PI AW NA BUUKTUI

By ~ Pau Lian

Puvon pahtang tam dieudeu tung ah. 
Pivon in sun naubang hon awiawi e. 
Ka tuai bawi aw khansawt aw chi'n. 
Sawndawng giabang zun a chim manlou hi e.
 Pivon nen ah tutkhawl kei din nuam e.
 A lel simthu tangbang pha e. 
Phammawh suangua bang hing leh ching e.
 Hizong pivon apal heuta hi e. 
Pi aw na buuktui gimlaang sa'ng e. 
Dawhtam tung kumkhua a na muam zeuh zeuh. 
Lim hiam pi aw na buuktui lim hiam?. 
Ka muam ni'n naktawng ei vut hi e. 
Neu leh lian kholhna tua munnuam ah.
 Mei lak,vutlak inking kai nua'h. 
Taptawng buukthei ka muh munpen. 
Nih thum tutkhawl lai ah pi in buuktui luan e. 
Lungching pi aw tangbang non phawng hi e. 
Neihsuh buuktui na akpi nawihawm hi e.
 Zansawt maimit nasin mawh ni'n zong. 
Pi aw tangbang nong phawng talua hi e. 
Sun in za'ng e, zan in za'ng e. 
Tangkei bangzal buukgim in azel hi e. 
Tun maw Pi aw,na gimsi mangta ding sa'ng . 
Manglou lai e pi aw na buuktui gim nam lai e. 
Gimlun buuk in meibang hon tuam ni in. 
Selung phawng veh pi aw nang ding sa'ng e. 
Phaksap tualmun nuam ah buukthei nakeng hiam aw?
 Pi aw na buuktui tang kei ngaihsial na hi e.

©Siamsinna leh Vakiangbu