ABUL PANDIK LOUDEUH ZAW HIVE HANG !
By ~ Thanuam Dahpa On April 28 2012 10am
Khelhna hawlou kuamah i omkei ding. Migilou pen inle khelhna ihawchiat uhi. Huat huaileng a himah tham a eiten i hawdiak uh abang mawk hi. Ahihziak in amik amak theimasa lou a ipawngpaw huatziak un ihuatpen khelhna tuamtuam ilak ah a inntek mahmah hi.
Bangziak a ihuat mahmah leh idoudal mahmah khelhna te'n honpaisan lou a idoudal zohkhop leh ilak a tamdeuhdeuh adiam? Aziak tampi omding lak ah ikisin sakna,i kithu hilhna dikzoulou a diam chih kangaihtuah zel a dik vek kholkei mahleh adikna chiang omding in kagingta hi.
Huchibang i huat mahmah khangkhat sang a sawt zawding daltheih tawp a i dal a i dal zohlouh tampi lak ah ZU uang gendeuh le. Zu lou a thugen neitheilou nopni,dahni,thupoi moh gendingte zulou a hitheilou te ina hi uhi. Himahleh Pathian thu i hon Awi upan apoimohna om nawnlou bang in ithei ua huatpetmah in ihua ua,zu gim nam himhim i gim neih uhi. Huai i huatna pen uh diklou sa i hikei a i huatnaziak pen dik taktak ding adiam? A huat huaina i genpen pomtak taktak ding adiam? Ahihkeileh akheltat himhim a min huat ding achih leh ngaideuhdeuh i zaw diam? A vek in a dikna a om vekding huaite lak ah i uang gen utdiak pen i kithu hilhdan (zu dawnlouh ding a huatding) ahih ziak dikzoulou deuh adiam chih gensau lai le..
Zu hoihlouhna ki gen pipen tuh Khristian na toh kituaklou ahi chih ahi. Kituaklou ahikha ding.. Thukhun lui ah tuh zukhamsia chih bang akimu na a thukhun thak sinsakna toh kituak lou in hin kigen hi. Hiaipen igen tup ahih louhziak in hiaitan in nga nawnle.. Thilhoih louteng i khalam hinkhua (khristian na) toh akituah louhziak thupi genpen a nei a i doudal ua akhamilou te ading a hihlouhna ding hizoulou chinuam ihi. I kim ikiang en le Eimite ukna mun Mizogam leh Manipur a Eimite omna Lamka leh a sehvel tuk a zu doudal a omkei maithei, zu zuakna dawr te ikhaksak ua.a zuak teiteite igam ua,YMA,CWA etc ten izep zialziak ua khenkhat ngialtuh khosung aleng tengsak lou in zahlak tak in i hawlpawt uhi. Ngaihtuahna ahtuh zu doudalna a i hahpan dan et in igam ah Zu a om ding vual hilou in agim lel leng kizakha nawnkei leh kilawm hi. Himahleh itaklat na munte ah Zukham ziak a kisual,kithat atam mahmah hi. I khaam ua ahihziak in aduhte a ding in kal tampi suanlouh in a muthei veve uhi. Thil imuh ngeilouh leh inek ngeilouh te kipakta se ahihman in imuh khak sunsun chia paisan maiding pam maihsa in i paikheng zoukei zaw uhi.
Eilak i genzual bang in ikim ikiang en nawnle eibang a Khristian mah ana hi Nagaland, Meghalaya te enle Pathian thu ei awi bang in a awi ua himahleh eihuat bang a Zu hawlou uh adiam chih theihkhop ding in akhosung uah Zu (asante) zuakna muhding a om vekphial hi.Nagaland bang atuh singtang khua a innteng phial ah MODU abilh vek ua ivahoh leh noupi (Japan nou ichih jente uh) in hon nasuah ua aduhte ading in ahamphat huai mahmah hi..! Eilak ah hucidan in Zu omleh nitak khomui kuan kialou inle Zukham in ikisual den ding un gintak huai zezen hi. Ngaihtuahna ahong lut chuh 'a inn ua ut dandan a dawn theihding Zu om a bangziak a siat phahlou uh ahidiam? A tapa/tanu in kisuanglah hetlou a anu apa mai a dawn thei ua,ahihziak a ki control ua en sumseng a leihang a,akhenten bat a dawn zawmah hang a bangziak a khamse teitei ihiding? Hausa lua a tamlei zoulua idiam? Bat angen siamlua ihidiam? Huchizen ding in ikigingta kei a ikithuhilh dan adik louhziak ngoh ut ihi. Bang chidan a ikithu hilhna ngoh ihia?
A malam a igenbang in Khristian natoh kituaklou ichihban ah zudawn gitlouhna thupitak in igen ua, a dawnpeuh nulepa thumanglou, i society adia hoihlou pumlum ahihdan ikithuhilh na uh ahi. Huaikia lou in alangtang mah a doudal hang a a zuak leh a dawnte etdan tuam a enhang a mul lit chihtak a mul lit zaw mah.. Naupang genhak khemdaìhna ding a zangzaw mah! (Na thukhel leh zukhmte'n hon vo ding,hon pawmang ding etc a khem ihihchia !) Huchituk a sia a igen,imuh tuh a dawn teitei mipa/minu misia/mihoihlou ahimah tham ding,huchia miteng in gitlouhna bulpi,sual chiteng a sual a ikoihziak in adawntu peuhleng a sedia kikoihna in alungsim aluah a Zu gim namphot in kuahiam tot hehding,kisualpih ding in hon mungal uhi. Miteng in a sedia koihkhit nung a asia a va om amau ading a siatna hinawn tuanlou a, ahihna mah uh hilel a hihchia poisakna om nawnlou hi.
Hiai igen ziak in zudawn hoihsa in society in ipom ding chi ihikei a Manipur/ Mizoram ikan chia tuiluan aluangphial akimu a mi'n sual chiteng bulpi a azatlouh uh eite'n i muhdan,i etdan etc (i concept) khek in Khristian natoh a kituahlouh ziak a huatding hilou a dawnlouh ding,akituah louhna gen ding,Zu dawn in innsung/society a suksiat theihdan kihilh zawk ding a tua ihuatbang zen a khelhna teng puntu bang in gen zezen keile... HAI GUK AKHUM chih dan a zu gukdawn akhum chih hong hilou dia a KHAATNA theizaw lou ding idiam... Miten mahni innsung a bilh ua,mahni inntual a huan ua siatphah lou ua enle delh mangzou tuanlou pi a idelhdelh sang in aphatuam zaw diam?
Thilhoihlou chih peuh i hua petmah mai ua hawl a hawl mangthoh i sawm nak uhi.Huaipen hihdan hoih mahmah khat tuh a hina a "mihing chiatchiat kilau tuan lou e" chi a ki pasalsakte ihihman in hong kileh nawn chia douhaksa sem hi..Tuma zek in Setan bia omchi in alang alang ah hawlmang tum in ikidelh huan ua Lamka khosung suling zou phial in a thu athang a,ilau ua amauleng a hahpan uh a hiding a "huailam ah kikhawm uh" huai ah Setan a bia uh" chia gen ding inei gige hi....Mi ginna hawlmang theilou ihihna ah thagum a kidelh mang in sawt a daih gintak huailou hi. I tenna gam Biakna zaleenna gam hizaw mah a hihchia hawlmang hial in gawtna pehial le dan bang a gawtna thuak theiding ihizaw mah hi. I Ginna in hon sinsak khalam galdouna hi a thagum thatang a dou hon phal ding leeng ka gingta kei mawk hi. Heutu te'n ngaihsak luatlouh ding ahi chih thuhon khah ua kuapeuh in i ngaihsak nawn keileh tuchiang in a thu uh kiza lawnawnlou a beihial kei le uhleeng nungtolh uh a hipeuhmah ding....I pianphung a mihangsan ihihna a thagum thahatna in sual kidou zou hak mahmah ding hi. I doute midawilokte hituan lou a eibang a hansanna neite ahih man un....
A tung a etsakna dan a igen Zu leh Setan biate i gupna ahikei a i doudalna a ipaidan dikzoulou a diam ichihman thu ahi. Khelhna huat ding mah ahi a himahleh I huat pen hoihlouhna pansan a hoihlou ahihdan kihilh zawk ding chi ut dan ihi. A hoihlouteng I Khristian hinkhua a ding a hoihlou himah leh huai kia a kisinsak khamilou te leh piangthakloute ading a saan/pom haksa hi ding hi. I ginna a ding a hoihlou i society a ding a hoih omtuanlou ahihziak in i kihilh dan taanzau sak ni.
©Siamsinna leh Vakiangbu
Khelhna hawlou kuamah i omkei ding. Migilou pen inle khelhna ihawchiat uhi. Huat huaileng a himah tham a eiten i hawdiak uh abang mawk hi. Ahihziak in amik amak theimasa lou a ipawngpaw huatziak un ihuatpen khelhna tuamtuam ilak ah a inntek mahmah hi.
Bangziak a ihuat mahmah leh idoudal mahmah khelhna te'n honpaisan lou a idoudal zohkhop leh ilak a tamdeuhdeuh adiam? Aziak tampi omding lak ah ikisin sakna,i kithu hilhna dikzoulou a diam chih kangaihtuah zel a dik vek kholkei mahleh adikna chiang omding in kagingta hi.
Huchibang i huat mahmah khangkhat sang a sawt zawding daltheih tawp a i dal a i dal zohlouh tampi lak ah ZU uang gendeuh le. Zu lou a thugen neitheilou nopni,dahni,thupoi moh gendingte zulou a hitheilou te ina hi uhi. Himahleh Pathian thu i hon Awi upan apoimohna om nawnlou bang in ithei ua huatpetmah in ihua ua,zu gim nam himhim i gim neih uhi. Huai i huatna pen uh diklou sa i hikei a i huatnaziak pen dik taktak ding adiam? A huat huaina i genpen pomtak taktak ding adiam? Ahihkeileh akheltat himhim a min huat ding achih leh ngaideuhdeuh i zaw diam? A vek in a dikna a om vekding huaite lak ah i uang gen utdiak pen i kithu hilhdan (zu dawnlouh ding a huatding) ahih ziak dikzoulou deuh adiam chih gensau lai le..
Zu hoihlouhna ki gen pipen tuh Khristian na toh kituaklou ahi chih ahi. Kituaklou ahikha ding.. Thukhun lui ah tuh zukhamsia chih bang akimu na a thukhun thak sinsakna toh kituak lou in hin kigen hi. Hiaipen igen tup ahih louhziak in hiaitan in nga nawnle.. Thilhoih louteng i khalam hinkhua (khristian na) toh akituah louhziak thupi genpen a nei a i doudal ua akhamilou te ading a hihlouhna ding hizoulou chinuam ihi. I kim ikiang en le Eimite ukna mun Mizogam leh Manipur a Eimite omna Lamka leh a sehvel tuk a zu doudal a omkei maithei, zu zuakna dawr te ikhaksak ua.a zuak teiteite igam ua,YMA,CWA etc ten izep zialziak ua khenkhat ngialtuh khosung aleng tengsak lou in zahlak tak in i hawlpawt uhi. Ngaihtuahna ahtuh zu doudalna a i hahpan dan et in igam ah Zu a om ding vual hilou in agim lel leng kizakha nawnkei leh kilawm hi. Himahleh itaklat na munte ah Zukham ziak a kisual,kithat atam mahmah hi. I khaam ua ahihziak in aduhte a ding in kal tampi suanlouh in a muthei veve uhi. Thil imuh ngeilouh leh inek ngeilouh te kipakta se ahihman in imuh khak sunsun chia paisan maiding pam maihsa in i paikheng zoukei zaw uhi.
Eilak i genzual bang in ikim ikiang en nawnle eibang a Khristian mah ana hi Nagaland, Meghalaya te enle Pathian thu ei awi bang in a awi ua himahleh eihuat bang a Zu hawlou uh adiam chih theihkhop ding in akhosung uah Zu (asante) zuakna muhding a om vekphial hi.Nagaland bang atuh singtang khua a innteng phial ah MODU abilh vek ua ivahoh leh noupi (Japan nou ichih jente uh) in hon nasuah ua aduhte ading in ahamphat huai mahmah hi..! Eilak ah hucidan in Zu omleh nitak khomui kuan kialou inle Zukham in ikisual den ding un gintak huai zezen hi. Ngaihtuahna ahong lut chuh 'a inn ua ut dandan a dawn theihding Zu om a bangziak a siat phahlou uh ahidiam? A tapa/tanu in kisuanglah hetlou a anu apa mai a dawn thei ua,ahihziak a ki control ua en sumseng a leihang a,akhenten bat a dawn zawmah hang a bangziak a khamse teitei ihiding? Hausa lua a tamlei zoulua idiam? Bat angen siamlua ihidiam? Huchizen ding in ikigingta kei a ikithuhilh dan adik louhziak ngoh ut ihi. Bang chidan a ikithu hilhna ngoh ihia?
A malam a igenbang in Khristian natoh kituaklou ichihban ah zudawn gitlouhna thupitak in igen ua, a dawnpeuh nulepa thumanglou, i society adia hoihlou pumlum ahihdan ikithuhilh na uh ahi. Huaikia lou in alangtang mah a doudal hang a a zuak leh a dawnte etdan tuam a enhang a mul lit chihtak a mul lit zaw mah.. Naupang genhak khemdaìhna ding a zangzaw mah! (Na thukhel leh zukhmte'n hon vo ding,hon pawmang ding etc a khem ihihchia !) Huchituk a sia a igen,imuh tuh a dawn teitei mipa/minu misia/mihoihlou ahimah tham ding,huchia miteng in gitlouhna bulpi,sual chiteng a sual a ikoihziak in adawntu peuhleng a sedia kikoihna in alungsim aluah a Zu gim namphot in kuahiam tot hehding,kisualpih ding in hon mungal uhi. Miteng in a sedia koihkhit nung a asia a va om amau ading a siatna hinawn tuanlou a, ahihna mah uh hilel a hihchia poisakna om nawnlou hi.
Hiai igen ziak in zudawn hoihsa in society in ipom ding chi ihikei a Manipur/ Mizoram ikan chia tuiluan aluangphial akimu a mi'n sual chiteng bulpi a azatlouh uh eite'n i muhdan,i etdan etc (i concept) khek in Khristian natoh a kituahlouh ziak a huatding hilou a dawnlouh ding,akituah louhna gen ding,Zu dawn in innsung/society a suksiat theihdan kihilh zawk ding a tua ihuatbang zen a khelhna teng puntu bang in gen zezen keile... HAI GUK AKHUM chih dan a zu gukdawn akhum chih hong hilou dia a KHAATNA theizaw lou ding idiam... Miten mahni innsung a bilh ua,mahni inntual a huan ua siatphah lou ua enle delh mangzou tuanlou pi a idelhdelh sang in aphatuam zaw diam?
Thilhoihlou chih peuh i hua petmah mai ua hawl a hawl mangthoh i sawm nak uhi.Huaipen hihdan hoih mahmah khat tuh a hina a "mihing chiatchiat kilau tuan lou e" chi a ki pasalsakte ihihman in hong kileh nawn chia douhaksa sem hi..Tuma zek in Setan bia omchi in alang alang ah hawlmang tum in ikidelh huan ua Lamka khosung suling zou phial in a thu athang a,ilau ua amauleng a hahpan uh a hiding a "huailam ah kikhawm uh" huai ah Setan a bia uh" chia gen ding inei gige hi....Mi ginna hawlmang theilou ihihna ah thagum a kidelh mang in sawt a daih gintak huailou hi. I tenna gam Biakna zaleenna gam hizaw mah a hihchia hawlmang hial in gawtna pehial le dan bang a gawtna thuak theiding ihizaw mah hi. I Ginna in hon sinsak khalam galdouna hi a thagum thatang a dou hon phal ding leeng ka gingta kei mawk hi. Heutu te'n ngaihsak luatlouh ding ahi chih thuhon khah ua kuapeuh in i ngaihsak nawn keileh tuchiang in a thu uh kiza lawnawnlou a beihial kei le uhleeng nungtolh uh a hipeuhmah ding....I pianphung a mihangsan ihihna a thagum thahatna in sual kidou zou hak mahmah ding hi. I doute midawilokte hituan lou a eibang a hansanna neite ahih man un....
A tung a etsakna dan a igen Zu leh Setan biate i gupna ahikei a i doudalna a ipaidan dikzoulou a diam ichihman thu ahi. Khelhna huat ding mah ahi a himahleh I huat pen hoihlouhna pansan a hoihlou ahihdan kihilh zawk ding chi ut dan ihi. A hoihlouteng I Khristian hinkhua a ding a hoihlou himah leh huai kia a kisinsak khamilou te leh piangthakloute ading a saan/pom haksa hi ding hi. I ginna a ding a hoihlou i society a ding a hoih omtuanlou ahihziak in i kihilh dan taanzau sak ni.
©Siamsinna leh Vakiangbu
Comments
Post a Comment