TEL ZOUZEN IITNAA
By~Thangchinkhup Samte
"Ka tan ding a Sian laitan hiam? Thuak dan siambang sinn ta ning e." ~Nancy
Khovel
ah mihing in i hon piang khe tei rengot inchu haksatna tuah di atam
ngei mai.Ka pian ma in hiai bang tuak ding ana kisa leng piang louh bang
leng teel ut huai tho di aka hia! Ahia huai haksat na te i hon thuak
tou chur2 in chu nikhat ngei i hmualsuah hun hon om tei mai di chi ngaih
dan nei in ka hinkhua chu ka hon zang tou hmolh2 tei a..Hinkhua bang
ahia? Hinkhua in bang tup nei ahia? chih te tuh ka lungsim hon kam gige
pen ahi tlats.Mi nuamsa a sepna lian pipi neite hampha uh isa ua him mah
leh neizou lou rickshaw pute khong vangsia lehlam a bang uh.Aziak bel
teel ding in kua man huai pen tak i tel kei tlat di chih a chiang hun
tawk kasa.Huai ziak ahi ngei ding a kenle teel thei lou ka hih man in
huai bang haksat na ka hon tuak tak2chu aw...aw khaih kua nuihsan theih
ahi kei chichu ka hon mu khia a,kei le kei kaki nuih san vur2 sek
mai.Mihing i pian dan dungzui in hoihdan tuam chiat i nei a,rasi neih
dan leng a tuam bok.Huai ziak hinte kei le ka hoihdan tuam biik kasak
mawng!! Hoih isak deuh te bang muh ut in i phe tet2 a akiang ua om leng
van gam abang di khop hial in ngaihtuah na hon lut sek a,hon kam a,hon
zou gige leh hinkhua bol hoih thei leh suse thei tu huai nungak
melhoih,duangching,mel a paihnang omlou,sa hileh hai gaivek thei di
khop,mi nunnem leh mitai ma,kikhop thanuam leh mi chitak(!) Zomi nungak
khat tuh vei kha kana hi peuh mah a,gentheih huai chih louh gen di ka
thei kei tlats.
Phalbi khua vot saan lai,tak ahi a nilum
awi a ka tut lai in ka msg di hon lut a,ka et leh nidang a ka hinkhua
hon pholhsuah sak a,ka hunluite hon ngaihsut sak a,ka hinkhua hai huai
kasa hunkhop te hon thei sak,bangziak a hichi vei lomlom ka hia?chih dot
na te hon lut zungzung mai...Lamdang kasa a mak le kasa a ziak chu ka
na vei gige zomi nungak nou dawnna hon lut ahi a,ki pak lua in vok ann
ne bang kava nek pih kha dek tho aka.Huchin hon ki ngaitou in hun pai
zel a, ka ki ngaih ma sang un ka veina a lianzaw a ka iitna leng a uang
hi..Ken leng hih theih omsun chi in nikhat a college ua ka va drop a
nitak lam i ka va pick up hi.Min bang hon chi muh diam chi khuallo in
kou gel ka ki hou lim petmah uhi.Huai lampite ka tawt na mun,ka skul kai
kuanna lampi ahih man in huaite ka hon tot khak chiang in aw huai
hunlaite ngai hina maizen ing e chih ngaihsut na hon pe gige leh hon su
lungnuam lou tu khat ahi gige.A ziak bel ken iit in ngai mah leng aman
bang hon chih san a hon mangngilh ta hiam chih ka thei ban non kei!Kei
sang a inntek zaw di atam ta,kei sang a kuang hem dia ki lawmzaw le a
tam a,kei sang a khut lik di ki lawm zaw leng a tamta.Nidang a Zing kal
tung a zingpha hon chi gige a,nitak chiang a imutlim hon chi gige pen
tuh koi lam a hon heisan ahi maimah a..ngailua leh iitlua in kap mah
leng ahi di teng hi khinta a,hun paisa ana himai mah.Huai ziak hinte (L)
Pu Muana Ngaihte in 'tui bo sa ki luak kik theilou' chi la ana awih na
san!
Kei leng ka ut sam a,hiai bang tuah zaw nang hile
chin leng na ut din ka ging ta tuan kei.Hon nuihsan vialkoh.Ki ngaihlai a
kikhen lou di aw? Hon muang in aw?ki chi a 'Awle aw'ki chi zaw a nuam
tel mai.Huai lai a ka nuihna ten hon nem thei le uh ut na mai zen
ing...Na tongchiam te huih nung bang lel ahi maw...chin ka khitui hon
luang hial hi.Ka pasal in hon zou kei,na ut le tuai hon chi oh!Amun rem
leh sakhi hawk sa ngaih zaw a kah ka ut hilai.Hon deih kei leh thildang
suanlam se ngai kasa kei a hon deihlouh dan gen maileh po siam zawdin
kaki ngaihtuah.Suan lam bawl a kha 7 a naupang zawk ziak a deihlou chi
zaw kha 7 a piangte michinglou uh chi lam a ana ngai a mi chinglou hon
sa houh adiam,eilah ki bukim thrip threp.Sepaih hileng thau kap dia
mansa ziang ka hi. U ten phone tawi phallo chi sasa a online gige zaw
thumangna hidin ka um kei.Mabaan di nop zawk nang leh kaal hoih zawk na
ding a lehkha sim sim leh a ngaihzawng pa sim khen zou hial hinteh! A
khosak zzaw anuam tuam ngei din ilamen.Doh ai tui dawn mah ka bang a,ka
hi liai luai,ka dek a meima tum omlai mah abng,dak kimvel ahak tel
mai....Aw huai aiitui leh kik tei hileh maw..
Iitna
ichi bel i chitlouh na theisa sa a iki itt iki ngaih na pen iitna
ahi.Huai ki thei mawh bol a atung in ka thei kei a hi...sorry ngaihdam
aw kichi khonung bel ana si lolo o hon chile uh nuam zaw din gintak na
lianpi ka nei.Thu a gen chiang in a thupi a alamdang a mi leng a zou
diak abang.Heutu dia zaw hoih kha leh kilom hi leh leng zuau a tam deuh
diam ichi a hiven.Amah zaw phak louh ei ngal ve.Mi hoih petmah,Saptuam
lak ale mi ki zang ahi.Ka ngai sang a meel a hoih si a chiooo...Rose in
ling nei lou ana hileh kua peuh aneu alian in ki lou ngam ding hiven!Kei
loh louh di paak ka va lou kha a,aling hon suutna ana tel mai,ama di
omlou hile naa himai...ahihkei leh 'athoihna di omlou'achi un a gen
chiang zaw diam ah! MA/PhD hitawk ta le hang leng mi kikaal va sukbuai
louh hoih di ka ging ta..Na Laisiamna na hihna pen nang adin thupi in
nungak zonna in nei mah lechin na siamna ziak a mi muh siat thei na hi
chin ki mangngilh kei ni.Laisiam na ziak in mi nungak va tuh sawm kei
ni.Aziak bel tulai a hichi bang ki thang lua hiven..Aki thang a tun i
gelh2 voi maw...
Mangngilh sawm in panla mah leng ka
veina a uang deuh deuh mawk hi.Leh lam kei le ana nei hisam in laisiam
ana hisaam leng chi ka lunngulh tun2 hun a tam.Huai ziak akei dia Muana
Ngaihte in sanggah ka zuan luankhin hon tum e...ana chichi na om zia..
Sum leh pai in ittna i leizou maithei hima leh i leizoh louh hun hon
tung ngei di mangngilh kei ni..Ki ngaih lai a hon muang in nang a ka
hi,midang hon neihsan lou di ka hi chia hon gengen te bel zingkal a
tuimei hon kai a suun a mang non bang lel ahi mai...Niteng in ka iitna
aki behlap a ka huat sawm laiteng a uang deuh deuh mai.Kei leng mi bang
in ana pil hisam leng ana nei zou hisam leng khapi ana leisak a a
birthdae gift dia ana pe mah di hiveng ahih kei leh van a akisi te khat
leisak a valentine dae gift a pe ut lo saam hing a!....Na kasa thuak hak
le kasa theisiam le ahak bok mai.Theisiam hile Tel zouzen iitna chi lou
di hi hang a maw...Pasal pipi va kahkah ringot inle omzia a nei din ka
ging ta kei himah leh Nancy Baiklun inleng THUAKDAN SIAM BANG SIN TA
NING E chi hi sam ven maw....
Note: Phuahtawm ahi. Kipak
©Siamsinna leh Vakiangbu
Comments
Post a Comment