NA GEELNGAM DIAM?? (Ka hon IITNA a tullou ding)
By ~Bhyak Hawxel
THUMASA: Kenleng "Iitna" ana cihcih uh ka theita, achang in haksatna
atam a changin kipahna leng ahon tun hi. Adiakin, haksatna I tuah hun
pen theih det in aom tangpi zo hizomah lai. Nuamsa aomlai hun bang
geelkik ciangin a ngaih huai vungvung hun atam hi. "Iitna" ana cihcih uh
hichi ding mah hinteh maw? cih kei leh kei ka ki dotna ahi tangpi sek
hi. Ki iit ki ngai hi ngeisa bang,kikhen zoh ciang banga ki theingei
nonlou hial bangin aki om sek hi. Huaite bangziak ahi di? a dawnna ding a
haksa mahmah din ka gingta. Huaikia hilou ki iit kingai ngoihngoih
zenpi, damsung omkhom theilou aom, lah akhente ki iit, kingai lou pi gawm a
damsung hinkhua zang khom ding uh. "Iitna"in ahon pei buai a,ahon hai
sak zou a,maban na tawm bangmah lou suak sak thei tu "Iitna" ahih banah
mittui leh lunggim/gentheihna tamtak hon tun tu ana hi.
Pathianni 1 sungte teng kikhawm uh, keilah kikhop thadah deuh cihmah
tak kikhom lou in inn ngak in kana pang d ci in, innah ka om a. Ei kia
aom chim huai sim zo ahi dinga, ka fon ka khoihkhoih laitak in call hon
pai bang gingman lou phial in pick kha ngal chet a, kenle no.ka theih
ngeilouh ahihmanin "hello" ka cih pah a, aw ka zak ngei khat ahi ngeitak
ve, "USiam dam zel maw?non thei hia?"cih kawm in "sangi ka hi aw"hon ci
in kenle lamdang sa in, "kikhawm lou zenzen maw?" ka cih kawm in,"hon
phok lai sam maw?" cih ka thuah ngal hi. Amanle "Hi, tuni kikhawm lou
mai, na kisathei gop a nang zaw" hon cih in, kenle "En na no.thak nei
nonlou I hihcia, nang eive kisathei zaw" ka cih thuk a, amanle hon dawng
hoih manlou in, "Ka pa'n hon call ka koih phot mai" cih leh khoih a thuah
ngal hi. Huchia phone a ka hon pau zoh in lung bang hon leng dek mok
hi. Kum 1 val kana ki ngaih uh,bang thu ziaka kikhen a kihou kha nonlou
ka hi ua, cih ka theihzoh louh sangi toh ka ki Iitna uh ahi.
Sangi toh ka hunlui uh ka hon ngaihtuah kha a, pasal zen pi mittui
bang luang theilai ding khop ah kana Iitna atul naikei hi. Iitna kichi
ah kana paikhelh nung a Iitna kichi omdya ka gingtak nonlouh nung a hon
theisiam sak tu amah ahi. Hichin ka hunlui uh ka hon sut tou ta hi, skul 1
ah kai khomsa kahi uh a, himahleh huailai inbel kou pawl X ka hihkum un
amah pawl VII vel zir hi in ka thei huailai inbel ki innveng ka hi uhi.
Skul kuan leh kik chiang bangin ka tawn deuh tangpi uhi. Ka naupang bawl
a,naupang mah inle ka koih hi. Ka nungak neihte bang ka hilh sek a, amah
lawmte ngei toh leng ama panpih na ziakin ka kingai khak pi aom hi.
Pawl X ka zoh in shillong ah kai sunzom dingin ka nu leh paten hostel
ah ahon koih uhi. Huchin Pawl XI kum kim zoh summer break ka neih un
innlam kon pai a,nidang a ka innveng Sangi te sungkuan veng dang ah ana
kipemkhe ta uhi (sot ki innveng man ka hikei uh). Koiah omta uh ahia ci
le ka kan kha kei himhim hi. Ki hah polh lua le ka hihlouh ziak uh
hinteh,a thu le ka kan zui kei. Huchin ni 1 chu Lamka nuai lam pha a bike
ah, awl tai sim zo ka hi dia"oi hiaipa" chi in lawmta bangzah hiam hon
tawn te lak a 1 in hon kawk ka muh in,keile ka khawl a. Sangi ana hi
ngei a,kenle "Damzel maw?" cih leh chibai ka thuah ngal hi. Amanle "Dam
mah kei dia,bangchik ahon tung e?" "kalmasa hita,koiah omta uh e?" ka ci
suk pah a, "huah pam zek a" aci a,agenna mun le thei tuanlou in,"o, a
cileh phot mai,mangpha ou" ka ci suk pah a "Nangle pawtnuam" ci in keile
ka hohna d lam zuan in ka tai liam pah hi.Huchin kal 1 zoh vel in,bazar
ah ka kimu non uh a,houliim zual in "innah hon hoh ve enlah nou in ki
thei nailou a" ka cih leh "kon sawm dio". "Eh! Na no.hon pe himhim
ve, Siamte toh fuh zel uh mo?" hon ci a kenle ka no.pia in "fuh zel cih
di hinteh" ci in,bang dang thupi lua le gen nonlou ka hihman un ka hoh
na d mun tuak ah ka kikhen uhi.
Hun leh nite lah liam zungzung ahihmanin, ka iit leh ngaihte nusia
in,ka maban lamet na ziakin shillong lam ka zot san ta. Siamte toh ginom
den dinga ka chiamsa uh hina zen pi,mite gen leh sak din ahon om a, huai
hunchiah agal ah om adin a puak ahak ngei mai. Amah ka dong alah,"ka
hucikei midang le k neikei, nang lou kuamah ka ngaithei kei" hon cih
chiangin ka iitpen kamsuak tuh ka gingta zel mai hi. Himahleh gen nak
semsem dia ahon om inzo ka muan zohna abei deuhdeuh a,ki muang nonlou pi
a, omom sangin ci in haksa sa pipi in ka khen ta mai hi. Ana in thuak
hak kasa,achang in ka houpih zel a, na kasa semsem hi. Nidang a, thuthang
te ka zak tung a,"1vei tei ki houpih nonlouh leh muh phak louh dia om
hun om d eive" ka cih bang ngei in, a nuten a phone lak sak uh ahih thu
te a lawmte apan ka thei hi. Huaile a ngaihzawng te tawh zansawt tak
apawt ziak uh ahi, cih ka theih beh chiang in ana semsem hi. Huchia
genthei taka ka omlai in, Sangi kiangah ka gentheihna te ka gen a, amanle
hon hehnem sek a, "Na ngilh hun om mahmah na d ahi" ahon ci sek hi. Ka
muang mahmah a,ka tanchin teng khong ka hilh zel hi, ki innveng sa ki
pawl kha sa leng ka hihman un. Midang sang mah inle ka muang hi, ka thuak
bang nuam tuam deuh hi inle ka thei hi.
Ka pawl XI exam uh ka zoh in innlam kon pai non a, himahleh high skul
innlam ate bel a lut tung lam uh ahi. Keile ka lawm bang a k polh ka
haksatna teng ka gen gige na, Sangi muh ut huai kasa a,kiginni sun 1 a
inn di vel uh hoihtaka kan in kava hoh hi. Amah kia ana om a,ka ki
ciamnuih kha den uhi. Huai ni a va bang chi muh kha ka hia? Nidang a ki
inn veng hi unga ka muh gige hi zenpi huai ni inn ka tungnung na tawm
inle a melte ka ngaihtuah a, hoih leh ngaih huai mahmah na nei hi in ka
thei mok hi. Fon tungtawn apat ka ki text ciang unle, "hoih dedeuh hive
teh aw mo?" khong ka cih ciah ka zawlluite toh hon leh tawt daih zel hi.
Huchin nitak1 ka lawmpa Muamuan toh kava hoh mokmok uhi,a nute khong
toh lah ki nelsa ka hihman un nuamtuan mahmah hi. Amah lah a lawmdang
pasal bangzah hiam le om ahihman in, koule zansawt luatma in chi in ka
pai uhi. Ka pai kawm un,"Muan hoih dedeuh eive maw Sangi kha" ka cih leh
"Hoih dedeuh mah ei" hon cih zok mah leh,"hoih kasalua" bang ka ci
tuntun kha hial hi. Inntung in ka ki text uh a,inntung ta ka hihdan te
khong ka genzoh in, keile ki suanlah kawm pi in,ngaihzong a neih leh
neihlouh te ka dot leh neilou ahihdan hon a, keile huaiah thu mu kisa
in, khamsim (damdawi tang hihkha ka hi, ka zawllui nu siamte ziaka hoihlou a
ana paikha ka hi) toh, "Hon ngai hon ci leng non gingta diam?" ka cihleh
"I gingta mongmong lou di" hon ci a, kenle "Ka taktak eive, na hoih dedeuh
a kon cih apat le theisiam sam ve" ka cihleh "Na zuau"ci in hon thulak
keilua a, keile hehsim kawm in ka reply nonkei a imut ka sawm ta mai hi.
Ka ki text khak non un, "zannitak a bang ci la?" hon ci a kenle "Non
gingta keilua heh keivoi" ka cih leh "Gintak huaimah sama" honci non a
kenle gen ngutngut ka hihmok ciangin, "kal 1 khong hon ngak oh huaizoh a
dawnna kon pethei pan di" ahon ci hi. Huai kal sung chu hoh leh hoh ngam
lou himai, ngaklah petmah lah thusia zak dinglah lau, kingai hial le ung
lah kisuanlah huai lo le kilawm ci zel. Lungsim buai taka om top
mai, achang a tua hithei mailou mo bang va ci kha thepthup zel. Kal 1 zoh
in kenle hon dawnna ka dot leh, "Ka theizou kei, nang bang na ut" hon ci
ta ek mok a, ahoih lam chu a utlou omlou ding mah hiven "Ahoih lam I ut
zo ngalsam keidia" ka cihleh na utleh chu "Huai himai eivoi"hon ci hi.
Kilawmta sa ka hihman un zumhuai sim abang a, hilele kipahna khat chu
ka nei hin ka ki thei, himahleh hon ngai taktak dinga lamet nale ka
neihlouh manin hichin kithuzak lotel in le ka ompah kei uhi. Achangin
kava hoh cheuh zel a phone ah pau a a buai mahmah hun atam a, huaiciah a
theihlouh khongin kana pai zel hi. Akhonung ciah hon phul zel
dia, huaiciah kei dawnna chu "Na buai theilua a eivoi" cih ahi mai
hi, "buai mahmah khang nang a buai d danin non koih ahi" cih le ama hon
dawn na tangpi ahi sek hi. Keibel ka zawllui nu manghilh moh in, ka om
lailai hi. Achang in Siamte inle phone zang non ahi dia ahon text kha
zel sek non hi. "Siamte chu ngai tak neive maw?" bang le hon ci sek hi.
Sangi inle hon ngai taktak din ka ging zou naikei hi. Ki ngaihsak lua
inle ka om naikei uh. Banah ki ngai le ka bang kei uhi.
Pathianni sun1 ka pawt khawm zoh un,inn ka tung a kisil dia ka kisak
lai in msg hon om,ka etleh "Thil1 kon gen dia heh ken aw?" cih sangi in
hon cimok a,kenle lamdang sa kawm takin abang thu om a maimah de aw ci
in,"Ole hon gen ve" cihleh,ka kisil suk pah zotzot a,Thuhoih chu hilou
peuhmah d hiven chih khong ngaihtuah kawmkawm a kisil zok in,ka man a ka
fon ka etleh,"Ken hon kop kha keive,non ngaidam theidiam?" hon cih in
kenle huchi dia kana lamet sim sa ahihmanin,ka pona lo lomlom keia
"Ngaidam thei zenzen e,hilele na huchih nonlouh di o" ka cihleh "Ole kon
ngaihluat ziaka kon gen eivoi,amah ka khen ngal d" hon ci hi.
Huaitak in kenle,"ka ngaihna hihziak a hon ngaidam ka hi" ka cih zoh
in,"Ken hon ngaidam lou d honsa inga ana dah lo man keivoi,kon ngailua"
hon cih ka muh inchu,nidang bang lou takin ka lungsim bang hon tuam huai
thut abang a,ka lungsim taktak toh ka cih masak na pen din "Kenle kon
ngailua" ka cita hi.Huai apat kipahna tak ka lungsim ah hon om pan ta.
Ka ngaihtuah kik a,hon ngai taktak hi ding a ki lamet na liantak nei
in,huai hun leh ni apat chu hoihtaktak a kihou in,hon huchihsan non ding
ka lauhdan ka gen zel a,huai hunchiang in, " Ken nang hon muang lou zo
keive,amanle hon huchih hiven chih lungsim na nei dia,midang na neikha
d" ahon chih chiang bangin hoihtak takin ka iitdan te ka hilh cian zel
hi. Huchi kawm in ki ngai mahmah ka hon suak pan ta uh hin ka ki thei
a,siamte bang leng phok nonlou hial in ka om theita pan simsim ta hin ka
ki thei pan ta hi.
Huchih sungin,lehkha zirna lam sunzom dingin kuan ahon hun
nonta,khelah takin sangi ka zinsan cuh siamte toh ka ki ngaih lai a ka
zinsan dek ka khiatlah sanga khelah zaw ka bang hial hi. Fon tungtawn in
ka ki thuzak zelzel uhi. Ka ki ngaih ua pat miin a ki sam ngam nonlou
"U leh naaw" cih ka kisapna uh ahi ta. Keilah innlam om di kia lungsim
ah nei,himahleh Sangi in lehkha hoihtaka sim a,aman ginomtaka hon ngak
ding ahih thute ahon hanthawn zel ziakin,ka taima a lehkha sim mengmeng a
omkhom ding kal ka ngaklah dan uh ka genkhom zel uhi. Hunte liam zel
kawmin ka iitna a khang semsem a "naaw kon ngailua" ka cici sek hi. Ka
ki ngaih khak dan uh khong ka genchiang un,lamdang leh mak bang kasa
tuak uh a. Midang toh aki thuzak ding leng ka phalkei,midang toh aki
polh d leng ka phalkei a,apot ciang bang in ka heh mahmah sek hi,hiaite
zo ka ngaihluat man vek ahi.December a selection exam zou innlam kon pai
a,hunnuam takin ka zang khom uhi, Krismas ma nitak bang ka zanhak uhi.
Abulah omnuam sa in,ka khelah thei mahmah hi. Krismas nitak kava hoh
in pasal bangzah hiam ana om uh a,pasal 1 ngial houh a maingal in aomdan
tak bel kei ngaihtuah na in kingai dingin ka muangmoh a,lungkim hetlou
in ka pai a,hon call a "Bangziak a na pai d le genlou a na pai tel?"hon
ci a kenle "Na ngaihzong pa toh om hiven" ka cihleh "Mokmok ka tanau te
uh ahi" ahon ci a,himahleh kenbel ka gingta keia ka dot teitei leh "Ka
kingai kha ngei uh, hilele tuacu lawm maimai hita,ka sungten bel hon
deihsak ziak maimai uhi" aci a ka pona mahmah mai hi, gending bang thei
nonlou in, aw liing pelhpelh kawmin "Koih phot oh" ka ci hi. Pasal toupi
hi zen pi, ka mittui bang ahon luang khe mawk hi. Sungte deihsak te toh
om cihchu kei adin ana mahmah mai hi,himahleh bangmah gentam ka
utkei.Kumlui nitak pen bel ka pan hon zanhak phal nonlou acihman in ka
zatkhom sawmkei uh, himahleh kava hoh thouthou uhi ka lawmpa toh, koubel
Siamte te toh zang dingdan ka hi uhi. Dak10 vel dingin ka paisan ta
ua,Siamte te toh ka zat na d lam ka zuan uhi, Siamte bel a ngaihzong pa
toh aom uh a, koubel ka lawmdang te toh ka om zaizai uhi,hilele huai
siamte te kei din a mitdong huai mahmah uh a bang hi. Kenle Sangi ka
call a, ka miz dan te khong genin ka ngaihdan te khong ka gen hi. Huchin
huaiah lungleng takin ka om a, Siamte ngaihzong pa apai in Siamte ka
kiangah hon tu a, bangbang hiam hon gen a,himahleh keibel ka naaw Sangi
ngaihtuah in ka om melmul mai.
Ngui meltak a ana omkha ka hi diamah, Siamte leh ka lawmten " Bang ci
e,bang ngaihtuah nei maw?" hon ci supsup un, keile ki guih zot hial in
"Eh!! Theisiam mai ve ua" ci kawm in ka nui veivuai hi. Keile omzou
mahmah lou ka hi dia dak12 velin Sangi fon ka hon sawm a lah ka balance
omlouh lam ka phok suah thak thut a poi kasa petmah mai hi. Huchia ka
omom lai in ka fon hon ging netnet a kenle kua ade aw tunungnung a ci
kawma "Hello" ka cih leh a aw ka zak in ka phu zawk hial hi. Ka iitluat
Sangi ana hi a keile lawmte kianga pan awl a ki hem khia in, mun thoveng
deuh na mun ah sawtlou kava ki hou uhi. Huai hunsung lel leng ana manpha
mahmah mai hi kei adin zo. Lawmte kiang tung non inchu ka pnui lut
theisam ta hi. Khua bang hon vak ding a kisa ta ahihman in lawmte toh om
mun ki khen ahon hunta a,innlam ciat zawt ka hon sawm uhi. Inn ka
tunga, ka kumlui khak dan ka ngaituah kik a khattang ka kisa mahmah mai
a,lah abei hita na poikei cikom a ana imu suk kha ka hi dia, ka khanloh
in ka sungten biakinn ah anne din honna phongphong uh ahi tuak hi. Awl a
kihah zoh in ka paisuk laihlaih uhi. Kumthak ni sun lah kikhom kha
lou,nitak bek kikhop ka hon sawm ta mai a, huaizoh lawmte toh lenkhop
ding thu ka genkhom ua, anuamthei pena zat ut mahleng hiaibang hunah
Sangi hon tel thei hileh cih zo ngaihtuah na ah aom den mai hi. Keilah
zingchiang khong hileh pai hun mai dia cihkhong ka ngaihtuah khia a, ka
iit tak toh hun zatkhom ding nei nonlou tuk ahi ta mai.
Khelah tak mai in ka maban exam ding ompah ziak in ka kik san pah mai
hi. Fon tungtawn inbel ka ki thuzak den uhi. Amah toh ki thuzak lou a
omthei ding himhim le k hih nonkei. Ki iitluat ziaka ki sel khak hun
bang a tamviau a himahleh huai ka kisel nate un nii a tumpih ngeikei
himhim hi. Huchin nuamsataka hinkhua zang ka kisak lai in exam ahon hun
ding mai cu a peih huai mahmah kei hi,amah toh hun deihbang in ka zang
thei nonta kei. A lehlam ah k muhphak louh a, om nuu abang ci om dia
aw? cih ngaihtuah na ten kei hon su genthei mahmah mai uhi. Ginomtaka hon
ngak ahihdan hon gen ten a zia omsak deuh ua,hoihtaka ana omding
ahihdan te hon genciang bang in ka lung anuam a lehkha bang hoihtaktakin
ka sim thei a,result lungtun huai tak ka muh ngei amah leh kei lamet na
ahi. Huchi'n ah kei leng exam te panta in, Pathian panpih nate ziakin
exam pailel cu zouthei ding lam dinmun aom in, innlam tunga ka iittak toh
kimuh hun ding ka ngaklah bangin,amanle hon muhnuam tak dan leh innlam
paimeng dinga hon sap lai in, skul nawtsiat pah ka pan hon phallou
in, omzek lai dinga hon sawl manin kou adin kimuh ni di gamla tak hon suak
a, poikasa a hiaithu hilhding haksa kasa mahmah mai hi. Keileng examzou
kalkhat bang ka omzoh in, "Hon pai sawm nonlou na hi, na ki oi lua" hon
cih in poikasa petmah a, thu omdan ka hilh inlah a theisiam keisim lai
hi. Keileng ka nute kiah ngen teitei in, exam zou leh hihding teng hihzou
in Aprl khatawp lamin ka paita a. Ka ki lawp bang ngei un, ka kimuthei
uh a, ka kimuh theih hunsung te uh manpha taka zang khom in, damsung
hinkhua omkhom theih hunding ka ngaklah mahmah mai uhi. Himahleh naupang
mahmah lai ka hihman un a hithei, a hi naikei himhim hi.
Hunte hon mual zel ahihmanin, ka ki gintak louh lai takin result hon
suak a, banah ki gintak louh pi in ka pass sam hi. Keibel ka lung a
tungzou kei deuh himahleh, ka sungkuan te leh Sangi hon kipahpih nate
ziakin keile kipak takin ka omtheisam hi. Hilele ka maban zom a,mundang
gamla zo ah ka pai ngai ahihmanin,keibel ka dah lotel a, loh ngaihna le
ka theikei top hi. Ka iittak in bel hon khamuan a, kinepna sang tak kei
tungah hon nei ahihdan hon hilh in, ama thugen ziakin haksa le thuak poi
kasa kei hi. Sungkuante leh ka iittak kinepna ka tuang tun sak angaih
ziakin, July kha ah ka iittak te nusia in, ka maban zom dingin Pune ah
paiding dinmun in ka omta hi.
Ka pai hun dek hial in, zankhat ki muh bek ka utziak in,a lampi ding
zongin ka hon ki muthei uh a, huai hun in Sangi in hon khiatlah dan hon
gen a,a mittui pawt te ka muh in keileng ka kidek zou samkei a, bangmah
genpah theilou in, ka mittui te uh ki nulsak in a pau zo sam ka om zok
kei uhi. Hichin keileng ka ki pasal sak a, ka hon pau khe thei hamham
a,"Nau I ginom nate ziaka kimu non thei, di I hihmanin ginomtakin nana
om den dio" ka cih leh ka iittak in, awl in a aww te bng liing kom sim
pepelh in," U, nangle ginomtak a na omsung nang adia hing ka hi, cih thei
inla non zir mengmeng dia,huaizoh damsung omkhom den ta ni aw" cih bang
kampau neem tak te ka zakin, ka kipak petmah mai a,keileng ama adia hing
ka hihdan ka hilh a. Banah Ka kikhiat lah dan te uh lel leng ka genchim
moh zen uhi. Himahleh hun inlah kou kikhiatlah dan hon theihpih lou,
ahihman in, innlam zot ahon hunta, ka iittak ka nau khut lenkawm in, a inn
tan uh va kha a. Mangpha kikhak tuah in, innsung a lut matan ka en
a, amahleng a lut dekin hon ki hei kik a,"U damtakin aw" ahon cihzoh in a
lutta a, keileng nguitak in innlam ah ka zuan nalnal a. Inn ka tung in
nuten ka van ding khong honna bawlsak uh ka bawlpih a, ka manin lumdin ka
kisa ngal a ka iittak toh ki text in, ka ki khiatlah dan uh ka genden
lai uhi.
A zingin, ka heina vangkhua a ka iit ka ngaihte nosia in ka maban
zomding in kon kisa khe non hi. Pawl X zoh apat ana omkhia ka hihmanin
ka ki ngeina sehna sim theita, hilele a haksa geugau bel nak om lotel
petmah hi. Ka lungtang ah a kim lou om mah bangin,ka tun inle ka hi
heihuai hi. Ka pute bulah omding ka hihman in, azia om deuh hi in ka thei
lai hi. Tungphet simcard roaming a om himahleh ka call pah ngal hi.
Bang lua gen manlou in, ka balance hon bei hiau cu nak heh huai na mai e.
Simcard ka lak thak lah aki activate na din,hun ahon la sim a, ni
bangzah zoh hiam in ka hon ki houpan non thei pan uhi. Kei adia a
ginomnate hon genciah ka lungsim cu a nuam mahmah a,lah ka ki houlouh
zek ciang un ka lungsim bang a nuamkei losek mok hi. Ka iitluat man in
midang toh aki hou ka theihciang bang in, ka hehsan kha sek hi. Midang
adia ka phallouh luatman lel a hizo, amanlah huaite theisiam lou ahi
dia,hon hehsan in non ngai taktak kei ahon ci ciah bang, ka pona semsem
hi. Niteng in hicibang in ka omtou zel ua,himahleh kikhen ding tan zo ka
sawm ngeikei uhi. Huchi tou komkom in skul bang ka hon kai pan ta
a,nitak ah tomchik vel lel ki hou in ki text in ka hon ompan uhi. Ani
ani in hun hon tawm deuhdeuh bang ahon bang a, ka lungsim anuam
hetkei,himahleh ka iittak aw neem kazak ten ka lung a su nuam zel
a, himahleh ka lungsim nop in sawt adaih zoukei semsem hi. Huchia ka om
lai in, midang toh ki sai nak sim uh ahihlam ka bilsung ahon tun ni in,
ka lungtang teng leh ka hinkhua teng zel suak in, ka mangbang mahmah mai.
Keile ki dek zou nonlou in nitaklam khat, "Nau nang kua honna neihsan
e?" ci a ka dot leh,"U, thuzuau za kha zel maw?" hon cih in,ka hehtha hon
suak lo guih mok a, kidek zoulou in, bangbang hiam ka gensuk zialzial
kha a,huai hunin amanle, "Hi, ka kingai kha uh" ahon cih in ka lungtang
teipi a dawt bang mai in ahon na petmah mai zo, ka dip hawm in ka lungsim
ah bangmah aom thei nonta kei.
Dai diidee aom in, "U, bang ci e?pau ve" hon ci hial ta mahleh hon
thilgen pona lua ka hi ngei dia, ka biang ah mittui ahon luang suk a, ka
pau leng ka sutzom theihnawn taktak louhman in, hon theihding ka lau a, ka
fon ka of khum ta mai hi. Sawtlou nungin Sangi msg hon lut a, kenle
liing sim pelhpelh kawm a ka etleh, "U, theisiam lechin zo maw, ken hon
ngaizo thouthou keive,hon ngaidam in o" cih ka iitpen apat ka muh in, ka
mittui luang te dan vuallouh din hon luang nasa zosem a. Huaihun takin
zo ka pasal na ka suah zouta kei, ki pasal sak sawm mahleng naa kasak na
in ka lungtang teng a zeel suak khin hi. Huchin kenle, "Bawi,nang le kon
ngaihna theisiam lota konsak leh bangziak a, hichimai a non omsan tel"
cihteng gelh in ka khak a, huaizoh amanle "Hon ngailou ka hikei,hon hah
genlua a ngaihzong nei ka hihdan ka gen lele hon kop mai oh hon cih
ziaka ana kingaih pih kha ka hi, nang hon ngaidam zoulou d maw U ;((" hon
cih te ka muh in kipahna khat nei in, ka hehsan ngamkei zel a, huaitakin
"Kenle kon ngailua aka, na khendia non hichih nonkei dile kon ngaidam dia
I kal ka beisak kei d" ka ci non hi. Awlin keile kei ki ngaihtuah dedu
in,iitna inzo ngaihdam zohlouh neilou eive ana cih uh hon theisiam sak
tu ahon suak nonta. Amah bulah leng ka hon muang taktak zohna din heh
hon neem in khong ka cihciah hon ngaihdante hon genin,midang hon neihsan
non mahmah lou ding ahihdan te hon hilh ciangin, ka lungsim anuam sak
deuh pan non zel thou hi. Ka iitluat leh ngaihluat ziaka hiaibang
gentheihna leh haksat nate leh ka puaknat te thuak zoh hamham ka sawm
zel mai hi. Innlam ngaihna bang hon zual non panta a, kouleng ka 1st
semester uh exam zouthei ding kuan ka hon hi nawn ta uh a, Christmas zang
dia innlam paithei ding ka hihna ah ka phur in ka ki tha lawp mahmah
mai hi, adik inzo Sangi ziaka lawp sem leng ka hi a. Pai ka sawm pah
thethu mai hi, suti le ka hauh vak louh uh toh, kik nonpah ngai ding
ahihziak innlam pai sawm pah mai dan ka hi.
Innlam cu Ka tung non ngeita, a melmuh ding ki lawp mahleng zahtak
simna bang ka nei mawk hi,himahleh mu ut gawp ka hihman in, a thilding ka
puak te pe kawmin kava hoh tei ta mai hi. Nidang apat tanau dana om ka
hihman un, a nu-leh pa toh bang houliim khong in ka om uhi. Himahleh
kougel kingai ding in bel hon gingta ding un ka ging kei himhim,aziak
chu ana kipawl theisa mahmah le ka hihziak un. Huchia ka omom lai
un, pasal khat Sangi kiangah hon hoh ahihlam cu haihvual ahi kei, a
maingal a banah inntek deuh mai in ahon omzo, kei din mitdong guai leh ki
suanlah huai bang hon bang sim hi. Keilah Sangi ka ki neisak mahmah a, a
khatpa lah cu ki inntek sak mahmah mai ahihmanin Keile nuamsa vaklou
leh ki suanlah hat ka hihmanin, pai ka sawm a himahleh Sangi in hon hah
khouh luat ziakin ka tuzek ta dih lai hi. Nidang a Siamte ziaka
khamtheih, ki hehnep na dia ka hihkhak te pen Sangi in deihsaktak a hon
thuhilh ziaka mihoih taka omthei ka hita hi. A uang lotel a ana hih
nailouh ziak aleng ngol theipah hi in ka thei hi. Hiaite khong ziak apan
hon panpih ziak aleng iit sem leh midang adia phallou ka hi. Hicibang
kawmkal ah Christmas ding hun ahon nai nonta, keibel huailai in ka
damlouh khak guih nate ziakin deih bangin ka zang khom theikei uhi.
Innkhong ah bel hoh din ka sam sek hi. Huchin kumthak ahon hi nonta, pai
hun mai ding hun cu ahon nai nonta,ka paina ding kalkhat vel mahmah in a
samta a, huchin keile ka hun omlai te amah toh zatkhom ka ut a, amanleng
kikhom lou hial in kei hoh ding honna ngak sek hi. Huchibang ngai in
Pathianni nitak khat kava hoh in a sungkuante teng na kikhop vek uh
a, amah vuak in ana om a,nidang in bel amah vuak aom ciah leng tukhom
khollou in ki chiamnuih in ka om den sek uhi. Huaizan chu ka bulah hon
tu in pai hon phallouh dante hon ngong koi kawmin hon gena, a mittui hon
paak khe teleng haih vual ahikei, ciang takin ka mu a,huchia ka iittak
mai mittui te nulsak kawmin,"Nau kei thu hileh pai mahmah lou ding mah
ka hi a, nangleng hichitel a non phalkei leh pai nonlouh ka sawm dio" ka
ci hi. Aman huai ka cihzoh in lungsim piching takin "I Maban d khawl
ngai zel amaw, hilele U kon phalkei lua non paisan nawn mai d zo" hon c
ngutngut ciangin kei ngei inleng thuak hak kasa mahmah mai hi.
Ki khelah tak mai in ka om uh a,ahaksa ngei mai. Huchia ka
ang ah pombelh in,khiatlah na leh ka iitluat na ziakin deihthoh takin a
muk kahon tawp sak ta. Iitna ziak a ka tawp bang ngei in amanle ahon
tawp thuk a,bangtan hiam sung chu pombelh tinten a huchia ka om zoh
un, "Nau, zansawt le a sawt dek ta a keile kana pai phot dio" ci in khelah
tak mai in ka pai hi. Huaizan a ka kiss khak patna ahihmanin, ka
ngaihtuah kha nilouh a, ka ki text un "Iitluat ziak a kon kiss khak ahi
a, na ngaihdan lou ahihkhak le ngaihdam kon ngen, hilele kon iitna pung
semsem ahi" ka cihleh "Kenle kon iitna te ziaka, nang adia phal ka hi
a,midang khong nava kiss khak hetlouh di ahi aw U" ahon cih te ka zakin
ka lungsim teng kipahna in adim hi. Ka paina ding lah ninih lel aom ta
a, keile aam takin ka hunteng amah toh zatkhop ka utlai in, pai dek ta
cihmah tak chu, tanau te hon hoh bang a omziak un ka deihbang in kava
hohthei kei hi. Himahleh kava hoh sawm teitei seka,ka pai ma zan in ka
pawtkhom thei helhel sam uh a, huchin singkung liantak mai leh thoveng
tak mai, kougel ading a sehsa mah bang aom,huaiah singkung nuaiah tu in a
pau zosam ding leng ka omzok kei uhi. Bangdang le genlou a ka omsung
un,lehkha zial (cigratte) ka tep leh 'oi" ci in alehlam hon ngatsan a
kenle paih in, ka kawi phei a "Hiailam hon nga ve" ka cihleh "I, na ki oi
oi toh" ahon ci a,keileng awl a khukdin suk in,"Nau, ngaidam lua aw,tuban
ka huchin nonkei na di" ka cihleh "U, na hon paisan ding ka ngaingam
mahmah kei, kon phalkei lotel mok,thilhoih lou hon tung di om di hinteh, hon
paisan kei maive" ci in a mittui luang te a nul a. Kei adin le huai
hunin aki dek hak lua,gending penle ka theikei ka ang ah pompelh in. Ka
iittak nuailam nga a kun ngeungau aom alai,awlin ka dom touhsak a,
deihthoh takin ka kitawp tonton mai uhi. Ka tawp(kiss) bang ka khol
khak ciah "U, paikei ve" ahon ci zela. Kenlah gending ka theihlouh
manin, ka iitna leh ka paisan ngaplouh leh ka khiatlah dan etsak na in ka
iittak cu kiptak a pombelh in, ka tawp tenten zel mai hi. Hiaizan a
hichitel a ka ki khiatlah uh, banah tutung innlam kon paia hicitel a hon
khiatlah thu hon gente, nidang a ka pai dekciang a hon khiatlah dan toh
aki bang kei a, ka lung bang anuamkei hial hi. Himahleh kenle khelah
lotel veve ka hihmanin,hichithei mah hi ci in ka ki lungnuam sak
a,"Nau,kava pai dia, kon paikik non hunhun chu omkhom den ta ding ihi
aw!" ka cihleh,"U, huaikal eivoi ka ngaklah kon ngailua" ci in ka muk
ahon tawp non cheuh hi.
Dak inlah hon ngak lou
ahihmanin,iitna thu te zong ki khup khom, leel le chimtak manlou
in,innlam zot ahon hunta. Khut ki len in, bang vak genlou in ka hon ki
ton uh zo, ki let khak tawp na d bang hial in kiptakin ka let
kawmin, "Nau, ginom den ino,hon muang lotel ka hi" ka cihleh, "U, nang lou
kuamah ngai thei nonlou ka hi,non muang na zahzah in ka muanhuai ding"
ahon ci ten ka lung a nuamsak mahmah hi. Koule hichia ki hou kawmkawm a
kon pai lai un, Sangi te inkhng lak ka tung ua, keile lut non tuanlou
a,paisuak mai ding ci in, ki khelah takin ka ki letna uh ka ki khah uhi.
Tunitak a hicitel a ka ki khiatlah dan uh uang leh lamdang mahmah kasa
a, hiaite khong ngaihtuah kawm a ka paipai leh inn bang tung pah ka bang
hial hi. Innsung lut leh sungkuan ten bang honna hehsan pian sim mahmah
mai uhi. Keileng bang vak genlou in,"Ka lum di" ci in lupna ki den na in
ka neisuk pah mai hi.
Huaizoh a sawtlou in,Sangi inleng
hon text cet a,"U, tungta maw?hon call zual ve kon miss lo pah" hon cih
in,ki thalawp takin ka call suk pah ngal a,ka balance bei ana hihlam ka
phawk suah khonung hi,ka nute fon zang zenin ka call ngal mai a. Aman
bel call hak honna sak thu hon gen a kenle,ka balance ana bei ahihdan te
khong ka gen a,huaizoh a pau d sam omlou in kon dai non get uh a,keile
awlin,"Bang c e? Heh na nei maw?" ka cihleh a aw te bang liing in,"U,pai
keive hon miss lotel khin keive tuale...." ci in a pau ahon sunzom
theikei a,kap ahi cih ka haih kei hial hi. Huaizoh in,"Koih phot mai oh
ka gen di ka theikei a ki text thoh ni o?" hon ci a kenle," Nang cih
dandan nau" cihleh koih ka thuah ngal hi.
Ka ki text nate uhleng, ka
ki iitna thu te uh leh ka ki khiatlah dan thute ngen uh ahi,huchia
dak11 tan vel ki text in, zingkar thohpah ngai ding ziakin imu phot ni ci
in, imut ka sawm hangin ka hitheikei. Bangbang hiam ka ngaihtuah
a,tutung hichitel a paiding haksa kasak kia hilou, Sangi na tawm in hon
hichi phallouh in ka lungsim a sunuam kei sim mawk a, Dak1:30 tan inle
ka imuthei tuankei a imu ta na dia cikawm pi in, "Nau,ginomtakin nana om
teitei di aw..!!" ci a ka text leh gintak louh pi in,ahon reply na ahon
lut a, "Ginom lotel d ka hi" hon ci thuk a, kenle "Imu khin d konsak le"
ka cih leh,"U,imuthei mahmah lou keivoi,kon nak phallouh e khai" hon cih
in, "Nau, keile imuthei lou keive, kei adia bang haksa zo sem d eive, kon
ngailua" ka ci thuk teisam hi.
Ahon reply na leng ngak
manlou a imukha ka hi dia,zingkar ka khanloh in hon text bangzah hiam
ana om a, ka etleh "U, kon ngailua,non tung kik hun di ana ngak cencen nawn
ding ka hi aw!" cih khong te ana om in, kipak in ka nui vervur a
himahleh ka pai dingin ka kipahna a kiamsak zou hial in ka thei. Koule
airport ka tung matan ki text in, paiding a hon phallouh leh ka ki
khiatlah dan uh leh ka ki ngaihdan uh ka gen den lai veve uhi. Alehlam
takah keibel pai ding dan inle ana ki koih thei tuan lou dan ka hizomah
ve
Huiha!! Liin mahmah tok lengle hunte, dakte leh
ka tuanna gari pei(wheel) khollou hial a ki peei ahihman in, dakkar khat
leh kiim zoh inzo, AIRPORT tuh ka tung uhi. Ka sungkuan te toh damtaka
kimu kik non ding chikawm in ka ki "chibai" uh a,"ka Iittak" ka ki
ngaihdan thu te uh ka ki text kawm un ka gen uh a,huailou inle ki khelah
tak leh damtaka a kimu kik non ngeiding chi in,hunsak phot ni ci in ka
nu fon ka zatlai sak lai ngei tuh pia in ka lut san ta uhi. Ka hihngai
teng uh hihzou in,ka pai hun ding lel ngak in ka omta uhi. Huchih sungin
ka fon la khia in,balance cheng 1 ana om sunsun in ka call a,ka sim
card roaming a awm ahihmanin sawt hetlou in ka balance cheng 1 tak ka
neihcu ahon bei hiau a,deihkhop mai angai hi. Himahleh a 'aw' neemtak
mai ka zak te keidin a nuamtuan tel mai.
Huchin ka pai hunding ci a
hon kisam in ka ding khe ngal a, message leng ahon lut cet a,"U, kon
houpih ut lailai toh aw..painuam inla,na tungciah hon hilh pah in aw,kon
miss lua" chih mu in,nui heuhau kawm in sawtlou nungin, nungak
duangching tak leh etlawm tak mai ten nui selsal kawm a honna vaidawn na
toh,l enna sungah lut in ka tutna ding chiat ah tutzoh sawtlou in, 'Fon
switch off chiat a, konggak ding' chih hon ki genzoh sawtlou in vailai
zawl ah om kana hita uh.
Imut bang suaksim a,ka om melmul
lai in ana imu kha kahi ding a,khua ka phok in a tung dek lam ana hita.
Keile ki su halh in, window lian hehlou apat lei lam en in, lunglen cu a
awl sam ngei mai, hunluite kong ngaihtuah kik a ka omlai in, 'Na fon uh
na on thei ta uh' hon kicih in ka phawk thut a, tung chu ka hi nonta mai
ve.
Ka ki ngak na ding ngei le tungta in, ka fone su hing na din ka
recharge a, ka sungte leh ka iittak bulah,ka tungtak thu te ka hilh pah
a. Huchin ka ki hahsiang zoh inzo khua mui ding kuan ahon hita a,lunglen
zaw a baihlam ngei mai. Zana hichi huna,ka iittak toh om hinga tualah
hichizah ta a ki gamla hita, cih te ngaihtuah kawmin muhlouh tongsan
panin ka ki galdon ta mai uhi.
Zingkhua vaak zel
leh zan huna mial zel ahihmanin, kalnih (2weeks) ding bang omta leh skul
kaite bang ka niteng hunzat dan ahon hi non panta. Hun mualliam zel ten
ka Iittak lungsim mualliam pih zel ahi hiam? Aheidan ahon dang hiaihiai
ten,ka lungtang a su nuam theikei, ahihkeh kuaten bang thu ana genpih uh
ahita mai diam maw? Ahizong, bangmah lah ka dong ngamkei,ka dawt
hunchiang inlah hon heh zel a, kenzo iitluat ziakin ka thuak tou zelzel
ahon hi pen mai hi. Su heh leng kikhen hon sawm khak ding ka lauh luat
ziakin,lungsim nuam hetlou pi in hunte ka zang toutou zel hi.
Hichibang gentheih nate ka zat touh zel lai in, nikhat tuh "U, kon ngailua" cih hon text na ka muh in, ka lungsim ah kipahna liantak hon tun in, ka thuak gimna te huih in a muut mang ahon, bang hial top hi. Himahleh, hiai in agen omzia tak hon hilh na dingin, "U, nang le non ngaih taktak leh ka thu hon zuih sak ve maw?" hon ci a, bang thu hi peuhmah hiam?ci a ka dot leh,"Non ngaih taktak leh midang toh kingai mai ve maw? Kei adin haksa lo mahleh nang adia kon hihsak theihsun ahi" hiai ka muh in ka phu guih zezen hi. Hiai thil ahi ka damsung hinkhua ding ziingsak tu leh mangbang tak a hon omsak tu. Kenle awlin thil omdan dot sawmin, aw liing pelhpelh leh gen masak ding pen le theilou kawmpi in fone ah ka hon ki hou uhi. A awm lel zak le kei din ka mittui tamsem luangsak tu ahon hita. Ka ki hou na ua pat in,kei hon muang lou ahihdan ka thei a, thu omdan ka dot hangin,"awl in non theisiam dia huaichiah mi hehpih huai tak ka hih lam na hon thei d" hon cih ten ka lungsim a su nuamkei semsem a,ka maangbaang lotel, "Bawi, theihsiam hak hina e maw? Hiaibang thu non gen mawk" ci mahleng thuchian takin hon hilh nuam non tuankei. Sawttak pauleng, pau theilou hial a ka om in,fon ahon koih khumta hi. Keileng inntung ah kua phawk pih louh in,ka mittui te huih in hon mut hul sak theihkhak leh chi a ki neem hi omtak in,kava om melmul den mai hi.
Houpih nuam lo lai mahleng,a aw te za leng ka ki dek zou kei dia,ka kah lam hon theihkhak ding ka lauhman in, ka ki pasal sak a, hon text nate leng ka reply nonkei. Ka mittui toh ka etliam ngai mai hon hita. Ahon text na ngeileng bangzah hiam aom a,himahleh mangbang taka om ka hihmanin keikia a om ka ut ziakin, a hon text te lel leng enlou in, mittui tak keuhkeuh kawmin, ka fon chu ka switch off ta.
Hichibang gentheih nate ka zat touh zel lai in, nikhat tuh "U, kon ngailua" cih hon text na ka muh in, ka lungsim ah kipahna liantak hon tun in, ka thuak gimna te huih in a muut mang ahon, bang hial top hi. Himahleh, hiai in agen omzia tak hon hilh na dingin, "U, nang le non ngaih taktak leh ka thu hon zuih sak ve maw?" hon ci a, bang thu hi peuhmah hiam?ci a ka dot leh,"Non ngaih taktak leh midang toh kingai mai ve maw? Kei adin haksa lo mahleh nang adia kon hihsak theihsun ahi" hiai ka muh in ka phu guih zezen hi. Hiai thil ahi ka damsung hinkhua ding ziingsak tu leh mangbang tak a hon omsak tu. Kenle awlin thil omdan dot sawmin, aw liing pelhpelh leh gen masak ding pen le theilou kawmpi in fone ah ka hon ki hou uhi. A awm lel zak le kei din ka mittui tamsem luangsak tu ahon hita. Ka ki hou na ua pat in,kei hon muang lou ahihdan ka thei a, thu omdan ka dot hangin,"awl in non theisiam dia huaichiah mi hehpih huai tak ka hih lam na hon thei d" hon cih ten ka lungsim a su nuamkei semsem a,ka maangbaang lotel, "Bawi, theihsiam hak hina e maw? Hiaibang thu non gen mawk" ci mahleng thuchian takin hon hilh nuam non tuankei. Sawttak pauleng, pau theilou hial a ka om in,fon ahon koih khumta hi. Keileng inntung ah kua phawk pih louh in,ka mittui te huih in hon mut hul sak theihkhak leh chi a ki neem hi omtak in,kava om melmul den mai hi.
Houpih nuam lo lai mahleng,a aw te za leng ka ki dek zou kei dia,ka kah lam hon theihkhak ding ka lauhman in, ka ki pasal sak a, hon text nate leng ka reply nonkei. Ka mittui toh ka etliam ngai mai hon hita. Ahon text na ngeileng bangzah hiam aom a,himahleh mangbang taka om ka hihmanin keikia a om ka ut ziakin, a hon text te lel leng enlou in, mittui tak keuhkeuh kawmin, ka fon chu ka switch off ta.
Ka lungtang
teipi a dawt bang mai in ana a,kei din ka maban hinkhua zaw khiimbang
ziing mai ding hon suak ta. Tua zan zaw imutlim tak a imut theihding a
hithei mahmah kei, bangzah vei mahmah ka zalna khun tungah ka ki zial
lehleh tel diam maw? O! Zinglam dak 5 tan inle imuthei dingin ka om
mahmah keia,keile ki dek zou non mahmah lou in, ka fon cu ka hon 'on'
non ta. Khaih!! Ka iittak hon text te ahon lut zungzung a,huaiteng
laka "U, kon ngailuat ziaka haksa sa pipi a, hiaitan tungsak mai ka hi,non
reply ut nonkeia, midang zo nei taktak mah neive maw?" hiai hon cih toh
"No. ka theihlouh khat in, nang USiam ana buaipih non koh hon ki cih
ziaka, huaithu hon sawm ka hi. Nanglou in ka omzou kei di, thudik hon hilh
ve, tuzan a non hilh keileh iki hou tawpna hita di ahi U hon ngailua
keive, na fon on ta inla hon reply ve pliz" hiaite ka muh in, ka lungsim
hon ki noh hehu a, kenle message a gen thohsah ci in, kintakin ka nau
Sangi tuh ka hon call ta, himahleh 'Switch off' hon ki ci khum tq mai
zaw, ka fon ka off san ka ki mohsa petmah hi. Huchin ziinglam dak 7 tan
inle ano. 'ka dial' den lai a, ahon ki dawng na sun zaw "The no.you're
tryin to call is currently switch off" aki ci charchar ta. Om didan leng
theilou in ka lungsim bang a hi hehu petmah a, Kenle "Bawi, kua a huai
thil hon gen? huai thudik lou ziak amaw ikal ahihcih mai d? Hon hilh
cian ve." ci khong leh thu tuamtuam in text mahleng aki deliver
theikeia,reply na himhim le aom tuankei. Ka call zel a lah,ahon ki
dawnna ngei mah lou dang dawnna zak d himhim aomkei. Huaizan zaw keidia
ka hinkhua ziingsak tu leh ka maban mangbang tak hon tun tu ahon suak
ta,'hici mai kia hileh adan om di hi a maw?' Huailou in,ka ki hou tawpna
uh leh ka ki thuzak tawp ni uh ahon suak ta mai zaw,puaksiam ahak lotel
hi. Hiaiteng sang in, ka kikal ua 'Iitna' gui a taan ni ahon suak mai
zaw, hiaituk a naa ka lungtang in thuak kha nai din ka gingkei. Pasal
toupi khat,ki dek zoulou in ka mittui te luang in ka ki diik hiithiit
a,ka kiim a lum te hon theihding bang ka lau a,himahleh ka ki dek zou
tuansam kei hi.
Ni bangzah hiam nguitak aom
in,skul kai lelleng huai hunin zaw ka peih hetkei hi,himahleh kalkhat
zoh inzo,keile kei ki halhsak som teitei in ka hunte ka hon zang tou non
pan hi. Omna lah ki bang lou,lah fon lel aleng ki thuzak pha nonlou
a,ka ki hou tawp na uh a huchih mai zaw ka theihsiam na in a chin zou
mahmah kei hi. Hichibang hinkhua kana thuak touh ziak adiamah,iitna
kichi ah gintak na teng bei in, midang himhim leng ngaihtheih na ding
lungsim ka nei nonta kei. Ka iittak ka nau Sangi hon kik a,hon houpih
non hun ding ka ngak gige a,himahleh kei kinepna zaw huihsii in hon muut
lengsak bang mai in,kinepna ka nei nawnta kei.
Hunte mualliam zel mahleh nunluite zaw puan bang thak zel amaw? Hichikawm pi a innlam pai hunding ahon hih inle ka liin mahmah mai hi. Ka gintak bang ngei in,innlam ka tungin ka heina peuh,kougel hunlui hon phawk sak sem tu ding ahi uhi. "Ka kal uh huchi mai a,tawp hikei le zaw,ka damsung uh omkhawm ta ding chi a ka ki chiam na uh tangtung ngei ding hi amaw" ci'n ka ngaihnou ngaihna puanbang hon thak zel hi.
Awl awl a, ka thuzak danin Sangi toh ka kal uh ahihchih pen zaw,hon haal tute ziak ahihdan lawmte apat kana theisuah a,himahleh tuchiang dongin kua mihing hi hiam ka thei naikei. Hiaithu ka theih in ka pona semsem a,Sangi kiangah va hoh mai ka sawm lai in,'Mundang ah a sungkuan ua apa sep na lam ah ava omta uh',cih ka theih in kougel kal hichia tawp ding a sian lemgel ngei hinteh chi'n ki hehnep mai angai ta. Iitna diktak hon theihsak tu'n hon taisan apat iitna kichi ah gintak na ka nei non himhim kei hi.
"Siambawi,siambawi hon thouta in annek hunta ei" ci a ka nu hon sap na ging ka zak in,ka halh zawt a,thil tamtak khasiat na di khop ana ngaihtuah ka ek get ka hi diamah ka mittui bang ana pawt lai sama, huchin keile thoukhia in,ka mittuite nul in ka maai bang va phiatsiang in,anne din ka kisa ngal hi.
PHUAHTAWM LEH GINTHU GELH MAIMAI KAHI A,KUAMAH HINKHUA KAWK TUAM NEI HETLOU AHI AW...AMIN KA ZAT TE LENG AKI BAT PIH ATAM MAHMAH DING A,KA TANGTHU GELHNA ADIA AMIN UH NGET NGAISELOU AHON, ZATSAK MAN UN KA KIPAK LUA...hehe...KEI PHUAHTAWM SESE HON SIMSAKTU TE TUNGAH LE..KA KIPAK LUA!!
~~~~~~~~~~~~~~~~~~~~~~~~BEITA~~~~~~~~~~~~~~~~~~~~~~~~
Hunte mualliam zel mahleh nunluite zaw puan bang thak zel amaw? Hichikawm pi a innlam pai hunding ahon hih inle ka liin mahmah mai hi. Ka gintak bang ngei in,innlam ka tungin ka heina peuh,kougel hunlui hon phawk sak sem tu ding ahi uhi. "Ka kal uh huchi mai a,tawp hikei le zaw,ka damsung uh omkhawm ta ding chi a ka ki chiam na uh tangtung ngei ding hi amaw" ci'n ka ngaihnou ngaihna puanbang hon thak zel hi.
Awl awl a, ka thuzak danin Sangi toh ka kal uh ahihchih pen zaw,hon haal tute ziak ahihdan lawmte apat kana theisuah a,himahleh tuchiang dongin kua mihing hi hiam ka thei naikei. Hiaithu ka theih in ka pona semsem a,Sangi kiangah va hoh mai ka sawm lai in,'Mundang ah a sungkuan ua apa sep na lam ah ava omta uh',cih ka theih in kougel kal hichia tawp ding a sian lemgel ngei hinteh chi'n ki hehnep mai angai ta. Iitna diktak hon theihsak tu'n hon taisan apat iitna kichi ah gintak na ka nei non himhim kei hi.
"Siambawi,siambawi hon thouta in annek hunta ei" ci a ka nu hon sap na ging ka zak in,ka halh zawt a,thil tamtak khasiat na di khop ana ngaihtuah ka ek get ka hi diamah ka mittui bang ana pawt lai sama, huchin keile thoukhia in,ka mittuite nul in ka maai bang va phiatsiang in,anne din ka kisa ngal hi.
PHUAHTAWM LEH GINTHU GELH MAIMAI KAHI A,KUAMAH HINKHUA KAWK TUAM NEI HETLOU AHI AW...AMIN KA ZAT TE LENG AKI BAT PIH ATAM MAHMAH DING A,KA TANGTHU GELHNA ADIA AMIN UH NGET NGAISELOU AHON, ZATSAK MAN UN KA KIPAK LUA...hehe...KEI PHUAHTAWM SESE HON SIMSAKTU TE TUNGAH LE..KA KIPAK LUA!!
~~~~~~~~~~~~~~~~~~~~~~~~BEITA~~~~~~~~~~~~~~~~~~~~~~~~
©Siamsinna leh Vakiangbu
Comments
Post a Comment