VUALZAWLNA TULVUAH
By ~ Rex Peapy Tangpua
Writer's note : <hiai tangthu ka lungsim ah om geet veh aw>
Nidanglai, gari taang a sakol leh sakol kangtalai a zatlai un, sumdawng hausa mahmah papi khat a om a, kho tuamtuam a sumdawng a zinkual in a zi-le-tate a vaak hi. Pathian' vualzawlna tang in Pathian kiang a kipahthu gen leh Amah phawk gige ding chih a mangngilh kei hi.
Nikhat, a sakol kangtalai a tai in khua khat ah sumdawng in a vazin a, kaal khat khawng a om khit in lohching tak in sum tampi pua in inn lam zuan ding in hong kisa hi. A kipatkhiakma in Pathian kiang a thumna nei in lamkal a buaina leh haksatna tuak hetlou a innlum pitung ding in panpihna a ngen hi.
A sakol kangtalai a taai in gamlak lam saupi mahmah ah amah kia in thawmhau tak in hong taai a, a zi-le-tate toh kimuh hun ding khawng ngaihtuah in leh a tate adia zinpak a puak khawng piak kal ngaklahhuai satak in malam hon nawt zel hi.
Huchia lungsim paizang tak a a omlai in vanpi hong ging in meivom in van hon tuam mial kheikhui a, sawtlou nung in vuahpi hong zu huahua tamai hi. Aman leng khawl sawm tuanlou in vuahnuai ah hong taai zel a, a lungsim in Pathian a mohsa mahmah hi. "Ka kipatkhiak dek a panpihna ngen ing a, tua vuahpi hichia kithuaksak maimah!" chi in a lungsim in a phun numnum a, Pathian bang a haw tuntun hial hi.
Lungsim a phun kawmkawm a hong taai leh munkhat ah lamsak apan mikhat thau tawi in a mazawn lamlai ah hong tawmsuk a, "Khawl ouh, na hinna na it leh na neih teng honpia in" chi in a thau in a ngim hi. Amah le laulua chih ngaihna theilou in paulou-taanglou in a kangtalai ah a tu dedu a, a lungsim ah bangpen om ahia chih nangawn thei zoulou in a hamhaih gawp hi. Huchia a om dedu nilouh tak in suamhatpa'n a thau a hon mek tamai hi.
Lamdangtak in a thau a puak kei mawk a, vuahtui in a thauvui ana kawtsak a puak theilou ahi chih sumdawngpa'n hon theih tak in kin-a-kin in a kangtalai in a taisan vengveng hi. Suamhatpa'n lah sakol neilou ahihman in khe a delhna se a omkei hi. A sakol a hatthei tawp in a taisak a, sihna pumpelh chu ahi mai hi.
A lungsim in Pathian kiangah a hinna a hawisak ziakin kipahthu a gen a, a ngaihtuah thak leh denlam a vuahzu ziaka Pathian ana mohsak hihkhial kisa in ngaihdam bang a ngen thak hial hi. Vuahzu lou hileh suamhatpa' thauvui kawtlou dia, gamlak a bangmah theilou a sisan luang zuazua lakah a luang kikham maimah dia, a sum teng lah laksak a omlai dia chih khawng ngaihtuah in "Pathian in kei adia hoih di kei sang a theizaw eive" chi in lungsim a Pathian phat kawmkawm in inn a tung hi.
{Toupa' lemgeeldan hi a mak ngei e! Damtheihna ka nget in natna te'n hon bawm a, hauhsakna ka nget in gentheihna a hong tung. Ka ngetlouh zaw vualzawlna Toupan hon vuk zel.....}
Nidanglai, gari taang a sakol leh sakol kangtalai a zatlai un, sumdawng hausa mahmah papi khat a om a, kho tuamtuam a sumdawng a zinkual in a zi-le-tate a vaak hi. Pathian' vualzawlna tang in Pathian kiang a kipahthu gen leh Amah phawk gige ding chih a mangngilh kei hi.
Nikhat, a sakol kangtalai a tai in khua khat ah sumdawng in a vazin a, kaal khat khawng a om khit in lohching tak in sum tampi pua in inn lam zuan ding in hong kisa hi. A kipatkhiakma in Pathian kiang a thumna nei in lamkal a buaina leh haksatna tuak hetlou a innlum pitung ding in panpihna a ngen hi.
A sakol kangtalai a taai in gamlak lam saupi mahmah ah amah kia in thawmhau tak in hong taai a, a zi-le-tate toh kimuh hun ding khawng ngaihtuah in leh a tate adia zinpak a puak khawng piak kal ngaklahhuai satak in malam hon nawt zel hi.
Huchia lungsim paizang tak a a omlai in vanpi hong ging in meivom in van hon tuam mial kheikhui a, sawtlou nung in vuahpi hong zu huahua tamai hi. Aman leng khawl sawm tuanlou in vuahnuai ah hong taai zel a, a lungsim in Pathian a mohsa mahmah hi. "Ka kipatkhiak dek a panpihna ngen ing a, tua vuahpi hichia kithuaksak maimah!" chi in a lungsim in a phun numnum a, Pathian bang a haw tuntun hial hi.
Lungsim a phun kawmkawm a hong taai leh munkhat ah lamsak apan mikhat thau tawi in a mazawn lamlai ah hong tawmsuk a, "Khawl ouh, na hinna na it leh na neih teng honpia in" chi in a thau in a ngim hi. Amah le laulua chih ngaihna theilou in paulou-taanglou in a kangtalai ah a tu dedu a, a lungsim ah bangpen om ahia chih nangawn thei zoulou in a hamhaih gawp hi. Huchia a om dedu nilouh tak in suamhatpa'n a thau a hon mek tamai hi.
Lamdangtak in a thau a puak kei mawk a, vuahtui in a thauvui ana kawtsak a puak theilou ahi chih sumdawngpa'n hon theih tak in kin-a-kin in a kangtalai in a taisan vengveng hi. Suamhatpa'n lah sakol neilou ahihman in khe a delhna se a omkei hi. A sakol a hatthei tawp in a taisak a, sihna pumpelh chu ahi mai hi.
A lungsim in Pathian kiangah a hinna a hawisak ziakin kipahthu a gen a, a ngaihtuah thak leh denlam a vuahzu ziaka Pathian ana mohsak hihkhial kisa in ngaihdam bang a ngen thak hial hi. Vuahzu lou hileh suamhatpa' thauvui kawtlou dia, gamlak a bangmah theilou a sisan luang zuazua lakah a luang kikham maimah dia, a sum teng lah laksak a omlai dia chih khawng ngaihtuah in "Pathian in kei adia hoih di kei sang a theizaw eive" chi in lungsim a Pathian phat kawmkawm in inn a tung hi.
{Toupa' lemgeeldan hi a mak ngei e! Damtheihna ka nget in natna te'n hon bawm a, hauhsakna ka nget in gentheihna a hong tung. Ka ngetlouh zaw vualzawlna Toupan hon vuk zel.....}
©Siamsinna leh Vakiangbu
Comments
Post a Comment