ZANKHANG LUNGGEL
By ~ -DSonna
ZanKhosawt nuai ah ui ham leh fan kipei ging chihlouh zak ding a om nawnkei a, khovel kimkhat ihmut lim mahmah laitak in kei ka lupna tung ah kizan hihhiah in dak bangzah ging? chihbang ngaihtuah selou chih le hituanlou in ka phone neihsun khoih in ka na buai mahmah mawk hi. Ka lungsim ah 'phone neilou hile'ng zaw ihmu mahmah ta di hi'ng a', ka chisim na a vaneihlouh taktak hial di le hinkhua bukim nawnlou mah bang hial di'n ka um hi. Khatveivei bang houh ka ihmut theihlouh ziak a phone khoihkhoih ka hi hia? Aihkeileh phone ka khoih ziak a ihmu theilou hizaw ka hia? chihbang ka na kidong zel hi. Huchi'n ka phone ka koihkhia a ihmut kon sawmta hi. Ahi a lah ka ihmuthei tuan der kei a, atawp in sih-leh-sih dam-leh-dam chi'n lukham nuai apat ka phone mah ka sawkkhe nawnta zel mai hi. Facebook ka lut leh online friend bang 8 tak ana omlai zawbawn hi. Eh! hiaite le abang bawllai ahi ua! Tu tantan ka chisim na a, ka kizephawk gaugau na khat hong om guih zel hi.
Ka hihngei bang in ei Zomite'n i group neihte uh a banban in kon veh panta a, thu hoih pipi khawng leh thuhoih kholloute le a banban in ka ensuk daudau hi. Comment khauhpai simsimte khawng ka simkha a, chihum bang thoudek phialphial hi. Comment khenkhatte lah nuihzakhuai pipi a om a, huaite sim in ka na nui singseng zel hi. Khenkhat taget lah thil kipost peuhmah 'dikzel' chihteng a comment leuhlauh thangsaktak a om ua, paukam nalhtak khat ahihdan kana mu hi. Himahleh kana muhtei leh hoih kasak louh mahmah khat ahihleh khenkhatte'n ama' ma ana commentte'n bang gen ua, anung a comment dite'n bang gen di chihte khual hetlou hileh kilawm in a utut uh pawng gensuk mawk uhi. Huchi kia le hikei lai, a thu ki-post khepen toh kisaikha hetlou khawng in a post-tu pa/nu khawng kou ek-ek thoh pawl bang le omlou tuanlou hi. Ngaihdan dongkhawm dia kisa a thu post khetei khenkhat bang anuai a commentte ama tupsang a sauzaw tungpawl bang tam di'n ka um hi. Galmuan lai nasan a gal ana kitangsak thei bang i omlai ua, athu a kidoutuahna group bangzah hiam le om zomah hi. Hiaite zaw a om di mah le himai inteh, khovel khat mi kibanglou ngen in i luahkhop uh hiven mo. Bangteng hileh i gennop pentak zaw hiaite a hikei lai.
Facebook lam a Zogam om pen ah ka hohchiang a ka lungsim hon la mahmah gige khat ahihleh 'Paite kipilsak' chih kammal tegel ahi. Hiai kammal tegel a ding khawm di mah in kituak i sa hia? Kipilsak a hilaw vengvang, pau vavalh, dik i sakkei leh lupei pah velval i hi uhia leh ei Paite-te? Theitakhang maw! Huchi khasim taktak le himai ni mi'n hon chichi ua. 'Meima lou ah thou tulou' ana chi uh hiven maw! Hichidan a vapom ningniang mai di ihi diam? Huaile theituankhang, ei pom leh pomlouh thu toh le kisaikha kholkei zawmah nave. Eile-ei mahmah le kipilsak kichi tuahtuah laite hi hang ei. Thudik valhsuk giap ni, den mahmah in le kipilsak chi a kiselna khat ka vasimkha guih ve.
Kipilsak kichichi utlai ding mah ihi diam? 'Kipilsak' chih kammal mahmah suutkhawm ni mo. I zatna tangpi hidia ka gintakte:
1.''Na haiman'' i chihna
2.''Kei ka pilzaw'' i chihna
3.''Na theitawm lua'' i chihna
4.''Dai maimai in'' i chihna
5.''Kon zumpih lua'' i chihna
Hiaiteng lou le tampi omthei lai inteh. I gennop pen ahihleh hiaite va chithei hialdia kuateng chin kisa lua ihi ua? chih kidong nuam ihi. Lehlam tak ah 'Kipilsak' i vachih theihte chiang zaw pil sa sim taktak ihih na chiang le om di'n uphuai hi. A thugente lah a dikna chiang om sim, hilele mahni lungsim putsa, dik chi a i na pomsa dan toh kituaklou lel himaithei hi. Huchih hun in thudik thei kisa ihih leh en le huai genkhe lel le'ng, mi vakou se na di thu om mawngmawng lou pi maw. Social networking site khawng hilai zawmah eichu o. Khat in khat kipilsak chi huaipen mah inle nang nahi zaw chisawn khemkhem zel. A kammal himhim le zakthadah huai pi khat ahi a hi di eive mo.
'Paite kipilsak' chih mahmah le i ning tak leh beisak suk lel le'ng chinuam dan ihi. Mi'n a ut uleh hon chi le uh eile-ei kal ah chu kitheihsiam thoh lel ta ni. Mi'n hon chih chiah le vapang kunkun ngai tuankei, dai lel le'ng hon chi teitei tuankei un chia. Mi'n le ngaihtuah theihna neisam, Pathian' siamsa mah hi uh. Kizahtak tuah in thu kikup dialdial dan khat ngaihtuah tale'ng, kipilsak i chihchih chiang a thulak di mawngmawng om nawnlou hiau hizaw ahi. 'Kipilsak' chinawn masasa ama tung tu chitheih phial leh kilawm. Ngaihdan kibatlouh ziak a va ki-enghou di hi hetlou ahi unaute. Eiteng mah hihang ei kulhpi tungding nawn ding.
Hiaite tengteng apat ka free theihna di'n ken le na thugelhte uh sim in ka na simthoh lel. Khatveivei bang thuhoih hong pawlut sunsunte lungsim na vilvel sa a a pawthun uh om zeuhzeuh tham di'n ka um. Siamsinna leh Vakiangbu ah bel huchibangte om sese lou. Laigelh kipantungte adia munnuam tak ahi. Group tengteng lak ah ka kisaktheihpih penpen ahi.
©Siamsinna leh Vakiangbu
ZanKhosawt nuai ah ui ham leh fan kipei ging chihlouh zak ding a om nawnkei a, khovel kimkhat ihmut lim mahmah laitak in kei ka lupna tung ah kizan hihhiah in dak bangzah ging? chihbang ngaihtuah selou chih le hituanlou in ka phone neihsun khoih in ka na buai mahmah mawk hi. Ka lungsim ah 'phone neilou hile'ng zaw ihmu mahmah ta di hi'ng a', ka chisim na a vaneihlouh taktak hial di le hinkhua bukim nawnlou mah bang hial di'n ka um hi. Khatveivei bang houh ka ihmut theihlouh ziak a phone khoihkhoih ka hi hia? Aihkeileh phone ka khoih ziak a ihmu theilou hizaw ka hia? chihbang ka na kidong zel hi. Huchi'n ka phone ka koihkhia a ihmut kon sawmta hi. Ahi a lah ka ihmuthei tuan der kei a, atawp in sih-leh-sih dam-leh-dam chi'n lukham nuai apat ka phone mah ka sawkkhe nawnta zel mai hi. Facebook ka lut leh online friend bang 8 tak ana omlai zawbawn hi. Eh! hiaite le abang bawllai ahi ua! Tu tantan ka chisim na a, ka kizephawk gaugau na khat hong om guih zel hi.
Ka hihngei bang in ei Zomite'n i group neihte uh a banban in kon veh panta a, thu hoih pipi khawng leh thuhoih kholloute le a banban in ka ensuk daudau hi. Comment khauhpai simsimte khawng ka simkha a, chihum bang thoudek phialphial hi. Comment khenkhatte lah nuihzakhuai pipi a om a, huaite sim in ka na nui singseng zel hi. Khenkhat taget lah thil kipost peuhmah 'dikzel' chihteng a comment leuhlauh thangsaktak a om ua, paukam nalhtak khat ahihdan kana mu hi. Himahleh kana muhtei leh hoih kasak louh mahmah khat ahihleh khenkhatte'n ama' ma ana commentte'n bang gen ua, anung a comment dite'n bang gen di chihte khual hetlou hileh kilawm in a utut uh pawng gensuk mawk uhi. Huchi kia le hikei lai, a thu ki-post khepen toh kisaikha hetlou khawng in a post-tu pa/nu khawng kou ek-ek thoh pawl bang le omlou tuanlou hi. Ngaihdan dongkhawm dia kisa a thu post khetei khenkhat bang anuai a commentte ama tupsang a sauzaw tungpawl bang tam di'n ka um hi. Galmuan lai nasan a gal ana kitangsak thei bang i omlai ua, athu a kidoutuahna group bangzah hiam le om zomah hi. Hiaite zaw a om di mah le himai inteh, khovel khat mi kibanglou ngen in i luahkhop uh hiven mo. Bangteng hileh i gennop pentak zaw hiaite a hikei lai.
Facebook lam a Zogam om pen ah ka hohchiang a ka lungsim hon la mahmah gige khat ahihleh 'Paite kipilsak' chih kammal tegel ahi. Hiai kammal tegel a ding khawm di mah in kituak i sa hia? Kipilsak a hilaw vengvang, pau vavalh, dik i sakkei leh lupei pah velval i hi uhia leh ei Paite-te? Theitakhang maw! Huchi khasim taktak le himai ni mi'n hon chichi ua. 'Meima lou ah thou tulou' ana chi uh hiven maw! Hichidan a vapom ningniang mai di ihi diam? Huaile theituankhang, ei pom leh pomlouh thu toh le kisaikha kholkei zawmah nave. Eile-ei mahmah le kipilsak kichi tuahtuah laite hi hang ei. Thudik valhsuk giap ni, den mahmah in le kipilsak chi a kiselna khat ka vasimkha guih ve.
Kipilsak kichichi utlai ding mah ihi diam? 'Kipilsak' chih kammal mahmah suutkhawm ni mo. I zatna tangpi hidia ka gintakte:
1.''Na haiman'' i chihna
2.''Kei ka pilzaw'' i chihna
3.''Na theitawm lua'' i chihna
4.''Dai maimai in'' i chihna
5.''Kon zumpih lua'' i chihna
Hiaiteng lou le tampi omthei lai inteh. I gennop pen ahihleh hiaite va chithei hialdia kuateng chin kisa lua ihi ua? chih kidong nuam ihi. Lehlam tak ah 'Kipilsak' i vachih theihte chiang zaw pil sa sim taktak ihih na chiang le om di'n uphuai hi. A thugente lah a dikna chiang om sim, hilele mahni lungsim putsa, dik chi a i na pomsa dan toh kituaklou lel himaithei hi. Huchih hun in thudik thei kisa ihih leh en le huai genkhe lel le'ng, mi vakou se na di thu om mawngmawng lou pi maw. Social networking site khawng hilai zawmah eichu o. Khat in khat kipilsak chi huaipen mah inle nang nahi zaw chisawn khemkhem zel. A kammal himhim le zakthadah huai pi khat ahi a hi di eive mo.
'Paite kipilsak' chih mahmah le i ning tak leh beisak suk lel le'ng chinuam dan ihi. Mi'n a ut uleh hon chi le uh eile-ei kal ah chu kitheihsiam thoh lel ta ni. Mi'n hon chih chiah le vapang kunkun ngai tuankei, dai lel le'ng hon chi teitei tuankei un chia. Mi'n le ngaihtuah theihna neisam, Pathian' siamsa mah hi uh. Kizahtak tuah in thu kikup dialdial dan khat ngaihtuah tale'ng, kipilsak i chihchih chiang a thulak di mawngmawng om nawnlou hiau hizaw ahi. 'Kipilsak' chinawn masasa ama tung tu chitheih phial leh kilawm. Ngaihdan kibatlouh ziak a va ki-enghou di hi hetlou ahi unaute. Eiteng mah hihang ei kulhpi tungding nawn ding.
Hiaite tengteng apat ka free theihna di'n ken le na thugelhte uh sim in ka na simthoh lel. Khatveivei bang thuhoih hong pawlut sunsunte lungsim na vilvel sa a a pawthun uh om zeuhzeuh tham di'n ka um. Siamsinna leh Vakiangbu ah bel huchibangte om sese lou. Laigelh kipantungte adia munnuam tak ahi. Group tengteng lak ah ka kisaktheihpih penpen ahi.
©Siamsinna leh Vakiangbu
Comments
Post a Comment