A SUMHUL HIZAWMAI LEH ZAW
By Thanuam Dahpa
Mibang ahau leh ki ningching kahikei na ua kapa'n govt sepna lianlou aneihziak in nek-le-tak ka kining ching vanglak uhi. Ahihziak in damlouh hitaan katuah hun un kapa khaloh a kidaih louhziak in batlaak in kakhosa ua,huaihun chiang a abat a innsung poimoh hon basak zel kaveng ua vanzuak mahajon Pukham hoihna kamang ngilh theikei hi.
Kaveng sung uadi'n kapa mipoimoh tak a hi a alawm polhsiam naleh adiktatna ziak in ka khosungmi kialou in mipeuh in ahon ngainathei mahmah uhi. Kaphatna hihet lou in hucibang pa kaneih khak hampha kakisa thei mahmah hi. Mi awlmohna lam ah kapa'n uanglua chih anei ngeikei a,theih ngei leh theih ngeilouh chi in leng kuamah akhentuam ngeikei hi. Phat tuam ngaihna lam chilelah kapa tuk a miphatuam ngai a om lehleng atam hetkei ding hi. A huchihziak in loh alakni chiang in lengla kahau thei deuh ua a chang in kou atate deihdong leina ding omlou khop in kapa'n kha khat kanek khop ding val aloh te a hawmbeizel a kanu heu in kahehsan thei mahmah ua huaihun chiang in kapa'n "chimohte panpih theidia i om hampha lua ihi,panpih ngaite ipanpih ziak ua akipah mel un ivual zawlna honbehlap ahi" chi in kisiikna neuchik lel leng anei ngeikei hi. Kapa ziak in mite ngaihnatna kadong mahmah uhi.
Huchia nopsatak a kahong khosak lai un nikhat kapa a awmlak salua in ofis gari in ahong kha a thuakhat tak kapa'n nasalua zaw a hiding a amit a khitui aluang zungzung hi. A kinthei bangpen a meltheih daktol kasam pah ua himahleh hihtheih luat neilou in ana vungvung noptuam nading a hon kap a huchi'n kapa a hong ihmu thei a daktolpa'n a natna thupi mahmah khat omdia a gintakthu gen in akinlam a Phai RIMS naihding in hon hilh hi. Kanu ahong kithoi a innsung a sum omteng a honkaih khop leh teng 5000 lel ahon ngah a huaiteng a hitheilou dia gingta in Pukham kiang ah teng sang10 ava thunglak a,huaitoh ani mah in Phai ah kahoh suk uhi. Kinep ngam louh phial in imi isa milian pipi te'n hon na awlmoh ua mithupi khat damlou mah bang in buaipih tu kahau mahmah uhi. Kapa lah ka damdawi zat un a sepsung a ihmu thei a huchihlouh hun in nasa in athum hithit a a et hak mahmah hi.
I miliante a zahtaakna ziak un daktol tengphial in ahon buaipih ua a check dingteng a check chiang un sumleng tam a bei a kapuak zah leh thum sang uatam zaw teng sang50 val kahon sengpah ua, (huai hun a ngetluat leng ngailou a kapoi moh dan uhthei a sum hon thunglaaksak te kamang ngilh ngeikei ding hi) Ni nih huai mun a test tuamtuam ka bawl khit un leng anatna kichian takmuh khiat in a om kei a daktol te'n mundang zuan maiding in ahon kawkmuh uhi. Sum neihsa omlou ahih chiang a lungkham in kanu ta teng un ka om ua pathian kiang ah hon thunglaak sak ding honpe dia kanget zoh un kanu toh sum bat dingzong in kakuan uhi. A mawkmai a sum kinget hithei salou in kapa service book maitang a zang in sum batlaak ding kazong ua vangphat huaitak in teng nuaikhat kapa khaloh kou ading omlou phial a khateng a piakding in kava la ek mai uhi.
Daktol hon sawlna munlam zuan in ka hongkuan ua himahleh lohsam in meltheih louh gam ah lungkham leh beidong tak in ka om uhi. Pathian hoihna ziak in ka pa sepna a aheutupa uh deihsakna tang in kapa luang puakna ding a senteng2 a deptt un akho nung a kapa penson a ditding in hon seen sak uhi.. Huchi'n mite hoihna ziak in thawmhau tak a paidinglai hon thawmhau pih ding tampi toh inn kahon zuan uhi. Akal lak ah eimi om nakhua tengphial ah hon navai dawnding kanei ua sum tamkhop toh PUANDUM ban ah puan chituamtuam in hon natuam sak ua mite siam na thupidan kamuh in kisuan lahna lianpi kanei hi. Nidang a kapa'n tasam a hong vakte ana awlmohna gah hingei ding in kakoih a hihkhial in katheikei hi. Khua/mun 5/6 phial ah vaidawnna katuak ua puan 100 lambang toh inn kalut uhi.
Sunkhat leh zankhat lamzang mahmah ahihziak a mangbat huaitak leh khitui naptui toh katai nung un zinglam dak 10:45 in inn katung ua nungak tangval leh saptuamte hon navaidawn na uh athupi mahmah hi. Mipi hiaizah zouzai in kou leltak hong gaal kamuh in lamdang kasa zezen hi. Miliam mi Lal te toh kikhiatna om louhial in gaal in ka om ua,ka ngaihtuah na khenlam a awlmoh a ka om un dahluat hun in sunglam ah kipahna liantak kanei hi. Katun uapat in kitat satlou hial in kapa luang puan a tuam in a om a vuidia puak khiat ahih tan inleng atuam ut a beikei hi.
Ngeina dan in ka pa luang vui baih ding ahi a himahleh singtanglam a pan hon delh ka ute hongtung dek ding ua ka gintaak ziak un kisuanglah zoulou in Heutute kiang ah hon zekai pih zek ding in ka ngen ua amauleeng Zaan nitak a pan nungak tangval zanhakte gim di ahih utoh ngeina dan pelh mawk ding hisalou pipi in dakal kimkhat hon ngak pih uhi.Huchi a le ahongtun louh ziak un khelah tak leh ki oi mahmah lou in ka pa luang ka ute muhlouh a vui liam ding in Haan khuk ka zotpih uhi.Lungkim huai leh kipah huaitak in haan a kitou a hunzat leng feltak in zat a hihzoh in ka pa luang/mel muh ngei nawnlouh ding in vuiliam in a omta hi. Han a pan inn tungmanlopu in ka ute hongtung ua singtang a misihchia hon delh dingte kingak zel bang ding s in ka na ngaklouh ziak un a hon hehsaan petmah ua unau sang gam dan a bawl lou a hon ngoh in ka inn sung uh a siat loh dek phial hi.....:(
Mite hehpihna ziak in kap galna sum tamkhop ka mu ua ka ki etkol na ua misum ka thunglaakte uh tamkhop ka din zou uhi. A luangtumna puan leeng 300 lam ka mu ua mithupi khat galna toh kikhailou hial ding ahihman in ka kipak mahmah uhi.A hihziak in ka pa khaloh lah ka bat ditna ding ua khateng a piak dia kila ahihziak in khaloh a kim a munawnlou a penson na lel hidiang ahihtaak man in khateng a dit ding chia ka kihouna zah uh leng a pha nawnkei a...lungkham huai mahmah hi.Ka khosak dingdan uh bel Nnasem thei kahih man in kalung buaikei vanglak hi.Pathian in damna hon piak leh kiloh tawm inle ka inn sung uh etkol ka ngap hi.A hihziaak in ka pa et kolna ding a ka thunglaak te uh ditna ding ka paa sum muh tuamtuam te a kadit khit nung un teng 40000 lam in hon saam a huaite ditna ding chik mah chiang a muhsuah zoh hilou maithei (Kei nitha kilohman a) ahihziak in ka lung kham mahmah hi.
Huai hun a sum muhna ding ka ngaihtuah neuhneuh lai in ka room sung a ka pa galna puan ki koih meuhmouh te ka mit in hon mu a hiaite sum suahtheih himai leh zaw tuhun a Puandum in teng 500 man a ka puan muh uh 95% puandum hi chih ka hon ngaihtuah khia a ka lung honglut in ka hon hisap mawk hi...
a Ka puan muh uh 300 lak ah piak dia kilawm 30 lel khawng ka hawm khia ua 270 bang huchin a om lai hi. Huaiteng sum ki suah/a sumtang a min hon gal hile uh 270x500=135000 pha ding hi a k bat uh a dit khit ban ah ka khosakna kibulpatna ding uh om ding hi a chih bang ka ngaihtuah hi. Ka ngaihtuahna in kei le kei haihuai ka kisa a himahleh tongkhong lua in ngaihtuah khia ka hihman in ka tui ke nuih viivei hi. Mite'n hon galna uh kipahpih lou hilou in hiai kathil tuah in hon hilh a ka theih tuh..... Moulopna dan a tanau laina teng kiang a hawm zungzung hun hilou aa hihman in sigalna puan tampi sang in a sum mah deih huaizaw ding hita e chih ka ngaihtuah khia hi. Puandum neu muhna hilou in a let/thupi luat ziak in puandang bang a zat theih a hikei zaw mah a sigalna sum suah bdia zuak mawk lah kilawp mahmah lou a hizel a akoihna ding leeng omlou phial in ka koih memouh mai uhi.
Author Note : Hiai thu thutak hilou in sihna a puan i hahtawi sang un i puan leina te uh a sum in ki gal le a genthei te a ding a phat tuamna om zaw ding a ngaihtuahna a om ziak a kigelh ahi. Puan a tuam dia kilawm innsung miten bel a tum ding mah uh kilawm a huchilou ten i itluat ziak khawng leh i ki sungtan sak ziak a "Puan bek a tuaamlou" chi a i tuam sang un i puan leina uh a sum value in ki gal le sihna tuakte a ding a phatuam zaw ding hi. Puan dum khat teng 500 a ileina pen a sum hul in teng 500 mah pele manpha zaw ding hi.
©Siamsinna leh Vakiangbu
Mibang ahau leh ki ningching kahikei na ua kapa'n govt sepna lianlou aneihziak in nek-le-tak ka kining ching vanglak uhi. Ahihziak in damlouh hitaan katuah hun un kapa khaloh a kidaih louhziak in batlaak in kakhosa ua,huaihun chiang a abat a innsung poimoh hon basak zel kaveng ua vanzuak mahajon Pukham hoihna kamang ngilh theikei hi.
Kaveng sung uadi'n kapa mipoimoh tak a hi a alawm polhsiam naleh adiktatna ziak in ka khosungmi kialou in mipeuh in ahon ngainathei mahmah uhi. Kaphatna hihet lou in hucibang pa kaneih khak hampha kakisa thei mahmah hi. Mi awlmohna lam ah kapa'n uanglua chih anei ngeikei a,theih ngei leh theih ngeilouh chi in leng kuamah akhentuam ngeikei hi. Phat tuam ngaihna lam chilelah kapa tuk a miphatuam ngai a om lehleng atam hetkei ding hi. A huchihziak in loh alakni chiang in lengla kahau thei deuh ua a chang in kou atate deihdong leina ding omlou khop in kapa'n kha khat kanek khop ding val aloh te a hawmbeizel a kanu heu in kahehsan thei mahmah ua huaihun chiang in kapa'n "chimohte panpih theidia i om hampha lua ihi,panpih ngaite ipanpih ziak ua akipah mel un ivual zawlna honbehlap ahi" chi in kisiikna neuchik lel leng anei ngeikei hi. Kapa ziak in mite ngaihnatna kadong mahmah uhi.
Huchia nopsatak a kahong khosak lai un nikhat kapa a awmlak salua in ofis gari in ahong kha a thuakhat tak kapa'n nasalua zaw a hiding a amit a khitui aluang zungzung hi. A kinthei bangpen a meltheih daktol kasam pah ua himahleh hihtheih luat neilou in ana vungvung noptuam nading a hon kap a huchi'n kapa a hong ihmu thei a daktolpa'n a natna thupi mahmah khat omdia a gintakthu gen in akinlam a Phai RIMS naihding in hon hilh hi. Kanu ahong kithoi a innsung a sum omteng a honkaih khop leh teng 5000 lel ahon ngah a huaiteng a hitheilou dia gingta in Pukham kiang ah teng sang10 ava thunglak a,huaitoh ani mah in Phai ah kahoh suk uhi. Kinep ngam louh phial in imi isa milian pipi te'n hon na awlmoh ua mithupi khat damlou mah bang in buaipih tu kahau mahmah uhi. Kapa lah ka damdawi zat un a sepsung a ihmu thei a huchihlouh hun in nasa in athum hithit a a et hak mahmah hi.
I miliante a zahtaakna ziak un daktol tengphial in ahon buaipih ua a check dingteng a check chiang un sumleng tam a bei a kapuak zah leh thum sang uatam zaw teng sang50 val kahon sengpah ua, (huai hun a ngetluat leng ngailou a kapoi moh dan uhthei a sum hon thunglaaksak te kamang ngilh ngeikei ding hi) Ni nih huai mun a test tuamtuam ka bawl khit un leng anatna kichian takmuh khiat in a om kei a daktol te'n mundang zuan maiding in ahon kawkmuh uhi. Sum neihsa omlou ahih chiang a lungkham in kanu ta teng un ka om ua pathian kiang ah hon thunglaak sak ding honpe dia kanget zoh un kanu toh sum bat dingzong in kakuan uhi. A mawkmai a sum kinget hithei salou in kapa service book maitang a zang in sum batlaak ding kazong ua vangphat huaitak in teng nuaikhat kapa khaloh kou ading omlou phial a khateng a piakding in kava la ek mai uhi.
Daktol hon sawlna munlam zuan in ka hongkuan ua himahleh lohsam in meltheih louh gam ah lungkham leh beidong tak in ka om uhi. Pathian hoihna ziak in ka pa sepna a aheutupa uh deihsakna tang in kapa luang puakna ding a senteng2 a deptt un akho nung a kapa penson a ditding in hon seen sak uhi.. Huchi'n mite hoihna ziak in thawmhau tak a paidinglai hon thawmhau pih ding tampi toh inn kahon zuan uhi. Akal lak ah eimi om nakhua tengphial ah hon navai dawnding kanei ua sum tamkhop toh PUANDUM ban ah puan chituamtuam in hon natuam sak ua mite siam na thupidan kamuh in kisuan lahna lianpi kanei hi. Nidang a kapa'n tasam a hong vakte ana awlmohna gah hingei ding in kakoih a hihkhial in katheikei hi. Khua/mun 5/6 phial ah vaidawnna katuak ua puan 100 lambang toh inn kalut uhi.
Sunkhat leh zankhat lamzang mahmah ahihziak a mangbat huaitak leh khitui naptui toh katai nung un zinglam dak 10:45 in inn katung ua nungak tangval leh saptuamte hon navaidawn na uh athupi mahmah hi. Mipi hiaizah zouzai in kou leltak hong gaal kamuh in lamdang kasa zezen hi. Miliam mi Lal te toh kikhiatna om louhial in gaal in ka om ua,ka ngaihtuah na khenlam a awlmoh a ka om un dahluat hun in sunglam ah kipahna liantak kanei hi. Katun uapat in kitat satlou hial in kapa luang puan a tuam in a om a vuidia puak khiat ahih tan inleng atuam ut a beikei hi.
Ngeina dan in ka pa luang vui baih ding ahi a himahleh singtanglam a pan hon delh ka ute hongtung dek ding ua ka gintaak ziak un kisuanglah zoulou in Heutute kiang ah hon zekai pih zek ding in ka ngen ua amauleeng Zaan nitak a pan nungak tangval zanhakte gim di ahih utoh ngeina dan pelh mawk ding hisalou pipi in dakal kimkhat hon ngak pih uhi.Huchi a le ahongtun louh ziak un khelah tak leh ki oi mahmah lou in ka pa luang ka ute muhlouh a vui liam ding in Haan khuk ka zotpih uhi.Lungkim huai leh kipah huaitak in haan a kitou a hunzat leng feltak in zat a hihzoh in ka pa luang/mel muh ngei nawnlouh ding in vuiliam in a omta hi. Han a pan inn tungmanlopu in ka ute hongtung ua singtang a misihchia hon delh dingte kingak zel bang ding s in ka na ngaklouh ziak un a hon hehsaan petmah ua unau sang gam dan a bawl lou a hon ngoh in ka inn sung uh a siat loh dek phial hi.....:(
Mite hehpihna ziak in kap galna sum tamkhop ka mu ua ka ki etkol na ua misum ka thunglaakte uh tamkhop ka din zou uhi. A luangtumna puan leeng 300 lam ka mu ua mithupi khat galna toh kikhailou hial ding ahihman in ka kipak mahmah uhi.A hihziak in ka pa khaloh lah ka bat ditna ding ua khateng a piak dia kila ahihziak in khaloh a kim a munawnlou a penson na lel hidiang ahihtaak man in khateng a dit ding chia ka kihouna zah uh leng a pha nawnkei a...lungkham huai mahmah hi.Ka khosak dingdan uh bel Nnasem thei kahih man in kalung buaikei vanglak hi.Pathian in damna hon piak leh kiloh tawm inle ka inn sung uh etkol ka ngap hi.A hihziaak in ka pa et kolna ding a ka thunglaak te uh ditna ding ka paa sum muh tuamtuam te a kadit khit nung un teng 40000 lam in hon saam a huaite ditna ding chik mah chiang a muhsuah zoh hilou maithei (Kei nitha kilohman a) ahihziak in ka lung kham mahmah hi.
Huai hun a sum muhna ding ka ngaihtuah neuhneuh lai in ka room sung a ka pa galna puan ki koih meuhmouh te ka mit in hon mu a hiaite sum suahtheih himai leh zaw tuhun a Puandum in teng 500 man a ka puan muh uh 95% puandum hi chih ka hon ngaihtuah khia a ka lung honglut in ka hon hisap mawk hi...
a Ka puan muh uh 300 lak ah piak dia kilawm 30 lel khawng ka hawm khia ua 270 bang huchin a om lai hi. Huaiteng sum ki suah/a sumtang a min hon gal hile uh 270x500=135000 pha ding hi a k bat uh a dit khit ban ah ka khosakna kibulpatna ding uh om ding hi a chih bang ka ngaihtuah hi. Ka ngaihtuahna in kei le kei haihuai ka kisa a himahleh tongkhong lua in ngaihtuah khia ka hihman in ka tui ke nuih viivei hi. Mite'n hon galna uh kipahpih lou hilou in hiai kathil tuah in hon hilh a ka theih tuh..... Moulopna dan a tanau laina teng kiang a hawm zungzung hun hilou aa hihman in sigalna puan tampi sang in a sum mah deih huaizaw ding hita e chih ka ngaihtuah khia hi. Puandum neu muhna hilou in a let/thupi luat ziak in puandang bang a zat theih a hikei zaw mah a sigalna sum suah bdia zuak mawk lah kilawp mahmah lou a hizel a akoihna ding leeng omlou phial in ka koih memouh mai uhi.
Author Note : Hiai thu thutak hilou in sihna a puan i hahtawi sang un i puan leina te uh a sum in ki gal le a genthei te a ding a phat tuamna om zaw ding a ngaihtuahna a om ziak a kigelh ahi. Puan a tuam dia kilawm innsung miten bel a tum ding mah uh kilawm a huchilou ten i itluat ziak khawng leh i ki sungtan sak ziak a "Puan bek a tuaamlou" chi a i tuam sang un i puan leina uh a sum value in ki gal le sihna tuakte a ding a phatuam zaw ding hi. Puan dum khat teng 500 a ileina pen a sum hul in teng 500 mah pele manpha zaw ding hi.
©Siamsinna leh Vakiangbu
Comments
Post a Comment