LIAMSA NUNLUI SAMKIIK THEI HI LENG...
By ~ Peezzy Byak Gwite
Writer's Note :Hiai tangthu phuahtawm(fiction) ahi chih simtute'n thei masa leng hoih di'n ka um hi. Banah mi min hong kizangte leng phuahtawm ahih na kawm kal ah, min kibang hong om kha ding ahi man in a kibat pih omkha te'n nawn theisiam ding un kon ngen masa hi. Laiglh siam taktak te hilou ka hihman in hih thei dandan in kon gelh ding.
Writer's Note :Hiai tangthu phuahtawm(fiction) ahi chih simtute'n thei masa leng hoih di'n ka um hi. Banah mi min hong kizangte leng phuahtawm ahih na kawm kal ah, min kibang hong om kha ding ahi man in a kibat pih omkha te'n nawn theisiam ding un kon ngen masa hi. Laiglh siam taktak te hilou ka hihman in hih thei dandan in kon gelh ding.
Leitung khuavannuai a mihing piang khia peuh mah min neilou om lou ahi chih i haihhet kei ding un ka gingta hi.
Zodawn khua 1 ah nupa ki it tak om ua, amau Pathian vualzawlna toh tapa melhoih tak leh deih thoh huai tak mai hon nei ua, amin ding in Thianmung@Mungboi hon sa uhi. Mungboi pen nu leh pa te'n leng hawm thoh mahmah uh ahihman in duat leng a duat bok uhi. Nu leh pa ang sung pan in naungek tuh hon khangkhia in, skul kai pantouta in naupang pahtak huai tak a hong hih ban ah, a siamsinna lam ah leng alawm leh vualte sang mah in hong siam thei zaw hi. Pawl 5 ahon zil dek lai in unau mel haih hun (1997 -98) in hon lap kha in skul kai kum 2 hong khol kha hi. Hucia skul kai ahong khol nung in zodawn lam a siamsin na bukte lah kingak na taktak hong hi nawn lou ahihman in, Mungboi nu leh pa'n Lamka lam a skul kai sak ding in a pute kiang ah hon sawl touta uhi.Amah ngei leng Lamka a skul kai kha ding chi'n kithalop tak leh thathou tak in nu leh pa kinepna pen ahih na toh apute pang bel in hong khosata hi.
Mungboi pen naupang fel tak ahih na toh apute'n leng deih sak lua uh ahihna toh in Lamka adia skul hoih mahmah khat a admission ana bawl sak ua, Mungboi skul uniform thak ding, laibute leh nidang a asilh khak ngei louh leh simkhak ngei louhte ana leisak uhi. Huchia pute thil hihsakte Mungboi in hon muh chiang in nak kipah lua mahmah in skul akai ding kar uh bang ngaklah mahmah mai hi.Skul hong lut in hun bang tan hiam Lamka a skul kai a hong om nung in, lawm leh vual ding bang hon nei in nuam satak in hong om tou in a siamsinna lam bang ah leng sit huai het ou hi. Zodawn khuak neu tuamlou chih hon paipihta mai in lawm leh vualte tung ah hong om hi.
Hiai bang a record hoih tak a hon ngah chiang in apianna nu leh pa, pi leh pute a ding in kipahna liantak ahih banah mite lak ah amaute'n kisaktheipih mahmah uhi..Hun leh nite hong liam zel in, Mungboi te leng summer suti uh ahih tak manin, apianna vakhua ua paisuk ding in kisa a, a om na a a pute'n leng puansilh niik teen bang zah hiam pawsak uhi. Mungboi akhua uh atun zoh chiang in a senvual ngaih te toh vasa beng bang aikei leh luidung a ngasa man ding bang in ahunte a zat ban ah, anu leh pa nasep huh in lou khohpih hi. Hucia hun aamtak a ahon zat nung in skul lut hong hunta ahihman in a siamsinna maban sunzom ding in Lamka vangkhua hong zuan nawnta hi.Lamka a hong tunkik nawn tak in, a suti hun sung a amat ngasahou, malta chih te a om na a apute a ding in puak hi.
Kumte hong kivel in leenmual hon khum zel a pawl sawn hon ziltak in, Mungboi mah leng hong piching simta , teirolta ahihman in mel amuh chim louh duangkuai lianu hounemte hon nei panta hi. Nikhat alawm pa toh a classmate te uh nungak nou hoih asak mah kiang ah hong lenglata ua.. tua nungak nou nu'n leng Mungboi ana chih bawl pah hi. Skul khong ah akimuh khak chiang bang un kihoupih ngam khol kei ua, himahleh a lungsim guktak ung zaw a kichhaih tuah uhi. Kinuihsan tuah lel ua, huchia a hong om tak un Mungboi in leng tua nungak nou (Kikim) kiang ah hichin hon chi ta hi......
" Kim, na sakmel ka hon muhni apat in ka sinlai ah vabang tham den chia.. Maimit ka siing zong in, itna ah vaibang tham den hichia..ami zatam lai a liapal nang bek hi chia, ka lailung hon kuai den chia, chi in Kikim kiang ah Mungboi in a itna thu hon kumta hi..
Kikim in leng nuihmai tak in, " kei leltak maw nawn chih, " chia gen in paikhiak san hi. Kikim in leng veilua ahi ngei ding Mungboi thugente'n a lungsim luahkhin ahihman in, nitak khat kimu ding in hon kithukimta ua.. huai hun in Kikim ngei in leng Mungboi kiang ah,,,,
"uMung ka kiang a na itna simthu nawn leel ni apan in nangkia ka lungsim laukha a thamden hichia. Ken zong tangpal zatam lai ah chibang ka tel nang mah na hi ", hon chi a. Mungboi leh Kikim te'n huai nitak in itna damtui bang a luangkhawm ding in khaugui hon zomta uhi.
Ni te hong liam in Mungboi te football tournament a vapang ua cup vala uhi. Huai lawm ding in a team un hon kizawnkhawm ua, nekkhawmna khat hon bawlta uhi. Huai apan in Mungboi in, chikmah a le a mang a leng amatphak louh chiindan hoihlou tak mai a lawmte apan in tulai a i gen minthang mahmah uh No. 4 te hon ne panta hi. A skul kai ding bang hon ngaisak khol lou in hong om tak in; pawl 10 half-yearly a ekzam na ua hon fail ta mai chu.. api leh pute kiguih sak mahmah mai hi. Nikhat skul kailou in a lawmte toh nuamtaal in kholak a uniform silh in Dendrite hiiplai YPA te'n hon man ua.. huai ah nu leh pa omlou ahihman in, api leh pute sap in om ua.. Huai ni'n chu Mungboi hinkhua ah khomial toh kibang in om ta a, nidang a nu leh pa, pi leh pute kipahna teng liap zou vek in pakbang in vul ningniang uhi.
Hucia hinkhua a hon zat tak in Kikim in leng a tanchin thei kha ahihman in ana pawna mahmah mai a ; an leng ne zoulou khop in ana thuak hi. Mungboi leng Kikim kiang a hoh ding chi in a vapai a, Kikim in leng a it mahmah a uMung mite thei a zahlak tak a a om pawsiamlou ahihman in a it mahmah a uMung ngongkawi in kahkhum ek mai hi. Kikim in a uMung pen a itna a piaksa aih chiang in huchi mai a tawpsan a ut kei a, Mungboi kiang ah skul kai lam mah pibawl zaw ding in hon chial tak in, Mungboi lungsim khoih lua ahi ngei ding a, aman leng thathak la in hong pang nawn hi. Board ekzam na ah a hong lohching tuaktuak ua.. a siamsinna maban uh hon sumzom touta uhi.
Mungboi pen a thil chiinte tawpsan thei nawnlou ding bang a hong om tak in leh pi leh pu, nu leh pate deihsaknate uh leh thuhilhna uh zui utlou in amah nopsakna ding lampi hon tawnta a, hiai in innsung kuante a ding in guunatna tuntu hong hi maimahta hi. College kai pawl 12 zou manlou in a laisiamnate zattheih louh leh nu leh pa kingakna lian pen himahleh khovel siatna in pumtuamta ahihman in,Lamka a apute'n leng chih na ding theilou in a kholam ua sawl sukta uhi. A paisukma in a sannem nou Kikim kiang ah thu om dante zasak a.." heina peuh a i tongchiamte pel kei ni maw " kichituah in hong kikha kheta uhi.
Mungboi le'ng a khua uh atun khit in sep theihtheih sem in hong om ta hi. Kum 4 vingveng bang akhua ua a om nung un, Mungboi te inkuan leng Lamka ah hong pemlut ta uhi. Nikhat, Kikim mu ding in vahoh a, kum 4 vingveng mel kimu lou leh tong kisang lou uh ahihman un, gen ding a hau mahmah uhi. Kikim in leng ana graduate man in private in sepna bang ana neihsan hial hi. Amau gel kia om uh ahihman in a ki itna uh kipsak sem ding in, Mungboi in Kikim kiang ah,,,
" simlei tung ah nang kan gual ka ngaih omlou, ka lungdeih ka lunglai sinthu khau bang suut khawm ni, simlei tung ah liapal tam zong leh, kei lungzuan na nang lou hon nem zou omlou hi "
chi a hon gen chiang in Kikim in leng a uMung a itna hong lian semsem in hon tawp (kiss) chenchen mai sam hi.
Lamka ah kum 1 hong ten zoh nung un nidang a alawmte toh hong kimaikha nawn get ua.. Tawp thei nawnlou ahihman in a thil chiinte hong kipan nawnta hi. Huchi pipi in a it mah Kikim lah taisan ngamlou ahihman in haksa a sa mahmah mai a, nisim in kei lam etna nang bek hichia chi'n Mungboi leh Kikim in a nuam,haksa ah thuakkhawm ding in tuibang gawm simthu hon leelta uhi. Mungboi in leng hih thei hih zel a, innkuan khosa pan thak ding hong kisak lai tak un.. Nikhat Mungboi bazar a hohna ah a lawmluite toh hong kimaikha in, nidang a ana hihsate hong kipan nawn in, hong uang zaw ta mai hi. Insung nuam dek panpan lai meipi'n tuam chimit in, aneih alam teng uh hon zuak beita a, innsung a kinak kiselhna hong om ta hi. Huchi kawm kal ah, Mungboi leh Kikim te'n tanu melhoih tak mai hon nei uhi. Ta bang neita uh ahih na kawm kar ah Mungboi leng kidek dia alam et lai un , a ngeingei in hong om a, Kikim leng thuak zou nawn mahmah, a lou in ah innlam uah chiah santa mai hi.
Huichia Kikim in a paisan chiang in khava mahmah sam a. Jibei a om thei tuan sam lou in Ji dang khat hon tawnpih nawn get hi. Hiai in a nu leh pa lunggimna behlap semsem a ; Nikhat a pa'n,
" Mungboi hon thuhilh a, na neulai apan a kon hawmthoh luat hi chin a, vuak leng kon vuak ngam ngeilouh, laisiam thei tak na hih banah, nang kia tapa kon nei hichin a.. Ka kinepna pen hichin a, kam hoih tak nei a hon vak ding hichin a, maw, bawi....!! " chi'n hon gen chiang in kidek sawm mah leh a taksa in poimoh ahihman in hi thei nawnlou hi. Amah a ding in Reheb center aloutheilou hong suak ta hi. A ji nawn toh lah om khawm lou uh ahihman in huai in leng paisan nawn leuleu hi. Huchia a hong om nung sawtlou, kha bang zah hiam nung in hong pawt a anu'n posiam theilou lua ahih man in hong kap khia a, na neu zawk lai a nu leh pa kipak sak a inkuan hon sunuamtu hichin a maw, bawi. !! Tun lah huai teng kilehbulh in insung susetu in hong pangta mai maw... Heina peuh a lah mai zumna ngen tanau di le om lou tuk ei ve, bawi.chi'n kahtam hon louta mai hi..
Mungboi nu leh pate'n lah a lungngaih na uh toh , an nezou lou ua, tha tawl tak in om uh amuh in hong kingaihtuah jek a, nidang sang in hong kidek zoudeuhta hi. Nidang bang in kilohna ding bang hon nei in, ata a ding bang in hong kidek in, insung hon ngaihtuah jek samta hi. Aman leng athil chiin hoihloute tawp san ut law mahmah a Pathian ni khat a vakikhop leh pastor pa'n khelhna thu pulpit sermon na ah gen a, Mungboi leng mikhial ahih lam hong kiphok khia hi. Mungboi ngei leng Pasian mai ah im ding neilou ahih na toh, nu leh pa lak a leiba tam tak nei in lungkham tak a om himah leh Pasian itna thute hon thei a..mikhialte tengteng a it man a atapa leng itlou a hon pepa Pasian hondampa in hon sangtheita hi. Mungboi leng kipak lua in a tun in anu leh pa ana om kei uhi.
Amah leng hong kingaihtuah zawm zel a.. Ka thou ding a ka nu leh pa kiang ah ngaihdam ngen in ama ua ka kun ding chin hon thu pukta hi..Zing nisuak vak singsengte hon suak a, Mungboi te inkuan a ding in kawlni hong suak in a insung uh hon salhvak a. Huchi'n amah leng a thoukhia a anu leh pate kiang ah hong tu phei in , " nu-pa ka neu lai in insung ah kipahna hon petu ka hih lai in nawn itna te uh ana theisiam hileng tua ka dinmun in om kei ning na ta ua sehtak ka hita kei HONNGAIDAM UN " chia anu leh pa kiang a ahon thum chiang in ; anu leh pate kipak lua uh ahi na toh pahna khituite abiang uah aluang kheta hi.. A paukhe thei zaw sam om kei ua...a tawp in apa'n, " ka tapa aw, hong it lua uh ka hi uh hon chithei lel hi."
Mungboi pen kidek zou nawn lou leh tawpsan vual in mite simmoh leh nelhsiah a om nate hong kingaihtuah thak in ol ol in hon ngawl theita hi.
Mungboi in leng pan naktak in la mahleh, koi hiam kil a mite gensiat, musit leh simmawh in om veve hi. Huchia mite bawl dante ahon thei chiang in amah leng kingai sethei mahmah a. Nitak khat hichi in a hun zat mualliamsate lung in hon gel kihta mai hi. Amah a ding in lungnop na taktak om nawnlou ding bang tuk in hong kingaihtuah khia hi.
Ahinkhua a suan ding bangmah neilou ahih lam hon phok suahta hi. Aw kei bang lelliang in maw ka tuah lou ding teng kei mawl luat man a tuak ka hi ta mai ve...chikawm in skul hoih tak a ana kai tou hi leng ka lawm leh vualte tung a va-uk a lengsam ding hi'ng a aw.. !! A poitel mai.. !! Tu in lah ka nu leh pa sulung kham tu lel leh mite'n hon pampaih in lawm ding leng nei nawnlou khattang na tel ing e.. Ka Ji it tak mai Kikim inlah hon taisanta, kata uh lah kei ziak a tagah suakta mai a maw...Miimbang ka pian kum zong hong tam hiaihiai ta.. Ka pallainite lah pak bang hong vul ding a aw..a mualliamsa te sam kiik thei hi leng kei hiai mun a lungzuan zatam sial a thawm hau tak a om lou ding hi'ng a maw...Mungboi in hak satak mai in ahun tam lou omlai teng gentheihna leh lung ngaih na toh in lupna tung ah zangta mai hi.
~~~Beita...Beita~~~
©Siamsinna leh Vakiangbu
Zodawn khua 1 ah nupa ki it tak om ua, amau Pathian vualzawlna toh tapa melhoih tak leh deih thoh huai tak mai hon nei ua, amin ding in Thianmung@Mungboi hon sa uhi. Mungboi pen nu leh pa te'n leng hawm thoh mahmah uh ahihman in duat leng a duat bok uhi. Nu leh pa ang sung pan in naungek tuh hon khangkhia in, skul kai pantouta in naupang pahtak huai tak a hong hih ban ah, a siamsinna lam ah leng alawm leh vualte sang mah in hong siam thei zaw hi. Pawl 5 ahon zil dek lai in unau mel haih hun (1997 -98) in hon lap kha in skul kai kum 2 hong khol kha hi. Hucia skul kai ahong khol nung in zodawn lam a siamsin na bukte lah kingak na taktak hong hi nawn lou ahihman in, Mungboi nu leh pa'n Lamka lam a skul kai sak ding in a pute kiang ah hon sawl touta uhi.Amah ngei leng Lamka a skul kai kha ding chi'n kithalop tak leh thathou tak in nu leh pa kinepna pen ahih na toh apute pang bel in hong khosata hi.
Mungboi pen naupang fel tak ahih na toh apute'n leng deih sak lua uh ahihna toh in Lamka adia skul hoih mahmah khat a admission ana bawl sak ua, Mungboi skul uniform thak ding, laibute leh nidang a asilh khak ngei louh leh simkhak ngei louhte ana leisak uhi. Huchia pute thil hihsakte Mungboi in hon muh chiang in nak kipah lua mahmah in skul akai ding kar uh bang ngaklah mahmah mai hi.Skul hong lut in hun bang tan hiam Lamka a skul kai a hong om nung in, lawm leh vual ding bang hon nei in nuam satak in hong om tou in a siamsinna lam bang ah leng sit huai het ou hi. Zodawn khuak neu tuamlou chih hon paipihta mai in lawm leh vualte tung ah hong om hi.
Hiai bang a record hoih tak a hon ngah chiang in apianna nu leh pa, pi leh pute a ding in kipahna liantak ahih banah mite lak ah amaute'n kisaktheipih mahmah uhi..Hun leh nite hong liam zel in, Mungboi te leng summer suti uh ahih tak manin, apianna vakhua ua paisuk ding in kisa a, a om na a a pute'n leng puansilh niik teen bang zah hiam pawsak uhi. Mungboi akhua uh atun zoh chiang in a senvual ngaih te toh vasa beng bang aikei leh luidung a ngasa man ding bang in ahunte a zat ban ah, anu leh pa nasep huh in lou khohpih hi. Hucia hun aamtak a ahon zat nung in skul lut hong hunta ahihman in a siamsinna maban sunzom ding in Lamka vangkhua hong zuan nawnta hi.Lamka a hong tunkik nawn tak in, a suti hun sung a amat ngasahou, malta chih te a om na a apute a ding in puak hi.
Kumte hong kivel in leenmual hon khum zel a pawl sawn hon ziltak in, Mungboi mah leng hong piching simta , teirolta ahihman in mel amuh chim louh duangkuai lianu hounemte hon nei panta hi. Nikhat alawm pa toh a classmate te uh nungak nou hoih asak mah kiang ah hong lenglata ua.. tua nungak nou nu'n leng Mungboi ana chih bawl pah hi. Skul khong ah akimuh khak chiang bang un kihoupih ngam khol kei ua, himahleh a lungsim guktak ung zaw a kichhaih tuah uhi. Kinuihsan tuah lel ua, huchia a hong om tak un Mungboi in leng tua nungak nou (Kikim) kiang ah hichin hon chi ta hi......
" Kim, na sakmel ka hon muhni apat in ka sinlai ah vabang tham den chia.. Maimit ka siing zong in, itna ah vaibang tham den hichia..ami zatam lai a liapal nang bek hi chia, ka lailung hon kuai den chia, chi in Kikim kiang ah Mungboi in a itna thu hon kumta hi..
Kikim in leng nuihmai tak in, " kei leltak maw nawn chih, " chia gen in paikhiak san hi. Kikim in leng veilua ahi ngei ding Mungboi thugente'n a lungsim luahkhin ahihman in, nitak khat kimu ding in hon kithukimta ua.. huai hun in Kikim ngei in leng Mungboi kiang ah,,,,
"uMung ka kiang a na itna simthu nawn leel ni apan in nangkia ka lungsim laukha a thamden hichia. Ken zong tangpal zatam lai ah chibang ka tel nang mah na hi ", hon chi a. Mungboi leh Kikim te'n huai nitak in itna damtui bang a luangkhawm ding in khaugui hon zomta uhi.
Ni te hong liam in Mungboi te football tournament a vapang ua cup vala uhi. Huai lawm ding in a team un hon kizawnkhawm ua, nekkhawmna khat hon bawlta uhi. Huai apan in Mungboi in, chikmah a le a mang a leng amatphak louh chiindan hoihlou tak mai a lawmte apan in tulai a i gen minthang mahmah uh No. 4 te hon ne panta hi. A skul kai ding bang hon ngaisak khol lou in hong om tak in; pawl 10 half-yearly a ekzam na ua hon fail ta mai chu.. api leh pute kiguih sak mahmah mai hi. Nikhat skul kailou in a lawmte toh nuamtaal in kholak a uniform silh in Dendrite hiiplai YPA te'n hon man ua.. huai ah nu leh pa omlou ahihman in, api leh pute sap in om ua.. Huai ni'n chu Mungboi hinkhua ah khomial toh kibang in om ta a, nidang a nu leh pa, pi leh pute kipahna teng liap zou vek in pakbang in vul ningniang uhi.
Hucia hinkhua a hon zat tak in Kikim in leng a tanchin thei kha ahihman in ana pawna mahmah mai a ; an leng ne zoulou khop in ana thuak hi. Mungboi leng Kikim kiang a hoh ding chi in a vapai a, Kikim in leng a it mahmah a uMung mite thei a zahlak tak a a om pawsiamlou ahihman in a it mahmah a uMung ngongkawi in kahkhum ek mai hi. Kikim in a uMung pen a itna a piaksa aih chiang in huchi mai a tawpsan a ut kei a, Mungboi kiang ah skul kai lam mah pibawl zaw ding in hon chial tak in, Mungboi lungsim khoih lua ahi ngei ding a, aman leng thathak la in hong pang nawn hi. Board ekzam na ah a hong lohching tuaktuak ua.. a siamsinna maban uh hon sumzom touta uhi.
Mungboi pen a thil chiinte tawpsan thei nawnlou ding bang a hong om tak in leh pi leh pu, nu leh pate deihsaknate uh leh thuhilhna uh zui utlou in amah nopsakna ding lampi hon tawnta a, hiai in innsung kuante a ding in guunatna tuntu hong hi maimahta hi. College kai pawl 12 zou manlou in a laisiamnate zattheih louh leh nu leh pa kingakna lian pen himahleh khovel siatna in pumtuamta ahihman in,Lamka a apute'n leng chih na ding theilou in a kholam ua sawl sukta uhi. A paisukma in a sannem nou Kikim kiang ah thu om dante zasak a.." heina peuh a i tongchiamte pel kei ni maw " kichituah in hong kikha kheta uhi.
Mungboi le'ng a khua uh atun khit in sep theihtheih sem in hong om ta hi. Kum 4 vingveng bang akhua ua a om nung un, Mungboi te inkuan leng Lamka ah hong pemlut ta uhi. Nikhat, Kikim mu ding in vahoh a, kum 4 vingveng mel kimu lou leh tong kisang lou uh ahihman un, gen ding a hau mahmah uhi. Kikim in leng ana graduate man in private in sepna bang ana neihsan hial hi. Amau gel kia om uh ahihman in a ki itna uh kipsak sem ding in, Mungboi in Kikim kiang ah,,,
" simlei tung ah nang kan gual ka ngaih omlou, ka lungdeih ka lunglai sinthu khau bang suut khawm ni, simlei tung ah liapal tam zong leh, kei lungzuan na nang lou hon nem zou omlou hi "
chi a hon gen chiang in Kikim in leng a uMung a itna hong lian semsem in hon tawp (kiss) chenchen mai sam hi.
Lamka ah kum 1 hong ten zoh nung un nidang a alawmte toh hong kimaikha nawn get ua.. Tawp thei nawnlou ahihman in a thil chiinte hong kipan nawnta hi. Huchi pipi in a it mah Kikim lah taisan ngamlou ahihman in haksa a sa mahmah mai a, nisim in kei lam etna nang bek hichia chi'n Mungboi leh Kikim in a nuam,haksa ah thuakkhawm ding in tuibang gawm simthu hon leelta uhi. Mungboi in leng hih thei hih zel a, innkuan khosa pan thak ding hong kisak lai tak un.. Nikhat Mungboi bazar a hohna ah a lawmluite toh hong kimaikha in, nidang a ana hihsate hong kipan nawn in, hong uang zaw ta mai hi. Insung nuam dek panpan lai meipi'n tuam chimit in, aneih alam teng uh hon zuak beita a, innsung a kinak kiselhna hong om ta hi. Huchi kawm kal ah, Mungboi leh Kikim te'n tanu melhoih tak mai hon nei uhi. Ta bang neita uh ahih na kawm kar ah Mungboi leng kidek dia alam et lai un , a ngeingei in hong om a, Kikim leng thuak zou nawn mahmah, a lou in ah innlam uah chiah santa mai hi.
Huichia Kikim in a paisan chiang in khava mahmah sam a. Jibei a om thei tuan sam lou in Ji dang khat hon tawnpih nawn get hi. Hiai in a nu leh pa lunggimna behlap semsem a ; Nikhat a pa'n,
" Mungboi hon thuhilh a, na neulai apan a kon hawmthoh luat hi chin a, vuak leng kon vuak ngam ngeilouh, laisiam thei tak na hih banah, nang kia tapa kon nei hichin a.. Ka kinepna pen hichin a, kam hoih tak nei a hon vak ding hichin a, maw, bawi....!! " chi'n hon gen chiang in kidek sawm mah leh a taksa in poimoh ahihman in hi thei nawnlou hi. Amah a ding in Reheb center aloutheilou hong suak ta hi. A ji nawn toh lah om khawm lou uh ahihman in huai in leng paisan nawn leuleu hi. Huchia a hong om nung sawtlou, kha bang zah hiam nung in hong pawt a anu'n posiam theilou lua ahih man in hong kap khia a, na neu zawk lai a nu leh pa kipak sak a inkuan hon sunuamtu hichin a maw, bawi. !! Tun lah huai teng kilehbulh in insung susetu in hong pangta mai maw... Heina peuh a lah mai zumna ngen tanau di le om lou tuk ei ve, bawi.chi'n kahtam hon louta mai hi..
Mungboi nu leh pate'n lah a lungngaih na uh toh , an nezou lou ua, tha tawl tak in om uh amuh in hong kingaihtuah jek a, nidang sang in hong kidek zoudeuhta hi. Nidang bang in kilohna ding bang hon nei in, ata a ding bang in hong kidek in, insung hon ngaihtuah jek samta hi. Aman leng athil chiin hoihloute tawp san ut law mahmah a Pathian ni khat a vakikhop leh pastor pa'n khelhna thu pulpit sermon na ah gen a, Mungboi leng mikhial ahih lam hong kiphok khia hi. Mungboi ngei leng Pasian mai ah im ding neilou ahih na toh, nu leh pa lak a leiba tam tak nei in lungkham tak a om himah leh Pasian itna thute hon thei a..mikhialte tengteng a it man a atapa leng itlou a hon pepa Pasian hondampa in hon sangtheita hi. Mungboi leng kipak lua in a tun in anu leh pa ana om kei uhi.
Amah leng hong kingaihtuah zawm zel a.. Ka thou ding a ka nu leh pa kiang ah ngaihdam ngen in ama ua ka kun ding chin hon thu pukta hi..Zing nisuak vak singsengte hon suak a, Mungboi te inkuan a ding in kawlni hong suak in a insung uh hon salhvak a. Huchi'n amah leng a thoukhia a anu leh pate kiang ah hong tu phei in , " nu-pa ka neu lai in insung ah kipahna hon petu ka hih lai in nawn itna te uh ana theisiam hileng tua ka dinmun in om kei ning na ta ua sehtak ka hita kei HONNGAIDAM UN " chia anu leh pa kiang a ahon thum chiang in ; anu leh pate kipak lua uh ahi na toh pahna khituite abiang uah aluang kheta hi.. A paukhe thei zaw sam om kei ua...a tawp in apa'n, " ka tapa aw, hong it lua uh ka hi uh hon chithei lel hi."
Mungboi pen kidek zou nawn lou leh tawpsan vual in mite simmoh leh nelhsiah a om nate hong kingaihtuah thak in ol ol in hon ngawl theita hi.
Mungboi in leng pan naktak in la mahleh, koi hiam kil a mite gensiat, musit leh simmawh in om veve hi. Huchia mite bawl dante ahon thei chiang in amah leng kingai sethei mahmah a. Nitak khat hichi in a hun zat mualliamsate lung in hon gel kihta mai hi. Amah a ding in lungnop na taktak om nawnlou ding bang tuk in hong kingaihtuah khia hi.
Ahinkhua a suan ding bangmah neilou ahih lam hon phok suahta hi. Aw kei bang lelliang in maw ka tuah lou ding teng kei mawl luat man a tuak ka hi ta mai ve...chikawm in skul hoih tak a ana kai tou hi leng ka lawm leh vualte tung a va-uk a lengsam ding hi'ng a aw.. !! A poitel mai.. !! Tu in lah ka nu leh pa sulung kham tu lel leh mite'n hon pampaih in lawm ding leng nei nawnlou khattang na tel ing e.. Ka Ji it tak mai Kikim inlah hon taisanta, kata uh lah kei ziak a tagah suakta mai a maw...Miimbang ka pian kum zong hong tam hiaihiai ta.. Ka pallainite lah pak bang hong vul ding a aw..a mualliamsa te sam kiik thei hi leng kei hiai mun a lungzuan zatam sial a thawm hau tak a om lou ding hi'ng a maw...Mungboi in hak satak mai in ahun tam lou omlai teng gentheihna leh lung ngaih na toh in lupna tung ah zangta mai hi.
~~~Beita...Beita~~~
©Siamsinna leh Vakiangbu
Comments
Post a Comment