AW ITNA
By ~ Gl Samte
(Ka lawm a din)
Ka it Kimchengchuang zaw ka tanlouh di a tunglam ruat sa hi leh kilawm in ka thei. Itsikna leh zahlakna palsuakin a Itna lawhsuah in ka ki thei a, a tung apat le amah zaw ka phu kei chih theisa in huai Itna ziaka kizopna bawl din kumtawnpak ka lam ngatsak sawm in ka na buai sek hi. Mahleh huai Itna ziaka paak etlawm in kumtawn genlouh damsung kimkhat le hilou in minsiatna mai hon tun a, Kimchengchuang a din Itna kichi bangmahlou mai, ki tengteneihna vanzat bang lel ahi chih tunung a ka ngaihtuah in ka thei thakthak hi.
Hilehle, ka itna theisiamlou a midang hon neihsan nung inle kei a din zaw Kimchengchuang a hi den a, ka uleh nau, ka sungte a din le midang bang maimai ahi thei nawn kei. Hilele hinkhua in maw it leh ittu kar daidan sek a, kumkhua a dia itna chia minloh inle sawt daih lou lawsek eive.
Kimchengchuang itna maw, hoihna leh hehpihna a lawhsuah tum ing a, a khut maw, ngaihsakna toh let ka sawm a, huaiteng teng le Kimchengchuang a din ninhuai leh huathuai ahi maimah.
A thuaktu a din hinkhua zaw gamdai ahi a, a tawntu a din gamkeu mai ahi. Kap kawm in ka nui a, dam manphatna theilou in hinkhua ka sual a, beidong sa sa in lametna ka masuan a, kipahna mu lou in vangphatna khazak nuaia len duaiduai a ngai zaw ham.. Aw hinkhua!!
Kha a eng velvual a, etna lam teng ah sulnung muh di om hi in ka thei mai sek. Thawmhauna leh lunglen hong kituaka, phamsa ngaih hia naa phamlou a mual hon liamsante vaang ngaih. Theihbut ahi ta kei.
Niteng a `na dam maw?` hon chi tu reh vungvung a, `kon ngailua` chi sek hia tua dai dide a, a aw nalhtak a`kon it aw` chi tu`n hehpihna le nei nawnlou tel eive. Ama a di ka type sek dan in ka type keuhkeuh a,
Kimchengchuang, ken maw,itna mu ing a, hilehle na itna tel lou a. Deihsakna ka mu a, nang deihsakna a tel si kei. Hehpihna aw ka za a, na tongdam zak ni ka nei chuangkei. Mi Khawngaihna kia in hon neemzou kei, nang chauh, nang chauh aw kei a din.
Itna khut a let in ka om a, nang khut hilou in hehpihtute khut ahi zaw a, ka ban ah hon len ua,nang nawn khah zalen a, itna vuaikhat bek, hehpihna khatvei chauh, kizopna tawichik sung...hinkhua ah tang thei lai leng maw...
Ka hinkhua paizel mahleh zu ngawlvei ka hi ta mai a, amak ngei mai.. Itna in mihing hin ana sesak thei tel mai maw..
Nitaklam khat zu dawra ka omlai in mi 2 manmoh takin hong pai ua, on muh tak un "manmoh oh, na lawm uh Nemchilik damdawi inn a om" hong chi maimah uhi.
Zu dawr apat ka awn pawt nongnong a, manmoh takin damdawi-inn lam ka zuan hi. Damdawi-inn ka tun in ka lawm, si phial ta lupna a lum ka va mu maimah a, ka kham hong veng zot hial hi. A khut ah ka len a "Nem, nang zaw non paisan kei di aw" ka chi hi.
Ka lawmnu hong hak liakliak a, hon en a " imaw.. Ka lawm (Kimchengchuang)na ngaidam thei di mawle" hon chi a. Ka lawmnu, ka lawm it kapkawm in ka en a, " Lawtel, ngaidam thei lua" ka chi nunup hi.
"Ka kipak lua , ken kon na paisan dia, hoihtak in nong om ta di aw" a chi a, " Nem, nang si theilou, na si di ahi kei, nang beek, khawngaih in aw" ka lawmnu`n hon en ngoihngoih " van ah i 3 un,.. Pathian bul ah..."
Ka lawmnu`n a awm a sep dawr a, khamuan melpu takin a lumsuk diaidiai a, bangkim a tawpta.
Paak hoih leh deihhuai takte zaw lakmang ahi sek ua,mahleh huai paakte`n maw lametna hon pia ua, bangchik chiang hiam, bang hun hiam in, paak khiahsa toh,paalluunte kiangah hinkhawnopna ka tang nawn di chih ka chiang ngala.. Aw itna, itna ka gensiam kei. Itna ziaka mi hat ua, khanglian ua, thupi ua, kei ana mawl sawt lua, zu leh khamtheih a ana kibual maimai kha..
Hiaithu ka bilbuk ah hong gingchiai chiai sek a, duhdahtak in ka om thei nawn kei. "Hoihtakin nong om ta di aw".
©Siamsinna leh Vakiangbu
(Ka lawm a din)
Ka it Kimchengchuang zaw ka tanlouh di a tunglam ruat sa hi leh kilawm in ka thei. Itsikna leh zahlakna palsuakin a Itna lawhsuah in ka ki thei a, a tung apat le amah zaw ka phu kei chih theisa in huai Itna ziaka kizopna bawl din kumtawnpak ka lam ngatsak sawm in ka na buai sek hi. Mahleh huai Itna ziaka paak etlawm in kumtawn genlouh damsung kimkhat le hilou in minsiatna mai hon tun a, Kimchengchuang a din Itna kichi bangmahlou mai, ki tengteneihna vanzat bang lel ahi chih tunung a ka ngaihtuah in ka thei thakthak hi.
Hilehle, ka itna theisiamlou a midang hon neihsan nung inle kei a din zaw Kimchengchuang a hi den a, ka uleh nau, ka sungte a din le midang bang maimai ahi thei nawn kei. Hilele hinkhua in maw it leh ittu kar daidan sek a, kumkhua a dia itna chia minloh inle sawt daih lou lawsek eive.
Kimchengchuang itna maw, hoihna leh hehpihna a lawhsuah tum ing a, a khut maw, ngaihsakna toh let ka sawm a, huaiteng teng le Kimchengchuang a din ninhuai leh huathuai ahi maimah.
A thuaktu a din hinkhua zaw gamdai ahi a, a tawntu a din gamkeu mai ahi. Kap kawm in ka nui a, dam manphatna theilou in hinkhua ka sual a, beidong sa sa in lametna ka masuan a, kipahna mu lou in vangphatna khazak nuaia len duaiduai a ngai zaw ham.. Aw hinkhua!!
Kha a eng velvual a, etna lam teng ah sulnung muh di om hi in ka thei mai sek. Thawmhauna leh lunglen hong kituaka, phamsa ngaih hia naa phamlou a mual hon liamsante vaang ngaih. Theihbut ahi ta kei.
Niteng a `na dam maw?` hon chi tu reh vungvung a, `kon ngailua` chi sek hia tua dai dide a, a aw nalhtak a`kon it aw` chi tu`n hehpihna le nei nawnlou tel eive. Ama a di ka type sek dan in ka type keuhkeuh a,
Kimchengchuang, ken maw,itna mu ing a, hilehle na itna tel lou a. Deihsakna ka mu a, nang deihsakna a tel si kei. Hehpihna aw ka za a, na tongdam zak ni ka nei chuangkei. Mi Khawngaihna kia in hon neemzou kei, nang chauh, nang chauh aw kei a din.
Itna khut a let in ka om a, nang khut hilou in hehpihtute khut ahi zaw a, ka ban ah hon len ua,nang nawn khah zalen a, itna vuaikhat bek, hehpihna khatvei chauh, kizopna tawichik sung...hinkhua ah tang thei lai leng maw...
Ka hinkhua paizel mahleh zu ngawlvei ka hi ta mai a, amak ngei mai.. Itna in mihing hin ana sesak thei tel mai maw..
Nitaklam khat zu dawra ka omlai in mi 2 manmoh takin hong pai ua, on muh tak un "manmoh oh, na lawm uh Nemchilik damdawi inn a om" hong chi maimah uhi.
Zu dawr apat ka awn pawt nongnong a, manmoh takin damdawi-inn lam ka zuan hi. Damdawi-inn ka tun in ka lawm, si phial ta lupna a lum ka va mu maimah a, ka kham hong veng zot hial hi. A khut ah ka len a "Nem, nang zaw non paisan kei di aw" ka chi hi.
Ka lawmnu hong hak liakliak a, hon en a " imaw.. Ka lawm (Kimchengchuang)na ngaidam thei di mawle" hon chi a. Ka lawmnu, ka lawm it kapkawm in ka en a, " Lawtel, ngaidam thei lua" ka chi nunup hi.
"Ka kipak lua , ken kon na paisan dia, hoihtak in nong om ta di aw" a chi a, " Nem, nang si theilou, na si di ahi kei, nang beek, khawngaih in aw" ka lawmnu`n hon en ngoihngoih " van ah i 3 un,.. Pathian bul ah..."
Ka lawmnu`n a awm a sep dawr a, khamuan melpu takin a lumsuk diaidiai a, bangkim a tawpta.
Paak hoih leh deihhuai takte zaw lakmang ahi sek ua,mahleh huai paakte`n maw lametna hon pia ua, bangchik chiang hiam, bang hun hiam in, paak khiahsa toh,paalluunte kiangah hinkhawnopna ka tang nawn di chih ka chiang ngala.. Aw itna, itna ka gensiam kei. Itna ziaka mi hat ua, khanglian ua, thupi ua, kei ana mawl sawt lua, zu leh khamtheih a ana kibual maimai kha..
Hiaithu ka bilbuk ah hong gingchiai chiai sek a, duhdahtak in ka om thei nawn kei. "Hoihtakin nong om ta di aw".
©Siamsinna leh Vakiangbu
Comments
Post a Comment