THELNAH TUALKIA INZONG APHUNG ZUAN E
By~ES Py Thomte
Buh-aal hong khuang ngoihngoih
in "thouta aw" hon chi bang ka sa hial hi. Huaini bel zing ka bel nipen
ana hi zawmah hi. Zing aan nezou kisuhalh cheuh ding chi a ka pawt
leh,ka vakimu khanawn get ua "U Sian koilam phadek e" hon chi a, ken le
kitokhalh dia hong pawt ka hi. Nang la koi ah hohdek e ?" ka chih leh
"nang muh khakleh chi a hong pawt ka hi", chi in, kam nemtak toh awsuak
nemtak in Ngaihnem in hon dawng bang zaw ka lungsim teng a
luahsuak gai nonzel mai hi. Nidang ka hinkhualui uh bang ka phok thak
zawzen tamai hi. Huchia bangtan hiam ka kihou laitak un, thakhat in
khokhung suangdoh ka tung uhi. Ngaihnem in le hichi in hon gen a "U na
tung a khial kha mah ka hi a, kei haiman ana hi,hehpihtak in hon ngaidam
in aw" hon chimawk a,ken lah ka itlouh hilou,ngai petmah ka hihziak in
dawn didan bang ka buai a, ka deek ka khuat mualmual zezen hi.
Huchia
dawnglou a ka om tak in. A mah le kisuanglah ahi ngei dia, 'U ka napai
photmai ding aw" Chi in hon paisan hi. Nidang a ka omdan uh leh ka
kikhen dante uh ka ngaihtuah chiang in ka ngaihluat ziak hia, ka mittui
bang ka theihlouh kal in a na pawt maimah hi. Kei leng anung a awlawl in
ka paisuk hi.Nidang a ka itpen a na hi a, ka zi ding tanpha a leng ka
na et a na hi. Ka kingaih lai un nuam ka sa petmah u hi. Tua hichih ding
lam theilou ka hihman un nuamtak in hunte ka zang khawmzel uhi. Nitak
laa zir a kuanlouh ngal hihding omlou ahihman in nitak a hihnak leh kimu
thei gige ka hihziak un nop ka sa petmah uhi. (itpen te toh omkhop nuam salou kua e a om ding.. haha)
Hunte
hong pai zel in ka ki itna uh lian deuhdeuh ta hi. Lou Nnasem mi ka
hihman un Lou vaikuan khawng ka kiton khaklouh ding bang uh hithei ka sa
hetkei uhi. Khosung a ki it kingai kougel kia ka bang zezen uhi. Min
hon dem khak chiangbang in nuam ka sa zawzel uhi.
Ngaihnem (Nenem) te ahihleh khosakna nuamsa, khosung a dia etton taak mahmah te a hi
uhi. Kou ka hih uleh ka huntawk ua kuamah eng tuanlou ka hi uhi. Nenem
toh ka ki it uh hon theilou kuamah a om kei hi. Huai kawmkal ah, ka kal
uh suksiat theihna dia kipei vitvit gige mi a omzek hi. Kou le huaithei
ka hihman un ginom ding in thu ka chiam zel uhi. Huchia ka kal uh
hihbuai ut mite lak a khat ahihleh mi hausa,neizou mahmah kamsiam takmai
etlah thamching mahmah Soson kichi khat a om a, huaipa ahihleh
maingal,thuahnop leh poisak neilou ahi. Khosung mite'n leng zahtak bawl
simchiat ahihman un kiphasak hun mahmah ahi. Khatvei Nenem a na bei (try)
hi. Nenem in leng hitheilou, ngaihzawng nei khinta ka hi chih a na hilh
lele poisatuan mahmah lou in a gengen hi. Soson ahihleh Nnasem ngeilou
ahihman in sun-le-zan chih omlou in Nenem te Inn ah a hoh gige hi. Kei
bel sun chiang a lou nnasem a kuan ngaizel ahihman in Inn ka om manngei
kholkei hi.
Hunte hong pai zel in ( 'numeite tengkol bang a asawk zouzou,atawp zouzou khelah a ngai ahi uh' achih dan deuhte uh hinteh. Haha ) Soson niteng a va ompih zouzaw phot
ahi dia. Ana nialzou nawnlou in Nenem in hon na kopgu hi. Kei toh lou
ka kuan khoplouh hun uh a tamzaw ahi a huaihun ah thilteng kikheelpian
veksim mahleh ka itna dai tuanlou in, ka itna ngeimah in ka it hi.
Huchia lungmuangtak a ka omlai in nikhat tuh Nenem in Soson toh hon kop
ahi chih ka theikhia hi. Ka theih ni apat in a omdan
kilamdang deuhdeuhta hi. Ken lah ngailua ka hihman in ka om didan
theilou in ka hamhaih mahmah hi. Nikhat Soson in hichin hon genta a .... "Na it a na ngaih lah tang zoulou na hih man in ,a inn ua le hoh nawnken aw" hon chita mai hi.
Ken leng dawng selou in ka om hi. A pawna lou lemlem kineih in ka nuisim heuhau a (tui ke nuih chih dandeuh hahaha)
Ken le huaitak in Nenem toh kimuh theihna ding hun kon zong vitvit hi.
Hun zong a ka buai mahmah laitak in,nikhat Pathianni in hun kon mu
khongkhong ta hi. Ken le Nenem ka sam a kikhen nailou ka hihman un hon
nialngam samlou in ka pawt khawmta uhi. Mun awng thawvengdeuh khat ka
vanaìh pih a amun ka tun tak un ka tu ua , nidang a kipom tittet a tu
gige ka hi ua,huai ni bel a pamlam taklam pang ah ka tu hi. Ken leng hi
chi in kon gen panta hi. ....
"Nem na kiang a dotnop leh gennop nei ka hi"
"Bang a u, gen ve ?" hon chi a.
"Nem non ngai hia ?"
"Hi , kon ngai,bangziak maw u ? "
"Nem non muang hia ? Itna taktak hia non itna ? Ka thei siamkei !! Itna kichi kimawlna a zatlouh di ahi aw "
"U ken kon it taktak. u bang thu za e ? "
"Nem, kei a na hi non kei. Midang a na hi kizekhem a kimawlthoh lou ding ahi. Ken kimawlna dia ka itna phallou ka hi. Nem non kop maw ? "
"U , kon kop kei, Kua toh kon kop di la? " Chi in a kitheih mohbawl hi.
"Nem, taktak maw ? " Na uSon la ?" chi in ka genkheta mai hi.
"Bang a u, gen ve ?" hon chi a.
"Nem non ngai hia ?"
"Hi , kon ngai,bangziak maw u ? "
"Nem non muang hia ? Itna taktak hia non itna ? Ka thei siamkei !! Itna kichi kimawlna a zatlouh di ahi aw "
"U ken kon it taktak. u bang thu za e ? "
"Nem, kei a na hi non kei. Midang a na hi kizekhem a kimawlthoh lou ding ahi. Ken kimawlna dia ka itna phallou ka hi. Nem non kop maw ? "
"U , kon kop kei, Kua toh kon kop di la? " Chi in a kitheih mohbawl hi.
"Nem, taktak maw ? " Na uSon la ?" chi in ka genkheta mai hi.
A man leng gen ding theilou in, atu kuun ngeungau hi.
"Kum 3 bang kingaita hang a i kal suse zouding mi a omlai telzaw lamdang hi na mai e maw, Nem ! Kon it chih na thei a ikam chiamte tangtunsak ka ut Nem"
"Kum 3 bang kingaita hang a i kal suse zouding mi a omlai telzaw lamdang hi na mai e maw, Nem ! Kon it chih na thei a ikam chiamte tangtunsak ka ut Nem"
"Na it na ngaih, deih a chibang na tel toh houlungtuak nunnuam hong lengta un aw. Kei
zaw khattang sawlbang heita ning e. ingdang siang nazuan zong in
tongsia hong lellou aw. Ka nunna tual a niam zong kon itna vanbang sang
e. Ka itna bangbang sen guallai ah zongmah lechin; Singdang sen gual in
khovel pallutna leh noptalna a hon zang di ahi. Nem kei a dia lametna
omsun zaw, Na lungdeih toh gibangkhen a ka siang a nong len haibang
ngakta mai ning e..." Chi in kikhenna thu ka genta mai hi.
"U nang hon khen maw?"
"Hi"
"Bang ziak maw u?"
"Mite mitsipna leh a mit ua ninlut bang a dongkholh tak a om ka ut non kei"
"U , kon hilh di. Ka upa mai-et zoulua , ka u'n hon gen pihpih a,ken le dawngkha mah ka hi"
"Nem, paulam leh suanlam dang gen dah mai ni. Ki it kingai na hih ua leh kon dal non kei..Nem, hoihtak in hong om un aw. Kei zaw lungzuang khattang sawlbang heita ning e. Kei zaw amah toh non teh in zaw neih-le-lam, pilna siamna le bangmah neilou ka hi a chinglou di mah ka hi" Chi in ka pai sawm hi. Ka khut a hon man a...
"U nang hon khen maw?"
"Hi"
"Bang ziak maw u?"
"Mite mitsipna leh a mit ua ninlut bang a dongkholh tak a om ka ut non kei"
"U , kon hilh di. Ka upa mai-et zoulua , ka u'n hon gen pihpih a,ken le dawngkha mah ka hi"
"Nem, paulam leh suanlam dang gen dah mai ni. Ki it kingai na hih ua leh kon dal non kei..Nem, hoihtak in hong om un aw. Kei zaw lungzuang khattang sawlbang heita ning e. Kei zaw amah toh non teh in zaw neih-le-lam, pilna siamna le bangmah neilou ka hi a chinglou di mah ka hi" Chi in ka pai sawm hi. Ka khut a hon man a...
"U,na lungsim piching hi na
mai e ! Ken zaw kon it lua. U, na itna tang zoulou ka hih takman in na
heina peuh ah Sian in hong kem henla nuamsatak leh Pathian theikawmtak
in hong om in aw" hon chi hi.
"Awle, ka kipak lua. Nang le phungching ding in Sianin hong siam hen aw" chi in ka itpen midang khut ah ka pe lutta hi....
"Awle, ka kipak lua. Nang le phungching ding in Sianin hong siam hen aw" chi in ka itpen midang khut ah ka pe lutta hi....
Hunte
hong paizel in kei lah ka it mahmah tangzoulou ka hi ta hi. Phavang
hunkuan ding ahita a; kei leng lou kuankuan a phavang pah ka ut ziak in
ka hahpan mahmah mai hi. Ka kiheina peuh lah ka sulnung ngen uh a hi a,
ka lungleng thei mahmah hi. Ka it mahmah ka lungtang teng luahdimtu mah
in hon luah dimzel hi. Bang tan hiam nung in kong phavangta uhi. Kei
leng phavang awllen in sepding omlou in ka in om om hi. Bangmah semlou a
om zaw haksa na mai e. Nenem ka ngaihtuah khazel a, midang ading in ka
phal kei himhim hi.
Kei leng inn a om om ka hihmanin chimlua chi in Nenem lawmnu a innkhangnu Biaklun
kichi kiang ah ka vahoh hi. Amah le a inn kong ua pat-heek kom in
nisalum awi in a na om hi."Hong tu ou, uSian nong hoh zenzen a, nungakte
le om uh ei ve" chi in hon chiamnuih hi. Kei leng nui kawm in "om uhia ?
" ka chi thuk hi. Thu bangbang hiam kihou a ka omlai un, thakhat in
innsakte inn (Nenem te inn) ah mi hong kikou kheguih mawk hi. Kou le
lamdangsa in ka delh toupah uhi. Amun ka tun un, Oii ! lamdang na e,
Thuak hak na e, Ka itpen a na hi maimah a. Amau le a uSon toh amau gel
kia om ua , a nute meh ding zong a vakkhiat laitak uh a hi. Kou le ka
lutsuakpah ua. "Nem, bang chi uh e ? " chi in ka kanpah hi. Soson in
bangmah ka chi kei uh. Paita ua,hon chi hi. Ka itpen mittui luang
zungzung a om ka muh in ka hehpih mahmah mai hi. Nenem in le "u ka kisel
kha ua hi " hon chi a, kisuanglah tak mai a tudia hong chihkawm in
tutna hon pia a,ka tupah uhi. Kou le Biaklun toh ka hi ua. A uSon in
bangmah genngam lou in tu ngeungau hi. Kihou zawsam ka om kei ua Biaklun
toh bel Nenem kihou zel uhi. Kou apasalte gel ak gulmu ka bang
geugau zezen uhi. Soson le kisuanglah ahi ngeidia pai a sawm hi. Ken le,
"eh ! Son pai ding chihpah.. omlai ou, Kou ka napai zawngal kei ding
ua. Nang a nei zaw deuh" chì in ka eng houkawm hi. Hahahaa. Nopthou. Kou leng Biaklun toh ka kizuidok nawn uhi.
Ni
bangzah hiamnung in Soson toh ka kimukha uhi. Soson in "lawm, ka gen
mangnglh maw ! Bang ziak a a inn ua hohhoh lai na hiam ? " hon chi hi.
Ken leng,"Eh ! Son ka hoh a siatna om in ka thei kei. Ka kingaih lai un
le kakha sesak ngeikei a,khasiat ding leng ka phal kei. Nang le na it a
na ngaih ahihleh, Sukhase ken la, hoihtak in kei et bangbang in a na en
in aw" ka chi a , paikhiat san toh ka thuah hi.
Kei le Biaklun
toh kithuah in sun-le-zan hun ka neihdan un ka zangkhawm zel uhi.
Biaklun ahihleh ka pu ta ahihman in thil tengteng ka hilh ngamvek hi.
Aman Nenem kiang khong a gen zel in; Nenem le lunglel ahih dan khong hon
hilh zel hi. Athu omlou a khenthei mawklou ahihchia ; Nenem buai kisa mahmah hi. Biaklun toh
la zir ding leh kikhawm ding khawng in kong kizuizel uhi. Nenem toh ka kikhen uh atheite'n lamdang a sa mahmah mai uhi.
la zir ding leh kikhawm ding khawng in kong kizuizel uhi. Nenem toh ka kikhen uh atheite'n lamdang a sa mahmah mai uhi.
Hun
hong paizel in nidang a zat ngeina bang in Autumn Meet kou khua in kon
zang uhi. A Kipat nitak in kei le ka vatel pah hi. Nuam ka sa mahmah mai
a , lah ka lung a leng mahmah hi. Miss & Mr contest khong bang a om
hi. Nuampetmah a, sunchia kimawlna a omzel hi. Nungak, tangval hun nuam
ahi a ken le lungleng kawm pipi in nop ka sa veve hi.Kimawlna ah ka tel
vek hi. Ka lunglut lam ahi a, nuam mahmah hi. Huchi mahbang in Nenemte
le tangvalte toh nuam sa mahmah in kimawlna pualam ah ana nui velvul sam
uhi. Kou kimawlhun ahihtak in kei leng ka van khek in Biaklun ka
tawisak a kimawl din ka luttei sam hi. Ka hahpan mahmah mai hi. Ka lang
lamte un half ma in goal 2 hong khum uhi. Half zoh in kou leng panthak
ka la nawn uhi. Huai akil lam ah numei nui keukeu gige in honna suhat
tuan mahmah ahi dia, Ken le goal khat ka vakhumsam hi. Ken ka khumtak in
huai numei nui keuhkeuh nubang ana kipaklua in kitawmtawm mai hi. Kei
leng ka hahpanna lam ah ka langte toh kiphu kha in ka kisukha hi. Ka
khuk kon sukha a, ka nak khong a si hong pawt hi.Field nawl a hon
zawngkhia ua,Nenemte kiang tak a hon koih zawmah uhi. Nenem in le hong
en in ka ki entuah kha zezen uhi. Ka khuk naa salua ka hihman in
ka mittui hong pawt maimah a ka nopsak hun a bei maimah hi.
Ni
2 zoh in a last nitak a hoh ut mah leng ka hoh theita kei a poi ka sa
mahmah hi. Price hawmte khong ka mu ut mahmah a, football a kou 1st ka
hi thethup uhi. Miss & Mr contest lam hon hawmta ua, kuakua ahidia
aw ? chi a lupna tung a ngawi dide in ka om hi. Miss a 1st Nenem hong
kichi a, kei le kipaklua in, lupna tung a ka khut ka na bengkha ekek hi.
Pasal lam ka ngai nawn a, Mr ding in Mr Siankhai hong kichi a
; eih ! kei lah lupna ngak in ka lumta maimah a, Stage tung a ding
khedin hon samta hi. Nenem bel pai in, kei bel lupna a om ka hihlam hon
thei uhi. Mipite'n kei hon sam vengvung ua kei le ka ut petmah hi. A
tawp in a saitu pa'n volunteer te kiang ah hon piidin a hon sawl hi. Ka
lupna apat in hon zawng thohmai uhi. Ka zum mahmah a ka kisuanglah
mahmah hi. Nenem bel a na dingkhe ngihngiah hi. Kei le hon liangbat
lutta ua mipi'n khutbetna toh hon na uap ziahziah ua, ka zum mahmah hi.
Zawlluite toh ka din khop masakna pen uh ahi. Kei kia a dingtang theilou
ka hihman in hon kikawi sakdek ua, ka utkei hi. Ken le conductor pa
kiang ah ka kawi ding hilou, ka let ding chiangpum ka deih chi in ka
ngen zawta hi. Himahleh mipite'n a ngetnget ziak un ka kawi thohta mai
hi. Kingai lai hi leh bang ka chigu vungvung sek hi. Program beitan ka
din khop di uh himahleh tuthei din ka om ua kipahhuai mahmah hi. Program
zangzou lim kila khawm ziahziah bang chu naknop lua hiin maw. Hahaha.
Himahleh nidang bang a omkhawm kha nonlou ding,a last hidin ka koih ta
hi.
Hun le nite kidang zel in amah le a Uson toh akal uh hong
kise hiaihiai ta hi. November kha in a kikhenta mai uhi. Kei leng
loukuan,vaipai a lawmnu Muani toh ka kiton uleh Muani in
na zawlluite leng zannitak a kikhen uh ei ve. Genthak mai ve hon chi hi.
Kei leng ka kipak petmah a ka nuisim heuhau hi. Ken leng bangziak a,
bang chi dan a ? chí in ka kan hi. Muanì in nang hon ngailua a nangkia a
na vakvak khawng hon muh chiang a hon it deuhdeuh a, a Uson in
lah zudawn khamsa khong a vahel zel a lungkia a khen ahi. Hon chibang
chu ka kipak petmah hi. Himahleh ka ngaihtuah chiang in ka hehpìh mahmah
mai hi. Huchia thutuamtuam genkawm a ka paipai uh leh nuamsa zak ka hi
uhia ? Inn bang ka tungbaih zezen uhi.. Inn tung phet nidang bang
loutak in ka kisil pah vitvit a ka nu'n bang lamdang honsa zezen hi.
Keile kisil zou nuikawm heuhau in inn kong lam ka zuankhia hi. Amah (Nenem)
ka muh khakleh chi in a inn khang ua ka nau kiang ah ka vahoh hi. Ka
lamet bang loutak in ka mu kei a, lamdang ka sa mahmah a zoi ngoingoi
kawm in innlam ka zuan nawnmai hi.
Hunte
hong pai liamzel in i ngaklah mahmah Christmas bang hun di hita hi.
Lazir bang kisiak mahmah ta lazirna khawng a kimuh khakchiang alah
nidang bang a kihouthei nonlou, aman hon zahtak luatziak a bangmah kigen
ngamlou in lungsim nuamlou pipi in innlam ka zuan zel hi.
Christmas
hong tungta petmah a mite lah a nungakte utoh hong lengkhawm hiauhiau
uh muhzaw kei a din a etnawp law hetkei hi. Kei lah kei kiakia in
kikhawm ding khawng ka kuan vouhvouh zel hi. Ka hinkhualui zatdankhawng
ngaihtuah in ka om om hi. Nitak lengkhawm hun hi ta, lengkhawm a kuan
ding lah keikia ding ka hih chia linsim. Lengkhop di leh lenkhop louh
ding saikak a ka innkaa tung ua ding a ka omleh, Muani in , " hong aw
lengkhawm di" chi in hong zawn guihmawk a, lamdang bang ka sa zezen hi.
Ken le utlou dandan in ah, "Kon subuai kha ding nou valengkhawm mai un
aw" ka chih leh "ngailou nang hong manoh ka hi. Keikia utlou ka hi" chi
in hon gennawn a ; ken le, "aw, kuan ni aw leh huchi ahihleh" chi in ka
kuanpihta hi. Saulou chik paipan chihleh ka ma uah mikhat hon
nungngat lampi daltak in puan kilukhuhsa in a na ding bengbung hi. Kou
le kua le a mai a chi in ka pelhsawm uhi. Chihleh gintak louhpi
in Ngaihnem ana hi maimah hi. Aw, kilawmtak in "lengkhawm di uh maw ,u ?
" hon chiguih mawk a, ka kiguih zawzen hi. Ken le dawngpah lou in ka en
tuantuan hi. Muanii in "Nenem hon sawl ka hi . Gen ut nei ahi ", hon
chi a, ken leng "bang a na gen ut Nem? gen in, ka ngaikhe gige" chi in
ken le ka gen sukpah hi. Amah le kapkawm pelhpelh in "u hon ngaidam in
aw" hon chi hi. "Nem, ngaihdamna zaw kei kiang ah hon ngen kei in, i
biak Pathian kiang a nget di ahi," ka chihkawm in "Nem kon ngaidam
lawtel" ka chi hi. Thutam genlou in kou le lengkhopna sung ah ka lutpah
uhi. Huai nitak lengkhawm ka bang het kei hi. Ka lungsim natna lian
deuhdeuh lah, ka itna lian deuhdeuh a haksa tel mai. Theihlouh kal in dak 10pm bang a na gingman ahihziak in khelah mah leng, ihmut suakta ahihchia,ka pai uhi. Ka pai kawmkawm un
thutuamtuam ka gen ua Muani ka vakha uhi. Muanite' inn tungbaih ka sa
zezen hi. Kou le Muani kha zou Nenem toh a innlam uh ka zuan nawn uhi.
Kou le paiphei kawmkawm in Nenem in."U,thil ka na hih khialkhalua a hon zahtak lua ka hi. Kon sugenthei lua. U, nang itna bangbang itna thupi leh lamdang ka thei khangei kei. Om le om din ka gingta kei. U,non ngaidam a, ka kipak lua. Himahleh, kei nang a dia chingzou nawnlou ding hi ing a maw, U ? ", hon chinawn hi.
"Nem,
mihing in thilhih dik gige theilou a hi aw lungkham ken aw. Kei sang a
hoihzaw mitam a hi. Kei itna zaw bei ngeilou ahi aw" ka chithuk nawn hi.
"U,nang hon ngai nawnlou maw? "
"Ashh ! a haksatel maimaw ! Kei hon ngaihlou a kon khen hilou hi a maw, Nem! Na gentheih ding kon phallouh ziak eive" ka chi hi. "Nem, kei non it non ngaih taktak ka hihlouh a, Na hinkhua subot lohtu ka hikha maidiam maw!? Ken hon it in hon ngai mah leng le, nang kei apat tualkia a singdang siang zuanta na hi. Nem na itna ngaih kei ziak in sugenthei het ken aw " ka chi nawn hi.
"Ashh ! a haksatel maimaw ! Kei hon ngaihlou a kon khen hilou hi a maw, Nem! Na gentheih ding kon phallouh ziak eive" ka chi hi. "Nem, kei non it non ngaih taktak ka hihlouh a, Na hinkhua subot lohtu ka hikha maidiam maw!? Ken hon it in hon ngai mah leng le, nang kei apat tualkia a singdang siang zuanta na hi. Nem na itna ngaih kei ziak in sugenthei het ken aw " ka chi nawn hi.
"U,nang hon ngai nawnlou maw? Tang zatam lai a ka it leh ka ngaih pen nang na hi. Singdang siang vabang ka lengzong, vabang ka tuanna ding tulsing om
lou. Nang siang a hong leng kik ka hi,U. Itna ziak a kon gen a hi".
"Nem,Tulsing ka hizong kei siang limbang bel ding omlou e. Siktui ka
hizong ka lii a bual ding omlou e. Nem, na itna zaw kon sang zou kei"
" U, na siang a itna simthu lel leng zong tongdam annzangkha lianu lel ka na hita
ve maw ?? Kei selung mawlvang hi e".
" U, na siang a itna simthu lel leng zong tongdam annzangkha lianu lel ka na hita
ve maw ?? Kei selung mawlvang hi e".
"Nem, nunlui gel a loubang tul leng, kei ding in nop zawta hi. Nem, kon it louh na hikei. Kon itluat na thei"
"U, non it chih ka thei. Khatvei kia kon ngen laiding U, tuban zaw kon taisan kei ding, Na itna ka tangzou
laidiam ? THELNAH TUALKIA IN ZONG APHUNG ZUAN E. Ken na siang zuan leng keidi'n mun a awnglai diam?"
Adawn haktel maimaw! "Nem, na itna taktak toh non itlai hia? "
"Hi, U kon itlai"
"U, non it chih ka thei. Khatvei kia kon ngen laiding U, tuban zaw kon taisan kei ding, Na itna ka tangzou
laidiam ? THELNAH TUALKIA IN ZONG APHUNG ZUAN E. Ken na siang zuan leng keidi'n mun a awnglai diam?"
Adawn haktel maimaw! "Nem, na itna taktak toh non itlai hia? "
"Hi, U kon itlai"
"Nem,
kon gingta theinawn kei. Kon muang zou kei " ka chihleh a inn uh ka
tung guihmawk uhi. Zansawtta ahihman in kei leng paisuak ka sawm hi.
Nenem in "U,hong zui ding ka hi" hon chimawk hi.
"Nem,
ka inn ua bang hong hih dingmaw ? " ka chi hi. Kei le a ngailou ka
hikei. Ka hunlui uh ka kikhenna uh ka lungsim a amang theihlouh ziak lel
ahi.
"U, ken hon ngai ka hi. U,hon ngaidam in aw, U .... " chi
in kap hithit mai ,,,, A et-hak telmai maw ! Itpen luankhi nulzaw
kipasal zoulou in, Ka pom tonton ta mai hi.
"U kon ngailua, ngaihdam aw. Ka itna hon sankik sak in aw ", chi in hon gengen mai hi.
"U kon ngailua, ngaihdam aw. Ka itna hon sankik sak in aw ", chi in hon gengen mai hi.
Ken
le itlua ka hihman in, "aw kon sansak, Nem lungmuang in aw", ka chih
kawm in, a muk ka tawpsak a, ka itna uh ka zawmkik ta mai uhi .
Beita. Ka ki pak.
©Siamsinna leh Vakiangbu
Comments
Post a Comment