Ka Mangngilh Theih Mahmah Louh Khat
By ~ Paite ZM Tonsing Zomi
Kangkap a teeng ka hi ua, Zodawn a teen bel ngeina dan chih ding leng a mai diam ah Khristmas leh Kumthak lop leh khekleh na ding a gan kilei(goh d) te nitak lengkhawm a zanhakte'n kholai ah thoh sek uh ahih man in kouleng huaithei, 2008 in Kangkap a Christmas khekleh nang a Pangmual(Burma gam) te bawng kilei naupang hon zanhakte'n zingkar lam in kholai ah ka thoh naihnaih uhi.
Kholai a deihtek a thohzou paipih, field nawl a ka vet/khih ua leh ka lawmte uh bangzahhiam te'n deihkhoplou ahi ngei ding ua, a khutthak uh siakna a ava zep ek-ek lai ua leh a Bawngpen leng ngamkhat a kipek in a khihna kipektol maimah hi!! Kou leng kholai ah kiman pahna ve chi a ka awl-bawl ua, ka ngaihsakpah kei ua leh a bawng na haiteuh lou, A'kho lamzuan a na tai vengveng...! Lunggim chuh kipan ahi maive! Hiai hun in bel a pil a chi hia ahihke'h a chalak i chi zo diam ah te'n a mau' Inn lam chiat zuan ua, bawng khahsuahna a telkhalou chuh a hi mai uhi.
Kou mibangzah hiam in ka bawng khahsuah uh Pangmual lamzuan a tai, zingkar dak 2 AM lakvel di khawng in ka hon delhsuk mai u chu....! Manzou dia kilam-etna chuh a kinei tawm mahmah mai.
Khovak nang lah gamlalai, khua lah mial chihtak a mial, torch-light khatchouh nei ka hi zo mah uhi. Buai chih ningniang chuh a neepte! Kou khomkhom a kihangsak leh kihat sak mahmah sim ngen himahle ung, a taktak ah zaw khomial lau sim ngen ka hi hi lai zo mah uhi. Himahleh, ka lak uah ana gammi deuh leh hangsan deuh Mangpiak (Fb ah, Reuben Byte Prong) a tel kha a, a man ka torch-light uh zang in a mahchouh in hattak in a delhsuk a, kou a ma' nung ah awl-awl in ka kizutsuk napnap uhi. Ka ngaihtuah u zaw kibangvek ahi ding a, a pau zosam leng ka om kei uh. Ngaihtuahte ahi bangbang a va gen khiak na dan lah omlou, ka pau sunsun u chuh kou-le-kou kihehnem in, "Manzou na di i hi uh" chih khawng lel ahi. Kam in a genkhiak hang in a lungsim ah zaw gintakna a om mahmah kei. Khua miallou a, ka melte uh kimutuah hile ung a kappawl bangleng om di'n ka gingta!
Lungsim ngaihtuahna chuh a paisau tel mai- Manzou keile ung bang hong kichih do? Khosung a le a kilut ngam dia hia?? A khonung a ka gen khopkhop ua leh awklup(suicide) tum bangleng ana om dan keive ua, chihbel, lungkham huailua ahih chia! Meivak hoihtak neibek hileng ung chuh a dandan om d hia...
Ka migumpa un bel a mahchouh a va delhsuk nilouh ahi ngei dia, a tawp in India leh Burma kigamgitna Tuikui ah a va man a, honkaitouh dekchiang in honkaitou zoukei a, 'suang' ah hon vet/khih in hon paisan hi. Ka kiang uh hongtung a, 'ka manzou' a hon chih ka zakkan a ka kipahlam tunitan in leng ka theinai, banah, Mangpiak melbangleng hoihkuau in ka thei! Himahleh, ka lungsim a bel a nuamlou a om lailai, Bang? 'Bawngpen suang a hon vet/khìh chihmawk!, ana kipek tol leh' chikhawm leh lauthawng kawmtak in bawng om na lam ka zuansuk uhi.
A mun ka tung ua, kipektol dingvual ahi kei. A bawng vetna suang chuh, a siatkhop a thupi dan 'sehnon' toh a kibang tlats! Ahi, Tuikui ah maiphiat mengmeng in leh Burma(foreign) gam va sikzual in, khovaak siangma a khua tuntouh ding ngeingei ding chi'n ka paitou ta uhi. Tu'nchuh ka pilvang ta khop mai uh, ka khahsuah khakna uh om nawn zenzen leleng, a taichia sing a a awkpah theihna ding chi'n a bawng' khau mong ah sing ka biambuam khat ka khihtang chetchot uh a ka!
Bahchiat ka hi ding ua, a hatpai zou zosam omlou in, khua a hongvak siang maimah a, kou hongdawn d te toh leng ka kituak khapah ua, gen ding a vangtel! Hon hehsan gop d'uh ka sak leh, ka kisuanlah d'uh theilo tel ahi ding ua, hon chiamnuih un ka kimaingal pah nawn zozen uhi. Tua banah, Kumthak chiang a leng kholai ah Vok thoh ding in ka thupuk lai dep uhi! :-D
Kou bel mi tam in honna muh ding utlou ka hih man un, kou hong dawnte Bawng kaisak in, kou kho nawllam ah ka lehlut daih uhi. Huai kum Christmas khekleh na a sa ne di lai kouziak a nelou dektak leh, kouziak mah a nenawn thak ahi uhi. Ahitak a gen in bel Mangpiak @Reuben Byte Prong' ziak liuliau ahi a, ka pakta ua, ka kipahpih ua, BRAVERY AWARD leng piaktak hi'n ka thei, koulawi a di'n bel!! Nak gimpih lua ka hih man in, a' sa nuikhawmsim hiuhiau in nak pipi'n ka ne ekh-ekh a ke!
Kumthak in leng mi bangzahhiam in bawnggoh ding kholai ah a thoh nawn ua, himahleh kei bel ka va tel ut nawnkei...a ziakbel, "KHATVEI HIHKHELH A PILLOU CHUH A PIL NAWNKEI DING" chih Thupil om ka theihziak in.
©Siamsinna leh Vakiangbu
Kangkap a teeng ka hi ua, Zodawn a teen bel ngeina dan chih ding leng a mai diam ah Khristmas leh Kumthak lop leh khekleh na ding a gan kilei(goh d) te nitak lengkhawm a zanhakte'n kholai ah thoh sek uh ahih man in kouleng huaithei, 2008 in Kangkap a Christmas khekleh nang a Pangmual(Burma gam) te bawng kilei naupang hon zanhakte'n zingkar lam in kholai ah ka thoh naihnaih uhi.
Kholai a deihtek a thohzou paipih, field nawl a ka vet/khih ua leh ka lawmte uh bangzahhiam te'n deihkhoplou ahi ngei ding ua, a khutthak uh siakna a ava zep ek-ek lai ua leh a Bawngpen leng ngamkhat a kipek in a khihna kipektol maimah hi!! Kou leng kholai ah kiman pahna ve chi a ka awl-bawl ua, ka ngaihsakpah kei ua leh a bawng na haiteuh lou, A'kho lamzuan a na tai vengveng...! Lunggim chuh kipan ahi maive! Hiai hun in bel a pil a chi hia ahihke'h a chalak i chi zo diam ah te'n a mau' Inn lam chiat zuan ua, bawng khahsuahna a telkhalou chuh a hi mai uhi.
Kou mibangzah hiam in ka bawng khahsuah uh Pangmual lamzuan a tai, zingkar dak 2 AM lakvel di khawng in ka hon delhsuk mai u chu....! Manzou dia kilam-etna chuh a kinei tawm mahmah mai.
Khovak nang lah gamlalai, khua lah mial chihtak a mial, torch-light khatchouh nei ka hi zo mah uhi. Buai chih ningniang chuh a neepte! Kou khomkhom a kihangsak leh kihat sak mahmah sim ngen himahle ung, a taktak ah zaw khomial lau sim ngen ka hi hi lai zo mah uhi. Himahleh, ka lak uah ana gammi deuh leh hangsan deuh Mangpiak (Fb ah, Reuben Byte Prong) a tel kha a, a man ka torch-light uh zang in a mahchouh in hattak in a delhsuk a, kou a ma' nung ah awl-awl in ka kizutsuk napnap uhi. Ka ngaihtuah u zaw kibangvek ahi ding a, a pau zosam leng ka om kei uh. Ngaihtuahte ahi bangbang a va gen khiak na dan lah omlou, ka pau sunsun u chuh kou-le-kou kihehnem in, "Manzou na di i hi uh" chih khawng lel ahi. Kam in a genkhiak hang in a lungsim ah zaw gintakna a om mahmah kei. Khua miallou a, ka melte uh kimutuah hile ung a kappawl bangleng om di'n ka gingta!
Lungsim ngaihtuahna chuh a paisau tel mai- Manzou keile ung bang hong kichih do? Khosung a le a kilut ngam dia hia?? A khonung a ka gen khopkhop ua leh awklup(suicide) tum bangleng ana om dan keive ua, chihbel, lungkham huailua ahih chia! Meivak hoihtak neibek hileng ung chuh a dandan om d hia...
Ka migumpa un bel a mahchouh a va delhsuk nilouh ahi ngei dia, a tawp in India leh Burma kigamgitna Tuikui ah a va man a, honkaitouh dekchiang in honkaitou zoukei a, 'suang' ah hon vet/khih in hon paisan hi. Ka kiang uh hongtung a, 'ka manzou' a hon chih ka zakkan a ka kipahlam tunitan in leng ka theinai, banah, Mangpiak melbangleng hoihkuau in ka thei! Himahleh, ka lungsim a bel a nuamlou a om lailai, Bang? 'Bawngpen suang a hon vet/khìh chihmawk!, ana kipek tol leh' chikhawm leh lauthawng kawmtak in bawng om na lam ka zuansuk uhi.
A mun ka tung ua, kipektol dingvual ahi kei. A bawng vetna suang chuh, a siatkhop a thupi dan 'sehnon' toh a kibang tlats! Ahi, Tuikui ah maiphiat mengmeng in leh Burma(foreign) gam va sikzual in, khovaak siangma a khua tuntouh ding ngeingei ding chi'n ka paitou ta uhi. Tu'nchuh ka pilvang ta khop mai uh, ka khahsuah khakna uh om nawn zenzen leleng, a taichia sing a a awkpah theihna ding chi'n a bawng' khau mong ah sing ka biambuam khat ka khihtang chetchot uh a ka!
Bahchiat ka hi ding ua, a hatpai zou zosam omlou in, khua a hongvak siang maimah a, kou hongdawn d te toh leng ka kituak khapah ua, gen ding a vangtel! Hon hehsan gop d'uh ka sak leh, ka kisuanlah d'uh theilo tel ahi ding ua, hon chiamnuih un ka kimaingal pah nawn zozen uhi. Tua banah, Kumthak chiang a leng kholai ah Vok thoh ding in ka thupuk lai dep uhi! :-D
Kou bel mi tam in honna muh ding utlou ka hih man un, kou hong dawnte Bawng kaisak in, kou kho nawllam ah ka lehlut daih uhi. Huai kum Christmas khekleh na a sa ne di lai kouziak a nelou dektak leh, kouziak mah a nenawn thak ahi uhi. Ahitak a gen in bel Mangpiak @Reuben Byte Prong' ziak liuliau ahi a, ka pakta ua, ka kipahpih ua, BRAVERY AWARD leng piaktak hi'n ka thei, koulawi a di'n bel!! Nak gimpih lua ka hih man in, a' sa nuikhawmsim hiuhiau in nak pipi'n ka ne ekh-ekh a ke!
Kumthak in leng mi bangzahhiam in bawnggoh ding kholai ah a thoh nawn ua, himahleh kei bel ka va tel ut nawnkei...a ziakbel, "KHATVEI HIHKHELH A PILLOU CHUH A PIL NAWNKEI DING" chih Thupil om ka theihziak in.
©Siamsinna leh Vakiangbu
Comments
Post a Comment