leh ka pa phal louh pi a pasal nei ka hih
man in, nawlam kik hileng le nuamsa taka omthei lou di ka hih lam ka
kithei a. Huai ziak in tuni tan ki itna tel hetlou in nupa hinkhua kana
zang uh hi.
Hun hiaitan nupa a ana omta ka hih man un, Ta bang
ka nei hial ta ua, kisik in bangmah omzia neilou ahi chih ka theih man
in, ka thuak ham ham hi. Himah leh kamkhat beka na kiang a ngaihdam ngen
lou a ka damsung hun ka zat di ka ngaihngam louh ziak in, tuni in na
kiang ah ngaihdam ka hon ngen hi" chiin a hon gen hi.
Ken leng,
"Ngaihdam na hon nget nang bangmah omlou ahi, hun paisa a na thil hih
diklou te ziak a ki musuah a na om a, tunung hun aleng, thil ngaihtuah
chiang masalou a thil na hih mok mok nawn louh kon deih. Huai chiah
facebook i chih mitampi te'n siat lawh mah le-uh, mi tamzaw te adia,
hamphatna, a zangsiam te a dia hinkhothak neih theih nang khopa thil
pangkai a hi chih nangleng ana thei ta inla, i it i ngaih te toh ki khen
phah hial na ding in chu nep salua ka hi.
Facebook in i
gamsung, i nam sung ah i khosakdan leh niteng hinkhua, tuailai te kia
hilou, a tek a khang in a hon hei lamdang mah mah a, a hoihlou zonga
zang ut te a ding bangin mihing hinkhua hihsethei thil a tam mah mah mai
hi, nungak tangval, ki it ki ngai te kia hilou, nupa ki khen lawh bang,
thanghuai tak a khosa a, ahih kei leh midangte lungsim suna thei thil
gen-le-sak ziak a suangkulh tang leh sum tampi liau bang le mi tampi
omta ahi.
Huchih lai in a hoih lama zangnuam te a dingin leng
phatuam tak a zat theih nang atam mah mah, huai lam zaw nangle na thei
thou a ka gentam dah mai di".
Na thil hihkhelh te ziak in ki
lungkham sak nuam ken la, Krist in dan hamsiatna teng teng thuak in na
thil hih khelh te a hon tan ta a, ngaihdam na hita, pai inla hihkhial
nawn ken!!! Chi'n damsunga kimu nawnlou dingin ka ki mangpha ta uhi!!!!
©Siamsinna Leh Vakiangbu
Comments
Post a Comment