SIKHA MEISEL DE

~Biak Sang Valte

Ka khua ua pan gamla sim (dakkal thum khong lam paina) ah Laam Mual ka chih na uh gam khat om hi.Mual thupi lua ahi kei a himahleh asiang kei mahmah hi.Kum teng in mi ki hih liam kha leh sihna tanpha tuak om gige hi.Nitak chiang in meisel ki de vak pheng phung sek hi.Mikhual a mu kha te khong in landang sa thei mahmah uhi.Khat vei ka Papi khopi apan hong zin a gamvak ut ahih dan ahon gen a,ken ka zuih ngai di ahihman in kana guk lit sim mahmah hi.Azing in ka Thau zat di'uh leh apoimoh teng ka kaih khop khit un zing ann nekhin in kahong ki pan khe ta uhi....

Mi gamvak di nitaklam a kipan khe sek himah le uh kou zing ann nekhin kipan kahihman un mi'n lamdang sa in ahon en ut mahmah uhi.Ahi tak in ka Papi gam thei khollou ahihman a ka zing pawt pih ahi.Huchia sawtsim tak kahong pai nung un sa ta'ang na dia hoih mahmah mun ka tung ta uhi.Huchi'in panmun di khong bawl in chiamnuih khong gen in ka nui nilouh uhi.Huchi'n panmun di ka bawl zawh uh,ken a Mual lai zang a Sih Dil ta'ng di'n ka pai san a,kaki ngakna di mun uh ka gen zoh in kahong ki khen ta uhi.

Sawtlou kahong pai nung in khua ahong mial ta a,ka sa ta'ng na di mun ka tung ta hi.A Dil gei a sing kung lianlou om hiven ka kal tou a pan mun di ka bawl hi.Huchi'n meitep khawl na thupi tak kahon nei a,huaizoh in sa hong pai di lamen in kiging sa in ka omta hi.A Dil tui ngen en kahihman in hon khim hi'in ka thei hi.A khen chiang in ka singkung tuangna puk dek hileh kilawm in ka thei hi.Keileng sawtlou ka mitsi a,huchih kal in thawmging ka hon za ta hi.Kei leng awl in ka thau ka le'n kip a kap dia mansa in ka omta hi.Huchi'n Ngal loupa kawm apan ahong suak suk a tui dawn din ahong kisa ta hi.Ken leng ngim vengveng a ka kap leh kakap kha kei a,khat chauh kasak leh alang lang ah a tai ging zelzul uhi.

Keileng lung ke lou in ka pang nawn a ,sawtlou nung in a nou ngen bangjah hiam ahong suak khe nawn uhi.Ka kap ut nawn kei a, ka et thoh hi.Ka omba mun thei uh hileh kilawmtak in tui a dawnzoh un ka tuangna singkung lam ahon en ua a tai mang uhi .Kei leng kalung a nuam nawn kholkei a ,pai di lah hi deuh lou sa mat lah uthuai zel.A tawp in pai di ka ngaihtuah ta hi.Huchih laitak in thawm ging ka za nawn a kenleng kathau toh ngim kawm a ka ngak leh sa liansimtak ahong suak khe nawn a kakap leh ka thau a ging thei kei hi.Lausim kahihman in nak leng nak ngamlou in sawtlou ka om hi.Ka mitsi kawm kahihman in kahong hak khuat leh ja sa muh ana omnawn kei a kei leng kik a kin in ka kum khe ta hi.KaPapi

Keileng lung ke lou in ka pang nawn a ,sawtlou nung in a nou ngen bangjah hiam ahong suak khe nawn uhi.Ka kap ut nawn kei a, ka et thoh hi.Ka omba mun thei uh hileh kilawmtak in tui a dawnzoh un ka tuangna singkung lam ahon en ua a tai mang uhi .Kei leng kalung a nuam nawn kholkei a ,pai di lah hi deuh lou sa mat lah uthuai zel.A tawp in pai di ka ngaihtuah ta hi.Huchih laitak in thawm ging ka za nawn a kenleng kathau toh ngim kawm a ka ngak leh sa liansimtak ahong suak khe nawn a kakap leh ka thau a ging thei kei hi.Lausim kahihman in nak leng nak ngamlou in sawtlou ka om hi.Ka mitsi kawm kahihman in kahong hak khuat leh ja sa muh ana omnawn kei a kei leng kik a kin in ka kum khe ta hi.Ka Papi toh kingak dia ka genna mun uh zuan in kahong pai ta hi.Thil ging zak di lah tam ahihman in ka kuan khak bang kaki sik sim mahmah hi.Huchih lai in ka khetul a hong ki sui a ken leng"pai masa in"chia ka pai sak leh kei bangbang a sakhaupi toh thau kuah ahong pai khia hi.Kei leng lau kawmkawm in ka delh bawl a lamkoi a tun in delh phal di ahi nawn ta kei hi.Ka hat pai deuhdeuh a ka kingakna di mun uh kahong tung ta hi.Sawtlou ka ngak a a thawm di himhim ka zak louh man in ama satang na lam zuan in ka pai ta hi.Huchi'in mun khat ah ka mi khat toh kaki tuak ua,ka houpih chiang in ahon dawng het kei hi.A mel lah ka Papi bang lah pau hetlou ahihman in sawlou ka zuih a ,ka khol ta hi.

Amah leng a khol a ,ka naih phei leh a kiang ka tun in a mai chauh ana hi a,a pum lam muh ding omlou ahihman in pau tam hetlou in ka papi omna lam ka manoh san hi.A tawp in ka Papi sa ta'ng na ka tung a,ana paisan ahih lam ka thei ta hi.Keileng kaheh tha suah toh ka lauh toh giah mai ka ut a himahleh giah kuan mawk lou kahihman in inlam manoh in kahong kipan khe ta hi.Sawtlou ka pai nung in ka ma ah mi let a lian pai ka mu awl in ka zuita hi.Lam khang ah ahon pial khiat san a huai zoh phet in vuah tampi a hong zu ta hi.Khua lah mial a mial mai ahihman in ka paina ding leng ka mu khop mahmah hi.A chang in kanung ah hon sawn khong on in ka thei a,lam khang khong ah ka ki tolh khe zel hi.Sing bul len khong in ka kal tou zel a,achang in mi khe khong peuh ka len kha zel hi.Ka manglam khong hileh kilawm in ka thei hi.Huchi'n ka khaw nawl uh kahong tung a vuah leng a hong theu ta hi.Inn ka tung in ka Papi ana tung naikei a,lamdang sa sim kawm a ka gamvakna lam uh ka gal et leh meisel de ka mu a hong tung hak nawn ken te chi'n kaki sil a mei lum ka awi san hi.

Huchia sawtsim ka ngak nung in ka Papi ahong tung tuankei a,kei leng lunghimoh sim in ka khosung heutute kava ba'n phong a,va gam zong didan kahon thukim ta uhi.Khosung a Tangval teng toh ka kuan kheta uhi.Amasa pen in a sa ta'ng na mun ka zuan ua,huai apan a kiang bang tan hiam ka ban dap kual uhi.Himahleh a sulnung bangmah muh ding a omkei hi.A chang in kaki kou zel ua hon dawng kik ding zak bangmah ka neikei uhi.A tawp in paikik mai a zingkal a gamzong di'n thu kon khen ta uhi.Inn ka tun kik un zan a sawt sim mahmah ta a,gimsim ka diam ah ka lum pah hi.Ka ihmu thei zozen kei a,ka tha gim toh kalung gim toh kuamah theihlouh in ka genthei mahmah hi.Atawp in ka ihmu khong a ,sawt leng ihmu manlou in khua ahong vak a,khosung vaihawmte'n ahong phawng ua,khosung mipi'n kizong sawm ahih dan ahon hilh uhi.Huchi'n zing ann nekhin mun khat ah kaki ngak khawm ta uhi.Khosung vaihawmte ahong tun un seh Li akikhen ngai di ahihdan ahon gen uhi.Huchi'n nek lam saiding mi Nga a kik sak ua,adang teng gamlam manoh in ka kikhen ta uhi.Sun khua in ka zong ua bangmah muh ka neikei uhi.Nitaklam ni ne'm ta chih ding in tangval khat ka kiang uah ahong pai a muta uh ahih dan ahon hilh hi.Kou leng amah,(ka papi)omna lam ka zuan pah vengveng uhi.Sau simtak ka pai nung un ka amun ka tung ua amu te'n apuakna di bang ana bawl khin ta uhi.Huchi'n innlam kahon zuan ta uhi.Ka Papi pen ana gimsim mahmah a,ann pua lah omlou kahih man un ka piak theihsun uchuh tui ahi mai hi.Ki puak khek jel in atawp in kahong tung ta uhi.Inn ah mi ana tam mahmah a,kakipah luat ziak in ka mittui bang a luang hial hi.Ann tamlou ka nesak ua,glucose ka khai ngal uhi.Huchi'n ahong halh deuh a bang thil tung hiam?,chih ngaih tuah kawm in ahon gen ta hi.

"Nitak dak 8 khong ahi in ka thei a,ka sa ta'ng na mun ah thom ging ka za hi.Keile kap dia ki mansa in ka om a,ka muh toh ki ton in ka kap a,himah leh ka thau a ging kei hi.Vok nou chiah ngou petmah ahi a,himah leh a gim se petmah hi.A nung ah mihing bangbang let a lian in a zui hi.Huai tan hoih deuh in ka thei a,aban kamang theih ta hi.Lampi a phei ngen ah kana pai a,a chang in denlam a kamuh ganhing pai kamu zel hi .Sawtlou ka pai nung in dawr khat ah an ka ne a ,Nungak mel a mel hoih in an ahon pia hi.Huai Nungak a chang in voknou a suak zel a ,inn nuai khong ah a va lut zel hi.Huchia ka omlai in migilou hi'in ka thei a hon thah sawm ua,keileng ka ann nekna a Nungak in ahon taipih ta hi.Huai migiloute'n teipi khong toh ahon delh zui ua ,himahleh ahon pha zou kei uhi.A chang in inn sawng sa'ng pipi khong ah kana kal hi.Atung ka tun chiang in aba'n a om zel a a bei thei kei hi.Huai Nungak hon taipihnu'n leng ahon taisan ta a,huai zoh zawtlou in ka gim petmah a hi.Huchi'n Damdawi inn ah ki ensak in ka om a ,ka gei ah singkungte khong ka mu thei hi.Huai singkung te ahong puk suk ua ahon delh kha dekdek uhi.Kei leng ka gim petmah a ,khophawk lou in ka omta hi.Sawtsimtak huchia ka om nung in ka min a hong kisam kaza guih a ka khanglou hi.Ka thou khia a ,ka omna mun lamdang kasa mahmah hi.Lui guam lianlousung ah kana om a,ka khanglam ka et chiah lah ngakik(tui kikhoh khiatna) sa'ng simtak a om a,ka ki'im ka pam lah loupa mipai ngeilouhna kuul petmah a om hi.Huchia lungbuaitak a ka omlai in ka min a hong kisam kaza chiaichiai a kenleng ka aw neih tengteng a kikou in ka dawng hi.Huai kikou te ka omna ahong tun un kana gim mahmah ta a,pau leng ka pau peih nawn kei hi.Huchi'n ka ihmu a ka khangloh leh lupna tung ah kana om ta hi."chi'in a gen a ,huai zoh in nitak ann nek hun ta ahihman in ka Papi leng an nedi'n ahong tu suah hi.Nitak nungak hel dia pawt di kachih leh ka Papi ka pawt san ut louh ziak in inn ah ka om a,ka window ua pan ka gamvakna uh ka gaal dot ua a gal a SIKHA MEISEL DE te en kawm in kihou tamlou in ka om ua, a tawp in ka ihmut san ta uhi....

BEITA

©Siamsinna leh Vakiangbu