NU MANPHA
By ~ ZM Tonsing
“Sim leitung misang zatam lai ah; ka pianna Tuunnu mah ngaipen ing. Amah bang sakmelhoih omkei, hon it bang omkei, hon deihsak bang omkei, hon pakta bang om kei...” hon chisuk doudou tel a, a genkim tel.
Laphuah chihbang le aphuaksiamte’n ahon phuaksukpah mai ua, zaideih awi siamte’n ahon awi ngerlhngerlh ua, a kilawm zel mai. Himahleh, la sapsap di’n le lungsim a veina taktak nei a phuah a om te’n a ngaikhe tute’ le zoudeuh hi. Alasatu siam-le-siamlouh thuhilou, melhoih leh hoihlouh thuleng hituanlou in ala thu in hon hiip in kingai chim theilou hi.
Laphuahlam ah unau Burma lamte ‘akha’ ana tangdeuh uh a dia aw khawng ka chisim khemkhem sek a. Amau’ late i ngaihchiangin hikhol diak abang hi. Huanah, amau bel lapau mah ana pibawl ua, eisang mah in le ana ngaisang zaw uh ka sa. Amau omlou ana hi zenzen mawkleh eilawi in i lapau neihteng uh sumangthang di i kei umaw khawng ka chi lungsim khemkhem sek hi.
Huanah, Thawnkham in a sak (aphuaktu ka theikei) “Pianna Vangkhua” chihla mahmah in genkim zou sa ingh. Khota a khosak dan bangkim vunhawk duak mai aka le. Huai la ka ngaihchiang in lungsim a pailamzang a, phawk di mah kihau in a khenchiah khasiattha lamlam bang hon suaksak hial sek hi.
Genta vevet k’on gen law-law lai di. Eilawi laa i lunglut vanglak ua, laa leh tumging i zaknak ua leh i taw uleh tutna a kizom mamawh hial sek gige hi! Avuai thumna chiang abang chu sipiring (spring) khahsuah toh i kibang uh. Ala thu hoihlua in lungsim honzoulua a tu kinken theilou ihi uhia chihbel ka theikei, sui le ka sui peihkei. Laa ahihnak phot leh laam chihdan a om teitei di houh sa ihi lim zaw uhia leh??
“Na duang sakmel palhoih buanlei suakmai ding maw” chihlaa a valaam vurvur zat hi’n ka theikei. Laam ka chi zenpeuhna a laam le i na d’uam ah, phe velvul geuh hang a! Atung a i laa genbang, lungsim takpi toh ala thu ngaihkhiat a, nuailam en dide kawm a romol sakhau a koih threpthrap vual ahi kei! Himahleh, enbel a music i zaak ua pat phepah souhsouh...kuakua hiam va sawk zualzual, huchia lam himai!
Nop isak leh kipah chiang in music nalh leh kilawm isa a himahleh, i dah, lungkham leh mangbat chiangin ala thu i theipan sek hi. Huanah, la nalh i sak mahmah, i ngaihchiam theihlouhte leng huai ala khela kuahiam khatziak a nalhsa leh ngaichim theilou ihi lim hi. Thu ichih laa ahi a; laa i chihleng thu ahi, i chi. Huaiziakin, thu a i genchiang theih momolh khollouh leng laa in chiangtak a hon genchiang hiau thei chihleng om a, tuamah bangin thu in le.
Lasiamlou chihna leh hipahtuanlou in lasak lam nana-na achu tulel dinmun in nakpitak in ka kidekzou lai hi. Thakhat thu a thillamdang hongpianga, huai thillamdang in hon nawk ekh ahihkeileh hiai khovel ah ka lasiam pholhsuah sawmlou chuh ka hipen mai! Sakhi a pi a san leh anou leng asan chih dandeuh a, ka pa asan in chu bang di’n kei ka ngou fekfok tuan dia? Kum hiaizah khovel a ka pa toh hun ka zatkhop hang un ka pa lasak lam ka zakha naikei! Ka lasiam lam ka imm nilouh hangin ka pa a dia bel album simsenglouh bawl in ka kingai!
Lasaklam a nasaktak a ka kidekzoh hangin a ngaihkhiat lam abel kua mah ka engtuan samkei. Hon dem kei ua. Deih Anglai Vol. I-XIII tan hon khah mah d’uh e, huailak a ka zuihtheihlouh laa 5 a om leh atamlua ahi di. Nidang a ka love letter bu chihna le hilou tuanlou in tunitan in hiai Deih Anglai a late hoih ka sakna, ka deihna leh ka ngaihsanna a beikei. A beingei kei di. Deih Anglai ahi na mah a, ka Zaila Deih Anglai ahi mai.
“Tuunnu siangmah nuampen lungdam pen” dik hina tel e. Simleitung mi sang zatam lai ah Tuunnu hon it banga hon it ding a om kei, I Nu a mawl, hai leh kizenlouhziak hiam in milak ah i zumpih in, a khen chiah i hehsan maithei himahleh, ei a dia haksatna chiteng thuaka, tuisik apan hon domsangtu amah ahi hi. I Nu toh om khawm a, huihsiang diikkhawm hithit thei a i omlai in zaw Nute’ manphat dan, a min uh phat a, pahtak a, suklungkim ding ahih dan ana kitheikei kha ngut hi.
Ka thulimlouh ziaka ka Nu ka khasiatsak lam theikei mahle’ng, minute khatbeek ka nu toh kimaituah a, kihou thei dia om a ngaihdam nget ka ut ngawihngawih. Kei a dia ana thuak nate ka ngaihsut kiik chiangin thupi ka sa a, a zak a “Nu, n’on itna, khualna leh khotuahnate ziak in ka kipak” beek ka chih khaklouh ka kisiik, ka kisiik. Nu hoih leh manpha nei ka hihlam theihak hina maizen ing e!
01/04/2014
©Siamsinna leh Vakaingbu
“Sim leitung misang zatam lai ah; ka pianna Tuunnu mah ngaipen ing. Amah bang sakmelhoih omkei, hon it bang omkei, hon deihsak bang omkei, hon pakta bang om kei...” hon chisuk doudou tel a, a genkim tel.
Laphuah chihbang le aphuaksiamte’n ahon phuaksukpah mai ua, zaideih awi siamte’n ahon awi ngerlhngerlh ua, a kilawm zel mai. Himahleh, la sapsap di’n le lungsim a veina taktak nei a phuah a om te’n a ngaikhe tute’ le zoudeuh hi. Alasatu siam-le-siamlouh thuhilou, melhoih leh hoihlouh thuleng hituanlou in ala thu in hon hiip in kingai chim theilou hi.
Laphuahlam ah unau Burma lamte ‘akha’ ana tangdeuh uh a dia aw khawng ka chisim khemkhem sek a. Amau’ late i ngaihchiangin hikhol diak abang hi. Huanah, amau bel lapau mah ana pibawl ua, eisang mah in le ana ngaisang zaw uh ka sa. Amau omlou ana hi zenzen mawkleh eilawi in i lapau neihteng uh sumangthang di i kei umaw khawng ka chi lungsim khemkhem sek hi.
Huanah, Thawnkham in a sak (aphuaktu ka theikei) “Pianna Vangkhua” chihla mahmah in genkim zou sa ingh. Khota a khosak dan bangkim vunhawk duak mai aka le. Huai la ka ngaihchiang in lungsim a pailamzang a, phawk di mah kihau in a khenchiah khasiattha lamlam bang hon suaksak hial sek hi.
Genta vevet k’on gen law-law lai di. Eilawi laa i lunglut vanglak ua, laa leh tumging i zaknak ua leh i taw uleh tutna a kizom mamawh hial sek gige hi! Avuai thumna chiang abang chu sipiring (spring) khahsuah toh i kibang uh. Ala thu hoihlua in lungsim honzoulua a tu kinken theilou ihi uhia chihbel ka theikei, sui le ka sui peihkei. Laa ahihnak phot leh laam chihdan a om teitei di houh sa ihi lim zaw uhia leh??
“Na duang sakmel palhoih buanlei suakmai ding maw” chihlaa a valaam vurvur zat hi’n ka theikei. Laam ka chi zenpeuhna a laam le i na d’uam ah, phe velvul geuh hang a! Atung a i laa genbang, lungsim takpi toh ala thu ngaihkhiat a, nuailam en dide kawm a romol sakhau a koih threpthrap vual ahi kei! Himahleh, enbel a music i zaak ua pat phepah souhsouh...kuakua hiam va sawk zualzual, huchia lam himai!
Nop isak leh kipah chiang in music nalh leh kilawm isa a himahleh, i dah, lungkham leh mangbat chiangin ala thu i theipan sek hi. Huanah, la nalh i sak mahmah, i ngaihchiam theihlouhte leng huai ala khela kuahiam khatziak a nalhsa leh ngaichim theilou ihi lim hi. Thu ichih laa ahi a; laa i chihleng thu ahi, i chi. Huaiziakin, thu a i genchiang theih momolh khollouh leng laa in chiangtak a hon genchiang hiau thei chihleng om a, tuamah bangin thu in le.
Lasiamlou chihna leh hipahtuanlou in lasak lam nana-na achu tulel dinmun in nakpitak in ka kidekzou lai hi. Thakhat thu a thillamdang hongpianga, huai thillamdang in hon nawk ekh ahihkeileh hiai khovel ah ka lasiam pholhsuah sawmlou chuh ka hipen mai! Sakhi a pi a san leh anou leng asan chih dandeuh a, ka pa asan in chu bang di’n kei ka ngou fekfok tuan dia? Kum hiaizah khovel a ka pa toh hun ka zatkhop hang un ka pa lasak lam ka zakha naikei! Ka lasiam lam ka imm nilouh hangin ka pa a dia bel album simsenglouh bawl in ka kingai!
Lasaklam a nasaktak a ka kidekzoh hangin a ngaihkhiat lam abel kua mah ka engtuan samkei. Hon dem kei ua. Deih Anglai Vol. I-XIII tan hon khah mah d’uh e, huailak a ka zuihtheihlouh laa 5 a om leh atamlua ahi di. Nidang a ka love letter bu chihna le hilou tuanlou in tunitan in hiai Deih Anglai a late hoih ka sakna, ka deihna leh ka ngaihsanna a beikei. A beingei kei di. Deih Anglai ahi na mah a, ka Zaila Deih Anglai ahi mai.
“Tuunnu siangmah nuampen lungdam pen” dik hina tel e. Simleitung mi sang zatam lai ah Tuunnu hon it banga hon it ding a om kei, I Nu a mawl, hai leh kizenlouhziak hiam in milak ah i zumpih in, a khen chiah i hehsan maithei himahleh, ei a dia haksatna chiteng thuaka, tuisik apan hon domsangtu amah ahi hi. I Nu toh om khawm a, huihsiang diikkhawm hithit thei a i omlai in zaw Nute’ manphat dan, a min uh phat a, pahtak a, suklungkim ding ahih dan ana kitheikei kha ngut hi.
Ka thulimlouh ziaka ka Nu ka khasiatsak lam theikei mahle’ng, minute khatbeek ka nu toh kimaituah a, kihou thei dia om a ngaihdam nget ka ut ngawihngawih. Kei a dia ana thuak nate ka ngaihsut kiik chiangin thupi ka sa a, a zak a “Nu, n’on itna, khualna leh khotuahnate ziak in ka kipak” beek ka chih khaklouh ka kisiik, ka kisiik. Nu hoih leh manpha nei ka hihlam theihak hina maizen ing e!
01/04/2014
©Siamsinna leh Vakaingbu
Comments
Post a Comment