BANG ZIAK A HON HUCHI ET E? CHOU MAW ??
By ~ K.Lianthansang @ K Thansang Zomi
Ka
lawmpa'n Zion Veng, New Lamka a nitak khat ka pawt leh, pasal hawn toh
kituak kha ung a, khat in hon phu in cin, ''Chou maw? Bangziak a hon
phu??'' hon chi. Eile pasal kihisam ahih cia,''Chou e'' i chih leh hon
vaw gawp uh hon cih leh ka ngaihtuahna ah thil tampi hong lut mawkmawk
ve o..............
Tulai, Tuailai thathak tettet (kei
bangbang) te'n a thansak mahmah uh, 'HIP HOP' ahi chi leng a kikhial sau
lawkei di. Sial leng a 'Bil leh a kii a kikim laitak a lauh neilou ahi'
a cih bangdeuh un, ken leng lauh ka neihlouh laitak ahi. Himahleh
kuamah tung ah khut ka kha nuamkei, ka khut tum zial vanglak leng ALUANG
MAN UH PEZOULOU DING KA HIH MAN IN!! La khawng bang ah, 'Hiphop in
siatna hon tun kei hen, Hiphop in lemna hon tun zaw hen' a kichihial na
a,'HipHop in zaw Mi kiphasak tamsak maimai hive o' ka chi lungsim hi.
Mi
Upa lam deuhte gen apan ka theih dan in (ei kum 25 le kipha nailou ahih
cia), Kum 20/30 vel paita in Lamka ah, Helpawl kichi gen ding a omkei
a, tulai dan hial in nambing lungsim leng atam naikei hi. Huchih hunlai
in, khopi a galmuang mahmah a, nitak sawtnung in leng lauh thawnna bei
hial khop in khopi sung utna gamteng ah ana pawt thei uhi. Galmuang
mahmah chi le hang leng akal lak ah buaina thiltung om ngei hetlou ahi
samkei a, tangvalnou ahawn a kidelh a kisual ana om tham hi.
Aziak
omloupi a mi vuak ut ziak mawngmawng a mi va phu zok in ''Bangziak a
hon phu?? Hon chou maw?'' cih toh vuak thuah chih khong hitel hi (ka
lawmte 1 in D.Phailian lak ah huchi bang ka tuakkha cheuhcheuh hon chi).
Tuchiang in ahihleh, chiamnuih in akigenta a, ''Bangziak a hon huchi et
e?'' chih ziak khawng maimai a kisualsualte i hi uhi. Huchi bang a
ui-ngol gamtat hunlai tuh, haihuai lua ahihdan i theih chiat tak ziak ua
tawpsan i hi ua, huaiziak mah a tua chiamnuih a zangtheita i hi uhi.
Huchibang
kawmkal ah, Nikum 4th October, 2012|07: 00 Pm vel a Tipaimukh Road,
D.Phailian Waiting Shed gei a CDSA Vice-Prez (Mr.Thangzasong of New
Lane, Bungmual) thuakna in i lungsim a nuamsak hetkei hi. I tulai khovel
toh i etkhop chiang in, Kitualsualna phetlou, namkal kisiatna tanpha
tungthei ahihna ah, hiai tungtang a Bungmual khosung heutute panlakna
leh mipite' Dohzohna phat huai mahmah hi.
Alehlam ah,
hunpaisa a haihuaitak a i na omdan uh nuseta i kisak leh, ana tawpsan
nailou pawl om i hi uh cihna ahi a, poi mahmah hi. Hunpaisa ah leng
D.Phailian lak ah Bungmualte' ana thuak kha cheuhcheuh uhi. Nidanglai
hinkhua a om det sawm i hi uh hia leh??
Ahihleh, Vengsung
ah buaina banghiam om leh, vengsung heutute'n bang mohpuakna a nei ua??
Vengsung khat a buaina omleh, a vengsung mite ahi chiitchiat kholkei
maithei. Veng dang apan in leng, vengsung suminse nuam himhim a buaina
hong bawl om thei tham ahi. Akua-akua khutnung hi leh leng, mahni
vengsung a buaina a omleh, a veng sung makai(heutute'n) a kitheihmohbawl
thei kei himhim ding uhi.
Huai ziak in, maban ah,
banghiam buaina om hun a panlak theih pahpah na ding in panlakdan
detdoutak khat deihhuai mahmah hi. Etsakna ding in, Volunteer bawl a
Duty bang. Volunteer bawl a duty cih ziak a mi ut teng ban check, mi a
kiveituah teng bang sulauthawng ding zawng a omlouh ding ahi. Volunteer
duty a omte hih dia kei suangtuahna ahihleh- '’Buaina bawl leh kina om
dia akilat leh kintak a suveng pahthei ding ‘LEL’ a ana om ding uh ahi''
Nou bang ngaihdan na nei ding uam a??
1305----KAKIPAK---2012
©Siamsinna leh Vakiangbu
Comments
Post a Comment