PUPA ITNA MAH HI
By : Khen Thang Hangxing
Nidanglai in Lianpu kichi tangval khat a om hi.Tangval zahkai mahmah leh lawm thuah lou a amah omom a om tangval khat ahi a,gamsa tampi man in khotang ah mihat leh hangsan a gen khat ana hi hi.Gamsa beng a kuanpen nidang lai mite thupina leh gamsa mantamte diakdiak bangchu mi thupi leh hangsan a ngaih ahi uhi.
Nikhat gamvak a akuan khiak kawm in a thaangkamte vavil in TAANGPI (Lianpute khua) khogal lam a Sakei kawl lam zuan in a double bearer toh hon kithoi khia hi.
Huchi'n a thangkamte hon ban vìl pheiphei leh Sakhi alaa khat ana awk a; himahleh a hìng lai ziak in khenlum in ataisan phot hi.(Nidanglai mite'n Sakhi koih uih sim uh a huchi'n nikhat ninih khawng zoh in vala pan sek uhi.Ngeina dan khat in ana nei uhi)
Huchi'n hong paizel a, singkung nidang a sa atan sekna mun ah hong tuang hi.Sawt tuang nailou himahleh agal a numei patau kikou aw za in hong kumkhia hi.A vadelh pah a,gamla lua ana hikei a..
A vatung hial leh numei 3 ahi ua,Chingboi pen gul in ana tu ana hilaizang hi.Khualpu in leng loupa teh (Japan lou) a nuai a atuknama ah belhsak hi.Huchi'n a lawm numeite khat Niangnu pen tai masa sak a,mi sam di dan in..alawmte 2 toh Khualpu hong kisa ua,Chingboi pen puak mai ding hon lunggel uhi.
A vante a lawm numeìte tawisak in naupang puak in Chingboi hon pawkhia hi.Khualpu lungsim akinoh mahmah mai hi.A khopaam lamte ahih utoh Khualpu in Phatuam ngaihna a avadelh ziak in a ( Chingboi) Lawmte'n kipahthu khawng gen in hong kihoulim panpanta uhi. Khualpu'n a kihouna ua kipan Chingboi pen hausapa tanu a hih dan, akhua ua nungak hoih penpen a kigen hilaidep leh,huaiphet lou a Hangpu kichi, akhua ua galhat leh hangsan penpen toh kiteng dia a nu leh pa'n deihsak himahleh Chingboi in Hangpu pen adeih dan ahikei !.Mi kiliansak ahi a....Chih tan bang Khualpu in a theih in, a om hiaihuai zawzen hi. Khualpu'n leng Chingboi tuibuuk muam in kal hon suan ngatngatta hi.Gimsim toh paupeih zawsam a om nawnlou in a pai keuhkeuh mai uhî. Agal uah khuang gingtoh mi husa hong ngaih mahmah ta a, akho mipite uh Chingboi paw dia hong kuan ana hi uhi.
Pasal lian vetvut khat hong makai a, etmai in leng ahat mel mahmah hi. Hiai zaw Hangpu hi'nteh maw chi'n Khualpu amah leh amah akidong a... Hangpu in Khualpu amuh in aheh mel hong kilang dek pah mawk a , himahleh ki ipp chenchen in Chingboi a vapomkhe pah hi.
Hucia a kingak buai lai un, upa aw simkhat Khualpu'n aza a a kihei leh Chingboi pa ana hi a, 'lawmpa,na min bang ahia le?, 'pa,kei min Khualpu hi,'chi in Khualpu'n a dawng lel a,paisawm in a vante alaa a , himahleh Chingboi pa'n a khamtang lai a,kipahthu gen in akhi(khivui)khat a oksak hi. "Khual,kipak lua ing. Ka tanu nang omkei leteh anuntakna bei ding hinapi, na mihehpihna leh awlmohna ziak in etkol man din a om a kipaklua ka hi. Ka gamsung ah sa leh vasa na utna peuhpeuh na bengthei dia,sing leh suang na deih bangbang kilak in aw.. 'pa aw, lungdam lua ing,panpihtu ka hih kei nuam jaw ing,na siamna manghilh kei ning,na chih bang bang hita hen !.."Chi in mangpha kikhak in hong kikhen uhi.
Chingboi bel Siampupa'n damdawi toh enkol in,akholam manoh in hong kipaw khe nawn uhi..
Huchi'n Khualpu in nunget ut sim mahleh kideek hamham in apai liamsan mai hi.A lungsim kipahna leh Hangpu in a etdan nuamsa chiahlou in a lungsim a buai vengvung hi.Chingboi mel etlawmna leh a thuzakte a ngaihtuah kik chiang in Chingboi tung ah lametna anei mawkmawk hi. Kinem sanglua kisa in anui khe heuhau zel hi.A diktakin zaw a lungsim ah dalvual louh in itna chii ana kituh khin daihta hi.
Sunnung lam hita mahleh dak 2 khawng a hihpat ziak in apanmun hon zuan nawn hi. Singkung tuang in gamsa leh vasate vataang leh zong alungsim ah athiltuah a omluat ziak in a omna mun ah a et ngal en gegu in thakhat khat in khophawk guihguih hi.Hici pipi a samat kinemlou zaw ahi dia,paimaì sawm in a vante kaikhawm in innlam hon zuanta hi.
Nidang a saman in inntung zel mah leh kipahluat ni aneikei himhim hi. Tuni'n bel nidang banglou takin hong nui velval mawk hi.Innkong tual a om anu'n amuh in 'Khual tuni na kipaak biik ngei e huumpi hon man na mw'? Chi'n ana chiamnuih hi. Khualpu'n zong 'Humpi maimai hilou e nu !' Chih toh innsung lut athuah hi.
Nitak ann nekzoh in Khualpu zong HAAM(nidanglai tangval te buaina omhun a kikaihkhawm baihlam na dia a giahkhawmna mun uh) lam tangtak in hon manoh pah hi. Haam ah tangval ana tam hetkei ua,alak ua pauthei pen Ngaakpu a chihpa uh ana chiak lualua hì.Sun a agamvakna galmual a Bualzang(Chingboi te khua) khogal a thawm ging azaak ana gen hì. A thawm gingzak pen buaina khat om ahihdan chiang ahih banah thei ut huai asakthu chiltui kai zen in ana gen lualua phet hi. Khualpu leng a thugen uh theilua kisa in nui heuhau kawm in a paamlam deuh ua singbul ah amahkia in vatu hi.Chingboi pa khivui piak a en vungvung a, Chingboi mel bang amitkha in mu mawkmawk hi. Zan asawt sim toh agimsim ziak in sawt tu peihlou in alumpah mai hi.Sun a gimsim ahi dia imu hithit mai hi.
Zingkal akhangma kha a asawmpihte'n ana thohsan vek uhi.Amah zong ann ne din kisa in paipah hi.Gamkuan khiak ding peihlou ahih manin ahuandai kisiate uh bawl in a innkiim ahahsiang hi.
Huchia nasem a abuai lai in,pasal khat hong pai a, Khualpu na hi hiam,hong chi hi.'aw himah ing,bang thu a?' Chi'n Khualpu'n leh dot pah ngal hi. ' Khual, thupawtu ka hi, azahtaakhuai Bualzang hausa pa'n tunitak nopna bawl di a chi a, huai dia deihsak tuam a nang hon chial ahi,nong pai teitei a hon ngiat hi, atanu zong hoihtou zel ahih manin nong kimansak ngai ding hi,'Achi a, huchi'n Khualpu'n leng vahoh teitei ut ahihdan agen khit in thupawtupa'n apaisanta hi!
Thupawtupa apaikik a Khualpu leng a nasep khawl in akisa samta hi. A kisak zoh in anu singpua hong tung geih a,a hohna ding gen in zingchiang zingkal beltak a hong pai ding ahihdan ahilh hi. Khualpu'n bangmah pawlou in akuankhia hi.Gamlak gammang atun in Hangpute lawmta a tuakphei hi.Hangpu ahihleh munkhat ah a tu a,alawmte'n Hangpu gamsa mat, ngal tuuk 5 ding khawng ana sem uhi. Khualpu pai phei a akiang uh atuntakin Hangpu in kihoupih ut ahihdan gen in ana sam hi.
"Lawmpa,maban ah na pilvang kon deihsak,Hangpu toh kisai khak thil lauhuai ahi, chih thei inla, ka lampi ah ana om hetken aw".Chih khum gemgam hi. A lak ua khat Mungpu kici khat in''uHang, mikhual hucih mawk lou e !..Nang poi ding lah hon khoih khalou a.."a chih pat leh,"naupang dai ough !. Kei kua a, cìh non thei hia?..vasa leh gamsa matlouh neilou pa,mi hangsang Ngulhang tapa,..ka hihlam theilou maw?..''a chih khum gemgam hi. Kuamah paungam a om nawnkei ua. Khualpu ngeileng paulou in apaisuak ta hi.
Khomual a tun in Chingboi lawmte'n zu toh tuibuuk toh ana dawn ua,kipaktak in a nuikhawm zaizai uhi. Chingboi zaw a hongtel kei na a Khualpu' akipak veve hi.Huchi'n hong paikhe nawn ua,hausapa inn atun un,nungakte'n apaisan ua,tangval khat in Khualpu tonpih in hausapa kiang ah alutpihta hi.
"Khual,hongdam maw?..kipah huai e nong pai a..nang toh nuambawl lunggulh a hon chialsak ka hi.."
"hmm..hong dam ing e hausapu, kipahhuai mahmah e..Ka kipaklua, eh! Chingboi bang a chi a pu aw?"..
Khualpu'n huai thu adot tak in hausapu'n ahoih deuh tak dan a hilh a na kimuhpih ut leh va kimuhpih leteh chi in a nasem numei khat sam in Chingboi kiang a Khualpu paipih din a saw ta hi.
Chingboi in baangvang ah Khualpu hong pai ana en gu gige ahih manin ana kichei a ,analh theih tawp suah in ana kisa tei hi. Numeinu'n kongkhak a kiu a,Chingboi numei sawl zangkhai khat in hong hawng hi. 'Pi,nang mu din na pa'n amah hon sawl ahi chì in anumei pen in paisanta hi.
Khualpu'n a houpih pah ding lin pipi in hong paukhiak sawm hi, himhleh thau hong ging a Hangpute lawmta in a samat uh hilh kholhna leh khutvuak a hong kiklou ahihdan uh etsakna a akap uh ahi. Khualpu in a theipah mai a,Chingboi houpih manlou ahi peuhmah hi . A ziakbel zuthawl toh tuibuuk tawi a Hangpu vaidawn dia Chingboi akuan ngaita hi. Ut tuak hetlou in akisa a anasem numeite toh akuankhia uhi. Kuankei lelah Apa ngaihdan hilou zel di chih alauh man a kuan hamham ahi lel hi.Khualpu leng hausapa kiang lam ah pai in akhua uh anopdan leh mipite kituah dan khawng etlawm asakdan gen in vaphat vakvak hi.
A lehlam a Chingboi in Khualpu amuhma in leng a ngaina mawk hi ! A lawmte'n Khualpu polhn0p tuakdan khawng leh mel et a sit huai hetlou banah mihat leh hangsan a minthang khat ahi chih a theih sawnsawn chiang in aguk in a lungsim k0ngkhak Khualpu adin ana hong mai hi. Ngaihtuah mah bang in, Khualpu amuh in a lawmte gensang mah in hoih a sa zaw a houpih ding lel zong haksa asa mahmah hi. Kei zahkai ziak a houpih khalou chi Chingboi aki-iplah mahmah hi.Hiai khawng ngaihtwah kawm a apaipai uleh khawmual a theihlouh kal un hong tung guih uhi.
Khomual ah tangvalte kipak in ana diang souhsouh ua,nungak vaidawnte ngei in leng amau tangvalte chiat zu leh tuibuuk luup a muamsak ding in a kipei leh hehu uhi. Hangpu in Chingboi mel a etmai in ngaihtuah luat khat nei hidia gingta in aziak dong nilouh hi.Chingboi in zong, nang kon ngaihtuah luatman hi uHang,chi in Hangpu khem lungdam hi. Hangpu lah a chih taktak ding sa in kipak kisa in nui hemhom hi!
Khuangtoh daak toh Hangpu gamsa mat kipahpih in khomipite'n ana dawn ua, n0pbawlna ding munlam hon zuanta uhi.
Hausapu'n Khualpu tonpih in a inn huang uah mipite dawn ding leh Hangpu kipahpih ding in ana dingsam uhi. Hong tun suk un Hangpu in a gamsa mat luu hausapa kiang ah zahtak etsakna in pia a, Hausapu'n zong gamsa amat ziak in athupina leh athilhih khiak te pulaak in nopbawlna pat ahihna din a khawnbawl upate thupia hi.
Huci'n valupate makaihna toh nungak leh tangvalte zu leh sa ne in laam hong kipanta uhi.Khualpu ngei leng laam ut mahleh hausapa kithuahpih in akiang a om a tel zaw phot hi.
Hangpu leuleu lah a khuangtum a pang in, pi leh pute ngeina dan in laapau in kidawng ngekngek uhi. A laamte lah nuamsa,zu hawm sa hawmte lah kipahna toh diang hehu, nektaak saite'n lah awlm0h takin amau naa chiat kisep siausiau uhi.
Chingboi ahihleh numeite makai in laamna hileh sepdingte ah numeite lamkaih hi.Hucia diang vengvung lak ah Khualpu in a lam-et phak hetlouh in hunlem amu a huai din kal hon suanta hi. Chingboi gimgawp munkhat a ana tawlnga amuh in a kiang lamzuan in a vanaihta hi.
"Ching, na hi maw ? Kei ka min Khualpu hi. Na damdeuhta hia?"chi'n Khualpu in vadong hi.
"uKhual, na tung ah leiba tampi nei ka hi chih ka thei,nang om kei leteh kei hiai mun ah om nawnlou ding hiveng maw. Ka dam deuhta uKhual, nang kon muhleh ka dam diak abang zawzen". Kam nemtak in gintaakphak louh in ana dawng ahih manin Khualpu lungsim tawng a meisel aam milmial chu a hong kuang suah panpanta hi.
Huchi'n hong kihou ua,inkuan thu bang, khosung thu khawng houlim in hong lim mahmah uhi. Hangpu lah zukham kisa in Chingboi zong phawkpha vetlou hi. Hiai mah lah Khualpu lunggulh ahi tawntung hi.
Hucia nuamsa tak a a 0m lai un pengkul hong ging a nekkhawmna kipan dek ahihdan thupuan hon bawl uhi.Hausapa k0ngtual ah mipi tampi paikhawmte'n nek khawmna mun din zang ua,khosung a vaihawmte leh khosung a mi tallang deuhdeuhte'n bel,Hausapa insung ah ne uhi. Khualpu leng hausapa innsung ah ann ne dia saplut a a om in Chingboi in vazui lut hi.Hausa khawnbawl upa khenkhat in Khualpu leh Chingboi kituaksa in ana en nilouh uhi.Hausa pu'n a khawnbawlte kiang ah Khualpu pulaak in a phatuam ngaihnate gen in phat deuhvel hi..
"Khual,na duh zahzah tampi ne in aw. Kiinntek sak inla, na poimohte nasemte'n hon sepsak mai ding uh."Chi in sabaak khaikhat piak athuah hi. Maban ah kinaiseem a om ding leh haksaknate kipanpih tuah alunggulh dan khong gen khum zungzung hi.Khualpu in leng ahithei tan a kipanpih leh gal leh sa tuah hun a kipanpih lem a sa hi.
Zu leh sa lah tam,alaam lah beilou..zansawt pi nung natan in leng chiak vengvung lai uhi.
Hangpu hausapa inn akipan hong pawtkhia a, Chingboi sam din nasemte khat sawl hi.Chingboi lah buai kisa ahih manin vapaizok lou hi. Hangpu heh gawp kisa in Chingboi v kaikhia hi."zingchiah kitenna bawl ding,nang ngaihdan kia ka poimoh,..bang a na ngaihdan??".Chi in hehlaw mahleh kisulungkim hamham in adong hi. ( Khualpu in atuh khiak ding alauh man hilel zaw hi)Chingboi in zong"uHang,ka pate'n hon deihsak ziak ua miteng muh a kingai leh kiteng thei mai dia ki om chih manthu lel hi, a taktak in zaw ka itna kon pekei himhim. Hiai bangthu hon gen nawn ken !"chi in heh tuak takmai in paisan hi.
Hangpu tuikenuih veivai in nuam asak mel kei petmah hi. A gintak bang ngei a dawnna amuh in ahehna liansak semsem a, Khualpu bang ngohbawl in huat chitak in ahua hi.
Chingboi leng gim kisa in tawldam ding in alawm numeite toh innsung hong lut uhi.Hausa pa'n lupna bawl din nungakte sawl a,huainitak chiah zaw khawnbawl upa teng leng hausapa inn a giah din vai ahawmta uh.
Khualpu kihahsiang kal in alupna ding nasem nungak khat in bawlsak hi.Chingboi in leng Khualpu lupna bawltunu vakhek in a lupna aman vabawlsak hi..Khualpu kihahsiangzou hong lut leh gintak louhpi in Chingboi in lupna ana bawl hi "Ching,na fel ngei e. Kibawl thei na di ka hi. Na hih d poimoh om leh vahihzaw ve", chi hi.
"uKhual, kei bawlsa a lum utlou na maw ? Nang lupna di hialzaw bawl ka lin sam a..hehe" Chi'n nui selsal kawm in dawng hi. Gen ut hausim mahleh denciah a tuak dia kilawmlou khat in hon tuak kha leh chi in Chingboi in Khualpu mangpha khak in paisan mai hi. Khualpu leng pasal zoulou ahimai ve ! Pasal thahat leh hangsan a gen a om himahleh Chingboi mai ah zaw a zoi gai mai zel hi..!
Zingkal hong hih in Khualpu leng paisawm in hausapa kiang vapha hi.Hih ding tuamtuam nei ahihdan leh hundang a kimuh zel chiam in, paimai sawmta hi. Hausapa ngei in leng kham ngamtuan lou in Chingboite vakhasak hi.Khomual hong tun un ,
Chingboi in,
'singkhual tangpa sakmel etlawm melmuh chiilpa'n tongdam ka saan,na heina vang in laa zong nunnuam hei in maw..."hon chi hi.
Khualpu in leng,"hounem duangkuai laitawi ton louh zong, nunnuam hong lengta in,singkhual tangpa lunglai ah sevaau bang napaak lun e..'chi'n dawng kik tei hi.
Huci'n hon kihou ua, mangpha hong kikhakta uhi. Khualpu in a thangkamna lam manoh phei ìn Sakhi pawphei malam hi.Khualpu leh Chingboi kal ah itna chii kituh nisa leh gamsa te'n vaphilphil mahle uh mawkmai a vul mai ding ahikei ! Akal ua itna zung kiptak ziak in doudaltu leh nangtu hong omtou zel hi.
Hausapa'n bel tapa neilou ahihziak mah in tangval ching leh siamna nei amuh chiang in ama dinmun luah a, atanu enkol din a deih pahpah hi. Atup pentak zaw mihat hangsan kia hilou a, atanu humbit zou ding, akhua leh tui it a, gal leh sa lak a humbit zou ding leh mi piching, lung gel thei a deih diak lai hi.
Hangpu lungkim louhna in bei ma asawm nai kei ! A ngaihtuah thuuk deuhdeuh leh a hehtha asuak deuhdeuh zel hi. A kingaih tuah a,hausapa kiang a va gen a sawm hi.Hausa pa kiang ah a vapai a, 'pu,khodangte i khua ua maingaltak a hong om uh ei a dia siatna hon tut ding uh thil lauhuai ahi. Khualpu diakdiak bang zaw mihat a kigen hingal a, a omdan ka et-et cia i khua leh tui adia poi akhoih ding lau ka hi pu aw..adiak in natanu,ka itpen Chingboi...A genkhin mankei a hausapa'n a pautuh hi. ' Hangpu,huchih ding hilou, ka tanu na it ngal leh ahinna ngai poimoh a kal suanpa na kipahpih ding hizaw eivoi,..Hiai zah gen ni. Khau saulua kikai ok ahi" chihsan hi. Hangpu heh kisa in pai khe phanphan hi. Hausapu in leng nuamsa lou takin enliam vungvung hi.A ngaihtuah zel a,atanu Chingboi enkol dia amuan mahmah hinapi'n ama dinmun luah dì'n a sit sim mahmah hi. Maakpa sunghkhum hial din zaw ahatna leh thupina in chin mahleh alungsim piching lou ahih manin ama dinmun luah hial di'n alungtung khol kei hi.Hiai khawng ngaihtuah neuhneuh in hausapa kingaih sunsun hi.
Alehlam ah Khualpu leng apai baih deuhziak in ki awlbawl in awl khakha in pai kawm in Chingboi thugente leh a omdante ngaihsun pheiphei hi.A sakhi mat uihsimta pen hong paw phei malam hi. Hong pai phei zel a vaikuan hun lak khawng in a khua uh tung khongkhong ta hi.
Khomual ah, 'ka pu ka pa khang gui ka zopna,khan leh gual lak a gualsing ka hihna, pasal pha keimah Khualpu, tung a leng lah man ing, nuai a vak lah man khin zou ing.. sianzamang tung ah lungdam na'n ka kawlchiang masuan in.'..chi kawm in a thau hon kap ging hi..
A langkhat lam ah Chingboi ngei leng a gim toh tawldam in a inn uah siam a gaan hi. A lungsim ah Khualpu mel etlawmna leh a kampau kilawm takmaite hong kilang in hong gingging mai hi. A kimuh tung ua a zumdan leh a kihounate uh ngaihtuah in amah kia himahleh, nui heuhau mawk hi.Hucia nui a kipaktak a a omlai in kong hong kihong in akipahna tengteng paihmang mahbang zawzen in amai hong mualpah mai hi. Hangpu hong lut a,kimaingal saktak in hong om velval hi.Nidang a a omdan toh kituak lou takin kipah meltak in amah kia in chiak zuazua hi. Chingboi aningkitel sim mahleh kideek hamham in kipah mel a kilangsak teitei hi. Hichibang in Hangpu in niteng phial in vahel zel a,a duh leh ngaih piaksawm in dong zel mahleh Chingboi in a kum nuam ngeikei hi.
Hangpu lungkia kisa in hichi'n ngaihtuahta hi. Chingboì te inkuan in kei hon poimohlou ahih uleh ka enkhe ngeingei ding. Khualpu muang a kei hon nawlkhin mawng2 uh,'chi in lungsim sia hon nei ta hi. Huai hunlai in i Zomi khuate leh talpaakte kidou gige ahihman un Hangpu in talpaakte vathuzoh a, amau khua ngeingei dousak tup in hon neita hi. Hiai tup a nei in amahl eh alawm ginalou bangzah hiamte kisa ua, aguk in talpaak lengpa kiang ah saihaa leh suangmantam in vathuum uhi. Lengpa'n Hangpu kiang ah,'na mi na saate adia thilsia tut sawm maw, kei kiah ?'Chi in ana muangmoh pah hi. Hangpu in leng a thu omdan leh heh tenten ahihdan gen hi. Atawp in Lengpa'n kipahthu gen kawm leh bang hiam thuguk na sawm leh nang a dia lauhuai mahmah ding ahi , chi in a hun ding bikhiah in Sepaih 200 toh panpih din lemsa hi.
A khua uah Hangpu omdan hong kilamdangta a. Nidang a hausapa leh a khawnbawl upate zahtak mahmah a, midangte bangmah a simlou hinapi'n, tuchiang in zahtak neilou in kuamah zong mai-et tuansam lou hi. Hausapa lungsim a nuam hetkei a, thil hoihlou tungdin gintakna ana neikhol mawk hi. Himahleh tulai gal leh sa omlouhna sawt ta a,bang zaw hong chi kei na ve, chi in kilungmuangsak zel hi.
A lehlam ah khualpu ngei leng a mangse thei petmah hi.Nidang a ngeisok paakte ana san in a rong kikhek peuh in amu hi.Ni leh khate leng san zezu peuh in ana mu mawk2 zel hi. Mangsia toh mengmuhna piansim in thil amu zelzel hi. A itpen Chingboi lah vaveh man nawnlou banah a changchang a thupawtu hon sawl chiang in lah nuam a sak louh thu ngen a zaza hi.
Hangpute hunseh hong tung petmahta hi.Nidang banglou takin gamsa bengding chi in alawmte toh pawtkhe nganngan uhi..A kigen bang un a khogei ua luiguam dung zui in talpak sepaihte hong pai tou ua,a khokiang ua gamlak ah hong pawtkhia ua, huaimun ah Hangpute toh kisutuah in, panmun hon khohta uhi. Khosung a pasal khempeuh thah a numeite ngei leng mat a pikhiak vek din kithukim uhi.
Huchia akihou lai un Chingboi lawmnu Niangboi singpua in a vazaagu hi. A singpuak nuse zen in hong tai a hausapa kiang ah a thuzakte hon gen pah somsom hi!..Hausapa'n a ginmoh mah ahih manin alung himawh mahmah ta hi.A khosung a amuan mahmah tangvalte leh amakaipa uh Hangpu ngei leng alehpang ziak un hausapa lung anuam hetkei hi. Hucia a lungbuai a hausa khawnbawlte toh a houlim lai un thupukna dukdak la theilou in a lungbuai petmah uhi.
Chingboi ngei in leng ana za kha tei a, hiai bang dinmun haksa tak ah Khualpu lou muan ding neilou ahihlam a kinthei lam in thupawtupa kiang ah panpihna ngen din sawl hi.Hausa upate'n panlak dingdan ngaihtuah in pasal khempeuh temsau leh thal kapthei peuhmah kaikhawm in ana tangpang mai uhi.Khokulh kongkhakte kalh in mipite hausapa huang kidaikaih sung ah kikhum uhi. Mipite lah a chiak vengvung ua,thu omdan theisiamlou toh, ahehtoh, Hangpu mohsa toh hausapa mohsa toh a chiak vengvung uhi.
Khotaw lam ah thau 3vei hong ging in meikhu hong zamtou pah hi. Khosung umna daite thautui toh hong halpah uhi.Huchi'n khosung a kipan thal leh thau hong ging in kidouna kipan himaita hi. Khosung apang pasal mi 50 khawng lel ahihman un haksa asa pah uhi.Hangpu leh alawmte'n khosung a theihchiansa ahihman un hong lut pah ua, himahleh numei leh naupang khoihlou in hong gamtang panta uhi.Talpakte ahihleh kulhtung a pangte toh kikaptuah in hon neh deuhdeuhta uhi.
Kulhtung a pang valupa hangsan pipite kaplum in singtum lianpi khat in khokulh kongkhak phusia uhi.Huchi'n innte ban hal zialzial in hong lut zungzung uhi.
Thupawtu pa'n Khualpu kiang a tunnung sawtlou in Khualpu ngei leng hausapa phalna toh alawm pasal 50 te toh hong kipankhe ngal uhi.Hat tak a pai in Chingboite khua hong tung phei pah uhi.Khosunglah meikhu a dim,thaulah ging tualtual a galmuh in a itpen Chingboi a damlai leh damnawnlouh theilou ahih manin a lung himawh petmah hi.
Pawl 2 a kikhen in mun 2 ah talpakte leh Hangpu lawmtate a vatokbuai panta uhi.Misi a tam mahmah mai hi. Khosung mite tamzaw a sisa a muh ahi deuh uhi..
Sawttak a kidou nungun Talpakte taise maidin kisa ua,Hangpute ahihleh mi 20 leng phanawnlou ding in a patau panpan ta uhi.
Khualpu in alawmte sawl in hausapa inn lam vazuan pah uhi.Huai mun ah mi omte a vavengbit pah uhi. Chingboi in,namsaau toh a uKhual khote amau vengdia hong kuan amuh in a lungmuang deuhta hi. A si leh liamte kem pawl om in, Talpaakte a vadelh ua, namsaau in a vasatlum zengzung uhi.Hangpu lawmte a kipekhe khong ua, Hangpu ahihleh utlou bilbel in Khualpu toh kisual nilouh uhi. Khualpu in agintak sang in Hangpu a hat zaw hi. Hangpu ngei in leng zoulou ding ahihlam kithei in lubuuk hum in pang tuntun maimah hi.Hangpu'n namsau in Khualpu gil a sat khak zekziak in Khualpu hong chau petmahta hi. Sisan lah pawtpawt ahihziak in a chau hulhul hi.Hangpu in Khualpu a supuk guihkha a,satlum maidia akisak lai in thaltang hong leng in Hangpu hong khapuk hi ! Khualpu a nakhuai zawzen a,a etleh Chingboi ahi hi.
Chingboi in a thal paikhia in Khualpu hong kawi in khasetakin kidik huthut hi."uKhual, kon ngailua.... ! non ngai hia,maw uKhual" ?chi in kap kawm in a lungsim tawng a thuguk hon pholhsuahta hi. Khualpu mai gim mel tak kipahna in dim ta hi."Huchi kei ve ! Ching,ken le kon muhtung a kipan nanglou tel ding theilou ka hi. Nang a din ka hinna phal in ka itna kon peta. Kon ngailua".Chi in hong kikawi tontawn uhi.
Kidouna beita, a si leh liam buaipih ìn mi a diang hehu uhi. Hausapa ngei leng a kheguh kapkhak a a om ziak in akhe tankhiak ngai hial hi.
Kidouna zohnung khathum in khua lèh tui ngeina dan in pai mahleh thilthak khat in Chingboite khua sunuam mahmah hi. Huaibel thildang hilou in Khualpu leh Chingboi kitenna leh Khualpu hausa a apanna thu ahi hi. Khua leh tui kipak ìn Khualpu leh Chingboi hausakna ah niang leh tai in omchiat ta uhi.
©Siamsinna leh Vakiangbu
Nidanglai in Lianpu kichi tangval khat a om hi.Tangval zahkai mahmah leh lawm thuah lou a amah omom a om tangval khat ahi a,gamsa tampi man in khotang ah mihat leh hangsan a gen khat ana hi hi.Gamsa beng a kuanpen nidang lai mite thupina leh gamsa mantamte diakdiak bangchu mi thupi leh hangsan a ngaih ahi uhi.
Nikhat gamvak a akuan khiak kawm in a thaangkamte vavil in TAANGPI (Lianpute khua) khogal lam a Sakei kawl lam zuan in a double bearer toh hon kithoi khia hi.
Huchi'n a thangkamte hon ban vìl pheiphei leh Sakhi alaa khat ana awk a; himahleh a hìng lai ziak in khenlum in ataisan phot hi.(Nidanglai mite'n Sakhi koih uih sim uh a huchi'n nikhat ninih khawng zoh in vala pan sek uhi.Ngeina dan khat in ana nei uhi)
Huchi'n hong paizel a, singkung nidang a sa atan sekna mun ah hong tuang hi.Sawt tuang nailou himahleh agal a numei patau kikou aw za in hong kumkhia hi.A vadelh pah a,gamla lua ana hikei a..
A vatung hial leh numei 3 ahi ua,Chingboi pen gul in ana tu ana hilaizang hi.Khualpu in leng loupa teh (Japan lou) a nuai a atuknama ah belhsak hi.Huchi'n a lawm numeite khat Niangnu pen tai masa sak a,mi sam di dan in..alawmte 2 toh Khualpu hong kisa ua,Chingboi pen puak mai ding hon lunggel uhi.
A vante a lawm numeìte tawisak in naupang puak in Chingboi hon pawkhia hi.Khualpu lungsim akinoh mahmah mai hi.A khopaam lamte ahih utoh Khualpu in Phatuam ngaihna a avadelh ziak in a ( Chingboi) Lawmte'n kipahthu khawng gen in hong kihoulim panpanta uhi. Khualpu'n a kihouna ua kipan Chingboi pen hausapa tanu a hih dan, akhua ua nungak hoih penpen a kigen hilaidep leh,huaiphet lou a Hangpu kichi, akhua ua galhat leh hangsan penpen toh kiteng dia a nu leh pa'n deihsak himahleh Chingboi in Hangpu pen adeih dan ahikei !.Mi kiliansak ahi a....Chih tan bang Khualpu in a theih in, a om hiaihuai zawzen hi. Khualpu'n leng Chingboi tuibuuk muam in kal hon suan ngatngatta hi.Gimsim toh paupeih zawsam a om nawnlou in a pai keuhkeuh mai uhî. Agal uah khuang gingtoh mi husa hong ngaih mahmah ta a, akho mipite uh Chingboi paw dia hong kuan ana hi uhi.
Pasal lian vetvut khat hong makai a, etmai in leng ahat mel mahmah hi. Hiai zaw Hangpu hi'nteh maw chi'n Khualpu amah leh amah akidong a... Hangpu in Khualpu amuh in aheh mel hong kilang dek pah mawk a , himahleh ki ipp chenchen in Chingboi a vapomkhe pah hi.
Hucia a kingak buai lai un, upa aw simkhat Khualpu'n aza a a kihei leh Chingboi pa ana hi a, 'lawmpa,na min bang ahia le?, 'pa,kei min Khualpu hi,'chi in Khualpu'n a dawng lel a,paisawm in a vante alaa a , himahleh Chingboi pa'n a khamtang lai a,kipahthu gen in akhi(khivui)khat a oksak hi. "Khual,kipak lua ing. Ka tanu nang omkei leteh anuntakna bei ding hinapi, na mihehpihna leh awlmohna ziak in etkol man din a om a kipaklua ka hi. Ka gamsung ah sa leh vasa na utna peuhpeuh na bengthei dia,sing leh suang na deih bangbang kilak in aw.. 'pa aw, lungdam lua ing,panpihtu ka hih kei nuam jaw ing,na siamna manghilh kei ning,na chih bang bang hita hen !.."Chi in mangpha kikhak in hong kikhen uhi.
Chingboi bel Siampupa'n damdawi toh enkol in,akholam manoh in hong kipaw khe nawn uhi..
Huchi'n Khualpu in nunget ut sim mahleh kideek hamham in apai liamsan mai hi.A lungsim kipahna leh Hangpu in a etdan nuamsa chiahlou in a lungsim a buai vengvung hi.Chingboi mel etlawmna leh a thuzakte a ngaihtuah kik chiang in Chingboi tung ah lametna anei mawkmawk hi. Kinem sanglua kisa in anui khe heuhau zel hi.A diktakin zaw a lungsim ah dalvual louh in itna chii ana kituh khin daihta hi.
Sunnung lam hita mahleh dak 2 khawng a hihpat ziak in apanmun hon zuan nawn hi. Singkung tuang in gamsa leh vasate vataang leh zong alungsim ah athiltuah a omluat ziak in a omna mun ah a et ngal en gegu in thakhat khat in khophawk guihguih hi.Hici pipi a samat kinemlou zaw ahi dia,paimaì sawm in a vante kaikhawm in innlam hon zuanta hi.
Nidang a saman in inntung zel mah leh kipahluat ni aneikei himhim hi. Tuni'n bel nidang banglou takin hong nui velval mawk hi.Innkong tual a om anu'n amuh in 'Khual tuni na kipaak biik ngei e huumpi hon man na mw'? Chi'n ana chiamnuih hi. Khualpu'n zong 'Humpi maimai hilou e nu !' Chih toh innsung lut athuah hi.
Nitak ann nekzoh in Khualpu zong HAAM(nidanglai tangval te buaina omhun a kikaihkhawm baihlam na dia a giahkhawmna mun uh) lam tangtak in hon manoh pah hi. Haam ah tangval ana tam hetkei ua,alak ua pauthei pen Ngaakpu a chihpa uh ana chiak lualua hì.Sun a agamvakna galmual a Bualzang(Chingboi te khua) khogal a thawm ging azaak ana gen hì. A thawm gingzak pen buaina khat om ahihdan chiang ahih banah thei ut huai asakthu chiltui kai zen in ana gen lualua phet hi. Khualpu leng a thugen uh theilua kisa in nui heuhau kawm in a paamlam deuh ua singbul ah amahkia in vatu hi.Chingboi pa khivui piak a en vungvung a, Chingboi mel bang amitkha in mu mawkmawk hi. Zan asawt sim toh agimsim ziak in sawt tu peihlou in alumpah mai hi.Sun a gimsim ahi dia imu hithit mai hi.
Zingkal akhangma kha a asawmpihte'n ana thohsan vek uhi.Amah zong ann ne din kisa in paipah hi.Gamkuan khiak ding peihlou ahih manin ahuandai kisiate uh bawl in a innkiim ahahsiang hi.
Huchia nasem a abuai lai in,pasal khat hong pai a, Khualpu na hi hiam,hong chi hi.'aw himah ing,bang thu a?' Chi'n Khualpu'n leh dot pah ngal hi. ' Khual, thupawtu ka hi, azahtaakhuai Bualzang hausa pa'n tunitak nopna bawl di a chi a, huai dia deihsak tuam a nang hon chial ahi,nong pai teitei a hon ngiat hi, atanu zong hoihtou zel ahih manin nong kimansak ngai ding hi,'Achi a, huchi'n Khualpu'n leng vahoh teitei ut ahihdan agen khit in thupawtupa'n apaisanta hi!
Thupawtupa apaikik a Khualpu leng a nasep khawl in akisa samta hi. A kisak zoh in anu singpua hong tung geih a,a hohna ding gen in zingchiang zingkal beltak a hong pai ding ahihdan ahilh hi. Khualpu'n bangmah pawlou in akuankhia hi.Gamlak gammang atun in Hangpute lawmta a tuakphei hi.Hangpu ahihleh munkhat ah a tu a,alawmte'n Hangpu gamsa mat, ngal tuuk 5 ding khawng ana sem uhi. Khualpu pai phei a akiang uh atuntakin Hangpu in kihoupih ut ahihdan gen in ana sam hi.
"Lawmpa,maban ah na pilvang kon deihsak,Hangpu toh kisai khak thil lauhuai ahi, chih thei inla, ka lampi ah ana om hetken aw".Chih khum gemgam hi. A lak ua khat Mungpu kici khat in''uHang, mikhual hucih mawk lou e !..Nang poi ding lah hon khoih khalou a.."a chih pat leh,"naupang dai ough !. Kei kua a, cìh non thei hia?..vasa leh gamsa matlouh neilou pa,mi hangsang Ngulhang tapa,..ka hihlam theilou maw?..''a chih khum gemgam hi. Kuamah paungam a om nawnkei ua. Khualpu ngeileng paulou in apaisuak ta hi.
Khomual a tun in Chingboi lawmte'n zu toh tuibuuk toh ana dawn ua,kipaktak in a nuikhawm zaizai uhi. Chingboi zaw a hongtel kei na a Khualpu' akipak veve hi.Huchi'n hong paikhe nawn ua,hausapa inn atun un,nungakte'n apaisan ua,tangval khat in Khualpu tonpih in hausapa kiang ah alutpihta hi.
"Khual,hongdam maw?..kipah huai e nong pai a..nang toh nuambawl lunggulh a hon chialsak ka hi.."
"hmm..hong dam ing e hausapu, kipahhuai mahmah e..Ka kipaklua, eh! Chingboi bang a chi a pu aw?"..
Khualpu'n huai thu adot tak in hausapu'n ahoih deuh tak dan a hilh a na kimuhpih ut leh va kimuhpih leteh chi in a nasem numei khat sam in Chingboi kiang a Khualpu paipih din a saw ta hi.
Chingboi in baangvang ah Khualpu hong pai ana en gu gige ahih manin ana kichei a ,analh theih tawp suah in ana kisa tei hi. Numeinu'n kongkhak a kiu a,Chingboi numei sawl zangkhai khat in hong hawng hi. 'Pi,nang mu din na pa'n amah hon sawl ahi chì in anumei pen in paisanta hi.
Khualpu'n a houpih pah ding lin pipi in hong paukhiak sawm hi, himhleh thau hong ging a Hangpute lawmta in a samat uh hilh kholhna leh khutvuak a hong kiklou ahihdan uh etsakna a akap uh ahi. Khualpu in a theipah mai a,Chingboi houpih manlou ahi peuhmah hi . A ziakbel zuthawl toh tuibuuk tawi a Hangpu vaidawn dia Chingboi akuan ngaita hi. Ut tuak hetlou in akisa a anasem numeite toh akuankhia uhi. Kuankei lelah Apa ngaihdan hilou zel di chih alauh man a kuan hamham ahi lel hi.Khualpu leng hausapa kiang lam ah pai in akhua uh anopdan leh mipite kituah dan khawng etlawm asakdan gen in vaphat vakvak hi.
A lehlam a Chingboi in Khualpu amuhma in leng a ngaina mawk hi ! A lawmte'n Khualpu polhn0p tuakdan khawng leh mel et a sit huai hetlou banah mihat leh hangsan a minthang khat ahi chih a theih sawnsawn chiang in aguk in a lungsim k0ngkhak Khualpu adin ana hong mai hi. Ngaihtuah mah bang in, Khualpu amuh in a lawmte gensang mah in hoih a sa zaw a houpih ding lel zong haksa asa mahmah hi. Kei zahkai ziak a houpih khalou chi Chingboi aki-iplah mahmah hi.Hiai khawng ngaihtwah kawm a apaipai uleh khawmual a theihlouh kal un hong tung guih uhi.
Khomual ah tangvalte kipak in ana diang souhsouh ua,nungak vaidawnte ngei in leng amau tangvalte chiat zu leh tuibuuk luup a muamsak ding in a kipei leh hehu uhi. Hangpu in Chingboi mel a etmai in ngaihtuah luat khat nei hidia gingta in aziak dong nilouh hi.Chingboi in zong, nang kon ngaihtuah luatman hi uHang,chi in Hangpu khem lungdam hi. Hangpu lah a chih taktak ding sa in kipak kisa in nui hemhom hi!
Khuangtoh daak toh Hangpu gamsa mat kipahpih in khomipite'n ana dawn ua, n0pbawlna ding munlam hon zuanta uhi.
Hausapu'n Khualpu tonpih in a inn huang uah mipite dawn ding leh Hangpu kipahpih ding in ana dingsam uhi. Hong tun suk un Hangpu in a gamsa mat luu hausapa kiang ah zahtak etsakna in pia a, Hausapu'n zong gamsa amat ziak in athupina leh athilhih khiak te pulaak in nopbawlna pat ahihna din a khawnbawl upate thupia hi.
Huci'n valupate makaihna toh nungak leh tangvalte zu leh sa ne in laam hong kipanta uhi.Khualpu ngei leng laam ut mahleh hausapa kithuahpih in akiang a om a tel zaw phot hi.
Hangpu leuleu lah a khuangtum a pang in, pi leh pute ngeina dan in laapau in kidawng ngekngek uhi. A laamte lah nuamsa,zu hawm sa hawmte lah kipahna toh diang hehu, nektaak saite'n lah awlm0h takin amau naa chiat kisep siausiau uhi.
Chingboi ahihleh numeite makai in laamna hileh sepdingte ah numeite lamkaih hi.Hucia diang vengvung lak ah Khualpu in a lam-et phak hetlouh in hunlem amu a huai din kal hon suanta hi. Chingboi gimgawp munkhat a ana tawlnga amuh in a kiang lamzuan in a vanaihta hi.
"Ching, na hi maw ? Kei ka min Khualpu hi. Na damdeuhta hia?"chi'n Khualpu in vadong hi.
"uKhual, na tung ah leiba tampi nei ka hi chih ka thei,nang om kei leteh kei hiai mun ah om nawnlou ding hiveng maw. Ka dam deuhta uKhual, nang kon muhleh ka dam diak abang zawzen". Kam nemtak in gintaakphak louh in ana dawng ahih manin Khualpu lungsim tawng a meisel aam milmial chu a hong kuang suah panpanta hi.
Huchi'n hong kihou ua,inkuan thu bang, khosung thu khawng houlim in hong lim mahmah uhi. Hangpu lah zukham kisa in Chingboi zong phawkpha vetlou hi. Hiai mah lah Khualpu lunggulh ahi tawntung hi.
Hucia nuamsa tak a a 0m lai un pengkul hong ging a nekkhawmna kipan dek ahihdan thupuan hon bawl uhi.Hausapa k0ngtual ah mipi tampi paikhawmte'n nek khawmna mun din zang ua,khosung a vaihawmte leh khosung a mi tallang deuhdeuhte'n bel,Hausapa insung ah ne uhi. Khualpu leng hausapa innsung ah ann ne dia saplut a a om in Chingboi in vazui lut hi.Hausa khawnbawl upa khenkhat in Khualpu leh Chingboi kituaksa in ana en nilouh uhi.Hausa pu'n a khawnbawlte kiang ah Khualpu pulaak in a phatuam ngaihnate gen in phat deuhvel hi..
"Khual,na duh zahzah tampi ne in aw. Kiinntek sak inla, na poimohte nasemte'n hon sepsak mai ding uh."Chi in sabaak khaikhat piak athuah hi. Maban ah kinaiseem a om ding leh haksaknate kipanpih tuah alunggulh dan khong gen khum zungzung hi.Khualpu in leng ahithei tan a kipanpih leh gal leh sa tuah hun a kipanpih lem a sa hi.
Zu leh sa lah tam,alaam lah beilou..zansawt pi nung natan in leng chiak vengvung lai uhi.
Hangpu hausapa inn akipan hong pawtkhia a, Chingboi sam din nasemte khat sawl hi.Chingboi lah buai kisa ahih manin vapaizok lou hi. Hangpu heh gawp kisa in Chingboi v kaikhia hi."zingchiah kitenna bawl ding,nang ngaihdan kia ka poimoh,..bang a na ngaihdan??".Chi in hehlaw mahleh kisulungkim hamham in adong hi. ( Khualpu in atuh khiak ding alauh man hilel zaw hi)Chingboi in zong"uHang,ka pate'n hon deihsak ziak ua miteng muh a kingai leh kiteng thei mai dia ki om chih manthu lel hi, a taktak in zaw ka itna kon pekei himhim. Hiai bangthu hon gen nawn ken !"chi in heh tuak takmai in paisan hi.
Hangpu tuikenuih veivai in nuam asak mel kei petmah hi. A gintak bang ngei a dawnna amuh in ahehna liansak semsem a, Khualpu bang ngohbawl in huat chitak in ahua hi.
Chingboi leng gim kisa in tawldam ding in alawm numeite toh innsung hong lut uhi.Hausa pa'n lupna bawl din nungakte sawl a,huainitak chiah zaw khawnbawl upa teng leng hausapa inn a giah din vai ahawmta uh.
Khualpu kihahsiang kal in alupna ding nasem nungak khat in bawlsak hi.Chingboi in leng Khualpu lupna bawltunu vakhek in a lupna aman vabawlsak hi..Khualpu kihahsiangzou hong lut leh gintak louhpi in Chingboi in lupna ana bawl hi "Ching,na fel ngei e. Kibawl thei na di ka hi. Na hih d poimoh om leh vahihzaw ve", chi hi.
"uKhual, kei bawlsa a lum utlou na maw ? Nang lupna di hialzaw bawl ka lin sam a..hehe" Chi'n nui selsal kawm in dawng hi. Gen ut hausim mahleh denciah a tuak dia kilawmlou khat in hon tuak kha leh chi in Chingboi in Khualpu mangpha khak in paisan mai hi. Khualpu leng pasal zoulou ahimai ve ! Pasal thahat leh hangsan a gen a om himahleh Chingboi mai ah zaw a zoi gai mai zel hi..!
Zingkal hong hih in Khualpu leng paisawm in hausapa kiang vapha hi.Hih ding tuamtuam nei ahihdan leh hundang a kimuh zel chiam in, paimai sawmta hi. Hausapa ngei in leng kham ngamtuan lou in Chingboite vakhasak hi.Khomual hong tun un ,
Chingboi in,
'singkhual tangpa sakmel etlawm melmuh chiilpa'n tongdam ka saan,na heina vang in laa zong nunnuam hei in maw..."hon chi hi.
Khualpu in leng,"hounem duangkuai laitawi ton louh zong, nunnuam hong lengta in,singkhual tangpa lunglai ah sevaau bang napaak lun e..'chi'n dawng kik tei hi.
Huci'n hon kihou ua, mangpha hong kikhakta uhi. Khualpu in a thangkamna lam manoh phei ìn Sakhi pawphei malam hi.Khualpu leh Chingboi kal ah itna chii kituh nisa leh gamsa te'n vaphilphil mahle uh mawkmai a vul mai ding ahikei ! Akal ua itna zung kiptak ziak in doudaltu leh nangtu hong omtou zel hi.
Hausapa'n bel tapa neilou ahihziak mah in tangval ching leh siamna nei amuh chiang in ama dinmun luah a, atanu enkol din a deih pahpah hi. Atup pentak zaw mihat hangsan kia hilou a, atanu humbit zou ding, akhua leh tui it a, gal leh sa lak a humbit zou ding leh mi piching, lung gel thei a deih diak lai hi.
Hangpu lungkim louhna in bei ma asawm nai kei ! A ngaihtuah thuuk deuhdeuh leh a hehtha asuak deuhdeuh zel hi. A kingaih tuah a,hausapa kiang a va gen a sawm hi.Hausa pa kiang ah a vapai a, 'pu,khodangte i khua ua maingaltak a hong om uh ei a dia siatna hon tut ding uh thil lauhuai ahi. Khualpu diakdiak bang zaw mihat a kigen hingal a, a omdan ka et-et cia i khua leh tui adia poi akhoih ding lau ka hi pu aw..adiak in natanu,ka itpen Chingboi...A genkhin mankei a hausapa'n a pautuh hi. ' Hangpu,huchih ding hilou, ka tanu na it ngal leh ahinna ngai poimoh a kal suanpa na kipahpih ding hizaw eivoi,..Hiai zah gen ni. Khau saulua kikai ok ahi" chihsan hi. Hangpu heh kisa in pai khe phanphan hi. Hausapu in leng nuamsa lou takin enliam vungvung hi.A ngaihtuah zel a,atanu Chingboi enkol dia amuan mahmah hinapi'n ama dinmun luah dì'n a sit sim mahmah hi. Maakpa sunghkhum hial din zaw ahatna leh thupina in chin mahleh alungsim piching lou ahih manin ama dinmun luah hial di'n alungtung khol kei hi.Hiai khawng ngaihtuah neuhneuh in hausapa kingaih sunsun hi.
Alehlam ah Khualpu leng apai baih deuhziak in ki awlbawl in awl khakha in pai kawm in Chingboi thugente leh a omdante ngaihsun pheiphei hi.A sakhi mat uihsimta pen hong paw phei malam hi. Hong pai phei zel a vaikuan hun lak khawng in a khua uh tung khongkhong ta hi.
Khomual ah, 'ka pu ka pa khang gui ka zopna,khan leh gual lak a gualsing ka hihna, pasal pha keimah Khualpu, tung a leng lah man ing, nuai a vak lah man khin zou ing.. sianzamang tung ah lungdam na'n ka kawlchiang masuan in.'..chi kawm in a thau hon kap ging hi..
A langkhat lam ah Chingboi ngei leng a gim toh tawldam in a inn uah siam a gaan hi. A lungsim ah Khualpu mel etlawmna leh a kampau kilawm takmaite hong kilang in hong gingging mai hi. A kimuh tung ua a zumdan leh a kihounate uh ngaihtuah in amah kia himahleh, nui heuhau mawk hi.Hucia nui a kipaktak a a omlai in kong hong kihong in akipahna tengteng paihmang mahbang zawzen in amai hong mualpah mai hi. Hangpu hong lut a,kimaingal saktak in hong om velval hi.Nidang a a omdan toh kituak lou takin kipah meltak in amah kia in chiak zuazua hi. Chingboi aningkitel sim mahleh kideek hamham in kipah mel a kilangsak teitei hi. Hichibang in Hangpu in niteng phial in vahel zel a,a duh leh ngaih piaksawm in dong zel mahleh Chingboi in a kum nuam ngeikei hi.
Hangpu lungkia kisa in hichi'n ngaihtuahta hi. Chingboì te inkuan in kei hon poimohlou ahih uleh ka enkhe ngeingei ding. Khualpu muang a kei hon nawlkhin mawng2 uh,'chi in lungsim sia hon nei ta hi. Huai hunlai in i Zomi khuate leh talpaakte kidou gige ahihman un Hangpu in talpaakte vathuzoh a, amau khua ngeingei dousak tup in hon neita hi. Hiai tup a nei in amahl eh alawm ginalou bangzah hiamte kisa ua, aguk in talpaak lengpa kiang ah saihaa leh suangmantam in vathuum uhi. Lengpa'n Hangpu kiang ah,'na mi na saate adia thilsia tut sawm maw, kei kiah ?'Chi in ana muangmoh pah hi. Hangpu in leng a thu omdan leh heh tenten ahihdan gen hi. Atawp in Lengpa'n kipahthu gen kawm leh bang hiam thuguk na sawm leh nang a dia lauhuai mahmah ding ahi , chi in a hun ding bikhiah in Sepaih 200 toh panpih din lemsa hi.
A khua uah Hangpu omdan hong kilamdangta a. Nidang a hausapa leh a khawnbawl upate zahtak mahmah a, midangte bangmah a simlou hinapi'n, tuchiang in zahtak neilou in kuamah zong mai-et tuansam lou hi. Hausapa lungsim a nuam hetkei a, thil hoihlou tungdin gintakna ana neikhol mawk hi. Himahleh tulai gal leh sa omlouhna sawt ta a,bang zaw hong chi kei na ve, chi in kilungmuangsak zel hi.
A lehlam ah khualpu ngei leng a mangse thei petmah hi.Nidang a ngeisok paakte ana san in a rong kikhek peuh in amu hi.Ni leh khate leng san zezu peuh in ana mu mawk2 zel hi. Mangsia toh mengmuhna piansim in thil amu zelzel hi. A itpen Chingboi lah vaveh man nawnlou banah a changchang a thupawtu hon sawl chiang in lah nuam a sak louh thu ngen a zaza hi.
Hangpute hunseh hong tung petmahta hi.Nidang banglou takin gamsa bengding chi in alawmte toh pawtkhe nganngan uhi..A kigen bang un a khogei ua luiguam dung zui in talpak sepaihte hong pai tou ua,a khokiang ua gamlak ah hong pawtkhia ua, huaimun ah Hangpute toh kisutuah in, panmun hon khohta uhi. Khosung a pasal khempeuh thah a numeite ngei leng mat a pikhiak vek din kithukim uhi.
Huchia akihou lai un Chingboi lawmnu Niangboi singpua in a vazaagu hi. A singpuak nuse zen in hong tai a hausapa kiang ah a thuzakte hon gen pah somsom hi!..Hausapa'n a ginmoh mah ahih manin alung himawh mahmah ta hi.A khosung a amuan mahmah tangvalte leh amakaipa uh Hangpu ngei leng alehpang ziak un hausapa lung anuam hetkei hi. Hucia a lungbuai a hausa khawnbawlte toh a houlim lai un thupukna dukdak la theilou in a lungbuai petmah uhi.
Chingboi ngei in leng ana za kha tei a, hiai bang dinmun haksa tak ah Khualpu lou muan ding neilou ahihlam a kinthei lam in thupawtupa kiang ah panpihna ngen din sawl hi.Hausa upate'n panlak dingdan ngaihtuah in pasal khempeuh temsau leh thal kapthei peuhmah kaikhawm in ana tangpang mai uhi.Khokulh kongkhakte kalh in mipite hausapa huang kidaikaih sung ah kikhum uhi. Mipite lah a chiak vengvung ua,thu omdan theisiamlou toh, ahehtoh, Hangpu mohsa toh hausapa mohsa toh a chiak vengvung uhi.
Khotaw lam ah thau 3vei hong ging in meikhu hong zamtou pah hi. Khosung umna daite thautui toh hong halpah uhi.Huchi'n khosung a kipan thal leh thau hong ging in kidouna kipan himaita hi. Khosung apang pasal mi 50 khawng lel ahihman un haksa asa pah uhi.Hangpu leh alawmte'n khosung a theihchiansa ahihman un hong lut pah ua, himahleh numei leh naupang khoihlou in hong gamtang panta uhi.Talpakte ahihleh kulhtung a pangte toh kikaptuah in hon neh deuhdeuhta uhi.
Kulhtung a pang valupa hangsan pipite kaplum in singtum lianpi khat in khokulh kongkhak phusia uhi.Huchi'n innte ban hal zialzial in hong lut zungzung uhi.
Thupawtu pa'n Khualpu kiang a tunnung sawtlou in Khualpu ngei leng hausapa phalna toh alawm pasal 50 te toh hong kipankhe ngal uhi.Hat tak a pai in Chingboite khua hong tung phei pah uhi.Khosunglah meikhu a dim,thaulah ging tualtual a galmuh in a itpen Chingboi a damlai leh damnawnlouh theilou ahih manin a lung himawh petmah hi.
Pawl 2 a kikhen in mun 2 ah talpakte leh Hangpu lawmtate a vatokbuai panta uhi.Misi a tam mahmah mai hi. Khosung mite tamzaw a sisa a muh ahi deuh uhi..
Sawttak a kidou nungun Talpakte taise maidin kisa ua,Hangpute ahihleh mi 20 leng phanawnlou ding in a patau panpan ta uhi.
Khualpu in alawmte sawl in hausapa inn lam vazuan pah uhi.Huai mun ah mi omte a vavengbit pah uhi. Chingboi in,namsaau toh a uKhual khote amau vengdia hong kuan amuh in a lungmuang deuhta hi. A si leh liamte kem pawl om in, Talpaakte a vadelh ua, namsaau in a vasatlum zengzung uhi.Hangpu lawmte a kipekhe khong ua, Hangpu ahihleh utlou bilbel in Khualpu toh kisual nilouh uhi. Khualpu in agintak sang in Hangpu a hat zaw hi. Hangpu ngei in leng zoulou ding ahihlam kithei in lubuuk hum in pang tuntun maimah hi.Hangpu'n namsau in Khualpu gil a sat khak zekziak in Khualpu hong chau petmahta hi. Sisan lah pawtpawt ahihziak in a chau hulhul hi.Hangpu in Khualpu a supuk guihkha a,satlum maidia akisak lai in thaltang hong leng in Hangpu hong khapuk hi ! Khualpu a nakhuai zawzen a,a etleh Chingboi ahi hi.
Chingboi in a thal paikhia in Khualpu hong kawi in khasetakin kidik huthut hi."uKhual, kon ngailua.... ! non ngai hia,maw uKhual" ?chi in kap kawm in a lungsim tawng a thuguk hon pholhsuahta hi. Khualpu mai gim mel tak kipahna in dim ta hi."Huchi kei ve ! Ching,ken le kon muhtung a kipan nanglou tel ding theilou ka hi. Nang a din ka hinna phal in ka itna kon peta. Kon ngailua".Chi in hong kikawi tontawn uhi.
Kidouna beita, a si leh liam buaipih ìn mi a diang hehu uhi. Hausapa ngei leng a kheguh kapkhak a a om ziak in akhe tankhiak ngai hial hi.
Kidouna zohnung khathum in khua lèh tui ngeina dan in pai mahleh thilthak khat in Chingboite khua sunuam mahmah hi. Huaibel thildang hilou in Khualpu leh Chingboi kitenna leh Khualpu hausa a apanna thu ahi hi. Khua leh tui kipak ìn Khualpu leh Chingboi hausakna ah niang leh tai in omchiat ta uhi.
©Siamsinna leh Vakiangbu
Comments
Post a Comment