35th COMPANY, PLATOON NO.3
By ~ Haopu Eimi
"Zaan sawt ta, dak 10:30 bang gingta hunsak phot ni aw te" cin ka-itpen ka zi toh inn sung thu kaki kup uh ni dang cia dia sit in ka fone kakoihta hi. Hucin sun a ka duty na kagim sim toh kua dang leng phone nawn tuanlou in ka ihmusuk pah hi. Manglam a innsung khong leh zogam hing deidiai lak ah, kua englou a zi-leh-ta tetoh kana lenlai un, zaklouh vual ding hilou huisil hong kimut vengvung tamai hi.
Bang thu om ahia, cih enkhe dia kathoh khiat patpat leh, ka BHM (batallion havildar major) uh hong lut a, "kin thei bang pen a fall-in d, ground ah paikim tei2 d" cin hong gen hi. Mat khak2 silh zok in ka diang pawt sasauh ua, kama a pa' silipal kilanglou buh kanuihsat phei vavak vial leh kanung a ten kei hong na leh nuihsan uh. A thu katheih thak leh ka T-shirt leh silh kana hilim hi. Ground katunkim tak un, ka C.O sap un nguimel tak in "tu nitak mah2 a sepsuah ding na haksatak i nei ua, huai tuh, i kiang ua i lawmte'n gal a tuah ziak un, amau damna ding ei khut a kinga ahita, huaiziakin eilak apat tuailai leh tangzang deuh mi 30 kuan din kisa un lan, dakkal 1 sung ngei a kuankhezou din" a cih toh kiton in, "aki volunter thei bang i om ua leh akipahhuai mah2 d" hong cih behlap hi. Inn lam ah zi-leh-ta, nu-leh-pa, keikhut lieuliau a kingate' kangaih tuah na ah a hong lang dun2 a, lah kamai a chou na hong kibawl pen nelhsiah vual in kakoih kei jel a, akal ah kabuai den nilouh hi.
Theihlouh kal in kangaih tuah na saupi ana tung man a, kapa' tektak bng, kunu nasem zou nawnlou, ka zi leh tate kei a kinem a, a nop a hak phawk nailou naupang melmawl te maban dng kangaih tuah khin man hi. Hiaite teng in hong khou zou tuanlou ahi dia, akipekhe te din nalam ah ding kana hi maimah ta hi! Ka ngaihtuahna khat pai dun2 mah leh, kana uh zekai theilou dng ahih man in, nek leh dawn ding leh van poimoh d te sa din ka room ciat uh kazuan nawn vengvung uhi.
Kaneihsa biscuit bom 1 leh mess ah pat hng kipia aata pek 10 ding vel kaguan zoh in, katemta pong lamka a kaseksak vom in, ka innkuan lemlak uh ka chest pose pocket khat ah guang zok in, thau leh a tang poimoh bang2 guang din court/galvan koih na lam kadelh phei ngal hi. AK-47 leh a tang 250 toh galvan bukim a kakisak zoh in kingak khawm na dng mun kanaih a, huai ah maban dng thei zaw sam leh a pau zaw khuk omlou in kakikim uh ngak in ka-om khipkhep uhi.
Kikimta cih in ka incharge uh aksi nih in brefing saulou hng bwl a, huai zoh in gari sung ah lut in, zanmial nuai ah kuankhe petmah kahita uh! Amun direct a naihlou in mun khat ah mi guk2 in kaki hawm lai uhi. Kou section a singtang mi keikia kahih banah, lwmte kuankhiat ma nasan a kah kipan ngen ahih man un kalung a lel gusim mah2. Saulou khe a kapai nung un thau gin aki zathei pah a, huai apan lampi apat pet in gammang thousi thouvai leh vangvot lian pipi te omna, lampi dudak omlouh na ah kun kheihkheih leh bokvak thuah in kanaih phei ta uh.
A tung in gik kholkei mahleh kavan puakte gik kasa law phing a, lah paih zawk d sam omlou in haksa tak in kagal phual uh zuan in makasuan zel uhi. Thau gin husa lah nai deuh2 leh maulak hal bang phung2 lak ah ngaihtuah na saupi ana tung man zel! Inn lamte theihsaklou hing a, sihna manna tuak in, kaluang innsung a puak lut in om maizen leh! kanu-leh-pa a khan kum uh sutom dia, kizi ittak a hunlou pi a meithai suak dia, kata melmolte maban bng a suakta di, papa cia asap ding uh leitung ah a omlai diam? a taksap ni un a silh-leh-ten dng uh kuan a leisak dia? cih khawng mittui pak niuniau toh suangtuah kawm a ma kasuanlai un kalak ua khat thautang leng in a pheipi hng khata hi.
Huai apat position la in kou leng kadawng thuk ua, kigalsai kawm2 in kanaih tou dedeuh uhi. Hucia kou husa a zak phet un sec. dangte leng hong kisan in, thau gin ama a sang a leh thum a huaisia in ging chelchul maimah a, minit 10vel hucia a gin nung in kalangte uh thom hng dai veng2 mawk a, kalungsim in pilvan mah2 ngai e, cikwm in position fuh zw dng gel na toh kamailam ft.20 dng vel a pou mawng bul belh sawm a kataiphei lai zang leh, langte'n khut cih tak in hon na khutkhum tamai uhi! Lawmte'n leng thauginna mun kap cihtak in ana kap ua, kei bel kakoi lai khak in ka-om a, cin kaki vel fut2 mai hi.
Vangphat huai tak in liam na ma muh dng a omkei! Langte technique kamanta uh. Hucin, thautang a taksap uh advantage a la in, naih toh kap thuah in, makason ua, khua leng vakta ahih man in, panlak dan leng hong nuam zaw deuhta hi. Ka position apat kadak vel2 leh, maizen! siluang kakiang nai cik2 ah ana kikham zelzul maimah a, anam lah sip velvul, si thang nam in cimul bang a thou sung2 hial hi! Buailai bang kamitkha in hong lang dun2 a, Singngat bazar buk a misi luang kikham zelzul, damsung mitkha a mang nawnlou dingte a thak in leh a tak a tuak nawn kahi maimah!
A pan nawn zaw sam omlou a hucia ka-om lai un, ka tangai lak lumsuk huan2 a, lung himoh tak a ka-et leh, vangvot hon top na' si kam theilou a luang2 ana hilel tak a, sawt kuam ana luang ta ahi dia, kakhekol mong, moja leh anklet te ana gep gemgom hialta hi. Langte lah omlai dia gintat huai ahih man un, ka-om na ciat uah phim mang zong bang hial in pilvang tak in ka dakkual vel2 uhi. Hucia ka-omlai un, msg. hong pai a "Rescue party leh back up ding mi hong pai beh" cihthu hong om hi. Ka-om namun ciat uapat kaki entuah ua, kipahmel tak toh lu kasu ngau2 uhi.
Back up te ngak kawm a kigalginsa gige a ka-om laitak un, simlam pang apat lut toute puak in hong puak zoi2 get ua. Kou leng awl a ki cover tuah kawm in kanaih phei nawn mai uhi. Msg. hong pai a ka position uh ka hilh ua leh, "hong nawksuk un, minih le thum lel ahita uh" cih order hong pai hi. Hucin kipan in, zanmial nuai a dakkal thum bang kabeisak uh. Kilometer lang d cu, minute 20 hu din kapalsuak suk uhi. Koulut nalam taisan a simlam ah kihepkhiat ana sawm ziak un, vangsiat huai cih d hia,vangphat huai cih zawk d! huai lam a pang lawmte mi thum in tangtawnmun hon na zawt san ua, nih liamte rescue party ten ana pokhe khin uhi. Hucin, kipakleh kithalawp tak in kakik ua, ne-leh-dawn a taitak a ka-om zoh un, noute sim dia hiai ah kagelh khiat ma in, ka-it kanu kapa, kazi kata leh tanau laina te hiai thu kahilh a, lamtawn a hong cing Pathian kiang ah kipahthu kagenta hi.... BEISAK KHONGKHONG!
Pansan neilou a gelh leh, gelhsa te leng ki review zihzeh theilou ahih man in, hou nanasak uh leh leng "lua" anasa kei hamham un aw! Kimloulua leh theihsiam haksapi dia siamtak a kahon gelh khiat ana simkha tengtung ah cheng nih leh makhai ciat kanei.... hahahahahahahahaha
©Siamsinna leh Vakiangbu
"Zaan sawt ta, dak 10:30 bang gingta hunsak phot ni aw te" cin ka-itpen ka zi toh inn sung thu kaki kup uh ni dang cia dia sit in ka fone kakoihta hi. Hucin sun a ka duty na kagim sim toh kua dang leng phone nawn tuanlou in ka ihmusuk pah hi. Manglam a innsung khong leh zogam hing deidiai lak ah, kua englou a zi-leh-ta tetoh kana lenlai un, zaklouh vual ding hilou huisil hong kimut vengvung tamai hi.
Bang thu om ahia, cih enkhe dia kathoh khiat patpat leh, ka BHM (batallion havildar major) uh hong lut a, "kin thei bang pen a fall-in d, ground ah paikim tei2 d" cin hong gen hi. Mat khak2 silh zok in ka diang pawt sasauh ua, kama a pa' silipal kilanglou buh kanuihsat phei vavak vial leh kanung a ten kei hong na leh nuihsan uh. A thu katheih thak leh ka T-shirt leh silh kana hilim hi. Ground katunkim tak un, ka C.O sap un nguimel tak in "tu nitak mah2 a sepsuah ding na haksatak i nei ua, huai tuh, i kiang ua i lawmte'n gal a tuah ziak un, amau damna ding ei khut a kinga ahita, huaiziakin eilak apat tuailai leh tangzang deuh mi 30 kuan din kisa un lan, dakkal 1 sung ngei a kuankhezou din" a cih toh kiton in, "aki volunter thei bang i om ua leh akipahhuai mah2 d" hong cih behlap hi. Inn lam ah zi-leh-ta, nu-leh-pa, keikhut lieuliau a kingate' kangaih tuah na ah a hong lang dun2 a, lah kamai a chou na hong kibawl pen nelhsiah vual in kakoih kei jel a, akal ah kabuai den nilouh hi.
Theihlouh kal in kangaih tuah na saupi ana tung man a, kapa' tektak bng, kunu nasem zou nawnlou, ka zi leh tate kei a kinem a, a nop a hak phawk nailou naupang melmawl te maban dng kangaih tuah khin man hi. Hiaite teng in hong khou zou tuanlou ahi dia, akipekhe te din nalam ah ding kana hi maimah ta hi! Ka ngaihtuahna khat pai dun2 mah leh, kana uh zekai theilou dng ahih man in, nek leh dawn ding leh van poimoh d te sa din ka room ciat uh kazuan nawn vengvung uhi.
Kaneihsa biscuit bom 1 leh mess ah pat hng kipia aata pek 10 ding vel kaguan zoh in, katemta pong lamka a kaseksak vom in, ka innkuan lemlak uh ka chest pose pocket khat ah guang zok in, thau leh a tang poimoh bang2 guang din court/galvan koih na lam kadelh phei ngal hi. AK-47 leh a tang 250 toh galvan bukim a kakisak zoh in kingak khawm na dng mun kanaih a, huai ah maban dng thei zaw sam leh a pau zaw khuk omlou in kakikim uh ngak in ka-om khipkhep uhi.
Kikimta cih in ka incharge uh aksi nih in brefing saulou hng bwl a, huai zoh in gari sung ah lut in, zanmial nuai ah kuankhe petmah kahita uh! Amun direct a naihlou in mun khat ah mi guk2 in kaki hawm lai uhi. Kou section a singtang mi keikia kahih banah, lwmte kuankhiat ma nasan a kah kipan ngen ahih man un kalung a lel gusim mah2. Saulou khe a kapai nung un thau gin aki zathei pah a, huai apan lampi apat pet in gammang thousi thouvai leh vangvot lian pipi te omna, lampi dudak omlouh na ah kun kheihkheih leh bokvak thuah in kanaih phei ta uh.
A tung in gik kholkei mahleh kavan puakte gik kasa law phing a, lah paih zawk d sam omlou in haksa tak in kagal phual uh zuan in makasuan zel uhi. Thau gin husa lah nai deuh2 leh maulak hal bang phung2 lak ah ngaihtuah na saupi ana tung man zel! Inn lamte theihsaklou hing a, sihna manna tuak in, kaluang innsung a puak lut in om maizen leh! kanu-leh-pa a khan kum uh sutom dia, kizi ittak a hunlou pi a meithai suak dia, kata melmolte maban bng a suakta di, papa cia asap ding uh leitung ah a omlai diam? a taksap ni un a silh-leh-ten dng uh kuan a leisak dia? cih khawng mittui pak niuniau toh suangtuah kawm a ma kasuanlai un kalak ua khat thautang leng in a pheipi hng khata hi.
Huai apat position la in kou leng kadawng thuk ua, kigalsai kawm2 in kanaih tou dedeuh uhi. Hucia kou husa a zak phet un sec. dangte leng hong kisan in, thau gin ama a sang a leh thum a huaisia in ging chelchul maimah a, minit 10vel hucia a gin nung in kalangte uh thom hng dai veng2 mawk a, kalungsim in pilvan mah2 ngai e, cikwm in position fuh zw dng gel na toh kamailam ft.20 dng vel a pou mawng bul belh sawm a kataiphei lai zang leh, langte'n khut cih tak in hon na khutkhum tamai uhi! Lawmte'n leng thauginna mun kap cihtak in ana kap ua, kei bel kakoi lai khak in ka-om a, cin kaki vel fut2 mai hi.
Vangphat huai tak in liam na ma muh dng a omkei! Langte technique kamanta uh. Hucin, thautang a taksap uh advantage a la in, naih toh kap thuah in, makason ua, khua leng vakta ahih man in, panlak dan leng hong nuam zaw deuhta hi. Ka position apat kadak vel2 leh, maizen! siluang kakiang nai cik2 ah ana kikham zelzul maimah a, anam lah sip velvul, si thang nam in cimul bang a thou sung2 hial hi! Buailai bang kamitkha in hong lang dun2 a, Singngat bazar buk a misi luang kikham zelzul, damsung mitkha a mang nawnlou dingte a thak in leh a tak a tuak nawn kahi maimah!
A pan nawn zaw sam omlou a hucia ka-om lai un, ka tangai lak lumsuk huan2 a, lung himoh tak a ka-et leh, vangvot hon top na' si kam theilou a luang2 ana hilel tak a, sawt kuam ana luang ta ahi dia, kakhekol mong, moja leh anklet te ana gep gemgom hialta hi. Langte lah omlai dia gintat huai ahih man un, ka-om na ciat uah phim mang zong bang hial in pilvang tak in ka dakkual vel2 uhi. Hucia ka-omlai un, msg. hong pai a "Rescue party leh back up ding mi hong pai beh" cihthu hong om hi. Ka-om namun ciat uapat kaki entuah ua, kipahmel tak toh lu kasu ngau2 uhi.
Back up te ngak kawm a kigalginsa gige a ka-om laitak un, simlam pang apat lut toute puak in hong puak zoi2 get ua. Kou leng awl a ki cover tuah kawm in kanaih phei nawn mai uhi. Msg. hong pai a ka position uh ka hilh ua leh, "hong nawksuk un, minih le thum lel ahita uh" cih order hong pai hi. Hucin kipan in, zanmial nuai a dakkal thum bang kabeisak uh. Kilometer lang d cu, minute 20 hu din kapalsuak suk uhi. Koulut nalam taisan a simlam ah kihepkhiat ana sawm ziak un, vangsiat huai cih d hia,vangphat huai cih zawk d! huai lam a pang lawmte mi thum in tangtawnmun hon na zawt san ua, nih liamte rescue party ten ana pokhe khin uhi. Hucin, kipakleh kithalawp tak in kakik ua, ne-leh-dawn a taitak a ka-om zoh un, noute sim dia hiai ah kagelh khiat ma in, ka-it kanu kapa, kazi kata leh tanau laina te hiai thu kahilh a, lamtawn a hong cing Pathian kiang ah kipahthu kagenta hi.... BEISAK KHONGKHONG!
Pansan neilou a gelh leh, gelhsa te leng ki review zihzeh theilou ahih man in, hou nanasak uh leh leng "lua" anasa kei hamham un aw! Kimloulua leh theihsiam haksapi dia siamtak a kahon gelh khiat ana simkha tengtung ah cheng nih leh makhai ciat kanei.... hahahahahahahahaha
©Siamsinna leh Vakiangbu
Comments
Post a Comment