KINGAIH SIATNA NATNA LAUHUAI ....
By ~ Pau Lian
Nidang chile hun sawtsim tak zaw ahita. Ka facebook fake id ka zatlai a lawmte khat toh kana kimaingal mahmah ua. Aman leng kei kua ka hia, kamel kapuam le athei thahah kei. Hon kankan a, hon kigen in chi'n hon ngensek a, lah ei ki showoff nuam samlou ihih ciah kaki imm a kaki gennuam kei sese hi. Bang di non chi a e, nungak hilou kahi ka min en in ka cihciah bang aheh thei mah2 sek a kanuih bang aleh zak sek hi.... hon theilou himah leh thu tampi hon hilh a. Haksa asak nate, adahna te, a lungkham nate hon gen gen a, kipah na aneikei cih kamu. Aman a hinkhua a genna ah zaw KINGAISIA ahi cih haih vual louh in kamankhia hi.
Kum tam le hinailou, khangdawnglai, neih lehlam, pilna siamna lam hitaleh mi nuai a om adio kachi a, mikiang ah huaipa bang chi a khosa, anu apa bang chi a cih kakan a kathei a, kare noukhong in nuamsa lolou na hi uh maw ka chi hi. Neih leh lamthu hikei, atam lua ka buaina hon chi a agen ngam ciahkei, a lungsim tak azaw a buaina te genkhe theilou/zoulou, kining leh manna bei a kikoih hipen din ka um hi. Hon genzel a ka nuihciang bang in nang lungkham ngeilou maw hon chi a, kipak gige kahi, kipahna zong a, a langlang a diang ivoi ka chisek a, lamdang sa hia salou hia na ektum khong cin nui phuphulh kawm in hon chisek hi..
A buainate ka dong a a genciang ngeikei. Ahon gendan inlah ka mankhe zel a, pasal toupi, hinkhua kimkhat le zang nailou, neih leh lam ale mi chimoh hi zenzenlou bangziak a hici tel a ki ngaisia adio ka chi sek hi. Thu tampi tak le hon hilh ta a himah leh hiaipentak ahi ka lungkhamna chin hon hilh kei. Hon maingal dan lah lungkham tak2 a chimoh mah hidin ka gingta a nikhat kaki houna uah hichin kadong hi. Na khosak na kana jak dan in nuam loleh kilawm a, mel leh puam alah ei lungkim na leh zakhat a lungkim thei di mi nahi. Nungak thu hia na buaina, innsung thu? ka chihleh avek ahi, mi ka eng hon chi a, bangjiak a mi eng lailai tel e, sum nei chin a, natna nei maw ka cih chiang inlah neilou a chi hi. Na thil lakdan diklou himai, khek inla kipah sawm ve ka chih chiang in awle cin hon dawng ngeikei. Nahailua, na theikei, ka bangchi khek di la ka ngaihtuahna, natna lauhuai pen sang ale nase zaw ai o hon chizel hi. Adamdawi omlou di eive maw ka chi a, kawkmuh didan leh thuhilh didan kathei mah2 kei hi.
Khami lua leh kipak thei lua hikei mahleng pathian thu bang ka kawk muh a lah hon zahpih sim toh keileng kaki zahpih toh ka gentamkei hi... achang in kei kiang lou deuh ah hiai thu share maileh, apil zaw a siamzaw omtham di hia ka chi alah kawk muh di tuan katheikei.
Kha tampi bang ahita, kaki nel mahmah ua, keisang a naupang zotham himah leh hon lawmpolh dan mak kasak ding khop in hon nel hi. Hilh theih dan2 in ka hilh a kei sap sap din bang changkang kaki sa hi. Nikhat tuh ka online leh amah le ana online tei a, kaki hou ua, anuam deuhta hia ka chih leh mawkmawk, nuam ngeilou di hon chi a, kenleng bang chi e? Kua eng neita? Na hicih in na hinkhua anuam mawk dia maw cin ka buaiman in ka logout san hi.
Inn ka tun nawn ni nitak in kaki hou ua aman leng i'm not worth it' cihteng ana inbox hi. Kenleng gen di thei nawn tuanlou in ka reply kei.... zingkhua hon vak a nasem dia kuan lampi ah ka phone apat ka login leh ka lung a gimlua cih ana om zel a kenle huai inchu bang chidan adio cin a wall post te kava en a, laa ngen2, ki ngaihsiat huai laa nidang dan a a post te khat ah KHEMPEUH cin kava comment a huaijoh nasem din kaki panta hi.asun inle ka lungsim a thawmhau mah2....hiai mipa, hon theingei le hilou, athu teng hong gen2 mawk, sisan kizopna le omlou, ka lawm cia kana kipolh pihkhak le hilou, bangjiak a kei pentak kiang a ka solve pih theih dile hilou hon hici gentel atamai dio cih kia ka ngaihtuah hi.
Nasemjou inpai, kisil zoh in annek ma bench a lum kawm in ka login leh notification ah ka comment ana like cih hon om kamu hi.annek hunpah ahihziak in ann kane a nekzoh in ka pot hi. Dak 9 lak a intung ka login nawnleh ka inbox fren pa ana sita cih group khenkhat ah kamu ta hi. Ka lungsim hon phawng mah2 a, suun in kasuun maimah mawk hi, a tak2 mah hia cih mikiah kakan a, ana hingei hi. Lamdang kasa a gen ding katheikei. Kei mohpuak na zoulou ka hi, khoutang thei di zenpi cin kaki mohsa nilouh hi.
Kei mohna a diam? Kei siamlouh ziak adiam chi in tutan kaki mohsa lai2 hi. Siam hileng, pil hileng khoutang a a hinna tung a khut ana khalou di zaw hiven kachi a kaki siamtan theikei hi. Hiaithu kon gelh athei i om lele ami i gen nawn dah di uh, amah zaw a beita, alung a gim nawnkei ding. Hiaibang ki ngaihsiatna natna avei kha itam ding, aloh dingdan thei i om ua lungsimlam siam leh thuhilh siam kitasam hita in kathei a huaiziak a gen nuamlou sasa a ka lungsim in hon noh2 ziak a kong gelh ahi. Kenzaw ka mohpuakna kana zoukei. Mabang a huci omleh kazou tangei ding.... nang tung ah mohpuak na na gintaklouh dan in hon kingak niciah ana fail ken aw unau.
Save a life.. Nakisik kei ding.
©Siamsinna leh Vakiangbu (31-05-2012).
Nidang chile hun sawtsim tak zaw ahita. Ka facebook fake id ka zatlai a lawmte khat toh kana kimaingal mahmah ua. Aman leng kei kua ka hia, kamel kapuam le athei thahah kei. Hon kankan a, hon kigen in chi'n hon ngensek a, lah ei ki showoff nuam samlou ihih ciah kaki imm a kaki gennuam kei sese hi. Bang di non chi a e, nungak hilou kahi ka min en in ka cihciah bang aheh thei mah2 sek a kanuih bang aleh zak sek hi.... hon theilou himah leh thu tampi hon hilh a. Haksa asak nate, adahna te, a lungkham nate hon gen gen a, kipah na aneikei cih kamu. Aman a hinkhua a genna ah zaw KINGAISIA ahi cih haih vual louh in kamankhia hi.
Kum tam le hinailou, khangdawnglai, neih lehlam, pilna siamna lam hitaleh mi nuai a om adio kachi a, mikiang ah huaipa bang chi a khosa, anu apa bang chi a cih kakan a kathei a, kare noukhong in nuamsa lolou na hi uh maw ka chi hi. Neih leh lamthu hikei, atam lua ka buaina hon chi a agen ngam ciahkei, a lungsim tak azaw a buaina te genkhe theilou/zoulou, kining leh manna bei a kikoih hipen din ka um hi. Hon genzel a ka nuihciang bang in nang lungkham ngeilou maw hon chi a, kipak gige kahi, kipahna zong a, a langlang a diang ivoi ka chisek a, lamdang sa hia salou hia na ektum khong cin nui phuphulh kawm in hon chisek hi..
A buainate ka dong a a genciang ngeikei. Ahon gendan inlah ka mankhe zel a, pasal toupi, hinkhua kimkhat le zang nailou, neih leh lam ale mi chimoh hi zenzenlou bangziak a hici tel a ki ngaisia adio ka chi sek hi. Thu tampi tak le hon hilh ta a himah leh hiaipentak ahi ka lungkhamna chin hon hilh kei. Hon maingal dan lah lungkham tak2 a chimoh mah hidin ka gingta a nikhat kaki houna uah hichin kadong hi. Na khosak na kana jak dan in nuam loleh kilawm a, mel leh puam alah ei lungkim na leh zakhat a lungkim thei di mi nahi. Nungak thu hia na buaina, innsung thu? ka chihleh avek ahi, mi ka eng hon chi a, bangjiak a mi eng lailai tel e, sum nei chin a, natna nei maw ka cih chiang inlah neilou a chi hi. Na thil lakdan diklou himai, khek inla kipah sawm ve ka chih chiang in awle cin hon dawng ngeikei. Nahailua, na theikei, ka bangchi khek di la ka ngaihtuahna, natna lauhuai pen sang ale nase zaw ai o hon chizel hi. Adamdawi omlou di eive maw ka chi a, kawkmuh didan leh thuhilh didan kathei mah2 kei hi.
Khami lua leh kipak thei lua hikei mahleng pathian thu bang ka kawk muh a lah hon zahpih sim toh keileng kaki zahpih toh ka gentamkei hi... achang in kei kiang lou deuh ah hiai thu share maileh, apil zaw a siamzaw omtham di hia ka chi alah kawk muh di tuan katheikei.
Kha tampi bang ahita, kaki nel mahmah ua, keisang a naupang zotham himah leh hon lawmpolh dan mak kasak ding khop in hon nel hi. Hilh theih dan2 in ka hilh a kei sap sap din bang changkang kaki sa hi. Nikhat tuh ka online leh amah le ana online tei a, kaki hou ua, anuam deuhta hia ka chih leh mawkmawk, nuam ngeilou di hon chi a, kenleng bang chi e? Kua eng neita? Na hicih in na hinkhua anuam mawk dia maw cin ka buaiman in ka logout san hi.
Inn ka tun nawn ni nitak in kaki hou ua aman leng i'm not worth it' cihteng ana inbox hi. Kenleng gen di thei nawn tuanlou in ka reply kei.... zingkhua hon vak a nasem dia kuan lampi ah ka phone apat ka login leh ka lung a gimlua cih ana om zel a kenle huai inchu bang chidan adio cin a wall post te kava en a, laa ngen2, ki ngaihsiat huai laa nidang dan a a post te khat ah KHEMPEUH cin kava comment a huaijoh nasem din kaki panta hi.asun inle ka lungsim a thawmhau mah2....hiai mipa, hon theingei le hilou, athu teng hong gen2 mawk, sisan kizopna le omlou, ka lawm cia kana kipolh pihkhak le hilou, bangjiak a kei pentak kiang a ka solve pih theih dile hilou hon hici gentel atamai dio cih kia ka ngaihtuah hi.
Nasemjou inpai, kisil zoh in annek ma bench a lum kawm in ka login leh notification ah ka comment ana like cih hon om kamu hi.annek hunpah ahihziak in ann kane a nekzoh in ka pot hi. Dak 9 lak a intung ka login nawnleh ka inbox fren pa ana sita cih group khenkhat ah kamu ta hi. Ka lungsim hon phawng mah2 a, suun in kasuun maimah mawk hi, a tak2 mah hia cih mikiah kakan a, ana hingei hi. Lamdang kasa a gen ding katheikei. Kei mohpuak na zoulou ka hi, khoutang thei di zenpi cin kaki mohsa nilouh hi.
Kei mohna a diam? Kei siamlouh ziak adiam chi in tutan kaki mohsa lai2 hi. Siam hileng, pil hileng khoutang a a hinna tung a khut ana khalou di zaw hiven kachi a kaki siamtan theikei hi. Hiaithu kon gelh athei i om lele ami i gen nawn dah di uh, amah zaw a beita, alung a gim nawnkei ding. Hiaibang ki ngaihsiatna natna avei kha itam ding, aloh dingdan thei i om ua lungsimlam siam leh thuhilh siam kitasam hita in kathei a huaiziak a gen nuamlou sasa a ka lungsim in hon noh2 ziak a kong gelh ahi. Kenzaw ka mohpuakna kana zoukei. Mabang a huci omleh kazou tangei ding.... nang tung ah mohpuak na na gintaklouh dan in hon kingak niciah ana fail ken aw unau.
Save a life.. Nakisik kei ding.
©Siamsinna leh Vakiangbu (31-05-2012).
Comments
Post a Comment