AW NA HINA MAIZEN E
Written by ~ Thanuam Dahpa
(Base on some1 true story Naratted by Sawm Boihz)
Kum 18 kiphata a Sandes skul piching kahong kaai touh in ki nungak sak lungsim nei a tangval mit hah deuh ka hihlam thei keimah leng nikhat tuh mipi kikhopna khat lawmte toh ka va kikhawm uhi. Koututna gal deuh pasalte tutna lam mit in a vangkim a en kha pahpah ahihziak in tangval tampi tute lak a ka et chim theihlouh ahihziak a sawt ka et ngamhet louh khat a om hi. Enlou ding ka chi lungsim zelna a enlou theilou mah bang in ka en pheikhazel hi. Etlouh teitei kasawm a himahleh a maulam a thil taang (kisawi) om ut deuh bang in neuchik thawm a om zek, mi a khuh zek un le ka en phei khanak a huchih hun in a man le hon na et toh ka et a kituak kha gige hi. Tangval toh ki en ngeilou bang in huaini taak a ka tangval muh toh ka ki et tuah khak nopna mahmah om in kathei a kikhopna a bang thu kigen a min bang hih uh ahia chih leng thei kim sipsip lou in kalungsim huaipa kianglam kia ah a om hi. Kei omdan in a mahleeng om ngei ding in ka gingta a tawp dek kuan a kaki et khak un a hong nui heuhau chuh ka mit kha in a mang thei nawnkei hi.
Kikhop kahong tawp ua a mah ma a pawt ding kilin sim mawk hi, amah ma in pawtleng koilam a pai hiam chih en zuitheilou ding kahihman in a paina lel thei utna in a nung a pawt ding lung gulhna hon pia a himahleh lady's first a hihmah bang in amah keisang a kizekai sak zaw in ken ka pawt masak san hi.Mipi lak a thei ngeilou Tangval zong a dak vialvial ding kilawm kasak louhziak in ka zongtuan kei a ka paina ding lam kazuan a ka lungsim in tuh koi vengt a diam chih khawng theih utna ka nei hi.Huchia ka ngaihtuah lai in ka kiang a mikhat in " Ching,non ngaihleh i ton diam" a hon chi guih a kenle kua a chih theipah lou ka hihman in dawnglou in ka en a...Maizen..!!! AMAH a na himai mah a gending theihnak sang in zumna in ka pum dim a bangmah a dawnglou in ka lawmnu panglam ah ka ki hepkhiat san hi.Ka lawmnu bel mi kamsiam leh thuahnop a hihman in "kou khawng non tonpih ut tak in i kiton nahouh kei dia" hong na chihsak a ka pah taak mahmah sa kalawm nu huai a chihziak in ka pahtaakna a leh 100 mahmah in a khang hi. Huchi in keitoh leeng kihou kha zezen lou in ka lawmnu toh a kihou nilouh ua a vangkim in kei hon houpih tuam in ka min mah "CHING" chin hon sam zel a huaiteng leng kei a ding in a hunlua...hon sapdan midang hon sapsang in a zaak a nuamzaw tham in kathei hi.
Huchia tomchik kiton kasak sung in ka lampi ka uh katung ua khmlou tak in ka kikhen uhi. Inn ka tun nung sawtlou in ka phone ah laithon hong lut a ka etleh "Ching lumta maw...Den in non hoih houpih ut kei a kisa theina chia...Khual kahi" chih a na hi a koi kaa No a nalaak a chih theilou kahihman in kua hi ding hiam chih ka chian ngam kei hi.Kenle thuk lou in ka lawmnu ka houpih a den a i tonpihpa min khual hia chia ka dot leh "Hi, na no hon ngen a ka pik ahi" hon chih behlap a kipak gu na pi in "bang dia na na piak a" ka chi kha zezen hi.
Huchin phone laithon a pan kihou in zan sawtpi nung tan in Mangpha ki khak zel kikhak tawp theilou in ka om uhi. A nitamlou nung in kingai hinkhua ka hon zang ua ka muhtuung a pan in it chihtak in Khualpu ka it hi. A manleeng hon it taktak hi in kathei ka kipak mahmah hi.
Huaini a pan in kalung sim a Khualpu lou a om ngeikei a ka ihmut sung in leeng ka manglam in Khualpu toh kithuah in ka hinkhua ah Khualpu kia a om hi. Sun hun a Koles ka kai in leeng Khualpu mah ka ngaihtuah a a khenchiang in ka Koles uh kibang hileh chih khawng ka ngaihtuah zel a class off hun khawng a canteen khawng a kithuah te ka muh chiang in kouleng koles kibang hile ung nuamtak a hun zang ding hi ung a chi in k ngaihtuah zel a himahleh kibanglou chuh Phone laithon kikhak tuah in ka off hunte kazang zel hi.
Khualpu ka ngaihziak in ka laisim na bang ka bahloh phial a a khenchiang in kei lekei ki ngaihtuah in Laisiam na delh a nu le pa gentheitak in a muh sunsun uh zang ngamlou a kei siam di a deihman ua koles hoih, inn mun a pan gamla tak a hon kjoih ua kei huchia ka om hoihlou a hih dan thei in ki bawl phat ka sawm a himah leh a hihtheihlouh hun a tam zaw hi.
Khua a pan a gamlapi a om a kou ki itna thu saupi a na leeng in ka khua ua om ka inn kuante leh ka tanaute un a na za ua, niteng phial in Khualpu tawp san ding in thu hong tung den hi.Tawpsan ding ka ngaihtuah chiang in hi kasa thei kei a Khualpu in poi sa kei mahleh kei Khualpu lou a hing zoulou ding a ka kitheih ziak in tawp san ding hi kasa thei mahmah kei hi. Ka ngaihdan gen leng hon phal ding bang in ka koih a khatvei inn lam pai a ka inn kuan leh ka tanaute kiang a Khualpu ka itdan gen a khenzoulou ding kahih dan theisak l;eng hon phal ding ua gingta in IUnn lam pai kal ka ngaklah mahmah hi
Huchi in ekzam zou inn lam kahong pai a Khualpu toh kikhen dingthu kia gen pih in ka om hi. Lungleeng le lungleeng manlou chih ding in Khualpu khen ding in inn kuante kia hilou in tanau te nasan a pan hilhna ka tuak a atawp in bang ziak a hon hichi deihsak louh uhiam chin ka dong khong hi...A hon deih sklouh na ziak uh bangdang hilou in KHAMTHEIH HIH a hih ziak ahi hi. Lamdang kasa petmah mai a ka Ukhual in khamtheih ahih poi kasa petmah hi. Bang ding a huaibang khelhna a na bual se na hiam Ukhual chi in a guk in ka kapkap mai a...hon hehnem tu ding lah omlou in keikia in khitui toh ka kithuah den uhi. Ka ki ngaihtuah a Khualpu toh kikhen ding ka ngai ngam kei a khamtheih hih leh leeng bawl hoihzou ding bang a kingaihtuah in ka lung a ke kei hi. Ka bawl hoih zoh kei lehleng a khamtheih hihteng toh leeng ka it khawm hi.. Himah leh Inn sung nulepa ten kei a dia hoihzaw thei uh ahih ziak uleh keileng a hunlou a sihsan a om thei kahih dante ka ngaihtuah in nu le pa thu zuih mah hoih zaw a thei in Khualpu khen mai ding thu ka hon puk hi.
Ka kimuh nawnna masa pen uah kikhen mai ni chihn ka gen a Khualpu in lamdang sa in pauthei zezen lou leh ka chiam nuih dingsa in a hon hoih et zezen hi. Chitak tak a ka chih ahihdan atheih in mai mual tak in kikhen ding ka ut phut ziak hon dong a kenle haksa satak in KHAMTHEIH na hihziak a ka nu le pa leh ka tanauteng un hon deih saklou ahi chin ka gen a Khual pu`n tam pi a hon dawng lou in " Ching, Khamtheih kahihlouh dan na theivele" hon chi a kenle "Mei mlou a thou tulou ahi, huaiziak in i kikjhen mah hoihzaw ahi" ka chi teitei hi. Khamtheih ahihlouh dan gen in khenlou ding in a hon ngen ngutngut a "Kon khen kei ding" chih suk mai ka ut petmah a himahleh "Kikhen lou theilou ihi" chin paisan ding in ka hong kisa a kakhut a hon mah in "Ching, kei sang a midang gingta zaw na hih taktak leh na nu napa,na tanauteng in hon deih saktoh hong kiteng mai un aw" chi in Khualpu`n hon chi a kei sawm himahleh ka it pen kam a pan a huaibangthu kazak in kah khiat ek ek utna hon pia a kidek theih tawp a kidek in nunglam en nawnlou in ka paisan hi.
Na kasa petmah mai ka itna neuchik leeng kiamlou a khamtheih ziak leh nu le pa thuziak a Khualpu kakhen tuk a haksa katuah a om naikei hi. Ka kap a a phatuam kei a ka phone a pan in la ka ngai khia a ka heh hon nepsang in ka lung a zuang deuhdeuh a...Ka tut in ka lung sim sung ah Khualpu in k akhut a hon len a khenlou ding a hon ngetlai a lang zel a ka lup in leeng huchimah bang in Khualpu toh ka hinkhua zat khawmlai nite uh ka ngaihtuah den hi...A hun hong sawt deuh zil in ka lunglen hong nuamtuam mahleh Khualpu ka itna neuchik leng a kiam kei a It deuhdeuh bang in ka kithei hi....
Hun hong paizel aa nikhat tuh Khulpu lawmpa toh ka hong kimukha ua Khualpu ziak in ka ngaina mahmah hi.Aman le a lawmpa nungaknu kahih ziak in hon ngaina a munkhat a tu in kon ghoulim uhi. Khualpu tanchin katheihlouh tampi hon hilh a a mihoih dan leh a mi huaisiam dan a lungsim pichin dan leh a mi angvan dan khawng a kithuahn auapan a theihte hon gen pihpih hi.Kei thuzak toh a ki khai petmah mai a gen ding theilou in "A man khamtheih hih hilou maw" chin ka dong a a hon dawnna tuh "Khualpu hinkhua kei tuk a thei kuamah a om kei ding Khamtheih hih naaksang a a mihoih dan lamdang zezen ahi" a hon chi a huchi in ka biang ah khitui hong luang zungzung a kidek zoulou in kisik in ka kap ek ek hi. Khamtheih hih chihziak a kakhen dan khawng kahilh in a lawmpa mihoih dan hong gen pih a kei a ding in kisiik a sih theih hileh ka si ngeingei din ghi.
Ka nu le pa thuziak a ka it pen khen ing a huaile a thu diklou na hilai chih ching in ka khen a kathuakna leh tam pi in kathuak hi. Kou om khawm ung a ken katheih louh gamlapi a om ka nu le pan chikmah a atheih ngeilouh uh khamtheih hih a nachih mawk ziak ka kan chetlouh khwn gkisik na ngen in ka dim hi. Thu laileeng a nazk uh pansan a theilou pi a na gen uh ken kagin taak bang hai kakisa a kuamah dang ngohlou in kei le kei ki ngoh in sun le zan kisikna mit tui toh ka om den hi. Khualpu kiang a ngaihdam ngen a kiknawn ka ut mahmah mai a himahleh a mah midang toh kingai ta ahihdan katheithak zaw mah zaw khovel gilou paisan ka ut tuntun hi.Ka ngaihtuahna ah ngaihdam ngenleng KHualpu in le hon ngaidam ding in ka gingta a himahleh khenlou ding a hong nget ngutngut hun a kisathei tak a ka paisn ziak a tung Pathian gawtna katung a hongtung bang a ngai in kei it bang a na it tua a ngaihpen toh suk buai ding ka ut kei a ka it mahmah Khualpu in a It mahmah khen a hakstna a tuah ding kaphal louh man in kei le kei ka kipiak itna vangtah toh ka hinkhua ka zang den ta hi.
©Siamsinna leh Vakiangbu
Kum 18 kiphata a Sandes skul piching kahong kaai touh in ki nungak sak lungsim nei a tangval mit hah deuh ka hihlam thei keimah leng nikhat tuh mipi kikhopna khat lawmte toh ka va kikhawm uhi. Koututna gal deuh pasalte tutna lam mit in a vangkim a en kha pahpah ahihziak in tangval tampi tute lak a ka et chim theihlouh ahihziak a sawt ka et ngamhet louh khat a om hi. Enlou ding ka chi lungsim zelna a enlou theilou mah bang in ka en pheikhazel hi. Etlouh teitei kasawm a himahleh a maulam a thil taang (kisawi) om ut deuh bang in neuchik thawm a om zek, mi a khuh zek un le ka en phei khanak a huchih hun in a man le hon na et toh ka et a kituak kha gige hi. Tangval toh ki en ngeilou bang in huaini taak a ka tangval muh toh ka ki et tuah khak nopna mahmah om in kathei a kikhopna a bang thu kigen a min bang hih uh ahia chih leng thei kim sipsip lou in kalungsim huaipa kianglam kia ah a om hi. Kei omdan in a mahleeng om ngei ding in ka gingta a tawp dek kuan a kaki et khak un a hong nui heuhau chuh ka mit kha in a mang thei nawnkei hi.
Kikhop kahong tawp ua a mah ma a pawt ding kilin sim mawk hi, amah ma in pawtleng koilam a pai hiam chih en zuitheilou ding kahihman in a paina lel thei utna in a nung a pawt ding lung gulhna hon pia a himahleh lady's first a hihmah bang in amah keisang a kizekai sak zaw in ken ka pawt masak san hi.Mipi lak a thei ngeilou Tangval zong a dak vialvial ding kilawm kasak louhziak in ka zongtuan kei a ka paina ding lam kazuan a ka lungsim in tuh koi vengt a diam chih khawng theih utna ka nei hi.Huchia ka ngaihtuah lai in ka kiang a mikhat in " Ching,non ngaihleh i ton diam" a hon chi guih a kenle kua a chih theipah lou ka hihman in dawnglou in ka en a...Maizen..!!! AMAH a na himai mah a gending theihnak sang in zumna in ka pum dim a bangmah a dawnglou in ka lawmnu panglam ah ka ki hepkhiat san hi.Ka lawmnu bel mi kamsiam leh thuahnop a hihman in "kou khawng non tonpih ut tak in i kiton nahouh kei dia" hong na chihsak a ka pah taak mahmah sa kalawm nu huai a chihziak in ka pahtaakna a leh 100 mahmah in a khang hi. Huchi in keitoh leeng kihou kha zezen lou in ka lawmnu toh a kihou nilouh ua a vangkim in kei hon houpih tuam in ka min mah "CHING" chin hon sam zel a huaiteng leng kei a ding in a hunlua...hon sapdan midang hon sapsang in a zaak a nuamzaw tham in kathei hi.
Huchia tomchik kiton kasak sung in ka lampi ka uh katung ua khmlou tak in ka kikhen uhi. Inn ka tun nung sawtlou in ka phone ah laithon hong lut a ka etleh "Ching lumta maw...Den in non hoih houpih ut kei a kisa theina chia...Khual kahi" chih a na hi a koi kaa No a nalaak a chih theilou kahihman in kua hi ding hiam chih ka chian ngam kei hi.Kenle thuk lou in ka lawmnu ka houpih a den a i tonpihpa min khual hia chia ka dot leh "Hi, na no hon ngen a ka pik ahi" hon chih behlap a kipak gu na pi in "bang dia na na piak a" ka chi kha zezen hi.
Huchin phone laithon a pan kihou in zan sawtpi nung tan in Mangpha ki khak zel kikhak tawp theilou in ka om uhi. A nitamlou nung in kingai hinkhua ka hon zang ua ka muhtuung a pan in it chihtak in Khualpu ka it hi. A manleeng hon it taktak hi in kathei ka kipak mahmah hi.
Huaini a pan in kalung sim a Khualpu lou a om ngeikei a ka ihmut sung in leeng ka manglam in Khualpu toh kithuah in ka hinkhua ah Khualpu kia a om hi. Sun hun a Koles ka kai in leeng Khualpu mah ka ngaihtuah a a khenchiang in ka Koles uh kibang hileh chih khawng ka ngaihtuah zel a class off hun khawng a canteen khawng a kithuah te ka muh chiang in kouleng koles kibang hile ung nuamtak a hun zang ding hi ung a chi in k ngaihtuah zel a himahleh kibanglou chuh Phone laithon kikhak tuah in ka off hunte kazang zel hi.
Khualpu ka ngaihziak in ka laisim na bang ka bahloh phial a a khenchiang in kei lekei ki ngaihtuah in Laisiam na delh a nu le pa gentheitak in a muh sunsun uh zang ngamlou a kei siam di a deihman ua koles hoih, inn mun a pan gamla tak a hon kjoih ua kei huchia ka om hoihlou a hih dan thei in ki bawl phat ka sawm a himah leh a hihtheihlouh hun a tam zaw hi.
Khua a pan a gamlapi a om a kou ki itna thu saupi a na leeng in ka khua ua om ka inn kuante leh ka tanaute un a na za ua, niteng phial in Khualpu tawp san ding in thu hong tung den hi.Tawpsan ding ka ngaihtuah chiang in hi kasa thei kei a Khualpu in poi sa kei mahleh kei Khualpu lou a hing zoulou ding a ka kitheih ziak in tawp san ding hi kasa thei mahmah kei hi. Ka ngaihdan gen leng hon phal ding bang in ka koih a khatvei inn lam pai a ka inn kuan leh ka tanaute kiang a Khualpu ka itdan gen a khenzoulou ding kahih dan theisak l;eng hon phal ding ua gingta in IUnn lam pai kal ka ngaklah mahmah hi
Huchi in ekzam zou inn lam kahong pai a Khualpu toh kikhen dingthu kia gen pih in ka om hi. Lungleeng le lungleeng manlou chih ding in Khualpu khen ding in inn kuante kia hilou in tanau te nasan a pan hilhna ka tuak a atawp in bang ziak a hon hichi deihsak louh uhiam chin ka dong khong hi...A hon deih sklouh na ziak uh bangdang hilou in KHAMTHEIH HIH a hih ziak ahi hi. Lamdang kasa petmah mai a ka Ukhual in khamtheih ahih poi kasa petmah hi. Bang ding a huaibang khelhna a na bual se na hiam Ukhual chi in a guk in ka kapkap mai a...hon hehnem tu ding lah omlou in keikia in khitui toh ka kithuah den uhi. Ka ki ngaihtuah a Khualpu toh kikhen ding ka ngai ngam kei a khamtheih hih leh leeng bawl hoihzou ding bang a kingaihtuah in ka lung a ke kei hi. Ka bawl hoih zoh kei lehleng a khamtheih hihteng toh leeng ka it khawm hi.. Himah leh Inn sung nulepa ten kei a dia hoihzaw thei uh ahih ziak uleh keileng a hunlou a sihsan a om thei kahih dante ka ngaihtuah in nu le pa thu zuih mah hoih zaw a thei in Khualpu khen mai ding thu ka hon puk hi.
Ka kimuh nawnna masa pen uah kikhen mai ni chihn ka gen a Khualpu in lamdang sa in pauthei zezen lou leh ka chiam nuih dingsa in a hon hoih et zezen hi. Chitak tak a ka chih ahihdan atheih in mai mual tak in kikhen ding ka ut phut ziak hon dong a kenle haksa satak in KHAMTHEIH na hihziak a ka nu le pa leh ka tanauteng un hon deih saklou ahi chin ka gen a Khual pu`n tam pi a hon dawng lou in " Ching, Khamtheih kahihlouh dan na theivele" hon chi a kenle "Mei mlou a thou tulou ahi, huaiziak in i kikjhen mah hoihzaw ahi" ka chi teitei hi. Khamtheih ahihlouh dan gen in khenlou ding in a hon ngen ngutngut a "Kon khen kei ding" chih suk mai ka ut petmah a himahleh "Kikhen lou theilou ihi" chin paisan ding in ka hong kisa a kakhut a hon mah in "Ching, kei sang a midang gingta zaw na hih taktak leh na nu napa,na tanauteng in hon deih saktoh hong kiteng mai un aw" chi in Khualpu`n hon chi a kei sawm himahleh ka it pen kam a pan a huaibangthu kazak in kah khiat ek ek utna hon pia a kidek theih tawp a kidek in nunglam en nawnlou in ka paisan hi.
Na kasa petmah mai ka itna neuchik leeng kiamlou a khamtheih ziak leh nu le pa thuziak a Khualpu kakhen tuk a haksa katuah a om naikei hi. Ka kap a a phatuam kei a ka phone a pan in la ka ngai khia a ka heh hon nepsang in ka lung a zuang deuhdeuh a...Ka tut in ka lung sim sung ah Khualpu in k akhut a hon len a khenlou ding a hon ngetlai a lang zel a ka lup in leeng huchimah bang in Khualpu toh ka hinkhua zat khawmlai nite uh ka ngaihtuah den hi...A hun hong sawt deuh zil in ka lunglen hong nuamtuam mahleh Khualpu ka itna neuchik leng a kiam kei a It deuhdeuh bang in ka kithei hi....
Hun hong paizel aa nikhat tuh Khulpu lawmpa toh ka hong kimukha ua Khualpu ziak in ka ngaina mahmah hi.Aman le a lawmpa nungaknu kahih ziak in hon ngaina a munkhat a tu in kon ghoulim uhi. Khualpu tanchin katheihlouh tampi hon hilh a a mihoih dan leh a mi huaisiam dan a lungsim pichin dan leh a mi angvan dan khawng a kithuahn auapan a theihte hon gen pihpih hi.Kei thuzak toh a ki khai petmah mai a gen ding theilou in "A man khamtheih hih hilou maw" chin ka dong a a hon dawnna tuh "Khualpu hinkhua kei tuk a thei kuamah a om kei ding Khamtheih hih naaksang a a mihoih dan lamdang zezen ahi" a hon chi a huchi in ka biang ah khitui hong luang zungzung a kidek zoulou in kisik in ka kap ek ek hi. Khamtheih hih chihziak a kakhen dan khawng kahilh in a lawmpa mihoih dan hong gen pih a kei a ding in kisiik a sih theih hileh ka si ngeingei din ghi.
Ka nu le pa thuziak a ka it pen khen ing a huaile a thu diklou na hilai chih ching in ka khen a kathuakna leh tam pi in kathuak hi. Kou om khawm ung a ken katheih louh gamlapi a om ka nu le pan chikmah a atheih ngeilouh uh khamtheih hih a nachih mawk ziak ka kan chetlouh khwn gkisik na ngen in ka dim hi. Thu laileeng a nazk uh pansan a theilou pi a na gen uh ken kagin taak bang hai kakisa a kuamah dang ngohlou in kei le kei ki ngoh in sun le zan kisikna mit tui toh ka om den hi. Khualpu kiang a ngaihdam ngen a kiknawn ka ut mahmah mai a himahleh a mah midang toh kingai ta ahihdan katheithak zaw mah zaw khovel gilou paisan ka ut tuntun hi.Ka ngaihtuahna ah ngaihdam ngenleng KHualpu in le hon ngaidam ding in ka gingta a himahleh khenlou ding a hong nget ngutngut hun a kisathei tak a ka paisn ziak a tung Pathian gawtna katung a hongtung bang a ngai in kei it bang a na it tua a ngaihpen toh suk buai ding ka ut kei a ka it mahmah Khualpu in a It mahmah khen a hakstna a tuah ding kaphal louh man in kei le kei ka kipiak itna vangtah toh ka hinkhua ka zang den ta hi.
©Siamsinna leh Vakiangbu
Comments
Post a Comment