ITLUAT VANG HI
By ~ G Lian Valte
Kon phuaktawm mawk2 de...
©Siamsinna leh Vakiangbu
Kon phuaktawm mawk2 de...
Pawl 9 khawng a hita ding a, apaneu te in apat atai khiak hun in,
amah bel Thanga ahi a, naupang neucik a hihlai a a nun a sihsan, apan
apaneute kiang ah adamsung phial daih di sum tamtak toh a nutsiat hi a,
tuhun tan inbel apa omna gam theihbut hilou hi. Thanga inbel apan
apaisan lai a khomualtan ava khak a apa mel tuciang dong amitkha ah amu
nilouh hi. Pawl 9 asim kum in apaneu te in apat taikhia ahi, aziakbel
suak leh sal bang a bol in aom a, an leng a pengeikei uhi.
Ahongtai nalam ah loubuk khawng ah agiak a kawlkai khawng em in
huaite aan ding in asen hi. Khopi simkhat ah ahongtailut kha a huai ah
nupa neizou mah2 ta neilou khat in ana ompihua, adeihsak mah2 ua amau ta
bang khop in a it uhi. Siamsin nalam bang asunzom sak ua school hoìhtak
ah akai sak uhi.
Thanga bel tagah ahihlam kithei mahleh akingaise kei a lai hoihtak in
ahon simtou a a claz pumpi uah bang 1na in apang gige hi. A
inkianglakte uh Kimi kici a classmate uh aom a amahleng lai asiam mah2 a
5na tan bang in apangzou gige sim hi. Amautegel bel lawm hoihtak
ahongsuak ua, pawl 10 azoh un kimi gamtuam ah kai ding in azinkhia
hi.Thanga bel a omna ten a zinsak phalkei ua akhu mah uah maban asunzom
hi. Thanga leh Kimi bel hun sot ta kimu kei mahle uh kimi suti ahong pai
zel sam a amau leng aki ngaina deuh2 uhi. Kimi in khatvei a uThanga
kiang a it tak2 a hihdan thute a hilh a, Thanga inleng aki muh tung ua
kipat a itna teng2 pia a hihdan a hilh hi.Kimi bel numei fel, kamsiam
leh mel hoih mah2 ahihman in it tu bang ahau a khosung ah le amah
aminthang mah2 h,huci hmahleh aman a uthanga kia a it tinten hi.
Nitak khat Thanga inbel Kimi ava hel leh a kho tangvalte uh mi 4 vel
in kimi ava hel sawm ua alut masa ngam bang aomkei uhi. Kongbul a aki
sawn tuah nilouh ua, alak ua mi khat ahong sawnlut kha uhi. Huaipa lah
zum kisa amai bang san tuai2 zozen in kisuanglah meltak in atu hi...sot
tulou a zumlua a hihman in apaipah ngal hi.Hunte hongpaizel in graduate
di kum ahong hita a Kimi leng inlam hongpai ding cih thu aza amahleng
aguk in ana kipak gu mah2 hi. A omna ten leng hon deihsak mah2 mai ua,
nu-leh-pa bang a, a et ahi hi.
Kimi hongtung di ni ahi ta a Thanga inleng lamen tak in a ngaklah a,
Kimi melmuh kal mah2 angaklah a himahleh nitaklm dak 4 khong a hita a
agari uhbel ahongtung a Kimi melmuh ding aom takei hi. Kimi nu-lh-pate
bang alung kham mah2 ua Thanga leng thu omdan kanciang ding in ahong
potkhe ta hi. Kholak ah nupi 1 in gari a hong tai pasal hon khat in bus
hon khaam ua Kimi udlou sa2 in a hong pikhia uhi a ci hi.
Thanga leng nupi nu lamhilh nalam ah a zan azan in akuan ding in
ahong kisa a, aom na nun bel ana lauhsak mah2 hi. Torch light leh
siikciang khat toi in Kimi zong ding in azan-azan in ahng kuanta hi.
Gari paina nung ahong zui a, lam sautak ahong painung in singnah a
kikhuh gari ahong muta hi..agari abel kuamah aomkei a, himahleh apamlam
deuh ah lampi neucik khat amu a huai ahong zui non hi. Torch toh mial
lak ah ahong pai2 a, mi doilokte ading inbel angam huai hetkei ding,
himahleh aman Kimi a itna ziak liau2 a hi a, lau hetlou in a paingam hi.
Ahehtha bang asuak a lah aki ngaihtuah zek a, Kimi bang ana loh di ua
O? chih khawng in akingaihtuah vung2 zel hi.
Lampi neupen sausimtak ahong zuih nung in thawm ging ahong zata a,
amahleng lamnawl ah tukawm in a ngaikhia hi. Mi nuiging dandeuh khong za
hidan in aki thei hi. Saulou ahong paiphei zek leh a khanglam ah buuk
ahong mu a huai a mei kide vak amu a, mi pauging leh mi nuiging a zata
a, huaite a hi ngei2 ding uh chin in daitak in a hon geem guta hi. Buuk
mialtak khat atuak masa a huai ah mi pauging bangmah a omlouh ziak in
akhang a avak pen anaìhsuk ta hi. Buuk tegel aki gamla sim a, akhangpen a
hong tung in a ngai guta hi.
Alak ua a boss deuh hileh kilawm khat in kei masa din ka hi keizoh
khat - khat a na kikhelh ding uh huaimai in zu dawn phot ni a ci a,
Thanga inleng Kimi buksak pen ah om chih atheiciang a awl in anaihtou
nonta hi. Buk kong bel aki kalh a, sikciang atoi in a kal hongta a asung
a alut leh a it Kimi ana omta hi, daitak in akhut khihna pen aphel a
buk saklam ah aki bu uhi. Hucihlaitak in pasal khat ahong paitou petmah a
buuk kong kihong sa amuh in lamdang asa a adak vial2 laitak in Thanga
in a siikciang tawi in adeek tak a satsak ta hi. Huchi'n Thanga leh Kimi
a zan azan in inlam ah ahong tai uhi...
Huci a inlam ahong tung un zinglam dak 4 bang a gingta hi. Dak 6 lak
vel ding in policete gari tamtak Thanga omna inkiang ah ahongkhawl ua,
Thanga leh Kimi amanta uhi. Station ahong tung un Thanga in thil
omdanteng gen mahleh police officer pan sikciang a, asat pa si a hihlam a
gen a, misi luang ava etpih ta hi, hucih laitak in tualthatna hih man a
khailup a om ding na hi ci in officer pan agenta hi. Huaithu azak phet
in Kimi biang noutak ah khase tak leh nanvual louh in mit tui ahng
luangsuk tah. Uthnga hehpihtakin hon ngaidam in o, kei mohna ngen a hi a
ci a, himahleh, Thanga inbel nang mohna omkei, tualthat ka hi a katan
ding mah a hi aci hi. Nikhat hunpiak in aom a, Kimi toh ki-itak in hunte
ahong zangkhawm ua, aki khelah tuak mah2 uhi.
Khailup ni ding ahi ta a, ki-khailup en ding in mi tamtak ahong
paikhawm ua, aki kou zua2 mai uhi. Mipi kikou ging Thanga in azak ciang a
akhase mah2 hi. Alu teng puanvom a khuhsak in aomta a, khau hual a
ngawng ah a oksak ta uhi. Huchih laitak in misi dak hong ging vol2 mok
a, mipite bang adai sip2 zozen uhi.
Agal gamla simtak ah, mikhat hong tai in hici in akikou hi, "Kimi
lungphu haat in a si" a ci a huaithu Thanga in azak tak in ahong kikou
khet ta a, hiai a gen hi, "Kimi ana ngak in keileng hongpai ding ka
hl".Hiaiteng gengkhin man in angawng ah khau in aki khai ta a, leitung
nusia in a phamta hi.
©Siamsinna leh Vakiangbu
Comments
Post a Comment