ASUM PAU
By Pau Lian
Hichi dan maw khovel paidan mah ahih. Kei kaki siamtanna ding a omkei. Kisiamtan leng ka sawm samkei. Kisiamtan lengle a phatuam kei. Hon vua ua na ka sa teuhkei. Hon topek ua poi ka sa zenzen kei. Poi sakna nei hileng tua ka thuak kei a ding in thil zumhuai pen le a hikha moh kei di. Kuan a hun in non awlmoh ua eita ??? Bangziak a tua awlmoh kichi a hon sat/khen. Na khut tum ua vai na hawm uh awlmoh na maw na cih uh. Natu nata te uh thunun zoulou a ken ka neihsa zuak maimai maw non awlmoh uh. Hoih deih kisa a kei non vuak un bang hon pia oi? ? Ken ka thuak leh society thoveng tuan in namu uh hia leh. Kei thuak ziak a khotang kipawl na tup leh ngiim kisem buching amaw, ?? Hon awlmoh kisa a ka hoih ding deih na hih ua leh bangziak a hon thuhilh lou chi in kamai a paipa tuh awn dawpdawp kawm in a hang zuauzuau a. Kenleng kua le a tel a pasal thagolpi khat numei bang a kholai teng a hichi han ka lungsim in ka chi sim a, ahi inlah a thu theichiang loupi in ahihna tak keimah suangtuahna in ka thutan theikei hi.
Tua mipa puante akek nepnuap a, apum a kawt ahi cih tuh zan khomial lakpi ah le ka mu thei hi. A sam te alang theuthou a akhe te buan neunuau tuh ka muh in mi kuate hiam in vua uh hidi eive ka chi a. Huai kangaih tuah lai in tuapa tuh thakhat in leitual aki denna a ken leng awlmoh kisa in ka delhsuk a lamlian lai a siik lup biingbeng tuapa tuh lampi nawl ah ka kaiphei a ka phong kang a mi huandai ah ka ki gaisak hi. Ka phone ka sakhau apan lakhia in ka mekvak leh ka khut te sisan in ana dim a ka kiguih zezen hi. Amah ka phone vak in ka salsuk a tua mipa sisan a kawt ana hi maimah hi. Amuk te a phun nupnup a. keileng ka tusuk a a gen ka bilbuuk ah ka ngai hi.
Zugim a pum nam a , a kam phun abul abal leng ka thei kei.. Kading tou a paisan mai tuh ka sawm a himah leh tua phunciak pa tal keh leh liamna mate ka et chiang in paisan mawk ding kaki awikei hi. Chimoh kisa in ka dak vialvial leh hawkguam a tuivung kamu a, siang hia sianglou cihleng enlou in akiang a bottle hawm tawm zok in tui kadim a tua mipa lu ka buak mawk hi. Hon tang nutnut a. Paimang in hilh louh mihing, na gawl bantan ding kahi chin tua tang zoulou pa hon hangkhe miatmiat tamai hi. Ding zoulou nalai ka gawl vadoh lengle akei bun diam ka chi a ka hehtha lah a suaksim a lah ka hehpih zel a nui kawm kawm in akiang ah ka tunawn a ka lawmte phone in ka houpih a hon pai ding uh ngak in khamsepa kiang ah kana tu nilouh hi.
Zan sawt simta ahih man in mi muh dingleng a omkei hi. Paisan lah ka ut a, paisan louh lah hoih kasa chi a ka kibuk tuahtuah lai in khamsepa leng hon halh deuh nawnta a a han tuh hon pannawn tamai hi. Kenleng thuduh deuh in bang thu atamai ale lawmpa ka cih leh agen ut lamtak ahi dia. Ka ban ah hon lenphei a a tutdan hon kheng bambam in tuni a kha salaa hoih deih pawl ten kavan guk toh hon man ua hon vua uh. Hon zep uh poi ka sakei. Hon vuak uh ahi poi ka sak. Ka mangilh kei di. Kavan gukziak a hon man ahikei ua hon matziak a hon vua ule ahi tuankei. Ken chu, kenchu maw...chi a a neh bang del fieufeu a gen ut lolam a dang awk tak a a omlai in kalawmte nih hontung ua kua ai hon chipah ua kenleng thei ngei khang, khamse lel hileh zaw hon paisan di hing a sisan khawng kai neunuau a nuamsa lou a awlmoh man a noule konsap mai ahi ka chi a, Kalawm tegel inle a liamna mate a ensuk ua. Khoizek ngai di eive a chi ua. Tomkha a vai ding kagel pih laitak un..
Sum,sum ,sesum thil teng2 suse tu sum ka neih louhman a ken hiaiteng thuak kahi. Sum neileng ka gu kei dia. Ka thuak di hun inle ka sum kapau sak ding cin ngaihtak in hön ciak khe zuazua tamai hi. Kenleng na moh na hai ziak a thuak nalim ve pheiphuai teh dai aw kacih leh angaih zosem in sum neileng kagu dia hia. Niteng khamkhop muhna a sum zong ing a ka omhoìh ding adeih ualeh ka guklouh nadin sumlom hon pele uh eivele. Tua sum tang a ken vuak thuak ing a kua a tua kipan in kagu nawnkei ding a chi thei. Ken bel neuchik kagu a keisang a van lianzaw gute kei hon voten a khut tal inle, hey ! nang guta, dan toh kituak in gawt nahi di a chi ngam ua hia. Sum anei ua kuaman a gawt ngamkei. Saptuam biakna lak natawm ah mipi mai ah vandak in atu ua kuan zumpih in na va kaikhia ua. Saptuam sum, na pathian ading ua na piak teng uh guk thil atel kei nachi ngam uhia chin men deidoi zen in koubang hon kawk a, koutoh kina kabang tamai uhi.
A aw te ngaihlua zaw ahi dia kakiim ua inn omte khat khat in mei honki suvak a ui khong hon ham vengvung tamai hi. Papi khat hon pai a nou hia bang hih honchi a kouleng ka paisan dek uleh nalawm uh na taisan mawk un.navuak uh amo? nou koi vengte e cin koubang kava telkha simpian tamawk uhi. Kenleng a thu omdan kagen zoh in huai papi hon paipan hon theisiam a a inn uah vakha mai un hon chi zomah hi.kou lawmta teng thum ki entuah in peih mel lou tak in ka domtou ua, ka liangbat ua ka paipih ta uhi. Tua khamse pan ka puak kawmkawm un a han a sunzom a kaning uchu aki tel telmai..
Ken chikmah in sum kane gu ngeikei, alangtang in kagu a a langtang mah in kathuak, nou na pate uh nekgukna na theihpih uhia, theilou e maw? Tun kei tungthu ki theingei bawn hilou hial hang a nwn theihpih uh bangziak adi,sum kaneih louh ziak ahi. Sum neileng kathuak khitnung inleng gari ka hire dia kuamah muhlouh in hun tomkha kal in inn katung dia ka khelhna leng kuaman natheikei ding uh. Napate sum neihzah na theihpih uhia, theipih loulai neive uai.kei neihlouh dan tuh nathei ua ng gingta ua dik leng adik ve khong hon chikhe mawk hi. Lampam kuak kho sialmai bang a uthuai telmai. Hichi bang a pautam leng ka tuak khanaikei, apau lah a ngaihnop huai tel zel a, apau den a gintak louhkal in saupi tuh kana tung ua a inn uh bang kapel man uhi.
Kaleh kik thak zezen ua huai tanhial in bel ka hehtha uh asuak zakta.paupeih leng ka omkei ua. Khamsepa anit toh a zugimtoh kham in kakham zakta uhi.amah leng thakhat in hon dai a ahon khodak a eh hiai eivoi ka inn uh chin akhut ka liang uapat kintak in alakhia a agate uh ahong a alut hi. Lamdang satak in kou lawmta kaki en ua kaki nunghei deklaitak un hey lawmte khawl dih uh chin hon taipawt thak a. Ka maitang uh pil chitak in hon en a, hiai ahi sum apau na, ken sum nei hileng tua non kep non panpihna te uh athawn a hon koihlou di ing a noulah kipak ding. Keilah kipak ding, tuala hicimai, hehkei un a lawmte kipak lua kahi honchi a kenleng a him him a namin bang ale kacih leh gutapa hon chi a nui kawm in innsung a lut ta hi. Society ah sum in na asep dan genna ahi. Atak a katuah ahikei, phuah tawm mai mai ahi. Sum nei leh neilou kal a thulai aki khen dan genna ban ah, sum neite asum uh pau a miten mai et ua a diklouh na natawm uleh sum in liahmang mai a aneilou te bel khauhtak a amohna uh thuak kikeuh tangpi uhi. Hiai ahi i society uh.
©Siamsinna leh Vakiangbu
Hichi dan maw khovel paidan mah ahih. Kei kaki siamtanna ding a omkei. Kisiamtan leng ka sawm samkei. Kisiamtan lengle a phatuam kei. Hon vua ua na ka sa teuhkei. Hon topek ua poi ka sa zenzen kei. Poi sakna nei hileng tua ka thuak kei a ding in thil zumhuai pen le a hikha moh kei di. Kuan a hun in non awlmoh ua eita ??? Bangziak a tua awlmoh kichi a hon sat/khen. Na khut tum ua vai na hawm uh awlmoh na maw na cih uh. Natu nata te uh thunun zoulou a ken ka neihsa zuak maimai maw non awlmoh uh. Hoih deih kisa a kei non vuak un bang hon pia oi? ? Ken ka thuak leh society thoveng tuan in namu uh hia leh. Kei thuak ziak a khotang kipawl na tup leh ngiim kisem buching amaw, ?? Hon awlmoh kisa a ka hoih ding deih na hih ua leh bangziak a hon thuhilh lou chi in kamai a paipa tuh awn dawpdawp kawm in a hang zuauzuau a. Kenleng kua le a tel a pasal thagolpi khat numei bang a kholai teng a hichi han ka lungsim in ka chi sim a, ahi inlah a thu theichiang loupi in ahihna tak keimah suangtuahna in ka thutan theikei hi.
Tua mipa puante akek nepnuap a, apum a kawt ahi cih tuh zan khomial lakpi ah le ka mu thei hi. A sam te alang theuthou a akhe te buan neunuau tuh ka muh in mi kuate hiam in vua uh hidi eive ka chi a. Huai kangaih tuah lai in tuapa tuh thakhat in leitual aki denna a ken leng awlmoh kisa in ka delhsuk a lamlian lai a siik lup biingbeng tuapa tuh lampi nawl ah ka kaiphei a ka phong kang a mi huandai ah ka ki gaisak hi. Ka phone ka sakhau apan lakhia in ka mekvak leh ka khut te sisan in ana dim a ka kiguih zezen hi. Amah ka phone vak in ka salsuk a tua mipa sisan a kawt ana hi maimah hi. Amuk te a phun nupnup a. keileng ka tusuk a a gen ka bilbuuk ah ka ngai hi.
Zugim a pum nam a , a kam phun abul abal leng ka thei kei.. Kading tou a paisan mai tuh ka sawm a himah leh tua phunciak pa tal keh leh liamna mate ka et chiang in paisan mawk ding kaki awikei hi. Chimoh kisa in ka dak vialvial leh hawkguam a tuivung kamu a, siang hia sianglou cihleng enlou in akiang a bottle hawm tawm zok in tui kadim a tua mipa lu ka buak mawk hi. Hon tang nutnut a. Paimang in hilh louh mihing, na gawl bantan ding kahi chin tua tang zoulou pa hon hangkhe miatmiat tamai hi. Ding zoulou nalai ka gawl vadoh lengle akei bun diam ka chi a ka hehtha lah a suaksim a lah ka hehpih zel a nui kawm kawm in akiang ah ka tunawn a ka lawmte phone in ka houpih a hon pai ding uh ngak in khamsepa kiang ah kana tu nilouh hi.
Zan sawt simta ahih man in mi muh dingleng a omkei hi. Paisan lah ka ut a, paisan louh lah hoih kasa chi a ka kibuk tuahtuah lai in khamsepa leng hon halh deuh nawnta a a han tuh hon pannawn tamai hi. Kenleng thuduh deuh in bang thu atamai ale lawmpa ka cih leh agen ut lamtak ahi dia. Ka ban ah hon lenphei a a tutdan hon kheng bambam in tuni a kha salaa hoih deih pawl ten kavan guk toh hon man ua hon vua uh. Hon zep uh poi ka sakei. Hon vuak uh ahi poi ka sak. Ka mangilh kei di. Kavan gukziak a hon man ahikei ua hon matziak a hon vua ule ahi tuankei. Ken chu, kenchu maw...chi a a neh bang del fieufeu a gen ut lolam a dang awk tak a a omlai in kalawmte nih hontung ua kua ai hon chipah ua kenleng thei ngei khang, khamse lel hileh zaw hon paisan di hing a sisan khawng kai neunuau a nuamsa lou a awlmoh man a noule konsap mai ahi ka chi a, Kalawm tegel inle a liamna mate a ensuk ua. Khoizek ngai di eive a chi ua. Tomkha a vai ding kagel pih laitak un..
Sum,sum ,sesum thil teng2 suse tu sum ka neih louhman a ken hiaiteng thuak kahi. Sum neileng ka gu kei dia. Ka thuak di hun inle ka sum kapau sak ding cin ngaihtak in hön ciak khe zuazua tamai hi. Kenleng na moh na hai ziak a thuak nalim ve pheiphuai teh dai aw kacih leh angaih zosem in sum neileng kagu dia hia. Niteng khamkhop muhna a sum zong ing a ka omhoìh ding adeih ualeh ka guklouh nadin sumlom hon pele uh eivele. Tua sum tang a ken vuak thuak ing a kua a tua kipan in kagu nawnkei ding a chi thei. Ken bel neuchik kagu a keisang a van lianzaw gute kei hon voten a khut tal inle, hey ! nang guta, dan toh kituak in gawt nahi di a chi ngam ua hia. Sum anei ua kuaman a gawt ngamkei. Saptuam biakna lak natawm ah mipi mai ah vandak in atu ua kuan zumpih in na va kaikhia ua. Saptuam sum, na pathian ading ua na piak teng uh guk thil atel kei nachi ngam uhia chin men deidoi zen in koubang hon kawk a, koutoh kina kabang tamai uhi.
A aw te ngaihlua zaw ahi dia kakiim ua inn omte khat khat in mei honki suvak a ui khong hon ham vengvung tamai hi. Papi khat hon pai a nou hia bang hih honchi a kouleng ka paisan dek uleh nalawm uh na taisan mawk un.navuak uh amo? nou koi vengte e cin koubang kava telkha simpian tamawk uhi. Kenleng a thu omdan kagen zoh in huai papi hon paipan hon theisiam a a inn uah vakha mai un hon chi zomah hi.kou lawmta teng thum ki entuah in peih mel lou tak in ka domtou ua, ka liangbat ua ka paipih ta uhi. Tua khamse pan ka puak kawmkawm un a han a sunzom a kaning uchu aki tel telmai..
Ken chikmah in sum kane gu ngeikei, alangtang in kagu a a langtang mah in kathuak, nou na pate uh nekgukna na theihpih uhia, theilou e maw? Tun kei tungthu ki theingei bawn hilou hial hang a nwn theihpih uh bangziak adi,sum kaneih louh ziak ahi. Sum neileng kathuak khitnung inleng gari ka hire dia kuamah muhlouh in hun tomkha kal in inn katung dia ka khelhna leng kuaman natheikei ding uh. Napate sum neihzah na theihpih uhia, theipih loulai neive uai.kei neihlouh dan tuh nathei ua ng gingta ua dik leng adik ve khong hon chikhe mawk hi. Lampam kuak kho sialmai bang a uthuai telmai. Hichi bang a pautam leng ka tuak khanaikei, apau lah a ngaihnop huai tel zel a, apau den a gintak louhkal in saupi tuh kana tung ua a inn uh bang kapel man uhi.
Kaleh kik thak zezen ua huai tanhial in bel ka hehtha uh asuak zakta.paupeih leng ka omkei ua. Khamsepa anit toh a zugimtoh kham in kakham zakta uhi.amah leng thakhat in hon dai a ahon khodak a eh hiai eivoi ka inn uh chin akhut ka liang uapat kintak in alakhia a agate uh ahong a alut hi. Lamdang satak in kou lawmta kaki en ua kaki nunghei deklaitak un hey lawmte khawl dih uh chin hon taipawt thak a. Ka maitang uh pil chitak in hon en a, hiai ahi sum apau na, ken sum nei hileng tua non kep non panpihna te uh athawn a hon koihlou di ing a noulah kipak ding. Keilah kipak ding, tuala hicimai, hehkei un a lawmte kipak lua kahi honchi a kenleng a him him a namin bang ale kacih leh gutapa hon chi a nui kawm in innsung a lut ta hi. Society ah sum in na asep dan genna ahi. Atak a katuah ahikei, phuah tawm mai mai ahi. Sum nei leh neilou kal a thulai aki khen dan genna ban ah, sum neite asum uh pau a miten mai et ua a diklouh na natawm uleh sum in liahmang mai a aneilou te bel khauhtak a amohna uh thuak kikeuh tangpi uhi. Hiai ahi i society uh.
©Siamsinna leh Vakiangbu
Comments
Post a Comment