FACEBOOK NANG MAHMAH AW....
By ~ UMuan Ton's Dsp
Hun sawtkuam tak facebook a ka kimuh, ka kitheih nung un, itna ka kal uah hong piang mawk hi. Ken le lamdang ka sa a, ka kitheihpih ngei le hilou chik mah a le kimu ngeile hilou in ka kal uah itna hong piang mawk hi. Ken le ka ki-itna uh a tak di mah in ka koih suk pah mai hi. Huailai in itna tak leh itna diklou theilou leh experience nailou ka hih manin, aman hon ngai a chih ziakin ken le bangmah ngaihtuah selou in ka kingai uhi. Ken le amah background, a innsung thute uh sui selou in ka kingai ua, aman le kei innsung thute leh ka mihinzia thei di'n le ka koih tuan kei. Hichia facebook tungtawn a ka kitheih nung uh kha guk bang phata in ah ka kingai mahmah ua himahleh ka kimutuah ngeikei uhi. A tawptawp in ah ken le Sindi kiang ah kha guk bang paita hi a i kingaih, bangchik leh bang hun a kimu theita di i hi a? Kimuta le hoih ding hilou maw? chi'n ka dong hi. Hichia ka dot chiang in aman hun hong paipai leh kimu na di i ka hon chi gaih zel a, ken le ngailua ka hih manin ka nial ngeikei hi. Sindi in bel kimuh ding thu himhim hon gen ngeikei hi.
Hunte hong pai zelin ka kingaihna uh hong thuuklut deuhdeuh hi in ka thei hi. Facebook lou in le ka ki contact zel ua, himahleh ka kitheihna pen uh FACEBOOK a hih manin facebook a kimuh mah nawp ka sa uhi. Nikhat ngei tuh a hon call a uSiam i kimuthei zual diam a hon chi a , ken le chance hoihtak ahi kimelmuh tuahna di hi di hi ven chi in , awle, koi ah i kimu dia ? ka chisuk pah a, aman le ka inn uh ka hon hilh khon khong dia huai ah hong hoh lechin a hon chi a, ken le lamdang ka sa mawk hi . A ziak bel nidang a kimuh ut ngeilou tua a inn mun hon hilh dek chi in ka lung bang a nuam thei kei zezen hi. Ka dong thakthak a, bang thu om hiam hon hilhchian dih ? ka chih leh “i hon mu nuam lawta a eivoi Usiam” hon chi ngeingai hi. Ken le adang dong tamlou in a inn uh a hon hilh na ah ka vahohta hi. A inn ua ka vahoh tak in nuam ka sa mahmah a, aziak bel ka kimuh patna uh ahih ziakin, ken leng gen di tam theilou in ka pau tawm mahmah mai hi. Gen ding theilou chih phet kipau ngam selou. Ama hon houpihna teng khawng dawng tan latlat, a heh mah kibang, lah a heh lah kihi mahmah lou.
A inn uh ka hoh khit nung in ka itna thute bang pung deuhdeuh hi'n ka thei tuan hi. Himahleh, ke'n ka muh dan in aman hon huchi piibawl lawvak kei hi. A background check ka hon pan khonung hi. A ziak bel, a omdan khawng hong kikhek hiaihiai ahih chiang'n. Ka suisui leh ka muh khiat tuh amah hi miharh mahmah banah hih theih louh neilou ana hi zawmah lai geet hi. A innkuan ua le kithu tuak lawlou in ka thei hi. Ka suisui hang in ka itna te'n hon niam kiak sakzel a ken ka it nak leh hoih in hoih kei leh bang a poi a ka chi zel hi. Himahleh mihoih tak chu ka nu-le-pate deih kia phetlouh ken le ka deih hi. Banah kei mi deihte sang sim (neih-le-lam hilou) ahih manin ka suisui thou hi. Ka hon suisui chiang in amasa a ka kingaih ma aa thu ka theih dite bang a khonung in ka hon thei thakthak hi. A mihinzia khong ka hon thei a, a chêt dan khong, nidang a ana omdan khong ka hon theikhe thakthak hi. Ka ngaihna teng bang a hong dau a bang, nidang, hun dang a ka ki contact bang un le ka ki contact nawn kei hial uhi. Bangmah le ka hih peihtha leng a suak kei top ahi mai. Ka thuzak khenkhatte ahihleh amah nidang a kizuak ana hi a, banah nuthoisa leng hi zawmah lai hi. Kei leng ka kisiik mahmah mai a, a mizia theiloupi a ka na kingaihpih ziak ahi, chih ka hon thei hi. Himahleh ka hih theih a om nawnta kei. A kikhel vek ahita chih ka thei. Amah lou a hinkhua zat ding ka geel chiang in ka sih nuam tha bang a suak. Ka sih a lah abang phatuam di'ng le hilou chi'n kei peuh ka kinial-nial maimah hi.
Hiai kawmkal ah, ka suahtaak theihna ding ka zawngzawng mai a, himahleh ka ngaihna toh ka suakta zou kei hi. Nikhat amah ka sam a Sindi "hon ngai mahmah hinapi in nang na omdan in achin kei lua" ka chi hi. Ka sung ten le hon deih sak lou di uh ahi chih ka theih ziak in i kikhen mai a hoih di , chi in ka sungkuante ka paulam khemkhem hi . Himahleh ka lung tang a nna mahmah mai hi. Huai ka gen zawh phet inle na omdan hong kikhek ve, na thil hoih lou hihte tawp maive, hileh kikhen ngailou di ahi , chih tanpha ka gen suk lai mai hi. Pasal toupi khat ka hi sam na a zaw hiai hun ah mittui bang a pawt top hi. Bang ziak a amah ana thei masa lou ka hi di aw? Bang ziak a theiloupi a kingaihpih ka hi diam? chih khuak sa vitvit kawm in ngaihtuahna ah hong pawtpawt mai hi. FACEBOOK ka ngoh dek a lah ahi thei kei, ken zang kei leng hichi lou di hi'ng a, ka chi zel maimah hi. Sindi bel kikhen di a ut kei a, himahleh khen ka sawm teitei a, ngai mahmah himah leng a ngailou dan in ka om suk hi. Haksa hina maizen e..!! Ihmut suak lou pipi ihmut sawm toh akibang chet. Kum 1 di'ng khawng ka houpih kei, aman chu hon msg/text gige, hilele ka thuk kei.
A tawptawp in aman le a lawh ngaihna theilou ahi sam di'ng a huchi'n ka hong khenta uhi. Ka kikhen khit nung uh kalnih le pai nailou in Sindi sih thu ka za hi. Kei hon it ziak a kithat ahi diam chih ka ngaihtuah lai in, ka lawmte khat in AIDS ziak a si chih thu hon hilh hi. Himahleh kimawh sakna in ka dim. Aziak bel mi itna diktak bang mah lou a koih sak ka suah ziakin. Ka khawnung ngaihtuah chiang'n ana kikhen lou in ana paisuak hi le ung tuni hun hoihte mu nawn di'ng in ka kiging kei khop mai.
Lawmte'n ah hon chiamnuihna uah, Siampu nang mahmah aw , a hon chi ua, ken huai apat ka min la khia facebook ka koih hi. Huchi'n tua i topic uh " Facebook nang mahmah aw " hong piang khia hi.
Zouta ! Beita !
©Siamsinna leh Vakiangbu
Hun sawtkuam tak facebook a ka kimuh, ka kitheih nung un, itna ka kal uah hong piang mawk hi. Ken le lamdang ka sa a, ka kitheihpih ngei le hilou chik mah a le kimu ngeile hilou in ka kal uah itna hong piang mawk hi. Ken le ka ki-itna uh a tak di mah in ka koih suk pah mai hi. Huailai in itna tak leh itna diklou theilou leh experience nailou ka hih manin, aman hon ngai a chih ziakin ken le bangmah ngaihtuah selou in ka kingai uhi. Ken le amah background, a innsung thute uh sui selou in ka kingai ua, aman le kei innsung thute leh ka mihinzia thei di'n le ka koih tuan kei. Hichia facebook tungtawn a ka kitheih nung uh kha guk bang phata in ah ka kingai mahmah ua himahleh ka kimutuah ngeikei uhi. A tawptawp in ah ken le Sindi kiang ah kha guk bang paita hi a i kingaih, bangchik leh bang hun a kimu theita di i hi a? Kimuta le hoih ding hilou maw? chi'n ka dong hi. Hichia ka dot chiang in aman hun hong paipai leh kimu na di i ka hon chi gaih zel a, ken le ngailua ka hih manin ka nial ngeikei hi. Sindi in bel kimuh ding thu himhim hon gen ngeikei hi.
Hunte hong pai zelin ka kingaihna uh hong thuuklut deuhdeuh hi in ka thei hi. Facebook lou in le ka ki contact zel ua, himahleh ka kitheihna pen uh FACEBOOK a hih manin facebook a kimuh mah nawp ka sa uhi. Nikhat ngei tuh a hon call a uSiam i kimuthei zual diam a hon chi a , ken le chance hoihtak ahi kimelmuh tuahna di hi di hi ven chi in , awle, koi ah i kimu dia ? ka chisuk pah a, aman le ka inn uh ka hon hilh khon khong dia huai ah hong hoh lechin a hon chi a, ken le lamdang ka sa mawk hi . A ziak bel nidang a kimuh ut ngeilou tua a inn mun hon hilh dek chi in ka lung bang a nuam thei kei zezen hi. Ka dong thakthak a, bang thu om hiam hon hilhchian dih ? ka chih leh “i hon mu nuam lawta a eivoi Usiam” hon chi ngeingai hi. Ken le adang dong tamlou in a inn uh a hon hilh na ah ka vahohta hi. A inn ua ka vahoh tak in nuam ka sa mahmah a, aziak bel ka kimuh patna uh ahih ziakin, ken leng gen di tam theilou in ka pau tawm mahmah mai hi. Gen ding theilou chih phet kipau ngam selou. Ama hon houpihna teng khawng dawng tan latlat, a heh mah kibang, lah a heh lah kihi mahmah lou.
A inn uh ka hoh khit nung in ka itna thute bang pung deuhdeuh hi'n ka thei tuan hi. Himahleh, ke'n ka muh dan in aman hon huchi piibawl lawvak kei hi. A background check ka hon pan khonung hi. A ziak bel, a omdan khawng hong kikhek hiaihiai ahih chiang'n. Ka suisui leh ka muh khiat tuh amah hi miharh mahmah banah hih theih louh neilou ana hi zawmah lai geet hi. A innkuan ua le kithu tuak lawlou in ka thei hi. Ka suisui hang in ka itna te'n hon niam kiak sakzel a ken ka it nak leh hoih in hoih kei leh bang a poi a ka chi zel hi. Himahleh mihoih tak chu ka nu-le-pate deih kia phetlouh ken le ka deih hi. Banah kei mi deihte sang sim (neih-le-lam hilou) ahih manin ka suisui thou hi. Ka hon suisui chiang in amasa a ka kingaih ma aa thu ka theih dite bang a khonung in ka hon thei thakthak hi. A mihinzia khong ka hon thei a, a chêt dan khong, nidang a ana omdan khong ka hon theikhe thakthak hi. Ka ngaihna teng bang a hong dau a bang, nidang, hun dang a ka ki contact bang un le ka ki contact nawn kei hial uhi. Bangmah le ka hih peihtha leng a suak kei top ahi mai. Ka thuzak khenkhatte ahihleh amah nidang a kizuak ana hi a, banah nuthoisa leng hi zawmah lai hi. Kei leng ka kisiik mahmah mai a, a mizia theiloupi a ka na kingaihpih ziak ahi, chih ka hon thei hi. Himahleh ka hih theih a om nawnta kei. A kikhel vek ahita chih ka thei. Amah lou a hinkhua zat ding ka geel chiang in ka sih nuam tha bang a suak. Ka sih a lah abang phatuam di'ng le hilou chi'n kei peuh ka kinial-nial maimah hi.
Hiai kawmkal ah, ka suahtaak theihna ding ka zawngzawng mai a, himahleh ka ngaihna toh ka suakta zou kei hi. Nikhat amah ka sam a Sindi "hon ngai mahmah hinapi in nang na omdan in achin kei lua" ka chi hi. Ka sung ten le hon deih sak lou di uh ahi chih ka theih ziak in i kikhen mai a hoih di , chi in ka sungkuante ka paulam khemkhem hi . Himahleh ka lung tang a nna mahmah mai hi. Huai ka gen zawh phet inle na omdan hong kikhek ve, na thil hoih lou hihte tawp maive, hileh kikhen ngailou di ahi , chih tanpha ka gen suk lai mai hi. Pasal toupi khat ka hi sam na a zaw hiai hun ah mittui bang a pawt top hi. Bang ziak a amah ana thei masa lou ka hi di aw? Bang ziak a theiloupi a kingaihpih ka hi diam? chih khuak sa vitvit kawm in ngaihtuahna ah hong pawtpawt mai hi. FACEBOOK ka ngoh dek a lah ahi thei kei, ken zang kei leng hichi lou di hi'ng a, ka chi zel maimah hi. Sindi bel kikhen di a ut kei a, himahleh khen ka sawm teitei a, ngai mahmah himah leng a ngailou dan in ka om suk hi. Haksa hina maizen e..!! Ihmut suak lou pipi ihmut sawm toh akibang chet. Kum 1 di'ng khawng ka houpih kei, aman chu hon msg/text gige, hilele ka thuk kei.
A tawptawp in aman le a lawh ngaihna theilou ahi sam di'ng a huchi'n ka hong khenta uhi. Ka kikhen khit nung uh kalnih le pai nailou in Sindi sih thu ka za hi. Kei hon it ziak a kithat ahi diam chih ka ngaihtuah lai in, ka lawmte khat in AIDS ziak a si chih thu hon hilh hi. Himahleh kimawh sakna in ka dim. Aziak bel mi itna diktak bang mah lou a koih sak ka suah ziakin. Ka khawnung ngaihtuah chiang'n ana kikhen lou in ana paisuak hi le ung tuni hun hoihte mu nawn di'ng in ka kiging kei khop mai.
Lawmte'n ah hon chiamnuihna uah, Siampu nang mahmah aw , a hon chi ua, ken huai apat ka min la khia facebook ka koih hi. Huchi'n tua i topic uh " Facebook nang mahmah aw " hong piang khia hi.
Zouta ! Beita !
©Siamsinna leh Vakiangbu
Comments
Post a Comment