SAIPI TOH KAKI MAITUAHNA
Written by- Thanuam Dahpa
Part - I
KALUNGTUP
Pasal khat kihi ngal a Thau a sa khatbek manlou hihtel ding pona in Half Yearly Khawl hunsung a khat bek matkhak leh chi in Singtang a teng tanaute khua ah ka vahoh hi.Sa tampi mantheidi mun a ki omlou hihman in mat vanglak leh alian mah mat ut in SAI mat dina tup in kon nei a. Ka ut pen Sai mat ding kagen chiang in chiam nuih bawl hon bangsak ua "nang thaupua in gamvak hiauhiau kei niteh" hon chimawk ua kanuih a leh zaak zezen hi.Huchia kingap nahihleh chi in zingsang khat a khomi minih toh gamlam zuanding in kahong kisa ua..Amau ahihleh 303 khattuak a pua ua kei a ding in a lawngvang lian heuhou zezen,a vuithun tawm ding,a kep thuahtawm ding khat khinpi tung a pan hondok khia in hon pia uhi.
SAI KAP DI TENING NA
A vuithun dingdan hichin hon hilh ua..a tehna ding nupangte damdawi thol dimkhat,a thulawng a sunding huaizoh chia puansia a hun geihdia a aat neusa uh guanlut a a holhna ding a tat gakding,huaizoh chia a tang thun a puansia mahthun khumnawn ding. Huchin a vuileh a tang thunding dan kon master ta hi. A KEP : a kep ahihleh a ZAWNGZANG toh kituak ding geih a kibawlsa thau ZAWNGZANG a chihpen mun ua lukhu khusak dan a khuksak ding a hi a huaileng kon master ta hi.kapdek chiang a koitak mek ding chih nengneng leh vuah a zuk leh a kep omna mun lenuai a zep ding chihte hoihtak a honhilh khit un ka hongkipan khia uhi. Khosung mipi hon mukhate a kipak thei mahmah ua "nang thau mahmah muan huai" chi in leibeng zen in a nui zel uhi. A muan huailou deihlou chih bawl in Sai kap ding in TATA khedap tawthuap bulh zet in ka kuansan hi.
GAMMANG AH A CHEETNA
Khosung kahon pel ua khanletna khua a lam ngilhsa leng khe a zuipeihlou a gari tuan nading piaklouh chiang a nuak zezen pa tuh lampi kichian leng omlou in Thau gik belbul khat toh lawmte nung kon delh taktak chu.... a chih ziakei khop mai a !!! Kamnak zen in lawmte delh in gimlou bangbang a om kasawm inle a hithei kei a lawmte lak a hon maingal deuh pen in "nidang a keikia a vak hileng amun tungta ding keive" chi in hon nuihsan zel a "zezen kihatsakna chia" ka chilung sim zel hi. I hat theih tawp a hat a inung delh in le kihal gamlalaw zel kahih chiang un hon nadin ngak zel uhi.
Dangtak gawp kahihdan kagen leh "Tua na dang a takpah in sunitum in i vakzou dihia" hon chihsan lel ua tui omlou chuhon hehpih le uhle a loh didan dang omlou bel ahi him hi.Hon iplah sim le ule khopi a om ihih chia akam un a genkhe kei ua hon iplah lam ubel katheikei..hahah Mual tamkuam kahon palsuak nung un Gawlak kahongtung ua keibel ka nakging ngaihluat ziak hia bangmah kazakei a lawmte gel in suangtung khat a tu in iplah tuaktak in hon na en ua akiang uh katun leh mat kasawm Sai husa om ahih dan honhilh uhi. Nou va kap mai ua chih nop huaisim mah leh kei lung gulhziak a hon kuanpih uh kahihman in peihlou sasa in kazuikhia a a mautuh a gin ngaihlouh na munmun ding en khollou a theimah a bang ua kun khankhan in a gepthoh uhi.Amau paidan chia kun khankhan in ka zuitei a sikna di mun et toh a sai zong a dak a thuah hak khop mai..huaikia hileh phave!! thagim toh deihna munmun le kisik khathei zawzen lou in gokang (gua neuchikchik keu kiate) bang kei sikna dimun tak a na om ut deuh bang in tamkhop ka sik tan ding hi. Lawmten hali zen in hon en ua a loh didan omlou tuh a nuimai uhi.
Sai noukai gamtatna mun kon naih mahmah ta ua hon ngiik mah bang in "DRRRUUUTTT" chi in a ging duldul a "Sahang om hia" ka chih leh khat in "SAI...SAI...SAI..." ahon chi a kadot pen hon dawngkha kasakei sim na a kihouna hun omlou ahihziak in kadong thaknawn kei hi..A noukai om ahihdan hon hilh ua,"pilvan ngai ahi,sai noukai hang ut ahi" a hon chi ua a thawm uhlah Ngalngam in pupa khangui a zillai sang ale thupi zawleh kilawm a ging ngaih in,a khen chiang a ham vokvok leh a khenchiang a hon phiit ek ek mahbang zel ahihziak in ka dip in "kum guk..kum guk..." hon chita hi...Laubel kahikei !!! A hapak nei a omhiam chi in gawbul a kungteng awn ziiziai khat ah hon kahpih ua a ban in hon simpih uhi...Kei muh anou simlouh in Jesu nungzui zah a pha a a nou thum toh i gawm leh 15 apha uhi. Sawtkhop hon etpih zoh un ka loi upa pen un " A ha nei omkei" ut ut kap theih hi" hon chi a keilam hon nga in "Kou a malam ah kana pang ding ua minit 10 nung chiah a nunglam a pan honnoh phei in" hon chi a "mawk mawk,chikmah a sanung zuingeilou penpen non sawl" chi ut sim mah leng a lau honsak khakding uh kalauh man in "nou hon zui un, ke a kap ut kahihziak in a tangpang in ka napang di" ka chi a "ahihleh ken kon zuidia nou a na pang un a hon chi hi. Loipa khat pen kintak a kum in ka delh khepah a kei katuan na uh bul ka kum khit in loipa a na pai tumta...Dip kisai lah khawl tuanlou...lauh bel kalau kei [:P]
THE ENCOUNTER !!!
Munkhat ah napang ding chi a gobul zang a kadinpat leh kasak deuh a hong ging a,ka et leh ka loipa gawkung ah ana tu a "E huchia asang naih ding ahih leh chi in kakiang a a gawkung a kal ding in kong kisa a..kawngchiang leng kalnailou in Sai honte a hongdiang vengvung ua kal teitei le lah kagin zadia honpel ding...kal keile lah a zawi kiangtak a ki om hong paidia a mawl a hon kaikhe dingbang a gingta in kakhut in ka kiluai dengdang mai hi. Ka kiang mahmah a hong ging om a ka et leh...Kataraisai....A bil lah lohpi chia pha leh kilawm, a muk saudan lah chu....hon sawk henla hon zial in leilak hon zepna ek mawkleh nuam mahmah lou ding ahihdan bang ka kin ngaihtuah petmah hi. Alaubel ka hikei ... [:)]
Hong phuphei mahmah ding hita keilah a khuk chiang a sang dilel a kiluai,khut langkhat a kiluai a khut langkhat a kap chihte lah housalua,kap ut vetlou !!! Lungsim khat a chu hiai Sai in hon pal lup kei ngeingei leh tuban Sai kichi ka delhnawn kei di a hehpih huailua uh !! ka chi sim hi. Lawmpa lam a lah pailou uh kei panna mun (kiluaina mun chimai ni maw) a alom a tang a hong paisawm zawmah uh,hon simmoh uh kasa lua a kalung sim in "navang uh pha kei deuh henla panmun a na laman leng nonsim mah uh banglou ding kahi" ka chisim hi. Kap di dinmun a ki om lou a "Survival of the GINNGAIH" policy a om vele chi in thahat theihtawk a hat in gawkung konkal zaw kanehsoh khopmai..Thaulawng in a lang alang sat ahih chia gamsa hangsan pen paingam na dihitalou chu hidi hiven ka khanglam deuh a delh in a kidelh sung nainai uh aka.... Panmun bawl zou a kathau kakhut nih a ka toitheih tak a kaaplum gaidia ka kisak leh a nanung pen mei kamulel a "Vangpha na mahmah uchia" chihmailouh tuh gendi avang khop mai... Huaiteng in beileh hoih di hiven...Ka sak a pang pan " Nang kon muh leh na omdan nalh lua a kap dilam phoklou a na nuinui kha keivoi" hon chi lel tak hi...salah.
Hon nungzuih pen in bang dia a na kaplou uh e hon chi a tam in ka dawng het kei a "nang hon phawng baihlua a mun kitung pan a hon pel eivoi",ka chih leh ka kiang a om pen a na nui heuhau hi. Huchin a nung ka hon zui nawn ua Lamsial thak mah bang ngilh/siang kia le hilou in tupi zang a hoihtak a tou a sial mah a batna leng a tam petmah hi. Loulampi dia i deihna mun tak a ahon in kidelh leh sial nawn ngailou ding hi a chih khawng ka ngaituah hi. Huchin gamla lawlou ka zuih nung un taithoh nawnlou a a na phengpai simta ua lawite'n Sai i delh tai leh sau tailou ahi hon chi ua a chih bang un mun khat ah aPithum a na om ua loi upa pan a mailam ah kava khelh dia nou hiai suangpi tung ah na pang unla hong kik uleh na na kap ding uh, a zawilou a hongkik lou ding ahi hon chi a keileng suangpi feet 7/8 khawng a sang di tung ah ka kal tou hi..Kaltoupan ka kichih leh thau hong ging a khat bel a puk suk pah a nihte gelh keihon simmoh deuh uh a hi diam kei omna lam mah a hong tai chitchiat zel a..loi upa pan ka min a honsam in "nanglam ah hongtai ei na kihem ou" chih leh kap a thuahnawn a kei kiang hongtun ma in khat a puk nawn a,amai a pen a puktak in in a khatpen le a taina masa apan hong ki divert in keikiang lam mah ah hong tai a hoihtak a na gim chenchen in kon kap chu...... Dekh...chin a kep chu a ging ka....!!!!
Hiai Sai leltak lau di hia chihbawl in suangtung a pan tawmkhia in ka va nungdelh a sau delh manlou in " va delh nawn kei ou nih tak manta hang ei " hon chih uh zakei ngeingei leng kap puk tep di kachih hi a....Keile min honkhou nana nachi in ka kik a khat sihoihlou a thoh sawmsawm ana om a "huai akipek pen hon kap lum ole" hon chi ua huaikhawng neng chisim pi in kap din kon ngim chenchen a meek dek mahmah chih in ka thau kep omlou ahihlam konthei a a kepthuah a ka kaplah ...DEKH...chin a ging ngaih hetkei zel hi. Kep khat thuah a ka kap nawNleh a ngeimah bang in DEKH... chihteng in a ging zel hi. A sai kiang a "na khol phot o" chihtheihlouh a hihman a hong thoutou zoudekdek ngak zoulou in ka loipa un a na kapman nawn A na kap kei ngeingei leh a taltang tak a vuhthoh zezen ding kachih hi a......!!!! Sai nih man tuh kahi ua a sih siangngak in suangpi tung ah ka tu ua,ka thau gintheihlouh pen a hoihlou hon tawisak uh ka chihkhak ding kisuang lah in ka loi upa pa un a hon vel a,athau hoihlouhna khat leng mukei mah leh a Vuithunlouh a SAI kapdia kuan kana hi mai mah hi..... Kiphatna loudin Mundang zaw kachi ngamkei a akhosung ua dia Sai ngamthoh pen,thau vuithun lou a Sai kap dia kuan keilou kuamah a om kei di.....Saichuh ngamthoh tak kahi.....lol
Part - II
on 22.april 2012 3:05 PM
Huchi in thauvui thunlouh lam kahon theihchiang un gending a vangna a nuihna ding atamkhop mai a... ka samat lamlam uh leng phoklou hial in gilvunna zen in ka nui ua Sai hongpai nawn khakleh chih lung gelna om hikhol keimah leh ka Loi upa un a ging teitei ding in hon thunsak a a tangleng tang nih zen hon thunsak hi.....!!!
Gilvun nazen a kon nuihtawp theihtak un ka samat te uh kohon phawk khethak ua ka Khukri puak in a Mawl attan ding in kong kisa a maam pikpeklou ahihmaan in a mul lit huaisim a,pasalpi tou mul lit lou e chilungsim in Saikhat mawl tum thum suah in LIIT (Tuivot) toh kilamdang lolou in ka thungpi sungchiat a guang in Inn lam kahon zuan uhi. Keichuh ka kipak ahidi ka gimlamle kaphok kei a lawmte nung ah hat taktak in ka pai fetfet a Thau in hon subuai deuh gige keileh loite ka makhelh munsim ding hi....Ka Thau puak hondeih goh khaugui leh singnou a tam luatziak in a hon na let tangsak nakzel ziak ua kipuk mun mahmah kahihman a phazoulou lel kahi...:)
Amakai a hon pansaklouh ziak un minung a delh chihtak a delh a gim huaidan huaini in kathei hoih mahmah mai hi. Makai sang a nung delh a haksa chih katheichiang mahmah.... Ka hansn dan (Thuvui thun sese lou Sai kadelh dan) a hon theih chiang un khosung mipite'n hon pakta theikhop mai ua,a khua ua dia mi minthang pente lak a Topper ka himai hi...(mihangsan ngaina te ihih uh a ki chian mahmah...:P) Hon mupeuh lah nuihmailou omlou,damtheihna tuntu ka himai....!!! Nitak in Sai mawl meh kon meh ua a himkhop mai a sun a thagim lam leng kaphok kei hi..Nitak khua hong mial a gimsim toh kong lum a, ka delh louhna na kidelh khum ut,ka khua ua Vaite sam met te'n te ki malis sak ka muhchia chizau huai kasak mahmah te khawng kamit kha in honglang a ka tunchiah chu ka va ki malis sak lomahmah ding ka chilungsim hi.
Zingni hong suak pan chih ding in "Thouta ou Saisa pua a kuanlou ding maw" hon chi ua "kon nung delh ding " chihtheihte lah hilou ahihziak in ka khepi mongh tan a le pum golh in kathou khia a Sai mawl meh toh ann meh in Buh satseng khat ka puakdia hon koihsak uh pua in ka TATA khedap taw kithuap mahbulh in khosung mipi tengtoh Saisa pawding in kong kizuikhia uchu...a minthang mah ka minthang touzel chih di ahimai.....!!! Na thau hon pawlou maw hon chitoh ka gamtatna a thei ut thei mahmah ua...!!! Thauvui thunlou a Sai manpa (mat sawmpa) hon chi in hon ngaisang petmah uhi...:P A hon pahtakna te uh gen a a chiak chiang un keibel ihihna min a gengen chiang ua nuam kasak lam a hihlouh toh "hiai kasengpi puak dim a Saisa hon pawsak di uh a de aw" chih ngaihtuah in ka lung a na buai gu mahmah hi...hahaha
Huchi in a mun kahong tung ua Suangpi tung a pan ka ngim chenchen dan khawng ka ching zek a nupite a kipak diak uh....lol Huchi in Sai sa kon sem ta ua, a delh khumna lam laak zoh vual ding hilou ban ah pawkhin zoulou himhim ding kahihman un a khen in khat tunglam sa kala ua a khen in khat tunglam sa la in sa nana naachu tam himai....Huchituk a sa tam kamukha ngeikei...Muslimte bawngsa gohna leh Nagate Bawngsa zuakna a satam kasak mahmah te chu a kep himai....Asa duai ziak hia a semte tem zatsiam louh ziak hia tem a mol pahpah a chi ua papi nih tem tat in sa a sem man kei uhi...Ka gintaak het lou a hihziak a ka test leh dik mahmah chuh mautoh kibang sim a tangkal sau GONAAl a chi mai uhia temdan a hiam dia sui a sa isem leh temsang a lehiam zaw/bun zaw a chih uh a na dik mawk a theih beh khat kinei a Sai matna a ka tel khak nawnlouh ziak in a zatna dibel a om kei..But theihna val omlou hiven maw....
A neu alian om muang omlou in Pasalten a sa baak lian pipi a a at khiakte uh numeiten bak neu chikchik a na at leh a pangpuat/Dual na pai in Guwahati Zoo a mulukolh honte sa guh kituh mah kabang sosouh uhi. A tunglam sateng kahon lak khiat khit un a gilsung kahon muthei ua kalaisai....a gilzang lah ka pum chia phialpha..ken bel a gilpi ngen di kasa a a ngoi omlou hia kava chih leh a kipak theimahmah zel uhi. A gilzang letdan ka chet ut ziak in kei sang a neuzaw ka thuhon sel lou dideuhte lawmbawl in a gilteng ka khuk khia ua pum chiachia pha a ngoi ah a sithun kibawl leh nektam a pha mah di..chih khawng ka ngaihtuah a, Ui ngoi hiai chia pha henla Lamka ah kizuak leh kihausa pah di chih khawng ka hisap khemkhem hi...:)
A phel langkhat tuak kahon lakhin ua a kimkhat tuak (Sai pumkhat pha theilai ding) ka nusia ua pammaih kasa mahmah a zingchia va puak thak di eive kachi hi. Huchi in a sem dingteng kahon semkhit tak un sa chuh a vum venvon mai a kihawm thoh chih leng omlou in michih in a puak ngapzah ka seng puakchiat uah kaguak ua,sa seh hawm dan katheihbeh tuankei hi.Kei na buaina khat ahih leh bangzah guang di kade aw..Tawm guang loleng lah hon nuihsan zel di ua..tam guang leng lah zan a Thau khat toh le kipai khop a...ka chilung sim zel a atawp in ka ukiang ah "ana guang in la ka va daileng di" chi in dailen suaklou pi daileng ding in ka kuan a, a na guan zahzah bel puak tuntun di himai chin thupuukna kala hi.Dailen suaklou chuh kikham baih mah a hih chia daileng theituan lou in sawtlou om in kakik nawn a ka et masak pen chuh ka seng ah sa bangzah a kiguang a chih a hi a, a upa zaw nana nachuh pildeuh mah in a na om a ka gintak sang in ana tawm guanzaw a ka buhsat seng puak kimkhat sang a le tawmzaw a na guang a kipak sim mahleng min a dim ngen a guang uh ahih chia "Kare tawm guang na chia" ka chi khemkhem a bak thum hiam ka ve guanbeh ve...lol Tam guang di hon sa in hon mupeuh in "huaiteng le pokhop mahmah nichia sa hing gikbaihlua ahi,a seng hawm le potheilou in" hon na chi kheukhou ua "thauvui thunlou a Sai delhngam pa mi maimai sa na hi umaw" ka chih leh a kipak theipet mahzel uhi. hahaha
A seng a letluat ziak a tam a kilang/mulou maimai (!) Saisa tam a tam kon pua a kong paituh a tuung in zaang kasa mahmah mai a, bangtam hiam kong paikhit chiang un ka seng puak a puak hak deuhdeuh a a khenchiang in ka Nam tuallua chi in ka nung a paipen ka sui siingsak zel a sawtlou kikhawl a hihziak hia ka kipat nawnchiang un a puak a nopzel a bangtan hiam kahong pai chiang un a khihtu in khih kiplou a diam hong tual lawzel a !!!,thumvei mawngmawng ka sui siingsak hial chiang in tuh siing lawzezen lu a le hoihtak in ka nam ka ngathei nawn kei phial hi hahaha.. Huchia ka Nam ka suisui ziak akho mite'n chu a na thei mahmah mai ua a khen in Bak 4/5 in hon dawn ua, Sengtaw kimuthei hial tan ahih in tuh ka Nam le a tual law nawn kei hi..(A kaitual ding om nawnlou chu a tualmah di hia maw...hehe)
Zan a mihangsan leh record breakpa tunin zero ka suak dektak aka...lol Huchia kasapuak thumvei mawngmawng ka but khiak khit in in kahong tung ua,inn kuan a mi 5/6 te puak tengtoh keipuak tam atam )!) ka hon sung khawm uchu....huchia nek theih himaileh a chih huai petmah hi. Imselouh in ka sa deihna teng le lengmang a himai,tul bawl a a khutna ding singtum va puak a houkeu ding hinalai.....sob3 Vangphat huaitak in chih mai ding a diam ka khua a hongsik sim a votsa in mei ka awi a huainung bel kasem kha nawn kei...mi damlou lungkham a huaini in chuh damlouh ka welcome mahmah ve..hahaha. Lawmte sa hou a buai vengvung a munkhat a hon om sak uleh le nuam kisalou zel a sa mahmah leeng kipakta lua ahih chia kongtual a sahouna ding Innsung chia mahmah akibawl thupi chihlouh theih ahikei ka v enloutheikei hi..
Nitak a honghita a a keu masate koih khiat hong hunta a huaibel haksa hetlou ahih man in ka kilawp lamtak a hi a a tul a pat tolkhia a khakham zen a sahou peh phiauphiau chuh nuamtak ahi..Kei kia nek khiat tengle ser 2 bek phamailou di hia....A chinchi het kei,huai nung sungna ka neihloh aka..) Huchi in khinpi tungteng lah sahou a dim,a et lawm khop mai a kumkhotawn in ki ne lele gaih pah louh ding sa hou khinpitung a ki se vum venvon ihohna teng ah muh in a om hi. Kei chihmah tak ka etlah ziak in ihmut sung chihlou sahou hai ka khawl kei hi...A delh le hangsan a nek le kadawilok tuankei !!!!
Khosung mipi in lah hon deihsak thei mahmah uh..a huai mun lim a hi chihmah a tam a..a sin lim a hi chi in hon awlmoh ua adeihteng deih zahzah in ka kihawm ua lim tak chu hive... Khenkhat te'n a mawlsa lim a chi ua huaibel kou a man a kuanteng a hon petuam ua,lim leeng a lim vanglak..mal liam simsim a khau ngat tak a kivial a batna leng a om a, a zungpai zingzeng dan a om hi in kathei a imek leh a thuzol hong pawt thei pian in a om a zol mahmah hi. Khenkhat ta get in lah a khetaw sa lim ahi a chih uh kaza a,hon deihsak mahmahkhat in ka kuanma apat a khetawsa lim a hi na chepna din ila di hon chi a hon lakpih a huai chuh a limlouhna ka theikei na a Sponge takdeuh/dunlop kihai leh huaitoh kibang sim din kathei..."A lim na chi a dunlop haitoh kibang" ka chih leh "huchi hia ken nekha nailou, min a lim a chi ua" hon chi a hon deihsak dan uchu a nekhaloute na san in lim salua a hon chiamsak teitei ut ana hi maimah uhi....
Part - III
on Sunday, April 22, 2012 at 6:15pm ·
Saisa hou a sial a pehpeh natoh meh a mehmeh ziak a sunghoihlou in kalkhat bang hun kazang a ne nawnlou dingchih lungsim ah om mahleh meh huante'n lah annteh kia huansang in chi in mehlak ah a telsak lou ngeikei ua...(A telkei lele lim kisalou) huaiteng kia hileh poikhol lou di hi a sunhun,om maimai a chimsim leh tamlou va ki eukhia ki ne kamsung a abeichia va ki euthak,kinethak zel..thumvei bang huchia ihih zoh chia tawpsan di ki ut a tawpna dinchi a a bak khat vala kei tiautiau zel.....huai hongbei kamhong khamsim toh ne nawnlou ding, sung in lel lua chih lungsim a nei in kamsung a aneng omte hahsiang zezen...khat va kilak beh nawn huchia sunitum a ne ki himai zel...lungsim a ne nawnlou di chihmai gilpi a dia nahoih zoulou chuh a hidia damdawi nek a phatuam lawhet kei hi...A tawp a zaw sung le sepeih nawnlou hinteh hong dam vanglak...
Kal thum bang hong paichiang a thagim nateng hong beita..Sai manlou a kik ding hong ut huailou zel....Sai lah hongtam deuhdeuh,zanchia inn kiang khawng hongpai uh....delh le gamla lou a na om dibang kisasim...Naichik a tuah khakleh vadelh ni hon chi nawnta uh. Peih nawnkhang chih mawk ding lungtup tuibang tunglou ahihchia chi utlou in zingsang khat kisakhe nawn...Khenkhat te'n zaw "vakuan nawn dah aw,nadeihzah napuak ding om, nagim na toh kiman kei" hon chi uh hiven,huai hon chih chiang ua kilawp tha hongsuak hia a kisa khin masapen bang in kapang zezen aka...
Tutung in chuh Thauvui thun khaklouh ding a honlauhpih thei mahmah ua ka thaupuak bang hon laksak a a vui om hiam chi a nuilua lua kawm a hon etsak bang a tamvanglak hi...hahaha July khabeikuan vuahzuk ut mahmah lai ahihman in khua a nim hoih mahmah mai a keileng ka Nnasep khekol dia honpiak uh a kilhna leeng omlou khau a khih tawm in, a pocket lang nih a vangsuak,a zipal kisia khat kateng a Vangvot/Vot a tamziak a asung lam hong lutlouhna ding chi in ka khekol mong khausum in ka gak fitfet hi. Puan-ak siangvanglak chih hetlouh dingkhat kon silh a a nitziak hia isilh leh vot dukduk zezen minit 5 chilum toh kisuk khaknung a lumkhepan khat silh in atual deuh ziak in a mongte gel kawng a khihtuah in "Awm mahmah" in ka kisa hi. Ka TATA khedap mah kon bulh a a pangkhawng na kekbeh ziak in a thawl heuheu zezen a a bulhnop vanglak hi.
Khosung mite leng suthathou kahi ding a Pasal sagih mahmah sai beng ding in kahong kizuikhia uchu akithalawp huai vanglak hi.Ama a khokhung lam a hihziak in lamtou ngen a pai a hi a tutung in bel khotaw lam a hihziak in kasuk kuan ua tutung lampi nopna e ka chi lungsim hi. Zan a vuah tampi zu ahihman in lampi a nal mahmah a Thau kamsa a paipih ngam vual ahikei hi. Sai in nitak a ana totna sa ka zui ua ngil mahmah mahleh vuah in a na thah ahihman in a naal petmah a daitui a khekol kawtgawp a mong a hongtaak suk khedap sung a honglut in leh' leikuak sung a buannawite khedap sung a honglut in a sung a naal a ka paizek chiah TATA khedap sung naaltak ahihtoh a lengkhe zel a kabulh thakmun mahmah hi.Sauleng painailou in ka khedp toh ka ki sikhop petmah a bulhlou a katoithoh chiang inlah ling hiam/chiang nenghiam ka sikkha ut se a gentheihna phukha kahimai....Complain ding omlouh chia le minung a hat a hat a delh pa'n complain ding kahon nei chu.....a chihziakei khop mai...
Si le Nam in Saihonte kahon pha ua tuma a sang in a thawm uh a thupi zaw tham ua, alang alang ah a ki kei ham chelchul ua a nop het kei hi. Mi i tamleh thutam chihmahtak mulou a saite omdan thei petmah bang kong tam ua..a noukai hang/gilou ahi,A tal gilou om ahi chitoh kik ut phial bang ka om ua..kei kahih leh "a hang om henla hon delh mawk leh kitai zoulou ding hi a..." chih khawng ka na ngaihtuah a a laubel ka hikei !!!! hehehe. Nidang a Sai hang a natuah te utoh a omdan uh kibang lua chi pawltoh, Sai kimawl a ngaihdeuh a hong taiging chiang bang a nungtai pawl toh ka kidaih mahmah ua lawi upa pan hon na en en zaw a hi ding a kamel bangchi sa a diam,"na lauh leh hiai khawng ah nana om mai diam" chi in ka singkung tuanna ding a hon kawkmuh a,kiguih phial in "laulou e" chi in kadawng a ka dip phu hon theilou a hihman in lauloute lak a gelh lut in ka om hi. Dip kisai/lungphu lel hiven lauloumah keivoi maw...lol
Kahon gemta ua laulou kichikhin ahih chia 'ka khedap bulh a nuamkei lua a ka na om mai di' chihthak ding ka ut sim na a alau honsak khakding uh ka utkei a chihsawm sim mahleng ka chikhe kei hi...Dip kisai in awm guh phukhe zouleh kilawm phial ahihziak a lau hetlou in kon gemgem ua munkhat ah kahon tuak ua Lawite bel a sa a muh uleh hat petmah uh ahihman un a taitum pah ua, naupang huaitak a va hichi kilawp ka ut louhziak in (!!!) ka delh pha kei a apaina uh theilou in amau toupai kei kapheipai leh ka sak metre 100 dikhawng ah a pi lian mahmah leh a nou la ding ana kitou zuih ua,anoupen Hapak inch 2 dingkhawng dok milhmelh hiven huai enlah in ka lawi upapa mah un a hon kappuk a hongtuk suk in hon delhkha ding din mun in ka om a na mat tangzoh dilah hilou a hihman in ka diang khe kin e zelzel mai....hahaha Hon delhkha suk dek mahmah chih ding in hon zahtak sim hia (!!) hong khawl a thouzou lou pipi in thou ding in a kisa a lawi upapan na kap ou hon chi taget a kapdia ka kisk leh ka thau kuan hon nalaksak a diam (!!!) kakhut ah ana omkei mawk a Sai hongtuk tuung a ka din na ka et leh leilak ah kathau lum dekdak ka galmuh hi...hahaha
A sai a thou a atoupai nawntak in kolphia bang hial in kathau kava tawm a a nung ah kontou delh taktak chu....kal nga khawng isuan chia kituk suk zel..a bul a va kipan zel..try try again....chih kisimkha ahih chia thumvei ka try leh hattak a paizoulou a Sai ka makhel zou hi...Halleluyah !!! lol Lawmten bel huchi kintat kei le chin le hat nawnlou a hi hon na chi ua kei kahih chiah gen dimah na thei ve ua chih ut huai sim mahleh bangmah genlou in azawi kiang a Singbul zaang ah tubial zen in kon ngim chenchen a...hon naih deuhdeuh ka ngimna a dik de aw..kap khial zawmah le lawmte hon chiam nuih didan.... chih vel kon ngaihtuah kawm leh kapzok khalou in ka thaulawng a hon phu khaphialta a hon nagal et pawl te'n "kap ve,kap ve" hon chipawl toh. "tai ou tai ou hon delh zoulai di ahi" chi pawltoh a na chiang vengvung a huaitak in pasal chi a mek toh mit siinthuah geih a ka kap leh zaw..... apuklam mukha keimah leng a tuuk suk chuh ka muman thou aka..!!!! hahaha
Kenlak a saukhop tuk in munzang a tun in a khawl a tangnawn selou in ka thautang thuak zoulou in a si a himai..!!!! "Nang Sai man ut nang kap masak ahikei na a nang mat i chi mai di uam" hon chi sosouh ua PUPA TAWNDAN MODIFY LOU E chi in THUPHA GEN LEH SAZAANG KAP AVAL chihdan in ka kaplupsa keimat hilou in sai manzoulou in ka kik maimah hi.......sob3
©Siamsinna leh Vakiangbu
Part - I
KALUNGTUP
Pasal khat kihi ngal a Thau a sa khatbek manlou hihtel ding pona in Half Yearly Khawl hunsung a khat bek matkhak leh chi in Singtang a teng tanaute khua ah ka vahoh hi.Sa tampi mantheidi mun a ki omlou hihman in mat vanglak leh alian mah mat ut in SAI mat dina tup in kon nei a. Ka ut pen Sai mat ding kagen chiang in chiam nuih bawl hon bangsak ua "nang thaupua in gamvak hiauhiau kei niteh" hon chimawk ua kanuih a leh zaak zezen hi.Huchia kingap nahihleh chi in zingsang khat a khomi minih toh gamlam zuanding in kahong kisa ua..Amau ahihleh 303 khattuak a pua ua kei a ding in a lawngvang lian heuhou zezen,a vuithun tawm ding,a kep thuahtawm ding khat khinpi tung a pan hondok khia in hon pia uhi.
SAI KAP DI TENING NA
A vuithun dingdan hichin hon hilh ua..a tehna ding nupangte damdawi thol dimkhat,a thulawng a sunding huaizoh chia puansia a hun geihdia a aat neusa uh guanlut a a holhna ding a tat gakding,huaizoh chia a tang thun a puansia mahthun khumnawn ding. Huchin a vuileh a tang thunding dan kon master ta hi. A KEP : a kep ahihleh a ZAWNGZANG toh kituak ding geih a kibawlsa thau ZAWNGZANG a chihpen mun ua lukhu khusak dan a khuksak ding a hi a huaileng kon master ta hi.kapdek chiang a koitak mek ding chih nengneng leh vuah a zuk leh a kep omna mun lenuai a zep ding chihte hoihtak a honhilh khit un ka hongkipan khia uhi. Khosung mipi hon mukhate a kipak thei mahmah ua "nang thau mahmah muan huai" chi in leibeng zen in a nui zel uhi. A muan huailou deihlou chih bawl in Sai kap ding in TATA khedap tawthuap bulh zet in ka kuansan hi.
GAMMANG AH A CHEETNA
Khosung kahon pel ua khanletna khua a lam ngilhsa leng khe a zuipeihlou a gari tuan nading piaklouh chiang a nuak zezen pa tuh lampi kichian leng omlou in Thau gik belbul khat toh lawmte nung kon delh taktak chu.... a chih ziakei khop mai a !!! Kamnak zen in lawmte delh in gimlou bangbang a om kasawm inle a hithei kei a lawmte lak a hon maingal deuh pen in "nidang a keikia a vak hileng amun tungta ding keive" chi in hon nuihsan zel a "zezen kihatsakna chia" ka chilung sim zel hi. I hat theih tawp a hat a inung delh in le kihal gamlalaw zel kahih chiang un hon nadin ngak zel uhi.
Dangtak gawp kahihdan kagen leh "Tua na dang a takpah in sunitum in i vakzou dihia" hon chihsan lel ua tui omlou chuhon hehpih le uhle a loh didan dang omlou bel ahi him hi.Hon iplah sim le ule khopi a om ihih chia akam un a genkhe kei ua hon iplah lam ubel katheikei..hahah Mual tamkuam kahon palsuak nung un Gawlak kahongtung ua keibel ka nakging ngaihluat ziak hia bangmah kazakei a lawmte gel in suangtung khat a tu in iplah tuaktak in hon na en ua akiang uh katun leh mat kasawm Sai husa om ahih dan honhilh uhi. Nou va kap mai ua chih nop huaisim mah leh kei lung gulhziak a hon kuanpih uh kahihman in peihlou sasa in kazuikhia a a mautuh a gin ngaihlouh na munmun ding en khollou a theimah a bang ua kun khankhan in a gepthoh uhi.Amau paidan chia kun khankhan in ka zuitei a sikna di mun et toh a sai zong a dak a thuah hak khop mai..huaikia hileh phave!! thagim toh deihna munmun le kisik khathei zawzen lou in gokang (gua neuchikchik keu kiate) bang kei sikna dimun tak a na om ut deuh bang in tamkhop ka sik tan ding hi. Lawmten hali zen in hon en ua a loh didan omlou tuh a nuimai uhi.
Sai noukai gamtatna mun kon naih mahmah ta ua hon ngiik mah bang in "DRRRUUUTTT" chi in a ging duldul a "Sahang om hia" ka chih leh khat in "SAI...SAI...SAI..." ahon chi a kadot pen hon dawngkha kasakei sim na a kihouna hun omlou ahihziak in kadong thaknawn kei hi..A noukai om ahihdan hon hilh ua,"pilvan ngai ahi,sai noukai hang ut ahi" a hon chi ua a thawm uhlah Ngalngam in pupa khangui a zillai sang ale thupi zawleh kilawm a ging ngaih in,a khen chiang a ham vokvok leh a khenchiang a hon phiit ek ek mahbang zel ahihziak in ka dip in "kum guk..kum guk..." hon chita hi...Laubel kahikei !!! A hapak nei a omhiam chi in gawbul a kungteng awn ziiziai khat ah hon kahpih ua a ban in hon simpih uhi...Kei muh anou simlouh in Jesu nungzui zah a pha a a nou thum toh i gawm leh 15 apha uhi. Sawtkhop hon etpih zoh un ka loi upa pen un " A ha nei omkei" ut ut kap theih hi" hon chi a keilam hon nga in "Kou a malam ah kana pang ding ua minit 10 nung chiah a nunglam a pan honnoh phei in" hon chi a "mawk mawk,chikmah a sanung zuingeilou penpen non sawl" chi ut sim mah leng a lau honsak khakding uh kalauh man in "nou hon zui un, ke a kap ut kahihziak in a tangpang in ka napang di" ka chi a "ahihleh ken kon zuidia nou a na pang un a hon chi hi. Loipa khat pen kintak a kum in ka delh khepah a kei katuan na uh bul ka kum khit in loipa a na pai tumta...Dip kisai lah khawl tuanlou...lauh bel kalau kei [:P]
THE ENCOUNTER !!!
Munkhat ah napang ding chi a gobul zang a kadinpat leh kasak deuh a hong ging a,ka et leh ka loipa gawkung ah ana tu a "E huchia asang naih ding ahih leh chi in kakiang a a gawkung a kal ding in kong kisa a..kawngchiang leng kalnailou in Sai honte a hongdiang vengvung ua kal teitei le lah kagin zadia honpel ding...kal keile lah a zawi kiangtak a ki om hong paidia a mawl a hon kaikhe dingbang a gingta in kakhut in ka kiluai dengdang mai hi. Ka kiang mahmah a hong ging om a ka et leh...Kataraisai....A bil lah lohpi chia pha leh kilawm, a muk saudan lah chu....hon sawk henla hon zial in leilak hon zepna ek mawkleh nuam mahmah lou ding ahihdan bang ka kin ngaihtuah petmah hi. Alaubel ka hikei ... [:)]
Hong phuphei mahmah ding hita keilah a khuk chiang a sang dilel a kiluai,khut langkhat a kiluai a khut langkhat a kap chihte lah housalua,kap ut vetlou !!! Lungsim khat a chu hiai Sai in hon pal lup kei ngeingei leh tuban Sai kichi ka delhnawn kei di a hehpih huailua uh !! ka chi sim hi. Lawmpa lam a lah pailou uh kei panna mun (kiluaina mun chimai ni maw) a alom a tang a hong paisawm zawmah uh,hon simmoh uh kasa lua a kalung sim in "navang uh pha kei deuh henla panmun a na laman leng nonsim mah uh banglou ding kahi" ka chisim hi. Kap di dinmun a ki om lou a "Survival of the GINNGAIH" policy a om vele chi in thahat theihtawk a hat in gawkung konkal zaw kanehsoh khopmai..Thaulawng in a lang alang sat ahih chia gamsa hangsan pen paingam na dihitalou chu hidi hiven ka khanglam deuh a delh in a kidelh sung nainai uh aka.... Panmun bawl zou a kathau kakhut nih a ka toitheih tak a kaaplum gaidia ka kisak leh a nanung pen mei kamulel a "Vangpha na mahmah uchia" chihmailouh tuh gendi avang khop mai... Huaiteng in beileh hoih di hiven...Ka sak a pang pan " Nang kon muh leh na omdan nalh lua a kap dilam phoklou a na nuinui kha keivoi" hon chi lel tak hi...salah.
Hon nungzuih pen in bang dia a na kaplou uh e hon chi a tam in ka dawng het kei a "nang hon phawng baihlua a mun kitung pan a hon pel eivoi",ka chih leh ka kiang a om pen a na nui heuhau hi. Huchin a nung ka hon zui nawn ua Lamsial thak mah bang ngilh/siang kia le hilou in tupi zang a hoihtak a tou a sial mah a batna leng a tam petmah hi. Loulampi dia i deihna mun tak a ahon in kidelh leh sial nawn ngailou ding hi a chih khawng ka ngaituah hi. Huchin gamla lawlou ka zuih nung un taithoh nawnlou a a na phengpai simta ua lawite'n Sai i delh tai leh sau tailou ahi hon chi ua a chih bang un mun khat ah aPithum a na om ua loi upa pan a mailam ah kava khelh dia nou hiai suangpi tung ah na pang unla hong kik uleh na na kap ding uh, a zawilou a hongkik lou ding ahi hon chi a keileng suangpi feet 7/8 khawng a sang di tung ah ka kal tou hi..Kaltoupan ka kichih leh thau hong ging a khat bel a puk suk pah a nihte gelh keihon simmoh deuh uh a hi diam kei omna lam mah a hong tai chitchiat zel a..loi upa pan ka min a honsam in "nanglam ah hongtai ei na kihem ou" chih leh kap a thuahnawn a kei kiang hongtun ma in khat a puk nawn a,amai a pen a puktak in in a khatpen le a taina masa apan hong ki divert in keikiang lam mah ah hong tai a hoihtak a na gim chenchen in kon kap chu...... Dekh...chin a kep chu a ging ka....!!!!
Hiai Sai leltak lau di hia chihbawl in suangtung a pan tawmkhia in ka va nungdelh a sau delh manlou in " va delh nawn kei ou nih tak manta hang ei " hon chih uh zakei ngeingei leng kap puk tep di kachih hi a....Keile min honkhou nana nachi in ka kik a khat sihoihlou a thoh sawmsawm ana om a "huai akipek pen hon kap lum ole" hon chi ua huaikhawng neng chisim pi in kap din kon ngim chenchen a meek dek mahmah chih in ka thau kep omlou ahihlam konthei a a kepthuah a ka kaplah ...DEKH...chin a ging ngaih hetkei zel hi. Kep khat thuah a ka kap nawNleh a ngeimah bang in DEKH... chihteng in a ging zel hi. A sai kiang a "na khol phot o" chihtheihlouh a hihman a hong thoutou zoudekdek ngak zoulou in ka loipa un a na kapman nawn A na kap kei ngeingei leh a taltang tak a vuhthoh zezen ding kachih hi a......!!!! Sai nih man tuh kahi ua a sih siangngak in suangpi tung ah ka tu ua,ka thau gintheihlouh pen a hoihlou hon tawisak uh ka chihkhak ding kisuang lah in ka loi upa pa un a hon vel a,athau hoihlouhna khat leng mukei mah leh a Vuithunlouh a SAI kapdia kuan kana hi mai mah hi..... Kiphatna loudin Mundang zaw kachi ngamkei a akhosung ua dia Sai ngamthoh pen,thau vuithun lou a Sai kap dia kuan keilou kuamah a om kei di.....Saichuh ngamthoh tak kahi.....lol
Part - II
on 22.april 2012 3:05 PM
Huchi in thauvui thunlouh lam kahon theihchiang un gending a vangna a nuihna ding atamkhop mai a... ka samat lamlam uh leng phoklou hial in gilvunna zen in ka nui ua Sai hongpai nawn khakleh chih lung gelna om hikhol keimah leh ka Loi upa un a ging teitei ding in hon thunsak a a tangleng tang nih zen hon thunsak hi.....!!!
Gilvun nazen a kon nuihtawp theihtak un ka samat te uh kohon phawk khethak ua ka Khukri puak in a Mawl attan ding in kong kisa a maam pikpeklou ahihmaan in a mul lit huaisim a,pasalpi tou mul lit lou e chilungsim in Saikhat mawl tum thum suah in LIIT (Tuivot) toh kilamdang lolou in ka thungpi sungchiat a guang in Inn lam kahon zuan uhi. Keichuh ka kipak ahidi ka gimlamle kaphok kei a lawmte nung ah hat taktak in ka pai fetfet a Thau in hon subuai deuh gige keileh loite ka makhelh munsim ding hi....Ka Thau puak hondeih goh khaugui leh singnou a tam luatziak in a hon na let tangsak nakzel ziak ua kipuk mun mahmah kahihman a phazoulou lel kahi...:)
Amakai a hon pansaklouh ziak un minung a delh chihtak a delh a gim huaidan huaini in kathei hoih mahmah mai hi. Makai sang a nung delh a haksa chih katheichiang mahmah.... Ka hansn dan (Thuvui thun sese lou Sai kadelh dan) a hon theih chiang un khosung mipite'n hon pakta theikhop mai ua,a khua ua dia mi minthang pente lak a Topper ka himai hi...(mihangsan ngaina te ihih uh a ki chian mahmah...:P) Hon mupeuh lah nuihmailou omlou,damtheihna tuntu ka himai....!!! Nitak in Sai mawl meh kon meh ua a himkhop mai a sun a thagim lam leng kaphok kei hi..Nitak khua hong mial a gimsim toh kong lum a, ka delh louhna na kidelh khum ut,ka khua ua Vaite sam met te'n te ki malis sak ka muhchia chizau huai kasak mahmah te khawng kamit kha in honglang a ka tunchiah chu ka va ki malis sak lomahmah ding ka chilungsim hi.
Zingni hong suak pan chih ding in "Thouta ou Saisa pua a kuanlou ding maw" hon chi ua "kon nung delh ding " chihtheihte lah hilou ahihziak in ka khepi mongh tan a le pum golh in kathou khia a Sai mawl meh toh ann meh in Buh satseng khat ka puakdia hon koihsak uh pua in ka TATA khedap taw kithuap mahbulh in khosung mipi tengtoh Saisa pawding in kong kizuikhia uchu...a minthang mah ka minthang touzel chih di ahimai.....!!! Na thau hon pawlou maw hon chitoh ka gamtatna a thei ut thei mahmah ua...!!! Thauvui thunlou a Sai manpa (mat sawmpa) hon chi in hon ngaisang petmah uhi...:P A hon pahtakna te uh gen a a chiak chiang un keibel ihihna min a gengen chiang ua nuam kasak lam a hihlouh toh "hiai kasengpi puak dim a Saisa hon pawsak di uh a de aw" chih ngaihtuah in ka lung a na buai gu mahmah hi...hahaha
Huchi in a mun kahong tung ua Suangpi tung a pan ka ngim chenchen dan khawng ka ching zek a nupite a kipak diak uh....lol Huchi in Sai sa kon sem ta ua, a delh khumna lam laak zoh vual ding hilou ban ah pawkhin zoulou himhim ding kahihman un a khen in khat tunglam sa kala ua a khen in khat tunglam sa la in sa nana naachu tam himai....Huchituk a sa tam kamukha ngeikei...Muslimte bawngsa gohna leh Nagate Bawngsa zuakna a satam kasak mahmah te chu a kep himai....Asa duai ziak hia a semte tem zatsiam louh ziak hia tem a mol pahpah a chi ua papi nih tem tat in sa a sem man kei uhi...Ka gintaak het lou a hihziak a ka test leh dik mahmah chuh mautoh kibang sim a tangkal sau GONAAl a chi mai uhia temdan a hiam dia sui a sa isem leh temsang a lehiam zaw/bun zaw a chih uh a na dik mawk a theih beh khat kinei a Sai matna a ka tel khak nawnlouh ziak in a zatna dibel a om kei..But theihna val omlou hiven maw....
A neu alian om muang omlou in Pasalten a sa baak lian pipi a a at khiakte uh numeiten bak neu chikchik a na at leh a pangpuat/Dual na pai in Guwahati Zoo a mulukolh honte sa guh kituh mah kabang sosouh uhi. A tunglam sateng kahon lak khiat khit un a gilsung kahon muthei ua kalaisai....a gilzang lah ka pum chia phialpha..ken bel a gilpi ngen di kasa a a ngoi omlou hia kava chih leh a kipak theimahmah zel uhi. A gilzang letdan ka chet ut ziak in kei sang a neuzaw ka thuhon sel lou dideuhte lawmbawl in a gilteng ka khuk khia ua pum chiachia pha a ngoi ah a sithun kibawl leh nektam a pha mah di..chih khawng ka ngaihtuah a, Ui ngoi hiai chia pha henla Lamka ah kizuak leh kihausa pah di chih khawng ka hisap khemkhem hi...:)
A phel langkhat tuak kahon lakhin ua a kimkhat tuak (Sai pumkhat pha theilai ding) ka nusia ua pammaih kasa mahmah a zingchia va puak thak di eive kachi hi. Huchi in a sem dingteng kahon semkhit tak un sa chuh a vum venvon mai a kihawm thoh chih leng omlou in michih in a puak ngapzah ka seng puakchiat uah kaguak ua,sa seh hawm dan katheihbeh tuankei hi.Kei na buaina khat ahih leh bangzah guang di kade aw..Tawm guang loleng lah hon nuihsan zel di ua..tam guang leng lah zan a Thau khat toh le kipai khop a...ka chilung sim zel a atawp in ka ukiang ah "ana guang in la ka va daileng di" chi in dailen suaklou pi daileng ding in ka kuan a, a na guan zahzah bel puak tuntun di himai chin thupuukna kala hi.Dailen suaklou chuh kikham baih mah a hih chia daileng theituan lou in sawtlou om in kakik nawn a ka et masak pen chuh ka seng ah sa bangzah a kiguang a chih a hi a, a upa zaw nana nachuh pildeuh mah in a na om a ka gintak sang in ana tawm guanzaw a ka buhsat seng puak kimkhat sang a le tawmzaw a na guang a kipak sim mahleng min a dim ngen a guang uh ahih chia "Kare tawm guang na chia" ka chi khemkhem a bak thum hiam ka ve guanbeh ve...lol Tam guang di hon sa in hon mupeuh in "huaiteng le pokhop mahmah nichia sa hing gikbaihlua ahi,a seng hawm le potheilou in" hon na chi kheukhou ua "thauvui thunlou a Sai delhngam pa mi maimai sa na hi umaw" ka chih leh a kipak theipet mahzel uhi. hahaha
A seng a letluat ziak a tam a kilang/mulou maimai (!) Saisa tam a tam kon pua a kong paituh a tuung in zaang kasa mahmah mai a, bangtam hiam kong paikhit chiang un ka seng puak a puak hak deuhdeuh a a khenchiang in ka Nam tuallua chi in ka nung a paipen ka sui siingsak zel a sawtlou kikhawl a hihziak hia ka kipat nawnchiang un a puak a nopzel a bangtan hiam kahong pai chiang un a khihtu in khih kiplou a diam hong tual lawzel a !!!,thumvei mawngmawng ka sui siingsak hial chiang in tuh siing lawzezen lu a le hoihtak in ka nam ka ngathei nawn kei phial hi hahaha.. Huchia ka Nam ka suisui ziak akho mite'n chu a na thei mahmah mai ua a khen in Bak 4/5 in hon dawn ua, Sengtaw kimuthei hial tan ahih in tuh ka Nam le a tual law nawn kei hi..(A kaitual ding om nawnlou chu a tualmah di hia maw...hehe)
Zan a mihangsan leh record breakpa tunin zero ka suak dektak aka...lol Huchia kasapuak thumvei mawngmawng ka but khiak khit in in kahong tung ua,inn kuan a mi 5/6 te puak tengtoh keipuak tam atam )!) ka hon sung khawm uchu....huchia nek theih himaileh a chih huai petmah hi. Imselouh in ka sa deihna teng le lengmang a himai,tul bawl a a khutna ding singtum va puak a houkeu ding hinalai.....sob3 Vangphat huaitak in chih mai ding a diam ka khua a hongsik sim a votsa in mei ka awi a huainung bel kasem kha nawn kei...mi damlou lungkham a huaini in chuh damlouh ka welcome mahmah ve..hahaha. Lawmte sa hou a buai vengvung a munkhat a hon om sak uleh le nuam kisalou zel a sa mahmah leeng kipakta lua ahih chia kongtual a sahouna ding Innsung chia mahmah akibawl thupi chihlouh theih ahikei ka v enloutheikei hi..
Nitak a honghita a a keu masate koih khiat hong hunta a huaibel haksa hetlou ahih man in ka kilawp lamtak a hi a a tul a pat tolkhia a khakham zen a sahou peh phiauphiau chuh nuamtak ahi..Kei kia nek khiat tengle ser 2 bek phamailou di hia....A chinchi het kei,huai nung sungna ka neihloh aka..) Huchi in khinpi tungteng lah sahou a dim,a et lawm khop mai a kumkhotawn in ki ne lele gaih pah louh ding sa hou khinpitung a ki se vum venvon ihohna teng ah muh in a om hi. Kei chihmah tak ka etlah ziak in ihmut sung chihlou sahou hai ka khawl kei hi...A delh le hangsan a nek le kadawilok tuankei !!!!
Khosung mipi in lah hon deihsak thei mahmah uh..a huai mun lim a hi chihmah a tam a..a sin lim a hi chi in hon awlmoh ua adeihteng deih zahzah in ka kihawm ua lim tak chu hive... Khenkhat te'n a mawlsa lim a chi ua huaibel kou a man a kuanteng a hon petuam ua,lim leeng a lim vanglak..mal liam simsim a khau ngat tak a kivial a batna leng a om a, a zungpai zingzeng dan a om hi in kathei a imek leh a thuzol hong pawt thei pian in a om a zol mahmah hi. Khenkhat ta get in lah a khetaw sa lim ahi a chih uh kaza a,hon deihsak mahmahkhat in ka kuanma apat a khetawsa lim a hi na chepna din ila di hon chi a hon lakpih a huai chuh a limlouhna ka theikei na a Sponge takdeuh/dunlop kihai leh huaitoh kibang sim din kathei..."A lim na chi a dunlop haitoh kibang" ka chih leh "huchi hia ken nekha nailou, min a lim a chi ua" hon chi a hon deihsak dan uchu a nekhaloute na san in lim salua a hon chiamsak teitei ut ana hi maimah uhi....
Part - III
on Sunday, April 22, 2012 at 6:15pm ·
Saisa hou a sial a pehpeh natoh meh a mehmeh ziak a sunghoihlou in kalkhat bang hun kazang a ne nawnlou dingchih lungsim ah om mahleh meh huante'n lah annteh kia huansang in chi in mehlak ah a telsak lou ngeikei ua...(A telkei lele lim kisalou) huaiteng kia hileh poikhol lou di hi a sunhun,om maimai a chimsim leh tamlou va ki eukhia ki ne kamsung a abeichia va ki euthak,kinethak zel..thumvei bang huchia ihih zoh chia tawpsan di ki ut a tawpna dinchi a a bak khat vala kei tiautiau zel.....huai hongbei kamhong khamsim toh ne nawnlou ding, sung in lel lua chih lungsim a nei in kamsung a aneng omte hahsiang zezen...khat va kilak beh nawn huchia sunitum a ne ki himai zel...lungsim a ne nawnlou di chihmai gilpi a dia nahoih zoulou chuh a hidia damdawi nek a phatuam lawhet kei hi...A tawp a zaw sung le sepeih nawnlou hinteh hong dam vanglak...
Kal thum bang hong paichiang a thagim nateng hong beita..Sai manlou a kik ding hong ut huailou zel....Sai lah hongtam deuhdeuh,zanchia inn kiang khawng hongpai uh....delh le gamla lou a na om dibang kisasim...Naichik a tuah khakleh vadelh ni hon chi nawnta uh. Peih nawnkhang chih mawk ding lungtup tuibang tunglou ahihchia chi utlou in zingsang khat kisakhe nawn...Khenkhat te'n zaw "vakuan nawn dah aw,nadeihzah napuak ding om, nagim na toh kiman kei" hon chi uh hiven,huai hon chih chiang ua kilawp tha hongsuak hia a kisa khin masapen bang in kapang zezen aka...
Tutung in chuh Thauvui thun khaklouh ding a honlauhpih thei mahmah ua ka thaupuak bang hon laksak a a vui om hiam chi a nuilua lua kawm a hon etsak bang a tamvanglak hi...hahaha July khabeikuan vuahzuk ut mahmah lai ahihman in khua a nim hoih mahmah mai a keileng ka Nnasep khekol dia honpiak uh a kilhna leeng omlou khau a khih tawm in, a pocket lang nih a vangsuak,a zipal kisia khat kateng a Vangvot/Vot a tamziak a asung lam hong lutlouhna ding chi in ka khekol mong khausum in ka gak fitfet hi. Puan-ak siangvanglak chih hetlouh dingkhat kon silh a a nitziak hia isilh leh vot dukduk zezen minit 5 chilum toh kisuk khaknung a lumkhepan khat silh in atual deuh ziak in a mongte gel kawng a khihtuah in "Awm mahmah" in ka kisa hi. Ka TATA khedap mah kon bulh a a pangkhawng na kekbeh ziak in a thawl heuheu zezen a a bulhnop vanglak hi.
Khosung mite leng suthathou kahi ding a Pasal sagih mahmah sai beng ding in kahong kizuikhia uchu akithalawp huai vanglak hi.Ama a khokhung lam a hihziak in lamtou ngen a pai a hi a tutung in bel khotaw lam a hihziak in kasuk kuan ua tutung lampi nopna e ka chi lungsim hi. Zan a vuah tampi zu ahihman in lampi a nal mahmah a Thau kamsa a paipih ngam vual ahikei hi. Sai in nitak a ana totna sa ka zui ua ngil mahmah mahleh vuah in a na thah ahihman in a naal petmah a daitui a khekol kawtgawp a mong a hongtaak suk khedap sung a honglut in leh' leikuak sung a buannawite khedap sung a honglut in a sung a naal a ka paizek chiah TATA khedap sung naaltak ahihtoh a lengkhe zel a kabulh thakmun mahmah hi.Sauleng painailou in ka khedp toh ka ki sikhop petmah a bulhlou a katoithoh chiang inlah ling hiam/chiang nenghiam ka sikkha ut se a gentheihna phukha kahimai....Complain ding omlouh chia le minung a hat a hat a delh pa'n complain ding kahon nei chu.....a chihziakei khop mai...
Si le Nam in Saihonte kahon pha ua tuma a sang in a thawm uh a thupi zaw tham ua, alang alang ah a ki kei ham chelchul ua a nop het kei hi. Mi i tamleh thutam chihmahtak mulou a saite omdan thei petmah bang kong tam ua..a noukai hang/gilou ahi,A tal gilou om ahi chitoh kik ut phial bang ka om ua..kei kahih leh "a hang om henla hon delh mawk leh kitai zoulou ding hi a..." chih khawng ka na ngaihtuah a a laubel ka hikei !!!! hehehe. Nidang a Sai hang a natuah te utoh a omdan uh kibang lua chi pawltoh, Sai kimawl a ngaihdeuh a hong taiging chiang bang a nungtai pawl toh ka kidaih mahmah ua lawi upa pan hon na en en zaw a hi ding a kamel bangchi sa a diam,"na lauh leh hiai khawng ah nana om mai diam" chi in ka singkung tuanna ding a hon kawkmuh a,kiguih phial in "laulou e" chi in kadawng a ka dip phu hon theilou a hihman in lauloute lak a gelh lut in ka om hi. Dip kisai/lungphu lel hiven lauloumah keivoi maw...lol
Kahon gemta ua laulou kichikhin ahih chia 'ka khedap bulh a nuamkei lua a ka na om mai di' chihthak ding ka ut sim na a alau honsak khakding uh ka utkei a chihsawm sim mahleng ka chikhe kei hi...Dip kisai in awm guh phukhe zouleh kilawm phial ahihziak a lau hetlou in kon gemgem ua munkhat ah kahon tuak ua Lawite bel a sa a muh uleh hat petmah uh ahihman un a taitum pah ua, naupang huaitak a va hichi kilawp ka ut louhziak in (!!!) ka delh pha kei a apaina uh theilou in amau toupai kei kapheipai leh ka sak metre 100 dikhawng ah a pi lian mahmah leh a nou la ding ana kitou zuih ua,anoupen Hapak inch 2 dingkhawng dok milhmelh hiven huai enlah in ka lawi upapa mah un a hon kappuk a hongtuk suk in hon delhkha ding din mun in ka om a na mat tangzoh dilah hilou a hihman in ka diang khe kin e zelzel mai....hahaha Hon delhkha suk dek mahmah chih ding in hon zahtak sim hia (!!) hong khawl a thouzou lou pipi in thou ding in a kisa a lawi upapan na kap ou hon chi taget a kapdia ka kisk leh ka thau kuan hon nalaksak a diam (!!!) kakhut ah ana omkei mawk a Sai hongtuk tuung a ka din na ka et leh leilak ah kathau lum dekdak ka galmuh hi...hahaha
A sai a thou a atoupai nawntak in kolphia bang hial in kathau kava tawm a a nung ah kontou delh taktak chu....kal nga khawng isuan chia kituk suk zel..a bul a va kipan zel..try try again....chih kisimkha ahih chia thumvei ka try leh hattak a paizoulou a Sai ka makhel zou hi...Halleluyah !!! lol Lawmten bel huchi kintat kei le chin le hat nawnlou a hi hon na chi ua kei kahih chiah gen dimah na thei ve ua chih ut huai sim mahleh bangmah genlou in azawi kiang a Singbul zaang ah tubial zen in kon ngim chenchen a...hon naih deuhdeuh ka ngimna a dik de aw..kap khial zawmah le lawmte hon chiam nuih didan.... chih vel kon ngaihtuah kawm leh kapzok khalou in ka thaulawng a hon phu khaphialta a hon nagal et pawl te'n "kap ve,kap ve" hon chipawl toh. "tai ou tai ou hon delh zoulai di ahi" chi pawltoh a na chiang vengvung a huaitak in pasal chi a mek toh mit siinthuah geih a ka kap leh zaw..... apuklam mukha keimah leng a tuuk suk chuh ka muman thou aka..!!!! hahaha
Kenlak a saukhop tuk in munzang a tun in a khawl a tangnawn selou in ka thautang thuak zoulou in a si a himai..!!!! "Nang Sai man ut nang kap masak ahikei na a nang mat i chi mai di uam" hon chi sosouh ua PUPA TAWNDAN MODIFY LOU E chi in THUPHA GEN LEH SAZAANG KAP AVAL chihdan in ka kaplupsa keimat hilou in sai manzoulou in ka kik maimah hi.......sob3
©Siamsinna leh Vakiangbu
Comments
Post a Comment