TELLOU MUAL DEEMDUM
By ~ Lian Khuptong
Kalunggel vanpi ging dumdum
Aw!
Itna koia omna hia? Itna tellou'n Itna ka theisiam kei,suiseng sutseng
vual ahi keihi. Itna thupi selungsiang thou koia omna hiam! Leitunga
itna omkeicih lengzuau genka bangding, itna telnuam in zong zong
mahleng kawi mah ah,muhding ahi kei itna lou'n zaw theihsiam ahak
leitung thupina tesang in, Itna mah thupipen vanni nuai ah. genthei
hinkhua zangte din nunnop pia aw! Nopna toh kiton dahna meipi'n tuamzel
mihing hinkhua, itna toh mailam hunding gelnan masuan zelni palbang
nangzatam laia. Lianu mah etlawmpen.
Zou phualva hongpung
henlan zogama leng ziahziah henla mizatam te etdin, phesiau siau leh
kuamah in a etlawmnate uh. Kaplou'n maingalsak leu uthuai nazen
e...ivasa neih sun uh. Imun wa khatbek muh di omlou kagelchiang
kasinlai'a nalwa sang telmai! Vasa kapsiam ngen pawikhatel phualva
aw..Ikhangsawn momno ten honmu khalou diu aka nagam igam nahong lawih
mai uh.
Imu kahikei khanglou kahi zaw hi. katuanna tulsing
leek aw! Nasanglua keidin lah ka-kalkhin tangal a hongtual kumding
lah, sangpipek kanatung manzel kumnuam napi'n lingpianta ing. Leilawn
dohdan lah omlou asangtel mai nang singlek banglam etna ahong kahtou
mawk kahia? Agah nekding mellah omlou nahiang lah keu'khinta awn-awn
pukmai ding mo?theisiam ahak tel huihpi vuahpi'n hongnawk dia khatveini
chia ipuuk khom maidi, tungleng vasaten lah nagah nekding honmuta lou
atutkhawl namunpeuh uh nahong suakmai..aw nangsing keu' phuk ameihol
dia haaldin nahoih hi. Bangteng hileh vuah hongzu dia leihong nawm dia
nazung hongkai in, gah ahong suangdia midangte bangin sing etlawm
takmai leh gahkilawm pi nahong suaknawn maiding hi.
Aw nang zolianu sakmel hoih zatam laia nakhut siamsil bolte honglak nawn in, nathupina nahihna amanpha mizatamte mataina nahi.
Zotawi
tangpa selungneu lou aw! Nasakmin athangta singgam leia mite tung etna
nahi. Kalsuan zelin mailam nawtzel in naminasate sakmin na thang sak
hi. Nathupina teziakin gamvangla amite lawm hoihna hong suaklel-lel
singdang mite toh kiteh in, naneu keihial namina saten hontawi sanglwa
ung e
Eite mahmah hihang asia apha asakmin thang sak
siamte vaimang siamsil paaksil bangzem hen aw!lung anaa tup mualsuah in
tangtun in tuain sakmin lawibang thang sak hi.
Chin aw!
Zaitha neem ken lungliap lou aw..sianmang huaitang bang idam dia
lungkituak in patbang sai'khom veni hang I zoulei laia. Inamtem bang
ikoih khedia lusu'n thangvan sianmang samni e mihing itna sang in siang
angsunga kikemsak ni, huchih in sianmang itna thupipen. Itna takin
hambang hong huaiding hi Itna' louin kalsuan theikei ni aw! Itna
lamdang Itna manpha sutseng louh genseng louh ding sianmang Itna
Galkhua
dakin ka enzela mimbang ipianna uh. vangkhua etlawmsa ing micih namcih
bualna, zailaa saksiam vabang pilte tuallena ngaihgimsi thengmawh na,
sual chih teng sakmin ithan pihna phamsate tuallen namun lui, mubang
honngaisak na sulnung wa ngabang lengte din thuak ahak tel mai.
©Siamsinna leh Vakiangbu
Comments
Post a Comment