NATNA - OVERDOSE
By ~ Paumuanlal Guite BaBs
Naupang chik ka hihlai in innkhawng a om hithiat in nu leh pa thumangtak mikhat kana hi a, sunday skul khawng akai gige mikhat kahi. Nu leh pate leh heutute deihsakna ka tang tam thei mahmah mai hi.Siamsinna ah pawl VIII bang ka hon simtouta a, lungsim a kitangvalsakna, kiphatsakna leh thil theih utna ka hon hau mahmah maita hi. Banah, neih leh lam aleng ahaulua hikei mahle ung kuamah ka eng kei ua, huaiziakin kipolhpih ding lawm leng ka hau mahmah maita hi.
Ka khovel hinkhua, ka pianthak nung nasana ka tuahte khawng hah ngaihtuahlua kahi ngei dia, nitak khatchu ka ngaihtuahna paw zoulou in khakham vei in ka lupna ah ka mualliamta hi. Vangse sawnsawn kahi ngei dinga, ka hihna hi nawnkei mahleh, ka sih in ka natna OVERDOSE hihsak in ka om lailai mai hi.....
Ka lawm bangzah hiamte'n zu bang dawnzel ua, dendrite bang hiip in a chang in RP bang honne zel uhi. Ka va test utsim mahmah a, himahleh ka kideek zou lai hi. Huchi kawmkal ah khamtheih hihte bang ka mimuh kei a, ka simmawh mahmah mai hi.
Kumte hongpaizel a, pawl X bang first division in ka hon zou chu leitung ah keilou kua aom a chih utna lungsim tawh ka hon omta hi. College khawng i hong kai zawmah chu miteng bang in hon mitsuan uh hileh kilawm bang in ngaihtuahna lungsim kinei mawk hi.
Nikhat ka class teng un picnic ka hon nei ua, gamlaka kinei ahihmanin anumei apasal chih omlou in nuam kasa mahmah hi. Ann nek hunkuan in lawmten zu khawng hon lakhe zungzung ua, numeite na ngawn in hon dawn tak un kenle "bang e pasal, khatvei bang.." chi'n zu ka hon dawntei ta hi.
Picnic ni a tamlou chik cia kava dawn cheuh kha awlawl in hong kalsang deuhdeuhta hi. Ani hon tam dungzui in ka zu duhna honglian hiaihiai hi. Ka dawn ma a athawn a honpe ut tampite ka hon dawn taktak leh honpe ding aom nawnta kei a, sum ka neihlouh chiang in kilawmtakin ka nu le pa ka khemzou zel hi.
Huchia ka hon om chia'n, zu chauh leng deihkhop nawnlou in a hip thoh, a nek thoh, a kap thoh tawh bangkim ka hon zongsangta hi. Aman ding lah kimu nawnlou, mi van guuk a zuak chihlouh lampi aom nawnkei hi.
Achang in kei kia bang in ka kingaihtuah zel a, ka nu leh pa, ka sanggamte ka lungkhamsak dan bang ka thei a, ka lungkham thei mahmah a, ka senlai hunte ka hon ngaihtuah khazel hi. Ahitazongin ka duh hun in hon phakchia poisakna bangmah ka neikei hi.
Ka innkuante leng beidong gawp uh ahidia Rehab centre khat ah hon koihta uhi. Zumhuai bang kasa mahmah mai a, himahleh ka hoihna ding hizaw ahi chi'n kinepna lianpi tawh ka om hi. Ahitazongin a changa kikol dan ki ganhing bawl mahmah kasa a, hoihna sanga simmohna tam tuakzaw ka hihmanin ka taipawt hi.
Ka innkuanten hon hehsan mahmah uh, hilele athubul theilou ahihmanun ka ngaisiam mahmah hi. Akal lakin Saptuamte hon hoh uhenla thumanpha hon genle uh ka ci mahmah a, himahleh khamtheih hihte athu chauh a bolhoih sawma, itna tawh va delhzui ngap kuamah omlou ahidan ka muchian hi. Huchia lungnuamlou taka ka omlai in Pathian mizat mahmah khat in "Hotdamna Camp" bawldek ahi chihthu kaza a, keileng tel teitei sawm in ka kanzui ngal hi.
Pathian panpihna tawh Camp a kava lut a, ka thu ngaihkhiatte'n ka lungsim hon zou mahmah uh ahimanin mittui luang zungzung kawm in keile ka piangthak hi. Inn paiphet a nu le pate kianga ngaihdam nget a, nasem a kilawh a kavan guk teng va dit ding chi'n ka hanchiamta hi.
Camp apan ka pawt ua, inntung phet ka nu le pa kia Ngaihdam ka ngenpah a, ka nu le pan leng kipaktaka "bawi, na hon piangthaka kipahhuai na e, Pathian kia kipahthu genni.." chia hoitaka hon gen a sa bang hon mehpih ding uh kasaklai in, pautam lou in "tuban hong hih nawn na ngeingei in aw innsung a nata nonkei ding.." honchih khum ua, hon vaidawnna uh haksa kasa mahmah.
Kava kikhawmzel a, tuailai pawl banga kava tel a, miten honna kipahpih ding uh kasakleh "hiaipa le piangthak ci zawzen, bangtan adaih diam mo?" chi'n hon dem ekek ua, nuam kasa mahmah kei. Banah, ana kipawlsa teng ahi luailuai ua, ka khattang thei mahmah hi biakinn nasan ah.
Kuamah adin thupi zoukei mahleng ka hithei khom in Pathian ka zui a, keikia bang in thumna ka neizel hi. Keikhom adia thupi bang kasaklai in Pathian thuzui tampite adin chiamnuihna lel kasuak a, ka pawna petmah mai a, mittui luang zungzung kawm in ka thum zel hi.
©Siamsinna leh Vakiangbu
Naupang chik ka hihlai in innkhawng a om hithiat in nu leh pa thumangtak mikhat kana hi a, sunday skul khawng akai gige mikhat kahi. Nu leh pate leh heutute deihsakna ka tang tam thei mahmah mai hi.Siamsinna ah pawl VIII bang ka hon simtouta a, lungsim a kitangvalsakna, kiphatsakna leh thil theih utna ka hon hau mahmah maita hi. Banah, neih leh lam aleng ahaulua hikei mahle ung kuamah ka eng kei ua, huaiziakin kipolhpih ding lawm leng ka hau mahmah maita hi.
Ka khovel hinkhua, ka pianthak nung nasana ka tuahte khawng hah ngaihtuahlua kahi ngei dia, nitak khatchu ka ngaihtuahna paw zoulou in khakham vei in ka lupna ah ka mualliamta hi. Vangse sawnsawn kahi ngei dinga, ka hihna hi nawnkei mahleh, ka sih in ka natna OVERDOSE hihsak in ka om lailai mai hi.....
Ka lawm bangzah hiamte'n zu bang dawnzel ua, dendrite bang hiip in a chang in RP bang honne zel uhi. Ka va test utsim mahmah a, himahleh ka kideek zou lai hi. Huchi kawmkal ah khamtheih hihte bang ka mimuh kei a, ka simmawh mahmah mai hi.
Kumte hongpaizel a, pawl X bang first division in ka hon zou chu leitung ah keilou kua aom a chih utna lungsim tawh ka hon omta hi. College khawng i hong kai zawmah chu miteng bang in hon mitsuan uh hileh kilawm bang in ngaihtuahna lungsim kinei mawk hi.
Nikhat ka class teng un picnic ka hon nei ua, gamlaka kinei ahihmanin anumei apasal chih omlou in nuam kasa mahmah hi. Ann nek hunkuan in lawmten zu khawng hon lakhe zungzung ua, numeite na ngawn in hon dawn tak un kenle "bang e pasal, khatvei bang.." chi'n zu ka hon dawntei ta hi.
Picnic ni a tamlou chik cia kava dawn cheuh kha awlawl in hong kalsang deuhdeuhta hi. Ani hon tam dungzui in ka zu duhna honglian hiaihiai hi. Ka dawn ma a athawn a honpe ut tampite ka hon dawn taktak leh honpe ding aom nawnta kei a, sum ka neihlouh chiang in kilawmtakin ka nu le pa ka khemzou zel hi.
Huchia ka hon om chia'n, zu chauh leng deihkhop nawnlou in a hip thoh, a nek thoh, a kap thoh tawh bangkim ka hon zongsangta hi. Aman ding lah kimu nawnlou, mi van guuk a zuak chihlouh lampi aom nawnkei hi.
Achang in kei kia bang in ka kingaihtuah zel a, ka nu leh pa, ka sanggamte ka lungkhamsak dan bang ka thei a, ka lungkham thei mahmah a, ka senlai hunte ka hon ngaihtuah khazel hi. Ahitazongin ka duh hun in hon phakchia poisakna bangmah ka neikei hi.
Ka innkuante leng beidong gawp uh ahidia Rehab centre khat ah hon koihta uhi. Zumhuai bang kasa mahmah mai a, himahleh ka hoihna ding hizaw ahi chi'n kinepna lianpi tawh ka om hi. Ahitazongin a changa kikol dan ki ganhing bawl mahmah kasa a, hoihna sanga simmohna tam tuakzaw ka hihmanin ka taipawt hi.
Ka innkuanten hon hehsan mahmah uh, hilele athubul theilou ahihmanun ka ngaisiam mahmah hi. Akal lakin Saptuamte hon hoh uhenla thumanpha hon genle uh ka ci mahmah a, himahleh khamtheih hihte athu chauh a bolhoih sawma, itna tawh va delhzui ngap kuamah omlou ahidan ka muchian hi. Huchia lungnuamlou taka ka omlai in Pathian mizat mahmah khat in "Hotdamna Camp" bawldek ahi chihthu kaza a, keileng tel teitei sawm in ka kanzui ngal hi.
Pathian panpihna tawh Camp a kava lut a, ka thu ngaihkhiatte'n ka lungsim hon zou mahmah uh ahimanin mittui luang zungzung kawm in keile ka piangthak hi. Inn paiphet a nu le pate kianga ngaihdam nget a, nasem a kilawh a kavan guk teng va dit ding chi'n ka hanchiamta hi.
Camp apan ka pawt ua, inntung phet ka nu le pa kia Ngaihdam ka ngenpah a, ka nu le pan leng kipaktaka "bawi, na hon piangthaka kipahhuai na e, Pathian kia kipahthu genni.." chia hoitaka hon gen a sa bang hon mehpih ding uh kasaklai in, pautam lou in "tuban hong hih nawn na ngeingei in aw innsung a nata nonkei ding.." honchih khum ua, hon vaidawnna uh haksa kasa mahmah.
Kava kikhawmzel a, tuailai pawl banga kava tel a, miten honna kipahpih ding uh kasakleh "hiaipa le piangthak ci zawzen, bangtan adaih diam mo?" chi'n hon dem ekek ua, nuam kasa mahmah kei. Banah, ana kipawlsa teng ahi luailuai ua, ka khattang thei mahmah hi biakinn nasan ah.
Kuamah adin thupi zoukei mahleng ka hithei khom in Pathian ka zui a, keikia bang in thumna ka neizel hi. Keikhom adia thupi bang kasaklai in Pathian thuzui tampite adin chiamnuihna lel kasuak a, ka pawna petmah mai a, mittui luang zungzung kawm in ka thum zel hi.
©Siamsinna leh Vakiangbu
Comments
Post a Comment