NUNNUAM SAULIIM
By ~ Thanuam Dahpa
Katenna NUNNUAM SAULIIM a lift a kapaitouh lai in ka phone a hong ging a ka-etleh nambal theih ngeilouh khat in numei Aw in “dak 2:00pm ging nailou hia nahong paikei a” hon chimawk a gen ding penlethei zezen lou in kapau kei hi. “na chih hunlah zui ngeilou, pasal muan huailou tak nei ve maw” hon chihbeh in a nui ek ek hi. A Aw zaknop dan lah kumtawn a zaak ding hileleng kazaak chim ngeilouh dingkhop in a zaak nop a pau leng ahoupih pen kahikei chih hon theileh honkoih san khak ding kalau a dawng hetlou in ka ngai hi.
“Pauthei lou maw khelkhal chin” hon chihbeh zawmah a “hong pai kin aw inu’n ipute dawn dia honsawl ut ahi” chi in ahonkoih san hi. Huchibang a hong ki call khial kha katuah patna hi keimah leh hon call nu AW azaak nop luatziak leh athugen a poimoh luatziak in ngaihsak louh ding hi kasakei a ka room katun in call kik kasawm hi. Phone let tuunglai mahbang in ka chi aliìngsim a call ut mahmah napi in ka nervous mawk hi. A AW zaak utna in ahonzoh luatziak in chiling kawmkawm in ka call teitei a ring suak mahleh a lakei a call nawnlouh maiding sawm in ka phone ka side table a koih in ka company uh general meeting na a ka gimsim ziak in kalupna vailam in kakhe leilak a nga a kakawng tunglam teng kalum suk hi. Minit 5 leng khawl manlou in ka phone kala nawn aka dail nawn hi.
Tutung intuh ging manlou in ana la a ken bang mah kagen ma in aw nemtak in ” hello, Chingnou kahi,bang gen ut e” a hon chi a gen masak ding theilou in kadai kha zel hi. “hello” a hon chi nawn a thakhat a halh huai hileh kilawm in “hello” ka chi thukthei hamham hi. “bang chisim e” honchi thuk nawn a ” Khualpu ka hi, den in nahon call khial a…” ka chih pat leh “ken hon call lou keive” ahon chithuk a hon call a agente khawng kagen leh lamdang sa mahmah in a u call ahihdan hon gen a ngaihdam hon ngen hi. Huchi in kamsiam theih dandan in kahou pih a aman leng kamsiam tak in a hon houpih a nuam kasa mahmah hi.
A hon houpih dan midang toh kaki houkhakna te toh a chituam na omtuan kei mahleh athugen danleh genkhiat dansiam tungtuan in kathei a mel mulou hina pi in a mel om dingdan khawng ka mitkha in ka suangtuah a minau taang tung a hi ngeingei ding in ka koih mawk hi. Minit 10 khawng ka kihou zoh un “kapute hong hohding dawn a ka kuan a ngai a ikoih phot ding aw” a hön chi a kenle khelah mahleng ” ki houzel ni aw” chi in kagen a “hitham e” hön chi in a hon koihsan hi. Theih ngeilouh toh kihou ding in ka kipahna leh ki hounop kasak dan ka ngaihtuah in kazum thalamlam suak in kalupna a cushion nakpi in ka tum ek a kagin taksang in naa kasa zaw hi. Kalungsim ah pat in Chingnou a pawtkhe theinawn kei a amel dingkhawng suangtuah in khatvei chiang a van Angel toh kibang sak in akhenchiang a mel hoih mahmah lou ding bang in ka ngaihtuah a “hoih kei lele poilou” chin kei a disa bang phial in ka koih mawk hi.
Huchia melmuh louh ka vangngaih melding suangtuah a ka omlai in kanau Liannu ka room sung honglut lam katheih louh in “bang ngaihtuah na heuhau mai a” chi in ahon phawng a kiguih petmah in ka bohkha dek zezen hi. “Nau, hongpai dih” chia a ban a kai in Chingnu phone no ka ensak a nathei kha hia chin kadong kha zezen hi. Hon nuìhsan ek ek a “pyar huwa?” chi in hon chiam nuih a “kua phone no toh ki pyar thei di sa e” chin kadawng a thìl omdan kagen a “na deìh taktak ding leh hon belungkim lechin” hon chi veuvau a “zei ding neimah ve tangval 3 khawng deal khawm thei hive chin” chi’n kachiam nuihthuk hi. Liannu heh chihtak a heh in a men phenpham zezen hi. Ka zuau chi in suk lungkim nawnsawm in ka bag sung a foriegn perfume amah ading mah a kapuak teng 3299 a kalei kala khia a kapiak leh a hehna teng paìh khiat mah a bang hi.
Ka unau un pan lak dingdan ka hong kikum ua, keibel laisin naziak a eimite lak a khosa tam hetlou leh laisim hahkat luatna lam a nungak sai man hetlou kahihman in zawlthu ah zero kahì petmah a ka naubel eilak a khosa gige ahihziak leh tangval tampi’n ana helhel uh ahihna ah keisang in a senior zaw a hihdingdan ama khut tung ah ka nga top hi. Gending penle theituan lou pi in kanau honpai sanding bang ka phal kei a hon naupang bawl in “kei hön try dek namaw…ka khut tung ah nga lechin kakan khe nading ka chivele…ahìhziak in mel a hon reject lebel amoh nang kipuak ding eive” chi in hon nuihsan ek ek a…”mel a hon reject di nungak omleh ka chimah ve” chin ka chiam nuih thuk hi.
Keibel ka company ua nna kahauhluat ziak in ann nezou in kapawt nawn a nitak dak 9 in katung nawn hi. Ka nau Liannu melmual simtak in hon na en a hon mit saat gaihgaih zawmah a thu hoihlua mulou hidia gingta in katha a zoizou hi. Kithalawpna teng bei in ka room sung ah kalut a kanung a kanu’n ka naukiang a “na U tawl lua a hiding va buaipih dih” chia Liannu a sawl ging kaza hi. Kanau in theitui toh hon zuilut phial a nidang bang hetlou in apau hetkei hi. Chingnou thu dot ka ut petmah a amaisuah a hoihlouh ziak in thu kipah huai za hilou peuhmah dia gingta in amah hon gen ka ngak hi. Aman lah hon gen sawm hetlou leh nidang a maitai tak a hön vaidawn gige napi tuni’n hon hehsan mah abang a pauzaw sam omlou in ka om om un ka om tuak uhi. Minit sawmsung ding khawng gawtmun a om mah kabat nung in Liannu in “mawl taktak tuh neive maw, mi thil hihdia sawl a kan nadan le theilou, Chingnou hileng kon nak ngaih keimah ding” hon chih khum a kenle “hon genpah veleh” ka chihleh hong nui a “tam chuh kathei man naikei a ateen na uh tan kathei” hon chi a koi a teng uh a ka chih zuileh DAHPA STREET, ngambawm veng ateng a upasal 1 leh anu kiatoh khosa uh ahi hon chi a dang bang mahthei nailou ahihdan hon gen hi. Huchi in lawmbawl ding kanau mohpuakna in kakoih a maban hong hoih lam etna lian pitoh ngaklah tak in kangak hi.
Numei nana na tuh huchilam ah a na fel mahmah a hi ding a ka nau in nitamlou nung ing Chingnou a va lawm bawl a a khen chiang in ka Inn uah hon tonpih a hun a neih dandan uh kithuah in a om ua huai hun in kei ka hihleh nna kahauh luatziak in ka ut bang in ka thuahthei kei a poi kasathei mahmah hi. A hihziak in kana Itluat leh ka na ngaihluat pen ka Inn ua hong hohlel leeng a nuam in a lungkim huai mahmah hi. Chingnou a hihleh vangsiatna ziak a a pa`n kum 7 ahih a a na sihsan a hi a himahleh a nu`n Pathian theitak a thagim mahmah a a lohkhiat a na vaaktouh a hihziak in mihehpih theitak leh omdan hoih Pathian thei mahmah a hi a…Khosakna ah mibang in haukei mahle uh a mau a ding khop a nu`n diktat tak a a muhkhiat a kivak a hihman un a kipahna uh mitampite theihphak a hi kei hi. Pathian hoihna zalzou in tagah chia simmoh huai hetlou a khosa nuam loulua a hikei uhi.
Huchin ka nauziak in a vangkim in ka kimukha zel ua kalungsim suangtuahna ziak hia Chingnou hon houpihdan leh hon etdan in hon it thou a ka theih hun bang a om a huaihun in nuamsa in keikia in ka nui heuhau zel a a khenchiang inlah hon it lou a thei in kazumtha suak in ka men phenpham zel hi.
Nitak teng in pel lou in ka Hello khial kei a aman leeng hoihtak mah in hon na wish kik zel hi. Ka helllo lel hon hello kikziak a hon it a ngaihtuah theih a hihlouhziak in a lungsim theih khiak haksa ka sa mahmah hi. Taksa leh kum a piching thei zii nei ding a leeng ka kum tawm hinawn kei mahleh itna thu ah tuh ka naupang petmah mai a hih dingdan ka theihet kei hi. Bang chi pat ding, bang chi gen ding chih katheikei a book store a LOVE LETTER gelhdan bute tam khop ka lei khin a himahleh ahoih ding katel khiat ding kathei zoukei hi. Huai kia leeng hilou in letter gelh a ki propose hun hi’n leeng kathei kei a hih dingdan ka buai mahmah lai in ka lungsim ah ka naunu gensak mai ding katum hi. Nidang in ka Nau toh thu teng genkhawm a houlim, chiam nui himahle ung Chingnou thu ka gendek chiang in ka chiliing in ka zumtha a suak hi. A loutheilou ahihman in haksa sa pipi in ka Nau kasawl a kalam et hetlouh dan in Chingnou in hon Yes lou in direct NO a na chi mai mah hi.
Haksa kasa petmah mai a Chingnou melmuh ding ka ut mahmah mai a himahleh muh ding ka lit tha a suak petmah hi.Chingnou bel nidang bang in ka nautoh a kithuah ngei in a kithuah ua hon nuak leh hon tuam et tuan kei hi. Nidang a honhoupih dan bang in hon houpih a nidang a a nuih mai bang a nuih mai in hon nuih san thouthou hi. Kei bel a khenchiang in ka zumtha a suak a houpih ngamlou leh houpih hoih theilou a ka om hun bang a om naak hi.
Bang chi dan a om a bang chidan a Chingnou houpih ding a chih kethei kei…Itna tak in ka it a himahleh a man ka itna hon sangtheilou hi ding in ka koih a ka hehtha lamlam a suak hi. Mite’n khovel hauhsakna nungak in ngaina a china ua kei it leh ngaih Chingnou in ka hauhsakna uh hon etlah pih kei hial hi. Huai in kei a ding in lungkiakna hon pekei a Chingnou ka itna a lehtampi in a kibehlap a niteng hunteng in Chingnou kia ngaihtuah in ka hinkhua ah Chingnou a teeng den hi. A khenchiang in ka ki suanlah tha a suak a ngaihsak nawnlouh katum a himahleh a hitheikei….Nisim in contact louh ka sawm a ka sawm naak zoh khop leh ka contact utna a lian deuhdeuh a niteng in SMS bek in ka houpih gige hi… Huachibang a ka houpihna te lah hoih taktak leh kamsiam taktak a hon dawng a ka itna hon san theihlouhna ziak thupi tak om ding in ka ngaihtuah a kalungsim in Ka nau in banghiam na gen a hon YES ngamlou, ahihkei leh kei theihlouh kal a ka nute`n gen a na neihziak ua hon it thuk ngamlou hi ding a gintaakna liantak in kalungsim a hon deeng a nitaaK khat tuh ka nau kiang ah huaibang thu om hiam chih kadong hi… Aman bel om zenzen lou ahi hon chi in nang TUAILUA hivechin a hon chih behlap lai hi. Ka ki ngaihtuah a Tuai kichi ut kei mahleng Tuai ka kisa gu lua hi. Nungak ngai a Kam a gen ngamlou a Phone a SMS lel a ka gengen pen khenkhat a dia laak taaklou na hi di eive chihna om in ka haansan theihtawp suah in Chingnou kiang ah kimuh na ding hun khaw- ul kaizen in phone in ka ngen hi. Chingnou in leeng hon niallou hial in “nangbang in keitoh hun nazat ut in ihon pe nakei dia” ahon chi a Nipini nitaklam a Khupching leh Ngambawm memorial park a nitaklam dak 2:30 a kimu ding in ka kihou lem uhi.
Nilaini a pat in Nipini a Chingnou kiang a kathugen ding kizil khol in kabuai thei mahmah hi. Nipini Biakna kikhop a thugen ding hilengle tua ka kisin bang in ka kisin kei ding a kisin hi lengle ka biak inn ua thugen siam pen ka hih ngei kalam en hi. Ka ngaklah mahmah Nipini zingkhua a hongvaak a kilawpna in kadim hi… Zing ann bang nehak hi’n kakithei a ann nek khit phet chia Chingnou muding bang a kingaihtuah bang in Ann neek di kia ka lunggulh a, ann bel kisuang vasuan khiat bang ka ut mawk hi. Ann ka hon nekhin ua Biak inn dak ging hak kahon sa zel a nidang a dak ginkuan a ahun lap di lel a kuankhe zel himahleng tuni in a hun tun na ding dakal khat in a sap in kikhawm ding in Inn ka nusia hi. Biak Inn kong katun in Chokidalpu leeng a na om naikei a Biak inn leeng a na ki hong naikei hi… Kei leng haihuai sa zezen in min hon muhiam chi in ka kiim ka kiang ka en kualkual zezen a kuamah midang ka mukei a himahleh ka lam et louhpen Chingnou Biak inn kongtual a om ka gal muh hi. Vanaih ka ut a himahleh huai a vanaih ngam ding a hangsan kahihlouh ziak in maisan tuaituai in ka kik a gamlalou ah Chingnou hon muh khak louhna ding mun ah ka va om hi…. Dak hong ging a va lut nawn ding bang ka zumtha a suak a pasal chi in zum hetlou kineih in Biak inn ka vakai hi.
Biak inn kaitawp in milak a le kizui khengam lou in ka car in kanatai phei a Chingnou in hon theisiam in kakhawlna mun ah hongnaih a kakiang a hongtut in ka lungphu hong hat a kakho ul neel in honbuak hi. Ac on in koitak a paipih sawm kahia chihleng ngaihtuah lou in ka mailam ah katai a sawtlou nung in kahohna ding lam uh zuankha lou kahih kathei khia a kihei thak in ka nungkik pihthak hi. Banghiam beek gending ut a gending ka ngaihtuah chiang in kakisak kholhna teng a bei a gending kathei khezoukei hi. Gending ngaihtuah a ka omlai in Chingnou in “Ukhual” a honchihleh ka kiguih zezen hi. A ban honzom a “…….hon hehsan mah nabang a….hon hehsan na maw” hon chi a “hehlou” ka chikhe gugu hi. “non hehsanna om hinteh” hon chi a gending a vaang kasa khopmai….. genkei lenglah ka pawt pih thaman omlou ding ahihchiah maisan tuaituai in “Ching….heh zenzen lou.. na kiang a gending tampi kaneihteng nakiang a ka omleh bei ahi” ka chikhe khong hi. Huchin Chingnou in ka dawntheih dingdan dan in honhou pih a sawtlou kal in a hehbangpa tuh awlmoh lou in ka nuikhe ngamta hi. Chingnou in “Ukhual kei pawtsawt theilou ding keive… kanu pawtdek a ann kahuan ngaiding a kou inn ah hongpawt maive… nang a dia pawtna taak zaw a hikei na a…” hon chi a bangmah a dawnglou in Hotel khat a chow neek pih in a innlam uh kazot pih hi. Huchin a inn uah sawtlou thuvan tang gen in kahoulim ua ka itna thu gen ut in gen sawm zel mahleng ka genkhe ngam mahmah kei hi. Khua mialkuan in ka paisan a Chingnou in a kelkong tan uh hongkha a kagen utpen genkhalou in kapaisan hi.
Ka utpen genkei mahleng Chingnou toh hun zat manpha kasa a nuam kasa petmah hi. Nitaak in Chingnou toh ka ki text ua gending ka chihkhat genkhalou kahihdan ka heem gen hi. A man bel bangmah gen ding nei mahmah lou na hiding pau le napau ut sam a.. hon chi a mel ki mulou nana natuh hangsan deuh kahi dia ka itdan leh ka ngaihdan gen in kon itna leh kon ngaihna in honzah taaksak petmah a huaiziak a genkhe theilou kahi… hon theisiam inla ka itna hon yes maive chih kakhak a Chingnou in honthuk pahlou in hon daihsan hi. Ka phone ka enzel a company te nadan in hon text himhim kei a Chingnou in honhehsan hi dia gingta in kimoh sakna in kadim a kei le kei kimohsak in bangdia huchithu genkha sese ka de aw chi in ka kisiik petmah hi. Khatvei khak thak mai ding kadiam ka chihchiang inlah ka sisan in hon phalzoulou in ka phone kakoih zel a a tawp in hon hehsan ding hilele hon hehsanta ahih chiah ka gelhthak dia ka khaakthak himhim ding chi in gelh ding in kong kisa a kagelh lai in message hong lut a ka etleh “Ukhual ei….kon ngaihlouh ziak hihet lou in bang non genma tham in leeng hoih konsa a kon nadeih mahmah hi. Himahleh nang ading a chitna neuchik leeng neilou kahihziak in tunung a nalawm navual mai a namai zumna lel hiding kahi chih kaki theilua hi. Itna kia a hithei nahikei.. milian milal nang ading a itna kia in na lawm leh navual lak a hon maizum sakzaw ding ahihziak in nangtoh na kikim pih ana zongzaw lechin nang a dia nuamzaw ding ahi…. Ukhual ei kon ngaihlouh ziak leh kon itlouh ziak hilou ahi..” chih honkhak a naa kasa mahmah a hitheilou bang a ngai in hin man omlou bang phial in kathei hi. Ka ki ngaihtuah a Chingnou khaksuah ding a ka kikoih chiang in mihausa inn sung a kapian khak leh siamna saangtak kaneih bang kisiikna in kadim hi. Mi nautaang a piang hileng Chingnou tangkha zaw dia kikoih in mi nautaang bang a ka piankhak louh poi kasa hi. Chingnou tanlouh ding kalauh na in kam mahmah a gen utna hon pia in zum le zah khuallou in ka call ek hi. “Ching…kei nanglou a hitheilou ka hita… ka dinmun ziak a non nial dingleh tua kadin mun kapaisan dia nangtoh nitha kiloh a neekzon ding ahih lehleeng kazong ding… kon itna muanglou nahih leh hon enkhia inla kon itzohlouhna na muh chikchik non khen nading… hehpihtak in hon nial mahmah ken…” chin zumzou nawnlou in ka itdan kagen khezungzung hi.
Hon nial nading thei nawn mahmah lou ahidia atawp in “Ukhual ei nang a kahi a non itlai teng hing kahi ding a non it nawnlouh chikchik hiai leitung ka nutsiatni a hiding… non it a non ngaih taktak keileh ka hinna in hon kimawl ken aw….nang a kahi a nang a ka hiden ding…ikal a thusia leh lasia hong om ding leh koilam hiam apan halna hong om ngeiding a huaihun chiang a hon taisan lou ding in hon chiam in” hon chi hi. Kenle “Ching… khovel in ikaal hong dal in sihna hial in ikaal hong khen zong in ka kha navang ngai a mau laiding ahi.. ” chi in ka gin omthu kachiam pah hi. Ka chihtak mah ahi a bang chitel in Chingnou toh hon hal om lehleeng kataisan keiding a kaluang leh kahinna tan piak ngai a Chingnou tang ding hilengle kahin na ka itkei ding hi.
Chingnou a pan it thukna thu kazaak tuk a nuam kasak ana om naikei hi. Kipahluat ziak in om dingdan leeng kathei kei a tom a tom thoh zezen bang ka ut hi. Chihdingdan theilou in im mangthei vual kahihlouh mah in kanau Liannu kasam a Chingnou in hon Yes ahihdan gen in kavapom tonton a Liannu in “Numeite it thukna thil hihtheih dan hichi mai ahi aw… non simmoh kha vial de..” hon chih san a gending theituanlou in “Hmmmmm” kachikhe nulnul hi. Kipahluat ziak in gending penle theilou in Liannu kiang ah kingaite omdan khawng kadong kha mawkmawk hi. Khovel a keituk a hampha omding in kagingta kei…. om leeng a om kei himhim ding… khovel a keituk a kipaak om ding in kagingta kei a om leeng a om kei himhim ding hi. Kipahna tawp theilou a ka kipahpatna a hilai hi.
Chingnou toh hinkhua nuamtak kahon zang ua Chingnou feldan leh kizen dante kamu suah thakthak a ka deihna kibehlap in ka itna a khang semsem hi. Nitaak khat tuh Chingnou pawt ding in kava tawn hi. Tung a solkha vakphat laitak a hi a Solkha vak nuai ah khut kileen helhel a vaak in itna thu kagen ua khenlou simthu chiam in maban dingkhawng ka houlim uhi. Huchia kahoulim lai un nidang a kava tut khawm na zel uh Bungsing kungnuai a Tutna kidoh omna katung uhi. Huai a tu in ka kiim ka kiang uh ka en a khavak in kagal ua mualte a tanvak phingpheng a a etlawm in a lungleen huai mahmah hi. Ka kiim ua singkung bukh lian lawlou nuai a tutna kikoihte ah koubang a ki-it leh kingai tukhawm a ki-itna thugen tiptip tampi a om ua amauten le khavak kou aambang a aam sam uh ahi chih a omdan un kithei hi.
Chingnou in kakhut hon leen in “Ukhual….ka itna neih tengteng in kon it a nang leeng kei itbang in non it chih kathei a ka kipak mahmah hi. A hihziak in nang a ding a chinlou lua kahihman in a chinzaw deuh kahih theihna ding in kalai sinna sunzom ding in vakuan leng chi kahi” hon chi a tom chiksung ding ahihlouh dan kathei a kaphal theikei hi. Himahleh Chingnou in kaphalna hon ngen tawp theikei a “Nang ka hihdan dan in honpom le chinle bangmah hihna neilou pi a na innsung uh kong lutding kei ading a zumhuai ahi” chi in gen neitak in hon gen a atawp in lem kasak pihkhong hi. A va sinna mun a kei adia a gin omlouh khak ding kalauh dan leh va gin om ding in kagen a Chingnou in “Ukhual…kon itdan leh kon ngaihdan nathei a huaikia lou in itna khel ah nangbang a innsung khosak hausa leh khovel a deihteng kimna innsung taisan a numei hai hial leeng a tailouh dingdan nathei hi. Hon itlou hi himhim lengle na neih nalam teng uh enlah lel a leeng hon kiteen pih a uthuai lai in kon itpen leh kon ngaihpen ading in kagin om law ding…nang nahi nungak tampi nasiang a zehzum khual lou a hong om ding ua huaihun chiang a non gin omlouh san khak ding ahi kalauh” chi in chihtak meltak in hon chi a amel etlawm tak khavak in a salh vak kamuh in Chingnou etlawmna thupi ahihdan ka musemsem hi. Kenleng kagin om dingdan chi taktak in kagen hi. Hun tomchik kasak sung un ka kim ua omte leeng inn lamzuan ding a dingkhia ana tamta ua kou leeng ki khelah kawmtak in Innlam ka zuan uhi.
Hunsawt lou nung in Chingnou honkuansan niding hongtung ding ahita a ka kingaihtuah a Chingnou lou a kalungleen dingdan khawng ngaihtuah in kahun teng Chingnou ngaihtuahna in ka zangbei hi. A paini ding nitaak in mundang leng chi zezenlou in Chingnoute inn ah ka va lengla hi. Chingnou ka en a kei a ding ahihdan khawng ka ngaihtuah a kipahna in kadim hi. Zingkhua vakleh mual zatampi hal a kikhen ding kahihdan uh kangaihtuah khak chiang in ka khasiat tha asuak a akhen chia lungsim nui hiuhiau in akhenchiang a lungsim mual demdum in ka om hi.
Keilou leeng khosung tangval bangzah hiam kahihman un khasiat lam kilatsak hunding a om hetkei hi. Nitaak sawt dekta mahleh midangte paiding a vanoh theih hisamlou ahihman in Chingnou kiang a gending kachih tampi gen nading hun kamukei hi. Chingnou inleeng keikia toh om hile ung gending hau mahmah ding in kagingta a ka et chiang in kinoh mahmah nakhat nei hibang in kathei hi. Lawmte lah paisawm tuanlou uh ahihman in nitaak a hongsawt gawp petmah a atawp in pai vai honsawm ua tut utlai mahleng nitaak sawt lawta ahihman in mi theih aleng nuamlou ding ahihziak in lawmte zui in inn konglam kazuan uhi. Chingnou in gate tan hongkha a “mangpha un aw…Ukhual le tunitak fuhlou hia nadai lua a..” a hon chi chiitchiat a houchik himahleh kamin a loh ziak in noptuam kasa mahmah hi. Ka hansanna tengteng suah in “zingchia hon paisan ni nahihchia gending penle kitheilou hi..” kachikhe sam hi. Chingnou in “zezen samchia…Solkha a maimit kigawm mai di hilou ding hia..” chin a nui a kenleng “Solkha ah maimit kigawm mai ni maw..” chin kapai tumsan uhi.
©Siamsinna leh Vakiangbu
Katenna NUNNUAM SAULIIM a lift a kapaitouh lai in ka phone a hong ging a ka-etleh nambal theih ngeilouh khat in numei Aw in “dak 2:00pm ging nailou hia nahong paikei a” hon chimawk a gen ding penlethei zezen lou in kapau kei hi. “na chih hunlah zui ngeilou, pasal muan huailou tak nei ve maw” hon chihbeh in a nui ek ek hi. A Aw zaknop dan lah kumtawn a zaak ding hileleng kazaak chim ngeilouh dingkhop in a zaak nop a pau leng ahoupih pen kahikei chih hon theileh honkoih san khak ding kalau a dawng hetlou in ka ngai hi.
“Pauthei lou maw khelkhal chin” hon chihbeh zawmah a “hong pai kin aw inu’n ipute dawn dia honsawl ut ahi” chi in ahonkoih san hi. Huchibang a hong ki call khial kha katuah patna hi keimah leh hon call nu AW azaak nop luatziak leh athugen a poimoh luatziak in ngaihsak louh ding hi kasakei a ka room katun in call kik kasawm hi. Phone let tuunglai mahbang in ka chi aliìngsim a call ut mahmah napi in ka nervous mawk hi. A AW zaak utna in ahonzoh luatziak in chiling kawmkawm in ka call teitei a ring suak mahleh a lakei a call nawnlouh maiding sawm in ka phone ka side table a koih in ka company uh general meeting na a ka gimsim ziak in kalupna vailam in kakhe leilak a nga a kakawng tunglam teng kalum suk hi. Minit 5 leng khawl manlou in ka phone kala nawn aka dail nawn hi.
Tutung intuh ging manlou in ana la a ken bang mah kagen ma in aw nemtak in ” hello, Chingnou kahi,bang gen ut e” a hon chi a gen masak ding theilou in kadai kha zel hi. “hello” a hon chi nawn a thakhat a halh huai hileh kilawm in “hello” ka chi thukthei hamham hi. “bang chisim e” honchi thuk nawn a ” Khualpu ka hi, den in nahon call khial a…” ka chih pat leh “ken hon call lou keive” ahon chithuk a hon call a agente khawng kagen leh lamdang sa mahmah in a u call ahihdan hon gen a ngaihdam hon ngen hi. Huchi in kamsiam theih dandan in kahou pih a aman leng kamsiam tak in a hon houpih a nuam kasa mahmah hi.
A hon houpih dan midang toh kaki houkhakna te toh a chituam na omtuan kei mahleh athugen danleh genkhiat dansiam tungtuan in kathei a mel mulou hina pi in a mel om dingdan khawng ka mitkha in ka suangtuah a minau taang tung a hi ngeingei ding in ka koih mawk hi. Minit 10 khawng ka kihou zoh un “kapute hong hohding dawn a ka kuan a ngai a ikoih phot ding aw” a hön chi a kenle khelah mahleng ” ki houzel ni aw” chi in kagen a “hitham e” hön chi in a hon koihsan hi. Theih ngeilouh toh kihou ding in ka kipahna leh ki hounop kasak dan ka ngaihtuah in kazum thalamlam suak in kalupna a cushion nakpi in ka tum ek a kagin taksang in naa kasa zaw hi. Kalungsim ah pat in Chingnou a pawtkhe theinawn kei a amel dingkhawng suangtuah in khatvei chiang a van Angel toh kibang sak in akhenchiang a mel hoih mahmah lou ding bang in ka ngaihtuah a “hoih kei lele poilou” chin kei a disa bang phial in ka koih mawk hi.
Huchia melmuh louh ka vangngaih melding suangtuah a ka omlai in kanau Liannu ka room sung honglut lam katheih louh in “bang ngaihtuah na heuhau mai a” chi in ahon phawng a kiguih petmah in ka bohkha dek zezen hi. “Nau, hongpai dih” chia a ban a kai in Chingnu phone no ka ensak a nathei kha hia chin kadong kha zezen hi. Hon nuìhsan ek ek a “pyar huwa?” chi in hon chiam nuih a “kua phone no toh ki pyar thei di sa e” chin kadawng a thìl omdan kagen a “na deìh taktak ding leh hon belungkim lechin” hon chi veuvau a “zei ding neimah ve tangval 3 khawng deal khawm thei hive chin” chi’n kachiam nuihthuk hi. Liannu heh chihtak a heh in a men phenpham zezen hi. Ka zuau chi in suk lungkim nawnsawm in ka bag sung a foriegn perfume amah ading mah a kapuak teng 3299 a kalei kala khia a kapiak leh a hehna teng paìh khiat mah a bang hi.
Ka unau un pan lak dingdan ka hong kikum ua, keibel laisin naziak a eimite lak a khosa tam hetlou leh laisim hahkat luatna lam a nungak sai man hetlou kahihman in zawlthu ah zero kahì petmah a ka naubel eilak a khosa gige ahihziak leh tangval tampi’n ana helhel uh ahihna ah keisang in a senior zaw a hihdingdan ama khut tung ah ka nga top hi. Gending penle theituan lou pi in kanau honpai sanding bang ka phal kei a hon naupang bawl in “kei hön try dek namaw…ka khut tung ah nga lechin kakan khe nading ka chivele…ahìhziak in mel a hon reject lebel amoh nang kipuak ding eive” chi in hon nuihsan ek ek a…”mel a hon reject di nungak omleh ka chimah ve” chin ka chiam nuih thuk hi.
Keibel ka company ua nna kahauhluat ziak in ann nezou in kapawt nawn a nitak dak 9 in katung nawn hi. Ka nau Liannu melmual simtak in hon na en a hon mit saat gaihgaih zawmah a thu hoihlua mulou hidia gingta in katha a zoizou hi. Kithalawpna teng bei in ka room sung ah kalut a kanung a kanu’n ka naukiang a “na U tawl lua a hiding va buaipih dih” chia Liannu a sawl ging kaza hi. Kanau in theitui toh hon zuilut phial a nidang bang hetlou in apau hetkei hi. Chingnou thu dot ka ut petmah a amaisuah a hoihlouh ziak in thu kipah huai za hilou peuhmah dia gingta in amah hon gen ka ngak hi. Aman lah hon gen sawm hetlou leh nidang a maitai tak a hön vaidawn gige napi tuni’n hon hehsan mah abang a pauzaw sam omlou in ka om om un ka om tuak uhi. Minit sawmsung ding khawng gawtmun a om mah kabat nung in Liannu in “mawl taktak tuh neive maw, mi thil hihdia sawl a kan nadan le theilou, Chingnou hileng kon nak ngaih keimah ding” hon chih khum a kenle “hon genpah veleh” ka chihleh hong nui a “tam chuh kathei man naikei a ateen na uh tan kathei” hon chi a koi a teng uh a ka chih zuileh DAHPA STREET, ngambawm veng ateng a upasal 1 leh anu kiatoh khosa uh ahi hon chi a dang bang mahthei nailou ahihdan hon gen hi. Huchi in lawmbawl ding kanau mohpuakna in kakoih a maban hong hoih lam etna lian pitoh ngaklah tak in kangak hi.
Numei nana na tuh huchilam ah a na fel mahmah a hi ding a ka nau in nitamlou nung ing Chingnou a va lawm bawl a a khen chiang in ka Inn uah hon tonpih a hun a neih dandan uh kithuah in a om ua huai hun in kei ka hihleh nna kahauh luatziak in ka ut bang in ka thuahthei kei a poi kasathei mahmah hi. A hihziak in kana Itluat leh ka na ngaihluat pen ka Inn ua hong hohlel leeng a nuam in a lungkim huai mahmah hi. Chingnou a hihleh vangsiatna ziak a a pa`n kum 7 ahih a a na sihsan a hi a himahleh a nu`n Pathian theitak a thagim mahmah a a lohkhiat a na vaaktouh a hihziak in mihehpih theitak leh omdan hoih Pathian thei mahmah a hi a…Khosakna ah mibang in haukei mahle uh a mau a ding khop a nu`n diktat tak a a muhkhiat a kivak a hihman un a kipahna uh mitampite theihphak a hi kei hi. Pathian hoihna zalzou in tagah chia simmoh huai hetlou a khosa nuam loulua a hikei uhi.
Huchin ka nauziak in a vangkim in ka kimukha zel ua kalungsim suangtuahna ziak hia Chingnou hon houpihdan leh hon etdan in hon it thou a ka theih hun bang a om a huaihun in nuamsa in keikia in ka nui heuhau zel a a khenchiang inlah hon it lou a thei in kazumtha suak in ka men phenpham zel hi.
Nitak teng in pel lou in ka Hello khial kei a aman leeng hoihtak mah in hon na wish kik zel hi. Ka helllo lel hon hello kikziak a hon it a ngaihtuah theih a hihlouhziak in a lungsim theih khiak haksa ka sa mahmah hi. Taksa leh kum a piching thei zii nei ding a leeng ka kum tawm hinawn kei mahleh itna thu ah tuh ka naupang petmah mai a hih dingdan ka theihet kei hi. Bang chi pat ding, bang chi gen ding chih katheikei a book store a LOVE LETTER gelhdan bute tam khop ka lei khin a himahleh ahoih ding katel khiat ding kathei zoukei hi. Huai kia leeng hilou in letter gelh a ki propose hun hi’n leeng kathei kei a hih dingdan ka buai mahmah lai in ka lungsim ah ka naunu gensak mai ding katum hi. Nidang in ka Nau toh thu teng genkhawm a houlim, chiam nui himahle ung Chingnou thu ka gendek chiang in ka chiliing in ka zumtha a suak hi. A loutheilou ahihman in haksa sa pipi in ka Nau kasawl a kalam et hetlouh dan in Chingnou in hon Yes lou in direct NO a na chi mai mah hi.
Haksa kasa petmah mai a Chingnou melmuh ding ka ut mahmah mai a himahleh muh ding ka lit tha a suak petmah hi.Chingnou bel nidang bang in ka nautoh a kithuah ngei in a kithuah ua hon nuak leh hon tuam et tuan kei hi. Nidang a honhoupih dan bang in hon houpih a nidang a a nuih mai bang a nuih mai in hon nuih san thouthou hi. Kei bel a khenchiang in ka zumtha a suak a houpih ngamlou leh houpih hoih theilou a ka om hun bang a om naak hi.
Bang chi dan a om a bang chidan a Chingnou houpih ding a chih kethei kei…Itna tak in ka it a himahleh a man ka itna hon sangtheilou hi ding in ka koih a ka hehtha lamlam a suak hi. Mite’n khovel hauhsakna nungak in ngaina a china ua kei it leh ngaih Chingnou in ka hauhsakna uh hon etlah pih kei hial hi. Huai in kei a ding in lungkiakna hon pekei a Chingnou ka itna a lehtampi in a kibehlap a niteng hunteng in Chingnou kia ngaihtuah in ka hinkhua ah Chingnou a teeng den hi. A khenchiang in ka ki suanlah tha a suak a ngaihsak nawnlouh katum a himahleh a hitheikei….Nisim in contact louh ka sawm a ka sawm naak zoh khop leh ka contact utna a lian deuhdeuh a niteng in SMS bek in ka houpih gige hi… Huachibang a ka houpihna te lah hoih taktak leh kamsiam taktak a hon dawng a ka itna hon san theihlouhna ziak thupi tak om ding in ka ngaihtuah a kalungsim in Ka nau in banghiam na gen a hon YES ngamlou, ahihkei leh kei theihlouh kal a ka nute`n gen a na neihziak ua hon it thuk ngamlou hi ding a gintaakna liantak in kalungsim a hon deeng a nitaaK khat tuh ka nau kiang ah huaibang thu om hiam chih kadong hi… Aman bel om zenzen lou ahi hon chi in nang TUAILUA hivechin a hon chih behlap lai hi. Ka ki ngaihtuah a Tuai kichi ut kei mahleng Tuai ka kisa gu lua hi. Nungak ngai a Kam a gen ngamlou a Phone a SMS lel a ka gengen pen khenkhat a dia laak taaklou na hi di eive chihna om in ka haansan theihtawp suah in Chingnou kiang ah kimuh na ding hun khaw- ul kaizen in phone in ka ngen hi. Chingnou in leeng hon niallou hial in “nangbang in keitoh hun nazat ut in ihon pe nakei dia” ahon chi a Nipini nitaklam a Khupching leh Ngambawm memorial park a nitaklam dak 2:30 a kimu ding in ka kihou lem uhi.
Nilaini a pat in Nipini a Chingnou kiang a kathugen ding kizil khol in kabuai thei mahmah hi. Nipini Biakna kikhop a thugen ding hilengle tua ka kisin bang in ka kisin kei ding a kisin hi lengle ka biak inn ua thugen siam pen ka hih ngei kalam en hi. Ka ngaklah mahmah Nipini zingkhua a hongvaak a kilawpna in kadim hi… Zing ann bang nehak hi’n kakithei a ann nek khit phet chia Chingnou muding bang a kingaihtuah bang in Ann neek di kia ka lunggulh a, ann bel kisuang vasuan khiat bang ka ut mawk hi. Ann ka hon nekhin ua Biak inn dak ging hak kahon sa zel a nidang a dak ginkuan a ahun lap di lel a kuankhe zel himahleng tuni in a hun tun na ding dakal khat in a sap in kikhawm ding in Inn ka nusia hi. Biak Inn kong katun in Chokidalpu leeng a na om naikei a Biak inn leeng a na ki hong naikei hi… Kei leng haihuai sa zezen in min hon muhiam chi in ka kiim ka kiang ka en kualkual zezen a kuamah midang ka mukei a himahleh ka lam et louhpen Chingnou Biak inn kongtual a om ka gal muh hi. Vanaih ka ut a himahleh huai a vanaih ngam ding a hangsan kahihlouh ziak in maisan tuaituai in ka kik a gamlalou ah Chingnou hon muh khak louhna ding mun ah ka va om hi…. Dak hong ging a va lut nawn ding bang ka zumtha a suak a pasal chi in zum hetlou kineih in Biak inn ka vakai hi.
Biak inn kaitawp in milak a le kizui khengam lou in ka car in kanatai phei a Chingnou in hon theisiam in kakhawlna mun ah hongnaih a kakiang a hongtut in ka lungphu hong hat a kakho ul neel in honbuak hi. Ac on in koitak a paipih sawm kahia chihleng ngaihtuah lou in ka mailam ah katai a sawtlou nung in kahohna ding lam uh zuankha lou kahih kathei khia a kihei thak in ka nungkik pihthak hi. Banghiam beek gending ut a gending ka ngaihtuah chiang in kakisak kholhna teng a bei a gending kathei khezoukei hi. Gending ngaihtuah a ka omlai in Chingnou in “Ukhual” a honchihleh ka kiguih zezen hi. A ban honzom a “…….hon hehsan mah nabang a….hon hehsan na maw” hon chi a “hehlou” ka chikhe gugu hi. “non hehsanna om hinteh” hon chi a gending a vaang kasa khopmai….. genkei lenglah ka pawt pih thaman omlou ding ahihchiah maisan tuaituai in “Ching….heh zenzen lou.. na kiang a gending tampi kaneihteng nakiang a ka omleh bei ahi” ka chikhe khong hi. Huchin Chingnou in ka dawntheih dingdan dan in honhou pih a sawtlou kal in a hehbangpa tuh awlmoh lou in ka nuikhe ngamta hi. Chingnou in “Ukhual kei pawtsawt theilou ding keive… kanu pawtdek a ann kahuan ngaiding a kou inn ah hongpawt maive… nang a dia pawtna taak zaw a hikei na a…” hon chi a bangmah a dawnglou in Hotel khat a chow neek pih in a innlam uh kazot pih hi. Huchin a inn uah sawtlou thuvan tang gen in kahoulim ua ka itna thu gen ut in gen sawm zel mahleng ka genkhe ngam mahmah kei hi. Khua mialkuan in ka paisan a Chingnou in a kelkong tan uh hongkha a kagen utpen genkhalou in kapaisan hi.
Ka utpen genkei mahleng Chingnou toh hun zat manpha kasa a nuam kasa petmah hi. Nitaak in Chingnou toh ka ki text ua gending ka chihkhat genkhalou kahihdan ka heem gen hi. A man bel bangmah gen ding nei mahmah lou na hiding pau le napau ut sam a.. hon chi a mel ki mulou nana natuh hangsan deuh kahi dia ka itdan leh ka ngaihdan gen in kon itna leh kon ngaihna in honzah taaksak petmah a huaiziak a genkhe theilou kahi… hon theisiam inla ka itna hon yes maive chih kakhak a Chingnou in honthuk pahlou in hon daihsan hi. Ka phone ka enzel a company te nadan in hon text himhim kei a Chingnou in honhehsan hi dia gingta in kimoh sakna in kadim a kei le kei kimohsak in bangdia huchithu genkha sese ka de aw chi in ka kisiik petmah hi. Khatvei khak thak mai ding kadiam ka chihchiang inlah ka sisan in hon phalzoulou in ka phone kakoih zel a a tawp in hon hehsan ding hilele hon hehsanta ahih chiah ka gelhthak dia ka khaakthak himhim ding chi in gelh ding in kong kisa a kagelh lai in message hong lut a ka etleh “Ukhual ei….kon ngaihlouh ziak hihet lou in bang non genma tham in leeng hoih konsa a kon nadeih mahmah hi. Himahleh nang ading a chitna neuchik leeng neilou kahihziak in tunung a nalawm navual mai a namai zumna lel hiding kahi chih kaki theilua hi. Itna kia a hithei nahikei.. milian milal nang ading a itna kia in na lawm leh navual lak a hon maizum sakzaw ding ahihziak in nangtoh na kikim pih ana zongzaw lechin nang a dia nuamzaw ding ahi…. Ukhual ei kon ngaihlouh ziak leh kon itlouh ziak hilou ahi..” chih honkhak a naa kasa mahmah a hitheilou bang a ngai in hin man omlou bang phial in kathei hi. Ka ki ngaihtuah a Chingnou khaksuah ding a ka kikoih chiang in mihausa inn sung a kapian khak leh siamna saangtak kaneih bang kisiikna in kadim hi. Mi nautaang a piang hileng Chingnou tangkha zaw dia kikoih in mi nautaang bang a ka piankhak louh poi kasa hi. Chingnou tanlouh ding kalauh na in kam mahmah a gen utna hon pia in zum le zah khuallou in ka call ek hi. “Ching…kei nanglou a hitheilou ka hita… ka dinmun ziak a non nial dingleh tua kadin mun kapaisan dia nangtoh nitha kiloh a neekzon ding ahih lehleeng kazong ding… kon itna muanglou nahih leh hon enkhia inla kon itzohlouhna na muh chikchik non khen nading… hehpihtak in hon nial mahmah ken…” chin zumzou nawnlou in ka itdan kagen khezungzung hi.
Hon nial nading thei nawn mahmah lou ahidia atawp in “Ukhual ei nang a kahi a non itlai teng hing kahi ding a non it nawnlouh chikchik hiai leitung ka nutsiatni a hiding… non it a non ngaih taktak keileh ka hinna in hon kimawl ken aw….nang a kahi a nang a ka hiden ding…ikal a thusia leh lasia hong om ding leh koilam hiam apan halna hong om ngeiding a huaihun chiang a hon taisan lou ding in hon chiam in” hon chi hi. Kenle “Ching… khovel in ikaal hong dal in sihna hial in ikaal hong khen zong in ka kha navang ngai a mau laiding ahi.. ” chi in ka gin omthu kachiam pah hi. Ka chihtak mah ahi a bang chitel in Chingnou toh hon hal om lehleeng kataisan keiding a kaluang leh kahinna tan piak ngai a Chingnou tang ding hilengle kahin na ka itkei ding hi.
Chingnou a pan it thukna thu kazaak tuk a nuam kasak ana om naikei hi. Kipahluat ziak in om dingdan leeng kathei kei a tom a tom thoh zezen bang ka ut hi. Chihdingdan theilou in im mangthei vual kahihlouh mah in kanau Liannu kasam a Chingnou in hon Yes ahihdan gen in kavapom tonton a Liannu in “Numeite it thukna thil hihtheih dan hichi mai ahi aw… non simmoh kha vial de..” hon chih san a gending theituanlou in “Hmmmmm” kachikhe nulnul hi. Kipahluat ziak in gending penle theilou in Liannu kiang ah kingaite omdan khawng kadong kha mawkmawk hi. Khovel a keituk a hampha omding in kagingta kei…. om leeng a om kei himhim ding… khovel a keituk a kipaak om ding in kagingta kei a om leeng a om kei himhim ding hi. Kipahna tawp theilou a ka kipahpatna a hilai hi.
Chingnou toh hinkhua nuamtak kahon zang ua Chingnou feldan leh kizen dante kamu suah thakthak a ka deihna kibehlap in ka itna a khang semsem hi. Nitaak khat tuh Chingnou pawt ding in kava tawn hi. Tung a solkha vakphat laitak a hi a Solkha vak nuai ah khut kileen helhel a vaak in itna thu kagen ua khenlou simthu chiam in maban dingkhawng ka houlim uhi. Huchia kahoulim lai un nidang a kava tut khawm na zel uh Bungsing kungnuai a Tutna kidoh omna katung uhi. Huai a tu in ka kiim ka kiang uh ka en a khavak in kagal ua mualte a tanvak phingpheng a a etlawm in a lungleen huai mahmah hi. Ka kiim ua singkung bukh lian lawlou nuai a tutna kikoihte ah koubang a ki-it leh kingai tukhawm a ki-itna thugen tiptip tampi a om ua amauten le khavak kou aambang a aam sam uh ahi chih a omdan un kithei hi.
Chingnou in kakhut hon leen in “Ukhual….ka itna neih tengteng in kon it a nang leeng kei itbang in non it chih kathei a ka kipak mahmah hi. A hihziak in nang a ding a chinlou lua kahihman in a chinzaw deuh kahih theihna ding in kalai sinna sunzom ding in vakuan leng chi kahi” hon chi a tom chiksung ding ahihlouh dan kathei a kaphal theikei hi. Himahleh Chingnou in kaphalna hon ngen tawp theikei a “Nang ka hihdan dan in honpom le chinle bangmah hihna neilou pi a na innsung uh kong lutding kei ading a zumhuai ahi” chi in gen neitak in hon gen a atawp in lem kasak pihkhong hi. A va sinna mun a kei adia a gin omlouh khak ding kalauh dan leh va gin om ding in kagen a Chingnou in “Ukhual…kon itdan leh kon ngaihdan nathei a huaikia lou in itna khel ah nangbang a innsung khosak hausa leh khovel a deihteng kimna innsung taisan a numei hai hial leeng a tailouh dingdan nathei hi. Hon itlou hi himhim lengle na neih nalam teng uh enlah lel a leeng hon kiteen pih a uthuai lai in kon itpen leh kon ngaihpen ading in kagin om law ding…nang nahi nungak tampi nasiang a zehzum khual lou a hong om ding ua huaihun chiang a non gin omlouh san khak ding ahi kalauh” chi in chihtak meltak in hon chi a amel etlawm tak khavak in a salh vak kamuh in Chingnou etlawmna thupi ahihdan ka musemsem hi. Kenleng kagin om dingdan chi taktak in kagen hi. Hun tomchik kasak sung un ka kim ua omte leeng inn lamzuan ding a dingkhia ana tamta ua kou leeng ki khelah kawmtak in Innlam ka zuan uhi.
Hunsawt lou nung in Chingnou honkuansan niding hongtung ding ahita a ka kingaihtuah a Chingnou lou a kalungleen dingdan khawng ngaihtuah in kahun teng Chingnou ngaihtuahna in ka zangbei hi. A paini ding nitaak in mundang leng chi zezenlou in Chingnoute inn ah ka va lengla hi. Chingnou ka en a kei a ding ahihdan khawng ka ngaihtuah a kipahna in kadim hi. Zingkhua vakleh mual zatampi hal a kikhen ding kahihdan uh kangaihtuah khak chiang in ka khasiat tha asuak a akhen chia lungsim nui hiuhiau in akhenchiang a lungsim mual demdum in ka om hi.
Keilou leeng khosung tangval bangzah hiam kahihman un khasiat lam kilatsak hunding a om hetkei hi. Nitaak sawt dekta mahleh midangte paiding a vanoh theih hisamlou ahihman in Chingnou kiang a gending kachih tampi gen nading hun kamukei hi. Chingnou inleeng keikia toh om hile ung gending hau mahmah ding in kagingta a ka et chiang in kinoh mahmah nakhat nei hibang in kathei hi. Lawmte lah paisawm tuanlou uh ahihman in nitaak a hongsawt gawp petmah a atawp in pai vai honsawm ua tut utlai mahleng nitaak sawt lawta ahihman in mi theih aleng nuamlou ding ahihziak in lawmte zui in inn konglam kazuan uhi. Chingnou in gate tan hongkha a “mangpha un aw…Ukhual le tunitak fuhlou hia nadai lua a..” a hon chi chiitchiat a houchik himahleh kamin a loh ziak in noptuam kasa mahmah hi. Ka hansanna tengteng suah in “zingchia hon paisan ni nahihchia gending penle kitheilou hi..” kachikhe sam hi. Chingnou in “zezen samchia…Solkha a maimit kigawm mai di hilou ding hia..” chin a nui a kenleng “Solkha ah maimit kigawm mai ni maw..” chin kapai tumsan uhi.
©Siamsinna leh Vakiangbu
actrudXscin_ne1984 Wayne Wolf https://wakelet.com/wake/fir6le2zVzNyzQ8aGXrmH
ReplyDeleteniminetiv