TUAL KA THAT???
By ~ Nasri Jona Tawmbing
A tanchin zaw gennuam lua ahikei. Aziakbel apasal ngalkhaat liam in a phillup nungteng lungsim veng tak a om chihni nei nawn lou, a ut le dah a khosa ahi a, kou inn kinaih chik a om ka hih ziak un tanau laina hikei mah le ung ka kipoh ua, a ut le ann ahong ne a, a-ut hunhun in ahong giak sek hi. Huchia amah inn sang a kou inn a khosa tamzaw ahih man in ka pa'n a room di khat a bawlsak a, huai ah a ut hunhun in ahon giak zel hi.
Tapphou awl-leen lai ahi a; zing ann nekham loubuuk van di tawm di chiin, kuankhiak ka sawm hi. Nidang a ka gam kuankhiak chiang a ka hih dan mah bangin, ka thau zatsiam khinpi taw'ng a ka koih, gul-ngaan pa bang mai a vom-ngil kel-kel ka lakhia a. Gam ka kuankhiak louhna sawt simta ahih man in inking khong a kaai khakleh chiin puansia in ka nul hiau-hiau hi. A lawng ah puansia tel (oil) a nuh kawt in ka thaulawng ah ka guang a, zannitak a ka mumang ka ngaihtuahna ah ahong lang dundun zomah hi.
Bang ka chi dia aw! Tuni ka nnasep na ah bang ka tuak dia aw,,,? Chia lungsim nuamlou tak a kingaihtuah kawm in gamnuai lam manoh in ka kuankhia a. Nidang toh kibanglou takin ni sa velvol mahleh saak huih hileh kilawm in huih anung huau-huau mai hi. Huai huih in a muut pulh lamgei a singnah luui-te'n a phung zuan in, nahthak hong sel khiate'n kipahna sang in dahna ahon tunzaw hiin ka thei. Ni sa vengvong nuai a the' haam nouhnouhte'n lah ka nnasep di ahon thazoisak mahmah mai a. Vaanlam ka et chiang in ka thazoi behlaptu diin ni suunbeel bang chiangtak in ahong lang zawmah hi. Sunlam chiang a thil tung di thei hileh kilawm in vasa haam lah zaak di a-om kei. Phetlou in mihing vaaikuan muhdi himhim a omkei zomah uhi. Himahleh lou haal lah hundek ta, buuk van di bangmah neih neinai lou ka hih ziak un thazoi kawm pipi in ka paizel a, dakkar khat (1) phial mahmah thawmhau kisa tak a ka pai nung in ka tupgam ka tung khawngkhawng hi.
Gam-maang kawm ah ka lutsuk zel a, abangin honsia ahia chih ka thei kei, thawm ging ka zaak zek chiangin lauhna in ahon tuam, ka mulsi bang ading sungsung hial hi. Ka omna guam gaal a vagik nahthel thaiging suatsuat leh, gaal lehlam mual a zou-ui haam khawng ka ngaikhia a, himahleh ka nnasep ka awlmoh ziak in vagik lei thai ging suatsuat leh ka gaal a zou-ui ham le ngaihsak man lou in nna ka sem hi. Huchihlai in ka khang chiit ah sakhi ahong hawk nawn a. Ka omna toh kinaai lua ahih man in ka kiguih naak mahmah mai, ka sisan lampi bang buai zou hiin ka thei hial a. Nidang a gamvak a, sa chang a kuan ngeilou le ka hikei, himahleh hichi khop a hon phawngtu bangmah ka tuahlam ka thei nai kei. Sakhi hawk ging maimai ziak a ki-guih ka hi maw,, chia kingaihtuah kawm in munkhat ah ka ding dedu a. Tuni thil omdan ka etet chiang in, mihing thawm lah zaak di om lou ahih chiah, gamsa lian tuak dia ki-gintakna ka neih ziak in sunnung lam chiang a ka lou vaatna taw a sih chang hoih ka sa zaw hi.
Tunglam ka en a, vanlaizawl ah muvaanlai haam a chiak nouhnouh; kha' jaap a leeng a kipeel souhsouhte kaal ah nisuun-beel chiangktakin ka mu, mitvaai zen a ka et leh nisuunbel kihong nalam diklou ahi chih ka thei. Ka lungsim anuam nawn kei. Bangmah dang sep ka uttha a suak nawn kei a. Innlam a pai kiik hoih ka sak ziakin ka sing saatsate "lou haal chiang a akaat louh nang" chiin ka koih hoih a, Inn lam a pai kiik diin ka hong kisa hi. Himahleh thil omdan bangmah theichianglou, ka ngaihtuahna a noplouh maimai ziak a inn lam a pai kiik ka sawm pe'n paching khat hingal a,,, chiin ka tawp kiik a, ka lou vatna taw a sih, sazuk khawngin ahong tat khaak leh ka va en himhim di chiin sih lam zuan in ka paisuk thak nawn hi.
Bangchidan ahia chih ka thei kei. Banghiam thil khat honse susuih om hiin ka thei a, innlam a pai kiik ka utna toh, sih a gamsa a-om lah gingta in ka lungsim a kisaikaak den a. Bangteng hileh chiin sih lam manoh in ka paisuk zel hi. Lamnawl a thianlei taiging maimai ka zaak chiang bangin thau a kaap dia lah hi hiallou ahih man in, kintak in ka tempawng ka lakhia a, khoih thei mai dia kimansa in ka om hi. Thil omdan ka theisiam kei, kum hichizah gamnuai ah ka hun kana zang a, sun vaak kia hilou, zanmial lak ale thawm lamdang taktak tamveipi kana zata, himahleh tuni suntanglai a thianlei thawm khawng maimai in hon kiguihsak chih mawk lamdang kasa petmah hi.
Ka lungsimbuai ahih man in thawmle diim sese lou in ka paisuk muatmuat a; sih ka tundek in sazuk nung thak mahmah ka mu pah hi "Tu mahmah a apaina ahi" chiin ka pilvang khonung a, pilvang tak a naihsuk in ka gal et phot zojen hi. Sawtlou singkung bul pansa a ka gal-et hangin bangmah ka muthei tuankei, ahihjiakin thawm bel ka za a, gamsa chu om ahi chih ka theichiang veve hi. Thawm diim kawm in ka naisuk zel a, amun ka tuntanin bangmah ka mu kei; tu mahmah inlah thawm ka za a, bang chidan hidi ahia, ka thawmzak diklou hia, kei a za tu diklou chiin munkhat ah ka ding dedu mai hi.
Huchia munkhat a ka ding dedu lai in kum nga (5) paita a thiltung ka lungsim ah ahonglang khe mawk hi. Hiai sih pe'n Pukham sihna mun ahi chih ka theikhia a, hiai mun a asachang lai in ngalkhat liam ava pai a, Pukham in huai ngalkhaat pe'n aliam ahi chihlam himhim a thei kei. Nihvei mahmah akap nung in sita'n te chiin a naih a, himahleh gilou hunlel dia mi kaapliam ngalkhaat in khovel a a thil huat pe'n mihing a tuakkha, lainatna tel hetlou in ana phil a; mun tampi a phil ahihmanin a liam nak mahmah mai. Pukham ruang pua a kuankha ka hih man in thil omdan ka theichiang a, ka mitkha' bang ah ahong lang dundun mai hi.
A sulnung uh ka et chia lah thak law mahmah ahih man in singkung lianlou khat ah ka kal tou a, sih lui kim khawng ka enkual hi. Huchia singkung a ka daak lai in, koi a hong kipan ahia chih theih louh in sazuk sihtui dawn a kunsuk lai ka mu hi. Lamdang bang kasa hial a, sun tanglai a ahichi ngal mawk chiin kap nachang le theilou in ka en maimah hi. Singkung apat thawm nei mahleng ahon en a, taisiat himhim a sawm kei. Huaiziak in keile ka lungsim ah "Kei adi mahmah a hong pai hinteh" chiin ataltang tak ah ka kaap hi.
Chiangtak in ka kap kha ahi chih ka thei. Himahleh ka thau law'ng ka hahsiang na dia sathau (oil) ka zat pe'n nul hul kha nawnlou ka hih man in akhu in ka mit ahon theh a, ka mit ka hakthei nawn kei, sawt kuam tak ka mit ka nuai in buaipih a, haksa tak in ka hak thei nawn hi. Ka hahkhiak toh kitawn in ka en pah a. Himahleh hichimai in bangmah ka mu kei, lamdang na e, kaap lah ka kaap kha ngal a,,, chia ka et thak velvel leh sazuk ka kaapna mun ah pitek khat tu in hehmel takin ahon en gemgum mawk hi. Huai pite'k le nidang a ka muh ngeilouh hileh thu tuam, ka inn kiang ua meithai, apasal Pukham in a sihsan tak ahi. A uut le dah a kou inn a hong khosa sek ahi. Huchia Piching mel huai gamnuai sih mun a ka muh mawk ziak in lamdang kasa a, pitek hiai tantan hongpai theilou di ahi chih ka theih ziak in ngaihsak ka sawm kei. Ka tuanna singkung apat kintakin ka kumkhia a innlam manoh in ka paikiik vengveng hi.
A tanchin zaw gennuam lua ahi kei. Aziakbel apasal Pukham sihnung teng lungsim veng tak a om chihni nei nawnlou, a ut le dah a khosa ahi a, kou inn kinaih chik a om ka hih ziak un tanau laina hikeimahle ung ka kipoh ua, a ut le ann ahong ne a, a-ut hunhun in ahong giak sek hi. Huchia amah inn sang a kou inn a khosa tamzaw ahih man in ka pa'n a room di khat a bawlsak a, huai ah a ut hunhun in ahon giak mai zel hi.
Atunglam in bel koule thil omdan theisiamlou ka hih chiang un ahong giahdi chiang khawng in ahong giahna ziak ka dongdong sek uh; himahleh, ahon hilh gigna nuam kei. Banghiam ziak hilou hileh hong giak mawklou di ahi chih ka theih ziak un ka dong teitei ua, aman le a tawp in "Na pukham in zan chiang a hong subuai gige sek a, nuamlou ahi, tai leng lah ka taina bangmah a ngailou, ann be'l sawk achiin toh, a taksa vot ngeek-nguuk toh ka kiang khawng ah ahong lum sek a, adamlai a ka pasal himahleh asi chih i theih nung a zaw nuam nawn lou hiveh,,," chi khawng in ahon gen a. Numei vuak thuak diin chu a nasa deuh mahmah ahi.
Apasal Pukham in kum nga (5) paita in ngalkhaat liam toh kisual in ana sihsan ta a, Pukham sihnung amah Piching le lungsim venglou in a-om hi. Akhenchiang bang in a kiang ah kuamah omkei mahleh mi houpih dan in apaupau sek a, a-omdan muh vuak inle a lauhuai dek phial sek hi. Midang in "Kua e na houpih?" chia adot chiang bang un "Hiai ah ka lawmte akivei sosouh ve uale, mulou uhmaw, na hetkha,,,,na siik kha dek,,," chih khong in a dawng a; himahleh, bangmah muhdi a-om ngei kei.
Zanitak ka mang khawng ngaihtuah in lungsim nuam lou pi'n ka pai zel; Piching tung a bang hiam tung hi mahmah inteh, huih nungdan lah saakhuih chih haih vuallouh, lungsim ah thildang a-om thei kei, Piching kia ngaihtuah in innlam manoh in ka pai hi. Thildang ngaihtuahna a hong lut mahmahlou ahihziakin thawm neu chik ka zaak chiang bang in ka kiguih zotzot zel a, lau chih di hihial kei mahleh nuamlou sakna khat ka nei hi.
Inn lam manohin ka pai jel a, lamkawi a ka pailai in lamsaklam ah thawm ahong om nawn a, himahleh khua gamla nawnlou ahih man in ken le bawng gamta khawng hi diin kagingta a, ka ngaihsak lawmlawm kei. Ka pai zel a, himahleh thawm in ahon naih deuhdeuh a, ka malam; lamlaai ah, metres 50 di khawng lel a nai ah sahang gilkial chih haihvuallouh in keilam nga a ana uitut lai ka mu hi. Mundangle en lou in keikia hon en a; a lei saupi a khakhia a, alei apat a chiltui khawng a tak doudou mai hi. "Khai aw,,, hiai sahang gilkial inle hon duhchina mahmah e! Tuni, nileng a ka lungsim ngaihtuahna a hong omte khawng kei tung a tung di ana ngaihtuah khawl ka hi maimah di e,,,, chiin ka kingaihtuah a, lauhna in ka pumdim hi.
"Kuahiam khat vaipai khawng hong om dia, mi 2/3 khawng ki-om leh hon lau deuh inteh," chiin keile munkhat ah ka ding hi. Midang hongpai di ngak in lamen tak in ka om a; nidang khawng hileh pasal ngamkuan kia genlouh; numei singpua khawng hong pai mahmah di hi ua, tuni bangchidan ahia, kuamah mel himhim muh di a-om kei, lungkham leh lau kawm in ka omna ah ka ding den a, a vangkim in sahang a paikhiak leh paikhiaklouh ka en zel hi. Huchihlai in sahang mel omdan ahong kikheng hiin ka thei a, ama a sahang hinapi sahangmel ah Piching mel ahong lang mawk hi. Nilah tum di hita, sahang inlah hon paikhiaksan sawm tuanlou, Lauhna apung deuhdeuh a, mangbang tak a ka om lai in pasal (pata) nih 2 vaipai ahong pai zenzen ua; amau ahong tun tak un Sahang gilkial inle mei pei velhvelh kawm in lamkhang ah ahon pialsan hi.
Ka tawnpihte pata toh lampai kawm in ka hong kihoulim ua, sunlam a kho-omdan khawng leh huih nungdan; van lam a nisunbel om dan khawng ka hon gen ua leh, amau le nileng a ngaih phalou tak kawm a nna sem uh ahih dan khawng hon gen sam uhi. Himahleh, ken bel ka sazuk kap na a ka thil tuah bangmah ka gen nuam kei. Pasal gamvakmi i hih chiang in i thil muh leh i thil tuah peuh genvek bangle a hoih louhna om thei chiin gen le ka sawm sese kei hi.
Sahang ka muhna uapat sawt kuamtak ka pai ua; khua mui pan chih in khawsung ka luut uhi. Khawnawl ah pasal naupang thum (3) vaidawn hi awmtak ana om ua, "Noule bang hih a om lailai na hia ua, khua mialta, pai hunta eive,,,," ka chih leh a pate uh gamkuan enkhia ahih dan uh ahon gen uhi.
Khosung ka luut un khua amialta, ka paipih pata te'n le ahon pialsan ua; kei le kou inn lam manoh in ka pai zel hi. Huchia ka inn lam uh manoh a ka pai lai in lamgei ah Piching mi varada light vak nuai ah dinglai chiang ngellou in ka mu hi. "Bang hih e, ann nekhinta maw,,,,?" chiin ka dong a, ka dotna ahong dawng kei. Paulou in ahon en a, paikhiak sandia ka kisak lai in; "Tuni hon kaap kha phial neivoi, hon kaap kha lechin zaw tua hon mukha nawn lou di hi chin a maw,,,,!" chiin ahon gen a, agen kawm bang in ahon nuihsan vevu zawmah hi. "Nangle na omdan diklou khat om ahi, hongpai dih ka inn lam uah i paiphei di" chiin aban a kaih sawm in ka naihphei hi. Himahleh bangmah ka mu nawn kei, mitphiat kaallouh in Piching le amang hiau a; thil omdan dik nawnlou ahi.
Bangmah genlou in ka pai zel ua; sun a ka thil tuahte'n ka lungsim a hon kam den, Piching le bangchi ahi dia aw, Diklouhna nei ahi dia aw,,,,? Chiin, inn ka lut phet in ka sungte kiang ah ka kan pah hi. Himahelh, ka sungte'n ahon ngaihsak kei ua, ka dotna hon dawng kuamah a-om kei uh. Ka kawlzalpi ka ngakhia a, singpi dawndia ka kisaklai in, Ka taptung ua Piching buuk teep a tu ka mu nawn hi, Buuk teep kawm a hon en in; sun a ka muh amel chiangtakin ka mu nawn hi. Ka thangpaihtha ahong suak a, den mahmah ale mu inga, tua bangchidan a hiai taptung a mu nawn zel ka hi dia aw,,,,, muanmohna apung deuhdeuh a, atawpin Ka singpi nou dawmlai tuanglai ah ka koih khia a, Piching diktak ahih leh hihlouh ka theihnop manin taptung ah ka tu tou hi. Piching mah ahi chih ka theih nungin chu; sunlam a ka thil tuah leh denlam a mi varanda kiaang a ka muh peen ka mitvai maimai eive chiin kei leh kei ka kine'm hi.
Himahleh ka thil muh bangmah genkhiak ka sawm khemkhem kei. Genkhiak a aphattuamna bangmah omlou; amah Piching ka muanmoh pe'n hoihjel ahih naak leh chiin, Singpi khawng ka dawn nawn a, singpi ka dawn khit in kisil diin bathroom ah ka luut hi. Kisil khin bathroom apat ka pawtkhiak leh Piching in taptung a buuk tep khu lalat kawm in keilam ahon en a, sahang gilkial mel hong kikheng lai a Pichingmel honglang toh huailai a ka muhdan a danglamna a-om kei hi. Nidang a ka kiang a a-om chiang a chiamnuih khawng gen a hon nui saksak hinapi huai nitaklam in ahihleh hon hehsan hileh kilawm in a om a, et le ahon en gina nuamkei, ka ngaihbel ziak hia, amel ah huatna honnei ahi chih ka mu hial hi. Huaiziakin ka ngaihtuahna apaisau mahmah mai, zannitak ka mumang bang; mumang maimai himahleh atak a hong tung diin gintakna lianpi ka nei hi.
Sun a ka gamkuanna ka gimsim ziak in nitak ann nekham sawt le tulou in lum diin ka kisa ngal a. Ka Pa'n Piching room dia a bawlsakna ahihleh kei room toh kizom ahi a; ahong giah leh giahlouh chiangtakin ka room apat ka theithei hi. Ahong giah chiang in lupna tung ah aphun den a, bang gen a kua toh kihoupih ahia ua chih kithei zoulou, lah zan khovakvak a pau den ahih man in a khenchiang bang in ka ning thei mahmah mai hi.
Tuzanle Piching hong giak dek ahi chih a thawm apat ka thei, room sung ah aphun den hi. Zannitak a ka mumang khawng leh sun lam a ka thiltuahte khawng ka ngaihtuah na ah ahong lang thak zel a, ka lungsim anuam het kei. Thildang bangmah ka lungsim ah a-om thei kei a, huchia lupna tung a ka kingaihtuah laiin ana ihmukha ka hi ngei dia, Piching room sung a thawm ging nouh-nouh in ahon phawng a, sana ka et leh zinglam daak 2 apelpan hi.
Bang thawm ahi mahmah a ahia awi,,,,chia ka thohkhiak leh ka room tukverh kihongsa in ana om a, tukverh khak diin ka kisa hi. Tukverh ka khak nalam ah vuah azu ahi chih ka thei a "Tu tapphou lailai a vuah ahichi zuk mawk, lou haal lah hundek mahmahta, tua vuah ahichi zuk mawk leh tu kum zaw lou le kinei theilou di ei ve,,,," chia kingaihtuah kawm in, thawm omna; Piching room lam manohin ka paiphei hi. HimahlehPiching room ka tunma in thawm ahong dai nawn a; bangmah hiken teh chiin ka room ah ka lut kiik nawn hi. Denlam a ka ihmut lai a ka mumang hia a taktak chih ka ngaihtuah a, ka room tukverh kihongsa a ana om pe'n le lamdang ka sa mahmah mai hi.
Su'n a Piching mel ka muh dan in, mulkimhuai takin ka room ah ahong luut a, ka mazawn a hongtu in lauhuaithei bang pe'n in ahong kibawlsiat khum hi. Huaikia hilou in ka tung ah ahong tu a, keilah tang theilou, kikou di ka chih chia lah kikou khe theilou; ka tung a tu kawm in su'n a thau a ka kaap dan khawng leh sahang ka muh pe'n amah ahihdan tengteng ahon gen hi. Mumanglam chih dia lah hilou; ataktak chih dia lah mumanglam mah bang, lungsim kimkhat a pil mahmah thou hi. Mumang a hichidan a i om chia khepi i taatsak leh pha ahi achih uh ka thei a, awlawl in ka khepi ka taatsak leh ka taksa zeng bangmai a ompe'n le ahong taang thei nawn hi.
Himahleh Piching ka tung a kei hon tutkhum pe'n a paikhe nai tuan kei, vuai li (4) lam mahmah paikhe dia ka sawl nungin le ahon paikhiaksan nuam kei a, atawp in kenle ka khe ka tawn tou a, a awm (chest) ah ka thaneih tengteng in ka tuan tou ek mawk hi. Huchia ka thaneih tengteng a ka tot leh ka khekhuantaw a tukverh ah naktak in akideng phei dot a, denlam zek a tukverh ka kalh pe'n lamdang takin ahong kihong a, huai tukverh kihong ah alengin aleng pawt thoh hi.
Mumang hia atak chihle ka theisiam kei, himahleh ka mumang ziakin hoihtakin ka khanglou nawn a, lupna tung ah ka kingngaihtuah den hi. Pichiang room ahihleh a dai mahmah mai, huchihlaiin ka innkhang lam uah natna thuak a thum huthut ging ka za hi. Ka mumang himahleh hichidan thil ka tuah ziakin ka ngaih aphathei kei a, vuah tam mahleh vuah zu nuai ah ka innkhang ua thawm omna lam manoh sawmin ka room ka pawtsan hi. Ka room kongkhak ka hong leh ka Nu toh ka kituakkha ua; ka thiltuah in ahon saklouh ziakin ka kiguih nak mahmah mai a, ka nu le a lauh ziakin ahong kikou khe hial hi.
Bangchidan a tu zan nungnung a ka nu'n ka room lam hong manoh ahia chih ka theisiam het kei, himahleh a poimoh mah mahlou a lah ka room sung a kuamah honglut ngeilou uh ahih manin leh zannung ahih manin ka lungsim anuam thei kei. Ka kituah guih ziak un ka nun le bangmah a gen zok thei kei, sawtsim tak bangmah genlou a ka kimaituahlai un ka Nu'n Piching pangkhang a kia ahihdan ahon hilh hi. Kintakin piching room ah ka tailut ngal a, lupna tung a piching sisan kai ningniang a lum ka mu hi. Ka thil muhin dan apatin vuahzu nuai a kawt ningniang in, sisan toh kipolh a tak susup kawm Piching lakkhiak uh ahi chih ka theichiang mahmah hi. Bang hih masak a; bang hih naknun di ahia chih ka thei kei.
Piching hongsi mawk leh keiziak a si hidi hia, himahleh ka mumang hia atak chihlah kei ngei inle ka theisiam pha kei. Lungsim a buaikia hilou in lauhna'n ka pumdim hi. Piching sisan pawt ziakin ka vante sisan in gimthaang in ahon namse sak mahmah a, amah liamnate apat sisan ahong kap takin keile ka van a sisan baang ahihziakin ka vante kheng diin room ah ka lut hi. Heeeihaaammm, ka room sung ka lut toh kiton in Piching liam thuak in ka lupna tung ah tu kawm a kei ana en gemgum lai ka mu hi. Ka lauh luat ziak in ka kikou khia a, himahleh lupna tung apat hong tawmkhia in ka kam ahong humsak hi.
Pichingin ka kam hong humsak ahihman in keile taalkhiak ka sawm a; himahleh, hichimai in ahon khah nuam kei. Pitek maimai in hichikhop a ahon letkip mawk lamdang kasa a, ka ngaihneep toh hu in ka zou tuan kei. Hon lenkiplua ahih man in keile taalkhiak sawm in ka kipeek a, Piching toh ka room sung ah zinglam dak thum (3) lak in kisual chu ka hipe'n mai uh. Huachia ka room sung a Piching toh ka kibuan lai un Piching room apat in thawm lamdang taktak ahong ging khia a, akaal lak ah ka nun ka min in ahon sam zel hi. Ka nu hon sapna thawm za mahleng bangmah ngaihsakthei ka hi kei. Sawtkuamtak ka kibuan nung keile ka tawlta mahmah mai, amahle gim kisa hia ahih chih ka thei kei. Awlawl in ahong zoi hiaihiai a, a taksa a zoi kia hilou in, a vot dekduk mai hi. Huchi'n ka gawl a ahon me'k na ahon khah a, keile ka chauh luat ziak in lupna tung ah ka puksuk nop a, ka mit hongvai a, khua bangmah mulou in, khaw phawklou in ka puuksuk hi.
Ka taksa ahong kisawi a, ka ettouh leh ka Nu kei hong phawng a ka kiang a mangbatmel tak a tu ka mu hi. Bangchi e,,,, thou ve,,,, na Pipi si eive,,,, chiin ahon gen a. Mit nuai kawm in ka thou khia a, ka kiang a Pichiang omdia ka gintak hangin a-om kei. Thil omdan ka theisiam ta. Zannitak ka mumang apat, ka gamkuanna leh tuzan tanpha hong kilaak a, a sihdi hon hilh sawm a hong kilaaklaak zaw himaithei hive'n maw, kenlah lauh di et a en in kana lau maimah a, keiziak a Piching in a hinna taan ei ve, tual thattu ka hi chiin Piching kha kiang ah a ngaihdamna ka ngen hi.
©Siamsinna leh Vakiangbu
A tanchin zaw gennuam lua ahikei. Aziakbel apasal ngalkhaat liam in a phillup nungteng lungsim veng tak a om chihni nei nawn lou, a ut le dah a khosa ahi a, kou inn kinaih chik a om ka hih ziak un tanau laina hikei mah le ung ka kipoh ua, a ut le ann ahong ne a, a-ut hunhun in ahong giak sek hi. Huchia amah inn sang a kou inn a khosa tamzaw ahih man in ka pa'n a room di khat a bawlsak a, huai ah a ut hunhun in ahon giak zel hi.
Tapphou awl-leen lai ahi a; zing ann nekham loubuuk van di tawm di chiin, kuankhiak ka sawm hi. Nidang a ka gam kuankhiak chiang a ka hih dan mah bangin, ka thau zatsiam khinpi taw'ng a ka koih, gul-ngaan pa bang mai a vom-ngil kel-kel ka lakhia a. Gam ka kuankhiak louhna sawt simta ahih man in inking khong a kaai khakleh chiin puansia in ka nul hiau-hiau hi. A lawng ah puansia tel (oil) a nuh kawt in ka thaulawng ah ka guang a, zannitak a ka mumang ka ngaihtuahna ah ahong lang dundun zomah hi.
Bang ka chi dia aw! Tuni ka nnasep na ah bang ka tuak dia aw,,,? Chia lungsim nuamlou tak a kingaihtuah kawm in gamnuai lam manoh in ka kuankhia a. Nidang toh kibanglou takin ni sa velvol mahleh saak huih hileh kilawm in huih anung huau-huau mai hi. Huai huih in a muut pulh lamgei a singnah luui-te'n a phung zuan in, nahthak hong sel khiate'n kipahna sang in dahna ahon tunzaw hiin ka thei. Ni sa vengvong nuai a the' haam nouhnouhte'n lah ka nnasep di ahon thazoisak mahmah mai a. Vaanlam ka et chiang in ka thazoi behlaptu diin ni suunbeel bang chiangtak in ahong lang zawmah hi. Sunlam chiang a thil tung di thei hileh kilawm in vasa haam lah zaak di a-om kei. Phetlou in mihing vaaikuan muhdi himhim a omkei zomah uhi. Himahleh lou haal lah hundek ta, buuk van di bangmah neih neinai lou ka hih ziak un thazoi kawm pipi in ka paizel a, dakkar khat (1) phial mahmah thawmhau kisa tak a ka pai nung in ka tupgam ka tung khawngkhawng hi.
Gam-maang kawm ah ka lutsuk zel a, abangin honsia ahia chih ka thei kei, thawm ging ka zaak zek chiangin lauhna in ahon tuam, ka mulsi bang ading sungsung hial hi. Ka omna guam gaal a vagik nahthel thaiging suatsuat leh, gaal lehlam mual a zou-ui haam khawng ka ngaikhia a, himahleh ka nnasep ka awlmoh ziak in vagik lei thai ging suatsuat leh ka gaal a zou-ui ham le ngaihsak man lou in nna ka sem hi. Huchihlai in ka khang chiit ah sakhi ahong hawk nawn a. Ka omna toh kinaai lua ahih man in ka kiguih naak mahmah mai, ka sisan lampi bang buai zou hiin ka thei hial a. Nidang a gamvak a, sa chang a kuan ngeilou le ka hikei, himahleh hichi khop a hon phawngtu bangmah ka tuahlam ka thei nai kei. Sakhi hawk ging maimai ziak a ki-guih ka hi maw,, chia kingaihtuah kawm in munkhat ah ka ding dedu a. Tuni thil omdan ka etet chiang in, mihing thawm lah zaak di om lou ahih chiah, gamsa lian tuak dia ki-gintakna ka neih ziak in sunnung lam chiang a ka lou vaatna taw a sih chang hoih ka sa zaw hi.
Tunglam ka en a, vanlaizawl ah muvaanlai haam a chiak nouhnouh; kha' jaap a leeng a kipeel souhsouhte kaal ah nisuun-beel chiangktakin ka mu, mitvaai zen a ka et leh nisuunbel kihong nalam diklou ahi chih ka thei. Ka lungsim anuam nawn kei. Bangmah dang sep ka uttha a suak nawn kei a. Innlam a pai kiik hoih ka sak ziakin ka sing saatsate "lou haal chiang a akaat louh nang" chiin ka koih hoih a, Inn lam a pai kiik diin ka hong kisa hi. Himahleh thil omdan bangmah theichianglou, ka ngaihtuahna a noplouh maimai ziak a inn lam a pai kiik ka sawm pe'n paching khat hingal a,,, chiin ka tawp kiik a, ka lou vatna taw a sih, sazuk khawngin ahong tat khaak leh ka va en himhim di chiin sih lam zuan in ka paisuk thak nawn hi.
Bangchidan ahia chih ka thei kei. Banghiam thil khat honse susuih om hiin ka thei a, innlam a pai kiik ka utna toh, sih a gamsa a-om lah gingta in ka lungsim a kisaikaak den a. Bangteng hileh chiin sih lam manoh in ka paisuk zel hi. Lamnawl a thianlei taiging maimai ka zaak chiang bangin thau a kaap dia lah hi hiallou ahih man in, kintak in ka tempawng ka lakhia a, khoih thei mai dia kimansa in ka om hi. Thil omdan ka theisiam kei, kum hichizah gamnuai ah ka hun kana zang a, sun vaak kia hilou, zanmial lak ale thawm lamdang taktak tamveipi kana zata, himahleh tuni suntanglai a thianlei thawm khawng maimai in hon kiguihsak chih mawk lamdang kasa petmah hi.
Ka lungsimbuai ahih man in thawmle diim sese lou in ka paisuk muatmuat a; sih ka tundek in sazuk nung thak mahmah ka mu pah hi "Tu mahmah a apaina ahi" chiin ka pilvang khonung a, pilvang tak a naihsuk in ka gal et phot zojen hi. Sawtlou singkung bul pansa a ka gal-et hangin bangmah ka muthei tuankei, ahihjiakin thawm bel ka za a, gamsa chu om ahi chih ka theichiang veve hi. Thawm diim kawm in ka naisuk zel a, amun ka tuntanin bangmah ka mu kei; tu mahmah inlah thawm ka za a, bang chidan hidi ahia, ka thawmzak diklou hia, kei a za tu diklou chiin munkhat ah ka ding dedu mai hi.
Huchia munkhat a ka ding dedu lai in kum nga (5) paita a thiltung ka lungsim ah ahonglang khe mawk hi. Hiai sih pe'n Pukham sihna mun ahi chih ka theikhia a, hiai mun a asachang lai in ngalkhat liam ava pai a, Pukham in huai ngalkhaat pe'n aliam ahi chihlam himhim a thei kei. Nihvei mahmah akap nung in sita'n te chiin a naih a, himahleh gilou hunlel dia mi kaapliam ngalkhaat in khovel a a thil huat pe'n mihing a tuakkha, lainatna tel hetlou in ana phil a; mun tampi a phil ahihmanin a liam nak mahmah mai. Pukham ruang pua a kuankha ka hih man in thil omdan ka theichiang a, ka mitkha' bang ah ahong lang dundun mai hi.
A sulnung uh ka et chia lah thak law mahmah ahih man in singkung lianlou khat ah ka kal tou a, sih lui kim khawng ka enkual hi. Huchia singkung a ka daak lai in, koi a hong kipan ahia chih theih louh in sazuk sihtui dawn a kunsuk lai ka mu hi. Lamdang bang kasa hial a, sun tanglai a ahichi ngal mawk chiin kap nachang le theilou in ka en maimah hi. Singkung apat thawm nei mahleng ahon en a, taisiat himhim a sawm kei. Huaiziak in keile ka lungsim ah "Kei adi mahmah a hong pai hinteh" chiin ataltang tak ah ka kaap hi.
Chiangtak in ka kap kha ahi chih ka thei. Himahleh ka thau law'ng ka hahsiang na dia sathau (oil) ka zat pe'n nul hul kha nawnlou ka hih man in akhu in ka mit ahon theh a, ka mit ka hakthei nawn kei, sawt kuam tak ka mit ka nuai in buaipih a, haksa tak in ka hak thei nawn hi. Ka hahkhiak toh kitawn in ka en pah a. Himahleh hichimai in bangmah ka mu kei, lamdang na e, kaap lah ka kaap kha ngal a,,, chia ka et thak velvel leh sazuk ka kaapna mun ah pitek khat tu in hehmel takin ahon en gemgum mawk hi. Huai pite'k le nidang a ka muh ngeilouh hileh thu tuam, ka inn kiang ua meithai, apasal Pukham in a sihsan tak ahi. A uut le dah a kou inn a hong khosa sek ahi. Huchia Piching mel huai gamnuai sih mun a ka muh mawk ziak in lamdang kasa a, pitek hiai tantan hongpai theilou di ahi chih ka theih ziak in ngaihsak ka sawm kei. Ka tuanna singkung apat kintakin ka kumkhia a innlam manoh in ka paikiik vengveng hi.
A tanchin zaw gennuam lua ahi kei. Aziakbel apasal Pukham sihnung teng lungsim veng tak a om chihni nei nawnlou, a ut le dah a khosa ahi a, kou inn kinaih chik a om ka hih ziak un tanau laina hikeimahle ung ka kipoh ua, a ut le ann ahong ne a, a-ut hunhun in ahong giak sek hi. Huchia amah inn sang a kou inn a khosa tamzaw ahih man in ka pa'n a room di khat a bawlsak a, huai ah a ut hunhun in ahon giak mai zel hi.
Atunglam in bel koule thil omdan theisiamlou ka hih chiang un ahong giahdi chiang khawng in ahong giahna ziak ka dongdong sek uh; himahleh, ahon hilh gigna nuam kei. Banghiam ziak hilou hileh hong giak mawklou di ahi chih ka theih ziak un ka dong teitei ua, aman le a tawp in "Na pukham in zan chiang a hong subuai gige sek a, nuamlou ahi, tai leng lah ka taina bangmah a ngailou, ann be'l sawk achiin toh, a taksa vot ngeek-nguuk toh ka kiang khawng ah ahong lum sek a, adamlai a ka pasal himahleh asi chih i theih nung a zaw nuam nawn lou hiveh,,," chi khawng in ahon gen a. Numei vuak thuak diin chu a nasa deuh mahmah ahi.
Apasal Pukham in kum nga (5) paita in ngalkhaat liam toh kisual in ana sihsan ta a, Pukham sihnung amah Piching le lungsim venglou in a-om hi. Akhenchiang bang in a kiang ah kuamah omkei mahleh mi houpih dan in apaupau sek a, a-omdan muh vuak inle a lauhuai dek phial sek hi. Midang in "Kua e na houpih?" chia adot chiang bang un "Hiai ah ka lawmte akivei sosouh ve uale, mulou uhmaw, na hetkha,,,,na siik kha dek,,," chih khong in a dawng a; himahleh, bangmah muhdi a-om ngei kei.
Zanitak ka mang khawng ngaihtuah in lungsim nuam lou pi'n ka pai zel; Piching tung a bang hiam tung hi mahmah inteh, huih nungdan lah saakhuih chih haih vuallouh, lungsim ah thildang a-om thei kei, Piching kia ngaihtuah in innlam manoh in ka pai hi. Thildang ngaihtuahna a hong lut mahmahlou ahihziakin thawm neu chik ka zaak chiang bang in ka kiguih zotzot zel a, lau chih di hihial kei mahleh nuamlou sakna khat ka nei hi.
Inn lam manohin ka pai jel a, lamkawi a ka pailai in lamsaklam ah thawm ahong om nawn a, himahleh khua gamla nawnlou ahih man in ken le bawng gamta khawng hi diin kagingta a, ka ngaihsak lawmlawm kei. Ka pai zel a, himahleh thawm in ahon naih deuhdeuh a, ka malam; lamlaai ah, metres 50 di khawng lel a nai ah sahang gilkial chih haihvuallouh in keilam nga a ana uitut lai ka mu hi. Mundangle en lou in keikia hon en a; a lei saupi a khakhia a, alei apat a chiltui khawng a tak doudou mai hi. "Khai aw,,, hiai sahang gilkial inle hon duhchina mahmah e! Tuni, nileng a ka lungsim ngaihtuahna a hong omte khawng kei tung a tung di ana ngaihtuah khawl ka hi maimah di e,,,, chiin ka kingaihtuah a, lauhna in ka pumdim hi.
"Kuahiam khat vaipai khawng hong om dia, mi 2/3 khawng ki-om leh hon lau deuh inteh," chiin keile munkhat ah ka ding hi. Midang hongpai di ngak in lamen tak in ka om a; nidang khawng hileh pasal ngamkuan kia genlouh; numei singpua khawng hong pai mahmah di hi ua, tuni bangchidan ahia, kuamah mel himhim muh di a-om kei, lungkham leh lau kawm in ka omna ah ka ding den a, a vangkim in sahang a paikhiak leh paikhiaklouh ka en zel hi. Huchihlai in sahang mel omdan ahong kikheng hiin ka thei a, ama a sahang hinapi sahangmel ah Piching mel ahong lang mawk hi. Nilah tum di hita, sahang inlah hon paikhiaksan sawm tuanlou, Lauhna apung deuhdeuh a, mangbang tak a ka om lai in pasal (pata) nih 2 vaipai ahong pai zenzen ua; amau ahong tun tak un Sahang gilkial inle mei pei velhvelh kawm in lamkhang ah ahon pialsan hi.
Ka tawnpihte pata toh lampai kawm in ka hong kihoulim ua, sunlam a kho-omdan khawng leh huih nungdan; van lam a nisunbel om dan khawng ka hon gen ua leh, amau le nileng a ngaih phalou tak kawm a nna sem uh ahih dan khawng hon gen sam uhi. Himahleh, ken bel ka sazuk kap na a ka thil tuah bangmah ka gen nuam kei. Pasal gamvakmi i hih chiang in i thil muh leh i thil tuah peuh genvek bangle a hoih louhna om thei chiin gen le ka sawm sese kei hi.
Sahang ka muhna uapat sawt kuamtak ka pai ua; khua mui pan chih in khawsung ka luut uhi. Khawnawl ah pasal naupang thum (3) vaidawn hi awmtak ana om ua, "Noule bang hih a om lailai na hia ua, khua mialta, pai hunta eive,,,," ka chih leh a pate uh gamkuan enkhia ahih dan uh ahon gen uhi.
Khosung ka luut un khua amialta, ka paipih pata te'n le ahon pialsan ua; kei le kou inn lam manoh in ka pai zel hi. Huchia ka inn lam uh manoh a ka pai lai in lamgei ah Piching mi varada light vak nuai ah dinglai chiang ngellou in ka mu hi. "Bang hih e, ann nekhinta maw,,,,?" chiin ka dong a, ka dotna ahong dawng kei. Paulou in ahon en a, paikhiak sandia ka kisak lai in; "Tuni hon kaap kha phial neivoi, hon kaap kha lechin zaw tua hon mukha nawn lou di hi chin a maw,,,,!" chiin ahon gen a, agen kawm bang in ahon nuihsan vevu zawmah hi. "Nangle na omdan diklou khat om ahi, hongpai dih ka inn lam uah i paiphei di" chiin aban a kaih sawm in ka naihphei hi. Himahleh bangmah ka mu nawn kei, mitphiat kaallouh in Piching le amang hiau a; thil omdan dik nawnlou ahi.
Bangmah genlou in ka pai zel ua; sun a ka thil tuahte'n ka lungsim a hon kam den, Piching le bangchi ahi dia aw, Diklouhna nei ahi dia aw,,,,? Chiin, inn ka lut phet in ka sungte kiang ah ka kan pah hi. Himahelh, ka sungte'n ahon ngaihsak kei ua, ka dotna hon dawng kuamah a-om kei uh. Ka kawlzalpi ka ngakhia a, singpi dawndia ka kisaklai in, Ka taptung ua Piching buuk teep a tu ka mu nawn hi, Buuk teep kawm a hon en in; sun a ka muh amel chiangtakin ka mu nawn hi. Ka thangpaihtha ahong suak a, den mahmah ale mu inga, tua bangchidan a hiai taptung a mu nawn zel ka hi dia aw,,,,, muanmohna apung deuhdeuh a, atawpin Ka singpi nou dawmlai tuanglai ah ka koih khia a, Piching diktak ahih leh hihlouh ka theihnop manin taptung ah ka tu tou hi. Piching mah ahi chih ka theih nungin chu; sunlam a ka thil tuah leh denlam a mi varanda kiaang a ka muh peen ka mitvai maimai eive chiin kei leh kei ka kine'm hi.
Himahleh ka thil muh bangmah genkhiak ka sawm khemkhem kei. Genkhiak a aphattuamna bangmah omlou; amah Piching ka muanmoh pe'n hoihjel ahih naak leh chiin, Singpi khawng ka dawn nawn a, singpi ka dawn khit in kisil diin bathroom ah ka luut hi. Kisil khin bathroom apat ka pawtkhiak leh Piching in taptung a buuk tep khu lalat kawm in keilam ahon en a, sahang gilkial mel hong kikheng lai a Pichingmel honglang toh huailai a ka muhdan a danglamna a-om kei hi. Nidang a ka kiang a a-om chiang a chiamnuih khawng gen a hon nui saksak hinapi huai nitaklam in ahihleh hon hehsan hileh kilawm in a om a, et le ahon en gina nuamkei, ka ngaihbel ziak hia, amel ah huatna honnei ahi chih ka mu hial hi. Huaiziakin ka ngaihtuahna apaisau mahmah mai, zannitak ka mumang bang; mumang maimai himahleh atak a hong tung diin gintakna lianpi ka nei hi.
Sun a ka gamkuanna ka gimsim ziak in nitak ann nekham sawt le tulou in lum diin ka kisa ngal a. Ka Pa'n Piching room dia a bawlsakna ahihleh kei room toh kizom ahi a; ahong giah leh giahlouh chiangtakin ka room apat ka theithei hi. Ahong giah chiang in lupna tung ah aphun den a, bang gen a kua toh kihoupih ahia ua chih kithei zoulou, lah zan khovakvak a pau den ahih man in a khenchiang bang in ka ning thei mahmah mai hi.
Tuzanle Piching hong giak dek ahi chih a thawm apat ka thei, room sung ah aphun den hi. Zannitak a ka mumang khawng leh sun lam a ka thiltuahte khawng ka ngaihtuah na ah ahong lang thak zel a, ka lungsim anuam het kei. Thildang bangmah ka lungsim ah a-om thei kei a, huchia lupna tung a ka kingaihtuah laiin ana ihmukha ka hi ngei dia, Piching room sung a thawm ging nouh-nouh in ahon phawng a, sana ka et leh zinglam daak 2 apelpan hi.
Bang thawm ahi mahmah a ahia awi,,,,chia ka thohkhiak leh ka room tukverh kihongsa in ana om a, tukverh khak diin ka kisa hi. Tukverh ka khak nalam ah vuah azu ahi chih ka thei a "Tu tapphou lailai a vuah ahichi zuk mawk, lou haal lah hundek mahmahta, tua vuah ahichi zuk mawk leh tu kum zaw lou le kinei theilou di ei ve,,,," chia kingaihtuah kawm in, thawm omna; Piching room lam manohin ka paiphei hi. HimahlehPiching room ka tunma in thawm ahong dai nawn a; bangmah hiken teh chiin ka room ah ka lut kiik nawn hi. Denlam a ka ihmut lai a ka mumang hia a taktak chih ka ngaihtuah a, ka room tukverh kihongsa a ana om pe'n le lamdang ka sa mahmah mai hi.
Su'n a Piching mel ka muh dan in, mulkimhuai takin ka room ah ahong luut a, ka mazawn a hongtu in lauhuaithei bang pe'n in ahong kibawlsiat khum hi. Huaikia hilou in ka tung ah ahong tu a, keilah tang theilou, kikou di ka chih chia lah kikou khe theilou; ka tung a tu kawm in su'n a thau a ka kaap dan khawng leh sahang ka muh pe'n amah ahihdan tengteng ahon gen hi. Mumanglam chih dia lah hilou; ataktak chih dia lah mumanglam mah bang, lungsim kimkhat a pil mahmah thou hi. Mumang a hichidan a i om chia khepi i taatsak leh pha ahi achih uh ka thei a, awlawl in ka khepi ka taatsak leh ka taksa zeng bangmai a ompe'n le ahong taang thei nawn hi.
Himahleh Piching ka tung a kei hon tutkhum pe'n a paikhe nai tuan kei, vuai li (4) lam mahmah paikhe dia ka sawl nungin le ahon paikhiaksan nuam kei a, atawp in kenle ka khe ka tawn tou a, a awm (chest) ah ka thaneih tengteng in ka tuan tou ek mawk hi. Huchia ka thaneih tengteng a ka tot leh ka khekhuantaw a tukverh ah naktak in akideng phei dot a, denlam zek a tukverh ka kalh pe'n lamdang takin ahong kihong a, huai tukverh kihong ah alengin aleng pawt thoh hi.
Mumang hia atak chihle ka theisiam kei, himahleh ka mumang ziakin hoihtakin ka khanglou nawn a, lupna tung ah ka kingngaihtuah den hi. Pichiang room ahihleh a dai mahmah mai, huchihlaiin ka innkhang lam uah natna thuak a thum huthut ging ka za hi. Ka mumang himahleh hichidan thil ka tuah ziakin ka ngaih aphathei kei a, vuah tam mahleh vuah zu nuai ah ka innkhang ua thawm omna lam manoh sawmin ka room ka pawtsan hi. Ka room kongkhak ka hong leh ka Nu toh ka kituakkha ua; ka thiltuah in ahon saklouh ziakin ka kiguih nak mahmah mai a, ka nu le a lauh ziakin ahong kikou khe hial hi.
Bangchidan a tu zan nungnung a ka nu'n ka room lam hong manoh ahia chih ka theisiam het kei, himahleh a poimoh mah mahlou a lah ka room sung a kuamah honglut ngeilou uh ahih manin leh zannung ahih manin ka lungsim anuam thei kei. Ka kituah guih ziak un ka nun le bangmah a gen zok thei kei, sawtsim tak bangmah genlou a ka kimaituahlai un ka Nu'n Piching pangkhang a kia ahihdan ahon hilh hi. Kintakin piching room ah ka tailut ngal a, lupna tung a piching sisan kai ningniang a lum ka mu hi. Ka thil muhin dan apatin vuahzu nuai a kawt ningniang in, sisan toh kipolh a tak susup kawm Piching lakkhiak uh ahi chih ka theichiang mahmah hi. Bang hih masak a; bang hih naknun di ahia chih ka thei kei.
Piching hongsi mawk leh keiziak a si hidi hia, himahleh ka mumang hia atak chihlah kei ngei inle ka theisiam pha kei. Lungsim a buaikia hilou in lauhna'n ka pumdim hi. Piching sisan pawt ziakin ka vante sisan in gimthaang in ahon namse sak mahmah a, amah liamnate apat sisan ahong kap takin keile ka van a sisan baang ahihziakin ka vante kheng diin room ah ka lut hi. Heeeihaaammm, ka room sung ka lut toh kiton in Piching liam thuak in ka lupna tung ah tu kawm a kei ana en gemgum lai ka mu hi. Ka lauh luat ziak in ka kikou khia a, himahleh lupna tung apat hong tawmkhia in ka kam ahong humsak hi.
Pichingin ka kam hong humsak ahihman in keile taalkhiak ka sawm a; himahleh, hichimai in ahon khah nuam kei. Pitek maimai in hichikhop a ahon letkip mawk lamdang kasa a, ka ngaihneep toh hu in ka zou tuan kei. Hon lenkiplua ahih man in keile taalkhiak sawm in ka kipeek a, Piching toh ka room sung ah zinglam dak thum (3) lak in kisual chu ka hipe'n mai uh. Huachia ka room sung a Piching toh ka kibuan lai un Piching room apat in thawm lamdang taktak ahong ging khia a, akaal lak ah ka nun ka min in ahon sam zel hi. Ka nu hon sapna thawm za mahleng bangmah ngaihsakthei ka hi kei. Sawtkuamtak ka kibuan nung keile ka tawlta mahmah mai, amahle gim kisa hia ahih chih ka thei kei. Awlawl in ahong zoi hiaihiai a, a taksa a zoi kia hilou in, a vot dekduk mai hi. Huchi'n ka gawl a ahon me'k na ahon khah a, keile ka chauh luat ziak in lupna tung ah ka puksuk nop a, ka mit hongvai a, khua bangmah mulou in, khaw phawklou in ka puuksuk hi.
Ka taksa ahong kisawi a, ka ettouh leh ka Nu kei hong phawng a ka kiang a mangbatmel tak a tu ka mu hi. Bangchi e,,,, thou ve,,,, na Pipi si eive,,,, chiin ahon gen a. Mit nuai kawm in ka thou khia a, ka kiang a Pichiang omdia ka gintak hangin a-om kei. Thil omdan ka theisiam ta. Zannitak ka mumang apat, ka gamkuanna leh tuzan tanpha hong kilaak a, a sihdi hon hilh sawm a hong kilaaklaak zaw himaithei hive'n maw, kenlah lauh di et a en in kana lau maimah a, keiziak a Piching in a hinna taan ei ve, tual thattu ka hi chiin Piching kha kiang ah a ngaihdamna ka ngen hi.
©Siamsinna leh Vakiangbu
Comments
Post a Comment