MOU FEL HIH ZAW A HAKSA LUA
By ~ McMuan S Ngaihte
“Muani, thou ta mahmah in, zing ann
le kon neksan daih ta uh, na U’Mawii le hong pawt eive. Thoh hun lah thei ngei
mahmah lou sek…” chia ka Nunu in ka room kongkhak naktak a hong kiuh ging leh aw vin tak
a hong gen ka mumang lam in ka za vuat a, ka hong halh khiak tak a ka sana ka
et leh zinglam dak 8:30 bang ana pel tham ta hi. Peih lou sasa in ka hong thou
khia a, kitchen ah ka lut leh ka Cousin, ka lawm hoih mahmah le hi, U’Mawii chu
ana nui vervur a, “Delh lup sa nek sawm na mo..?” hon chih leh kenle dawng
ngal in, “Zannitak laa ka zir zoh ua lawmte inn ah singpi khawng ka vadawn ua leh zekai kha ing a, huai zoh Movie ka en zek a hiveh aw..” ka chi
pah hi.
Bathroom ah lut in ka va kihahsiang zoh in ka U’Mung zi, U’Biaki, in singpi hon piak en mang lou in ka la a, ka dawn ngal hi. “Umawii na hong bel ve, Mungbawi skul kai di va kha na hi get di mo..?” chi kawm in a kiang ah ka vatu ngal a. A diktak in zaw U’Mawii chu kei sang mah in le a upa zaw tham a, hilele lawm bang in ka en a, ka ngaina a, pasal a neih ma bang a zaw kizui den le ka himai uhi. Nungak fel mahmah va chih na di om kei hial mah lele a a omdan hoih lou gen di a omkei phial chih mi tamzaw in le a thei uhi. A pasal neih nung chu kou le nidang bang in ka kizui tam nawn vak kei uhi. Tuzingkar a hong pawt bang ka na kipak mahmah mai hi.
U’Mawii in,“ Muani, nau pai nawn kei ve, hon hilh pah ka ut ziak a tuni le manlou sasa a hong bang hamham ka hi.” Hon chih leh, “Oi..a hoih lua, tutung chu numei a hih ngeingei leh ken a min ka phuah di aw,” chi’n ka na dawng pah saisai a, hilele a mel ka etleh a kipah mel lou sim ka sa mawk hi, “Bangchi e, nau nei ut nawn lou mo, na kipah mel kei ngei e..” chi’n ka dong phut mawk a. Hong nui cheuh in, (hilele a lungsim taktak a nui ahih louh dan ka haih tuan kei), “ Ut lou chih om lou e zenzen, ka kipak lua aka, hilele Muani, MOU FEL HIH ZAW A HAKSA LUA. Tukhawng a nuamsa na hih lam na kithei kei aive, Pasal na neih hun chiah na mit a hong vak kuau mai di. Tukhawng a na ut tantan ihmu thei na hih lai kha nang a dia hun nop laitak ahi. Na kipah luat di ahi. Hilele maban ah bang I tuak di chih zaw kuaman kigen thei kei ” A hon chi a. A gen dan ka man mahmah kei a, bang hiam khat a lung nop louh na kei kiang ah a gen ngei louh ziak ei diam a ka thei ut semsem ta hi. Ken le thei ut in ka dong ta a, huchi’n a hon gen hi.
“ Eimi te’n MOU I chih, i muh dan uh na theih ngei ka gingta, “Ka TANU uh ahi ta” I chi na ua maw TANU taktak dinmun toh a kikhia lua mahmah. Ka Nungak lai in kei le nang bangbang a zing ka thoh zoh ngei louh nang le na thei. Endih, Pasal khawng I hon neih hial leh a zekai pen a zing dak 6 khawng a thoh ngai gige mai, hilele zing thoh pen tak zaw ka lin kei lua. Muani, hilele maw I damlouh sim ni hiam, I hat louh sim ni khawng a I thoh hak zek leh ka Nu’n ( ka pasal nu), “Tulai numeite zaw…” chih dan deuh khawng a (kei zak di sese dia) hong hang sim chiang a zaw maw mahni innlam ngaih huai vungvung mai eive.
Huai banah ka na hih khelh chu maw, sepna nei lou a ka na kiteng uh eive. Nupa a sum muhna neilou chu maw period I neih hun chiang a bang kisuanglah huai ngoihngoih sek ahi. Pad lei na di vanget a ngaih ni chiang in chu aw ka lin thei taktak ahi. A hun phet teng a ka Nu leh Pa kiang ah sum ngen a va taitai dan lah omlou inchin maw. Huaiziak khawng ahi sum tam lou muh nang a hih leh chia hun neilou sasa a Dukan neuchik khat ka bawl teitei. Huai le I sum muh sunsun innsung ah submit dia hon lamen lai uh, ken zaw hawm lou di le ka chi het kei, a nget kik lam kisuanglah huai zel inchin. Vanthak, puan thak lei na di chu van a gah himai ahi, I mai nuh di na tawm, shampoo neng e, a tuamtuam I niteng poimoh khawng le kilei ngam na sak mo ! Ka nungak lai a ka Oriflame te bang chu mang lam a le kiman vet lou ahi. Ei a di gen tak louh, Mungbawi (Ka tapa) a di nasan le kigen ngam lou lai eive.
Sum neilou, loh la lou chih a gengen lai ua Chingte ( ka pasal nau nu) in van thak nei deuh gige lai zawmah, ahi lua, Chingte chu a duat di mah uh le ahi, a tanu neihsun uh hisam inchin maw, vahaza ngam di le ka hi het kei. Innsung hahsiang, tuitawi hiam leh ann huan khawng le hon hih pih din ka ngen ngei kei, kei a mou uh ka hi a, ka hih di mah in ka koih top. Hilele en di le, Mungbawi van neng lei nang hiam, nektheih, kamlam lei nang maimai ah sum neilou a chih lai ua van man tam taktak, Avon te, Mary Kay make-up te bang a thakthak a hon lei uh zaw maw lungsim a na lua mahmah..!
Ka nu chu maw, Dorka Committee khawng ah pang inchin a pualawng ah soisel bei ahi top, hilele maw a chang in kana zum thei lua. Gensiat ngam le ahi kei. Zanlam a le mou khak na ah a vek ua va hoh unchin, kenle nitak ann hon ne ngal di uh ana sa kha inga. Meh di mumal ka neih vak louh ziak ua U’Kham (ka pasal) in, “Dawr a Nga tin te huan mai ve” hon chi a. Nitak ann ka nek ma deuh ua inn hong tung unchin, ann ne lou a hong pai chu ahi ngei di ua, ka Nu’n ka meh huan en inchin, hilele bang mah chu gen lou vanglak. Nitak sungkuan thumkhawm na ah, “Toupa, hiai ka innsung uah, a ma pek in le innkuan kim lou in mahni leh mahni niang leh tai a kivak om ngei lou eive, ka neknek uh ka ne khawm sek uh ahi……” chih dan deuh a hon au khia chu aw ka lungsim a puak kek lou chouh ahi..!! Dawr a Nga tin a mau tel lou a kana nek di uh hon haza lua mahmah eive aw lawmlawm mai. A nuihzat huai dan chu maw, ken chu a chang in kuva khawng ka hai thei vanglak a, Mungbawi in le a thawn a ne ngam sa na mo, ka lei thraps zel uh.
Mungbawi ka neih lai a atkhiak a ka neih hi’n chin, ka damsiang thei pah kei a, ka gamtang thei taktak kei hi. Ka Pa leh Chingte lah a pawt uh ngai gige, U’Kham lah kiloh a kuan sek inchin, sun nileng a inn ah om chu maw ka ning thei taktak ahi . Midang teng a pawt khin vek ta uh maw a chih chiah ka Nu’n le hon pawt san daih sek inchin maw. Dawr ah vanlei di lah a hun phet teng a om gige. Nitaklam ann lah kei mah huan ngai zel, meh limlou chia soisel gige lai zawmah inchin. Tua ka naupai bang le daktor te’n kidawm deuh dia hon deih unchin, a ngaihna om lou himai, kidawm deuh a I om chia lah , “deidoi, fel kei lua teh” chih kiloh zel. Inn nasep ah kon huh di chih sawm lah om ngei lou.
Muani, endih Christmas bazaar kai khawng eive nuam lou leh ka lit mahmah sek. Tutung Christmas bazar kai na dia Rs.1000/- chiah hon sanction unchin maw, tulai van man a tam theih dan lah na theih sa. Mungbawi vanlei na di hon daih changchang ahi mai, huai le Teddim Road lamkiang mipi tamtak, leivui khu lak ah secondhand ka ban sing hilai zomah. Ka nau nu Kimkim in a puanak lum di ana leisak tei a, a hong piak zan a ka Nu’n, “Khaih, ngaihtuah vak a ngai kei tel mai, a bazar kai na di uh ka pia ka sa a…” ana chi buatbuat lai zawmah chu aw, pau ngam deuh hi leng zaw, “ Na hon sum piak in Puanak thak khat le man zou kei..” chia dawng suk ek bang ka ut tuntun. Hilele nupa sum muhna mumal neilou chu kipau ngam vet lou eive. Tantawk ah lungkim mai a ngaih hun a tam. Ka pa officer nou khat hisam lele kou a dia chu “SUM NEI” chih om ngei lou hi top mai ahi.
Pasal ka neih nung le ka sung te’n a hon leisak louh uh chu vanthak khat le ka nei nai kei himhim. Ka nungak lai a zaw silh leh teen ah, mi a bang in hoih lua velvul kei lele, kuamah ki eng sam lou hia. Chik mah a om di ka hi chih le I na theih louh, mi innsung ah I va om tei chu aw, kisuanglah pipi in, huchi kawm kar ah I chit louh na ngen a hon mu uh chu maw MOU FEL HIH ZAW A HAKSA LUA. U’Kham tung ah lah ka vui ngam si kei a, vui in vagen lele a nu leh pa chu a gum di chih lah haih vual hilou zel. Kuamah kiang ah ka gen ngam louh ahi aw, nang chu ka naupang apat ka lawm hoih mahmah leh ka hon muang mahmah na hih ziak a ka hon gen mai ahi.
Muani, nang le maw na mou uh na duat mahmah di ahi , moute dinmun hi maw I theisiam kei sek ua, kisuanglah na ngen a kidim sek eive. Nang le pasal kua hiam khat na hon nei ngei dia, a hon treat dan di uh na deih bang in nang le na mou uh na treat di ahi aw. Oi ! a chang a chu maw pau ngam deuh hi leng, “ Nang kei na hon bawl dan in na Tanu duat uh Chingte kha a pasal neih chiah a sung te’n bawl le uh na kipak diam..??” chih fek a ka ut hun a tam thei lua. Oh…ka zekai lua ta, tuni tui kai ni a hia, puan sawp di le ka hau lua tel a, pai hak hon na sa lua ta di uh.” chi’n pai di’n a kisa a, kenle gen di dang thei tuan sam lou in a kiang ah ka mittui pawt te ka nul kawm in, “ U’Mawii, ken lah nuam tak a na hinkhuate zang tou zel kon na sa gige a…” chih teng ka gen thei lel.
U’Mawii a pai zoh nung in a thugente’n ka lungsim a hon kam petmah mai a. Tulai ei lawi I lungsim uh zau mahmah, kichangkang mahmah ta in ka na thei a. Huchih lai a nidang lai khawng a Moute dinmun i chi hiam, mi khenkhat te’n moute a nuaisiah dan te uh paih theilou bang ana ki om lai chih mak ka sa hi. Hilele ka ngaihtuah thak chiang in, kou innsung mahmah le etthak ngai ka sa hi. Ka mou uh le mi Tanu duat mahmah khat hi sam di hia. Chikmah a a theih ngei vak louh innsung ah a hong om a, a pasal Nu leh Pa, “Ka Nu, ka Pa..” a hong chi a, kisuanglah pipi a koih kha sek ka hi di ua aw..?? Mou a hih ziak un ka na lamen sang lua kha uhia..?? Kei mi innsung ah mou va hi in ka bawl hoih louh dan bangbang un kei le hon bawl le uh ka kipak tuan diam.??? Chih dotna te ka lungsim ah a ging vengvung mai a, kintak in ka tutna mun apat tai khia in, “ U’Biaki, koi ken le na puansawp ka hon sawp pih di, denlam a singpi na hon piak in kipahthu le ka gen kha kei a sorry lua aw.. ” ka vachi ta hi.
Writer's Note: A taktak a mi khenkhat te tuah le ahih ngei ka gingta, mi khenkhat te innsung hiam khawng ah le ana tung kha maithei, huai zaw thei a khang maw. Huchi dan a mou nei tengteng in a moute uh a hichi bawl uh chihna le a hi tuam sam kei. Numei khel himhim le a om thou a. Kei bang ngial houh MOU chih te toh ki deal kha nai vet lou ka hi lai ei. Tua I gen ut pen tak ahih leh bang dang hilou in I MOU te uh duat ni, amau le kisuanglah pipi a om thei uh ahi chih I haih het kei di ua. HOME AWAY FROM HOME a chih theih taktak na ding un I lungsim uh zau sak le chih I deih ahi.
Min kibang om khak zenzen leh tup mawng hilou ahi. Gen beh nuam I om leh comment lam ah aw.
©Siamsinna leh Vakiangbu
Bathroom ah lut in ka va kihahsiang zoh in ka U’Mung zi, U’Biaki, in singpi hon piak en mang lou in ka la a, ka dawn ngal hi. “Umawii na hong bel ve, Mungbawi skul kai di va kha na hi get di mo..?” chi kawm in a kiang ah ka vatu ngal a. A diktak in zaw U’Mawii chu kei sang mah in le a upa zaw tham a, hilele lawm bang in ka en a, ka ngaina a, pasal a neih ma bang a zaw kizui den le ka himai uhi. Nungak fel mahmah va chih na di om kei hial mah lele a a omdan hoih lou gen di a omkei phial chih mi tamzaw in le a thei uhi. A pasal neih nung chu kou le nidang bang in ka kizui tam nawn vak kei uhi. Tuzingkar a hong pawt bang ka na kipak mahmah mai hi.
U’Mawii in,“ Muani, nau pai nawn kei ve, hon hilh pah ka ut ziak a tuni le manlou sasa a hong bang hamham ka hi.” Hon chih leh, “Oi..a hoih lua, tutung chu numei a hih ngeingei leh ken a min ka phuah di aw,” chi’n ka na dawng pah saisai a, hilele a mel ka etleh a kipah mel lou sim ka sa mawk hi, “Bangchi e, nau nei ut nawn lou mo, na kipah mel kei ngei e..” chi’n ka dong phut mawk a. Hong nui cheuh in, (hilele a lungsim taktak a nui ahih louh dan ka haih tuan kei), “ Ut lou chih om lou e zenzen, ka kipak lua aka, hilele Muani, MOU FEL HIH ZAW A HAKSA LUA. Tukhawng a nuamsa na hih lam na kithei kei aive, Pasal na neih hun chiah na mit a hong vak kuau mai di. Tukhawng a na ut tantan ihmu thei na hih lai kha nang a dia hun nop laitak ahi. Na kipah luat di ahi. Hilele maban ah bang I tuak di chih zaw kuaman kigen thei kei ” A hon chi a. A gen dan ka man mahmah kei a, bang hiam khat a lung nop louh na kei kiang ah a gen ngei louh ziak ei diam a ka thei ut semsem ta hi. Ken le thei ut in ka dong ta a, huchi’n a hon gen hi.
“ Eimi te’n MOU I chih, i muh dan uh na theih ngei ka gingta, “Ka TANU uh ahi ta” I chi na ua maw TANU taktak dinmun toh a kikhia lua mahmah. Ka Nungak lai in kei le nang bangbang a zing ka thoh zoh ngei louh nang le na thei. Endih, Pasal khawng I hon neih hial leh a zekai pen a zing dak 6 khawng a thoh ngai gige mai, hilele zing thoh pen tak zaw ka lin kei lua. Muani, hilele maw I damlouh sim ni hiam, I hat louh sim ni khawng a I thoh hak zek leh ka Nu’n ( ka pasal nu), “Tulai numeite zaw…” chih dan deuh khawng a (kei zak di sese dia) hong hang sim chiang a zaw maw mahni innlam ngaih huai vungvung mai eive.
Huai banah ka na hih khelh chu maw, sepna nei lou a ka na kiteng uh eive. Nupa a sum muhna neilou chu maw period I neih hun chiang a bang kisuanglah huai ngoihngoih sek ahi. Pad lei na di vanget a ngaih ni chiang in chu aw ka lin thei taktak ahi. A hun phet teng a ka Nu leh Pa kiang ah sum ngen a va taitai dan lah omlou inchin maw. Huaiziak khawng ahi sum tam lou muh nang a hih leh chia hun neilou sasa a Dukan neuchik khat ka bawl teitei. Huai le I sum muh sunsun innsung ah submit dia hon lamen lai uh, ken zaw hawm lou di le ka chi het kei, a nget kik lam kisuanglah huai zel inchin. Vanthak, puan thak lei na di chu van a gah himai ahi, I mai nuh di na tawm, shampoo neng e, a tuamtuam I niteng poimoh khawng le kilei ngam na sak mo ! Ka nungak lai a ka Oriflame te bang chu mang lam a le kiman vet lou ahi. Ei a di gen tak louh, Mungbawi (Ka tapa) a di nasan le kigen ngam lou lai eive.
Sum neilou, loh la lou chih a gengen lai ua Chingte ( ka pasal nau nu) in van thak nei deuh gige lai zawmah, ahi lua, Chingte chu a duat di mah uh le ahi, a tanu neihsun uh hisam inchin maw, vahaza ngam di le ka hi het kei. Innsung hahsiang, tuitawi hiam leh ann huan khawng le hon hih pih din ka ngen ngei kei, kei a mou uh ka hi a, ka hih di mah in ka koih top. Hilele en di le, Mungbawi van neng lei nang hiam, nektheih, kamlam lei nang maimai ah sum neilou a chih lai ua van man tam taktak, Avon te, Mary Kay make-up te bang a thakthak a hon lei uh zaw maw lungsim a na lua mahmah..!
Ka nu chu maw, Dorka Committee khawng ah pang inchin a pualawng ah soisel bei ahi top, hilele maw a chang in kana zum thei lua. Gensiat ngam le ahi kei. Zanlam a le mou khak na ah a vek ua va hoh unchin, kenle nitak ann hon ne ngal di uh ana sa kha inga. Meh di mumal ka neih vak louh ziak ua U’Kham (ka pasal) in, “Dawr a Nga tin te huan mai ve” hon chi a. Nitak ann ka nek ma deuh ua inn hong tung unchin, ann ne lou a hong pai chu ahi ngei di ua, ka Nu’n ka meh huan en inchin, hilele bang mah chu gen lou vanglak. Nitak sungkuan thumkhawm na ah, “Toupa, hiai ka innsung uah, a ma pek in le innkuan kim lou in mahni leh mahni niang leh tai a kivak om ngei lou eive, ka neknek uh ka ne khawm sek uh ahi……” chih dan deuh a hon au khia chu aw ka lungsim a puak kek lou chouh ahi..!! Dawr a Nga tin a mau tel lou a kana nek di uh hon haza lua mahmah eive aw lawmlawm mai. A nuihzat huai dan chu maw, ken chu a chang in kuva khawng ka hai thei vanglak a, Mungbawi in le a thawn a ne ngam sa na mo, ka lei thraps zel uh.
Mungbawi ka neih lai a atkhiak a ka neih hi’n chin, ka damsiang thei pah kei a, ka gamtang thei taktak kei hi. Ka Pa leh Chingte lah a pawt uh ngai gige, U’Kham lah kiloh a kuan sek inchin, sun nileng a inn ah om chu maw ka ning thei taktak ahi . Midang teng a pawt khin vek ta uh maw a chih chiah ka Nu’n le hon pawt san daih sek inchin maw. Dawr ah vanlei di lah a hun phet teng a om gige. Nitaklam ann lah kei mah huan ngai zel, meh limlou chia soisel gige lai zawmah inchin. Tua ka naupai bang le daktor te’n kidawm deuh dia hon deih unchin, a ngaihna om lou himai, kidawm deuh a I om chia lah , “deidoi, fel kei lua teh” chih kiloh zel. Inn nasep ah kon huh di chih sawm lah om ngei lou.
Muani, endih Christmas bazaar kai khawng eive nuam lou leh ka lit mahmah sek. Tutung Christmas bazar kai na dia Rs.1000/- chiah hon sanction unchin maw, tulai van man a tam theih dan lah na theih sa. Mungbawi vanlei na di hon daih changchang ahi mai, huai le Teddim Road lamkiang mipi tamtak, leivui khu lak ah secondhand ka ban sing hilai zomah. Ka nau nu Kimkim in a puanak lum di ana leisak tei a, a hong piak zan a ka Nu’n, “Khaih, ngaihtuah vak a ngai kei tel mai, a bazar kai na di uh ka pia ka sa a…” ana chi buatbuat lai zawmah chu aw, pau ngam deuh hi leng zaw, “ Na hon sum piak in Puanak thak khat le man zou kei..” chia dawng suk ek bang ka ut tuntun. Hilele nupa sum muhna mumal neilou chu kipau ngam vet lou eive. Tantawk ah lungkim mai a ngaih hun a tam. Ka pa officer nou khat hisam lele kou a dia chu “SUM NEI” chih om ngei lou hi top mai ahi.
Pasal ka neih nung le ka sung te’n a hon leisak louh uh chu vanthak khat le ka nei nai kei himhim. Ka nungak lai a zaw silh leh teen ah, mi a bang in hoih lua velvul kei lele, kuamah ki eng sam lou hia. Chik mah a om di ka hi chih le I na theih louh, mi innsung ah I va om tei chu aw, kisuanglah pipi in, huchi kawm kar ah I chit louh na ngen a hon mu uh chu maw MOU FEL HIH ZAW A HAKSA LUA. U’Kham tung ah lah ka vui ngam si kei a, vui in vagen lele a nu leh pa chu a gum di chih lah haih vual hilou zel. Kuamah kiang ah ka gen ngam louh ahi aw, nang chu ka naupang apat ka lawm hoih mahmah leh ka hon muang mahmah na hih ziak a ka hon gen mai ahi.
Muani, nang le maw na mou uh na duat mahmah di ahi , moute dinmun hi maw I theisiam kei sek ua, kisuanglah na ngen a kidim sek eive. Nang le pasal kua hiam khat na hon nei ngei dia, a hon treat dan di uh na deih bang in nang le na mou uh na treat di ahi aw. Oi ! a chang a chu maw pau ngam deuh hi leng, “ Nang kei na hon bawl dan in na Tanu duat uh Chingte kha a pasal neih chiah a sung te’n bawl le uh na kipak diam..??” chih fek a ka ut hun a tam thei lua. Oh…ka zekai lua ta, tuni tui kai ni a hia, puan sawp di le ka hau lua tel a, pai hak hon na sa lua ta di uh.” chi’n pai di’n a kisa a, kenle gen di dang thei tuan sam lou in a kiang ah ka mittui pawt te ka nul kawm in, “ U’Mawii, ken lah nuam tak a na hinkhuate zang tou zel kon na sa gige a…” chih teng ka gen thei lel.
U’Mawii a pai zoh nung in a thugente’n ka lungsim a hon kam petmah mai a. Tulai ei lawi I lungsim uh zau mahmah, kichangkang mahmah ta in ka na thei a. Huchih lai a nidang lai khawng a Moute dinmun i chi hiam, mi khenkhat te’n moute a nuaisiah dan te uh paih theilou bang ana ki om lai chih mak ka sa hi. Hilele ka ngaihtuah thak chiang in, kou innsung mahmah le etthak ngai ka sa hi. Ka mou uh le mi Tanu duat mahmah khat hi sam di hia. Chikmah a a theih ngei vak louh innsung ah a hong om a, a pasal Nu leh Pa, “Ka Nu, ka Pa..” a hong chi a, kisuanglah pipi a koih kha sek ka hi di ua aw..?? Mou a hih ziak un ka na lamen sang lua kha uhia..?? Kei mi innsung ah mou va hi in ka bawl hoih louh dan bangbang un kei le hon bawl le uh ka kipak tuan diam.??? Chih dotna te ka lungsim ah a ging vengvung mai a, kintak in ka tutna mun apat tai khia in, “ U’Biaki, koi ken le na puansawp ka hon sawp pih di, denlam a singpi na hon piak in kipahthu le ka gen kha kei a sorry lua aw.. ” ka vachi ta hi.
Writer's Note: A taktak a mi khenkhat te tuah le ahih ngei ka gingta, mi khenkhat te innsung hiam khawng ah le ana tung kha maithei, huai zaw thei a khang maw. Huchi dan a mou nei tengteng in a moute uh a hichi bawl uh chihna le a hi tuam sam kei. Numei khel himhim le a om thou a. Kei bang ngial houh MOU chih te toh ki deal kha nai vet lou ka hi lai ei. Tua I gen ut pen tak ahih leh bang dang hilou in I MOU te uh duat ni, amau le kisuanglah pipi a om thei uh ahi chih I haih het kei di ua. HOME AWAY FROM HOME a chih theih taktak na ding un I lungsim uh zau sak le chih I deih ahi.
Min kibang om khak zenzen leh tup mawng hilou ahi. Gen beh nuam I om leh comment lam ah aw.
©Siamsinna leh Vakiangbu
Comments
Post a Comment