THE YEAR 2003
By ~ UMuan Ton's Dsp
© Siamsinna leh Vakiangbu
Kumbul January kha 2003 ahi a, skul kai lai ka hih man in admission
di khong in ka buai mah2 a, ka laibu di te khong kai khawm in ka buai
mah2 mai hi. Hichi in January theih louh kal in hon bei pah mawk hi.
Huchi in February kha hon kipan nawn leu2 hi, hiai kha in chu skul lut
di kal kilin a lin mai a vot sim zawk mah toh kilin diak hi, himahleh
a lou theilou a hihziak in ah skul lut ngai hi. Skul I hon lutta chu
First day bang chuh ZOGAM COWBOY dress kichi zezen in I civil dress
toh kikuan khe neuhneuh mai dan hinchin. Skul a lawmte toh kimu in nuam satak a hun bang zang masa sim zezen chih leh routine hon kipiak khit a
zingchiang full class la di, full uniform toh non kuan di uh chih thu
hon gen bang chuh, thanopna teng bei mai.
Hicia first day hun zang zou inlam pai leh lawmte khat in va pawt
zual ni hon chi in chin kenle hih di omlouh toh awle koi a e I hoh di
chi in zuisuk pahngal, aman le hon pai pihpih in a inn ua hon bang pih
masa in chin computer valei di hon chi huai di hi piang san. Computer
lei di hon chih a kipat bang chuh kiphur diak, huai lai khong a computer
nei tam nailou lua eicia kingai sang mah2 lai. Amah hon kisa zok in
chin a pa’n gari hon la khia (ka gare zat uh scooter) in mi thum tuang
le2 kawm in bazar lam tai suk, mun tuam2 a va en kual masa aki mat na2 a
lei di chi a. Mun khat a kon lei ta u chu inn tun pih kal ki ngak lah
mah2 ta zel lawmpa kia pai kin sawm ni tuni mah a game kimawl theih
khak le chi, huai lai khong a kimawl petmah hi mai, tua mawl lou chih
na hi tuan lou in kimawl diak, fit zok a kimawl theihpah di bang sa I
hihchia.
Auto khat la in vante guang in kei tuang in amau kama ua a pa toh
kipokawm a tai uh kou anung a zui. Inn kon tung uh bang chuh kitha lop
petmah, ei a hilou na in chin amau I mai ngal gen tak louh amau bang
siam a siam thei zomah lai uh a hih chia kimaingal diak. Hucia hon fit
pan ta uh kimawl theih kal bang kingak lah pet mah hi ve aw. Hon fit
zou uh kimawl theih nailouh di zinglam chia hon kimawl mai ua hon chi
uh ei bang poi kisatuan teuh lou kipak veve nidang chia kimawl kha di
hi na ven chi kawm a inn lam pai di ka chih leh ka lawm pa in kon kha
di hon chi in kikha sak. Inn tung in routine khong teng huai zoh kihah
siang in nitak an ne. An ne zou kuang khong le hem zou in lung muang
tak a zing ciang a suak subject di te khong en char. Lup hong hunta,
lum ta chih leh lawm pa computer neih ngaihtuah kenle nei zou ta leng
zaw chih khong lungsim a hon om.
Lawmpa kiang phak man khak leh chi in a zing chiang zingkal bang thou
baih zezen chih leh pha thei lou skul a kimu veve. Skul a lawmpa in a
computer a game a koihte khong hon gen leh kiphur deuhdeuh mai, bang chik
chia kimawl khak in om di aw chih ngen lungsim a om teacher te thu hilh
le kingaithei nawn vetlou, hichia ki-om mai lungsim a computer kia om
ta. Huaini sun chuh lungsima a bang mah lut thei nawn vetlou. Nitak lam
hon hita skul ki taawp dek ta chih a lawmpan ah ka in uah hon pai ve
home work te hih khit chia computer game kimawl theih ta di eive hon chi
hilele ken ah ka inn uh ka phak masak ngai teitei di chi. Inn pai kik lam
bang chuh ki hat hi mai bang chik kal a inn ki tung a chih le kithei
manlou kitung pah. Inn tung a kisil puan te khong hah in homework te
gelh vitvit in huai zoh a ka nu kiang a ka lawmpa kiang ka pha di chi in
tai khia. Lawmpa in lam a tai phei chenchen mai, hat deuh mai a kikhoh chih
chuh game ana kimawl pat man khak di uh kilau lua eichia.
A inn tung tak a game kimawl pah nitak ann nek ma va kimawl. Hichia
niteng routine dan a ann nekma kimawl dia kuan zel, nu te bang in hon
phal khol louh chia bang a kinuak zeih zel. Hichia hunte hon paitou zel
in March kha, April kha te hon bei MAY kha hon tung tak a HALF-YEARLY
exam di hon hi ta lai sim kuh kal deuh ngaita a hih chia game kimawl pen
tawp san phot mai, lawmte lak a ki-fail nuam lou ei chia. May kha kim
khat di khong ki-prepare khit nung a exam bang chuh nuam hi na maizen e
chih phet a om. Exam hon zouta. SUMMER VACATION hon ki pan ta. Exam ka
zoh ma ua kapapi te singtang lam akipan hon zin om uh, kenle exam ka zoh
man a leh kon zui suk di chileh exam zoh tan ana om vang lak un chin
kenle singtang lam a va zui suk.
Singtang (SONGTAL) ka pai dek ni zing sang a ka nu'n gari kham louh
na damdoi hon pia kenle ne pah gari kham I hih chia. Hon kipan kheta
bang mah chuh chi pah lou zezen chih leh Singngat kon tung ua leh sung
hon nim pah. Luak khong hon suak a buai huai eih kha gari lah ei deih
huthut a khaam theih hilou zomah. Zinkhak bang kisik huai na e chih sima
om, lungsima inn a ki omleh hiah teng kithuak lou di hi a chih khong hon
om lah kizin kha lak loh eicia kik theih lah hi nawn lou. Hichia kham
pipi a gari kon tuang bang chu gim huai ei. Luak lah kilo theilou lah
luak suak ngal haksa petmah hi mai. Hichia thuak tou charchar leh a tawptawp a
SONGTAL khua hon tung khe khong. I hon tung bang chuh nawp himai gari
tuang i kham nateng bang bei zou phial. Lampi siat a sia ei chia lu
teng khong puang bei, mel bang kimu lou phialphial a puang. SONGTAL I tung
leh nawp petmah hi, nitak huih khong hon nung hiau2 mai i Gari kham na
teng bang beivek hi leh kilawm. Kifresh a kifresh mai.
Huchi'n ah ka Papi te toh insung ka lut a, kaki suah a kisil din kaki
sak leh ka Ulian in ah hiai ah kisil koh lui gei ah kisil lechin nop a
nop di hon chi in chin kenle awle chi in kisuah sa himah leng kisa kik
in lui gei a kisil dia paisuk. A inn khang zek ua lui om a hih man in
sahbon to chauh ka kuan uhi. Huai a va kisil khin ka pai touh dek leh
ka Ulian in thaang ka va vil di hon chi hi. Ken bang a thaang vil chih
le theilou ka hih chiah bang a huai kacih leh ka Ulian in ka thaang kam
te kava en di cih na ahi chi'n simple tak in hon gen hi. Kenle awle
vavil aw leh kei kan paitou di kachi a amah tha'ng vil ding in akuan a
kei kapai tou hi. Nitak ann kon ne ua singtang meh a lim mahmah mai hi.
Huai nitak zet chuh ann ka hai mahmah hi. Huci'n ah nitak hong hi a mei gei
a tu kawm in kaki houlim nilouh uhi ka lup ma tan.
Huci'n kon lumta uhi. Zingkal ahih leh ei phai zang deuh aki pan nana
kithou hak deuh hi, amau chuh kho mial lai sim lah vak hieu hiau sim in a
thou uhi. Kei chuh ka thoh hun ngei mah dak 6 in kathou hi, dak 6 a
kathoh leh miteng bang in ann nezouta di mah bang zezen, hici thohhak
hon chi ua, kenle nui kawm in nidang a i thoh hun geih eivoi ka chi hi.
Huai ni sun chuh bang mah ka hih kei a ka Ulian toh SONGTAL khua kava
fang uhi. Huai ni sun huci'n ka zang bei uhi. Nitak lam hon hih tak in
inn lam kapai ua leh I SALPHA TANGVAL ten carrom ana kap ua kenle kava
en tei hi, a siam thei mah2 zel uhi. Huai sawt lou en in inn ka manoh
nawn ua huai a chuh inn ka tung taktak ta uhi. Huchi in ka Ulian nitak lam
routine a neih tha'ng vil ding in akuan khia hi.
Ani nawn in kenle sun in ah sailim tang hual in ka gophel di khong
toh ki-ready sa in ka om a nitak lam chia ka Ulian zui di chi in ka om
hi. Nitak lam hon hipet mah a ka ulian toh kaki zui khia uhi. Ken chuh
singtang pa sakhau ka kuah a huai a kasai lim tang 200 di khong ka kuah
hi. Hucin gamlak a vasa hiam bang mah om kei lele ka pong kapkap hi.
Huci'n mun 8 lak di khong a tha'ng kikam te kaen ua vasa giat (8) mahmah
ka tha'ng ah ana awk a huaite kaman uhi. Huchi in inlam kon paita uhi.
Inn a ann limtak toh vasa ana mat sat te uh pok huan i hon ne bang chuh
a lim mahmah a gil bang a hoih vah mahmah hi. Hucin nitak te a ngei bang a
zang in lum hun in ah kalum vekta uhi. Hi chi'n niteng phial in ka nite
kon zang toutou hi, lou a i kuan louh chiah gamlak vak kihi reng hi.
Nikhat tak chuh nidang nitak lam bang chiah kei hi. Zo huih khi te
hon nung hiauhiau in kho om dan nop mahmah hi, huci in kou nitak lam a
tha'ng vil din ka ulian toh kaki zui khe nawn uhi. Hucin nidang bang
lou tak in ka thaang vil uh pen asak lam ah ka pan uhi nidang in bel a
khang lam ngen ua kapat uh ahi. Huchi in vasa khat mah leng ana awk kei
hi, kou leng pai suk in ah akhang lam a pen vil ding in ka hon paita
uhi. A khanglam ka hon pai tak un thil hiam khat hon tai mah bang kaza
uhi, ganhing a diam chi in ka kan leh gan hing hi mah inteh pau lou in
kanung hon zui aw a hon chi a, kenle paulou in ka zui hi.
Huchi in ka ulian gen mah bang in ganhing khat hon tai tou hi kou
leng ka gophel in kakap ekek uhi. Huchi in ah ka kap ua leh hong mang
guih mawk hi. Kouleng lamdang sa sim pipi in akhap ka zuih ua leh mun
khat a ana awp petmah hi, akhap amun dang mahmah a om nawn lou, kei chuh
lau sim hita en i tuah khak masak napen ahih chia, huchi in ka Ulian in
akhang apen va en ni a hon chi a kava et ua leh vasa mul di dan deuh
khong tam in a tam a alam dang mahmah hi. Huai a ka om ualeh thil uih gim
nam a nam sia hon nam hi. Huai hon nam se petmah cih leh kou le akhang
lam kapai suksuk chia hon uih deuhdeuh mai, nam se deuhdeuh hi ta mai, kou le
kuh a kuh kal a namse lam vanaih cih leh bang mah om a namse lam kanaih
deuhdeuh a leh amun di dan deuh ka tung ua bang chuh uih diak hi mai. Hucia
akim leh kiang khong vel thil si om hia cih khong en huci lah om
tuanlou incin koule pai khia huai mun akipat.
Hucia kon pai khiat lam ua a uih hon nem deuh huchi uih lo nawnlou
koule hicia pai toutou in gamlak apan hon pawt khia hucia inn lam ma noh a
hon pai. Huai inn tung a ka nupi te ka papi te kia ka gen leh Sikha
gim ahi khong hon chi uh kho nung a lau chi hum mul khong thou zou mai.
Huai ban gamlak a hoh ngam non lou amasa a kei kia khong hoh ing a hi
lele huai ban kei kia hoh ut nawn lou himhim. Hucia hun zang tou zel ing a
Pathian ni khong chiang a ki khawm ing a hun hucia zang tou.
Huaizoh Lamka lam hon paitou, kon pai touh lam chuh gari le kham
nawn lou in inn damtak a hon tung suty beita a hihchia. Hicia hunte
hong paitou in skul khon hoih tak a kaitou charchar huaikum skul a full
attandance award piak a om ing a hucia academic achievement khong le
ngah. Hucii'n 2003 kum khong zang bei hi.
© Siamsinna leh Vakiangbu
Comments
Post a Comment