ZINGCHIAH LAWMTE I DONG MAI DIAM?

By ~ Gl Samte

(A poi pha lou chiang hi din ngaile, lungsim sukharh na'ng in ka nupi/ji neih dan kon post di)

 

ZEILOU TUAK

Itna leh kigintuahna ka ngai poimoh pen ua, hiai gel a khatzawsam sam hong niamkiat chiah kizopna a se jel chih ka thei ua, a dang ka thei tam kei uh. Nungak leh tangval ka hihman un Itna ka kipetuah tei ua, midang bang in mun kawmbu ka juan ngeikei ua, ka nui khawm ua, ka pau khawm maimai zel uhi. Kei a din a chin mahmah a, a melhoih dan zaw gen kei lawlaw leng chiang zaw din ka ging. A biangsum kia le haichilh tham ahi.

Kum 3 bang ki zui ta ka hi ua, sungte'n nupi nei dia hon sawl sim tak ziak un ken le kineih ka ut thu gen din a inn lam uh ka zuan hi.

Moi, ei gel le ikizui sawt ta thou a, mi'n le iki ngaihzawng lam hon thei thou ua, iki nei ta mai diam? Kinei keile mi'n hai hon sa law kha dua, Pathian in le hon gawt kha di' Ka chi a, aman le " hi e, midang khawng nei ringot le mi'n hon nuihsan vur vur di eive ua maw? Hon chi hi. Kenle 'Bak ah, ka ngaituah detdet leh na pasal din keimah ka ki muang, midang zaw ka muang mahmah kei, palai kon sawl di' chi in ka paisan a.

NUPI KA NEI

Kou ziak liau liau in Biakin dak hong ging veu veu a, a nalh theitawp in ka kichei zetzat uzaw nalh tak ka hi uh. Ka itluat in mou puan hon aa ka mu thut bangzaw nuamtak ahi. Angelte le hong kikhawm sin uh eive maw ka chi man hiala, ka lungsim in Moi, nangzaw kei a di mah a bawl na hi. Na nu leh pa ka chibai ut, ta a nei melhoih lua uh' ka chi a, nui seih kawm Biakinn sung ah ka lut uhi. Ama ah hon tu sak eu au ua, zaktalou pen hi awmtak in ka tu tei ringot a. Ka lawmte MS, RC leh JONA te le hong lut ta ua, ka mazawn chiah uah atu uhi.Mipi a dai khipkhep ta ua, ka lawmpa/thian hong kihei vut ah, ka bilbuk ah "huai ah na zawlluinu tu threthraw, leihat khum oh" hon chi suau-suau a, kam le ka ngamlou in a pheipi ah aguk theitawp a ka sik/eu phei zot leh ngaih a ngaih in "ana ve, bangchi zelzol e" hon chi kuau a, mipite hong nui durdur mai uzaw ki lum piap-piap mai. Pastor hong ding ta, thutiam khawng gen, zungbuh khawng ki bun sak hnäp, sihna lou ngal in hon khen kei hen' chizou tusuk nawn. Malam ka etleh ka lawmte MS leh RC in hon na melsiat khum vak vak uh, Ujon ana nui chemcham,keile ka nuihza lua, ki sum ngai bok si, MS in hon bye bye luap luap, kenle ngaihtuah chianglou a bye bye phei, ka lawmpa/thian inle sunzawm pah. Mipi nui zuau zuau ta mai uh. Ka itluat ka et touhleh ana san tentan mai.

KINEIH NITAK

Changtunu hong lawita, nuam tak ahi, 'dong nawn tawi tam ve, kipahhuai lua, na fel law ngal aka, nang di mah na hi' chia hon dong tawite ka va khoih khoih leh ka Nu'n hong tai. Kuangkuah letlat a changtunu bula va tu nawn pah. Mipi pai gaita uh, ka lawmte'n ka lupna du bawl bawl uh, a bawl zoh tak ua pai dia kisa nainai uh, ka lawmpa'n kei chu ka giak di. A tawpna le hi kha leh chi tinten mai. Atawpa hon paisan thei khawng khawng.

Ka dong luppihte aa meng meng lum pah. Ka itluat chu bathroom a va lut. Lupna tunga ana kingaihtuah char char, tawp/kiss di ahi di aw, kineih nitak a kitawp ngei ngei ngai ahi di aw? Tawp keileng a poi law di aw? Buaina ngen, ka lawmpa ka giahsak mailouh kisik tak ka hi. Bangteng hi leh ka tawp di. Tawp di mah hi kha inte chi in thutanna ka bawl a, ka kilukhuh suk ngal hi. Kongkhak hong kihong, light hong mial khup. Ka gei a ka itpen hong lum sin ta. One, two, three chi tawp dia kihei phei, a lu toh ka ha kitauh kha, na tak ahi na tak. Mittui bang pawt thei. Sawt sim ka dai ua, zakta lou pen hi awmtak in a bilbuk ah, 'hei, itluat, nau i bawl ta aw' ka va chi suau-suau hi. "Awle" chi in hong khuplup ngal a, a taw zawn ka khoih phei ngal leh "huai ka dailenna eivoi" a chi a, zaktasim in athal zawng in ka hei ngala, a kengkar ka dap suk leh " hiai ka zunthakna eivoi" a chi zela, kenle " aa, naubawl na koi ah?" ka chi hi. "ken theilou" hon chi mai zaw buaitak ka hi uh, khat lah a dailenna hia, khatpen a zun thakna hi bok si, naubawlna mun di zong in dak 3 tan ka buai ua, ka mu zou kei uh. Ka torch light cell 3 ka va la a, ka kipan zel ua, a khetul apat a lu tan ka zong ua, naubawl na di dan ka muh louh tak un "ZINGCHIAH LAWMTE I DONG MAI DIAM?" ka kichi ua, nui uar uar kawm ki ittuah tak in ihmu din ka kisa ua, ka ngaihtuahna ah, lawmpa MS leh RC ka dong pah di, amau experience. a na nei ta du chi in ka ihmu hit hit hi

©Siamsinna leh Vakiangbu